أنا عايزه أعيش في المريخ

[مي المنوفيه]

من غير لف و تدويخ
أنا عايزه أعيش في المريخ
دا أنا زهقت من الأرض
و الحروب و الدم و الصريخ
***
الأرض بقت زحمه
و القتل بقا من غير رحمه
و التلوث في كل ناحيه
إن كنت في القاهره
أو حتى في ميونيخ
***
أنا هاعيش في المريخ خاطر
أعيش مرتاحة البال و الخاطر
لا إرهاب يهددنى
و لا نووي
و لا مخاطر
***
راح أعيش في المريخ
من غير بطاله
و لا أتعب أعصابى
بغرق عبَّاره
و لا سرطانات متعبيه
جوا الشكاره
و لا فساد يغرقنى
و يفقع المراره
***
راح أعيش في المريخ مرتاحه
من الأرض و همها
و من إسرائيل
و إللى كان زيها
و من أمريكا و قرفها و ذلها
و من أوروبا
و إللى كان دلّها
***
راح أعيش في المريخ
من غير عقوبات دوليه
و أرتاح من بوش
و أفكاره الغبيه
و من أولمرت
و عصاباته الدوليه
***
راح أعيش في المريخ مرتاحه
من غلاء الأسعار
راح أعيش في المريخ مرتاحه
من وزير مخه حمار
راح أعيش في المريخ مرتاحه
من مسئول
عايز ينضرب بالنار
راح أعيش في المريخ مرتاحه
من الواسطه
راح أعيش في المريخ مرتاحه
من الجامعه
راح أعيش في المريخ مرتاحه
من القفله
راح أعيش في المريخ مرتاحه
من ظلم الجبابره
راح أعيش في المريخ مرتاحه
من أمن الدوله
راح أعيش في المريخ مرتاحه


مرتاحه .....



مرتااااااااااااااااااااااااااااااحه.......:he at:

[فكرة]

كلنا عايزين نروح معاكى يا أخت مي
بس ممكن تتأكدلنا من نوع اللبن هناك..؟؟
وياريت ما تقوليش أفكار زي دى تانى بصوت عالى علاشان حتلاقى الكل راح هناك ,,ويمكن ما تلاقيش ليكى ساعتها مكان .
بعدين بالمناسبه .. مش انتى فى المنوفيه برضو.. طيب ما انتى فى المريخ أهو ؟؟
بهزر طبعاً وبهزر بقلب جامد كده .. علاشان أنا منوفييايه أباً وأماً ومنوفياياه أصيله كمان
مشاركه حلوه بجد .. كلنا عايزين نهرب..وعايزه منك وعد لو ممكن فعلا تعمليها .. ونبى تاخدينى معاكي

[نوسه الننوسه]

مى والله عندك حق فى الكلام ده
الواحد زهق من الارض ومشاكلها

لو لقيتى مواصله للمريخ ياريت تحجزى لى مكان معاكى

تسلم افكارك
تحياتى :rosy:

[اشرف عبد الرحيم]

من غير لف و تدويخ

أنا عايزه أعيش في المريخ

دا أنا زهقت من الأرض
و الحروب و الدم و الصريخ
***
الأرض بقت زحمه
و القتل بقا من غير رحمه
و التلوث في كل ناحيه
إن كنت في القاهره
أو حتى في ميونيخ
***
أنا هاعيش في المريخ خاطر
أعيش مرتاحة البال و الخاطر
لا إرهاب يهددنى
و لا نووي
و لا مخاطر
***
راح أعيش في المريخ
من غير بطاله
و لا أتعب أعصابى
بغرق عبَّاره
و لا سرطانات متعبيه
جوا الشكاره
و لا فساد يغرقنى
و يفقع المراره
***
راح أعيش في المريخ مرتاحه
من الأرض و همها
و من إسرائيل
و إللى كان زيها
و من أمريكا و قرفها و ذلها
و من أوروبا
و إللى كان دلّها
***
راح أعيش في المريخ
من غير عقوبات دوليه
و أرتاح من بوش
و أفكاره الغبيه
و من أولمرت
و عصاباته الدوليه
***
راح أعيش في المريخ مرتاحه
من غلاء الأسعار
راح أعيش في المريخ مرتاحه
من وزير مخه حمار
راح أعيش في المريخ مرتاحه
من مسئول
عايز ينضرب بالنار
راح أعيش في المريخ مرتاحه
من الواسطه
راح أعيش في المريخ مرتاحه
من الجامعه
راح أعيش في المريخ مرتاحه
من القفله
راح أعيش في المريخ مرتاحه
من ظلم الجبابره
راح أعيش في المريخ مرتاحه
من أمن الدوله
راح أعيش في المريخ مرتاحه


مرتاحه .....



