محمد ندا
07-07-2007, 05:42 AM
شيخ البلد
مالك لطين كل البلد
وارثه يا ناس من ميت سنة
عن جد أبوه اللي اتولد
شيخ البلد
***
شيخ البلد
عامل ف بيته مصطبة
مكحولة قال متشطَّبَة
والقعدة فيها مرطَّبة
وكمان داخِلَّها كهربا
والخلق بيها معجبة
نعمة وحلِّت ع البلد
***
الخلق لمت نفسها
شدت رحال ع المصطبة
زي العوايد عندها
في كل يوم بعد العشا
فقرا وناس متريشة
قاعدين حدا شيخ البلد
***
وف يوم ما ليه إلا العجب
الخلق كات متسلطنة
على صوت حمادة ف الغنا
أصل الولا غاوي طرب
وف عز نشوة فرحهم
لمحوا شرارة م الغضب
طاقة ف عين شيخ البلد
حرقت حمادة باللهب
طرد الولا من غير سبب
***
والناس بقت مستغربة
والكل قال ليه انطرد؟؟
رد الكبير شيخ البلد
قال الولا قَلَّ الأدب
***
دي حاجة اعجب م العجب
والناس بقت متنكده
تسأل تقول أمتا كده؟
محصلش ده!!!!!
***
من يومها وحمادة حلف
ما تخطي رجله المصطبة
واللي عاوز يسمع غنا
هيروح له داره قريبة
وبلاها سيرة المصطبة
مالك لطين كل البلد
وارثه يا ناس من ميت سنة
عن جد أبوه اللي اتولد
شيخ البلد
***
شيخ البلد
عامل ف بيته مصطبة
مكحولة قال متشطَّبَة
والقعدة فيها مرطَّبة
وكمان داخِلَّها كهربا
والخلق بيها معجبة
نعمة وحلِّت ع البلد
***
الخلق لمت نفسها
شدت رحال ع المصطبة
زي العوايد عندها
في كل يوم بعد العشا
فقرا وناس متريشة
قاعدين حدا شيخ البلد
***
وف يوم ما ليه إلا العجب
الخلق كات متسلطنة
على صوت حمادة ف الغنا
أصل الولا غاوي طرب
وف عز نشوة فرحهم
لمحوا شرارة م الغضب
طاقة ف عين شيخ البلد
حرقت حمادة باللهب
طرد الولا من غير سبب
***
والناس بقت مستغربة
والكل قال ليه انطرد؟؟
رد الكبير شيخ البلد
قال الولا قَلَّ الأدب
***
دي حاجة اعجب م العجب
والناس بقت متنكده
تسأل تقول أمتا كده؟
محصلش ده!!!!!
***
من يومها وحمادة حلف
ما تخطي رجله المصطبة
واللي عاوز يسمع غنا
هيروح له داره قريبة
وبلاها سيرة المصطبة