View Full Version : يلا يا جدعان ببلاش يا جدعان الديكور الطازه يا جدعان
من اهل مصر
07-18-2006, 07:39 PM
اهلا بكل كتاكيت مصر وكتاكيت قهوه كتكوت
ياااااااااااااااجااااااااااااابر كراسي للبهوات وشيشه للرجاله وفيروز للهوانم اللي شرفونا وكله علي حساب عمك كتكوت
البيه خاطب ؟
الهانم مخطوبه؟
الاستاذ متجوز؟
يا مدام ... يا ام العيال ... ايوه انتي سيبك من الواد اللي في ايدك خليكي معانا
مش عايزه ديكور طازه ببلاش ؟
يا كل الكناكيت انا معاكم في اي نصيحه عايزنها في موضوع الديكور
بس بالدور
واحد واحد يازباين
مش معقول كده كله هياخد كله هيتبسط
صحيح الديكور بيتكلف فلوس كتير بس ولا يهمكو
انا هبسطهولكو ويارب الجماعه الكبار اللي بيبيعو الديكور الغالي ميخدوش بالهم عشان ميضرونيش
بس انا هطلب منكم طلب اللي عايز ديكور طازه يروح رطلين مخ ويشارك في التكافل الكتاكيتي المنتداوي
يلا خلونا نبدا بسم الله الرحمن الرحيم
مين قال هات ؟ مين قال عايز ؟
تحياتى ليك اخى فى الله
جزاك الله كل خير
max_1986
07-18-2006, 09:42 PM
جزاك الله خيرا:rosy:
Dr.GM
07-18-2006, 10:13 PM
ممكن توضح علشان انا مفهمتش ؟؟
معلش فهمي تقيل حبتين من يوم ما الضرب شغال علىلبنان :)
تحياتي
GM
من اهل مصر
07-18-2006, 10:39 PM
ممكن توضح علشان انا مفهمتش ؟؟
مش معقول يعني اعمل ايه بس اشد في شعري اقطع في هدومي احبط دماغي في الحيط
عموما مش مهم اقول تاني
اي حد من اهل قهوه كتكوت عايز اي خدمه من مهندس ديكور انا تحت امره
طالب فنون جميله
طالب فنون تطبيقيه
طالب هندسه قسم عماره
ولاد وبنات زي العسل مخطوبين وبيجهزو شقتهم
مدام طيبه وعايزه تزوق بيتها
كل دووووووووووووووووووول انا تحت امرهم
وانا في الخدمه
Dr.GM
07-18-2006, 10:42 PM
طيب ... اهدء بس وبراحه عليا مش كدا ...
طيب مفيش حاجة لطالب طب ؟؟
شكارة جبس ..مثلاً
ههههههه
بهزر معاك ... بس اهدء برضو مش كدا
انا عايز اسأل الأرضيات الباركيه ... تكاليفها كام و بناء على ايه و مداها الزمني قد ايه ؟
وتكاليف الأبواب الأوكورديون كام و اعتماد على ايه برضو ؟
تحياتي
ومش تزعل :)
GM
Hassan Ibraheem
07-18-2006, 10:44 PM
هو أنا معرفش تقدر تساعدني ولا لأ... بس أنا سمعت إن فيه حاجات معينة تتعمل في المساحات الصغيرة تديك إحساس إنها واسعة.. (بيني وبينك الأوضة زحمة وأنا مش باطلع منها... وعايز أحس كدة إني قاعد براحتي مش ف سجن) ؟؟؟؟؟؟؟؟؟؟؟؟؟؟؟؟
من اهل مصر
07-18-2006, 11:39 PM
انا عايز اسأل الأرضيات الباركيه ... تكاليفها كام و بناء على ايه و مداها الزمني قد ايه ؟
وتكاليف الأبواب الأوكورديون كام و اعتماد على ايه برضو ؟
اشكرك علي انك اول زبون وانا مش زعلان ولا حاجه انا بهرج بس من باب اخلي في روح للموضوع واخلي اللي بيقرا يتخيل انه سامعني وبيتهيئلي انك سمعتني عموما بالنسبه للباركيه انت اخترت نوع ارضيه من احلي انواع الارضيات واصعبها وخد يا سيدي عندك
الباركيه مصنوع من الخشب وفي منه انواع كتير زي ( السبرس ) ودي بتبقي الواح خشب بعرض 10 سم وبتترص جنب بعضها وتعتبر من النوع الفقير ( مش فاخمه) النوع التاني عباره عن صوابع خشب بعرض 2 سم وطول 20 سم وبتترص كل خمسه مع بعض مره بالطول ومره بالعرض ودي بتتثبت باللزق علي ارضيه خرسانه او بلاط وبرضه دي مش فاخمه وفي نوع تالت جديد معمول من الواح خشب مصنعه mdf ودي خشب مضغوط وملزوق عليه طبقه من الفينيل الرقيق جدا وبرسم الخشب وبالوان الخشب وانواعه والوانه كتير جدا جدا والانواع المشهوره منه الماني وفي ايطالي وعلي فكره النوع ده بيتركب بدون مواد لاصقه بيتثبت بطريقه التفريغ الهوائي يعني بيتعشق كله مع بعض ويتثبت بزنق اخر قطعه مع الحيطه وبرضه النوع ده في عيوب رغم جمال شكله وجمال الوانه وهو انه بعد فتره لو بيتركب في مكان عليه حركه كتير طبقه الفينيل بتروح شويه شويه ولو مثلا جه عليه حاجه زي الجبس اللس انت ذكرته قبل كده مش سهل تنظيفه
نيجي بقه لاحلي نوع واجمل نوع وافخر نوع وهو باركيه مسمار
وده بيكون عباره عن شرائح خشبيه من خشب الارو (السنديان) وده نوع خشب فاخر وغالي بعرض ممكن من 4 الي 6 سم وبطول من 30سم تقريبا ومتفرزه من النحيتين وبتركب بطريقه سابعات تمانيات مش عارف ازاي اوضخهالك بس يمكن ابعتلك رسمه لما ربنا يفرجها عليا
المهم بتركب علي حاجه اسمها عالفه وهي برضه من الخشب بس خشب ابيض رخيص والعلفه دي عباره عن قطاعات 5 سم *5 سم وبتترص جنب بعضها وبعدين تتثبت عليها الارضيه الباركيه الارو وبعد كده تتلمع (وهنا نقف ) التلميع هو اهم حاجه في الباركيه طول ما هو راكب لانه هو اللي بيديلو جماله ورونقه وهو ده المهم وهو ده العامل الوحيد اللي بيخلي الناس تفاضل الباركيه وبين الارضيات الثانيه يعني انك لو عندك استعداد انك تلمع الارضيه كل شويه ومعندكش اطفال يوقعو مثلا صبغات علي الارض او اي سوائل تضر الخشب لان الخشب خساس للسوائل لنه مسامي ويمتص السوائل ولا يمكن تنظيفه الا بالكحت والتلميع
وبالنسبه للتكاليف اعتزر منك بشده لاني حقا بعيد عن مصر من حوالي 9 سنين ومعرفش وصل سعر الخشب لكام دلوقتي بس قبل ما اسافر كان ثمنه بيتراوح بين 200 الي 250 جنيه للمتر المربع وبحسبه بسيطه مع تزايد الاسعار ورفع الدولار اتوقع يكون زاد 60 او 70 % عموما نصيحتي ليك لو انت بيتك مش معرض للمعارك اليوميه البيتيه بين الاطفال وامهم او ابوهم ومفيش زوار بتدخل بجزم مليانه طين وحاجات زي كده فبلاش الباركيه لكن لو انت من النوع المحافظ جدا وبتحب الديكور الكلاسيكي ودفء الخشب وجمال الخشب فتوكل علي الله
اسف ان كنت طولت عليك بس حبيت اديك معلومات وافيه عن الموضوع
بالنسبه للابواب الاكوردين عليها اللعنه فانا شخصيا لا احبزها ابدا في عملي ولكن لك ما سالت
الابواب الاكورديون انواع منها البلاستيك المغطي بطبقه من الفنيل الرقيق وايضا بالوان كتيره واشكال كتسره وفي نوع جلد وايضا بالوان واشكال كتيره زيمكن الجلد احسن حاجه في السوق وفي طبعا خشب بس الاحسن الجلد
ومعلش ايضا اعزرني عن السعر بس ممكن اقولك انالمتر المربع عندي هنا سعره 450 ريال للجلد
والاكورديون بيحل مشكله ضيقالمساخات وعشان مفيش مكان لفتحه الباب ولكن هناك حلول اخري قيمه وانظف بكثر من شكل الباب الاكوريون
اتمني ان اكون اجبت علي اسئلتك ولك جزيل الشكر بس متنساش تساعدني وتشارك في موضوع التكافل الكتاكيتي النتداوي برطلين مخ
من اهل مصر
07-18-2006, 11:52 PM
الاخ حسن ابراهيم
ان شاء الله اقدر اساعدك وفعلا في حاجات كتير نقدر نعملها عشان نديك احساس بالوسع ونخرجك من السجن بالسلامه ان شاء الله بس احكيلي عن غرفتك
مساحتها قد ايه؟
لونها ايه؟
ايه الحاجات اللي مضايقاك في القوضه ؟
وعندك استعداد تصرف قد ايه؟
ولك الشكر علي سؤالك وانا في انتظارك
Dr.GM
07-19-2006, 01:12 AM
اشكرك علي انك اول زبون وانا مش زعلان ولا حاجه انا بهرج بس من باب اخلي في روح للموضوع واخلي اللي بيقرا يتخيل انه سامعني وبيتهيئلي انك سمعتني عموما بالنسبه للباركيه انت اخترت نوع ارضيه من احلي انواع الارضيات واصعبها وخد يا سيدي عندك
الباركيه مصنوع من الخشب وفي منه انواع كتير زي ( السبرس ) ودي بتبقي الواح خشب بعرض 10 سم وبتترص جنب بعضها وتعتبر من النوع الفقير ( مش فاخمه) النوع التاني عباره عن صوابع خشب بعرض 2 سم وطول 20 سم وبتترص كل خمسه مع بعض مره بالطول ومره بالعرض ودي بتتثبت باللزق علي ارضيه خرسانه او بلاط وبرضه دي مش فاخمه وفي نوع تالت جديد معمول من الواح خشب مصنعه mdf ودي خشب مضغوط وملزوق عليه طبقه من الفينيل الرقيق جدا وبرسم الخشب وبالوان الخشب وانواعه والوانه كتير جدا جدا والانواع المشهوره منه الماني وفي ايطالي وعلي فكره النوع ده بيتركب بدون مواد لاصقه بيتثبت بطريقه التفريغ الهوائي يعني بيتعشق كله مع بعض ويتثبت بزنق اخر قطعه مع الحيطه وبرضه النوع ده في عيوب رغم جمال شكله وجمال الوانه وهو انه بعد فتره لو بيتركب في مكان عليه حركه كتير طبقه الفينيل بتروح شويه شويه ولو مثلا جه عليه حاجه زي الجبس اللس انت ذكرته قبل كده مش سهل تنظيفه
نيجي بقه لاحلي نوع واجمل نوع وافخر نوع وهو باركيه مسمار
وده بيكون عباره عن شرائح خشبيه من خشب الارو (السنديان) وده نوع خشب فاخر وغالي بعرض ممكن من 4 الي 6 سم وبطول من 30سم تقريبا ومتفرزه من النحيتين وبتركب بطريقه سابعات تمانيات مش عارف ازاي اوضخهالك بس يمكن ابعتلك رسمه لما ربنا يفرجها عليا
المهم بتركب علي حاجه اسمها عالفه وهي برضه من الخشب بس خشب ابيض رخيص والعلفه دي عباره عن قطاعات 5 سم *5 سم وبتترص جنب بعضها وبعدين تتثبت عليها الارضيه الباركيه الارو وبعد كده تتلمع (وهنا نقف ) التلميع هو اهم حاجه في الباركيه طول ما هو راكب لانه هو اللي بيديلو جماله ورونقه وهو ده المهم وهو ده العامل الوحيد اللي بيخلي الناس تفاضل الباركيه وبين الارضيات الثانيه يعني انك لو عندك استعداد انك تلمع الارضيه كل شويه ومعندكش اطفال يوقعو مثلا صبغات علي الارض او اي سوائل تضر الخشب لان الخشب خساس للسوائل لنه مسامي ويمتص السوائل ولا يمكن تنظيفه الا بالكحت والتلميع
وبالنسبه للتكاليف اعتزر منك بشده لاني حقا بعيد عن مصر من حوالي 9 سنين ومعرفش وصل سعر الخشب لكام دلوقتي بس قبل ما اسافر كان ثمنه بيتراوح بين 200 الي 250 جنيه للمتر المربع وبحسبه بسيطه مع تزايد الاسعار ورفع الدولار اتوقع يكون زاد 60 او 70 % عموما نصيحتي ليك لو انت بيتك مش معرض للمعارك اليوميه البيتيه بين الاطفال وامهم او ابوهم ومفيش زوار بتدخل بجزم مليانه طين وحاجات زي كده فبلاش الباركيه لكن لو انت من النوع المحافظ جدا وبتحب الديكور الكلاسيكي ودفء الخشب وجمال الخشب فتوكل علي الله
اسف ان كنت طولت عليك بس حبيت اديك معلومات وافيه عن الموضوع
بالنسبه للابواب الاكوردين عليها اللعنه فانا شخصيا لا احبزها ابدا في عملي ولكن لك ما سالت
الابواب الاكورديون انواع منها البلاستيك المغطي بطبقه من الفنيل الرقيق وايضا بالوان كتيره واشكال كتسره وفي نوع جلد وايضا بالوان واشكال كتيره زيمكن الجلد احسن حاجه في السوق وفي طبعا خشب بس الاحسن الجلد
ومعلش ايضا اعزرني عن السعر بس ممكن اقولك انالمتر المربع عندي هنا سعره 450 ريال للجلد
والاكورديون بيحل مشكله ضيقالمساخات وعشان مفيش مكان لفتحه الباب ولكن هناك حلول اخري قيمه وانظف بكثر من شكل الباب الاكوريون
اتمني ان اكون اجبت علي اسئلتك ولك جزيل الشكر بس متنساش تساعدني وتشارك في موضوع التكافل الكتاكيتي النتداوي برطلين مخ
يا ربي ... كل دا :واه يابوي
لأ بجد تعبتك معايا ... انا كنت فاكر الموضوع كلمة ورد غطاها :sniff:
شكر جزيلاً جزيلاً على الرد المفصص ده :rosy:
وبالنسبة للباركيه ... انا هفكر في الموضوع ... لعدة اسباب اولها ان بيتنا بتحصل فيه في اليوم في المتوسط خمستاشر حرب عالمية ...
