بين الموضه و الحجاب...إلي أين سينتهي الأمر..؟؟..

[الغزال الشارد]

الموضه و الحجاب.........



موضوع مش بطال بالمره........



بس ياتري.....هل الأهم....إننا نتحجب......وللا الأهم إننا نلبس ع الموضه؟؟



من يومين كده......خرجت أنا و أختي الكبيره.....كنا في مشوار كده......




المهم....وإحنا راجعين.....قررنا إننا نركب المترو.....


قطعنا التذاكر.....ركبنا المترو.....عربية السيدات الكميله خالص.....



بعد محطتين بالظبط....ركب معانا 3 بنات....إحداهن مخمره...والثانيه محجبه.....
والثالثه....كانت هي المشكله بأكملها.....





حسنا....الوضع كالتالي.....


الموضه...جيبات فوق الركبه...أو يادوب لحد الركبه....والبوت الطويل....والبديهات طبعا...


هي فتاه محجبه.....ولكنها كما كان واضحا.....تعشق الموضه.......فكيف توفق بين الموضه و الحجاب...؟؟...



الإجابه بإختصار.......



شراب إسود تقيل.......أو مانطلق نحن عليه.....شراب محجبات....



بإختصار....المنظر كالتالي......



فتاه ترتدي جيبه لا تصل إلي ركبتها....وبوت تحت الركبه بحوالي شبر....وبادي بكم طبعا...لأنها ببساطه...ترتدي حجاب......


ولكي لا يظهر الفارق بين الجيب....والبوت...ترتدي شراب إسود .... قال يعني كده بقت ملتزمه و محجبه......




نظرت أختي الكبري إلي حضرتي و قالت......متهيألي أكرملها إنها تقلع الحجاب إللي هي لابساه.......أحسن من المنظر ده.......



نظرت إلي الفتاه مرة أخري......ثم إلي أختي......ثم نظرت إلي الأرض.....ودار سؤال بداخلي...بين الموضه و والحجاب.......إلي أين سينتهي بنا الأمر؟؟....




:confused::confused::confused:

[stubborn emmy]

فتاه ترتدي جيبه لا تصل إلي ركبتها....وبوت تحت الركبه بحوالي شبر....وبادي بكم طبعا...لأنها ببساطه...ترتدي حجاب......


ولكي لا يظهر الفارق بين الجيب....والبوت...ترتدي شراب إسود .... قال يعني كده بقت ملتزمه و محجبه......

هه ؟؟ :confused:


استني مش عارفه أرد دلوقتي بجد


بس خلاص

[جهـــJeHaDـــاد]

شكلك مشفتيش المحجبات اللي فتحة الجوب لحد فوق الركبة ومحجبات قمصان النص كم ومحجبات الاسترتش والمحجبات اللي بيسيبو القصه بره ومحجبات الميك اب والمهزلة لاتزال طويلة

والله هم فعلا بيسيئو للحجاب بمناظرهم دي

تقريبل دول اتحجبو توفيرا لفلوس الكوافير موش اكتر

[غــفــران]

على فكرة يا جماعة عايزين فعلا نعمل استقصاء على لماذا يتحجبن و هم مش عارفين يعني ايه حجاب او ايه قيمته

يعني هل مثلا ضغط من الأهل؟ ولا المجتمع بيبص نظرة مش هيه للغير متحجبة؟ و لا عشان يتجوزوا؟ و لا عشان ما يتجوزوش و لا ايه بالظبط؟ :confused:

[سندس الجنة]

السلام عليكم ورحمة الله وبركاته،،

والله فعلا يا غزال الشارد احنا من اللي بنشوفه بنقول اكرم لها البنت تقلع الحجاب لانها بتشوه صورة الحجاب وبتظلم المحجبين والكل بيختلط الجيد والغير جيد.
انا مع غفران اننا لازم فعلا لازم نعمل استقصاء على الموضوع ده ، يعني
لا حولا ولا قوة الا بالله العلي العظيم.

[اخو السفاح بتاع كرموز]

انا اظن انها لو مش ضغط الاهل يبقى مكسله تسرح شعرها و تنزل
يعني الموضوع استسهال

انا بحب في الحالة دي امسك اقرب طوبة ..

