وزارة الداخلية المصرية تنشئ إدارة لمتابعةالإنترنت

[فالكون]

[SIZE=7]
مفكرة الإسلام: قررت وزارة الداخلية‏ ولأول مرة في مصر وعلى مستوى الشرق الأوسط‏ إنشاء أول إدارة مباحث جديدة لمكافحة جرائم الحاسبات وشبكات المعلومات‏,‏ وهي الجرائم الإلكترونية المستحدثة والتي تولدت مع الانتشار الرهيب لأجهزة الحاسبات واستخدماتها وظهور الاقتصاد العالمي الجديد المبني على ثورة الاتصالات والمعلومات وازدياد حجم العلاقات والتعاملات عبر جميع الشبكات العالمية والداخلية‏.‏
ويقول اللواء سامي بهنساوي مساعد وزير الداخلية المصري ومدير الإدارة العامة للمعلومات والتوثيق: إن البعض استغل ما أتاحه العلم والتقدم التكنولوجي الحديث استغلالاً سيئًا وبدأ في ارتكاب أعمال أو أفعال ترقى لمستوى الجريمة، وأصبحت تشكل هاجسًا وتحديًا للأجهزة الأمنية، وبات واضحًا أن التهديد القادم شديد الخطورة في ظل ظروف دولية وإقليمية متشابكة‏ ، حيث جري الإعداد منذ أكثر من سنتين على تكوين وحدة مباحث جديدة تكون معنية بعملية رصد ومتابعة وضبط جميع الجرائم المستحدثة بجميع أشكالها وأساليبها والتي يكون الكمبيوتر عنصرًا في ارتكابها خاصة بعد أن بدأت هذه الجرائم تأخذ أشكالاً وأبعادًا دولية وعالمية جديدة وبشكل سريع‏.‏
وأخذ مساعد الوزير يعدد جرائم الإنترنت حيث يقول: أهمها جرائم استخدام بطاقات الائتمان المملوكة للغير وتم سرقتها في شراء سلع وخدمات من الخارج‏,‏ ثم ظهرت بعض الجرائم الأخرى متنوعة من خلال استخدام جهاز الكمبيوتر مثل جرائم الشبكات واختراقها والدخول على أجهزة الحاسب الآلي للغير وسرقة المعلومات التي تمثل سرية خاصة لبعض الأشخاص أو المؤسسات أو الشركات‏,‏ كما ظهرت جرائم الإنترنت وقيام البعض بنشر مواقع تسيء لأشخاص آخرين أو تسيء لشكل ومظهر الدولة‏,‏ ثم ظهرت جرائم عالمية أخرى يقوم بها بعض هؤلاء الهاكرز ومنها إطلاق الفيروسات والاختراقات، ومنها اختراق المواقع الرسمية أو الشخصية أو اختراق الأجهزة الشخصية وأنظمة شفرات الكمبيوتر للمؤسسات والأفراد، وجرائم التجسس الصناعي، وجرائم الأموال مثل السطو والاحتيال والنصب وسرقة بطاقات الائتمان والتزوير والجريمة المنظمة، وجرائم المخدرات وغسيل الأموال، وجرائم الآداب وتجارة السلاح وجرائم الابتزاز الإلكتروني، وجرائم الغش الإلكتروني‏,‏ بالإضافة إلى جرائم القرصنة وجرائم محتوى الإنترنت من المواقع الإباحية أو المعادية سواء دينيًا أو سياسيًا‏.
ويقول مدير هذه الإدارة الجديدة: إن هناك مجموعات عمل بالإدارة لمتابعة شبكة الإنترنت يوميًا على مدى اليوم لمراقبتها وفحص التعاملات والمعاملات التي تتم عليها من وإلى الخارج، وإذا ما ظهر أية مخالفات أو أعمال تمثل خروجًا على القانون والشرعية أو تهديد أمن واستقرار الوطن يتم التدخل فورًا بالتنسيق مع الأجهزة النوعية الأخرى.‏
يذكر أن التحقيقات التي أجرتها النيابة العامة المصرية مع تنظيم الشواذ الذي تم ضبطه العام الماضي اعتمدت فيه على أدلة مستقاة من موقع هؤلاء الشواذ على الشبكة العنكبوتية.

