خروف حلمنتيشى

[يحيى زكريا]

زَوجَتُنَا قَاَلْت يا يحيى..

فى العيدِ إئتينى بِخَروفْ...

رَديتْ مِن أَينَ يَاروحْ َقَلبى...

دِلِّينى إعْمِلى مَعروفْ...

قَالَتْ يَا سَبْعى إتْصَرَّفْ...

يَا مَن لِشََقَايَا مَوْصُوفْ...

إنْ لَمْ تَأتِينى بِأُضحِيَةٍ...

حَتْبَاتِ وشَنَبَكْ مَنتُوفْ...

قُلْتِ لْهَا نُضَحِّى بِأَوِزَّهْ...

قَالِتْلى مَانْتَشْ مَكْسُوفْ...

طَبْ هَاتْ لى وِزَّه بِقُرونٍ...

بِتْمَأمَأ وِبْفَروَه صُوفْ...

يَا حَيَاتى فى هَذَا العَامِ....

لاَ أَمْلِكُ إلاَّ المَصرُوفُ....

قَالَتْ إنْ لَمْ تُحْضِرُهُ يا جَمَلى...

تِبْقَى مِنَ الدُنْيَا مَحْذُوفْ...

مَجْزَرَةٌ قَدْ تَحْدُثُ حَالاً....

فِيهَا سَكَاكينٌ وَسِيُوفْ....

سَوفَ أُصَدِّرُكَ إلى أهْلُكْ...

فى وَرَقِ اللَحْمَةِ مَلْفُوفْ....

وَامْرَأَتى عَنيدَه يَا سَادَهْ....

لاَتَعْرِفُ فَقْرَاً وَظُرُوفْ...

إعْصَار تِسُونَامى إنْ تَغْضَبْ...

قَدْ تَغْلى كَبُرْكَانِ فِيزُوفْ...

مِنْ خَوْفى جَرَيْتُ مِنَ المَنْزِلْ...

أَرْتَعِدُ وَلَونى مَخْطوفْ...

قَابْلونى عِصَابِةْ حَرَامِيَّهْ...

أبُوشِفَّه وسِنْجَه وشَحْتُوفْ...

قَالُولى تَعَالَى يَا مدَهْوِلْ....

مِ الليلَهْ عُمْرَكْ مَقْصُوف...

لَمَّا أَنْ سَمِعُوا لِحكَايْتى...

قَالُوا اتْعَشِّينَا يَا مَهْفُوفْ...

وَاتَّصَلُوا سَريعَاً بِمرَاتى...

قَالولْهَا زَوْجُكِ مَخْطُوفْ...

نَذْبَحُهُ إِنْ لَمْ تُعْطينَا....

حَلَّهْ مِنْ مَحْشى مَلْفُوفُ...

أَوْصَالى مِنِّى تَرْتَعِدُ....

فى رِأسى طُيُوفٌ وَطُيُوفْ...

قُلْتُ سَتُنْقِذُنى زَوْجَتُنَا....

وَتَهُبُّ بِقَلْبٍ مَلْهُوفْ...

كَى تَدْفَعْ لاَبوشِفَّه الفِدْيَهْ...

أوْحَتَّى عَلَى الأهلِ تَطُوفُ...

أوْ تَجْرى فَوْرَاً للشُرطَهْ...

أوْ تُبْدى مِنَ الحُزْنِ قُطُوفْ...

لَكِنَّ كَلاَمْهَا أفْزَعَنى...

فى وِدَنى خَشْ كَمَقْذُوفْ...

رَدَّتْ بِهُدُوءٍ قَطَّعَنى....

وَبِكُلِّ بُرُودٍ وَعِزُوفْ...

لَنْ أدْفَعَ إصْبَعَ مِنْ مَحْشِى...

فى هَذَا الْبَعْلِ المَتْلُوفْ....

قَدْ أمْضَى حَيَاتَهُ فى شِعْرٍ...

دُنْيَاهُ قَصَائِدُ وَحُرُوفْ...

هَيَّا عَلى الْبَرَكَةِ يَا سَادَهْ....

وَرُّوهُ مِنَ الذَّبْحِ صُنُوفْ...

كُنَّا سَنَبيعَهُ عَ العِيدِ...

أوْ نَسْتَبْدِلَهُ بِخَرُوفْ...

[The.ph.ph]

قصيدة جميلة جدا جدا يا استاذ يحيى
اشكرك عليها فقد ادخلت البسمة الى قلبي
بحسك المرح الرائع وانتظر مزيدا من الشعر الحلمنتيشي

مرة اخرى
اشكرك بشده حتى تستغيث
الشاعر الأسير

[نور عبده]

هههههههههههههههههههه
ربنا يسعدك يااستاذ يحيى يارب
رااااااااااااااائعة جدا
بموووووت ف الشعر الحلمنتيشى
بس مش باعرف اكتبه
عموما ححاول
وأى محاولة حانشرها ف صفحتك اللذيذة دى
كل سنة وحضرتك طيب

[محمد فارس]

-
على فكرة ياجماعة الاستاذ يحيى مش شاعر وبس................ده فنان بحق وبتاع مواقف صعبة بحق ........وايه تانى؟؟
أه لوسمعتوا صوته فى الغُنا ، واه لو شفتوه وهو بيقلب الموقف من تراجيدى لكوميدى .
-
تقديرى يافنان
وبالمناسبة اخبار الصعايدة معاك ايه

[no0r]

:brb: :brb: :brb: :brb:

الله عليها بصوته و القاؤه بقى :ura1:


و الا صوته فعلا فى الغنا .. ما شاء الله:55:


ازدنا استاذنا


تحيتى :rosy:

[نور محمد]

خطييييرة :ura1:



