تجميل الاسنان بين الواقع والخيال.... بقولك ايه ادخل وانته تعرف؟؟؟

[Dr_a_salah]

تجمل الاسنان

هنتكلم اليوم عن موضوع سناني جديد ومعنى كلمه سناني انه متعلق بالاسنان المهم وبدون الدخول في مقدمات كتير وكلام ملوش لازمه

ايه هيه الاستفاده من عمل تجميل للاسنان؟

وايه هي الاسنان ال محتاجه للتجميل؟

هل للتجميل ده اهميه ولا اهو خساره وقت وفلوس؟

تعالوا يا اعزائي الكتاكيت المكتكتين انتوا نجاوب على الاسئله دي:

اعتقد الابتسامه الحلوه دي تساوي اننا نهتم بالتجميل وعلى فكره ابتسامتك بتعطي فكره عن شخصيتك وانطباع عنك فلا تدع الناس تأخذ فكره مسبقه وحشه عنك

تعالوا دلوقتي نشوف ايه الفائده الطبيه من ان تكون اسنانى سليمه وجميله ما فيهاش سن مكسور ولا مخلوعه ولا لونها اصفر او متراكبه فوق بعضها البعض:

والإبتسامة تقوم بتخفيف الجهد العضلي والعصبي عنك فقد ثبت طبياً أن الوجه يلزمه شد عضلي لـ 43 عضلة في منطقة الوجه والحاجبين والجبين عند التعصيب والتكشير بينما يلزمه شد 17 عضلة للإبتسامة وبذلك توفر على نفسك وأعصابك الضغط العصبي أكثر من مرتين ونصف عند الإبتسامة بالإضافة لما تكسبه لك من شخصية محببة ومؤثرة ومقبولة من المجتمع

وكل ذلك يعتمدعلى أن يظهر قسم من الأسنان الأمامية بشكل متناسق وبلون أبيض ناصع وبراق مثل اللؤلؤ بين الشفتين وكلما كانت الأسنان براقة ومتناسقة كلما إزداد الجمال وزاد الإنسان من إبتسامته لكي يظهر جمال أسنانه وبالعكس كلما كانت الأسنان مشوهة ولونها قاتم ومتراكبة فوق بعضها البعض كلما حاول الإنسان أن يخفيها ويمنع نفسه من الإبتسامة وكل ذلك يؤثر على نفسه وربما تسبب له الإكتئاب

الكلام ال فوق ده منقول وانا حاولت اجده علشان انقل المعلومه الطبيه كامله لكم بسلوب سهل يكون افضل من اسلوبي.

طيب دلوقتي ايه هيا الاسنان ال يجب ان نعملها تجميل:

1) الاسنان التى بينها مسافات بسبب صغر الاسنان.

2) الاسنان المتراكمه ونعالجها بالتقويم.

3) الاسنان المكسوره.

4) الاسنان قاتمة اللون وذات اللون الاصفر.

5) الناس بقى ال مش عاجبهم اسنانهم يعنى مثلا عروسه جايلها عريس والعكس صحيح علشان البنات مش يزعلوا، وخلافه........

وعمليات التجميل دي اصبحت متطوره جدا وبتعطي نتائج جيده جدا بفضل دخول مواد جديده مثل البورسلين ال بيشبه اللؤلؤ.

وده مثال من عمليه تجميل لاسنان مكسوره او مشوه العمليات دي سهله وبسيطه بس هيا للامانه مكلفه شويه.

في تكمله جميله للموضوع بقى وضعتها عند الاخوه البنات في الركن الوردي لانهم بيحبوا الموضوع ال انا متكلم عنه هناك شويه اكتر من هنا واهو نوع من الدعايه برضو

والينك اهو روحوا وشوفوا الموضوع وانا منتظر ارائكم:

http://www.haridy.com/ib/showthread.php?t=50495

انا منتظر ارائك في الموضوعين ويا ريت يعجبوكم وتستفادوا منه.

آه الموضوع ده كده لسه مش خلص لسه فيه حاجات كتير بس انا منتظر اسمع ارائكم الاول وهرجع واكمل ان شاء الله.

