ما معنى كلمة بيبسي ؟

نور · 07-23-2003, 05:11 PM

ان كلمة بيبسي هي اختصار لجملة ادفع كل قرش لتنقذ اسرائيل وبالفعل عندما نترجم هذه العبارة للانكليزية يتضح لنا المعنى المطلوب ارجو منكم الرد على هذا الموضوع وما رأيكم به ...

هريدي يابووووي · 07-23-2003, 05:57 PM

انا حسب علمي pepsi اختصار لـ Pay Every Penny For Islam

نور · 07-25-2003, 05:41 PM

الى هريدي يا يوووووووي أنا لو ما كنتش واثقة من المعلومات دي ما كنتش عرضتها في الانترنت وعلى كل حال يمكن يكون جوابك صحيح بس بتعتعقد ان البيبسي الأمريكية هي اختصار لزي ما بتقول ؟..

هريدي يابووووي · 07-25-2003, 08:58 PM

طيب ممكن اعرف ثقتك دي منين بالظبط؟

دي مجرد اشاعة من الإشاعات الكثيرة اللي بتتناقل على الإنترنت.. ليس عليها أي دليل.. ولا حتى يقبلها العقل و المنطق أساسا

cpt_shawky · 07-26-2003, 01:38 AM

إقتباس:

انا حسب علمي pepsi اختصار لـ Pay Every Penny For Islam

دى تبقى PEPFI

Pay Every Pens to Save Isreal

تبقى PEPSI

والله أعلم

بزراميتا · 07-26-2003, 01:48 AM

والله أنا معاك يا هريدي

مش مقتنع إلا بأنها أشاعة

صحيح لو حد يعرف شركة بيبسي اتأسست امتى يقوللي

DoctorX · 07-26-2003, 02:02 AM

بسم الله الرحمن الرحيم

أولا مش ممكن يكون معنى ببسي زي ما قالت نور لأن في الحالة دي ما كلنش الشيخ عمر دياب و الحاجة نوال الزغبي عملوها اعلانات

أنا أكثر واحد بيحبك

ثانيا بفرض ان كلام نور صحيح احنا لازم نزيد من استهلاكنا للبيبسي عشان ندعم الاسرائيليين المساكين اللي ربنا ابتلاهم بأمة ارهابية مخها سميك مش عايزة تفهم ان اسرائيل موجودة قبل أبونا آدم و أمنا حواء

ثالثا مش مهم الاسم لأنه حاجة شكلية المهم في النهاية ان كل حاجة تتباع في الدنيا لازم تروح نسبة منها لاسرائيل ( بصراحة صرت أشك حتى في رغيف العيش الذي اشتريه من فرن حارتنا )

اشربي يا نور بيبسي و روقي أعصابك و لا تنسي ان طالما جارك بخير انتي بخير

هريدي يابووووي · 07-26-2003, 07:53 AM

طيب يا كابتن شوقي ليه ماتبقاش pay every penny to save Islam? واه يابووو

cpt_shawky · 07-26-2003, 01:36 PM

لأن شاكيرا :evilish: مش هتطلع ترقص فى التلفزيون

عشان خاطر الأسلام مين هناك

ولا ايه رأيك

هريدي يابووووي · 07-26-2003, 01:44 PM

لا يا شيخ؟

طب مافيروز هاتخلي مصر كلها تدوس في المانجة.. عشان اسرائيل برضه؟ :هع:

al haera · 07-28-2003, 10:01 AM

نور · 07-29-2003, 02:10 PM

الى كل من شارك ورد على موضوعي بشكره وخصوصي كابتن شوقي لأنه وبصراحه فهمان و اعذروني اذا كانت معلوماتي زعجت حدا وبالذات هريدي يا بوووووي لأنه اجوبته بتوحي ان الحكي مو عاجبه...

إبن الإسلام · 07-29-2003, 03:03 PM

السلام عليكم و رحمة الله و بركاته
على فكرة ممكن جدا يكون اختصار pepsi: pay every pound to save israel
بس مستحيييييل أجزم بكدة لأنها مجرد اسنتاجات

ازهرى · 08-02-2003, 01:54 AM

لما سألت فى الموضوع ده
قالوا ان الشركة دى لما حبت تنزل منتج ينافس كوكاكولا حبوا يعملوا اضافة فأضافوا له هرمون البيبسين (اصلا بتفرزه المعدة) واشتقوا اسمه من اسم البيبسين
بس كدة
والله اعلم

علي بابا · 08-02-2003, 03:40 AM

إقتباس:

كاتب الرسالة الأصلية : ازهرى
لما سألت فى الموضوع ده
قالوا ان الشركة دى لما حبت تنزل منتج ينافس كوكاكولا حبوا يعملوا اضافة فأضافوا له هرمون البيبسين (اصلا بتفرزه المعدة) واشتقوا اسمه من اسم البيبسين
بس كدة
والله اعلم

..أنا أرى ان هذا الرأى هو الاقرب الى الصواب...والله أعلم..
.......
ولكن لى سؤال بسيط..اذا كان المعنى لصالح الاسلام..او لاسرائيل..
..ما الفائدة..هل لو عرفنا المعنى..ستعود فلسطين..ام ستعود الحضارة الأسلامية..
..البيبسى تنتشر وتوزع فى كل أنحاء العالم..وأسرائيل مازالت تحتل أرض المقدس!!!
...........
وبالمناسبة رجل فرنسى من أصل عربى ..بانتاج مكة كولا..
http://www.haridy.com/ib/showthread....threadid=11037
..وياترى الفرخة من البيضة..ولا البيضة من الفرخة!!!!!!

07-28-2003, 10:01 AM	#11
al haera Registered User تاريخ التسجيّل: Mar 2003 المشاركات: 99
(غير متصل)

خيارات الموضوع
عرض نسخة للطّباعة ارسل هذه الصفحة لصديق
طريقة العرض	تقييم هذا الموضوع
النمط الخطي التحويل إلى النمط الشجري التحويل إلى النمط المتطوّر	تقييم هذا الموضوع:

عدد الأعضاء الذي يتصفحون هذا الموضوع: 1 (0 و اعضاء 1 زوار)