تعرف يا استاذ يحيى هاحكيلك حكاية...
كنت متابعة مدونة حلمنتيشى جميلة جدا
وكل ماقول هادعى صاحبها علشان يشترك فى كتكوت ماعرفش للأسف لأنى مش بعرف حاجة فى المدونات...
وكان صعبان عليا جدا انه مايكونش مشترك ...
المهم أكتشفت دلوقت أهو انه مشترك بالفعل:واه يابوي
وانى كنت عايشة فيلم هندى لوحدى :chr58:


تسلم ايدك يا استاذنا ... مدونتك فوق الرائعة:rosy:
بس ناقصنا نسمع صوتك
إزاى بقى؟؟:think3:

[يحيى زكريا]

قصيدة جميلة جدا جدا يا استاذ يحيى
اشكرك عليها فقد ادخلت البسمة الى قلبي
بحسك المرح الرائع وانتظر مزيدا من الشعر الحلمنتيشي

مرة اخرى
اشكرك بشده حتى تستغيث
الشاعر الأسير


استاذى الشاعر الاسير...
الجميل جدا جدا هو تواجد حضرتك فى هذه الصفحه وتأكد اننى لن استغيث حتى
استمتع بجمال حوارك واحرفك...
اشكرك استاذى الشاعر الذى اتمنى الا يكون أسيراً ابدا باذن الله واشكر مرورك الجميل..

[يحيى زكريا]

هههههههههههههههههههه
ربنا يسعدك يااستاذ يحيى يارب
رااااااااااااااائعة جدا
بموووووت ف الشعر الحلمنتيشى
بس مش باعرف اكتبه
عموما ححاول
وأى محاولة حانشرها ف صفحتك اللذيذة دى
كل سنة وحضرتك طيب


استاذتى نور عبده...
انا قريت لحضرتك اعمال كتير من مده فى منتهى الروعه والابداع ولو حاولتى تكتبى
حلمنتيشى انا متأكد ان حضرتك حتطلعى حاجات جميله جدا والموضوع سهل جدا
بس كده مش حلاقى حاجه اكتبها انما برضو مش مهم لانى حستمتع باشعارك الجميله
اشكرك استاذتى نور واشكر مرورك الرائع...

[يحيى زكريا]

-
على فكرة ياجماعة الاستاذ يحيى مش شاعر وبس................ده فنان بحق وبتاع مواقف صعبة بحق ........وايه تانى؟؟
أه لوسمعتوا صوته فى الغُنا ، واه لو شفتوه وهو بيقلب الموقف من تراجيدى لكوميدى .
-
تقديرى يافنان
وبالمناسبة اخبار الصعايدة معاك ايه


الغالى جدا استاذى محمد فارس...
خللى بال حضرتك الكلام ده لو وصل للضرايب حتخرب بيتى بجد...
حييجوا يحاسبونى بأثر رجعى حيقولوا بتكتب وتغنى وبتاع مواقف صعبه ...
لا كده حضرتك مع الضرائب الحاسه التاسعه والتسعين عندى عمرها ما خيبت...
اشكرك استاذى محمد واشكر مرورك الكريم..

[يحيى زكريا]

:brb: :brb: :brb: :brb:

الله عليها بصوته و القاؤه بقى :ura1:


و الا صوته فعلا فى الغنا .. ما شاء الله:55:


ازدنا استاذنا


تحيتى :rosy:


استاذتى نور..
الله على القاء حضرتك وصوت حضرتك ايه رايكم نعمل فريق كورال خاص
بالمنتدى والله فكره جميله ياريت حد يعرف ينفذها...
اشكرك استاذتى نور واشكر مرورك الرائع...

[يحيى زكريا]

خطييييرة :ura1:






تعرف يا استاذ يحيى هاحكيلك حكاية...
كنت متابعة مدونة حلمنتيشى جميلة جدا
وكل ماقول هادعى صاحبها علشان يشترك فى كتكوت ماعرفش للأسف لأنى مش بعرف حاجة فى المدونات...
وكان صعبان عليا جدا انه مايكونش مشترك ...
المهم أكتشفت دلوقت أهو انه مشترك بالفعل:واه يابوي
وانى كنت عايشة فيلم هندى لوحدى :chr58:



تسلم ايدك يا استاذنا ... مدونتك فوق الرائعة:rosy:
بس ناقصنا نسمع صوتك


إزاى بقى؟؟:think3:



استاذتى نور محمد...
ماشاء الله المنتدى مليان نور ربنا يكرمكم...
تصورى انا قريت اسم حضرتك مره ودلوقت اتاكدت منه حضرتك كنتى دخلتى وعلقتى بس برضو اخوكى مش بيفهم فى المدونات غير انى احط فيها مواضيع وخلاص ياريت اى واحد بيعرف فى المدونات يدينا شوية دروس لانى الحقيقه ولا بعرف اصد ولا ارد فى المدونه ....اما موضوع صوتى فده اجارك الله ماتصدقيش حد انا صوتى ما يتسمعش ابدا يتشاف بس...
اشكرك استاذتى نور واشكر مرورك الجميل...

[..!!..]

أ.يحيىى
حكولي انهم سمعو حضرتك
وسمعو القصيده الرائعه دي
بجد فاتني كتيير اوي اني مسمعتهاش من حضرتك :(
تتعوض اكييد
وبجد فن صعب اويييي
احتراماتي

[موعوود]

قد قالوا في طيبه يايحيي
وأجابوا لكل إستفسار
فآمال قالت لك إذهب
وبرأفه خبط ع الجار
قل له أقرضني خروفا
أو ثمنه خسمون دينار
وآدي أشرف أعلنها صراحه
الشعر لا يرضي الجزار
وشاعرنا سيد الموجي
قد قال بجد لا هزار
إشتري كيلو من البصل
مع باقه من اجمل أزهار
فالبصله بحب كخروف
مأمته تدوي في الدار
فحلول كُثر يايحيي
فلماذا أنت بمحتار
أحبائي
ياريت نحاول نرد علي شاعرنا الرائع يحيي زكريا
شعرا حتي نستمتع أكثر برده علي الردود
فهو بجد شاعر يمتلك التلقائيه
وخفة دم لا محدوده
وبجد هذه القصيده درس لكل عشاق
الشعر الحلمنتيشي
كل الحب والتقدير ياشاعرنا المبدع

[no0r]

الله يا استاذ اشرف


جميل اوى التواصل ده تسلم ..



