كرسى الحلاق

[سيد الموجى]

كرسى الحلاق !!
سيد الموجى


أنا باحترم كرسى الحلاق
أصله استثناء
من قاعدة بعد ما كانت داء
قلبت بوباء !
****
بقىأى كرسى ابن اللى عليه
هو اللى يليه
ويستمر و( من غير ليه )
زحف الأبناء !
****
أى ابن صاحب دال مشهور
يصبح دكتور
وابن اللى من غير دال مقهور
ضاع علمه هباء !
****
وابن اللى على كتفه الدبابير
وعليكم خير
بكره تلاقوه له شأن كبير
جوه ( الُقُشلاق ) !
****
وابن السفير من غير هندام
ولا كُتر علام
مولود بدرجة قنصل عام
دولة واء واء !
****
وابن المدير من غير تبرير
هُب بقى مدير
لا كفاءة ولا خبرة ولاضمير
ولا حُسْن أداء !
****
وابن الوزير - ربنا يحميه
ويبارك فيه –
وزير ، وبكره ولاد معاليه
يصبحوا وزراء !
****
والجامعة فيها ابن الأستاذ
يصبح لو عاز
أستاذ ولو يتحرقوا بجاز
باقى الزملاء !
****
وفى الفنون ابن الفنان
أيا من كان
محجوز مكانه هو كمان
تحت الأضواء !
****
وابن الرياضى حبايب ابوه
بكره يخلوه
نجم النجوم وزمايله تتوه
فى حوارى بولاق !
****
وابن المذيع بطريق مشروع
أو غير مشروع
مشروع مذيع مرئى ومسموع
أرضى وفضاء !
****
أما ابن أى رئيس تحرير
أو صحفى كبير
فأكيد ومن بره الطوابير
جاى للقراء !
****
لكن يا عينى ابن الحرفوش
هذا اللى مالوش
لا عيلة ولا جد بطربوش
ولا عنده دهاء !
****
ابن اللى فيه اللى مكفّيه
بتزيد مآسيه
مش لاقى حد يحن عليه
بين الأحياء !
****
لا نفع معاه قرض ( الصندوق )
ولا دعم ( شروق )
من تحت عمره ما يطلع فوق
حتى ولو فاق !
****
واقع لا فيه منطق معقول
ولا شىء مقبول
وان قلت ليه تلقى المسئول
قال باستهزاء !
****
اشمعنى يعنى ابن الجزار
وابن النجار
وابن الغفير وابن الحمَّار
وابن السواق ؟!
****
ليه اللى وارث مهنة ابوه
منهم تسيبوه
فى حاله وخلافه تحاسبوه
وكأنه أساء ؟!
****
والرد ببساطة وبشويش
إن الحرافيش
دول اللى مش لاقيين العيش
غير الوجهاء !
****
فيه كرسى بيخلّى اللى عليه
باشا أوبيه
وكرسى مش شايلاه رجليه
زى البؤساء !
****
لكن بقى الكرسى المذكور
محجوز بالدور
ولا يعرف الغش ولا الزور
ولا الاستثناء !
****
وغير كدا حواليه مرايات
فاضحة النيَّات
وكاشفة كافة الاتجاهات
بلا أى زواق !
****
وعشان كدا أنا شايف فيه
سر يخليه
غيرعادى وواجبنا نحيّيه
كرسى الحلاق !!

[عصفور المطر]

كرسى الحلاق !!

سيد الموجى


أنا باحترم كرسى الحلاق
أصله استثناء
من قاعدة بعد ما كانت داء
قلبت بوباء !
****
بقىأى كرسى ابن اللى عليه
هو اللى يليه
ويستمر و( من غير ليه )
زحف الأبناء !
****
أى ابن صاحب دال مشهور
يصبح دكتور
وابن اللى من غير دال مقهور
ضاع علمه هباء !
****
وابن اللى على كتفه الدبابير
وعليكم خير
بكره تلاقوه له شأن كبير
جوه ( الُقُشلاق ) !
****
وابن السفير من غير هندام
ولا كُتر علام
مولود بدرجة قنصل عام
دولة واء واء !
****
وابن المدير من غير تبرير
هُب بقى مدير
لا كفاءة ولا خبرة ولاضمير
ولا حُسْن أداء !
****
وابن الوزير - ربنا يحميه
ويبارك فيه –
وزير ، وبكره ولاد معاليه
يصبحوا وزراء !
****
والجامعة فيها ابن الأستاذ
يصبح لو عاز
أستاذ ولو يتحرقوا بجاز
باقى الزملاء !
****
وفى الفنون ابن الفنان
أيا من كان
محجوز مكانه هو كمان
تحت الأضواء !
****
وابن الرياضى حبايب ابوه
بكره يخلوه
نجم النجوم وزمايله تتوه
فى حوارى بولاق !
****
وابن المذيع بطريق مشروع
أو غير مشروع
مشروع مذيع مرئى ومسموع
أرضى وفضاء !
****
أما ابن أى رئيس تحرير
أو صحفى كبير
فأكيد ومن بره الطوابير
جاى للقراء !
****
لكن يا عينى ابن الحرفوش
هذا اللى مالوش
لا عيلة ولا جد بطربوش
ولا عنده دهاء !
****
ابن اللى فيه اللى مكفّيه
بتزيد مآسيه
مش لاقى حد يحن عليه
بين الأحياء !
****
لا نفع معاه قرض ( الصندوق )
ولا دعم ( شروق )
من تحت عمره ما يطلع فوق
حتى ولو فاق !
****
واقع لا فيه منطق معقول
ولا شىء مقبول
وان قلت ليه تلقى المسئول
قال باستهزاء !
****
اشمعنى يعنى ابن الجزار
وابن النجار
وابن الغفير وابن الحمَّار
وابن السواق ؟!
****
ليه اللى وارث مهنة ابوه
منهم تسيبوه
فى حاله وخلافه تحاسبوه
وكأنه أساء ؟!
****
والرد ببساطة وبشويش
إن الحرافيش
دول اللى مش لاقيين العيش
غير الوجهاء !
****
فيه كرسى بيخلّى اللى عليه
باشا أوبيه
وكرسى مش شايلاه رجليه
زى البؤساء !
****
لكن بقى الكرسى المذكور
محجوز بالدور
ولا يعرف الغش ولا الزور
ولا الاستثناء !
****
وغير كدا حواليه مرايات
فاضحة النيَّات
وكاشفة كافة الاتجاهات
بلا أى زواق !
****
وعشان كدا أنا شايف فيه
سر يخليه
غيرعادى وواجبنا نحيّيه