بس ان شاء الله هعمله في شقتي ...
بخصوص ابواب الأوكورديون ...
مش عارف ليه انتا معترض عليها ...
انا عارف في انواع مخلعه منها و بتطلع عين الواحد وبترسا في الآخر ان الواحد يقوم خالع الباب كلو علشان يرتاح... بس في انواع انسيابية تانية جميلة جداً شفتها في المحلات و البيوت هنا في الأمارات
على العموم
شكر جزيلاً لتاني مره على المعلومات القيمة
تحياتي
GM :rosy:
من اهل مصر
07-19-2006, 01:52 AM
مفيش تعب ولا حاجه بس الضمير المهني يحتم علينا نقول كل المعلومات وعشان كمان اي كتكوت يحب يعرف اي معلومه تبقي موجوده وهو ده القصد من الخدمه ومن الموضوع واتمني ان تشارك معي وتساعدني في موضوعي في رطلين مخ
من اهل مصر
07-19-2006, 02:17 AM
بس في انواع انسيابية تانية جميلة جداً شفتها في المحلات و البيوت هنا في الأمارات
تلك الابواب بالفعل هي جميله ولكن وهي في العرض ولكن مع بدء الاستعمال ومع مرور الوقت تستمع الي معارك ضاريه واصوات تشبه اصوات القذائف عند عمليه الفتح العظيمه للباب او غلقه وهذا من خبراتي
من اهل مصر
07-19-2006, 03:45 AM
يا ايها الزائر
لما لا تشترك انها فرصه ذهبيه
تعالي شوف اكبر تخفيضات 100% تخفيضات وبكل سهوله وفي 1 دقيقه هتكون مشترك في قهوه كتكوت وتبقي من الكتاكيت المحظوظه هنا
متحفش احنا مش بناكل الاعضاء احنا بنعلمهم
يلا اشترك واسال اي حاجه انت عايز تعرفها وهتلاقينا معاك
الشرط الوحيد انك تكون مصري
خدماتنا لكل مصري مهما كان ولد ولا بنت مهما كان كبير ولا صغير مهما كان منين او ساكن فين
يلا بسرعه اشترك
simple-girl
07-19-2006, 05:18 AM
السلام عيكم...
اولا مبروك على تثبيت الموضوع وشكر خاص للناضورجيه...
ليا سؤال كدا ...وان شاء الله الاقى عندك الاجابه
ايه هى افضل مواد لتكسيه الحوائط الداخليه ...اللى بتستمر مع الوقت وبتدى جمال للمكان...
وكنت من فترة بتفرج على مجله انتريور اجنبيه ولقيت فيها حيطه مكسيه بكسوة تشبه بلاطات كبيرة غير منتظمه من الموزايكو وكانت رائعه بجد وكنت حاساها كلوحه فنيه مع انها موزايكو...!!
فهل دا ممكن يبقى موجود فى مصر ...ولا بتبقى مثلا طلبيه من المصنع نفسه
وشكرا:) :) :)
contact
07-19-2006, 05:31 AM
اولا انا جيت جرى على طول بعد نداء الحضور
بسجل حضور دلوقت
و حقعد اخد نفسى الاول وبعدين نستانف الحديث
من اهل مصر
07-19-2006, 01:58 PM
ايه هى افضل مواد لتكسيه الحوائط الداخليه ...اللى بتستمر مع الوقت وبتدى جمال للمكان...
مواد التكسيه كثيره للغايه وظهرت في الوقت الحالي اختراعات جديده غير ما كان عليه في الماضي
ومن اشهرها في مصر اولا الدهانات الحديثه (الاسبونش -كلاودي _ وماشابه ذلك
ودي عباره عن تداخل الاوان مع بعضها البعض ولها عده طرق في التنفيذ من الممكن شرحها منفصله .
نوع اخر من الخشب وله جمال ورونق لالوان الخشب الطبيعيه ولكن للانواع الغاليه فقط مثل الماهوجني والارو والتك وانواع عده
السيراميك وهو ما تقصدين فالموزاييك عباره عن بلاطات سيراميك صغيره المقاس 2سم*2سم وسمك صغير 3 مللي او 4 مللي وتتجمع تلك البلاطات في مربعات 30سم *30سم او اي مقاس اخر مكونه شكلا متآلف من الالوان وبالطبع يوضع تصميم في البدايه حتي يتم من خلاله التجميع ويسمي في مصر باسم تجاري (الخرده) وهو متوفر في مصر وبالطبع طلبه الفنون الجميله قسم جداري من اجمل الناس اللي بيصممو الخرده وينفذوها وكليتنا مليئه بها
والمزايكو لا يحتاج الي طلبيه خاصه من المصنع يمكن ان تصممي وتختاري الالوان وتشتريها وتصنعيها بايدك ولكن من الافضل كما نقول دائما ( ادي العيش لخبارزه لو هياكل نصه ) عشان تطلع مظبوطه
نوع اخر وهو افخم نوع واغلي نوع وهو تكسيات الرخام وهذا النوع يتميز بالاتي 1/ جمال شكل الرخام والعروق الموجوده به لانها تصميم الاهي
2/ تنوع التصاميم لانه يوجد انواع لا حصر لها من الرخام بالوان واشكال مختلفه
3/ طول العمر الافتراضي للرخام لانه خامه صلده تعيش معك كامل العمر وكل ما تحتاج اليه فقط العنايه بالتلميع علي فترات متباعده
بينما التكسيات الاخري مثل الخشب معرض للماء مثلا وهذا يعتبر من الاعداء له
او اي سوائل كيميائيه تؤثر بالسلب عليه او الاحتكلك المباشر
وايضا السيراميك لا يعيش طويلا لانه مصنع من طين فخاري مكسي بالجليز فمع الوقت قد تنقشع ماده الجليز ويتغير الموديل سريعا سريعا للتطور الهائل في صناعه السيراميك ولذلك دائما يوجد من الناس من يغير السيراميك دائما
والانواع الحديثه التي سبقت الحديث عنها
الواح من الفيبر مصنعه بمقاسات معينه وبتصاميم معينه وتثبت علي الجدران بطرق خاصه
وايضا هناك طريقه لديكور الجداري جميله جدا وسريعه جدا وهي التكسيات الجبسيه وهذا هو مجال عملي الان ويحتاج الي وقت للشرح منفصل
وهذا تقريبا كل ما هو موجود عن التكسيات في الوقت الحالي وان جد جديد ساوافيكي بالمعلومات عنه لاحقا واتمني ان اكون قد لخصت لك الاجابه علي السؤال
contact
07-19-2006, 08:31 PM
مواد التكسيه كثيره للغايه وظهرت في الوقت الحالي اختراعات جديده غير ما كان عليه في الماضي
ومن اشهرها في مصر اولا الدهانات الحديثه (الاسبونش -كلاودي _ وماشابه ذلك
ودي عباره عن تداخل الاوان مع بعضها البعض ولها عده طرق في التنفيذ من الممكن شرحها منفصله .
ننكن توضيح
حضرتك تقصد التضريبة نفسها؟
ولا طريقة الدهان؟
من اهل مصر
07-19-2006, 08:57 PM
اهلا وسهلا بالمهندسات النابغات والله انتو اللي فاتحين نفسي
انا بس عندي سؤال صغير كده ( انتو بتحبو اكتبلكو باللغه العاديه والعاميه اللي بيكون فيها شويه هزار ولا اكتب بطريقه الكتب والمواد العلميه الناشفه دي ؟)
المهم مبدئيا هكتب بلغه الصنايعيه لحد ما تردو عليا
الموضوع اللي قصدي عليه في طريقه الدهان نفسها مش في تضريبه اللون يعني
في هناك كذا طريقه تشتغلي بيها وكلها طرق بتجيب نتايج حلوه وكلها ليها اساس واحد بس بتفرق بقه من صنيعي للتاني ومن مهندس للتاني وفي اختيار الزبون كمان وده بقه اهم واحد عشان ده بيته وذوقه وهو اللي هيعيش فيه
بس انا هشرحلكو اساس الشغل ازاي
اول حاجه طبعا بناسس الحيطه بالمعجون والذي منه ونديها لون ارضيه فاتح وغالبا ما بيكون ابيض او اوف وايت ( بيج فاتح) ونسيبهم لما تنشف مظبوط
وبعد كده بتيجي بقه الطرق المختلفه زي مثلا نجيب اللون الاساسي اللي احنا عايزين نشتغل بيه ومثلا لون نبيتي ( اللون ده موضه الايام دي وبيليق جدا مع البيجات وانا بحبهم في شغلي وخصوصا في مدخل او مكان ضيافه او حتي في قوضه نوم وشويه شويه هنشرح بنستخدمهم ازاي في الاماكن دي )
المهم نعمق اللون بدرجه كويسه عشان هي لما بتداخل مع الارضيه بتفتح فلازم نغمفها عن الدرجه اللي احنا عايزنها وبعدين عن طريق قماش او اسفنج او مجموعه عدد مخصوصه منها الجلد او الرولات بندء نعمل حركات واشكال علي الحيطه مجموعها في الاخر بيدي شكل جميل جدا وبتحسي ان اللون الغامق اللي حطتيه واللون الفاتح دخلو في بعض وطبعا كل صنيعي وايده بقه في البارعين وفي اللي لسه متعلمين القصد ان لازم يكون الواحد مدرب كويس علي حركه ايده لانها بتبقي حساسه جدا لان اللون بيبقي طري واي حركه مش مظبوطه بتبان واضحه
في بقه نوع تاني حديث جدا وبصراحه غالي وهتلقوه في شركه يوتن او جوتن
وهو عباره عن معجون ابيض ليه مواصفات خاصه وبعدين انتي بتلونيه زي ما انتي عايزه وبعد ما تجهزي الحيطه تبداي تؤصي المعجون عليها بطريقه معينه وده اول وش وبعد كده تصنفري الحيطه وبعد كده ترصيه مره تانيه بطريقه غير الاولي وهكذا ممكن اربع او خمس مرات
في الاخر النتيجه ايه بقه ان من خواص المعجون ده ان كل طبقه بتدي درجه لون مختلفه ولما انتي حطيتي اربع او خمس مرات بيكون عندك في الحيطه اماكن فيها 3 طبقات واماكن تانيه اربع طبقات واخري خمس طبقات
فبعد الصنفره المظبوطه والتنعيم وبنسميها الكوي بيظهر ليكي شكل رائع جدا وبيبان بالظبط زي الرخام المتلمع بس بالوان انتي بقه مختراها
عموما في حاجات تانيه وتباعا هنشرحها
وانا مبسوط جدا من اسالتكم وياريت تجيبو اكتر ونشوفولنا كتاكيت تانيه عشان نعلمها ورزقنا يزيد
يلا مستني السؤال الجاي يا باشمهندسات
contact
07-19-2006, 09:06 PM
جزاك الله كل خير يا استاذى
ومن راى تتكلم بطريقتنا
هل ينفع يكون فى رسوم توضيحية
لو ينفع حتبقى جنااااااااااااااااان تارلا ترالا تراااااااااااااااااااااااااااالا لا لا لااااااااااان
من اهل مصر
07-19-2006, 09:16 PM
جنااااااااااااااااان تارلا ترالا تراااااااااااااااااااااااااااالا لا لا لااااااااااان
علي فكره هو ده اللي انا عايزه الجنااااااااااااااااااان تارلا بتاعتك دي
بجد عشان تبقي متميزه لازملك شويه ترااااااااااااااالالالالالا لااااااان
الفن بيحب الطرقعه بس بشرطه الطرقعه المظبوطه اللي ينفع تتنفذ
وده مش بيجي كده وانتي قاعده علي كمبيوتر او تربيزه رسم
بيجي من الخبره اللي بتعلمك ايه اول حاجه الخامات واسعارها وطريقه تصنيعها
ولما تعرفي الحاجات دي هتبقي تطرقعي زي ما انتي عايزه
وعموما انا فعلا هجبلكو صور بس هي في مشكله لان ساعات بكلمكم من الكمبيوتر اللي في المكتب وساعات كتير من اللي في البيت وعندي هنا وهنا صور فساعات بنسي هي فين اللي كانت فين وبتلخبط بس عموما اوعدك بصور وعموما النت مليااااااااااااااااااااان وانا بستخدمها كتير
وهحاول ابقي ابعتلكم صور من شغلي
من اهل مصر
07-20-2006, 03:20 AM
تلمذاتي الاعزاء
اليكم ببعض الصور لتوضيح موضوع الدهانات
الصوره الاولي طريقه الاسبونش
http://http://www.flashfp.net/uploader/modules/up-pic/pic/uploads/ccf8d116e6.jpg (http://www.flashfp.net/uploader/modules/up-pic/pic/uploads/ccf8d116e6.jpg)
الصوره الثانيه طريقه الفرنسي
http:/http://http://www.flashfp.net/uploader/modules/up-pic/pic/uploads/8a68ef825e.jpg (http://www.flashfp.net/uploader/modules/up-pic/pic/uploads/8a68ef825e.jpg)
الصوره دي بطريقهالاستوكو وهذه الطريقه التي شرحتها بطريقه طبقات المعجون
http://http://www.flashfp.net/uploader/modules/up-pic/pic/uploads/afe0d087d6.jpg (http://www.flashfp.net/uploader/modules/up-pic/pic/uploads/afe0d087d6.jpg)
الصوره الرابعه بطريقه المعجون العادي مع الالوان الفرنسيه
http://http://www.flashfp.net/uploader/modules/up-pic/pic/uploads/345e0275dd.jpg (http://www.flashfp.net/uploader/modules/up-pic/pic/uploads/345e0275dd.jpg)
اتمني ان تكون الصور قد افادتكم وان شاء الله علي وعد بالمزيد
وقولولي رايكم
simple-girl
07-20-2006, 04:01 AM
ومن اشهرها في مصر اولا الدهانات الحديثه (الاسبونش -كلاودي _ وماشابه ذلك
فعلا انا شفت الحاجات دى ...فى شركه معروفه بردوا اسمها رغدان ...فعلا بيستخدموا اكياس بلاستيك واسفنجات عشان يوصلوا للنتايج دى وكان فى كمان تكسيات تشبه الرخام بالظبط وكانو بردوا بيكسوا بيها اعمده جبسيه...زى الاعمده الدوريه والكورنثيه وغيرها...