كنت لسه والله بسأل و بقول هو استاذ اشرف مش باين ليه


فرصة بقى كمان اسلم على حضرتك :rosy:


تحيتى

[no0r]

استاذتى نور..
الله على القاء حضرتك وصوت حضرتك ايه رايكم نعمل فريق كورال خاص
بالمنتدى والله فكره جميله ياريت حد يعرف ينفذها...
اشكرك استاذتى نور واشكر مرورك الرائع...




حلو اوى فكرة الكورال الكتكوتى ده يا استاذ يحيى

اتمنى نقدر نحققها


بس اضمن الاول مفيش رمى بالطماطم :chr58:

[يحيى زكريا]

أ.يحيىى
حكولي انهم سمعو حضرتك
وسمعو القصيده الرائعه دي
بجد فاتني كتيير اوي اني مسمعتهاش من حضرتك :(
تتعوض اكييد
وبجد فن صعب اويييي
احتراماتي


استاذتى بنت الماضى...
والله كنت اتمنى اشوفك واشوف كل الناس ماشاء الله باين عليكم مجموعه رائعه
وانا طبعا اعرفك من مده انشاءالله تتعوض ونتعرف على بعض اكتر واكتر وعلى فكره
الحلمنتيشى سهل والله بس ابدئى الاول وربنا يوفق الجميع...
اشكرك استاذتى بنت الماضى واشكر مرورك الرائع..

[يحيى زكريا]

قد قالوا في طيبه يايحيي

وأجابوا لكل إستفسار
فآمال قالت لك إذهب
وبرأفه خبط ع الجار
قل له أقرضني خروفا
أو ثمنه خسمون دينار
وآدي أشرف أعلنها صراحه
الشعر لا يرضي الجزار
وشاعرنا سيد الموجي
قد قال بجد لا هزار
إشتري كيلو من البصل
مع باقه من اجمل أزهار
فالبصله بحب كخروف
مأمته تدوي في الدار
فحلول كُثر يايحيي
فلماذا أنت بمحتار
أحبائي
ياريت نحاول نرد علي شاعرنا الرائع يحيي زكريا
شعرا حتي نستمتع أكثر برده علي الردود
فهو بجد شاعر يمتلك التلقائيه
وخفة دم لا محدوده
وبجد هذه القصيده درس لكل عشاق
الشعر الحلمنتيشي
كل الحب والتقدير ياشاعرنا المبدع

فى كل الاحوال يا أشرف...
يحيى مَكْوِىٌ بالنار....
لا أعرف كيف سأتصرف...
واحتارت منى الافكار...
قد رحت لجارى لأَستلفُ...
ألفَيْتَهُ يدعو القهار....
أن يقصف رقبة زوجته....
قُلْتُ وزوجتنا يا جبار...
اشعارى لا تشرى المِشٍ...
هل تشرى خروفا زنهار...
عدت الى مراتى أُدَلِّلُها...
أُسمعُها أحلى الأشعار...
فى يَدِّى أمسكت ببصله...
والدمع بعينى امطار...
البصله يا نور عينى خروفٌ...
فالحب بقلبى هدَّار...
قالت لى ياللا ياروح ماما...
لا أقبلُ أبدا أعذار...
إن كان خروفك فى بصله...
علقها فى صحن الدار...
كى ادعو الناس لتتفرج...
على خيبة زوجى المهزار...
يا أخيب من ولدت أُمٌّ...
فلتأخذ منى إنذار...
إن لم تأتينى بخروف...
تُذبَحُ ع العيد يا مغوار...

الغالى اشرف كل سنه وانت طيب ويارب نشوفك فى معرض الكتاب السنه دى
اشكرك استاذى اشرف واشكر مرورك الرائع..

[يحيى زكريا]

حلو اوى فكرة الكورال الكتكوتى ده يا استاذ يحيى

اتمنى نقدر نحققها


بس اضمن الاول مفيش رمى بالطماطم :chr58:


لا اطمنى استاذه نور الطماطم لما تبقى بتلاته جنيه الكيلو احنا نغنى براحتنا
انما لما تبقى بربع جنيه احنا ننكتم فوراً...

[الأمير الشهابي]

أستاذي يحي رأيتك مرتني وتركت أطيب الأثر في نفسي ما أروع دررك وما أبهى إلقاءك لها
دمت مبدعا طيبا رقيقا

[Neagm]

:واه يابوي
حلوه جدا
:brb: :brb:

شكرا اخي علي تلك البسمه :rosy:

[يحيى زكريا]

أستاذي يحي رأيتك مرتني وتركت أطيب الأثر في نفسي ما أروع دررك وما أبهى إلقاءك لها
دمت مبدعا طيبا رقيقا

استاذى الامير الشهابى...
انا الذى اسعدنى الله بلقاءك مرتين وكم اتمنى ان يزيد الله سعادتى بلقاءك مرات ومرات
ما اطيب حديثك اخى وما اطيب جلستك والله انها اوقات لا تحسب من عمر الانسان
التى يلقى فيها اناس مثلكم ادامها الله بين الجميع اللهم آمين..
اشكرك استاذى الامير واشكر مرورك الرائع..