ســـــــــــ ــــــــــــــلام

[MANAR]

السلام عليكم

إيه يا عم النشاط ده كله

و الله الموضوع فعلا تووووووحفة

أمال بس أما تتخرج هتعمل إيه

المرة دي بقى هقولك يلا كمل

إنت لسه مكملتش

و الله كل مواضيعك حلوة يا دوك و ربنا يكرمك

[سندريلا86]

مجهود عظيم وموضوع رائع والرابط بردو عالية حاجات حلوة
الف الف الف الف شكر

[د. عماد الدين]

أبو صلاح موضوع رااااااااااااائع بجد ما شاء الله



طيب سؤال التقويم لازمله الجنزير اللى بيتحط حول الأسنان ده ولا فيه طريقه تانيه للتقويم

[Dr_a_salah]

إيه يا عم النشاط ده كله

و الله الموضوع فعلا تووووووحفة

أمال بس أما تتخرج هتعمل إيه

طبعاً انتو لسه شوفتوا حاجه

المرة دي بقى هقولك يلا كمل

إنت لسه مكملتش

عاوزه حاجه يا منار اقصد يا دكتوره منار

و الله كل مواضيعك حلوة يا دوك و ربنا يكرمك

تسلمى وشكراً على مرورك الجميل ده

[Dr_a_salah]

مجهود عظيم وموضوع رائع والرابط بردو عالية حاجات حلوة
الف الف الف الف شكر

العفو يا سندريلا وشكراً على مرورك الجميل ده.



دكتور عماد:

أبو صلاح موضوع رااااااااااااائع بجد ما شاء الله

طيب سؤال التقويم لازمله الجنزير اللى بيتحط حول الأسنان ده ولا فيه طريقه تانيه للتقويم

هجاوب على سؤالك طبعا يا دكتر بس اطلب منك الانتظار شويه علشان مش تحرق ليا موضوع ال انا مجهزه عن التقويم.

وبعدين ده مش جنزير يا دكتر بقى ها وشكراً على التشجيع ده يا دكتر

ســــــــــــــ ـــــــــــــلام

[كتاكيتو بنى]

ادينى جيت اهو

موضوع فعلا توحفة

وهيبقى اتحف لو كملته

بالنسبة بقى لموضوع التقويم

انا الحمد لله ربنا عفانى منه

أمال بس أما تتخرج هتعمل إيه

هيعمل جمعية

[Dr_a_salah]

ادينى جيت اهو

موضوع فعلا توحفة

وهيبقى اتحف لو كملته

بالنسبة بقى لموضوع التقويم

انا الحمد لله ربنا عفانى منه

ان شاء انتظري التكمله وشكراً على المرور الجميل ده يا كتاكيتو

لا خلاص ايه وانتي هتروحي منى فين لازم تعملى تقويم تاني امال انا اقعد فاضي كده

[Dr_a_salah]

Orthodontics تقويم الاسنان

طبعا انا آسف للتأخير لكن كان لاسباب معقده شويتين

المهم وعلشان خاطر دكتورنا الكبير د.عماد انا اخترت الموضوع بتاع اليوم ده علشان ابدأ بيه وكمان علشان مهم جداً ومكلف ومربح لي في نفس الوقت

طبعا ال انتوا شايفينوا ده الجنزير ال بيقول عليه الدكتور عماد واسمه بقى:

اسلاك وطقم حاصرات " براكيت "

هنقول بقى ايه الفايده منه هوه تسويه الاسنان طبقا لخطه زمنيه محدده من طبيب الاسنان المختص المعالج.

وكلمه Orthodontics كلمه يونانيهortho كلمه تعني الاستقامه وdontics تعني الاسنان اي انها كلمه تعني استقامه الاسنان.

طيب دلوقتى نسأل سؤال جميل ونقول ايه هوه اسباب عدم انتظام الاسنان دي :

طبعاً الاسباب منها اسباب خارجيه واخرى داخليه:

(أ) الأسباب الخارجيه:

1- الوراثة و العوامل الوراثية.

2-العيوب الوراثية.
3- البيئة , اي ما قبل الولادة وما بعدها.
4- الأذى و الاصطدامات.
5- العادات الضاغطة غير طبيعية و السيئة :-
-عادات الرضاعة الغير طبيعية المضرة.
-عادات مص الاصبع.
-دفع اللسان او عض اللسان.
-عض الشفة او الاظافر.
- عادات البلع غير الطبيعية.

(ب)الأسباب الداخليه:

1- عدد الاسنان(اسنان زائدة او ناقصة).