السيراميك وهو ما تقصدين فالموزاييك عباره عن بلاطات سيراميك
ويسمي في مصر باسم تجاري (الخرده)
حضرتك تقصد الفوسيفساء....؟؟؟ :think3: لان هى اللى بيستعملوها بتوع فنون جميله وفنون تطبيقيه وبتبقى مربعات صغيرة بالوان كتييييييير ...وبيتكسى بيها بردوا الانفاق وغيرها فى الشوارع كلوح فنيه :think3:
لكن الموزايكو هو بلاط فى كسر رخام كتير وبالوان متعدده وبيبقى فى ماده ماسكه يعنى مش متاكده عجينه ايه بالظبط ...ممكن تكون عجينه اسمنتيه انا خدت الكلام دا بس نسيت.:chr58: ... المهم هو رخيص جدااااااااااااا:huh: وبيستخدم على الاسطح اوفى تشطيبات وزارة الاسكان للواحدات السكنيه للشباب...يعنى(بيسترخصوا)...:nose:
لكن التكسيه الموزايكوا اللى بقول لحضرتك عليها بلاطات كبيره اكبر من العاديه (العاديه تقريبا 20فى 20 او 25 فى 25
التكسيات الجبسيه
معلش بقا احنا عايزين توضيح للحته دى ..؟؟:scenic: :polling:
simple-girl
07-20-2006, 04:15 AM
وعايزا اعرف عن تكسيات الحوائط دى
http://www.f5f.com/uploads/07-19-06~LV_04_03_0001_54_l.jpg
http://www.f5f.com/uploads/07-19-06~OR_03_04_0001_19_l.jpg
http://www.f5f.com/uploads/07-19-06~OR_03_05_1002_42_l.jpg
http://www.f5f.com/uploads/07-19-06~VA_04_23_0014_03_l.jpg
http://www.f5f.com/uploads/07-19-06~Picture1.jpg
من اهل مصر
07-20-2006, 05:17 AM
حضرتك تقصد الفوسيفساء....؟؟؟
فعلا يا باشمهندسه انا اقصد الفسيفساء ولكن بلغه السوق بنسميه موزاييك ولكن انا غلطت لما كتبتها في المره الثانيه واعتزر عن خطئي للسرعه في الكتابه
والمزايكو لا يحتاج الي طلبيه خاصه
وفعلا كلامك صح وبيتعمل منه درج السلام وبيكون عباره عن اسمنت ابيض مع بودره ويضاف كسر الرخام الصغير وفعلا هو رخيص جدا وكلما زاد حجم قطعه الرخام زاد سعره
بلاطات كبيره اكبر من العاديه (العاديه تقريبا 20فى 20 او 25 فى 25
ممكن تركيب القطع الصغيره بجوار بعضها عن طريق قطع شبك وتلصق عليها بمواد لاصقه زي الكله مثلا وتتعمل باي مقاس زي ما انتي قلتي كده وممكن من تكوين الوانها بيبان انها قطعه واحده بس اللي بيفرق بينهم اللحامات فهل كان في لحامات كثيره في الصوره ؟
والاحسن تبعتيلي الصوره عشان اشوفها بعيني لان الوصف في مهنتنا دي بالذات صعب جدا وزي الدكتور ميقدرش يعالج عيان الا لما يكشف عليه
بس ممكن تكون ايضا قطع سيراميك او بورسلان لان في اشكال كتير جدا مختلفه وخصوصا الايطالي والاسباني وهناك قطع مكسيه بالصاج المجلفن ويسمي بصاج (بقلاوه ) وفي ابتكارات كتير جدا وزي ما قلتلك ابعتيهالي والتكسيات الجبسيه دي هشرحالك بالتفصيل ان شاء الله لما اروق عشان دلوقتي الساعه 4 الفجر عموما بالنسبه للصور بتاعتك
الصوره الاولي دي عباره عن بلاطات شبك مرصوص عليها الظلط وملزوقه بالكله زي طريقه الفسيفساء بالظبط وفي كمان حاجات احلي بيكون الظلط ملون
وبعد لما يخلص الصنيعي التركيب كله بيعمل حاجه اسمها سقيه للحيطه او ترويبه بتبقي عباره عن اسمنت ابيض بالاضافه الي اللون اللي انت عايزاه
وطبعا النوع ده بيتباع في محلات عرض السيراميك او الاحجار ولانه مستورد فغالي لكن فكرته بسيطه جدا وانا اشتغلت بيه في فيلات كتيره وبيتعمل منه تصميمات حلوه زي ما قلتلك لانه بيكون في منه الوان واحيانا الوان طبيعيه
بالنسبه للصوره التانيه دي طريقه دهان زي اللي شرحتهالكم قبل كده بس العامل اللي بينفذ عليه دور مهم جدا وفي نقطه كمان الصور اللي في المجلات والانترنت مش بتجيب الحقيقه كامله فمش هتقدري تعرفي الا اذا كنتي شغاله فيها زي حلاتي
الصوره التالته بقه دي ممرتش عليا قبل كده بس في نوع من الاسقف بيكون مطاطي وبيترش عليه ماده مثبته وبعد فتره بيكون السقف صلب جدا ويمكن انه يستحمل الاحتكاك بس دي موجوده في اوروبا ومشتغلتش معانا خالص ومكن يكون اللي علي الحيطه من نفس الماده
غير ان في طريقه تانيه انا نفذتها في فيلا لعميل عندي وكانت قريبه من كده بس بشكل مختلف شويه وكانت بالخيش وثبته علي الحوائط بالكامل وعرجتها وبعدين بجبس لباني ونرش عليها لحد ما تاخد الصلابه بتاعتها وبعدين نديها الوان زي ما احنا عايزين ودي طريقه رخيصه جدا بالنسبه لموضوع المطاط اللي حكتلك عليه
مع اني حاسس من الصوره بعد تدقبيق انه ممكن يكون دهان عادي بس بشكل مختلف وبطريقه المشط الرأسي وطبعا مع دقه العامل بتوصل للدقه دي وواخد السقف مع الحوائط بنفس اللون وهو ده تحليلي اللي انا مقتنع بيه حاليا لحد لما اقعد عليها ششويه كمان
الصوره التالته تكتشر في انواع الدهان بيكون معمول من المعجون وبالرغم من ان اللي باين في الصوره قطعه صغيره بسس ممكن يكون معمول بطريقه رص الالواح زي الصبه الخرسانيه ولكن للاسف الصوره مش واضحه اوي
الصوره الرابعه اللي بين الشبابيك ده حاجه من اتنين يا اما حجر طبيعي مقصوص ومنحوت بالمقاسات دي او جبس مصبوب في قوالب تشبه الحجر الطبيعي وبعد كده تتركب وتلصق بالجبس ايضا وعلي فكره دي من ضمن شغلي الان واللي هحكلكو عليه اما الجدار الذي يكون خلفيه للكنبه مش قادر احكم عليه لاني مش شايفه كويس هبقي اخفظ الصوره واكبرها واشوفها كويس
واي خدمه يا باشمهندسه ويارب نكون افدناكي بحاجه
واكرر اسفي علي غلطه الموزايكو دي بس جت بالغلط
simple-girl
07-20-2006, 05:25 AM
ابدا يا استاذى من اهل مصر مفيش اسف ولا حاجه
بس عايزا قول ان الكلام فعلا مفيد اوى وانا اتحمست اكتر انى اشتغل فى المجال دا ...:)
انا هستنى لحد ماتشرحلى انا وكونتاكت موضوع التكسيات الجبسيه الاول وبعدين نكمل اسئله....
صحيح ياريت لو حضرتك عندك صور لحاجات نفذتها ...من اللى فات دا ياريت تعرضهولنا بيتهيالى هيبقى مفيد جدا
شكرا اااااااااااااااااااااااااااااااااااااااااااااااااا ااااااااااااااااااااااااااااااااا
contact
07-20-2006, 07:19 AM
علي فكره هو ده اللي انا عايزه الجنااااااااااااااااااان تارلا بتاعتك دي
دة متوفر استاذى
بجد عشان تبقي متميزه لازملك شويه ترااااااااااااااالالالالالا لااااااان
الفن بيحب الطرقعه بس بشرطه الطرقعه المظبوطه اللي ينفع تتنفذ
وده مش بيجي كده وانتي قاعده علي كمبيوتر او تربيزه رسم
بيجي من الخبره اللي بتعلمك ايه اول حاجه الخامات واسعارها وطريقه تصنيعها
ولما تعرفي الحاجات دي هتبقي تطرقعي زي ما انتي عايزه
مشكلتى الخبرة
وقلة الاحتكاك
والنسيااااااااااااااااااااااااااان
بس سعات الواحد بيتحايل على حاجة شفها و عايز يعملها
ويعملها بطريقتة و تطلع زيها بالظبط
وبعدين يكتشف ان ليها طريقة تانية خالص
بس انا اللى يهمنى النتيجة
وبجد انا فى الديكور بعتمد على عدة عناصر اساسية قبل مبدا جنانى
بعدها بنطلق ومحدش يمسكنى و لا يوقفنى لحد منهار ويخلص اللى انا عيزاة
وعلى فكرة انا بحب اشتغل بايدى قوى
بحب احس بالخامات لانها بتدينى افكار من مجرد م المسها و اشتغل بيها
تلمذاتي الاعزاء
اليكم ببعض الصور لتوضيح موضوع الدهانات
استاذى جزاك الله كل خير
انا فعلا كنت محتاجة اشوف بعينى علشان اركب الكلام و افهم
بس عايزا قول ان الكلام فعلا مفيد اوى وانا اتحمست اكتر انى اشتغل فى المجال دا ...
اضم صوتى لسمبل جرل
انا هستنى لحد ماتشرحلى انا وكونتاكت موضوع التكسيات الجبسيه الاول وبعدين نكمل اسئله....
منتظرين حضرتك بشغف
اكيد لى عودات
ترالا لا لا لا ااااااااااااااااااااااااااااااااااااااااااااا ااااا
من اهل مصر
07-20-2006, 06:10 PM
ياجااااااااااااااااااااااابر هاتلي واحد عناب ليا خلينا اروق كده ويلا رش قدام القهوه ووضب الكراسي وظبط القناني عشان حبايبنا المهندسات هيجو كمان شويه وعايزن شكلنا يكون حلو قدامهم متفضحناش وكمان ممكن يجي معاهم ضيوف عايزين نشرفهم ونرفع راسهم يلا يا جااابر بسرعه وجهزلهم عصير لمون عشان اول ما يجو تقدمهولهم
منتظرين حضرتك بشغف
بس عايزا قول ان الكلام فعلا مفيد اوى وانا اتحمست اكتر انى اشتغل فى المجال دا ...
بجد يا جماعه الكلام ده بيفتح نفسي وبيخليني بجد اني بقدم ليكم حاجه كويسه وان فكرتي جابت نتيجه وبكسب حسنتين كل شويه بس يارب تكونو فعلا مستفيدين عشان اقدر انام وانا مرتاح البال
بتسألوني عن الديكورات الجبسيه وانا فعلا عايز احكلكو عليه لانه مجال شغلي من حوالي 8 سنين وعجبني جدا وعملت منه حاجات مكنتش اعرف اني هعملها في يوم من الايام وعلي فكره الجبس في مصر مش مشهور قوي وده طبعا لان مصر بلد فيها رطوبه عاليه والجبس مش بيحب الرطوبه العاليه لكن في بعض الاشياء الجميله بس بصراحه فقيره اوي في الشكل والديكور الحديث زي الكرانيش والسرات اللي بتتباع في اماكن كتير في مصر زي البساتين في القاهره وكمان علي طريق طنطا المحله وكمان طريق القاهره الاسكندريه الزراعي وانا بصراحه شوفتها وحسيت بمدي النقص الشديد في الزوق بتاع اللي بيصنعوها
عموما انا من سنه عملت شغل لواحد قريبي وكان مبسوط جدا منه وكمان العمال اللي اشتغلو لانهم لقو فيه حاجه جديده ماشافوهاش قبل كده وان شاء الله لما ارجع مصر (بعد الشر ) يمكن احاول اشتغل في الموضوع ده ونعمل حاجه جديده في البلد ونافسكو معانا بقه
اول حاجه طبعا تعرفو الجبس خامه مهمه جدا في المعمار بيضاء اللون بودر له خاصيه التماسك ( الشك) في وقت صغير جدا بعض خلطها بالميه
وكل الناس طبعا عارفينها المهم ان احنا بنستغل خاصيه الشك السريع ونخلط الجبس في الميه ونصبه وهو سائل قبل الشك في قوالب بنعملها باي شكل احنا عايزينه المهم اول حاجه هنحكي عنها بقه دلوقتي وهي الاسقف المعلقه الجبسيه
وطبعا ( انتو اكيد عندكو فكره عن الاسقف المعلقه ؟)لم عايزين فيها حاجه ابعتولي المهم السقف ده بقه عباره عن ايه ...... بلاطات من الجبس بسمك معين وطول وعرض معين عشان موضوع الوزن لا تبقي تقيله ولا خفيفه لان كل حاجه وليها اضرارها وبعد ما تجهز البلاطات بتتعلق في السقف بنظم تعليق مختلفه كله حسب مواصفات التصميم او مواصفات المشروع اللي بيحددها نوع الموقع وارتفاع السقف وعرض وطول ( البحر )اكيد عارفين المسطلح ده ؟ يعني مساحه المكان اللي هيتركب فيه السقف والنظم دي ممكن برضه نشرحها لوحدها وابعتلكو صور منها
المهم نيجي بقه لاجمل حاجه في موضوع السقف لان السقف الجبس بيحل اكبر مشكله بيقابلها المصممين الا وهي مشكله الدورانات لان زي ما انتو عارفين ان الخامات التانيه زي الخشب والحديد والالمونيوم والزجاج والرخام بتبقي في صعوبه في تدورهم وبيتكلفو كتير جدا عشان اللف والتدوير لكن الجبس بيحل المشكله دي لان البلاطات سهله القص ( بتتقص بالمشار العادي بتاع الخشب )و مش بيحتاج مكن وكمان نقدر نصبه في قوالب بنصنعها حسب الدورانات اللي عايزنها حسب المقاسات بتاعتنا ........ معلش يا جماعه ثواني هرد علي التليفون .....