[يحيى زكريا]

:واه يابوي
حلوه جدا
:brb: :brb:

شكرا اخي علي تلك البسمه :rosy:


الحمدلله انها اعجبتك اخى نجم...
وادعو الله ان اكون دوما عند حسن الظن...
اشكرك اخى واشكر مرورك الرائع..

[يحيى زكريا]

هههههههههههه يا سبعى موضوعك جمييل والله وأحلى جمله عجبتنى هى دى


استاذى هريدى...
اهلا بيك بس اشمعنى يا سبعى هى اللى عجبتك ؟؟؟
لازم بتسمعها كتير...
زى حالاتى ....
اشكرك استاذى هريدى واشكر مرورك الجميل...

[tamer_dot_com]

مش عارف أقول إييه .. بفكر
طب أقولك كلمتين ولا أكتر
بعد إللى قولته عالكلام بدور
أصل كلامك حلو .. سكر
ولو عليا مش قادر أقرر!!
كلامك ... ولا لحم خروف محمر!!!؟؟؟

وشكرا

[يحيى زكريا]

مش عارف أقول إييه .. بفكر
طب أقولك كلمتين ولا أكتر
بعد إللى قولته عالكلام بدور
أصل كلامك حلو .. سكر
ولو عليا مش قادر أقرر!!
كلامك ... ولا لحم خروف محمر!!!؟؟؟

وشكرا


والله انت اللى مسكر...
واحلى من شهد مكرر...
من بعد قولك وكلامك...
من غير ما افكر واقرر..
م اللحمه حديك ربع جرام...
ياللا بقى قوم واتشمر...

اخى تامر...
اسعدتنى احرفك وتواصلك الجميل ومرورك الرائع..

[tamer_dot_com]

دا أنا إللى أسعدنى ردك و كلامك ... وشكرا على الإبتسامة الجميلة دى

( مستنى اللحمة .. هه؟؟!! )

[موعوود]

فلتأخذ منى إنذار...
إن لم تأتينى بخروف...
تُذبَحُ ع العيد يا مغوار...

الغالى اشرف كل سنه وانت طيب ويارب نشوفك فى معرض الكتاب السنه دى
اشكرك استاذى اشرف واشكر مرورك الرائع..




فلتحمد ربك يايحيي
فالعيد مره في العام
واسترخ وامرح واطمن
ولتغمض عينك وتنام
ولتنس خروفك لو لحظه
ولتنسي منظر صدام
ولتحلم بالأضحي القادم
مجانا تلك الأحلام
وتغير عملك من شاعر
يايحيي لراعي الأغنام
أستاذي الكبير
تأتي الرياح بما لاتشتهي السفن:bud:
فقد خُيرت بين خروف العيد مع السلامه:dntknw:
أو النزول لمصر مع عدم ضمان العواقب:budo:
فبصراحه آثرت السلامه:kap:
أراك قريبا يمكن في أبريل
كل الحب والتقدير ياأستاذي الغالي:rosy:

[د / آمال كحيل]

زَوجَتُنَا قَاَلْت يا يحيى..

فى العيدِ إئتينى بِخَروفْ...

رَديتْ مِن أَينَ يَاروحْ َقَلبى...

دِلِّينى إعْمِلى مَعروفْ...

قَالَتْ يَا سَبْعى إتْصَرَّفْ...

يَا مَن لِشََقَايَا مَوْصُوفْ...

إنْ لَمْ تَأتِينى بِأُضحِيَةٍ...

حَتْبَاتِ وشَنَبَكْ مَنتُوفْ...

قُلْتِ لْهَا نُضَحِّى بِأَوِزَّهْ...

قَالِتْلى مَانْتَشْ مَكْسُوفْ...

طَبْ هَاتْ لى وِزَّه بِقُرونٍ...

بِتْمَأمَأ وِبْفَروَه صُوفْ...

يَا حَيَاتى فى هَذَا العَامِ....

لاَ أَمْلِكُ إلاَّ المَصرُوفُ....

قَالَتْ إنْ لَمْ تُحْضِرُهُ يا جَمَلى...

تِبْقَى مِنَ الدُنْيَا مَحْذُوفْ...

مَجْزَرَةٌ قَدْ تَحْدُثُ حَالاً....

فِيهَا سَكَاكينٌ وَسِيُوفْ....

سَوفَ أُصَدِّرُكَ إلى أهْلُكْ...

فى وَرَقِ اللَحْمَةِ مَلْفُوفْ....

وَامْرَأَتى عَنيدَه يَا سَادَهْ....

لاَتَعْرِفُ فَقْرَاً وَظُرُوفْ...

إعْصَار تِسُونَامى إنْ تَغْضَبْ...

قَدْ تَغْلى كَبُرْكَانِ فِيزُوفْ...

مِنْ خَوْفى جَرَيْتُ مِنَ المَنْزِلْ...

أَرْتَعِدُ وَلَونى مَخْطوفْ...

قَابْلونى عِصَابِةْ حَرَامِيَّهْ...

أبُوشِفَّه وسِنْجَه وشَحْتُوفْ...

قَالُولى تَعَالَى يَا مدَهْوِلْ....

مِ الليلَهْ عُمْرَكْ مَقْصُوف...

لَمَّا أَنْ سَمِعُوا لِحكَايْتى...

قَالُوا اتْعَشِّينَا يَا مَهْفُوفْ...

وَاتَّصَلُوا سَريعَاً بِمرَاتى...

قَالولْهَا زَوْجُكِ مَخْطُوفْ...

نَذْبَحُهُ إِنْ لَمْ تُعْطينَا....

حَلَّهْ مِنْ مَحْشى مَلْفُوفُ...

أَوْصَالى مِنِّى تَرْتَعِدُ....

فى رِأسى طُيُوفٌ وَطُيُوفْ...