كرسى الحلاق !!

استاذنا الكبير...سيد الموجى
اول مرة اتشرف بقراءة نص لك
لكننى لا اجد ما اقوله من فرط انبهارى بما سطر قلم
ابدعت فعلا
تناولك للفكرة يثير الاعجاب
نجحت ان ترصد الواقع المرير الذى نعيشه
وتعبر عنه باسلوب اقل ما يقال عنه انه السهل الممتنع
تسلم ايدك يا استاذنا
اخوك
محمد جمعة الاسناوى

[انسـان]

راااااااااااااائعة ما شاء الله (لخسن احسدك بجد ! )
الفكرة نفسها مش معقولة ..
و الوصف اللي خلق المفارقة ممتع في المعنى و الجرس ..
فعلا حضرتك ابدعت ..

تحياتي :rosy:

[سيد الموجى]

استاذنا الكبير...سيد الموجى
اول مرة اتشرف بقراءة نص لك
لكننى لا اجد ما اقوله من فرط انبهارى بما سطر قلم
ابدعت فعلا
تناولك للفكرة يثير الاعجاب
نجحت ان ترصد الواقع المرير الذى نعيشه
وتعبر عنه باسلوب اقل ما يقال عنه انه السهل الممتنع
تسلم ايدك يا استاذنا
اخوك
محمد جمعة الاسناوى


الشاعر الجميل / محمد جمعة الإسناوى
أرجو أن تكون قراءتك الأولى لنص لى هى الأولى ثم تتكرر إن شاء الله
وأشكر لك ثناءك الجميل راجيا أن أكون دائما عند حسن ظنك
كما أحلم - وأعتقد أن هذا هو حلمنا جميعا - أن تكون كل الكراسى من حولنا مثل كرسى الحلاق
ولك منى خالص الود

[سيد الموجى]

راااااااااااااائعة ما شاء الله (لخسن احسدك بجد ! )

الفكرة نفسها مش معقولة ..
و الوصف اللي خلق المفارقة ممتع في المعنى و الجرس ..
فعلا حضرتك ابدعت ..


تحياتي :rosy:


عزيزى / انسـان
أشكر لك مرورك الكريم وثناءك الذى ينم عن حس مرهف وشعور نبيل
نوّرت متصفحى وأرجو تكرار الزيارة

[محمود النجدي]

الفنان المبدع الاستاذ الرائع ...سيد الموجى
سطرت فابدعت ..ورسمت بريشعه فنان
لكني اخالفك في شئ بسيط لو سمحت الست معي ان ابن الفلاح ان اراد علما تعلم وان اراد ان يزرع الارض فلا داعي ان ننهكه في شئ لايحبه
ابن النجار سيجيد الصنعه ان صاحب اباه في الصغر
بدل ان يصاحبه في الكبر بعد ان يتعلم ويكتشف
انه لاتوجد وظائف وحتي لو توظف فان مرتبه ماياكلوش عيش حاف ؟

[أمجد حسني رياض]

أستاذي العزيز سيد الموجي أعجبني كثيراً ما قرأت لك لكني بحكم انني مبتدئ في كتابة الشعر فأود أن اتعلم منك من أي الانواع قصيدة (( كرسي الحلاق )) هل هي شعر أم زجل حتي إذا كتبت بهذه الطريقة في بعض ما أكتب أكون علي علم بما أكتبه وأرجو من حضرتك أن تقرأ لي إن كان عندك متسع من الوقت وتعلق علي ما أكتب لعلي أستفيد من خبرتك وعلمك

