10 عدد الردود على هذه الموضوع

[كامل فرنساوى]

اولا اعتذر عن بعض الالفاظ الخارجة هنا

الرجاء التماس العذر لى لان صديقى صديق الثورة
قتل على ايدى العسكر بامر المشير ابن العاص



مينا مات!!!!!!!
مش مصدق ..
ومين كان فى يوم يصدق
انك انت يامينا تموت
وان الجيش عليك هيفوت
... يدهس راسك مليون حتة
وبنيرانو ...... قتل الجتة
واااااااااه يا حنة
مينا مات .... ايوة يا حنة
لسة انا فاكر شكلة.. وصورتة
والا الضحكة كان تشرح قلب العاصى
لسة انا فاكر ومنيش ناسى
يوم الثورة .... كان بينادى
فوقو وقومو يا شعب بلادى
كان لة صوت يهز ميدان
والتعبان والكسلان
والخجلان والضعفان
كان بيقوم مفزوع على صوتة
كان له صوت كان له كلمة
كان له فكر وكان له نعمة
وكان له نشاط
والله انا شفتة بنن عنيا
فى التحرير بيدور حوليا
كان بيكلم يجى خمسين
كان بيثور فى الثوار
كان بيقول
ثورو وثورو وثورو كمان
خلو الثورة فى كل مكان
خلو الثورة للانسان
كان انسان
لا دة كان نبى
كان له نور زى البدر
واحنا كلنا نادرين ندر
بعد يامينا ماخد تارك
وبعد ما يكمل مشوارك
لادبح عجل واوزع ورد
واروح لامك حد البيت
واخد فيدى الطبل البلد
وانا ارقصلك حد الصبح
واروى الشجرة
اللى زرعناها ف التحرير
هاخد تارك من المشير
شايل تارك ليوم الدين
هقتلة امة واختو وعمة
والله يا مينا لاسيح دمة
ابن الواطى اللى ملوش كلمة
اه والنعمة ابن كلب شايل زنب
ابن ......عامل اسد وهو اسد
وابوة اسد تبقى امة اية؟.....
يعنى انا مغلطش فية
مرة يغير فى كلامة
ومرة بيضرب فى الثوار
ومرة يعمل فيها جبان
ومره يصهين ع الجنود
اللى اتقتلو ع الحدود
مرة برة وراجل جوة
ومش بالقوة تعمل راجل
يابن الفاجر ... العيب على امك
لو كانت امك ربتك ... كانت لمتك
عن الازية فى خلق الله
منك لله يابن الظالمة
وحياة امك لافتح راسك
وافتح كرشك ... المشفوط
يا كتكوت .. يا هلفوت
مرة تفوت ولا حد يموت
لعبة امك باظت منك
وصابت مينا اللى ابوه دانيال
ابوه مينا عمال يبكى ويقول يا ضنايا
اوعى تسبنى ... خليك ويايا
وامك تصرخ وااااه يا ضنايا
واه ياحبيبى ... واه ياجرحى واه ياطبيبى
وادى نصيبى .. وميلة البخت المايل يابنى
قتلوك عسكر غصبا عنى ...
جالك قلب يا ولدى تسيبنى
مليت امك وعمك واختك
مليت ناسك اهلك وصحابك
خليك يابنى معاية شوية
ولا شوية كتيرة علية
وانا عم بسمع واصرخ ااه
صاحب الثورة وصاحب الكلمة
صاحب الحق صاحب الضعفاء
كنا نقولو يا مينا يا مسيحى
وكان يضحك يضحك .. واحنا نضحك
اصلى انا كمان كنت مسيحى
والله الكلمة دى بقيت عار
واللى يقولها يطخ بالنار
ياله القصد ... مش مهم
بس انا برضو هاخد تارك
وبرضو هنكمل مشوارك
وامسح بيدى دمعة امك
مع السلامة يا ابو الابطال
يا شجاع يا فارس يا اخويا
الفين بوسة على خدينك
والفين تانى على جبينك
نام واتهنى وادخل جنة او فردوس
واستنانا هناك فاللى

باللى بالك
نام وارتاح

ومتنساش تشفع عنا

صورة مرفقة

• 
• 
• 

[كامل فرنساوى]