ايوه رجعنا كنا بنتكلم في ايه؟
ايوه نكمل موضوع السقف المهم ايضا من مميزات سقف الجبس انك تقدري تصممي اي شكل انتي عايزاه باي عدد من المستويات والمناسيب وده طبعا بيديكي حريه في توزيع الاناره وجمال في شكل التوزيع وتتحكمي في الاماكن اللي عايزه تركزي عليها وموضوع الاناره ده بقه ممتع جدا ومن احلي الاشكال اللي بتليق مع الاسقف المعلقه الجبسيه الاسبوتات الهالوجين وخصوصا الصفراء منها ولكن لها مشكله بسيطه حيث تكلف بعض الشيء في مصاريف الكهرباء ولكن بتدي شكل حلو جدا علي الجدران وخصوصا لو موزعه بطريقه حلوه ومظبوطه وكمان بتركز علي مثلا اي حاجه انتي عايزه تظهريها في الديكور بتاعك ( صوره او تمثال او شهاده تفوق او اي اكسسوارات تانيه عايزه تكبريها في المنظر بتاعك
ويتم تركيب البلاطات برصها جنب بعضها وبتمسك بعضها ايضا بالجبس وعن طريق وسيط اللي هو شعر الكتان اللي بيكون هو ده العمود الفقري للبلاطه وزي بالظبط شبكه الحديد اللي بنحطها في الصبه الخرسانيه علشان يمسك البلاطه وما تتكسرش بسهوله وطبعا له نسبه في الكميه بتاعته ونبدا في التركيب زي ما التصميم بيقول مستويات مثلا اشكال دائريه جميع الاشكال تقدري تنفذيها
وبعد ما يخلص تركيب السقف وتركيبي وحدات الاناره بيكون جاهز بقه لاستقبال الدهانات المختلفه واي دهان
والملاحظات بقه المهمه في السقف ده اولا نسبه ميه الخلط اللي بتتخلط مع الجبس لازم تكون مظبوطه وكمان لازم البلاطات تكون ناشفه جدا قبل التركيب ويكون التعليق مظبوط لان كل الاسباب اللي فاتت دي لو مش موجوده السقف بيشرخ بسرعه وبيبان اكنه هيقع وتبقي مصيبه طبعا لو وقع علي راس جاااابر او عم بسطويسسسي ونلوص من غيرهم ومش هنلاقي لا عناب ولا لمون ولا قهوه اصلا
عموما دي معلومات عن السقف ولسه في حاجات تانيه عن تعليقه وطريقه تركيبه بس دي كده فاتحه خير يعني وان شاء الله اول ما اروح المكتب بتاعي هبعتلكو كام صوره كده من التصميمات بتاعتي ويارب يارب تعجبكو وعايزكو تقولو رايكو بصراحه لان انتو برضو ليكم ذوق عالي مش زي اللي هنا ( هما هنا معجبين جدا ونفذت تصميمات كتير جدا وماشي الحال ) بس رايكو انتو مهم جدا بالنسبالي لاني عايز اتعلم منكو برضه
وانشاء الله هنبقي نكمل باقي موضوع الجبس بس لما نبعت الموضوع ده ونشوف اي اسئله وكمان عشان ما نطولش الموضوع والناس تزهق او انتو تزهقو
يلا بسرعه قولولي ايه اللي انتو عايزينه وانا في الخدمه
الحنين
07-20-2006, 06:16 PM
صباح الخير على الفنانين
كان ليا طلب محتاجة اغير الوان الحوائط عندى عايزه اعرف ايه الالوان الى نزله موضه والى بتريح النظر والنفسيه وعايزه اعرف طريقه جديده لتوزيع البراويز على الحائط ...وتسلمولى
من اهل مصر
07-20-2006, 08:16 PM
انتي تامري يا الحنين بس شويه كده وهرجعلك علي رواقه عشان انا دلوقتي في المكتب ومش عارف اخد راحتي شويه وهرجعلك
من اهل مصر
07-20-2006, 10:44 PM
هذه صور لموضوع الاسقف الجبسيه
http://www.flashfp.net/uploader/modules/up-pic/pic/uploads/c2ea8518ad.jpg[/url
[url=http://www.flashfp.net/uploader/modules/up-pic/pic/uploads/13d98b37af.jpg]http://www.flashfp.net/uploader/modules/up-pic/pic/uploads/13d98b37af.jpg (http://www.flashfp.net/uploader/modules/up-pic/pic/uploads/c2ea8518ad.jpg)
http://www.flashfp.net/uploader/modules/up-pic/pic/uploads/7247fe8c22.jpg (http://www.flashfp.net/uploader/modules/up-pic/pic/uploads/7247fe8c22.jpg)
http://www.flashfp.net/uploader/modules/up-pic/pic/uploads/64e50627f2.jpg (http://www.flashfp.net/uploader/modules/up-pic/pic/uploads/64e50627f2.jpg)
[url=http://www.flashfp.net/uploader/modules/up-pic/pic/uploads/db8111225e.jpg]http://www.flashfp.net/uploader/modules/up-pic/pic/uploads/db8111225e.jpg[/url
من اهل مصر
07-20-2006, 11:17 PM
الي الاخت الحنين ومربيه اولادي
يشرفني ان اجيب علي سؤالك وقد نشرت نفس الاجابه في موضوع التكافل الكتاكيتي المنتداوي من اجل ان يستفاد ايضا الكتاكيت الحلوه اللي معانا هناك واتمني ان تنال الاجابه رضائك
اولا معرفه عامه عن الاوان انها جميعها جميله وعددها يتجاوز الالاف
ولكن ما يجعل لونا احلي من الاخر هو المجموعات اللونيه حيث ان الالوان تتنافر وتتجازب مع بعضها البعض ومن هذا المنطلق نقول ان الاتجاه الحالي (الموضه) هي ان تعمل ميكس بين لونين حتي يظهر اللون الذي تريد اظهاره
وحاليا اللونين الذان ينتشران بشده ويثيران الاعجاب ( النبيتي ويسمي ايضا عنابي مع البيج ) ولكن بدرجات معينه وليس كل بيج ولا كل نبيتي ينفع مع بعضه فاختيار الدرجات يحتاج الي حسفني بعض الشيء للاحساس بالتناغم بين اللونين
وطريقه التنسيق بين اللونين ان يكون اللون الغامق في احد الجدران المميزه في الغرفه او الصاله حيث يكون التركيز عليها بوضع كنبه مميزه او لوحه كبيره مميزه وغالبا ما تكون في مواجهه الباب ومن الممكن ايضا اختيار ركنه صغيره للقراءه مثلا وبالطبع يكون قماش الستائر والتنجيد ملائم للون ومن الوان القماش المميز هو البوستاج (النحاسي ) مع درجات من البني وهناك الاف من انواع القماش الموجوده بالسوق يمكنك الاختيار بنها
ثم بالطبع يكون باقي الجدران تطلي باللون الثاني وهو البيج وانصح بانه دائما ابدا قبل ان تبدا في اختيار الالوان يجب اختيار الاثاث والقماش اولا ثم تركيب الالوان طبقا لاختيارك
ثانيا موضوع البراويز هذا ينطبق علي الاستيل الذي تختاريه في الديكور العام وحجم البراويز لديك ونوعيه شكل البراويز من حيث الزخارف او الحركات الانسيابيه وايضا من حيث مساحه البرواز
ومثالا علي ذلك الكلاسيك يختاج الي براويز تحمل بينها رسومات ذات موضوعات معينه وفي الاغلب تكون كبيره الحجم وتتبع طريقه السمتريه حيث توضع في الوسط وعلي جانبيها براويز اخري اصغر او وحدتان اضاءه (اباليك)
واما بالنسبه للمودرن فدائما تكون تحمل رسومات ذات طابع مودرن كما لوحات الفن الحديث وتكون البراويز لا تحمل زخارف محفوره وتكون ساده وملونه ومن البراويز الموجوده حاليا تتميز بان اللوحه المرسومه تخرج الي خارج اللوحه وتستمر حتي الي البرواز نفسه
وهنا لا تحد البراويز طريقه معينه في وضعها علي الحائط ولك كامل الحريه في وضعها ولكن لابد من مراعاهه عنصر الترابط والتكوين بينها فنتخيل الجدار وكانه لوحه رسم ونحن نرسم عليه بتلك الكتل والمساحات من البراويز
وفي موضوع اخر يمكنا التحدث عن بعض الافكار حتي لا نطيل الموضوع ولا تملو منه
ونرجو الاستفسار عن اي معلومه ولكم جزيل الشكر
من اهل مصر
07-20-2006, 11:39 PM
ومتابعه لموضوع البراويز
صوره لبرواز كلاسيكي ذو موضوع
http://www.flashfp.net/uploader/modules/up-pic/pic/uploads/14950256f2.jpg (http://www.flashfp.net/uploader/modules/up-pic/pic/uploads/14950256f2.jpg)
http://www.flashfp.net/uploader/modules/up-pic/pic/uploads/6efa03b8b5.jpg (http://www.flashfp.net/uploader/modules/up-pic/pic/uploads/6efa03b8b5.jpg)
وهذه الصوره من الممكن وضعها في طراز ما بين الكلاسيكي والمودرن والاكثر انتشارا في مصر
http://www.flashfp.net/uploader/modules/up-pic/pic/uploads/817fdd640e.jpg (http://www.flashfp.net/uploader/modules/up-pic/pic/uploads/817fdd640e.jpg)
الحنين
07-21-2006, 02:53 AM
ابو ملك مش عارفه اشكرك ازاى وجزاك الله خير فى نشر الاجابه هناك
وحعمل الى انت قلت عليه يا فنان
ولك احترامى
simple-girl
07-21-2006, 03:52 AM
بس يارب تكونو فعلا مستفيدين عشان اقدر انام وانا مرتاح البال
لا نام ونام ونام يا استاذ بجد انا جزاك الله كل خير:rosy:
وعلي فكره الجبس في مصر مش مشهور قوي وده طبعا لان مصر بلد فيها رطوبه عاليه
هما دلوقتى بقى فى اكتر من شركه متخصصه فى الاسقف الجبسيه والاعمال الجبسيه وانا رحت اكتر من شركه :huh: وشفت امثله كمان و بيقولوا انهما عالجوا الرطوبه دى فى معالجه الطبقه الكرتون اللى بتغلف الجبس...ضد الرطوبه :heat:
السقف ده بقه عباره عن ايه ...... بلاطات من الجبس بسمك معين وطول وعرض معين عشان موضوع الوزن وبعد ما تجهز البلاطات بتتعلق في السقف بنظم تعليق مختلفه
بس هى الصور اللى حضرتك حاططها ...بلاطات بمقاسات ولا مصبوبه:huh:؟؟ ...يعنى انا شايف بروزات ونتؤات...:think3:
المهم نيجي بقه لاجمل حاجه في موضوع السقف لان السقف الجبس بيحل اكبر مشكله بيقابلها المصممين الا وهي مشكله الدورانات البلاطات سهله القص وكمان نقدر نصبه في قوالب بنصنعها حسب الدورانات اللي عايزنها
كنا مرة بنتناقش مع احد الدكاترة عندنا على معلومه اتقالت لنا ان فى شركه من شركات الاعمال الجبسيه ..الدوران ...انالبلاطات الجبسيه قابله للدوران ...وكان فى اصرار من الدكتور ان مستحيل ان البلاطه الجبسيه نعملها دوران:outttt: ...بص حضرتك تقصد دوران فى التو دى المسقط الافقى للسقف مش فى قطاع السقف صح...؟؟؟:think3: مع انى شايفه ان الاتنين ممكن يتعملوا ليه لا:think3: ....تقول ايه بقا فى الدكاتره ...عند :beee: وخلاص:brb:
ايوه نكمل موضوع السقف المهم ايضا من مميزات سقف الجبس انك تقدري تصممي اي شكل وبيديكي حريه في توزيع الاناره وموضوع الاناره ده بقه ممتع جدا ويتم تركيب البلاطات برصها جنب بعضها وبتمسك بعضها ايضا بالجبس وعن طريق وسيط اللي هو شعر الكتان
فعلا الاضاءة والاسقف المعلقه مينفعش ينفصلوا عن بعض...يعنى وجهان لعمله واحده
التصميمات بتاعتي ويارب يارب تعجبكو وانشاء الله هنبقي نكمل باقي موضوع الجبس
انا بجد مكنتش فاكرة انها هتكون بالجمال:واه يابوي دا الصوره الاولى وقبل الاخيره فعلا ابداع تسلم ايدك :rosy:
الناس تزهق او انتو تزهقو
هى الاولانيه مقدرش احكم فيها:chains: ....بس التانيه :nose:اكيد غلط ...الموضوع بجد بقا تحفه :ura1:
من اهل مصر
07-21-2006, 04:08 AM
لا نام ونام ونام يا استاذ بجد انا جزاك الله كل خير:rosy:
الف شكر
امثله كمان و بيقولوا انهما عالجوا الرطوبه دى فى معالجه الطبقه الكرتون اللى بتغلف الجبس...ضد الرطوبه :heat:
فعلا النوع اللي انتي بتتكلمي عليه ده موجود في مصر من فتره طويله ومن قبل سفري بكتير وعلي فكره ده نوع تاني انا كنت ناوي اتكلم عنه لان له طريقه معينه ونظام تعليق معين لكن مش هو ده اللي انا قصدي عليه وبالنسبه لموضوع الدماتره هما عندهم حق بالنسبه للنوع ده وهو اسمه المتعارف
عليه جبسوم بورد وبالفعل هذه الالواح غير قابله للدوران الا بطريقه معقده بعض الشيء وتحتاج الي وقت وبالرغم من هذا لا تصلح ايضا حيث النتيجه فعلا تكون سيئه ففعلا الدكتور عنده حق
لكن الطريقه اللي انا بقول عنها يمكن هو ميعرفش عنها عشان يمكن مش زي حالتنا بنسافر نشتغل بره لكن تعرفي السفر بره حلو جدا بنتعلم ونعرف امور مش موجوده عندنا في مصر بلد اول مهندس في التاريخ المهم مش ده موضوعنا
الصوره الاولى وقبل الاخيره
يبقي انت كده عرفتي اسمي الحقيقي وخليه سر بقه بنا لاني بجد مخدش بالي وانا بحمل الصوره
عموما مش عندك اي استفسار في الجزء اللي فات عشان نعرف نكمل وانا مسني كونتكت تدخل وتقول رايها عشان اعرف اكمل الجزء اللي بعده عشان هو الاهم
يلا مسنيكم ومتتاخروش وعلي فكره في مهندسه تالته هتيجي قريب مش عارف مفيش مهندسين ولا ايه اظاهر ان الصنف ده منتهي الصلاحيه
simple-girl
07-21-2006, 04:16 AM
عندى سؤال واحد...حضرتك بتقول النوع دا اللى كنت بتكلم عليه هو الجبسيوم بورد او الالواح الجبسيه هل دا مختلف عن الى حضرتك بتقول عليه ...والطريقه اللى حضرتك بتشتغل بيها ...بتستعمل بردوا غطاء للجبس المصبوب دا (زى الكرتون فى الالواح الجبسيه) ولا لا؟؟
