أيها الرجل من فضلك...إنكتم !!

[نور محمد]

منذ صغرى وانا احب الهدوء والسكينة " وليست السكيِّنة "

لكن يبدو أن ليس كل ما يتمناه المرء يدركه ...فكثيراً ماكنت استيقظ "مسروعة" على صوت جارنا وهو يصيح بصوتٍ جهورى معنفاً إمراته واولاده ...وحيث أن البيوت أسرار , وأنه اذا عرف السر فوق الثلاثين شخصاً فإنه لايصبح سراً فأنى لن أقول ماذا كان الجار

العزيز يتغنى به ....


كرهت نفسى حقاً ... فبينما كنت اتمنى أن أصحو على صوت موسيقى هادئة ...فإنى كنت أستيقظ على صوت هذا الرجل _ يالها من أحلام سعيدة حقاً _


كما ان فى أيام الدراسة عانيت الأمرّين من أساتذتى ..


إنتِ يابنت خشى جوه ...


إنت ياولد إن ماربيتك ....


ياخايبين ياللى بيكوا ياللى عليكوا .....



فأضع يدى على رأسى متمنية أن تظهر فجأة أمامى كورة شراب كى أحشرها فى حلقه لعله يصمت قليلاً ...


يالها من ضوضاء ......
مامااااااااااااااااااا قوليلها تدينى روبع جنيه


ماماااااااااااااااااا قوليلها تاخدنى معاها وهيا طالعة


مامااااااااااااااااااااااااا



يبدو أن الرجال ليسوا المصدر الوحيد للضوضاء إذن !!!! فها هو أخى شاب من شباب المستقبل يصيح بصوت جهورى أيضاً ...بيتدرب أكييييييد

حتى فى الفترة الذهبية لكل اثنين ...فترة الخطوبة السعيدة !!
كثيراً ما كنت أسمع الموشحات من عريس الهنا ...
إزاى تروحى تزورى عمك من غير ماتقوليلى ياهاااااااانم

إزاى ماترنيش عليا بعد مارنيت عليكى؟؟؟ أنتى بتنفضيلى ولا ايه ؟؟؟


حتى بعد الزواج حيث الأحلام الوردية بحياة هادئة وقطاقيط حلوين !!! ابت الحياة منحى ما أريد !!
انتى يا هاااااانم فين القميص الأبيض ؟؟؟

انتى يا أوستاذة ...فين البنطلون الحكلى ؟؟؟؟


فأبتسم ابتسامة صفراء قائلة وأنا أجزّ على أسنانى من الغيظ : البس النضارة ياروحى .. وأنت تشوفهم مكان مابحطهم كل مرة .


ناهيك عن الأولاد

ماماااااااااااا عايز سندويتش جبنة على فول على بيض مع بعض

مامااااااااااا ودينى لتيتة

مامااااااااا عايز آجى معاكى السوق ...


هذا غير صوت البلاى ستيشن والكومبيوتر الذى يسمع صوته القاصى والدانى .....

وبعد ما كبروا .....

ماماااااااااااا أكويلى البنطلون الجينز عايز أخرج

ماماااااااااا
ماماااااااااااااااااااااااااا

ياربى متى أرتاح !!!!!!!!!!
كم أتمنى أن أسافر الى جزيرة بعيدة أعيش فيها آخر أيامى فى هدوء كما تمنيت طوال حياتى ...
لكن كما قلت ...ليس كل مايتمناه المرء يدركه .....



الحقيقة انى عشقت فى آخر حياتى الهدوء كما كنت دوماً ...ولكن زيادة عليه عشقت السكيِّنة وليست السكينة

ومعها عشقت الأكياس البلاستيك ...!!



انتى يا هاااااااااااااااانم ...فين القميص الأبيض ..

بعد إذنكم هاروح أجيبلوا سكيِّنة ......قصدى هاروح اناوله النضارة .. ...



عاااااااااااااا

[نور محمد]

امنية من امنيات حياتى انى اعرف اكتب كويس
وحيث انى لسه بتعلم ...
فالموضوع دا الصراحة مكانش فكرة طقت فى دماغى منى لنفسى كده
انا كتبته بعد ماقريت يانساء العالم انكتموا للفاضل الاستاذ مصراوى بجد
من باب تقليد الصغار للكبار

محدش يزعقلى انا لسه بتعلم

[مهاب]

العزيزة نور ..

كل ما ذكرتيه صح .. لكن أعتقد مش قصدك التعميم .. مش كده ؟

هو التصرفات الاعتمادية من الرجل على المرأة ( فين القميص الابيض .... الخ ) يعنى بتتم أحيانا بصورة مبالغ فيها ، وبيتم اعتبارها على أنها واجب على المرأة وحق للرجل .. ولكن الواقع أن كل ده هو مجرد تفضل من المرأة مش أكتر .. بمعنى أنه لا يوجد فى الدين شيء يوجب المرأة أنها تعمل كوووول ده ..

