شركة المرعبين المتحدة

[sabrena]

اخيرا عررررررررررررررفت
صدقونى عر فت
تخيلواااااااااااااااا?????????

يووووووه
معلش الزهيمر
نسيت اقولكم عرفت ايه
عرفت فين المقر الرسمى لشركة المرعبين المحدوده
واللى مش عارف هى ايه
هقولكوا ببساطه انه فيلم
كان بيحكى على نوع عجيب من المخلوقات
حياتها كلها قائمه على الطاقة اللى بتاخده من صراخ ورعب الاطفال

وقبل ما تقوليلى فين هاا فين؟؟؟؟؟؟؟؟؟
اقولكوا الاول ايه اللى حصل

فى صديقة عزيزة جداااااااااااااااااا

فى يوم تعبت حبتين
يعنى
حاجه بسيطه بتحصل لينا كلنا
شوية صداع
على حبة دوخه
على معلقتين عدم اتزان

وبما انها بنت الناس الكويسينB)
ما عملتش زينا وقالت دا اجهاد
قالت اروح اكشف
وفعلا راحت المستشفى تكشف

راحت لاول دكتورة
قالتلها على الاعراض
الدكتورة قالت اعملى تحاليل

راحت عملت تحااااااااااااليل كتيرررررررررررر
وطبعا اترزعت كام حقنة
ومش هقولكوا على رعبها من الحقن
وفى الاخر
لا طلع فى سكر ولا ضغط
قامت الدكتورة حولتها
لدكتور انف واذن وحنجرة
وبعد ما خرم ودانها وبوظ مناخيرها
وطبعا منظره وهو بيعمل كده رعبها
لانها حسيت انه معاه قرار ازالة
مش بيعمل فحص

وبعد رحلة العذاب والضنا
قالها لازم احولك على دكتور عيون
ولازم يتصل بيه عشان احضر الكشف
ونقرر الحالة ايه

وبعد ما حولها لدكتور العيون
اللى حوالها بالكشاف الصغير اللى بيلعبه بيه ده
قعدوا هما الاتنين يتناقشوا ويتباحثوا ويتداولوا

وبعدين تكرموا وتعطفوا وعبروا الجته اللى مرميه فى اوضة الكشف
وقالولهاB)
احنا توصلنا لتشخيصين
بس مش هنتاكد الا لما نعمل اشاعه مقطعية على المخلص
التشخيص الاول هو
ال ام سى
انا صاحبتى قالت فى نفسها يا الف بركة
يا الف نهار ابيض

كده بابا هينبسط انى هوفره فى الجهاز
وانى بشتغل غساله بعد الضهر
ومش اى نوع
دى غساله ال ام سى

اما التشخيص التانى
الا وهو
ورم فى المخلص
...............................................

وطلعت صاحبتى من جوه
وهى مخبوطه على دماغها ومش شايفه ادامها
وحاسه ان الدنيا ساكته
ونازل تتر
المرحوم عبد الحليم
فى يوم..تتن
فى شهر..تتن
فى سنه...........

طلعت من المستشفى اخدت ياسمينه
وقعدت تلفى فى الشوارع وهى مش عارفه هو مين مع مين؟؟؟؟؟؟؟؟؟؟

واحد يسالنى مين ياسمينه؟؟؟؟؟؟؟؟؟
ها مين؟
بززززززززززززززززمتك ده وقته
وعلى العموم هرررررررررررررد

ياسمينه دى عقبال املتك عربية صاحبتى
مش بقولكوا بنت ناس كويسين
المهم اكملكوا

وفى الاخر ولما رجعت البيت
واضطريت تقول على اللى الدكاتره قالوه
مامتها تعيييييييييييييييييييييييييييييييييييييييييييييييي يييييييييييييييييييييييييييييييييييييييييييط
واختها تعيييييييييييييييييييييييييييييييييييييييييييييييي ييييييييييييييييييييييييييييييييييييييييط
ولقيت نفس التتر نزل تانى
فى يوم..تتن
فى شهر..تتن
فى سنه

وفجأة انقلب البيت اللى كل ضحك ولعب
لبيت حزين ومستنى خبر يا عالم هيقدروا يتعاملوا معاه ولا لا

ساعات صعبه جدا
ودقايق مرت كأنها ايام وشهور
لحد ما عرفوا نتيجة التحاليل


وكانت النتيجة
اللى دكاتره المستشفى كلها اجتمعوا عليها
ان الحكاية كلها مجرد
انخفاض لنسبة الهوموجلوبين فى الدم

