يا حبيبتى يا مصر .. بحبك اكتر ما تتصورى .. طب بصى
شوفى منظرى ساعه ما قالوا الثوره قامت ..دموع الفرح
نزلت وقلت الامل رجع تانى بعد اما قلت الوقت فات .. بعد
السنين دى من السكات.. ولقيت جوايه طاقه جباره .. والناس
بيقولوا عليكى منهاره .. فكرت انى لازم ابنيكى واعليكى
واخليكى احسن بلاد الدنيا .. لكنى لقيتك لسه بتعانى .. ما بين
ليبرالى وعلمانى ..وبقايا من نظام فاسد بتنهش فيكى وتخرب
وقالوا البلطجه زادت وخلو الشعب يتكهرب .. وناس طمعانه
فى مناصب وناس طمعانه فى السلطه .. لقيت الوضع بقى
سلطه .. وشهدا دمها رايح .. وامه دمها سايح .. وانا محتار
ما بين الاتنين لانا عارف انا جاى ولا انا رايح .. قلت
الاعلام ينورنى يصورلى يورينى .. لقيت اعلام مضللنى
مشككنى مورينى حقيقه بس بالمقلوب .. زى الترجمه الصينى
.. لقيته بيسخر حتى من دينى .. قالولى يا سلفى يا مقطع
ودان الناس .. وانا عمرى لا شفت ودان بتتقطع ولا عمرى
اذيت الناس .. يا بلدنا ان الاوان قومى وارفعى راسك
..هتبقى ملكه على عرشك ودينك تاج على راسك .. ودين الله
هيحكمنا ويبقى السر فى خلاصك
هذا الموضوع تم نشره على الغلاف