قُلْتُ سَتُنْقِذُنى زَوْجَتُنَا....

وَتَهُبُّ بِقَلْبٍ مَلْهُوفْ...

كَى تَدْفَعْ لاَبوشِفَّه الفِدْيَهْ...

أوْحَتَّى عَلَى الأهلِ تَطُوفُ...

أوْ تَجْرى فَوْرَاً للشُرطَهْ...

أوْ تُبْدى مِنَ الحُزْنِ قُطُوفْ...

لَكِنَّ كَلاَمْهَا أفْزَعَنى...

فى وِدَنى خَشْ كَمَقْذُوفْ...

رَدَّتْ بِهُدُوءٍ قَطَّعَنى....

وَبِكُلِّ بُرُودٍ وَعِزُوفْ...

لَنْ أدْفَعَ إصْبَعَ مِنْ مَحْشِى...

فى هَذَا الْبَعْلِ المَتْلُوفْ....

قَدْ أمْضَى حَيَاتَهُ فى شِعْرٍ...

دُنْيَاهُ قَصَائِدُ وَحُرُوفْ...

هَيَّا عَلى الْبَرَكَةِ يَا سَادَهْ....

وَرُّوهُ مِنَ الذَّبْحِ صُنُوفْ...

كُنَّا سَنَبيعَهُ عَ العِيدِ...

أوْ نَسْتَبْدِلَهُ بِخَرُوفْ...


مسـكـين أنت فيــا يحـيى
صبرًا وتــرو ولا تحتــار
أعــلم بظـــروفـك لكــني
لا أملك أن أعطيك دولار
إن كنت ستشري خرفاناً
فالويل لجيبك قد ينهـــار
وأمــامـــك حــلان اثنــان
إما أن تسرق أو فاختــار
أن تـرهن كل جـواهــرها
وتبيــع الورشــة والـــدار
كي تجلب ثمنــاً لخـروف
من عــند أخينا الجــــزار
أعذرك وحقك أن تشــكــو
فشريكة عمرك كالإعصار
إن ترفض ما أمرَت أدري
قـد تطلق يا زكريا النــار
فارحــم أولادك من يتــــم
واعزم لن تملك أي خيار
حقق رغبتها ، لا جـدوى
لن تقنع زوجك بالأعــذار
المــال يعـــوض صــدقني
والكــون مليء بالأخيــار
وجنيــهٌ من ذا ، أو هـــذا
لا تنس هنالك بيت الجـار
فاطــرقه وقــل لا تخـذلني
وامنحني لو خمسين دينار
أبتــاع خـروفـًـا ، أو تيسًا
وأعــدك يقينـًا وبإصـــرار
سأهبك الرقبــة والكرشـة
وكـذا لن أبخـل بالمومبــار
زوجـي قـد حلفــت أيمانــًا
إن عدتُ خليًــا ، يا ســـتار
ســتقيم الدنيــا يــا جــاري
وستسمع موتي في الأخبار
أيسرك أن ألقى حتفي
إني أنتظر الآن قـــرار

[موعوود]

وحلول كُثر قد طُرحت
ولكنه لا يهوي الطرح
والجمع كثيرا قد شارك
في حل المُشكل للصبح
ولكنه ضارب في الحائط
أي حلولا للنصُح
وكأنه قد رضيا القسمه
وسلم أمره للذبح
:budo: :budo: :budo: :budo: :budo:

[يحيى زكريا]

دا أنا إللى أسعدنى ردك و كلامك ... وشكرا على الإبتسامة الجميلة دى

( مستنى اللحمة .. هه؟؟!! )


اشكرك استاذى تامر وانشاء الله اللحمه فى الطريق بس اوعى تنام
كل سنه وانت طيب استاذى تامر واشكر تواجدك الرائع..

[يحيى زكريا]

فلتحمد ربك يايحيي


فالعيد مره في العام
واسترخ وامرح واطمن
ولتغمض عينك وتنام
ولتنس خروفك لو لحظه
ولتنسي منظر صدام
ولتحلم بالأضحي القادم
مجانا تلك الأحلام
وتغير عملك من شاعر
يايحيي لراعي الأغنام
أستاذي الكبير
تأتي الرياح بما لاتشتهي السفن:bud:
فقد خُيرت بين خروف العيد مع السلامه:dntknw:
أو النزول لمصر مع عدم ضمان العواقب:budo:
فبصراحه آثرت السلامه:kap:
أراك قريبا يمكن في أبريل
كل الحب والتقدير ياأستاذي الغالي:rosy:


طب قل لى بربك يا اشرف...
كيف سأسترخى وانام...
وامرأتى صارت تأتينى..
كابوس فى كل منام...
ياليتنى ابعث الى بوشٍ...
يعدمها كمان كصدام...
فانا مرعوب للان...
لا أنعم ابدا بسلام...
والخوف من العيد القادم..
ياليت ما تمضى الايام...
ياليت ابى ما علمنى...
كنت اطلع راعى أغنام...

حبيبى اشرف...
طبعا انت قلت اقعد لما العيد يخلص ولا خروف ولا يحزنون...
عموما ابريل فيه شم النسيم والنسوه فى مصر اتفقوا ان برضو فى شم النسيم
فيه دبح خرفان فاحسن لك خليك عندك على طول....
الغالى اشرف والله لك وحشه كبيره كنت اتمنى اشوفك حتى فى معرض الكتاب
انما شغلك اهم وباذن الله ترجع لنا ونشوفك بكل خير...