[زهرة مصر]

صباح الخير ..
فى موضوع الحجاب والموضة B) انتم شفتم المحجبة اللىلابسة بنطلون دخل فيها بمساعدة من جميع الافراد الاسرة متكافلين وبلوزة يدوب بتغطى بطنها لو رفعت ايدها راح مفعول البلوزة الطويلة:confused: وحجاب اخر جمال يادوب لم ربع شعرها اللى هى كسلت تكويه وتلمعه وتخرج الباقى كله المسشور والتمام وكمان بتدخله جوه البلوزة اللى فتحتها اوسع من بوابة المتولى وقصيرة يادوب عشان الحسد بس .
ياجماعة ده مش حجاب دى بصراحة مسخرة وضحك على الدقون . نفسى افهم ايه مفهوم البنات اللى بتلبس كده للحجاب تدين نصف كم. ولا عشان عريس يتقال له انها محجبة ولا توفير للكوافير فى ظل الازمة الاقتصادية الحالية :confused:
لازم يكون مفهوم معنى الحجاب وكيفية ارتدائه وماهو المطلوب من كل بنت بتتحجب حتى تظهر بالمظهر المناسب لانسانة متحجبة محترمة.
انتم عارفين كنت فى منتهى الغضب عندما وقعت فى موقف فى منتهى قلة الادب وتلفظ انسان متخلف بكام كلمة لاداعى لهم وعرض عرض بغيض وكنت فى منتهى الغضب وانا اسأل من حولى الا يرى انى محجبة وليس من ... فقالوا بمنتهى البساطة ان معظم من يرتدين الحجاب هم اصل كده. وده للاسف ماوصلنا اليه من الحجاب الموضة بتاع شاكيرا . الحجاب لاجدوى منه اذا لم يكن هناك وعى دينى بكل ماتحويه الكلمة للحجاب والمغزى منه وفضائله كل مايحصل مدسوس على الاسلام وعلى المسلمات بطريقة فى منتهى الذكاء حتى يصل للجميع الصورة المطلوبة المحجبة ماهى الا ... وماتلبسه مجرد قناع.
افيقوا قبل فوات الاوان هاتدنن

[زهرة اللوتس]

جزاك الله خيرا جزيلا ياغزالناالشارد على هذا الموضوع الذي طالما دار في ذهني
وما الحجاب الا امرا من امور كثيرا

اعتقد والله اعلم هو التقليد الاعمى للغير سلبا او ايجابا

رحم الله نساء الانصار ترى ماالذي دعاهم الى المسارعة في التحجب حين نزلت اية الحجاب ؟!!
انما هو الايمان بان امر الله خير وان طاعته فوق كل شيئ

اما بعض محجبات هذه الايام فليست ضغوطات الاهل وحدها السبب

بل هو الصراع الدائر داخلهن بين فطرتهن التي لايزال فيها شيئ سليم من محبة الله والخوف منه واتمار اوامره

وبين مااحببنه من الدنيا وافتتن به

حسبنا الله ونعم الوكيل
اللهم ثبنتا على طاعتك ولا تفتنا بمافعل السفهاء منا

[الغزال الشارد]

كاتب الرسالة الأصلية : stubborn emmy
هه ؟؟ :confused:


استني مش عارفه أرد دلوقتي بجد


بس خلاص

إيمي........علي مهلك خاااااااااااالص.......



إحنا مش مستعجلين............

[الغزال الشارد]

كاتب الرسالة الأصلية : جهـــJeHaDـــاد
شكلك مشفتيش المحجبات اللي فتحة الجوب لحد فوق الركبة

شفتها كتير موووووووووووت....وفي نفس اليوم إللي حصل فيه الموقف بتاع الجيب الميكروجيب.....بنت تانيه نزلت من المترو......وكانت لابسه جيبه جنز فتحتها ما شاء الله.......مش فتحه....كتب كتاب....

ومحجبات قمصان النص كم


متهيألي دي أنا أول واحده شافتها في مصر.....أصلي شفتها زماااااااااااااااان



ومحجبات الاسترتش والمحجبات اللي بيسيبو القصه بره ومحجبات الميك اب والمهزلة لاتزال طويلة





دي حاجات بقينا بنشوفها كل لحظه.....ماعادتش شئ غريب أو ملفت للنظر من كتر ما بنشوفها




والله هم فعلا بيسيئو للحجاب بمناظرهم دي

تقريبا دول اتحجبو توفيرا لفلوس الكوافير موش اكتر



بالعكس بقي........دول ما شاء الله....إللي يدور عليهم يلاقي الواحده منهم بتروح للكوافير 3 مرات في الأأسبوع

جهاد........

ربما تندهش من كثرة المناظر التي رأيتها أنا.......


والتي من أبرزها......من يرتدون الحجاب علي بلوزات...رقبتها واسعه بطريقه تدايق...والحجاب مش ساتر حاجه.......وكله علي عينك يا تاجر....




وللا البنات إللي بيلبسوا الحجاب......ويقفوا مع أولاد....ولا يقتصر الموضوع علي مجرد الحديث....بل الهتاف بصوت عالي.....ولا مانع من إطلاق ضحكه مجلجله بين الحين و الحين.....ومفيش ضرر من شوية هزار بالإيد.........وهلم جرجر.....




