الى ابنى الحبيب محمد الصاوى -رجل بلا عنوان

[د. ابودنيا]

الى ابنى الحبيب محمد الصاوى -رجل بلا عنوان


عجزت كلماتى ان توازى عطر الحب فى كلماتك












مش هقولك قلبى دق اد ايه


مش هقولك.................!


مش هقولك قالى ايه


مش هقولك.................!


مانت عارف جوه قلبى ساكنه ايه


مانت عارف نبض قلبى شكله ايه


مانت ساكن جوة قلبى


ليه تخبى؟


وانت زارع فرحتى تطرحلى وردى


وانت تبقى كلمتى تتمد بعدى


وانت منديل شدتى ........


يمسحلى دمعى


آآآآآآآآآآآآآآآآه ... ياوعدى


ياصل سعدى


مش هقولك ع الكلام الى فتنى زوق ورقه


مش هقولك ان شوقى قاتلنى حرقة


نفسى اقابلك


وارتوى من عطف قلبك


نبع حبك


المس الخضار فى حضنك


بس ليه الاسوة منك


لما تقولى


"هو انا مش بردة منك
ليه بطرحى متفرحيش
لية بحزنى متجلديش"


دانت ابنى فى المحبة


والمودة والصفا الى سكن مابينا


وانت طرح الحب فيه


حبنا مافيهوش اسيه


واما تصرخ فيا تقولى
"اللى ضحى بعمرنا علشان يعيش
ولا انا احلامى عندك متسويش


لية عيون الشمس بتخبيها عنى
وتحرمني حتى من لحظه تمنى
هو انا مش بردة منك
ولا انا ابن التبني


مين الى قالك.......


دانت حلمك هو حلمى


مانا منك وانت منى


انكسر انت تعنى


مانت سندى وانت عمرى


وانت جلدى الى لممنى


ولما تقولى
ضمتك تنكر ايديا
اه قويه
نفسي اصرخها بقسية
واخلعك من جوه منى"


مين يقول تخلعنى منك


الشجر تدبل فروعه


والجدور تفضل ضلوعه
حاضنه ارض الحب لينا


جدور دفينه


برد الشتا يجلد مافينا


الحب يدفينا

[رجل بلا عنوان]

الى ابنى الحبيب محمد الصاوى -رجل بلا عنوان




عجزت كلماتى ان توازى عطر الحب فى كلماتك





ابى الحبيب د.ابودنيا
ليتني اجد كلمات حتى تسعفنى الان
ولكن محبرتى فرغ منها الحبر
وقلمى جف عندما قرات كلماتك الرقيقة
التى فعلا اجمل الف مرة من قصيدتي المتواضعة
ابى العزيز
ادعو الله ان يطول بيننا الحب والمودة
لكى من قلبي خالص تحياتي
ابنك المحب
رجل بلا عنوان
محمد الصاوي محمد

[د. ابودنيا]

ابى الحبيب د.ابودنيا
ليتني اجد كلمات حتى تسعفنى الان
ولكن محبرتى فرغ منها الحبر
وقلمى جف عندما قرات كلماتك الرقيقة
التى فعلا اجمل الف مرة من قصيدتي المتواضعة
ابى العزيز
ادعو الله ان يطول بيننا الحب والمودة
لكى من قلبي خالص تحياتي
ابنك المحب
رجل بلا عنوان
محمد الصاوي محمد


رغم البعاد بيكوى قلبى ..... معذبه
رغم العناد بيقل جهدى....... ويتعبه
كلام كتير عايز ابعته
بس انت برضه تعرف
ان اوراق الورود مهما كبرت صغننه
وعشان مابعتلك سلام
قطفتلك من ع الشجر
ورق الورود المعتبر
وكتبتلك:
بعد التحيه والغرام
الفين سلام
ومحبه اد الكون واد ما شفايفى ابتسام
باحلى ضى للقمر وربطهم بجناح حمام
وبعتهم
حلفتهم
لما يروحو ويوصلو
يمطرو عطر الزهور
على اد هما مايقدرو
بس السلامات يوصلو...!
وصيت حمامى لما يوصل
بصوت هديله ليك يسئل
امتا هنوصل:
حبل الوداد
نقرب شطوط بحر البعاد
وصيت حمامى وهو طاير
يبدر زهورى ع المداين
على كل اشجار الجناين
وصيته ليك يوصل بهم
شايل عابيرهم وسطهم
مكتوب عليهم كلمتين
من جوه قلبى بعتهم
بعطر المحبه ضفرتهم
وعملتلك من وسط بركان السهاد
بحرين مداد
بحرين وداد
وبعتلك بالرغم من الم البعاد
كلمتين دايما شايلهم جوه قلبى
ضحكتين لسه عاينهم فوق شفايفى
نظرتين ف العين شايفهم جوه ننى
نبضتين من نبض حاير فيا مجننى
وردتين كنت خبيتهم ف شجرى
وبعتلك
الشوق معشش جوة قلبى دايما راقبنى
البعد قاتل فرحتى والشوق غالبنى
واما حمامى يوصلك
شايل سلامى يبلغك
ابقى ابعتلى هسمعك
على طرف النسماية الى جاية
تطمنى فى البعاد عن الحكاية
برسالة كبيرها كلمتين......
سلامك وصل.........
وشكرا لمودتك

[رجل بلا عنوان]