هو يمكن الموضوع انتشر باعتباره حق للرجل أنه يمرمط مراته ، ويخليها تعمل ألف حاجة فى نفس واحد .. وكمان عاوزها تتزين وتتجمل عشان خاطر مزاج سعادته .. وطبعا مع أقل تقصير فى أى شىء _ رغم أن كل الى بتعمله ده تفضل منها _ تلاقيه عمل أبو الرجال ويصرخ زى عنترة هاااااااااااااااااااااااااااااااااااااع ، ويبدأ وصلة الشخط فيها ، وممكن بالمرة برضه يعدى على ولاده يديهم مالحب جانب .. على اعتبار ان الرجولة هى مجرد اهتزاز أحبال صوتية .. وان كلما زاد الصوت غلظة زاد الرجل رجولة !!

مع إن أصلا الصوت الخشن فى الرجل لا يدل على الرجولة ، ولكنه خاصية من خصائص الذكر فى الانسان ، يعنى خاصية تشريحية مش أكتر .. إنما هيهات بين الى بيحصل ده وبين الرجولة الحقيقية ..

المرأة بتقوم بدور عظيم فعلا _ خاصة لو كانت أم _ .. وانا ماعرفتش ده غير متأخر ، أما بدأت ألاحظ الى أمى بتعمله .. وكمان لما بدأت ألاحظ الى أختى بعد ما خلفت بتعمله مع ولادها (بالاضافة انها بتشتغل) ..

صراحة .. أى حد عنده دم المفترض يقدر المجهود الكبير الى المرأة بتبذله فى البيت .. أنا لو اتعرض عليا أشتغل فى البيت بدل مراتى _ فرضا _ هارفض رفض قاطع ، لأنى عارف أد ايه الشغل ده متعب .. وعلى ما الشغل ده متعب على أد ما هو شىء عظيم فعلا .. بس للأسف مين بياخد باله من ده ؟؟

هو للنوعية الى اتكلمت عنها دى من الرجالة ، فانا احب أقولهم معاكى .. روحوا إتلهوا على عينكوا ، لأنكوا لو كنتوا تعرفوا حاجة فى دينكم ماكنش حالكم بقى كده ..

إمتى الناس تبدأ تفهم حاجة فى حياتها بقى ..

[تقية]

نور الموضوع يجنن وفعلا خرجنى من اللى كنت فيه<!--StartFragment -->
بس هسألك سؤال <!--StartFragment -->
من قالك الكلام ده<!--StartFragment -->

ماماااااااااا
ماماااااااااااااااااااااااااا

ياربى متى أرتاح !!!!!!!!!!
كم أتمنى أن أسافر الى جزيرة بعيدة أعيش فيها آخر أيامى فى هدوء كما تمنيت طوال حياتى ...
لكن كما قلت ...ليس كل مايتمناه المرء يدركه .....



الحقيقة انى عشقت فى آخر حياتى الهدوء كما كنت دوماً ...ولكن زيادة عليه عشقت السكيِّنة وليست السكينة

ومعها عشقت الأكياس البلاستيك ...!!



انتى يا هاااااااااااااااانم ...فين القميص الأبيض ..

بعد إذنكم هاروح أجيبلوا سكيِّنة ......قصدى هاروح اناوله النضارة .. ...



عاااااااااااااا <!-- / message --><!-- #### SHOW REPUTATION GIVEN IN POST START - BY LEVI THORNTON #### --><!-- #### SHOW REPUTATION GIVEN IN POST END - BY LEVI THORNTON #### --><!-- sig -->

أصلى بجد بدور على جزيرة بعيد أو هضبة عالية<!--StartFragment -->
مش هروب لالالالالالالالا فترة نقاهة وحياتك<!--StartFragment -->
أستاذة يا نور
وحاسة بيا كمان
تحياتى

[شجر اللمون]

آآآآآآه يانوور كلامك صح جدا جدا

مصيبة إن محدش بيقدر تعب حد،المفروض تعملي كذا،المفروض تقولي كذا،المفروض تروحي كذا،تشتري،الخ الخ الخ

خنقة:(

موضوعك جميل علي فكرة،تحياتي

[حزمان]

يا نور ريحي أعصابك

لن ننكتم أبدا
لن ننكتم ابدا طالما هناك نساء
لا تنتظري ان ننكتم و انتم هنا
انا بقالي أسبوعين قاعد لوحدي في البيت
و كنت بعمل كل حاجة بنفسي
و لما الحاجة جت النهارده من السفر
سمعتها بتقول نفس الكلام
الله يكون في عونكم

[هريدايه]

نور منى ليكى دى كلامك تحففه يجنن
ربنا على الظالم والمفترى . . الى يعمل روميو قبل الجواز وشارون بعد الجواز

جيبتى لكل الى مش متجوزين عقده
فلتحيا العزوبيه بلا عيال بلا جواز بلا قرف

[ماســــه]

نووووووووووور

ياعينى

اممممممممممممممممممم

لالالالالالالالالالالالالالالالالالالالالالال ا

دى محتاجة معونة

اتبرع ولو بسكينة واحدة

يلاااا كله يتبرع

بس انا كريمة هاتبرع بساطور والاكياااااس الى هاتقطعى فيهاااااا من عندى....