مرتااااااااااااااااااااااااااااااحه.......:heat:








من غير لالف ولا تدويخ


انا لسه جايلك م المريخ


ومعايا جعبة اخبارى


لما سكنت الوسعايه


طردونى هدمولى دارى


ربطونى على ضهر حمارى


ورجعت هنا كده بالمقلوب


اتارى هما بتوع الارض


ملكين زممها شرق وغرب


والصيط موصل للمريخ


بيقولو مش نقصين تلاقيح


ولا حد يسكن ف المريخ


ولا حد هيكون له سرايا


وخدونى ضرب على ورايا


والوش اصبح فى قفيا


ورجعت هنا كده بالمقلوب


ما تيجى بينا نروح ناهيه


____________________


ناهية : هو اخر واصغر الكوكب لسه محدش اكتشفه



الاخت الفاضلة


استاذة / مى
تحية لك اينما كنتى
اختى الكريمة
نصك جاء معبرا عن وقعنا الحالى وضيق الدنيا بما
رحبت
بس متهيلى حتى المريخ مش هيكون خالى
رغم ان الفكرة جديدة و جيدة جدا الا اننى اتوقع انه سبقونا اليه
وعلى رايك ثلاثى اضواء المسرح
وجريت م الشارع للجارة والخ الخ
اطلع من نقرة لدحديرة ومن فخ لفخ
طاخ :gun: طيخ :budo: طوخ :nunu0000:
طاااااااااااااااخ:surrender :kap:
تسلم الافكار استاذة مى
احترامى اختى ومعذرة عن تناتيش خلفتها

[مي المنوفيه]

كلنا عايزين نروح معاكى يا أخت مي
بس ممكن تتأكدلنا من نوع اللبن هناك..؟؟



لا ما تخافيش منوفيتي بلدياتى ... اللبن هناك بيغشوه بالصابون السائل :brb: مش بالجبس ...:brb:

أشكرك على ردك الجميل ....:rosy:








لو لقيتى مواصله للمريخ ياريت تحجزى لى مكان معاكى





المواصلات زحمه مووووت ...:out: .... يظهر إن الكل عايز يهاجر زيينا :chr58: ... عموماً إن شاء الله .. أكيد الورثه هيلحقولهم مكان ...:انجغة: ...


تحياتى لردك الجميل ...










من غير لالف ولا تدويخ


انا لسه جايلك م المريخ


ومعايا جعبة اخبارى


لما سكنت الوسعايه


طردونى هدمولى دارى


ربطونى على ضهر حمارى


ورجعت هنا كده بالمقلوب


اتارى هما بتوع الارض


ملكين زممها شرق وغرب


والصيط موصل للمريخ


بيقولو مش نقصين تلاقيح


ولا حد يسكن ف المريخ


ولا حد هيكون له سرايا


وخدونى ضرب على ورايا


والوش اصبح فى قفيا


ورجعت هنا كده بالمقلوب


ما تيجى بينا نروح ناهيه









نـ .... نـ..... ناهيه ؟؟؟؟:mpr0000: هما إكتشتفوه إمتى دا ...؟؟؟:think3: أنا آخر معلوماتى إنهم طردوا بلوتو:انجغة: من المجموعه الشمسيه علشان طول لسانه على أخوه الكبير ـ عطارد:old: ـ لكن ناهيه دا الحقيقه ... واضح من إسمه إللى يشبه كلمة [ داهيه] إنه هيبقا فتحة خير علينا معشر المهاجرين من كوكب الأرض :brb: :brb: :brb: ..


و الله إستكمال رائع و جميل جداً ..

جزاك الله خيراً كثيراً ...