[يحيى زكريا]

مسـكـين أنت فيــا يحـيى

صبرًا وتــرو ولا تحتــار
أعــلم بظـــروفـك لكــني
لا أملك أن أعطيك دولار
إن كنت ستشري خرفاناً
فالويل لجيبك قد ينهـــار
وأمــامـــك حــلان اثنــان
إما أن تسرق أو فاختــار
أن تـرهن كل جـواهــرها
وتبيــع الورشــة والـــدار
كي تجلب ثمنــاً لخـروف
من عــند أخينا الجــــزار
أعذرك وحقك أن تشــكــو
فشريكة عمرك كالإعصار
إن ترفض ما أمرَت أدري
قـد تطلق يا زكريا النــار
فارحــم أولادك من يتــــم
واعزم لن تملك أي خيار
حقق رغبتها ، لا جـدوى
لن تقنع زوجك بالأعــذار
المــال يعـــوض صــدقني
والكــون مليء بالأخيــار
وجنيــهٌ من ذا ، أو هـــذا
لا تنس هنالك بيت الجـار
فاطــرقه وقــل لا تخـذلني
وامنحني لو خمسين دينار
أبتــاع خـروفـًـا ، أو تيسًا
وأعــدك يقينـًا وبإصـــرار
سأهبك الرقبــة والكرشـة
وكـذا لن أبخـل بالمومبــار
زوجـي قـد حلفــت أيمانــًا
إن عدتُ خليًــا ، يا ســـتار
ســتقيم الدنيــا يــا جــاري
وستسمع موتي في الأخبار
أيسرك أن ألقى حتفي

إني أنتظر الآن قـــرار



قد رحت لجارى يا أموله...

فوجدته مثلى فى النار...

إمرأته تمسك سكينا...

من عينها بيفط شرار...

مسكين مذلول يبكى...

لا يملك فلسا ودينار...

أو حتى مليما أحمر...

أو جزءٌ من عُشْر دولار...

قاللى يا يحيى الحقنى....

فرددت ودمعى مدرار...

قد جئت أطالب بالعون...

زودت همومى قنطار...

يا جارى جاءتنى الفكره...

تعرفنى غزير الافكار...

فلنهرب ولنترك فوراً...

للنسوه الدنيا والدار...

قاللى مش حقدر اتحرك...

لن أقوى على اى فرار...

فامرأتى رابطانى بأستك....

لن أبعد عدة أمتار...

فرجعت ودمعى كالسيل...

جسمى من قهرى ينهار...

ودعوت الله على امرأتى ...

تأتينى عنها الاخبار....

فى يوم الوقفه قد وقعت...

تحت سكاكين الجزار...

[يحيى زكريا]

وحلول كُثر قد طُرحت

ولكنه لا يهوي الطرح
والجمع كثيرا قد شارك
في حل المُشكل للصبح
ولكنه ضارب في الحائط
أي حلولا للنصُح
وكأنه قد رضيا القسمه
وسلم أمره للذبح

:budo: :budo: :budo: :budo: :budo:



لم يأتى احد بالحل...
فالكل فى يحيى شمتان..
الكل بيضحك ومفرفش...
يقضى ايامه بأمان..
مسكين وحدى فى هلعٍ..
فارقونى كل الخلان...
لما ان عرفوا بحكايتى...
سابونى وحدى غرقان...
وان مره رأونى يبتعدوا...
وكأنى شخص جربان...
فلادعوا على كل صحابى...
زوجاتهم تطلب خرفان...

[ميـــدو]

جميل يا معلم كويس اوى انى لقيت جبه تحكى مجازر الستات وتقاوم الغزو الفكرى اللى بيسمم عقول الناس وبيقولهم ان الستات مظلومين و

[ميـــدو]

فالنرفع كلنا بالايدى لندعو لفقيد الخرفان
ولندعو ايضا على ابوشفه مش شايف اخوه التعبان
يا اخوه قد ان اوان ان نضرب عن كل النسوان
فالنرفع فى الافق رايتنا ولنحمى قفانا بأيدينا
ولنصرخ صرخة مظلوم قد مل من الحرمان
لك الله يا يحى ولتسقط كل الستات

[الزهراء]

جمييييييييييييييلة جدا ياأستاذ يحيى :yess:
نا سمعتها من حضرتك فى المطريه وعجبتنى جدا .بس عندى سؤال زوجة حضرتك سمعتها كامله ولا لاء؟

[يحيى زكريا]

جميل يا معلم كويس اوى انى لقيت جبه تحكى مجازر الستات وتقاوم الغزو الفكرى اللى بيسمم عقول الناس وبيقولهم ان الستات مظلومين و


لقد كشفناهم خلاص استاذى hinet وكشفنا تسلطهم واستبدادهم للعالم كله وتستطيع ان تشارك معنا فى موضوع قالوا تزوج برطلين مخ حتى تكون معنا عندما نضرب ضربتنا القاضيه الاخيره وننتصر عليهم ونعيدهم الى البيت خاضعات مستكينات ويعود سى السيد بارم الشنبات..

[يحيى زكريا]

فالنرفع كلنا بالايدى لندعو لفقيد الخرفان
ولندعو ايضا على ابوشفه مش شايف اخوه التعبان
يا اخوه قد ان اوان ان نضرب عن كل النسوان
فالنرفع فى الافق رايتنا ولنحمى قفانا بأيدينا
ولنصرخ صرخة مظلوم قد مل من الحرمان
لك الله يا يحى ولتسقط كل الستات


اشكرك يا استاذى بقوه...
كما اشكر كل الخلان..
من اظهر نخوه ورجوله...
فى ظل تجنى النسوان..
رايتنا ستعلو فى الافق...
لن نرضى بذل وهوان...
لن نخضع يوما للنونه...
أو نشرى يوما خرفان..
ولتسقط يا حزب الوُمَنى...
ولتحيا يا حزب المان...

