قاضى ما شفش حاجة

[المجاهد محمد]

-= قاضى ما شفش حاجة =-
نقلا عن مجلة المصور, وميكى جيب:closeeye:

وآدى الظلم بيرجع تانى ف قلب محاكمة ظـُـلم وجور
ونفس الشيطان يِفجُر تانى ويكسر قلب الأم شهـــور
وقبلها كان الظلم الأكبر .. لما شطفولنا الدستــــور
غسلوه كويس .. ونشروه كمان ...
.... .... ... .. .. . . وحطوه رصاصة ف قرن التور
وآدى التور اليوم بينهّأ .. وسط اللمة فى بطن ماخـور
يؤمر ينهى .. ويزعق يحرن .. لما المسلم عدا السـور
كانت العزبة.. عزبة اهله .. وباقى الناس الراكعة طابور
اليوم التور فرعون متأمرك.. طايح وسط الناس بساطور
عمال يقتل هنا ويخرب .. خايف كرسى العزبة يغــور
حاسِب نفسه خالد فيها .. وإن أيامه شهور وشهــور
وأمر التور جَرْو الأمن .. بإنه يلفــأ قضيـــة زور
وتم القبض على مسلم طبعًا .. وخد افراج واتنين معذور
اصله فاكر ان ده حقـــه .. وتم احـــالته للمأمور
مأمور انه يطلع دينه .. أو سِكّينــة ف بطنــه تغور
وحول فورًا مسلم طبعًا .. لسيدنا القاضـــى المغرور
وما فى الأرض الدنيا دى حامى.. أو أفوكاتو يسد الدور
اتكلم مسلم طبعًا .. قال : سيدنا القاضى ما شفش الدور!
وكان ميزان العدل المايل .. كفه يدمع وسط المسرح والجمهور:sniff:
والجمهور القاعد يبكى .. رغم الهزل وضحك التـــور
وكانت ديّة نهاية الحفلة .. لسة القصة وبـــاقى الدور

لسة مسلم طبعًا قاعد .. محبوس اقصد فى الدستـــور
لسة مسلم طبعًا قاعد .. محبوس اقصد والجمهــــور

:closeeye:

[MASHI]

مصر بتاكل ولادها يا محمد ...:sniff:
مصر مش وحشة ...
ناسها اللى وحشين فى حق بعض ...:sniff:
الظلم كتير قوى وواضح قوى ...
لو كل واحد فى منصب افتكر انه زايل وان هييجى يوم يتسأل عن كل ما فعل امام الله ...
كان حالنا اتغير ..كل واحد متسك بالكرسى بتاعه فى كل مناسبة ووقت حتى لوتطلب الامر و هيخليه كرسي حمام ..
حسبنا الله ونعم الوكيل فى كل ظالم ..

[المجاهد محمد]

مصر بتاكل ولادها يا محمد ...:sniff:

مصر مش وحشة ...
ناسها اللى وحشين فى حق بعض ...:sniff:
الظلم كتير قوى وواضح قوى ...
لو كل واحد فى منصب افتكر انه زايل وان هييجى يوم يتسأل عن كل ما فعل امام الله ...
كان حالنا اتغير ..كل واحد متسك بالكرسى بتاعه فى كل مناسبة ووقت حتى لوتطلب الامر و هيخليه كرسي حمام ..

حسبنا الله ونعم الوكيل فى كل ظالم ..

يسلمولى اديديك يا حاج على الرد, وعلى المرور الجميل, الموضوع بينش من ساعة ما نزل, كل شوية واحد يعدى وماتعجبوش البضاعة ويمشى تانى:nunu0000:

يلا خير, الناس خايفة برضه يا عمو محمد, بس الفكرة انى انا بتكلم عن الثور, واللى على راسه قرون يحسس عليها:twee:

يعنى القصيدة ده ممكن تتم كل احداثها داخل سور حديقة الحيوانات:closeeye:

بس الناس هى اللى بتفهم غلط:أخخخ:

.. حسبنا الله ونعم الوكيل فى كل ظالم,


ده بعيدًا عن القصيدة, :dntknw:

احنا بندعى على الظالم فى اى وقت:closeeye:

نورت يا شيخ محمد:rosy:

اخوك الصغنن محمد:rosy:

[أم عمارة]

ناشد فضيلة الشيخ يوسف القرضاوي كافة علماء المسلمين في سائر الأقطار "عدم التهاون في تحريم بعض الأمور الجوهرية الخطيرة، وطالبهم بإعطاء كلمة (الحرام) حقها؛ فكبت الحريات، والتعدي على حرمات الناس، واعتقالهم، ومحاكمة المدنيين محاكمات عسكرية، وتزوير الانتخابات، ونهب الأموال العامة... كلها محرمات ينبغي أن يعلن عنها العلماء، كما يبالغون في الإعلان عن المحرمات الأخرى المعروفة".
لا تعليق

[zekas_vet]

-= قاضى ما شفش حاجة =-

نقلا عن مجلة المصور, وميكى جيب:closeeye:

