لما المشير يبقي الكبير ، لما عنان يبقي الأمير ، لما الجنزورى يبقي الوزير
بــأمــارة ايــه فــيــه تــغــيــيــر....!
لما الشيطان يبقي الضمير ، لما الفلول ترجع تدير ، لما الفقير يفضل فقير
بــأمــارة ايــه فــيــه تــغــيــيــر....!
لما الكبار ياخدوا الفلوس ، لما البوليس يرجع يدوس ، لما عكاشة يرجع يبوس
... ... بــأمــارة ايــه فــيــه تــغــيــيــر....!
لما المحامي يبقي ديب ، لما القانون يفضل يغيب ، لما الجروح ترفض تطيب
بــأمــارة ايــه فــيــه تــغــيــيــر....!
لما الطريق يبقى ضباب ، لما الأمل يبقى سراب ، لما الجمل تكله الذئاب
بــأمــارة ايــه فــيــه تــغــيــيــر....!
لما الكنايس تتحرق ، لما كلامى يتخنق ، لما الأمانى تتسرق
بــأمــارة ايــه فــيــه تــغــيــيــر....!
لما الفتن تبدأ تشيع ، لما السفييه يرجع يذيع ، وإحنا وراه زى القطيع
بــأمــارة ايــه فــيــه تــغــيــيــر....!
لما القانون يبقى كفيف ، لما الشيطان يبقى حليف ، لما جمال يبقى شريف
بــأمــارة ايــه فــيــه تــغــيــيــر....!!
منقول
