ازاي انزل اغاني من النت الى جهاز ووكمان mp3 ؟؟

[سبأ]

السلام عليكم يا جماعه

انا اشتريت جهاز ووكمان mp3ومعاه وصله الكمبيوتر وسي دي التعريف بالجهاز

نزلي برنامجين واحد بتاع jukebox والثاني طالب ريجيسترايشن من موقع مش راضي يفتح على النت

دلوقتى انا فتحت برنامج jukeboxوهو زي الريال بلاير وبرامج الملفات الصوتيه بس انا مش عارفه منين احمل الملفات الصوتيه من على النت وازاي اربطهم بالووكمان

فيه خطوات معينه والا ضروري ابقى متسجله في المواقع والا ايه الحكايه بالظبط

وكمان عايزه اسال الديسك بتاع الجهاز اقدر اتحكم فيه منين يعني الغي او اضيف الاغاني


ياريت حد يعلمني اجي لجهاز الووكمان ده منين والا الاحسن ابيعه

[who walks alone]

السلام عليكم

بتقولى اغانى اغانى ؟ و لا تقصدى ملفات صوت عموما؟

اذا اناشيد مثلا او مواد اسلامية هساعدك
انما اغانى انصحك تقرأى عن حكمها فى الاسلام و اكيد هتقتنعى بحرمتها.


ابعتى لى تفاصيل جهازك : الصانع و الموديل و حجم الذاكرة و نوعها
و اسم الموقع اللى مابيفتحش
و كمان المفتاح الشخصى PPK بتاع التسجيل

و ان شاء الله بنساعدك


تحياتى
ابوحماس
www.attahawy.net

[سبأ]

هي اغاني واناشيد ممكن

[Qashlan]

نستفتح باسم الله ...


http://quran.muslim-web.com/index.htm?


موقع للقرآن الكريم ..

[سبأ]

شكرا qashlanعلى الموقع ان شاء الله انزل منه حاجات مفيده


جهازي هو من sony
net MD
MZ-NE410


في برنامج الريجسترايشن موقع مابيفتحش ده لينكه
https://www.ap.openmg.com/register/en/cgi-bin/entry.p

باقي المعلومات اللي طلبتها يااخي الكريم مش عارفه منين اجيبها
ياريت تساعدوني

كمان عندي سؤال
لما اجي انزل ملف صوتي من على النت بيتحفظ في الريل بلاير بس لما احاول اسمعه والنت مش شغال مابيرضاش يفتح
فين المشكله؟؟

[who walks alone]

السلام عليكم

قبل ما اقول حاجة
ابرأ الى الله منك ان استخدمت نعمته فيما لا يرضيه
سامحينى انما محدش بينفع حد يوم الحساب

شوفى يا ستى

تفاصيل الاستخدام بالكامل موجودة فى دليل المستخدم
حمليه من هنا:
http://www.minidisc.org/manuals/sony...410_manual.pdf
حجم الملف 2 ميجابايت من نوع PDF اذا معندكيش برنامج اكروبات ريدر ممكن تحمليه من هنا:
http://www.adobe.com/products/acrobat/readstep2.html

الدليل بالانجليزية و حجمه كبير فمقدرش اترجمه كله
لو عندك استفسار فى نقطة معينة لا تتردى بالسؤال

بالنسبة لتحميل الملفات الصوتية من النت عن طريق الريال بلاير
غالبا حضرتك ما حملتيش صح
اللى حصل انك شغلتيها من مكانها ع النت و طبعا لازم عشان تشغليها تانى تروحى نفس المكان
انما لو تحبى تشغليها فى اى وقت من غير اتصال بانترنت :
كليك يمين بالماوس على رابط الملف و اختارى من القائمة
save file as
و اختارى بعدها مكان على جهازك لحفظ الملف
كدة ممكن ترجعى له فى اى وقت دون الحاجة لاتصال انترنت

موقع التسجيل اللى كتبتيه مش شغال
اتبعى التعليمات فى دليل المستخدم لحد ما توصلى لمرحلة طلب التسجيل
تخطى مرحلة التسجيل
اذا كمل تشغيل عادى فبها و نعم
اذا اصر على انك تسجلى بلغينا و نشوف هنعمل ايه
غالبا التسجيل دا بيكون للحصول على دعم فنى و اخبار المنتجات و دا غير ذى قيمة فى الدول العربية لانه متوافر باوربا و امريكا و شرق اسيا

للمزيد من الفائدة:
شبكة انشاد
مجموعة رائعة من الاناشيد

الشبكة الاسلامية
فى قسم التسجيلات ثروة من المحاضرات الصوتية و الدروس

و الله من وراء القصد

تحياتى
ابوحماس
www.attahawy.net

[سبأ]

الله يجزيك كل خير يا اخي الكريم

انا قريت الدليل واللي فهمته منه ان السي بينزل منه برنامج sonicstage
انا ماعنديش البرنامج ده في السي دي عندي بس تنزيل ال jukebox اللي هو شبه الريال بلاير وكمان ال md driver بس

اللي فهمته ان برنامج الsonicstage هو الاهم
طيب هل فيه موقع انزل منه البرنامج والا لازم ارجع للمحل واطلب منه البرنامج ده بالتحديد؟؟

[who walks alone]

السلام عليكم

شوفى يا ستى

الــ Jukebox ما يختلفش كتير عن Sonicstage
حتى انهم نزلوا نسخة من الاخير يلزمها وجود الاول
و اغلب ظنى انه كافى لتشغيل الجهاز
انصحك تراجعى الدليل اكتر من مرة و هتكتشفى ان فيه حاجات فاتتك من اول قراءة.


شوفى الصفحة دى هتلاقى فيها نسخ الـ Sonicstage بس لازم حاجتين:

1. يكون عندك نسخة Jukebox
   تأكدى ان النسخة اللى عندك هى الاصدار المطلوب
   
2. تسجلى عضوية فى My Sony
   التسجيل من هنا
   
   
   

اضافة لما سبق ممكن تراجعى البائع لان النسخة القياسية من المفروض تتوافر مع المنتج
و ان امكن ممكن تطلبى نسخة بالبريد على CD من اقرب وكيل معتمد لسونى


اسأل الله لنا و لك العفو و العافية فى الدنيا و الآخرة
آمين

ابوحماس

[سبأ]

جزاك الله خير

المشكله اتحلت

[crazy_moon]

انا عاوز اى برنامج يشغلى الاغانى الى بحملها من النت ضرورى واتمنى ان البرنامج دة يكون تمام