[Lighthouse]

مساء الفل
بالنسبة لحماية حقوق المواطنين من عصابات النصب والسرقة المنتشرة والتي تتخذ من النت وسيلة للاستيلاء على اموال الغير فلا غضاضة في عمل مباحث للنت تحمي المواطنين
اما بالنسبة لحرية الراي والحجر على حريات الآخرين والتجسس عليهم بحجة تهديد الامن العام فهذه تقوم مباحث امن الدولة بمتابعتها حتى من قبل الاعلان عن إنشاء مباحث النت
يعني اطمئنوا خالص
المنتدى اكيد مرصود من قبل مباحث امن الدولة :woot: :woot:
ومساحة الحرية الممنوحة معروف الغرض منها وهو التباهي بأنه عصر الحريات وغيرها من الاكلاشيهات اياها
ولكن اذا حدث وتم تجاوز الخطوط الحمراء فيمكن بسهولة وعلى اقل تقدير تدمير الموقع او ملاحقة القائمين عليه ... ولعلكم تذكرون القبض على ابن الشاعر الراحل نجيب سرور بحجة انه صمم موقع يحتوي على كلام يخدش الحياء رغم ان القصيدة المنشورة معروفة منذ فترة طويلة وربما يكون الموقع مجهول لعدد كبير من مرتادي الشبكة
ولكن كانت قــرصــة ودن حتى يتعظ باقي الناس ويتحركوا في حدود المتاح لهم من حرية ( مزعومة )

[mesh3aref]

السلام عليكم
على فكرة يا جماعة ان الادارة دية موجودة فعلا ..
و انا بشتغل فيها
لكن لا تتصوروا ان احنا و ظيفتنا ان نراقب النت و الى نشتبة فية نقبض علية...
و ان كل واحد داخل على النت فهو مراقب...
الفكرة مش كدة خالص
زى ما هو واضح فى التقرير الى فالكون كاتبةو ان احنا بنتعقب جرائم النصب و الاحتيال على الانترنت
و بنتعقب المواقع الاياحية و التى تسىء للاسلام او مصر او اشخاص الى مركزها مصر
انما المواقع الى مش مركزها مصر بيحصل بينا و بين الدول الاخرى تعاون
و على فكرة ..
فى قضية الشواذ كان فى اخت هنا قدمت لينا مساعدة جيدة و دلنتى على موقعهم ..
تتبعنا الموقع و من حوالى 3 اسابيع قبضنا على واحد منهم

[Lighthouse]

Originally posted by mesh3aref@Sep 29 2002, 10:00 PM
السلام عليكم
على فكرة يا جماعة ان الادارة دية موجودة فعلا ..
و انا بشتغل فيها
لكن لا تتصوروا ان احنا و ظيفتنا ان نراقب النت و الى نشتبة فية نقبض علية...
و ان كل واحد داخل على النت فهو مراقب...
الفكرة مش كدة خالص
زى ما هو واضح فى التقرير الى فالكون كاتبةو ان احنا بنتعقب جرائم النصب و الاحتيال على الانترنت
و بنتعقب المواقع الاياحية و التى تسىء للاسلام او مصر او اشخاص الى مركزها مصر
انما المواقع الى مش مركزها مصر بيحصل بينا و بين الدول الاخرى تعاون
و على فكرة ..
فى قضية الشواذ كان فى اخت هنا قدمت لينا مساعدة جيدة و دلنتى على موقعهم ..
تتبعنا الموقع و من حوالى 3 اسابيع قبضنا على واحد منهم

:woot: :woot: :woot: :woot: :woot:

ايه الكلام الكبير ده
مش قلت لكم ياجماعة

وانت يامش عارف بتتكلم جد ولا بتهزر
اطلع من دول ياعفريت :P

مش خايف حد يغتالك على باب المنتدى وتكون اول شهيد من شهداء مباحث النت :P :P :P

[mesh3aref]

Originally posted by Lighthouse@Sep 29 2002, 10:14 PM

:woot:  :woot:  :woot:  :woot:  :woot:

ايه الكلام الكبير ده
مش قلت لكم ياجماعة    

وانت يامش عارف بتتكلم جد ولا بتهزر  
اطلع من دول ياعفريت  :P

مش خايف حد يغتالك على باب المنتدى وتكون اول شهيد من شهداء مباحث النت  :P  :P  :P

ربك يسترها...

انا واخد بالى B)

بدخل المنتدى متخفى فى شكل صورة :ph34r:

:lol:

اوعوا يا جماعة تفتكرو ان انا براقبكم...
لو كنت كدة مكنتش قولت..
انا هنا زى زيكم ..لية حرية راى
و هنا مجال مفتوح للتعبير عما يجول بداخلنا "حلوة دية" :lol:



<!--EDIT|mesh3aref|Sep 29 2002, 10:41 PM-->

[Lighthouse]

سالخير يامش عارف بـــيـــه
طلبات سعادتك اوامر
عايز مين من الاعضاء الغلباوية اللى هنا
قول ... قول بس ماتخبيش علينا
مافيناش من الحركات دي :woot:
يعني عايز حد قول على طول
وح نجيبه لسعادتك فورا :hehe: :hehe:

بذمتك فيه حد يقول انا ديب وعيني حمرا كمان :P :P :P

[Bosbo]

:o يا خبـر مش عارف ...