[يحيى زكريا]

جمييييييييييييييلة جدا ياأستاذ يحيى :yess:
نا سمعتها من حضرتك فى المطريه وعجبتنى جدا .بس عندى سؤال زوجة حضرتك سمعتها كامله ولا لاء؟


اهلا استاذتى الزهراء..
الحمدلله ان احرفى قد اعجبت حضرتك ويارب اكون دوما عند حسن الظن..
اما بالنسبه لسؤال حضرتك ..طبعا المدام قريتها كلها انا مش بخاف يا استاذه
هع ... مين هناك..عن اذنك يا استاذه المدام بتنادينى...ايوه يا حياتى جاى اهه..

[شورانكيز]

اشكرك يا استاذى بقوه...

كما اشكر كل الخلان..
من اظهر نخوه ورجوله...
فى ظل تجنى النسوان..
رايتنا ستعلو فى الافق...
لن نرضى بذل وهوان...
لن نخضع يوما للنونه...
أو نشرى يوما خرفان..
ولتسقط يا حزب الوُمَنى...
ولتحيا يا حزب المان...


:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:
:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:
جامدة جداااااااااااااااااااااااااااااااااا يا استاذ يحيى
بارك الله فى موهبتك
برغم انى من الحزب الومانى
بس تحياتى

[سيد الموجى]

طب قل لى بربك يا اشرف...



كيف سأسترخى وانام...
وامرأتى صارت تأتينى..
كابوس فى كل منام...
ياليتنى ابعث الى بوشٍ...
يعدمها كمان كصدام...
فانا مرعوب للان...
لا أنعم ابدا بسلام...
والخوف من العيد القادم..
ياليت ما تمضى الايام...
ياليت ابى ما علمنى...
كنت اطلع راعى أغنام...


حبيبى اشرف...
طبعا انت قلت اقعد لما العيد يخلص ولا خروف ولا يحزنون...
عموما ابريل فيه شم النسيم والنسوه فى مصر اتفقوا ان برضو فى شم النسيم
فيه دبح خرفان فاحسن لك خليك عندك على طول....
الغالى اشرف والله لك وحشه كبيره كنت اتمنى اشوفك حتى فى معرض الكتاب
انما شغلك اهم وباذن الله ترجع لنا ونشوفك بكل خير...




مهلا يا يحيى ، كن حذرا
للحائط - قد قيل - وِدَان
والست مراتك ممسكة
خلفك بالسكين الآن
لن يقدر أشرف عن بُعد
تخليصك لو وقتك حان
وكذلك حالى ، فاستسلم
واهتف : فلتحيا النسوان !

[يحيى زكريا]

:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:
:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:
جامدة جداااااااااااااااااااااااااااااااااا يا استاذ يحيى
بارك الله فى موهبتك
برغم انى من الحزب الومانى
بس تحياتى


اهلا استاذتى شورانكيز...

اشكرك واشكر احرفك الرقيقه وايضا تعاطفك الرائع فهكذا وقفة الحق
ولايهم مان او ومنى...
اشكرك استاذتى واشكر مرورك الجميل

[يحيى زكريا]

مهلا يا يحيى ، كن حذرا

للحائط - قد قيل - وِدَان
والست مراتك ممسكة
خلفك بالسكين الآن
لن يقدر أشرف عن بُعد
تخليصك لو وقتك حان
وكذلك حالى ، فاستسلم

واهتف : فلتحيا النسوان !



حتى الحيطان لها ودان...
وامرأتى وراها بسكين...
طب قل لى يا سيد دبرنى...
فأنا منكوب مسكين...
الله بلانى بامرأة...
خريجة عنبر مجانين...
تذبحنى من أجل خروف...
لا تعرف عشره وسنين...
إن كان هتافى ينقذنى...
أُحضِرُ للسانى لسانين..

[Al-Muslem]

يا عينى ع اللى بيحصل للرجالة من النسوان
ضرب وافترا ومذلة وهوان
شلاليت وشتيمة وشد ودان
تعالى يا آدم انقذنا
من ظلم حوا للمان
وابعت ابنك يفدينا بخروف الخرفان

[يحيى زكريا]

يا عينى ع اللى بيحصل للرجالة من النسوان
ضرب وافترا ومذلة وهوان
شلاليت وشتيمة وشد ودان
تعالى يا آدم انقذنا
من ظلم حوا للمان

وابعت ابنك يفدينا بخروف الخرفان



آدم لن يرجع يا خلِّى...
كى يمنع ظلم النسوان..
فلنبدأ نحن بانفسنا...
ولنجمع كل الخلاَّن...
نعلنها للنسوة أجمع...
لن نشرى ابداً خرفان...
نجعلها ثوره على النسوه...
كى ترجع أمجاد زمان...
فلتسقط يا حزب الوُمَنى..
ولتحيا يا حزب المان..

[احمد ابوسنة]

زَوجَتُنَا قَاَلْت يا يحيى..

فى العيدِ إئتينى بِخَروفْ...

رَديتْ مِن أَينَ يَاروحْ َقَلبى...

دِلِّينى إعْمِلى مَعروفْ...

قَالَتْ يَا سَبْعى إتْصَرَّفْ...

يَا مَن لِشََقَايَا مَوْصُوفْ...

إنْ لَمْ تَأتِينى بِأُضحِيَةٍ...

حَتْبَاتِ وشَنَبَكْ مَنتُوفْ...

قُلْتِ لْهَا نُضَحِّى بِأَوِزَّهْ...

قَالِتْلى مَانْتَشْ مَكْسُوفْ...

طَبْ هَاتْ لى وِزَّه بِقُرونٍ...

بِتْمَأمَأ وِبْفَروَه صُوفْ...

يَا حَيَاتى فى هَذَا العَامِ....

لاَ أَمْلِكُ إلاَّ المَصرُوفُ....

قَالَتْ إنْ لَمْ تُحْضِرُهُ يا جَمَلى...