Sameh Manssa مينا كان مؤمن جدا بجيفارا وبافكاره وقصه كفاحه ....ويمكن يكون كمان كان مربى شعره ودقنه زى جيفارا..وكان شبهه..لكن اللى مش قادر افهمه هو التشابه الرهيب وراه نفس المصير بينهم 1-جيفارا مات وهو بيحارب قوات جيش عسكريه..ومينا برده نفس ...الفكره . ... 2-جيفارا مات بعد الحكم عليه بالاعدام رمى بالرصاص ..ومينا برده مات برصاصه فى صدره. 3-جيفارا مات الساعه 10مساءا بتاريخ 9/10 ...ومينا برده مات فى نفس التاريخ تقريبا فى نفس الوقت. 4-جيفارا كان بيحلم بالحريه وبحياه افضل لبلده بمنهج الفكر الثورى ...نفس الفكره لمينا ونفس الافكار كان مؤمن بيها. تقريبا لو قعدنا نحسب كل جزئيه هنلاقى ترابط وتشابه غريب بينهم فى الفكر وفى اسلوب الحياه والدعوه الى الاعتصامات والمظاهرات والاشتراكيه وحتى الشخصيه الثوريه ....وانا محتاج افهم ازاى التشابه ده هل هو صدفه ولا ايه حد يجاوبنى؟.......................وهل فكره الايمان بفكر وبطريقه تفكير والتشابه بشخص ما بتادى فى الاخر لنفس المصير اللى لقه الشخص ....ولو الفكره دى صح ده معناه ان فى طرق معينه وافكار ممنهجه وترددات فكريه كل منها لها نهايه شبه محدده ومتشابه لكل من فيها.ده حقيقى؟؟!!.......

[Noura anwar]

أود أولا أن أعزيك ..أنا أختك نورا مش هقولك مسلمة عشان مفيش فرق بين مسلم ومسيحي و اقولك البقاء لله يا أ/كامل ..و بجد أقدر وأعلم مدى تأثرك بموت الاخ مينا ولكن ان شاءالله شهيد في الجنة .. و أستطيع ادراك الالم الذي تعانيه من خلال تتبع كلماتك ولكن بخصوص الشطر الثاني أود أن اعلق على تشابه مينا بجيفارا فأقول لك ان الابطال ليس لهم ميعاد و لكن التشابه يكمن في الحقيقة من خلال تشابه ارادتك القوية و الحلم بالحرية و الشبه وايضا هنا شبه وارد بين الشخصيتين في عديد من السمات من خلال مقارنتك .. وبالتالي تتكرر هذه الشخصية ولكن باختلاف الملامح ..و اني اقول لك ان هناك العديد من جيفارا في العالم بأسره مع اختلاف الملامح ولكن هنا اقول لك اننا كلنا متشابهون في البحث عن الحرية ,.. اكرر تعزيتي و تقبل مروري ..

[samir]

البقاء لله اخي كامل عبرت عن غضبك وغضب كل مصري حر

وقلت ما كان يختلج صدر الجميع

تقبل مروري اخي الكريم كامل

[كامل فرنساوى]

اشكرك اختى نورا .....
انا لا فرق عندى بين مسلم ومسيحى ...
انا ابكى على الدم المصرى الذكى

[كامل فرنساوى]

اشكرك د/سمير على شعورك الطيب

[NASSER]

اشكرك اختى نورا .....
انا لا فرق عندى بين مسلم ومسيحى ...
انا ابكى على الدم المصرى الذكى

طب منتا حلو اهوه امال داخل جوه تحرق دمي ليه !

البقاء لله يكامل وارجو ان لا تزيد الفتن بين الناس بقصدٍ أو عن غير قصد.

[كامل فرنساوى]

اخى انا لم اذكر مسلم ومسيحى ...
انا اتحدث الى المجلس العسكرى مدر الفتن ......
وصمت الصامتين ايضا يدر الفتن.....................

[حرفوش المجذوب]

خالص العزاء اخي كامل في كل ثائر كان مخلصا لوطنه مدافعا عن كرامته
اما النص فقد بدأ شجيا شاعريا بالطبع فكرني برائعة نجم جيفارا مات ولم الملم افكاري حتي جاءت مقارنتك لتؤكد حدثي
لكن الشعر دائما أرقي من الشتائم حتي لو لمن يستحقها والهجاء في الشعر فن رائع ومميز ولكن محبتك وحماستك ونار الغضب غلبت شاعريتك في باقي النص

[كامل فرنساوى]

اشكرك عزيزى ... وانا اعرف ... لذلك قدمت اعتذارى ........ احبك

[دوشة كبيرة]

عاطفة مدمرة سقيت كل حرف من حروفك

حزن وألم شديدين

رغبة في الثأر والانتقام من الطاغية

رثاء مؤلم لصديق وأخ ورفيق درب

وزهرة نبتت في قلب صحراء الفساد

لك مني كل مودة وتقدير

ولن أعيد كلام من سبقني بأن الشعر والشهيد الراحل أرقى بمائة مرة من ذلك الطاغية الفاسد الذي لا يستحق