بس معنديش اسئله تانى ...نستنى كونتاكت بقا لما تشوف الموضوع وبعدين حضرتك كمل علطول...:)
من اهل مصر
07-21-2006, 04:46 AM
عندى سؤال واحد...حضرتك بتقول النوع دا اللى كنت بتكلم عليه هو الجبسيوم بورد او الالواح الجبسيه هل دا مختلف عن الى حضرتك بتقول عليه ...والطريقه اللى حضرتك بتشتغل بيها ...بتستعمل بردوا غطاء للجبس المصبوب دا (زى الكرتون فى الالواح الجبسيه) ولا لا؟؟
فعلا النوع اللي قصدي عليه يختلف شكلا وموضوعا عن الجبسوم بورد ويشتركان في شيء واحد فقط وهو الخامه (الجبس) اللي قصدي عليه مش بيبقي عليه اي حاجه بالمره وبيتصب في قوالب من الرخام عشان بيكون السطح املس جدا وبيكون قابل للدهان طبعا بعد طبقه من المعجون وعلي فكره الفرق كمان في السماكه والاطوال وزي ما قلت قبل كده في طريقه التركيب
صحيح الاتنين بيقدمو نفس الخدمه وهي اسقف معلقه ولكن المفاضله بينهم دائما بتكون علي حسب التصميم والمساحه وفي بعض الاحيان بلجاء اني اعمل الاتنين مع بعض لان الجبسوم بورد بينفع في تغطيه المساحات الكبيره اللي مفهاش اي دورانات وبتكون الفروق بين المستويات كبيره وده لان مقاس اللوح عرض 120سم*300 سم ودائما العرض ثابت والطول بيتغير بمعدل -10سم لحد 240 سم
لكن الطريقه اللي انا بشرحهالك دي بتنفع في اي ظروف وكل التصميمات بس المشكله بتكون في ان اللوح مقاسه صغير جدا فاماينفعش في المساحات الكبيره اللي بتوصل احيانا الي 600 مترمربع وطبعا لان مقاسه صغير فسهل تشكيله غير الواح الجبسوم بورد
وبيوصل انك تعمله منه شرايط ممكن لحد 2 سم وطبعا ده مستحيل في الالواح الطويله
وفي سؤال ليكي بخصوص الدوران في القطاع الراسي
طبعا نقدر نعمل الدوران وانا بعتلك صوره الاخيره فيها دوران لداخل السقف وارجعيلها بس دي احنا مش بنلف البلاطه لكن احنا بنصنع البلاطه نفسها ملفوفه بالمقاس اللي احنا عايزينه
دوري بقه علي كونتكت عشان نكمل عشان انا ايدي بتحرقني وعايز اقولكو علي حاجات كتير وفرصه قبل ما ام حلا تيجي وهنتلخم بقه في تغير البامبرز ورضع البت علي ما احضر الغدا والكلام اللي انتي عارفاه ده
أسكندرانيه
07-21-2006, 05:31 AM
انا جيت وطبعا لازم اعمل اي منظر كده
بجد انا عندي مشكله في احد الحوائط الخلفيه في البيت وهي معرضه للشمس يعني منغير حيطة جار وديه بترفع درجة الحراره جدا والتكييف بتاع الغرفه ديه عجز عن انه يستمر اكتر من شهر منغي مايوحوح
المشكله التانيه في حائط تاني خالص وهو لنفس الغرفه لكن مشتركه مع حائط جار لكن المسافه بينهم واسعه بحيث ان ماء الشتا بيدخل فيها والشمس لاه حوالي 20-30سم
وانتم عافين الشتا في اسكندريه المهم الحائطه ديه كل ما اديها وش بويه او معجون بتقشر تاني مع العلم باني انا اللي بعملها بايدي
لاقيت مشكله هيه هيه:ura1:
من اهل مصر
07-21-2006, 06:22 AM
يا اخيرا لقينا زباين جديده واخيرا هنرد الجميل
عموما يا ستي انا تحت امرك
بالنسبه للحيطه الاولي اللي من غير جار ملهاش غير حل واحد وهو العزل الحراري وده بيتم كالآتي
بتختاري اي نوع من التجليد للحيطه دي زي الخشب او الواح الجبس ولو كنتي قريتي الموضوع اللي قبل ردك هتعرفي فكره عنه
وعن طريق التجليد ده بيكون في مسافه فاضيه بينه وبين الحيطه بتاعتك اللي فيها المشكله بتكون مسافه اقل ما يمكن 6 سم وبنجيب اي نوع من انواع العزل الحراري وده انواعه كتير زي مثلا الصوف الصخري وده احسن نوع ولو لقتيه بيكون سمكه 5 سم وكثاقته 60 او 30 وطبعا ال60 احسن ويمكن انتي تشوفيه بيعزلو بيه المواسير بتاعه التكيف المركزي عشان الهوا ما يسخنش
وفي عزل تاني وهو الفوم وطبعا كلكم عارفينه ( اللي بيكون في الاجهزه اول ما تشتروها ) وده برضه سمكه 5 سم والعزل ده بيجي علي شكل الواح مقاسها 60سم*120سم بس مش عارف في مصر المقاسات بتتغير ولا لا
عموما بتجبيها وترصيها بين الحيطه والتجليد الجديد وتقفلي عليا بالاواح يقه زي ما انتي عايزه سواء جبس او خشب او mdf وده نوع خشب صناعي وكويس في التجليد واللي يقوملك بالموضوع ده طبعا نجار مش حضرتك عشان تضمني ان كده التكيف مش هيوحح تاني وبرضو نوع التجليد بقه من ناحيه الشكل اللي هيحدده نوع الغرفه نوم ولا للضيافه ولا صاله
بالنسبه للمشكله التانيه والحيطه اللي فيها رطوبه دي بقه فيها معضله شويه ليه ؟
لان خلاص الرطوبه تملكت من الطوب فمهما تعملي من معجون من هنا لاخر العمر مفيش فايده ودي حلها بقه اول حاجه لازم نلغي مصدر الرطوبه بمعني شوفي اي طريقه تسدي بيها الفتحه اللي فوق اللي بتنزل الميه باي طريقه وبعدين نيجي للمرحله التانيه وهي تنشيف الميه اللي موجوده وده عن طريق بشبوري نار عارفه زي اللي بيبقي مع السمكريه بتوع العربيات ونفضل نسخن في المكان اللي فيه الميه لحد ما تنشف ونشيل الطبقه بتاعه المحاره القديمه عشان دي خلاص مبقتش نافعه وبعدين نحط طبقه جديده وبعد كده تجيبي بقه المعجون بتاعك وتعمل ي زي ما انتي عايزه وعلي فكره الطريقه دي احسن حاجه عشان مترجعش الطريقه تاني
او انك تعملي فيها زي الطريقه بتاعه التجليد لكن صحيح انتي المنظر بقي عندك كويس ومش هيبان اي حاجه وكمان هيكون احلي بس مع السنين هياثر علي الحيطه وهتبقي مشكله جامده وممكن مع كام سنه تدخل ميه لجوه القوضه وتاثر علي التجليد اللي انتي عملاه
يعني معلش هتتعبي شويه بس هتلاقي الحل المثالي
عموما اي خدمه ويارب تنفعك بجد الحلول دي ومستني رايك
وصدقيني لو انا موجود في مصر كنت ريحتك منها خالص وعنينا الاتنين
وام حلا جيالك بس انتي عارفه بقه حلا وملك مطلعين عنها
contact
07-21-2006, 08:07 AM
يبقي انت كده عرفتي اسمي الحقيقي وخليه سر بقه
ههههههههه انا كمان عرفتة
الدراسة ماثرة على عنينا
بس كويس الواحد لسة مفقدش مهاراتة
بس مش تخاف يا استاذى سرك فى بييييييييييييييييييييييييييييييييييييييييييييييييي ييييييير
وانا مسني كونتكت تدخل وتقول رايها عشان اعرف اكمل الجزء اللي بعده عشان هو الاهم
معذرة استاذى العزيز
اصلى رايحة الرحلة النهاردة و كنت بجهز الحجات و المحتاجات
انا منمتش لحد دلوقت
وشكلى حناملهم هناك
طبعا موضوع الاسقف الجبسية افادنى جدا
ودة ذكرنى ببحث كنت عملتة عن الاسقف المعلقة
وطبعا الاسقف الجبسية كانت احدى انواعها
بس متهيالى الاسقف دى محتاجة ان طول الحوائط للسقف يكون كبير شوية؟
صح كلامى و لا بدات اناااااااااااااااااااااااااام؟
من اهل مصر
07-21-2006, 08:12 AM
عموما رحله سعيده ان شاء الله
والله كان نفسي اطلع معاكو ونجيب حلا وملك وممامتهم ونهيص بس معلش انشاء الله السنه الجايه نطلع معاكو
عموما لما ترجعي بالسلامه هبقي اجاوب عليكي عشان انا كمان بنااااااااااااااااااااااااااااااااااااااااام خخخخخخخخخخخخخخخخ
hm*hm
07-21-2006, 07:48 PM
السلام عليكم ورحمة الله وبركاته
شكرا جدا على المساعده الجميله من حضرتك
وانا نفسى اسال عن حاجه فى الديكور
انا دلوقتى نفسي ادهن الريسبشن حائط نبيتى والباقى سن الفيل (سكرى) بس فى مشكله انى أشتريت الانتريه ولونه دهبى مايل للخضار فى زيتى فى لون اصفر ومش ممكن ارجعه وعايزه نبيتى فى الحائط هل هذا ممكن يتناسق مع بعضه ام لا واى ممكن يعطى منظر اجمل وياريت الرد سريعا لان بكره هتدهن الشقه فمفيش فرصه او وقت
شكراااااااااااااااااااااااااااااااا جداااااااااااااااااااااااااااااااااااا
من اهل مصر
07-21-2006, 08:27 PM
ولونه دهبى مايل للخضار فى زيتى فى لون اصفر
العزيزhm*hm
كويس انك اشتريت الانتريه الاول بس كان من الممكن انك طالما انت خاطط في دماغك انك عايز تعمل حيطه نبيتي كان ممكن تتعب شويه في البحث عن الطقم اللي يليق
عموما بس هشرحلك وجهه نظر بتقول ان الزيتي اللي انت اشتريته خلاص ده من عيله الاخضر والنبيتي اللي انت عايز تعمله دهمن عيله الاحمر
وللاسف اللونين دول مش بيتجازبو مع بعض ولكن علي العكس بيتنافرو وبشده وبيصيبو احيانا العين ببعض الزغلله اذا ركزت فيهم جدا وهما جنب بعض
ومن هذا المنطلق اقدر اقولك مش هينفع تحط لون نبيتي وخصوصا ان النبيتي لون غامق وجماله في انه غامق يعني مش هينع تفتحه
وطالما انت اشتريت خلاص الانتريه ممكن تروح لفكره تانيه وانك بدل اللون النبيتي ممكن تدور علي لون بني بدرجه العسلي واعتقد ان الجميع يستطيع ان يحدد درجه اللون العسلي والون ده بيليق علي مجموعه الاوان اللي انت ذكرتها وبتتناسق معها جدا وخصوصا مع الاوف وايت ( سن الفيل اللي انت قلت عليه )
واصحك بعمل بعض التاثيرات في الجدار يعني تدخل لونين في بعض واللي هما اللون العسلي علي ارضيه اوف وايت وعن طريق قطعه قماش يمكنك تحريكها علي الجدار بعض دهان اللون العسلي وبطريقه دائربا مثلا وبذلك تحصل علي لون يتماشي جدا مع الطقم اللي انت قلت عليه
ولكن لابد ان تحسن اختيار العامل اللي هيقوم بالموضوع ده لانه محتاج تدريب كويس قبل ما يعملها وهجاول ابعتلك صوره بالون الذي اقترحه لك وشكل التاثير الذي اقصده ولعلها تنفعك
http://www.flashfp.net/uploader/modules/up-pic/pic/uploads/ec74f13885.jpg (http://www.flashfp.net/uploader/modules/up-pic/pic/uploads/ec74f13885.jpg)
http://www.flashfp.net/uploader/modules/up-pic/pic/uploads/f860db37a8.jpg (http://www.flashfp.net/uploader/modules/up-pic/pic/uploads/f860db37a8.jpg)
اتمي ان يكون وصلك الحل وان اردت اللون النبيتي فمنالممكن ان تجعله في غرفه اخري ومع جزيل الشكر لسؤالك
واتمني من الله ان اكون قد وفقت في فهم سؤالك والاجابه عليه
hm*hm
07-22-2006, 10:01 PM
مرسي جداااااااااااااااااااا على الرد واني تعبتك معايا معلش ربنا يجازيك كل خير بس معلش انا عايزه لون الحائط يكون ساده اى رأيك فى لون حيطه واحده زيتى بس عايزه درجه حلوه اى رأيك حضرتك معلش هتعبك شويه
وجزاك الله عنا كل خير
من اهل مصر
07-22-2006, 11:46 PM
انا عايزه لون الحائط يكون ساده
اوك مفيش مشكله الون الساده حلو برضو بس انصحك نصيحه انه يكون مطفي وتكون الحيطه نفسها مظبوطه جدا عشان ميكونش فيها اي تعريجات تضر بالمنظر العام وتاثر علي جمال الانتريه او الاكسسوارات اللي هتعلقيها عليها
وبالنسبه درجه اللون ده بيكون علي حسب درجه لون الانتريه بتاعك
يعني القاعده عموما بتقول ان من الافضل ان يكون في اختلاف بين الدرجات بمعني لو الطقم بتاعك فاتح يبقي تغمقي الحيطه والعكس طبعا صحيح
ولا اختي العزيزه اللون لا يمكن وصفه فلابد ان اري اولا الطقم عتي استطيع اختار لك الدرجه المناسبه
ويمكنك انت الاختيار حيث يمكن ابلتفاهم مع العامل يعملك كام لون بدرجات مختلفه علي الحيطه مثلا مربعات صغيره 05 سم ×50 سم ومثلا 5 او 6 مربعات وتقارني بينهم مع الوان الطقم بتاعك وصدقيني هتلاقي انتي نفسك رايحه للون المظبوط لان دائما الجمال يفرض نفسه
وهبعتلك صوره فيها لون زيتي بس للاسف مش ساده لاني معنديش صور ساده
ويارب تيكون قريب من اللي انتي عايزاه
وعموما انا الي مرسيي جداااااااااا علي دخولك الركنه بتاعتنا ومرسي ايضا لانك سالتينا واحنا في الخدمه دايما بس ابقي افتكرينا بكويايه نسكافيه لبن زياده سكر زياده ومستنيك تاني وتالت حتي لو تشربي معانا كوبايه شاي
http://http://www.flashfp.net/uploader/modules/up-pic/pic/uploads/4bb3c9c433.jpg (http://www.flashfp.net/uploader/modules/up-pic/pic/uploads/4bb3c9c433.jpg)
simple-girl
07-23-2006, 01:32 AM
هى كونتاكت اتاخرت ليه...؟؟؟
على العموم بردوا
انا كنت عايزا اسال عن الطوب الزجاجى فى التصميم الداخلى ...مميزاته...عيوبه...انواعه...طرق استخدامه...اسعاره
يعنى انا بحس انو رااائع ...فعايزه اعرف شويه معلومات عنه قبل ما حضرتك تكمل موضوع الاعمال الجبسيه....