[MR.S]

بسم الله ماشاء الله كلام ماشي مع بعضه ومتنايسق تسلم ايدك ياأستاذنا

[ماهر حامد]

****
وابن المدير من غير تبرير
هُب بقى مدير
لا كفاءة ولا خبرة ولاضمير
ولا حُسْن أداء !

مهو دا اللى بوظ الدنيا عدم الخبره وقلة الضمير فى كافه النشاطات
رائع ما قدمته من نماذج عده
وربنا هو الستار
تحيااااااااااااااااااتى

[وفاء النعماني]

هذه هي المرة العاشرة تقريباً ودون مبالغه أقرء فيها هذا النص الأكثر من رائع

قرأته فى المنزل وفى العمل ومع أصدقائي

أكاد أكون حفظته .. وألقيه على المسامع غيباً
من كثرة المرات التى قرأته بها

وفي كل مره أقرر الرد لا أجد ما أكتبه

وأشعر أن أياً كان الكلام لن يوفي هذه الفكره الرائعه وهذا الإبداع حقه

ولكن أسمحي لي أن أشكرك علي إمتاعنا بهذه الكلمات

تحياتي أستاذنا ولك مني كل تقدير :rosy:

[سيد الموجى]

الفنان المبدع الاستاذ الرائع ...سيد الموجى
سطرت فابدعت ..ورسمت بريشعه فنان
لكني اخالفك في شئ بسيط لو سمحت الست معي ان ابن الفلاح ان اراد علما تعلم وان اراد ان يزرع الارض فلا داعي ان ننهكه في شئ لايحبه
ابن النجار سيجيد الصنعه ان صاحب اباه في الصغر
بدل ان يصاحبه في الكبر بعد ان يتعلم ويكتشف
انه لاتوجد وظائف وحتي لو توظف فان مرتبه ماياكلوش عيش حاف ؟

عزيزى / محمود النجدى
أشكر لك ثناءك على القصيدة أولا
كما أننى أتفق معك فيما ذهبت إليه بشأن اشتغال الأبناء بمهن آبائهم
ولكن لا يمنع هذا من إعطائهم حقهم إذا كانوا فى منافسة شريفة مع أبناء الآخرين " من ذوى الشأن "
لشغل بعض " الكراسى المميزة "
مش كدا والا إيه ؟

[سيد الموجى]

أستاذي العزيز سيد الموجي أعجبني كثيراً ما قرأت لك لكني بحكم انني مبتدئ في كتابة الشعر فأود أن اتعلم منك من أي الانواع قصيدة (( كرسي الحلاق )) هل هي شعر أم زجل حتي إذا كتبت بهذه الطريقة في بعض ما أكتب أكون علي علم بما أكتبه وأرجو من حضرتك أن تقرأ لي إن كان عندك متسع من الوقت وتعلق علي ما أكتب لعلي أستفيد من خبرتك وعلمك

عزيزى / ريعو
أشكر لك مرورك الكريم أولا
وقد قرأت بعض ما كتبت وأعدك أن أسجل بعض ملاحظاتى على هذه الأعمال
أما (( كرسي الحلاق )) فهى تنتمى لفن الزجل ولكن أؤكد لك أن الشعر هو الشعر بصرف النظر عن كل التصنيفات المعروفة
المهم أن تعبر عما يجيش بصدرك من أحاسيس بأكبر قدر من الصدق بشرط أن تكون لديك ملكة كتابة الشعر بالطبع فبدونها لن يكون هناك شعر ولا شاعر

[سيد الموجى]

بسم الله ماشاء الله كلام ماشي مع بعضه ومتنايسق تسلم ايدك ياأستاذنا

عزيزى / MR.S
أشكر لك مرورك الكريم وكلماتك الرقيقة
كل سنة وانت طيب
ورمضان كريم

[أمجد حسني رياض]

عزيزى / ريعو

أشكر لك مرورك الكريم أولا
وقد قرأت بعض ما كتبت وأعدك أن أسجل بعض ملاحظاتى على هذه الأعمال
أما (( كرسي الحلاق )) فهى تنتمى لفن الزجل ولكن أؤكد لك أن الشعر هو الشعر بصرف النظر عن كل التصنيفات المعروفة

المهم أن تعبر عما يجيش بصدرك من أحاسيس بأكبر قدر من الصدق بشرط أن تكون لديك ملكة كتابة الشعر بالطبع فبدونها لن يكون هناك شعر ولا شاعر

أشكرك استاذ سيد علي أهتمامك واتمني أن أجد عندك رد لسوأل يحيرني ولا أجد له إجابه ما هو الديوان ومم يتكون وهل له شروط من حيث نوعيه الاعمال التي يشملها بمعني أن تكون من قالب شعري واحد أو سواء عامي أو فصحي أو مواويل حتي أستطيع أن أخرج كتاب أقدر اقول عليه ديوان وأنا في إنتظار تعليقاتك علي ما أكتب كي أستفيد من خبرتك وأشكرك مرة أخري واتمني أن اجد إجابه لسوالي عندك