وآدى الظلم بيرجع تانى ف قلب محاكمة ظـُـلم وجور
ونفس الشيطان يِفجُر تانى ويكسر قلب الأم شهـــور
وقبلها كان الظلم الأكبر .. لما شطفولنا الدستــــور
غسلوه كويس .. ونشروه كمان ...
.... .... ... .. .. . . وحطوه رصاصة ف قرن التور
وآدى التور اليوم بينهّأ ..وسط اللمة فى بطن ماخـور
يؤمر ينهى .. ويزعق يحرن .. لما المسلم عدا السـور
كانت العزبة.. عزبة اهله .. وباقى الناس الراكعة طابور
اليوم التور فرعون متأمرك.. طايح وسط الناس بساطور
عمال يقتل هنا ويخرب .. خايف كرسى العزبة يغــور
حاسِب نفسه خالد فيها .. وإن أيامه شهور وشهــور
وأمر التور جَرْو الأمن .. بإنه يلفــأ قضيـــة زور
وتم القبض على مسلم طبعًا .. وخد افراج واتنين معذور
اصله فاكر ان ده حقـــه .. وتم احـــالته للمأمور
مأمور انه يطلع دينه .. أو سِكّينــة ف بطنــه تغور
وحول فورًا مسلم طبعًا .. لسيدنا القاضـــى المغرور
وما فى الأرض الدنيا دى حامى.. أو أفوكاتو يسد الدور
اتكلم مسلم طبعًا .. قال : سيدنا القاضى ما شفش الدور!
وكان ميزان العدل المايل .. كفه يدمع وسط المسرح والجمهور:sniff:
والجمهور القاعد يبكى .. رغم الهزل وضحك التـــور
وكانت ديّة نهاية الحفلة .. لسة القصة وبـــاقى الدور

لسة مسلم طبعًا قاعد .. محبوس اقصد فى الدستـــور
لسة مسلم طبعًا قاعد .. محبوس اقصد والجمهــــور

:closeeye:




عفيفى................التور مش بينهّأ..الحمار هو اللى بينهّأ:to_pick_ones_nose2:
التور بعيد عنك بينعّر
جميلة ومتفصّلة على الوضع اللى احنا عايشين فيه
تسلملى ميكى جيب وجريدة المصور:rosy: ....وحديقة الحيوان كمان:mosking:

[المجاهد محمد]

هيييييييييييييييييييييييييييييه
وجعتنا يا عم قوى بالكلام ده ... بس خللى بالك ... داين تدان ... يعنى كل واحد ظلم حيتظلم ... ويشوف الظلم بعينه ... ويفتكر ساعتها اللى ظلمه ... دى حكمة ربنا ... انه ساعة ما تضيق بيك الدنيا تفتكر انك ظلمت فلان .... وساعتها بقى مش حينفعك الكبير ولا الصغير .. فخللى بالك ان كل واحد بيظلم لازم يجيله يوم ويدوق نفس الكاس
فكرتنى بقصة حلوة انا قريتها عن شاهد فى محاكمة امريكية لواحد ضرب عيل بعربية ... والمحامى طلعه ناقص الاهلية ... لان الشاهد نظره ضعيف والحادثة كانت بالليل وفى جو شتوى ... ولانه محامى كبير وشاطر .. وبالتالى اللى عمل الحادثة طلع براءه ... وبعد فترة نفس الشخص اللى طلع براءة ضرب ابن المحامى ده بعربية .. والمحامى على الرغم من خبرته وشهرته وقوته مقدرش يدينه ... لان الشاهد الوحيد فى القضية كان نفس الشخص صاحب النظر الضعيف ناقص الاهلية
فكل واحد باع ضميره وقال ياللا نفسى .. بكره ربنا يسلط عليه اللى يقوله ذق ما صتعت يديك
شكرًا على المرور وعلى الكلام:rosy:

وعلى القصة كمان:rosy:

أخوك محمد :flowers:

[المجاهد محمد]

ناشد فضيلة الشيخ يوسف القرضاوي كافة علماء المسلمين في سائر الأقطار "عدم التهاون في تحريم بعض الأمور الجوهرية الخطيرة، وطالبهم بإعطاء كلمة (الحرام) حقها؛ فكبت الحريات، والتعدي على حرمات الناس، واعتقالهم، ومحاكمة المدنيين محاكمات عسكرية، وتزوير الانتخابات، ونهب الأموال العامة... كلها محرمات ينبغي أن يعلن عنها العلماء، كما يبالغون في الإعلان عن المحرمات الأخرى المعروفة".
لا تعليق
أم عمارة, منورة الموضوع:rosy:

والفتوى جت فى وقتها والله, مع انى بتكلم عن التور مش حد تانى:closeeye:

تسلم ايدك على المشاركة الايجابية, وعلى المرور الكريم..

أخوكِ محمد :rosy:

[المجاهد محمد]

عفيفى................التور مش بينهّأ..الحمار هو اللى بينهّأ:to_pick_ones_nose2:
التور بعيد عنك بينعّر
جميلة ومتفصّلة على الوضع اللى احنا عايشين فيه
تسلملى ميكى جيب وجريدة المصور:rosy: ....وحديقة الحيوان كمان:mosking:
ما بلاش غلط, كفاية واحد نخسره:vava:

عمومًا حمار, ولا ثور أهو كلها حيوانات مش بتفهم:don-t_men

وبعدين اذا كان حد اسقطها على الوضع اللى احنا عايشين فيه, فده مشكلته هو مش مشكلتى انا:twee:

شكرًا للمرور

أخوك محمد :flowers:

[MASHI]

كبت فوق كبت فوق كبت فوق خنقة فوق ضغط فوق فقر فوق قلة قيمة فوق امتهان كرامة فوق استهانة بالادمية فوق قلة ادب فوق قلة دين فوق قلة ضمير ....المحصلة النهائية ..طوفان ..بس امتى ..الله يدينا ويديكم طولة العمر