اللهم إرحمنا.....وارحم المسلمين......


اللهم إني لا أسألك رد القضاء...ولكني أسألك اللطف فيه...


حسبي الله ونعم الوكيل........

[الغزال الشارد]

كاتب الرسالة الأصلية : غـفـــران
على فكرة يا جماعة عايزين فعلا نعمل استقصاء على لماذا يتحجبن و هم مش عارفين يعني ايه حجاب او ايه قيمته

يعني هل مثلا ضغط من الأهل؟ ولا المجتمع بيبص نظرة مش هيه للغير متحجبة؟ و لا عشان يتجوزوا؟ و لا عشان ما يتجوزوش و لا ايه بالظبط؟ :confused:

أؤيد فكرة الإستقصاء......


وإن كنت أعتقد أن من تتحجب لمثل هذه الأسباب........




فإن عدم التحجب أكرم لحجابها...........

[gelly]

كاتب الرسالة الأصلية : غـفـــران
على فكرة يا جماعة عايزين فعلا نعمل استقصاء على لماذا يتحجبن و هم مش عارفين يعني ايه حجاب او ايه قيمته

يعني هل مثلا ضغط من الأهل؟ ولا المجتمع بيبص نظرة مش هيه للغير متحجبة؟ و لا عشان يتجوزوا؟ و لا عشان ما يتجوزوش و لا ايه بالظبط؟ :confused:

:hair:














لفه كده و راجعه تانى

[غــفــران]

طيب يا جماعة عايزين يبقى كلامنا عملي اكتر من كده، يعني ايه رأيكوا لما واحدة تشوف فتاة محبجة حجاب التبرج ده تحاول تفتح معاها حوار و على الأقل تفهمها لو مش فاهمة (ده على أقل تقدير لأني اظنهم فاهمين و مستعبطين)

ياللا نبدأ من النهاردة انما بالرفق و اللين و الهوادة و عشان ماحدش يقول لي خليكي و اقعية و ما تتكلميش كلام خيالي هاحكيلكم موقف حصل لي و انا راكبة المترو من فترة. الموقف باختصار هو اني كنت قاعدة في المترو و واقفة قصادي بنت محجبة لابسة لبس ألوانه متناسق جدا و ألوان الجيبة و البلوزة متناسقين مع الوان الجزمة و الشنطة بشكل ملفت. انما.. و آه من انما هذه، اصل الجيبة ضيقة لدرجة انها هاتنطق و تقول جاااااااااي الحقوني و وسعوني

طبعا اختكوا ما طاقتش المنظر، انما صبرت لحد ما محطتي قربت، قمت عشان انزل، انما و انا باستعد للنزول ميلت عليها و قلت لها على فكرة الطقم ده ما شاء الله يجنن، و تناسق الوانه مع الشنطة و الجزمة تحفة... بس الجيبة ضيقة طحححححححححنننننننن طبعا البنت ضحكت من كلمة طحن دي فكملت و قلت لها، يا اما تلبسي بلوزة طويلة شوية عليها يا اما توسعيها. قامت البنت قالت لي حاضر و هي مبتسمة

شفتوا بأه الحكاية بسيطة ازاي؟ انتي بس جددي نيتك و اسألي الله الاعانة و الثبات و هاتشوفي النتيجة. انما اوعي تشوفي حاجة غلط زي دي و تلاقي الظروف مهيأة انك تتكلمي و تسكتي

[bigera]

ايييييييييييه يا طنط غفران فكرتينى بواحدة زميلة كانت مش محجبة ولما اتحجبت وراحت لزميلاتها الغير محجبات وزملائها من الولاد وقعدوا ينقضوا فى الحجاب وهى معرفتش ترد رد جامد بس ظلت لابساه برده


اظن اصعب حاجة لما الواحدة تتحجب وميكونش عندها شوية ثقافة دينية تقنعها ان تقنع الاخرين برؤيتهم الخاطئة عن الحجاااب



كمان الحجاب بيضيف للفتاة جمال ربانى

سلامونش بقى

[جهـــJeHaDـــاد]

طيب يا جماعة عايزين يبقى كلامنا عملي اكتر من كده، يعني ايه رأيكوا لما واحدة تشوف فتاة محبجة حجاب التبرج ده تحاول تفتح معاها حوار و على الأقل تفهمها لو مش فاهمة (ده على أقل تقدير لأني اظنهم فاهمين و مستعبطين)

عملت الحركة دي مره قبل كده ايام الكليه وكان نتيجتها ان البنت قلعت الحجاب خالص