مش عارف ايه يا باشا .. مانت عارف كل حاجة اهو :unsure:

القهوة متراقبة باين <_< يبقى الواحد ياخد باله من كلامه بقى احسن نتقابل كلنا كده بربطة المعلم فى المعتقل .. انا كان مالى و مال الموضوع ده

يا اخ مش عارف .. انا بقى بيجول فى داخلى انى هتقفش قريب يا ريتنى سمعت كلام بابا .. كان الله يمسيه بالخير دايما يقوللى (( يا بنت يا كونداليـزا مالكيش دعوة بالسياسة و الكلام المجعلص بتاع الكبار ده )) و كنت اقولله يا عم الحاج سيبها على الله

انما الكلام طلع بجد <_< ..

يا بيــه انا ماعرفش حاجة :P

برئ يا باشا .. و بعدين ماتاخدش على كلام العيــال ..

دانــا غلبـــان

[وائل]

يعنى بتخوفونا مثلا :?small: :?small: :?small:

[Lighthouse]

شفت بقي ياعارف باشا أخرة كلامك ايه
اهي البنية المسكينة جالها حالة ذهول

لا ومسمي نفسك مش عارف
امال مين اللى عارف
وانت سيد العارفين

[Bosbo]

لا انا ماجاليش ذهول ..

انا جالى اسبهلال مبكر و اساسا انا مش ناقصة لان عندى روح معنوية مزمنة و مرة وانا صغيرة قلبت معايا بهسهس على صدرى بقيت بكح كحة ماكحهاش حد قبل كده ..

و لما رحت للدكـ ...

لا خلاص هبقى اكمل فى العيادة الهريدية ..

و يدوم العز يا مش عارف باشا :lolo:

[Lighthouse]

ولا يهمك يابوسبو
حيث ان مش عارف باشا هو سبب ازمتك الصحية دي
المفروض بقي يكلم لك حد من المسؤولين تتعالجي على حساب الدولة في اي بلد اوروبي معتبر يكون عامل اوكازيونات اليومين دول علشان نبضع ونهيص بقي
وامانة عليكي يابوسبو ياختي تاخديني معاكي عشان اشتري كام حاجة حلوين على حس رحلة العلاج دي
ياللا شدي حيلك امال
مش كده





<!--EDIT|Lighthouse|Sep 30 2002, 12:16 AM-->

[lanoon elzanoon]

رحتي في داهيه يا بت يا لنون

[Lighthouse]

Originally posted by lanoon elzanoon@Sep 30 2002, 12:32 AM

رحتي في داهيه يا بت يا لنون

:P :P
علشان تبطلي لماضة :P

[زلابيا]

ايه ده يا مش عارف ..

بقى كده :( مصيبه لا تكون قررت تتعاون معانا فى الشريط عشان تظبطنا متلبسين بافساد الذوق العام

طيب يا جماعه باقول ننسى شويه موضوع اللقاء الجماعى ده لحد ما الجو يهدى و العين تنام :woot:

باهزر يا بنات احناولا يهمنا بالصلاة على النبى

مش عارف .. ممكن سؤال بجد؟ موضوع الاساءه الى مصر او الى رموز مصريه ده مش مطاط شويه؟ يعنى ايه معايير الحكم على شخص انه اساء الى مصر او الى رموزها ؟ حاكم انا واحد قال لى مره قبل كده ممكن جدا ببساطه اقول عنك انك بتعملى تكدير للصفو العام &#33;&#33; انا &#33;&#33; وحاجات غريبه كده ايام القبض على سعد الدين ابراهيم فيا ريت تقول لنا ايه المعايير ينوبك ثواب جايز تلاقى حد فينا ادامك فى يوم من الايام

[Lighthouse]

بمناسبة الاساءة لمصر ورموز مصر
انا اعرف منتدى مالهمش شغلانة غير الشتيمة على مصر والمصريين
ووقت قلة الادب على مصر المشرفين بيختفوا بقدرة قادر علشان الشتايم يشوفها اكبر قدر من الاعضاء علشان يؤكدوا ان عندهم مساحة كبيرة من الحرية والديمقراطية
وطبعا حريتهم الوحيدة هي في شتم مصر وبعض البلاد العربية المغضوب عليها