شكراااااااااااااااااااااااااا
من اهل مصر
07-23-2006, 02:06 AM
يااااااااااااااااااااااااااااااااااه دا انا كنت قربت ايأس ان انتو لسه فاكرين
عموما كونتكت تقريبا عامت كتير في الرحله وولون وشها احمر فعمله ماسك خيار علي زبادي علي شويه فول بالذبده
عموما علي ما تيجي نتكلم عن الطوب الزجاجي
الطوب الزجاجي مميزاته انه بيسمح بمرور الضوء فعشان كده ناس بتحب تستخمه لما يكونو عايزين يحلو مشكله مكان مفهوش شبابيك او طريق اضاءته الطبيعيه صعبه
وايضا يستخدم كفاصل بين مساحتين (البارتيشن)
وايضا في كثير من الحمامات الواسعه في حاله الفصل بين الجاكوزي وبين باقي الحمام
ويتميز بوجود عده الوان منه والوان مميزه فعلا ويمكن عمل ميكسات بين الالوان وبعضها
ويتميز بان سمك البلاطه صغير وذالك مما يساعد علي الاحتفاظ بمساحه المكان الذي يجتاج الي فصل
عيوبه ( اصبح بالنسبه لي موضه قديمه )
( يمل المشاهد منه سريعا ) وذلك لعدم قدره تغير لونه او عمل تصميمات كثيره منه وذلك لانه طوب يركب فوق بعضه البعض والتنوع في التصميمات تكون محدوده اغلبها حوائط صغيره وطبعا لان مقاس الطوبه ثابت فده بيحدك في الافكار ومتقدريش تقصي منه او تزودي جزء علي طوبه
ايضا يوجد مشكله عندما يكون التصميم دائري ذو قطر صغير فيظهر الشكل وكانه شرائح ممله لان اللحامات بين الطوب يكون كبيرا
انواعه تختلف حسب الشركات المنتجه من حسب الالوان والمقاسات
والمقاس الشهير 20سم *20 سم بسمك 8سم
وطريقه التركيب تحتاج الي مهاره من العامل لانه بالطبع لا مجال لتغطيته باي مواد اخري فلابد ان يكون الصف الراسي والافقي مظبوط 100% وغير ذلك غير مقبول ويثبت بالاسمنت الابيض ثم تسقي اللحامات بالترويبه الملونه حسب الالوان المطلوبه
ومعلش يا سيمبل جيرل اعزريني في موضوع الاسعار لاني بجد بقالي سنين طويله مشتغلتش في مصر فمش عايش مع الاسعار اللي اكيد زادت كتير من ساعه ما مشيت من مصر لك هو عموما غالي ولو انتي ساكنه في القاهره ممكن تلاقيه
في الرويعي او امتداد شارع رمسيس عند غمره في اتجاه العباسيه علي اليمين في محل ديكور مشهور بس للاسف مش فاكر اسمه
الحنين
07-23-2006, 02:09 AM
في الرويعي او امتداد شارع رمسيس عند غمره في اتجاه العباسيه علي اليمين في محل ديكور مشهور بس للاسف مش فاكر اسمه
بعد كل ده ومش فاكر اسمه
بس بجد تسلم يا بشمهندس
وجزاك كل خير
من اهل مصر
07-23-2006, 02:17 AM
الف شكر يا الحنين علي متابعتك للدروس بتاعتنا ويارب تكوني بتستفيدي فعلا من كلامي ويمكن تغيري رايك في العمل الاجتماعي وتيجي تشتغلي معانا
بجد مرسي جدااااااااااا
simple-girl
07-23-2006, 02:41 AM
شكرااااااااااااااااااااااا عالافاده....
استاذى من اهل مصر:)
contact
07-23-2006, 11:22 PM
هى كونتاكت اتاخرت ليه...؟؟؟
انى اتنفس تحت الماااااااااااااااااااااااااااااااااء
انى اغرق
اغرق
اغغغغغغغغغغغغغغغغغغغغغغغغغغرق
بلق بلق بلق
كونتكت تقريبا عامت كتير في الرحله وولون وشها احمر فعمله ماسك خيار علي زبادي علي شويه فول بالذبده
ههههههههههههههههههههههه
لية وشى تيفال؟؟؟؟؟؟؟
يااااااااااااااااااااااااااااااااااه دا انا كنت قربت ايأس ان انتو لسه فاكرين
يا استاذى منقدرش
النت بس كان معلق
مش كنتعارفة ابعت
على العموم الحمد لله عدنا و العود احمد
معكم و نواصل
contact
07-23-2006, 11:25 PM
هى كونتاكت اتاخرت ليه...؟؟؟
انى اتنفس تحت الماااااااااااااااااااااااااااااااااء
انى اغرق
اغرق
اغغغغغغغغغغغغغغغغغغغغغغغغغغرق
بلق بلق بلق
كونتكت تقريبا عامت كتير في الرحله وولون وشها احمر فعمله ماسك خيار علي زبادي علي شويه فول بالذبده
ههههههههههههههههههههههه
لية وشى تيفال؟؟؟؟؟؟؟:think3:
يااااااااااااااااااااااااااااااااااه دا انا كنت قربت ايأس ان انتو لسه فاكرين
يا استاذى منقدرش:kap:
النت بس كان معلق
مش كنت عارفة ابعت:sniff:
على العموم الحمد لله عدنا و العود احمد:looking:
معكم و نواصل:":
من اهل مصر
07-24-2006, 12:52 AM
يا جماعه عندي مشكله
الايميل بتاعي مش بيستقبل اي ردود علي المشاركات
انا ايميلي علي الياهو
مش عارف فين المشكله من الموقع نفسه ولا من الايميل
لو حد بيفهم يقولي
من اهل مصر
07-24-2006, 07:56 AM
اخيرا يا جماعه كونتكت فاقت من الميه
عموما نقدر نكمل بقه موضوع الديكورات الجبسيه
احنا اتكلمنا عن الاسقف وتقريبا خدتو فكره بسيطه عنها
وانهارده هنتكلم عن الديكورات الجداريه الجبسيه
وللأسف لا يوجد منها في مصر تقريبا علي الاطلاق
لان في مصر الاتجاه العام للناس هو الكلاسيكي البسيط
والاهتمام اكثر بالاثاث والتنوع في الاثاث وتشتهر مصر بانتمائها الشديد لتصميمات عصر النهضه والطرز الفرنسيه والانجليزيه
ولكن ما اريد تعليمكم اياه وقد يكون فعلا جديدا لكم
هو الديكورات الجبسيه الجداريه وهي تصميمات ذات بعد ثلاثي
لها عده كمواضع مهمه يجب التركيز عليها
مثل مداخل الشقق والفيلات واقصد من داخل البيت
وهناك قاعده تقول بالمثل الشعبي ) الجواب بيبان من عنوانه
اذا يجب ان نهتم جدا بالمدخل لان هو ده عنوان الجواب
والانطباع اللي بيخدو الضيف عن المدخل بيستمر الي باقي البيت حتي ولو ما شافش بقيت البيت
وتركزي في المدخل علي الجدار المواجه للباب (وهناك في مصر مشتهر الكونسول ) وما اقصده مثل الكونسول ولكن بشكل جديد ومختلف
وطبعا التصميمات بتختلف باختلاف المساحات وكل مساحه ليها تصميم يليق عشان نراعي النسبه والتناسب
ايضا الاماكن المهمه غرف الضيافه ومداخل غرف الضيافه ان كان مفتوحه (وهو ما يسمي بالارجات)
وبيكون هناك تصميمات ايضا جميله
وبعدين ندخل جوه الغرفه ممكن علي الجدران وممن الممكن التركيز علي الجدار الذي يحتوي الكنبه الكبيره حيث بتكون خلفيه للطقم وبتظهره اكتر
وبعدين الصاله او غرف المعيشه
وهنا تختلف المواضيع بشكل كبير جدا وبيكون لكل عميل له شخصيه معينه ومزاج معين
وطبعا كالعاده هنعرض مجموعه صور تشرح اللي بنقوله
وايضا غرف النوم وخاصه خلفيه السرير
وان كانت الغرف كبيره يمكن التركيز علي ركنه صغيره بتصميم صغير
وطريقه العمل بسيطه جدا لانه البلاط اللي سبق وشرحناه بنقصه ونركبه حسب ما احنا عايزين
وكثيرا ما نصنع قوالب خاصه باشكا ل متعدده
واليكم بعض الصور
http://http://www.flashfp.net/uploader/modules/up-pic/pic/uploads/07622fc485.jpg (http://www.flashfp.net/uploader/modules/up-pic/pic/uploads/07622fc485.jpg)
http://www.flashfp.net/uploader/modules/up-pic/pic/uploads/f4f19d98e0.jpg (http://www.flashfp.net/uploader/modules/up-pic/pic/uploads/f4f19d98e0.jpg)
http://www.flashfp.net/uploader/modules/up-pic/pic/uploads/60e6704717.jpg (http://www.flashfp.net/uploader/modules/up-pic/pic/uploads/60e6704717.jpg)
http://www.flashfp.net/uploader/modules/up-pic/pic/uploads/f0fb73f02c.jpg (http://www.flashfp.net/uploader/modules/up-pic/pic/uploads/f0fb73f02c.jpg)
http://www.flashfp.net/uploader/modules/up-pic/pic/uploads/0cff7f2e58.jpg (http://www.flashfp.net/uploader/modules/up-pic/pic/uploads/0cff7f2e58.jpg)
اتمني ان تكون الصور قد شرحت جزء مما اعنيه
ويلا بقه عايز الاسئله
simple-girl
07-24-2006, 08:18 AM
فعلا جميله ومشفتهاش تقريبا كتير..