طبعا الدكاتره وهما بيقولوا كده كانوا متخيلين ان اللى ادامهم هتطير من السعادة وتقوم ترقع لها زغرودتين

فى الوقت اللى كانت صاحبتى هتطق فيه من جنابها وعاوزاه تقوم تكتب على المستشفى هنا مقر حركة طالبان

وهى دى بقى شركة المرعبين

طيب اللى بيحصل فينا دا حرام ولا حلال؟؟؟؟؟؟؟؟؟؟

المفروض ان اللى يقول التشخيص ده يبقى طبيب
اللى هى جايه من طب
كلمه تحس فيها بطيبه او طبطبه

مش حد يروح سكعك تشخيص
لو انت كويس هيجيلك علل الدنيا ويكومك مكانك

وبعدين ياريت جات على المريض وبس
دا اهله كمان
ويا عالم مين فيهم ممكن يستحمل خبر زى ده

انا بقى عندى احساس ان الدكتور بقى سوبر ماركت
تروح تقوله هات بجنيه حلاوه
يقولك مش عارف فى حلاوه ولا لا
بس فى مش اجبلك؟؟؟؟؟؟؟؟؟؟؟؟؟؟؟؟
يا دكاترتنا
حياتنا بقيت كلها مش
شوية حلاوة الله يخليكوا
واحنا راضين بربع جنيه بس
بلاش بجنية

ودلوقتى لازم اقول الف حمد الله على سلامتك يا نورماندى
هى اخدت المش من اسبوع
بس الحمد لله قامت لينا بالسلامة

اه على فكره
قبل ما اتحدف بالطوب من قبل دكاتره القهوه الكرام
خصوصا العياده الهريديه
بقول دول نوعيه من الدكاتره

ودكاتره القهوة دول ما شاء الله عليهم
ربنا يحرسهم لينا
ومستنيه مرورهم وردودهم طبعا

تعليق اخر
تقرر مؤخرا
تغير اسم الشركة الى
شركة المرعبين المتحدة
وذلك بعد ما ثبت اتحاد الدكاتره فى كل انحاء المعموره على موقف الرعب المتحد ضد البنى ادامين العيانين

[sabrena]

على فكرة مستنيه ردود واحداث حصلت مع شركة المرعبين
هااااااااااااااااااااااا
مستنيه

وانا شخصيا هبداااااااا
كنت فى اعدادى
وعندى شويه كحه
رحت اكشف عند الدكتور ومعايا السيد الوالد

انا اللى فاكراه قانى كنت بكشف على كحه
يعنى حراره
وسماعه
وخلصت الليله

لكن حسيت انى دخلت فى مدبح مش فى عياده

لقيت الدكتور بعد ما كشف
قالى هاتى ايدك
وجاب دبوس وقعد يشكنى فى كل ايد مره ويقول انهى بتوجع اكتر
ونفس الموضوع فى رجلى

وبعدين جاب الشاكوووووووووووووش
تخيلوا الشاكوش
وقعد يضربنى فى ركبتى

وفى الاخر بصلى بصه غريبه
على اساس انى كائن يستحق الدراسة

وقال لبابا
محتاجين رسم قلب
طبعا مش لازم اوصف اصفرار وش ابويا الحاد
مع اننا مكناش فى موسم الليمون
ونظرة الرعب اللى فى عنيه

وانا بما انى متابعه جيده للافلام
خصوصا الافلام النكديه اللى كانت بتتعرض قلبها
عارفه ان البطله بتحط ايدها على قلبها وتقول ااااااااه
وتعمل رسم قلب
ويبقى عندها حاجه خطيره
وتعد تقول وصيتك العيال

المهم ابويا سال الدكتور بكل براءه
حضرتك شاكك فى ايه يا دكتور
قاله
فى الحقيقه مش هقدر اجاوبك لانى عارف قلق الاهل

طبعا الكلام شارح نفسه

انا ما صدقت
عشت الدور B)
واترميت فى السرير ومش رحت المدرسه لمده اسبوع
وكل شويه اقول اه
زى اللى كنت بشوفها فى الافلام

بس باب قال يستشير دكتور تانى
الدكتور التانى قال
مين ..تييييييييييييييييييييت.. اللى قالكوا كده (مونتاج)
البنت كويسه دول شوية برد

مش بقولكوا مرعبييييييييييييييييييين

[السهم المنطلق]

للاسف الشديد نفس المشاكل اللى بتحصل
اخطاء الاطباء الغريبه
ما هو من كتر الناس اللى بتدخل كليه الطب.....اكيد كل لما العدد بيزيد بتقل الكفائه ..حل المشكله دى انهم يقللوا عدد الطلاب اللى بيدخلوا الكليه ويعلموهم صح