رغم البعاد بيكوى قلبى ..... معذبه
رغم العناد بيقل جهدى....... ويتعبه
كلام كتير عايز ابعته
بس انت برضه تعرف
ان اوراق الورود مهما كبرت صغننه
وعشان مابعتلك سلام
قطفتلك من ع الشجر
ورق الورود المعتبر
وكتبتلك:
بعد التحيه والغرام
الفين سلام
ومحبه اد الكون واد ما شفايفى ابتسام
باحلى ضى للقمر وربطهم بجناح حمام
وبعتهم
حلفتهم
لما يروحو ويوصلو
يمطرو عطر الزهور
على اد هما مايقدرو
بس السلامات يوصلو...!
وصيت حمامى لما يوصل
بصوت هديله ليك يسئل
امتا هنوصل:
حبل الوداد
نقرب شطوط بحر البعاد
وصيت حمامى وهو طاير
يبدر زهورى ع المداين
على كل اشجار الجناين
وصيته ليك يوصل بهم
شايل عابيرهم وسطهم
مكتوب عليهم كلمتين
من جوه قلبى بعتهم
بعطر المحبه ضفرتهم
وعملتلك من وسط بركان السهاد
بحرين مداد
بحرين وداد
وبعتلك بالرغم من الم البعاد
كلمتين دايما شايلهم جوه قلبى
ضحكتين لسه عاينهم فوق شفايفى
نظرتين ف العين شايفهم جوه ننى
نبضتين من نبض حاير فيا مجننى
وردتين كنت خبيتهم ف شجرى
وبعتلك
الشوق معشش جوة قلبى دايما راقبنى
البعد قاتل فرحتى والشوق غالبنى
واما حمامى يوصلك
شايل سلامى يبلغك
ابقى ابعتلى هسمعك
على طرف النسماية الى جاية
تطمنى فى البعاد عن الحكاية
برسالة كبيرها كلمتين......
سلامك وصل.........
وشكرا لمودتك







مليون سلام من غير كلام
راح يوصلو ويوصلوا ليك السلام
من قلب شاف فيك الصفا
عرف الوفا بعد الالم
من غير شموع من غير دموع
ببعت سلامى ولهفتى
توصل معاهم غنوتى
حبك دا ساكن دنيتي
فارد دراعى بضمها
اكمنها زارعه الامانى فى حضنها
ماحية الاسامى ف ضيها
من غير اسامى بعرفك
الفعل اصله مشرفك
اسمك وفا طبعك صفا
حضنك دفى
من غير مجامله
ومدح فيك
القلب فايت بين ايديك
حلم اليالي وفرحها
طول الامانى وسهدها
حلمى ف يوم احضن سماك
وافضل ف حضنك قلبك ملاك
وافرح بضحكة منورة
متبسمه بها الشفايف
ياريت سلامى يوصلك
واسئل نجوم مستنياك



دمت بخير ابى العزيز
ابنك / محمد الصاوي محمد

[sokkar]

تحية لهذا السلم الذي تعتلونه سويا درجة بعد درجة!!
سلم المودة و الاحترام
استمروا
أصعد معكم!!!

[د. ابودنيا]

تحية لهذا السلم الذي تعتلونه سويا درجة بعد درجة!!
سلم المودة و الاحترام
استمروا
أصعد معكم!!!
د.دينا شاعرتى المفضلة بالمنتدى
اشكرك على كلماتك الرقيقة
دمتى بكل مودة وتقبلى تحياتى

[هايو]

استاذى الفاضل د/ ابو دنيا
بعد ماسيبتلك تحية هناك عند محمد
جيت اقدمهالك هنا
اولا بحييك على الكلمات الرقيقة وعلى التفاعل الجميل اللى بين حضرتك مع كل زباين القهوة
واحنا فعلا كلنا بنعتبرك اب لينا بس مش بالتبنى والله
ولا بلاش علشان مااكبركش خليك زى ؟؟ إممممم خالى
حلو كدة
كلام جميل بجد والله تسلم ايديك
تحياتى

[د. ابودنيا]

استاذى الفاضل د/ ابو دنيا
بعد ماسيبتلك تحية هناك عند محمد
جيت اقدمهالك هنا
اولا بحييك على الكلمات الرقيقة وعلى التفاعل الجميل اللى بين حضرتك مع كل زباين القهوة
واحنا فعلا كلنا بنعتبرك اب لينا بس مش بالتبنى والله
ولا بلاش علشان مااكبركش خليك زى ؟؟ إممممم خالى
حلو كدة
كلام جميل بجد والله تسلم ايديك
تحياتى

اشعر بنور وضاء اضء هذه الصفحة لمرورك
قرات المونه التى تخصك
وكنت الاسعد بهذة الرؤيه الممتعه فى قلب الجمال
اشكرك من كل قلبى ودام الود

[رجل بلا عنوان]

تحية لهذا السلم الذي تعتلونه سويا درجة بعد درجة!!
سلم المودة و الاحترام
استمروا
أصعد معكم!!!

الفراشة التى مسكنها قلوب الجميع
جاء ردك على قصيدة ابى د.ابودنيا
شئ جميل جداا
حتى اننى اردت ان ارد على كلماتك
مع علمى ان ابى قام بالرد
ولكنك قلتى كل شئ
واتمنى ان نصنع نحن الثلاثة عمل مشترك
تحياتي
اخوكى المحب
رجل بلا عنوان