بس انا كنت عايزا اعرف ...مش الجبس ماده ..مش عارفه اوصف كويس...يعنى مش صلده بمعنى...انه طرى وحضرتك قولت قبل كدا ان الاعمال الجبسيه اللى حضرتك بتتكلم عليها منعملهاش طبقه تغطيها من اى ماده تانيه..يعنى وجودها فى المدخل مثلا على اساس ان المكان دا بيبقا من اكتر الاماكن اللى فى الشقه اللى بتتعب اوام ...يعنى معرفش انا بعتقد كدا...او بلاش فى المدخل ...فرضا مع الزمن مهو اكيد مهندس الديكور مبيبصش على الشكل بس يعنى فترة عمر الخامه له تاثير كبير...مع الزمن الحوائط الجبسيه دى مبتتاثرش...؟؟
وكنت عايزا اسال على اخر صوره انا شايفه سمك غير طبيعى ...هو عاجبنى ...وخصوصا انى بحب اى حاجه جديده...ومحسسنى انى فى كهف..بجد جميل
كنت عايزا اعرف ..المكان دا ايه غرفه ايه يعنى بالظبط ...والسمك دا بردوا ليه؟؟؟؟
وازاى اتعمل او اتركب؟؟؟
بس خلاص
شكراااااااااااااااااااااااااااااااا استاذى:)
من اهل مصر
07-24-2006, 08:28 AM
ايوه كده
عايزين نشتغل يا جدعان
يا سيمبل الجبس فعلا خامه سهله الكسر بس مش زي الازجاج وتعتبر ماده صلبه لما بنضيف ليها كميه من الشعر (الكتان) في التصنيع نفسه
ومن مميزات الجبس ان عمره من عمر المبني نفسه يعني تقولي عشرات السنين
من الممكن فعلا ان تحصل مشكله زي مثل يعض للاحتكاك المباشر مثلا في حاله نقل الاثاث لكن ده بيحصل لكل الخامات والخشب علي الخصوص والجدارن نفسها
لكن الميزه في الجبس انه سهل الترميم وفي 10 دقايق تقدري تصلحي اللي اتكس
كنت عايزا اعرف ..المكان دا ايه غرفه ايه يعنى بالظبط ...والسمك دا بردوا ليه؟؟؟؟
دي غرفه غعلا عاديه وصغيره وبنعتبرها من الغرف الخاصه اللي في البيت اللي بتاخد شكل او طراز مميز وطبعا زي ما انتي قلتي هي كهف
والسمك طبعا عشان نظهر التجاويف والشروح لانها بتتنحت في الجبس ولان طبعا مش نقدر ننحت في الحيطه الطوب
وازاى اتعمل او اتركب؟؟؟
ده بقه سؤال عايز روقان هبقي اجاوب عليه في ساعه صفا
contact
07-24-2006, 09:46 AM
الله الله يا استاذى
يسلم شرحك
بس بجد ازاى اتركب وازاى اتعمل
وازاى ندخل فية اضاءات هل بنعمل حسابنا فى الصبة نفسها و لا بعد كدة؟
معلش اصل الواحد مشتغلش الحجات دى قبل كدة
من اهل مصر
07-25-2006, 12:48 AM
وازاى ندخل فية اضاءات هل بنعمل حسابنا فى الصبة نفسها و لا بعد كدة؟
راجعي درس الاسقف
contact
07-25-2006, 03:38 AM
راجعت
فين بالظبط؟
انا اتعميت ولا اية؟
من اهل مصر
07-25-2006, 08:35 AM
الف سلامه عليكي من العمي يا كونتكت
ولا يهمك يا ستي اشرحلك
طبعا انتي فهمتي ان احنا لما بنعمل السقف المعلق بيكون في مسافه بينه وبين السقف الخرسانه وده عشان نعرف نعمل تصميمات متنوعه ومختلفه في المناسيب
واقل مقاس بنقدر نسيبه ما بين15 الي20سم
وطبعا واحنا بنعمل السقف بنبقي عاملين حساب اسلاك الكهرباء اللي هنوصلها بوحدات الاناره وبعد ما نخلص تركيب بنفتح الفتحات اللي هنركب فيها الاناره
حسب مقاس الوحده نفسها وده بيتم بطريقتين
1/ بالمنشار الصغير وده سهل لان الجبس ماده سهله القص بالمشار
2/ بالشنيور وبنركب فيه بنطه اسمها ( بنطه كوبايه )وده لانها بتكون زي شكل الكوبايه دائريه المقطع ولها سنون مشرشره وطبعا ده بيوفر في الوقت كتير وبيكون اسرع وانضف في القص
ونيجي بقه لسؤال سيمبل وسؤالك ازاي بنركب الديكورات دي
اولا احنا اتفقنا ان الالواح دي بنصنعها بمقاس معين والبلاطه دي بتكون مستطيل 60سم*120سم ومن جهه ناعمه جدا لانها مصبوبه علي رخام
ومن الجهه الاخري بتكون خشنه عشان نقدر نثبتها
وبالتالي اي شكل مختلف بنعمله قالب ونصبه فيه بالشكل المطلوب
وبنجهز بقه الحيطه اللي هنشتغل عليها وتجهيزها انها تكون واخده طبقه محاره ولو كانا حيطه قديمه يبقي لازم نكسر فيها شويه (التنقير )
عشان الجبس يمسك فيها كويس
المهم طبعا حسب التصميم اللي انتي بتكوني عملاه بتقدري توصفي للعامل اللي بيشتغل ايه الي انتي عايزاه وبالتالي بيطلع الشكل
وزي ما انتو شوفتو في الصور كده
وبالنسبه للشكل اللي بيدي ايحاء بالكهف ده بيكون بسيط جدا احنا بنسيب مسافه وليكن 10 سم بينه وبين الواح الجبس وبنركبها جنب بعضها وعن طريق الكتان والجبس
ومسامير بنثبتها في الحيطه الاول عشان يمسك فيها الكتان
وه كذا لحد ما نخلص كل الحيطه وبعدين ننحت عليها باي شكل احنا عايزينه
لان الجبس خامه سهله النحت وطبعا انتو عارفين ده كويس
المشكله هنا دايما بتكون في حاجه واجده بس
وهي مشكله القوالب اللي بيكون فيها حفر (حفر زخارف كلاسيكيه او اسلاميه ...الخ
لان الحفر بيكلف والقولاب دي بتتصنع من خامه السليكون وهو غالي الحقيقه
بس هي دي المشكله لكن لما بيكون في ميزانيه كويسه مش بتبقي في اي مشكله
في سؤال بس انا معرفتش لحد دلوقتي انتو في سنه كام عشان اعرف انتو معلوماتكو وصلت لحد فين
ارجو الايضاح
contact
07-25-2006, 10:12 AM
جزاك الله كل خير
سؤال لما بنركب الجبس فى السقف و نسيبلة مسافة
بنركبة زى مبنركب الرخام؟
انتو في سنه كام
استاذى انا خلصت
و اشتغلت فترة
لكن فى حجات مشتغلتش فيها فى مدة عملى
وحجات معرفهاش غير نظرى
وحجات نسيتها اصلا
وحجات جدت و معرفش ازاى بتتعمل
وسعدت جدا لما لقيت حضرتك استاذى العزيز
لانى بحب المجال دة جدا
و بحب شغلة بجنون
ولكن لظروف انتقابى لا استطيع العمل حاليا
حضرتك عارف بروقراطية العمل
اتمنى ان لا اثقل عليك باسئلتى
بس بجد انا بموت فى الديكور
من اهل مصر
07-25-2006, 10:37 AM
الزميله العزيزه كونتكت
طالما انتي بقه طلعتي زمل
لكن انا بجد تحت امرك دايما في اي سؤال وبالعكس انا سعيد بيكي وبي سيمبل جدا ونفسي في بنات زيكو كده عايزين يتعلمو
وعموما انا بس لو كنت في مصر كنت شغلتك في احسن مكتب
لكن عموما ربك يسهل
سؤالك بقه عن تعليق الجبس ده موضوع لان في انظمه متعدده في التعليق
طريقه عاديه
طريقه ميكانيكيه ( بالاسياخ المسننه-الرود هنجر -)
والطريقه العاديه دي عن طريق مسامير صلب ليها فتحه في الراس وتتثبت في السقف عن طريق مسدس بيضرب طلقه علي المسار وعن طريق قوه الدفع يدخل المسمار في الخرسانه (واشك ان ده موجود في مصر ) فدائما مصر في طريقه اللحام في حديد التسليح
وبعد كده بنجيب البلاطات ونركبها علي قده مستويه علي المستوي الافقي
ونعلقها في المسمار عن طريق سلك رفيع ونلفه بكتان مغمور في خلطه الجبس
ويا اما نلصق بس الشعر في البلطه او ممكن نعمل في البلاطه سلكه صغيره نشبكها في الشعر ده وبتكون قوه الصق عايه جدا هنا لان الخامات كلها من صنف واحد فبتكون قوه التماسك عاليه جدا جدا
وطبعا منشلش القده الا لما الجبس يشك عشام منهزش البلاطه والميزان يختلف
الطريقه بقه الميكانيكيه
دي بقه عن طريق عمل ثقوب في الخرسانه ونزرع فيها فشر حديد وفي الغالب بيكون 6 مللي وبعدين نربط السيخ المسنن في الفيشر وبتكون طبعه قويه جدا
وعن طريق شبكه من قطاعات من الصاج علي شكل يو واكسسوارات معينه بنعمل شبكه نعلق فيها الواح جبس بالمسامير البورمه (سن صاج)
ودي بقه لازملها صور لان مش هتقدري تفهميها وانا هدور علي اي صوره وابقي ابعتها
وان شاء الله انا تحت امرك يا كونتكت
واسالي براحتك جدا وربنا معاكي ولو انا افتكرت اي حد من اصحابي القدام هسالك علي شغلانه تتعلمي فيها
contact
07-25-2006, 10:45 AM
الزميله العزيزه كونتكت
استاذى مينفعش تعلى العين على الحاجب
هذه من المسلمات
و انا اكتفى بل و افخر ان اكون تلميذة عند حضرتك
لكن انا بجد تحت امرك دايما في اي سؤال وبالعكس انا سعيد بيكي وبي سيمبل جدا ونفسي في بنات زيكو كده عايزين يتعلمو
استاذى بتخجلنى بردك الكريم
و سعادتى ان حضرتك مش تدايق من كتر اسئلتى
ايام الدراسة كانوا المهندسين بيتخنقوا من كترها
وعموما انا بس لو كنت في مصر كنت شغلتك في احسن مكتب
ربنا يكرمك يا استاذى
و اشكرك للتفكير فى شخصى الضئيل
وان شاء الله انا تحت امرك يا كونتكت
واسالي براحتك جدا وربنا معاكي ولو انا افتكرت اي حد من اصحابي القدام هسالك علي شغلانه تتعلمي فيها
استاذى بتخجلنى مرة اخرى باخلاقك الكريمة وذوقك العالى
و ححاول اكون تلميذة مش مشاغبة و لا كثيرة الاسئلة
اما بالنسبة للشغل
فمشكلتى الكبرى هى فى التعامل مع العمال و الصنايعية
ومش عرفت احلها
انا منتظرة الصور
و ربنا يكرمك يا رب ويسعد قلبك
من اهل مصر
07-25-2006, 10:59 AM
و ححاول اكون تلميذة مش مشاغبة و لا كثيرة الاسئلة
بالعكس انا عايزك مشاغبه وتسالي
تعرفي انا اتجوزت مراتي ليه؟؟؟؟؟؟
عشان كانت تلمذتي وكانت مشاغبه وشاطره وبتسال
بس اوعي حد يقلها كده
contact
07-25-2006, 01:45 PM
بالعكس انا عايزك مشاغبه وتسالي
اعتبر دة اذن؟
تعرفي انا اتجوزت مراتي ليه؟؟؟؟؟؟
عشان كانت تلمذتي وكانت مشاغبه وشاطره وبتسال
امال انا مش اتجوزت لحد دلوقت لية؟
بس اوعي حد يقلها كده
متخفش يا استاذى
مش حقول غير بس لقناة روتانا سينما مش حتقدر منقولش عليك
simple-girl
07-28-2006, 03:44 AM
في سؤال بس انا معرفتش لحد دلوقتي انتو في سنه كام عشان اعرف انتو معلوماتكو وصلت لحد فين
ارجو الايضاح
ااااااسفه على التاخير...
انا فى سنه تالته قسم عمارة يعنى ان شاء الله لما تطلع النتيجه:sniff: علشان لسه مظهرتش اقدر اقول انى بكالريوس...وربنا يستر:55:
وبالعكس انا سعيد بيكي وبي سيمبل جدا ونفسي في بنات زيكو كده عايزين يتعلمو
ربنا يكرمك يا استاذى من اهل مصر:rosy: :rosy: ....دى حاجه تفرحنا:wub:
من اهل مصر
07-28-2006, 03:47 AM
ياااااااااااااااااااااااااااااااااااااااااااا اا انت لسه هنا يا سيمبل
حمد الله علي السلامه
نورتينا
كنت عايزك في معركه بس الحمد لله خلصت علي خير
simple-girl
07-28-2006, 03:56 AM
خلصت.:واه يابوي ..ومعنديش خبر..:satan:
على العموم يا استاذى تلاميذك على اتم استعداد لاى معارك:budo:
يعنى احنا فى الخدمه:nose: :nose:
contact
07-28-2006, 04:14 AM
انا هبعت اجيب كام حته سلاحكده وربك يسهل بقه
خلى السلاح صاحى صاحى صاحى
لو نامت الدنيا صاحى مع سلاحى
سلاحى فى اديا نهار وليل صاحى
ينادى يا ثوار عجونا غداااااااااااار
خلى السلا ح السلاح السلاح
صاحى
صاااااااااااااااااااااااااااااااااحى
من اهل مصر
08-02-2006, 07:52 PM
هي التلاميذ نامت ولا ايه ؟؟؟؟؟
لا ما نموش ولا حاجة
انا صاحية اهو
عايزة اسئل على حاجة ربنا يكرمك:nose:
عايزة اعرف انواع ورق الحائط ... واى الانواع افضل... واجيبه منين ... وايه عيوبه وايه مميزاته... وكل حاجة عن ورق الحائط
ويا ريت تكلفته ... وورق الحائط اغلى ولا الدهانات العادجية اغلى ... و فرق السعر اد ايه تقريبا
وحاجة تانى
احيانا فى غرف الاطفال فى الكتالوجات بشوف زى صور او رسومات على الحائط كدة وانا مش عارفة دى ملزوقة على الحائط بعد الدهان ... ولا دة ورق حائط اصلا ... وللا دة ايه
وكمان الشريط اللى بيبقى فى نص الجدار تقريبا وعليها رسومات ... رغم ان الحائط مدهون عادى ... دى بتبقى شريط ورق حائط ولا ايه ...
معلش انا عارفة ان اسئلتى رخمة وكتير
بس ربنا يخليك للغلابة بئة :nose:
محمد حبيب
08-03-2006, 04:50 AM
جزاك الله خيرا.. بس اللي عايز يدرس فن الديكور نفسه self study .. يعمل ايه؟:wink3:
أستاذنا الجميل أبو حلاً .. ربنا يكرمك على الفايدة العظيمة ..
