مش كلامــــــــــــــــــــي

[LAdy In-ReD]

سوري طبعا ان اول موضوع ليا هصدعكوا بكلامي :looking:
***
في ركن بعيد هناك وقفه بنت صغيره
بضفيره قصيره
واقفه تبتسملي .. دي كمان بتندهلي
بقلب حب ابتسامه منوره
جريت عليها وشيلتها
علي خدها طبعت بوسه.. حضنتها
لقتها بصتلي وسكتت ..
وفي عينيها شوفت قساوه زماني
وعلي ايدها شوفت ظلم العدل الاناني
سألتها قبل ما أسرح بخيالي
سر الحزن ده ليه ياتري؟
لقيتها رجعت سكتت تاني بابتسامه أمل معطره
وقالت من بين عيون زرقا منوره
أصلي ناديتك أفتكرتك مش هتشوفيني
كنت فاكراكي حتي مش هتردي عليا بس انتي جيتيني
نفسي أكبر نفسي أطول السما
وقفت هنا وانا مستنيه
حد يعدي أناديه وأشوف انا طويله ولا لسه قصيره
ناديتك فرحت لما جيتيني
بس بضمتك ليا فرحتيني
مش مهم طولي ولا قصري
المهم وجودي وسط ناسي في زماني وعصري
أحساسك بيا علاني
نساني جراحي وغدر زماني
ياريت كل الناس زيك
بالسعاده والخير تتمنالي
قولتلها كلمه نستني كل آلامي
قولتلها الطيب بيلاقي الطيب
يمكن صعب في زماني
بس دي اراده ربنا
كلامه
مش كلامــــــــــي
:rosy:

[monaliza]

يا سلام على الصداع
ايه يا بنتى الحلاوة دى كلها
انا سعيدة بانى اول واحدة تخدلها برشامتين من الجمال ده كله

يا لهوووووووى يا هووو عمرى ما اتمنيت انى افضل مصدعة كده على طول
استمرى ..... فى اجمل واحلى صداع

[صدى صوتى]

الله على الكلام
جميلة بجد
نورتى القهوة ومستنين منك القادم والاجمل
:rosy::rosy:

[LAdy In-ReD]

يا سلام على الصداع
ايه يا بنتى الحلاوة دى كلها
انا سعيدة بانى اول واحدة تخدلها برشامتين من الجمال ده كله

يا لهوووووووى يا هووو عمرى ما اتمنيت انى افضل مصدعة كده على طول
استمرى ..... فى اجمل واحلى صداع
:wub:
أول مره الاقي حد يحب صداعي
فينك وانا كان زماني مصدعاكي كل دقيقه :ura1:
دي حاجه علي الماشي كده امال لو دخلت في التقيل :brb:
ميرسي لمرورك وكلامك الحلو ويارب دايما أكون قد صداعك :rosy:

[LAdy In-ReD]

الله على الكلام
جميلة بجد
نورتى القهوة ومستنين منك القادم والاجمل
:rosy::rosy:
الله علي الرد
ميرسي كتير والقهوه منوره بكتابها والناس اللي فيها
ميرسي كتير وان شاء الله القادم أجمل :rosy: