يوم وداعك

[روميو_تريكس]

المفروض ان دي مهداه من حبيب لحببيته اللي ماتت

يارب تعجبكم

يوم وداعـــــــــــــــك

شوقي ليك خلاني اناديك واتحدي بيك كل الكون
ذنبي ايه وده كله ليــــــــه علشان عاشقك بجنون
ياللي مسحتي من قلبك اسامي الناس وبقيت انا ناســــــــــك
بعدتـــــي ليه عنـــــــــــي وانا دايب في احساسك
فارقتيني في دنيتــــــــــي مش بايدك ولا برغبتي
ده انت كنت في عز حزني دمعتي وهتفضلي علي طول شمعتي
مش قولتـــــــــلك
مش قولتلك يوم وداعك مستحيل يكون قلبي باعك
ده انت كل الخطاوي سكتك ده انت كل الغناوي فرحتك
ده انا قلبي كان غاوي دنيتك ده انا عمري كان عايش غنوتك
احلف بالله ما نستكيش ياللي كنت معاكي بعيش
ياللي ساكنه جوه ذاتي ياللي في صمتي سامعه سكاتي
وفي كل افراحي واهاتي ما نستكيـــــــــــــــــــــــــــــش
مش قولتلـــــــــــــك
مش قولتلك يوم وداعك مستحيل يكون قلبي باعك
ده انت كل الخطاوي سكتك ده انت كل الغناوي فرحتك
يا حبيبتي مهما حزنا علي يوم لقانا ومهما تاهت منا خطانا
مش هانسي يوم كنت هنا شايله من قلبي دمعتي
وكنت دليلي في سكتي
يا حبيبتي مهما نسيوكي الناس انا مش ناسيكي
هيفضل الاحساس في قلبي ليكي
ده انا قلبي باع كل حاجه وشاريكي
وحب العالم كله مش هاحبه غير ليكي
مش قولتلــــــــــــــك
مش قولتلك يوم وداعك مستحيل يكون قلبي باعك
ياللي باقيه لسه معايا وبتخففي عني العذاب
هافضل فاكرك يا غاليه لحد يوم الحساب
مش قولــــــــــــتــــلـــــــــــــــــك
مش قولتلك يوم وداعك مستحيل يكون قلبي باعك

[أيمن عمر]

تسلم ايدك يا جميل

حلوة جدااا

[روميو_تريكس]

تسلم ايدك يا جميل

حلوة جدااا

اشكرك جدا يا ايمن يا عمر

الوحيد اللي رد عليا

لو مش كنت رديت كان جالي سكته شعريه ومت

اشكرك جدا يا غالي


كده مش اوكي

[..!!..]

روميو
كلمه بجد
ميهمكش عدد الردود
المهم انت حاسس ايه
واللي رد قال ايه
وكان مين
فلما يكون الاستاذ ايمن.........
يبقى موضوعك ...يستحق النشر



اخ روميو انا اتعلمت كتير هنا بجد
الردود ممكن تكون محبطه
او حتى مخيبه للامامل
بس متخليهاش تحسسك باليأس


اكتب واكتب.........وشيء جميل ان حد يقرى وميعرفش يرد




تحياتي لموضوك الجميل


استمر

[روميو_تريكس]

روميو
كلمه بجد
ميهمكش عدد الردود
المهم انت حاسس ايه
واللي رد قال ايه
وكان مين
فلما يكون الاستاذ ايمن.........
يبقى موضوعك ...يستحق النشر



اخ روميو انا اتعلمت كتير هنا بجد
الردود ممكن تكون محبطه
او حتى مخيبه للامامل
بس متخليهاش تحسسك باليأس


اكتب واكتب.........وشيء جميل ان حد يقرى وميعرفش يرد




تحياتي لموضوك الجميل


استمر

اهو دلوقتي بقي كده


انا بجد مش عارف ارد واقولك ايه

كلامك سكتني اكتر من الللي انا كاتبه

شكرا يا بنت الماضي والحاضر والمستقبل وكل اللي جاي

واسف

[ملك الحب]

الكلمه دى جميله بس ياريت لو كانت المحبوبه دى عايشه علشان كنت تقولهالها ياريت
وهيا كلمه جميله جدا

[ملك الحب]

ممكن اعرف انت ازاى بتنزل برنامج او صوره هنا فى قهوة كتكوت على الموقع فى اى موضوع انت عاوز تنزل فيه الصوره او البرنامج ده