ااه صحيح هو فيلم شركه المرعبين دا مش بتاع محمد هنيدى بردوا

[sabrena]

ما هو من كتر الناس اللى بتدخل كليه الطب.....اكيد كل لما العدد بيزيد بتقل الكفائه ..حل المشكله دى انهم يقللوا عدد الطلاب اللى بيدخلوا الكليه ويعلموهم صح

والله على رايك
وغير كده ياريت يدرسوا ازاى الدكتور يتعامل مع مريضه
يعنه ما يضربوش بحيطه فى وشه
والمريض جاى عشان يطمن

ااه صحيح هو فيلم شركه المرعبين دا مش بتاع محمد هنيدى بردوا

اه اه هووووووووه
دا تحفه
فيلم جاااااااااااااااااااامد مووووووووووووووووووووووووووووووووز

[طاير يا هوا]

لا يا جماعه اخطاء الاطباء مش بس سببها الجهل سببها الاكبر قله العنايه والتركيز
الاطباء فى مصر ببساطه عارفين انه ليس هناك رقيب ولا حسيب على تصرفاتهم وده للاسف بيشجع على التجربه فى المرضى والاهمال فى التعامل معهم . فى معظم الدول العربيه بلاش الاوربيه هناك حساب شديد جدا للاطباء وقوانين صارمه جدا تحد من مستوى اهمالهم يعنى الطبيب يبقى بيرجف وهو بيكشف على المريض واللى يغيظك ان الطبيب غالبا مصرى . يعنى انت بره دكتور وفى بلدك مهمل ليه علشان الرقابه فقط نسال الله السلامه

[sabrena]

لا يا جماعه اخطاء الاطباء مش بس سببها الجهل سببها الاكبر قله العنايه والتركيز
الاطباء فى مصر ببساطه عارفين انه ليس هناك رقيب ولا حسيب على تصرفاتهم وده للاسف بيشجع على التجربه فى المرضى والاهمال فى التعامل معهم . فى معظم الدول العربيه بلاش الاوربيه هناك حساب شديد جدا للاطباء وقوانين صارمه جدا تحد من مستوى اهمالهم يعنى الطبيب يبقى بيرجف وهو بيكشف على المريض واللى يغيظك ان الطبيب غالبا مصرى . يعنى انت بره دكتور وفى بلدك مهمل ليه علشان الرقابه فقط نسال الله السلامه

ياريت لو دكاترتنا بيحسبوها كده
يعيدوا حسباتهم من تانى
احنا عرضنا حالتين يمكن ما يكنش فيهم ضرر مؤثر
زى عاهه مستديمه
او موت لا قدر الله
بس فى قصص مأساويه بتجرى كل يوم

ياريت يكون الرقيب ربنا سبحانه وتعالى
وضمير كل طبيب

نورت الموضوع
وتحياتى على الرد

[sabrena]

ايه يا كتاكيت فين مواقفكوا مع شركة المرعبين

للاسف مضطره اسافر
بس نورماندى هتولى الردود
عاوزاه ارجع اللقى الموضوع متغرق ردودددددددددد
مفهوووووووووووووووووووووووووووووووووووووووووووووم

[نورماندى3]

السلام عليكم ..

سابرينا الغاليه شكرا ليكي على كتابتك الموضوع ده وخصوصا ان الموضوع بجد محتاجين نكلم فيه ...

اخطاء الدكاتره كترت ولا رقيب ولا حياة لمن تنادي ...

طبعا سابرينا ذكرت ان الموضوع ده كان معايا وعشان كده وبالمناسبه دي بشكر بجد كل ال وقفوا جمبي لانها كانت فتره عصيبه وخصوصا تقيه takia اختنا ال معانا هنا في المنتدى رغم اننا ما نعرفش بعض بس وقفت جمبي انا بشكرها من كل قلبي .

عاوزين نسمع منك بعض تجاربكم ونتمنى اخونا ال في العياده الهريديه يشرفونا هنا .

[تقية]

السلام عليكم ..

سابرينا الغاليه شكرا ليكي على كتابتك الموضوع ده وخصوصا ان الموضوع بجد محتاجين نكلم فيه ...

اخطاء الدكاتره كترت ولا رقيب ولا حياة لمن تنادي ...