[ماســــه]

يا نور ريحي أعصابك

لن ننكتم أبدا
لن ننكتم ابدا طالما هناك نساء

اكيد مش هاتنكتم

طووووول ماانت عماااااال تقول مافيش يتبع

وانت عايز الكلمة دى تخليك تقفل بقك

[خاطب الحور]

أنتي ها تقوليلي يا " نور " ، الصراحة الستات هما آخر ناس يتكلم عن الهدوء
ياحلاوتهم وهما بيزعردوا لما يكون فيه فرح ، صوتهم يجيب الطرش
ولا لا قدر الله لما يكون فيه ميت ، صويتهم يقتل اللي لسه عايش
ولا لما تسمعي واحدة بتشخط في ابنها الصغير ، آخر يوم في عمره ، كأنه هربان من جوانتانامو
ولا يا سلام لما يقعدوا يتكلموا على التليفون 3 ساعات ، ربنا يكون في عون التليفون
وها قول إيه ولا إيه ، ملوش لازمة
السكوت أحسن

Good bye

[scream_ok]

المشكله فى الروتين اللى بعد الجواز . يا اما الست تطهق الراجل فى عيشته بروتين موحد بعد الجواز بشهر او اتنين ونفس الكلام على الراجل بس هنا بنقول ان الست هى اللى بتظبط البيت على مزاجها ما بيقولوا ست البيت يعنى البيت ده مملكتها وهى اللى تعمل كل حاجه فيه بمشورة جوزها ومن خلال قرارتها وتصرفها فى البيت ده اللى بيجيب رد الفعل من جميع افراد الاسره والست الذكيه هى اللى تعرف تخللى جوزها طاير بيها وبدل ما تسمع السرينه بتاعته طول اليوم هاتسمع كلمات الاطراء . يعنى مثلا فيه ستات تلاقى جوزها راجع من الشغل متعكنن ومديها حرف 88 على وشه لو كلمته بتسأله فى ايه ممكن يهب فى وشها ولا بوتاجاز 50 شعله تروح هى التانيه ضاربه 88 على وشها والبيت كله يتعكنن . وكده شعللنا البيت ونكدنا على البيت . كلنا عارفين ان الراجل بطبعه مغرور وده اعتراف والست الذكيه هاتعرف ترضى غروره حتى لو بالكدب وهايشيلها فوق دماغه من فوق وأؤمرى يا ست طلباتك مجابه .. دى وجهة نظرى . فيه ستات مستعده انها تعمل كده وفيه ستات على اهبة الاستعداد للمعارك وشد الشعر وتقطيع الهدوم واسمعوا يا ناس واتفرجوا يا عالم والناس هاتقول ايه غير ان البيت ده صوته عالى وناس مزعجين وزى ما قلنا ان الست هى ملكة البيت يعنى الناس لو خدت فكره وحشه هايجيبوا اللوم على الست والراجل الملام الاخير ........... السكوت والسكينه فى يد المرأه والسِكّينه فى اليد الاخرى عليها استخدام الافضل والاصلح ..
تحياتى

[فارس ذو جواد]

هههههههههههههههههه
عندك حق والله
الرجل اليومين دول نص مرجلته جاعورة
سيبينى بقى اضحك شوية
هههههه
ههههههههه
هههههههههههه
هههههههههههههههههههههههه

[مصراوى بجد]

أختى الفاضله
معلش مش حقدر أنكتم هنا
كتبتى فأبدعتى ووجب على التثبيت
الموضوع رائع وفعلا كثير من الرجال يعتقد أن قوة الأحبال الصوتية تتناسب مع مقدار الرجولة
إن المشكلة تحدث عندما يغيب عن الرجل أن الرجولة معناها اخلاق سامية و تصرف محترم وكلمة صادقة و عطف وحنان على من حوله ، ينسى هذا كله ويحصر دوره فى .... الصراخ
لك منى كل التقدير

[أبوعمر]

قال إنكتموا قال

[مش مقتنع]

امنية من امنيات حياتى انى اعرف اكتب كويس
وحيث انى لسه بتعلم ...
فالموضوع دا الصراحة مكانش فكرة طقت فى دماغى منى لنفسى كده
انا كتبته بعد ماقريت يانساء العالم انكتموا للفاضل الاستاذ مصراوى بجد
من باب تقليد الصغار للكبار

محدش يزعقلى انا لسه بتعلم

أفندم ..!!


انتي كدة مابتعرفيش تكتبي !!

دا أنت كنت بفكر آجي أخد كورس عندك .. ,
دا إلا إذا كنتي ناقلة يا هانم

مامااااااااااااااااااااااااا فين فردة الشراب التانية

<!-- / message --><!-- #### SHOW REPUTATION GIVEN IN POST START - BY LEVI THORNTON #### --><!-- #### SHOW REPUTATION GIVEN IN POST END - BY LEVI THORNTON #### --><!-- sig -->