يا بنات الموضوع دا انا جيباه بعد تجربه طبعا والله ربنا شاهد عليا انى جربت كل شئ فيه
وقولت لازم افيدكم لانى عارفه العناء اللى بنشوفه ف الشعر
نبدأ بسم الله الرحمن الرحيم
اولا يا بنات والله والله انا شعرى كان بيقع خصل كلها بسبب الانيميا الحمدلله دلوقتى اللى بيقع بسيط جدا الحمدلله هقولكوا بالتفصيل اللى انا عملته
_________________________________
الادوات (بخاختين -سدر مطحون لو ملقتيش هاتى ورق واطحنيه ف البيت -روز مارى -نعناع -حزمة جرجير -زبادى -بذرة قطونة )
______________________________
اولا :مغلى السدر
اول حاجة هتجيبى حاله حطى فيها مايه بس كميه كويسه لان هتتبخر وهتتبقى حبه منها يعنى حطى كتير تانى حاجة خدى معلقتين سدر مطحون وحطيها فيه وكميه من الروز مارى والنعناع متساويه وبعد كدا سبييه يسخن ع نار هاديه لمدة ساعه متخافيش مش هيفور ولا حاجة اهم حاجة نار هاديه بعد الساعه اقفلى عليه وسبيه ساعتين والحله متغطيه وبعد كدا افتحى الحله وخديه صفيه بالمصفاه وبعد كدا صفيه تانى بحته قماش بيضا لان هيبقى ف شوائب وبعد كدا حطيه ف البخاخة وكدا بقى عندنا مغلى السدر
_________________________________
فوائد مغلى السدر: بيطول الشعر حتى لو مش بيطول بيفرده وبيغذيه ونتيجته ممتازة واعملوا كمان بحث عن فوائد السدر للشعر
_________________________________
الاستخدام :هتقسمى شعرك 4 اجزاء وتحطى منه اول ما تصحى الصبح وتسبيه اوعى تنشفى شعرك وتعملى لشعرك مساج وتلمى شعرك عادى
________________________________
تانى حاجة مغلى الجرجير
هنجيب حزمه جرجير ونغسلها كويس ونقطعها ونحطها ف الخلاط ونحط عليا كوبايه مايه ونضربها وبعد كدا هنجيب حله ونحط فيها مايه ونحط فيها الخليط اللى ف الخلاط كله بالمايه اوعى تصفيه وتحطى الحله ع النار لمدة مش كتير بالكتير اوى نص ساعه وتصفيه بنفس طريقه السدر المصفاه وبعد كدا حتت القماش وتحطيه ف البخاخة التانيه
_________________________________
طبعا الكل عارف فوائد الجرجير للشعر بيتقل الشعر وبيطول ونتيجته تحفه اصلا للشعر
________________________________
الاستخدام:
هتحطى منه قبل ما تنامى وتقسمى شعرك بردوا 4 اجزاء وتعمليله مساج وتسبيه بردوا اوعى تنشفيه
_______________________________
اهم حاجة بقا يا بناااااات من كل دا طبعا عارفين كل الزيوت اللى بنجبها من الاخر مضروبة ومش بتجيب نتيجة هنعمل احنا بقا بادينا الزيت بتاعنا
هنعمل ايه بقا اول حاجة هنجيب زيت بارافين من الصيدليه
تانى حاجة بقا هتجيبى اى زيوت مفيدة للشعر انا هقول الزيوت وفوائدها
خروع بيتقل الشعر ولو ف مكان مفهوش شعر بيطلع تانى
زيتون بيتقل الشعر وبيلمعه
جوز هند بينعم الشعر جدااا
زيت البقدونس بيطرى الشعر
زيت النعناع بيمنع القشرة من الشعر وبيديله لمعه وبيتحط للشعر الجاف وبيخليه طرى
زيت جنين القمح بيدى غذاء للشعر
هاتى كل الزيوت دى وحطيها ع بعض واى زيوت تانيه انتى عرفاها كويسه للشعر هاتيها من عند العطار طبعا
وحطى كميه من كل واحد فيهم ف طبق وبعد كدا هاتى زيت البارافين
هتخففى بيه الزيوت دى وهيبقى الزيت بتاعك مش تخين ولا تقيل هيبقى زى الزيت اللى بنجيبه من الصيدليات وكدا بس مش مغشوش زيهم طبعا وكل يوم حطى منه 3 مرات واتفرجى ع النتيجةةةة وادعيلىىىى واهم حاجة تقسمى شعرك بردوا 4 اجزاء وتحطى ع شعرك كويس وتغذى بيه فروة راسك كويس اوى
________________________________
ف خلطة تانى بردوا تحفةةة للشعر كلنا سمعنا عن النخاع والكلام دا اللى هقوله شئ بداله وطبعا مش هنتعرض لريحة النخاع اللى زى الفل
هتجيبى علبه زبادى وبذرة القطونة من عند العطار جيبى زى متحبى ب 2 جنيه اى شئ زى ما تحبى
وحطى كميه من بذرة القطونة ف مايه سخنه وسبيها لمدة نص ساعه هتلاقى عندك خليط زى الجيلى كدا هتخطى الخليط دا كله بالبذرة ع عليه الزبادى وقلبى وقلبى وقلبى وحطيها ع شعرك لمدة ساعتين وغطيه ب شنطة كيس بلاستك حاجة من دى واغسلى شعرك بس هتغسليه تحت الحنفيه ومعاكى مشط ف ايدك زى الشاطرة عشان تشيلى البذر من شعرك واتفرجى ع النتيجة تطويل للشعر ف مدة قصيرة جدااااااا
ونعمان ورطوبة وزى الحرير ولا بقا حمامات كريم ولا زيوت ولا الكلام دا كله ومتنسونيش من دعائكم يا بناااات
ويااااااارب كل واحدة تشوف شعرها زى ما بتتمنى يااااارب
_______________________________
وفى الاخر شويه نصايح يا بنات ياريت نستعمل المشط الخشب لان المواد التانيه بتتفاعل مع الشاعر وبتسبب تقصفه وسقوطة وكمان لازم نلبس طرحه قطن تحت الطرح عشان بردوا المواد التانيه بتتفاعل مع الشعر وبتعمل شحنات
استودعكم الله