طبعا سابرينا ذكرت ان الموضوع ده كان معايا وعشان كده وبالمناسبه دي بشكر بجد كل ال وقفوا جمبي لانها كانت فتره عصيبه وخصوصا تقيه takia اختنا ال معانا هنا في المنتدى رغم اننا ما نعرفش بعض بس وقفت جمبي انا بشكرها من كل قلبي .

عاوزين نسمع منك بعض تجاربكم ونتمنى اخونا ال في العياده الهريديه يشرفونا هنا .

__أولا أشكر سابرينا العزيزة على طرحها هذا الموضوع
وكمان شكرى الكبير لنورماندى الغالية
لإن أول حاجة قالتلى عليها وهى فى هذه الأزمة
(أنا مش زعلانة على نفسى أنا زعلانة على حزن أهلى على)
وده شعور جعلها كبيرة جدا فى نظرى ............
ولجأت لله وأكرمها سبحانه وتعالى وانتهت على خير
الحمد لله
__ثانياً أنا وعائلتى مريت بنفس المشكلة وكانت إبنتى ضحية لإشاعة عملها دكتور خطأ وشخص حالتها على أنها إنسداد فى صمامات القلب
وطبعا دوخنا شهر عقبال ما إكتشفنا الحقيقة
وإن البنت بخير وقلبها زى الفل والحمد لله
وكانت أصعب 30 يوم فى عمرى أنا ووالدها
وتجربة لن أنساها عمرى كله مع إن مر عليها أكثر من 10 سنوات
وعلشان إحقاق الحق
نحن لانشكك فى أطبائنا وفيهم الكثير من العباقرة ومن جعلهم الله سبب فى شفاء الناس وتخفيف معاناتهم
ولكن يوجد قلة لا يعرفون شئ فى المهنة ولا أدرى كيف تخرجوا أصلا
وبصراحة كثير من لهم مثل تجاربنا
ولازم يكون فى وقفة مع هذه الأخطاء
ولكم جزيل شكرى

[zoom129]

الف حمد الله على سلامتك يا نورماندى

[sabrena]

__أولا أشكر سابرينا العزيزة على طرحها هذا الموضوع

اهلا بيكى يا تقيه نورتى الموضوع
وسعيده جدا بمشاركتك معانا

وكانت أصعب 30 يوم فى عمرى أنا ووالدها

يارب يكونوا اخر تلاتين يوم يكونوا صعبين عليكم
وتكون ايامكم كلها هنا وسعاده

وعلشان إحقاق الحق
نحن لانشكك فى أطبائنا وفيهم الكثير من العباقرة ومن جعلهم الله سبب فى شفاء الناس وتخفيف معاناتهم
ولكن يوجد قلة لا يعرفون شئ فى المهنة ولا أدرى كيف تخرجوا أصلا
وبصراحة كثير من لهم مثل تجاربنا
ولازم يكون فى وقفة مع هذه الأخطاء

انا معاكى يا تقيه طبعا
بس المشكله مش فى العلم اد المعامله
فن التعامل مع المريض
وازاى يقدر الطبيب يسعده فى رفع روح المعنويه
قبل المساعده الجسديه
حتى لو كان مرض خطير

انشالله ما يحرمنا من مرورك وتعليقك ابدا يا تقيه

[shampony]

انا مليش دعوة بحد انا بنام بدرى يال ريس

[نورماندى3]

zoom129الف حمد الله على سلامتك يا نورماندى


زووم 129 شكرا ليك على المرور ...

[نورماندى3]

shamponyانا مليش دعوة بحد انا بنام بدرى يال ريس


مش قولتلك يا شامبوني بلاش تكتب سطر وتجري رد على الموضوع بجد ....

[نورماندى3]

إحم إحم ....

طلعت دكتور وداخل هنا بقلب جامد ....

يا قوم جالنا دكتور لحد عندنا .....

عذبووووووووووووووووووووووه ....

كفايه حبة الارهاب دول عليك عشان صحتك ....

بجد يسعدني اني الآقيك بجد تقدر حالة المريض ال قدامك بالطريقه دي وتعامله زي ما تحب تلاقي ال يعاملك ...

طبعا مش ها صورلك الكام يوم ال فاتوا كانوا عاملين ازاي بس برده اقول اني حتى قبل ما نتيجة التحاليل ال طلبها الدكاتره الاولنيين تظهر روحت لدكتور تاني خالص ومن الفحص المبدئي ومن غير تحاليل ولا بطيخ قالي ما عندكيش حاجه هو بس كان معاه شاكوش ودبوس عندك زيهم ...

صحيح .. انتا دكتور .. يعني بتدي حقن ... مش ها اجيلك اي موضوع ابدا ابدا ... خلاص ... توبه ...