تِبْقَى مِنَ الدُنْيَا مَحْذُوفْ...

مَجْزَرَةٌ قَدْ تَحْدُثُ حَالاً....

فِيهَا سَكَاكينٌ وَسِيُوفْ....

سَوفَ أُصَدِّرُكَ إلى أهْلُكْ...

فى وَرَقِ اللَحْمَةِ مَلْفُوفْ....

وَامْرَأَتى عَنيدَه يَا سَادَهْ....

لاَتَعْرِفُ فَقْرَاً وَظُرُوفْ...

إعْصَار تِسُونَامى إنْ تَغْضَبْ...

قَدْ تَغْلى كَبُرْكَانِ فِيزُوفْ...

مِنْ خَوْفى جَرَيْتُ مِنَ المَنْزِلْ...

أَرْتَعِدُ وَلَونى مَخْطوفْ...

قَابْلونى عِصَابِةْ حَرَامِيَّهْ...

أبُوشِفَّه وسِنْجَه وشَحْتُوفْ...

قَالُولى تَعَالَى يَا مدَهْوِلْ....

مِ الليلَهْ عُمْرَكْ مَقْصُوف...

لَمَّا أَنْ سَمِعُوا لِحكَايْتى...

قَالُوا اتْعَشِّينَا يَا مَهْفُوفْ...

وَاتَّصَلُوا سَريعَاً بِمرَاتى...

قَالولْهَا زَوْجُكِ مَخْطُوفْ...

نَذْبَحُهُ إِنْ لَمْ تُعْطينَا....

حَلَّهْ مِنْ مَحْشى مَلْفُوفُ...

أَوْصَالى مِنِّى تَرْتَعِدُ....

فى رِأسى طُيُوفٌ وَطُيُوفْ...

قُلْتُ سَتُنْقِذُنى زَوْجَتُنَا....

وَتَهُبُّ بِقَلْبٍ مَلْهُوفْ...

كَى تَدْفَعْ لاَبوشِفَّه الفِدْيَهْ...

أوْحَتَّى عَلَى الأهلِ تَطُوفُ...

أوْ تَجْرى فَوْرَاً للشُرطَهْ...

أوْ تُبْدى مِنَ الحُزْنِ قُطُوفْ...

لَكِنَّ كَلاَمْهَا أفْزَعَنى...

فى وِدَنى خَشْ كَمَقْذُوفْ...

رَدَّتْ بِهُدُوءٍ قَطَّعَنى....

وَبِكُلِّ بُرُودٍ وَعِزُوفْ...

لَنْ أدْفَعَ إصْبَعَ مِنْ مَحْشِى...

فى هَذَا الْبَعْلِ المَتْلُوفْ....

قَدْ أمْضَى حَيَاتَهُ فى شِعْرٍ...

دُنْيَاهُ قَصَائِدُ وَحُرُوفْ...

هَيَّا عَلى الْبَرَكَةِ يَا سَادَهْ....

وَرُّوهُ مِنَ الذَّبْحِ صُنُوفْ...

كُنَّا سَنَبيعَهُ عَ العِيدِ...

أوْ نَسْتَبْدِلَهُ بِخَرُوفْ...

عم يحي الأدباتي ... ورؤية وتناول للشعر الحلمنتيشي راااااااائع حقاً

هذا الاسقاط على صعلكة الشاعر ... بتلك السخرية ... وهذا النظم الجميل ..
الذي اعشقه ياااااااااااه فكرتنا بحاجات عمنا بيرم الجميل ياجميل
اراك فى نص اخر .. بس مش حلمنتيشي:rosy: :don-t_men
دمت بكل خير
اخيك احمد ابوسنة

[يحيى زكريا]

عم يحي الأدباتي ... ورؤية وتناول للشعر الحلمنتيشي راااااااائع حقاً



هذا الاسقاط على صعلكة الشاعر ... بتلك السخرية ... وهذا النظم الجميل ..
الذي اعشقه ياااااااااااه فكرتنا بحاجات عمنا بيرم الجميل ياجميل
اراك فى نص اخر .. بس مش حلمنتيشي:rosy: :don-t_men
دمت بكل خير

اخيك احمد ابوسنة



استاذى احمدابوسنه...
وشهادة فخر واعتزاز لى الى مالا نهايه هذه الاحرف الرائعه من حضرتك...
اشكرك استاذى واشكر نبض احرفك الرائع واتمنى ان تصافح عينى احرفك
فى الحلمنتيشى او غيره واتمنى ان تلقى احرفى اعجاب حضرتك...
اشكرك استاذى واشكر تواجدك الكريم..

[نور محمد]

تنشييييييييييييييييييييط ان ان ااااااااااااان

[sara.sara]

هههههههههههههههههههه
ربنا يسعدك يااستاذ يحيى يارب
رااااااااااااااائعة جدا
بموووووت ف الشعر الحلمنتيشى
بس مش باعرف اكتبه
عموما ححاول
وأى محاولة حانشرها ف صفحتك اللذيذة دى
كل سنة وحضرتك طيب
اوافقك يا نور
وسيبونى اضخك اوى
:mosking::brb::brb::brb::brb::mosking::brb::brb::b rb::brb::mosking:

[مليان كلام]

والله يا يحيى لم يسعني الا الضحك مع هذه القصيدة الكوميدية والرائعة جدا تحياتي على روعة الكلام الذي استطعت ان تسخره في اسلوب هزلي مضحك بكل حنكة ومهارة وانا شخصيا ازدادت حدة ضحكي على المقطع الي بتقول فيه ...اسف قصدي الي بتقول في زوجتك لَنْ أدْفَعَ إصْبَعَ مِنْ مَحْشِى...

فى هَذَا الْبَعْلِ المَتْلُوفْ