رانيا منصور
02-17-2008, 10:54 AM
إوعاك تكون جيت بس يِكمل بيك طابور<?xml:namespace prefix = o ns = "urn:schemas-microsoft-com:office:office" />
ما الزحمة خفِّت
آخر حكاوي النوم بصوتَك ما بتدتشي
ازاي هانام؟
أول ميعاد برّاك طفحـ بُه الكيل
ولَمّ
فإجمَع قلوعك وانتشر جوايا
بوح
وماتتهزمش
كوباية الميّة اللي قمت اشربها شِرئتْ
لما جيت أطفيك بريقها
فـ خدتْ بالك؟
ماتطفِتش!
بابلع دموع الغيم وأغطّيك بالدعا
واسرح ف راحة يدّ بِتْبُكّ الحروف
وعينين هزيلة
لم تقول
ولسان يا خايف
أو كسول
أو بيسرح ف اللي جاي
غربلتْ يومي
وخُفتْ
لا النِشارة تكون خَفِتني
مانا قلبي حبّات رُفعَها يخليها هُف تطير بـ نسمة
فَـ خد فِـ بالك
هيّ حبّة
خُد قرارك انها مش راح تدوب
وتعالى رتّب نعكشةْ عين صاحية بدري
عشان تقولك وقت توزيع الدعا والرزق
إسمع!
كون بخير..
ما الزحمة خفِّت
آخر حكاوي النوم بصوتَك ما بتدتشي
ازاي هانام؟
أول ميعاد برّاك طفحـ بُه الكيل
ولَمّ
فإجمَع قلوعك وانتشر جوايا
بوح
وماتتهزمش
كوباية الميّة اللي قمت اشربها شِرئتْ
لما جيت أطفيك بريقها
فـ خدتْ بالك؟
ماتطفِتش!
بابلع دموع الغيم وأغطّيك بالدعا
واسرح ف راحة يدّ بِتْبُكّ الحروف
وعينين هزيلة
لم تقول
ولسان يا خايف
أو كسول
أو بيسرح ف اللي جاي
غربلتْ يومي
وخُفتْ
لا النِشارة تكون خَفِتني
مانا قلبي حبّات رُفعَها يخليها هُف تطير بـ نسمة
فَـ خد فِـ بالك
هيّ حبّة
خُد قرارك انها مش راح تدوب
وتعالى رتّب نعكشةْ عين صاحية بدري
عشان تقولك وقت توزيع الدعا والرزق
إسمع!
كون بخير..