2- اضطرابات في احجام الاسنان.
3- اضطرابات في شكل الاسنان.
4- الفقدان المبكر للاسنان اللبنية.
5-بقاء الاسنان اللبنية مدة اكثر من الحد الطبيعي لها.
6-تأخر بزوغ الاسنان.

مش راضي اكتر عليكوا اقروا التعريف والاسباب وانا هعود سريعا المره دي علشان اكمل الموضوع لسه فيه كتير.

ســـــــ ــــــــلام

[كتاكيتو بنى]

طب هى بتعدلها ازاى يعنى

يعنى لو اى حد حط حديد على سنانه تتظبط

ولا دى بتغطها ولا ايه

يعنى بتوجع ولا و لأ

عموما كدة ولا كدة انا برضة مش هعملها

ان شاء الله انت اللى تروح للدكتور عشان تعملها

عمرك سمعت عن دكتور سنان يروح لدكتور سنان

انا بقى سمعت

يلا يابابا الدكتور مستنيك يعملك تقويم

orthodontics

[Dr_a_salah]

ان شاء الله انت اللى تروح للدكتور عشان تعملها

عمرك سمعت عن دكتور سنان يروح لدكتور سنان

انا بقى سمعت

يلا يابابا الدكتور مستنيك يعملك تقويم

انا سامع صوت ودوشه فيه ايه؟

يا جااااااااااااااااااابر رش ميه بره الدنيا حر

اكيددكتور الاسنان يروح لدكتور الاسنان علشان يسلم عليه مش زمايل في مهنه واحده.

[كتاكيتو بنى]

انا سامع صوت ودوشه فيه ايه؟

يا جااااااااااااااااااابر رش ميه بره الدنيا حر

انا حاسة انى بتهزأ

اكيددكتور الاسنان يروح لدكتور الاسنان علشان يسلم عليه مش زمايل في مهنه واحده.

اوكى انت مش مصدق انه هيروح يتعالج

مش مهم المهم برضة انى لو حبيت اروح لأى دكتور مش هيكون انتا

[Dr_a_salah]

تجمل الاسنان:

ما هو اجمل من ان تكون اسنانك نظيفه وجميله وناصعه البياض زي السنون الجميل ده


وانا جا اليوم ان شاء الله علشان اكمل جزئ بسيط من الموضوع ال بداناه المره ال فاتت وهوه تقويم الاسنان.

وهنتكلم اليوم يا حلوين يا كاتاكيت يا مكتكتين عن ازاي اي هيا الاسباب ال تخلينا نروح ونعمل التقويم ده ونعالج عدم انتظام الاسنان والفكين (انا على فكره هرجع علشان اتكلم عن عدم انتظام الفكين في المره القادمه) :

1) الوقاية من نخور الاسنان. انظر الى موضوع رائحه الفم الكريهه:
http://www.haridy.com/ib/showthread....9&page=1&pp=15

2) الوقاية من امراض التهابات اللثة.
3) تحسين امكانية القوى الوظيفية لجهاز المضغ الفموي.
4) منع مشاكل مفاصل الفكين.
5) تحسين امكانية الكلام و لفظ الكلمات بشكل واضح.
6) اعطاء الوجه صورة جميلة و الوقاية من الاضطرابات النفسية.
7) علاج مشاكل التنفس عن طريق الفم.
8) التخلص من العادات السيئة كاستعمال الاصبع تعويضآ عن الرضاعة.

هعوووود للتكمله ان شاء الله انتظروووووووووني

ســــــــــ ـــــــــــلام

[MANAR]

السلام عليكم

إيه ده كلوا

هو أنا أغيب أسبوع واحد بس ألاقي كل ده حصل من ورايا

لأأأأأأأأأأأأأأاااااااااااااااااااا

المشاركة الأصلية بواسطة Dr_a_salah5

) تحسين امكانية الكلام و لفظ الكلمات بشكل واضح.

ده أنا إخواتي الزغنتتين هيطلعوا سنانهم بايظة عالآخر كده

إلي يقولك عايز ساي

و إس إس إس سمكة يعني فس
و عايز لبع كنيه
لالا نث جنيه

يا عيني يا إخواتي

[MANAR]

نسيت أقول

حلو التوقيع الجديد ده

هما الزمالكاوية ضربوك و لا إيه