أعتقد و أقترح على الإدارة أنك حقيق بأخذ وسام من القهوة .. لأني أعتقد أنك أحق من الكثيرين منه .. مجهودك معانا هنا فعلاً لابد و أن يقدر بوسام ( على الأقل ) ..
اقتباس من كلام أختنا المنتقبة الجميلة كونتاكت
وعلى فكرة انا بحب اشتغل بايدى قوى
بحب احس بالخامات لانها بتدينى افكار من مجرد م المسها و اشتغل بيها
أنا مش مهندس ديكور أنا مهندس كمبيوتر
لكن زي ما أختنا كونتاكت قالت كده تماماً ... بموت في الشغل بإيدي و أعشق حاجة اسمها خامات ..
الموضوع باختصار اني طلبت معايا أبوظ الحيطة اللي ورايا في مكتبي اللي هو جوه في آخر المحل بتاعي ..
رحت عامل ايه بأه .. عملت شكل حجارة ( اللي بيقولوا عليها حجر فرعوني ) لكن غير منتظمة الشكل .. و في النص عملت شباك خشب قديم متوارب .. كل ده رسم طبعاً بالفرشاة و بإيدي و بالقلم الرصاص .. و الحمد لله الحجارة و الخشب طلعوا بجودة تخدع كل من يراها و يعتقد انها حجارة حقيقية و الخشب حقيقي ..
هحاول ان شاء الله في أقرب وقت أنزل صورة ليها هنا عشان آخد رأيكم ...
لكن المشكلة عندي اني استخدمت خامات رخيصة جداً و بالتالي رديئة جداً .. لكن بإحساسي بيها و بتوفيق ربنا الحمد لله وصلت بيها لنتيجة مرضية للمشاهدين ..
سؤالي هو .. هل من مادة ممكن أدهن بيها الحيطة الخامات التعبانة دي عشان متطلعش لو حد سند عليها بكتفه أو مشى ايده عليها ؟
طبعاً سعادتك أستاذ و مش محتاجني أقوللك انها متنفعش تكون مادة لامعة ( زي الورنيش مثلاً ) لأن مش المفروض الحاجات القديمة يكون فيها لمعة ..
أرجو الإفادة يا أستاذنا ..
على فكرة متقلقش من ان الناس اللي بترد قليلة ..
أنا مثلاً قرأت الموضوع و الردود كلمة كلمة .. و متكيّف أكتر من الشيشة اللي طلبتهالي مشكوراً .. بس بتابع في صمت .. سايبكم تتناقشوا و أنا عمال اتكيف ..
نقاشك انت و كونتاكت و سيمبل خطير .. حتى ردك على mh و على اسكندرانية كان مفيد جداً و تحيف موت ..
انتو تتناقشوا ..
و انا اتكيف ..
انتو تتناقشوا ..
و انا اتكيف ..
و خلاااااص متسلطن عالآخر و مستكنيص جداً م الكلام ده ..
منتظر ردك يا أستاذنا ..
تحياتي ..
و خد دي :rosy:
بنت اسكندرانية
08-03-2006, 09:50 AM
يا استاذ ,اقصد يا باشمهندس معلش انا عارفة انى ماليش مكان هنا لكن اعمل ايه بقا انا بحب الديكور جدا و دايما نفسى تيجى الفرصة اللى انفذ بيها بنفسى شقة احلامى و اعمل حاجات اخر جنان لكن عندى شوية اسئلة
ازاى ممكن اتعلم اصول الديكور لوحدى ؟؟:dance:
اوضتى اتخنقت منها :budo: عايزة اعملها نيولوك علما بانها اوضة مساحتها كويسة لانها اوضة 3 بنات و فيها دولاب كبير و مكتب و 3 سراير
لكن باحس انها ملهاش طعم. ياترى ممكن اعمل ايه؟؟
اخر طلب بقا :ممكن ابقى من تلميذاتك ,انا اسفة بس انا مش بادرس هندسة او فنون للاسف .
معلش انا ازعجت حضرتك ع الفاضى لكن تحياتى لك و للكتكوتات المهندسات و انا متبعاكم:rosy:
من اهل مصر
08-03-2006, 01:35 PM
صباح الخير علي احلي ناس واحلي صحبه
والله انا في عايه السعاده ان في ناس ذي القل بتابع وبتسأل وبتحب الفن
وعموما انا بعتزر عن التأخير في الردود وخصوصل فرحه لاني مشغول شويه اليومين دول في الشغل هنا
وعموما انا هرد علي كل الاسئله وعلي كل واحد
ويارب اكون اقدر اساعد ولاد بلدي الطيبين ولو حتي بمعلومه بمن ربنا بيها عليا
وانتظروني قريبا جدا بس معلش ادواني فرصه اخلص بس كام تصميم في ايدي احسن الزباين هنا هيكلوني
دمعة ندم والم
08-04-2006, 03:40 AM
اول حاجة طريقتك فى الكلامجميلة وجميلة جدا كمان
بس سيبك بقه من المجاملات الفاضيه دى
واقولك انا عايزة اعرف اعمل ايه فى الموضوع دة
انا ياسيدى شقتى حجرتين وصاله
بس الحجرتين صغيرين جدا
والصاله كبيرة
ناويه ان شاء الله اعمل حجرة نوم وحجرة اطفال والصاله هنجيب الصالون والانتريه
بس وعملت الارضية كلها سيراميك بيج فاتح فى بيج غامق
ولسه بقة عايزاك تقولى الوان ا الشقة اللى اعملها
عايزة احس انى عايشة فى قصر
مش فى حجرتين صغيرين
بس انا قولت اعيش وخلاص اصل الواد على اد حاله كدة يعنى
بس قولت زى مابيقولوا خدوهم فقرة يغنيكم الله تفتكر الكلام دة صح والا دى زتونه كدب
على العموم دة مش موضوعنا
ياريت تختار معايا الوان الشقة
انا هستنى منك الرد
وياريت بسشرعة
لانى بجد والله محتاجة اعرف اعمل ايه قبل ما ابدا ويسالنى على الالوان واعمل واقول زى كل مرة بيسالنى فيها عن حاجة اقوله اللى تشوفه
لحد لما هو زهق وقال انا مش هسالك تانى عن حاجة طالما فى الاخر بعمل اللى انا شايفه يرضيك كدة
برضه خرجنا من الموضوع
خلاص بقه انا طولت عليك جامد
بس بالله عليك قوللى اعمل ايسه
والون ايه
من اهل مصر
08-04-2006, 08:46 AM
لا ما نموش ولا حاجة
انا صاحية اهو
عايزة اسئل على حاجة ربنا يكرمك:nose:
عايزة اعرف انواع ورق الحائط ... واى الانواع افضل... واجيبه منين ... وايه عيوبه وايه مميزاته... وكل حاجة عن ورق الحائط
ويا ريت تكلفته ... وورق الحائط اغلى ولا الدهانات العادجية اغلى ... و فرق السعر اد ايه تقريبا
وحاجة تانى
احيانا فى غرف الاطفال فى الكتالوجات بشوف زى صور او رسومات على الحائط كدة وانا مش عارفة دى ملزوقة على الحائط بعد الدهان ... ولا دة ورق حائط اصلا ... وللا دة ايه
وكمان الشريط اللى بيبقى فى نص الجدار تقريبا وعليها رسومات ... رغم ان الحائط مدهون عادى ... دى بتبقى شريط ورق حائط ولا ايه ...
معلش انا عارفة ان اسئلتى رخمة وكتير
بس ربنا يخليك للغلابة بئة :nose:
ياجااااااااااااااااااابر يا واد يا جاااااااااااابر القهود رجعت تشتغل تاني يا واد
والزباين هلت علينا والاشيه هتبقي معدن وربنا يسهل كده ونقلب القهوه ونخليها نايت كلوب ابعتلي بقه واحد قهوه عشان الفنانه فرحه مشرفانا انهارده
وبتسأل عن ورق الحائط واحنا لازم نقوم معاها بواجب عشان هي اللي ثبتت الموضوع بتاعنا
نبدء بالانواع طبعا كلنا عارفين ان كل الانواع بتكون من خامه الورق ولكن بتختلف حسب المواد المضافه الي العجينه
يوجد انواع عاديه بيكون السمك بتاعها قليل وبتكون طباعه عاديه ودي طبعا اسوء نوع
نوع تاني بنسميه بلاستيك وده بيكون اكبر سمكا يمكن غسله بالماء والصابون
وده طبعا احسن نوع والمفضل دائما لكل الناس
وبيكون الرول عاده بطول 10 متر طولي وبعرض من 45 سم او 50 سم
ويمكنك شراءه من محلات الديكور الموجوده في الرويعي (اعزريني عن عدم تذكر اماكن اخري لاني بقالي كتير خارج مصر )
وناتي الي اهم حاجه بقه المميزات والعيوب :-
نبدء بالمميزات سرعه تكسيه الجدران
التنوع الرهيب في الاشكال والنقشات والالوان
هناك انواع يمكن غسلها بالماء والصابون في حاله الاتساخ
ثانيا العيوب وجود فواصل كتيره بين الشرائح (تحتاج الي مهاره عاليه في التركيب ومما يؤثر ايضا علي جوده الشكل
قد تتأثر ماده اللصق بدرجه الحراره الخارجيه للجدران مما يؤدي الي تفكك الورق من الجدار
مغري جدا للاطفال حيث يمكنهم فك الشريحه باي شيء حاد ويمكنهم قطعه بسهوله
العيب الرهيب بقه لا يمكن صيانته اي عندما تهتك اي قطعه لا يمكن ابدا اعادتها الي مكانها
اغلب انوعه مستورده مما يجعل تكلفته اعلي من الدهانات العاديه
لا يمكنك التغير بسهوله علي فترات قريبه لان نزع الورق من الجدران صعب جدا ويحتاج الي وقت ومجهود ومال
الفرق بين الورق والدهانات
الورق كما ذكرنا له خاصيه جميله وهي التنوع الرهيب في الاشكال والالوان
الدهانات قد تكون بها شيء من الصعوبه للوصول بنفس مظهر الورق
لكن الدهانات تتميز بمظهر مميز
سهوله الصيانه
طول العمر الافتراضي
سهوله الاختيار وتعديل اللون في حاله تبديل الرأي عند العمل ( اي يمكنك عمل عينات عند بدايه العمل فيمكن تعديل رايك وتغير اللون حسب اي متطلبات تطراء في التو واللحظه ) غير الورق فاذا تم شرائه لا يمكن تبديله
الدهانات بها ميزه التغير بين النوع الناعم والنوع الخشن (المنفذ بالمعجون)
يمكنك التغير كل عام من اجل تغير الديكور وبسهوله لانه لا يحتاج الي ازاله ولكن يمكن تغطيه السطح بلون أوف وايت ومن بعده يمكن عمل شكل جديد ولون جديد
وبالنسبه لموضوع الشرائط
ممكن تكون ورق جدران فعلا ولكل موديل يوجد له شريط خاص به وفي الغالي بيكون بلون غامق من لون الموديل نفسه
ومن الممكن ان يكون باسلوب الطباعه بالدهانات العاديه عن طريق الشبلونه المصنعه من ورق الاستنسل (وذلك في الجدران المطليه بالدهان العادي )
وقد تكون مرسومه باليد
وهناك ملحوظه مهمه جدا
الدهانات العاديه ما نطلق عليها نحن الالوان الساده العاديه المكونه من لون واحد
ولكن هناك دهانات غير عاديه مكونه من مجموعات لونيه من اثنين او اكثر
وكما ذكرت في موضوع سابق عنها وطريقه تركيبها وهناك بعض الصور عنها
ومعلش يا فرحه بالنسبه لموضوع التكلفه انا معرفش في مصر بتتكلف كام
لكن عندي هنا المتر المربع بتتكلف من 7 دولار الي 12 دولار
اتمني ان اكون قد اجبت علي اسئلتك
واتمني المزيد من الاسئله واسئلتك مش رخمه ولا حاجه بس ابعتيلي انتي وملكيش دعوه
ونصيحتي ليكي مفيش داعي لورق الحائط في البدايه لكن يفضل في الاماكن الكلاسيكيه التي تتسم بالمساحات الواسعه وعدم وجود اطفال لانهم العدو الاول لورق الجدران (واسالي مجرب )
من اهل مصر
08-04-2006, 08:55 AM
جزاك الله خيرا.. بس اللي عايز يدرس فن الديكور نفسه self study .. يعمل ايه؟:wink3:
يا مرحب بالحبيب
احب اقولك ان دراسه فن الديكور عايزه وقت طويل وقبل الوقت يكون اصلا الدارس عنده القابليه للتعليم اللي بنسميه ( الموهبه الفنيه)
ثانيا يكون عنده روح هدنسيه ويتقبل دراسه المواد الهنسيه
ويمكنك تنميه موهبتك وليس الدراسه لان الدراسه بتحتاج اكاديميه او كليه ذي كليه الفنون الجميله اللي بتشرف اني كنت واحد من ابنائها
لكن ممكن تقرا في الكتب عن التشكيل والاتزان وتناسق الالوان (والتناسق لا ياتي بالتعليم بقدر ما ياتي بالحس الجمالي)
ومتابعه الكاتالوجات ومشاهدتها بقوه واطاله النظر اليها واستكشاف كل ما فيها من كتل وكيف يتم التناسق بينها
وعموما احنا يا سيدي تحت امرك واي خدمه
من اهل مصر
08-04-2006, 09:22 AM
أستاذنا الجميل أبو حلاً .. ربنا يكرمك على الفايدة العظيمة ..
أعتقد و أقترح على الإدارة أنك حقيق بأخذ وسام من القهوة .. لأني أعتقد أنك أحق من الكثيرين منه .. مجهودك معانا هنا فعلاً لابد و أن يقدر بوسام ( على الأقل ) ..
اقتباس من كلام أختنا المنتقبة الجميلة كونتاكت
أنا مش مهندس ديكور أنا مهندس كمبيوتر
لكن زي ما أختنا كونتاكت قالت كده تماماً ... بموت في الشغل بإيدي و أعشق حاجة اسمها خامات ..
الموضوع باختصار اني طلبت معايا أبوظ الحيطة اللي ورايا في مكتبي اللي هو جوه في آخر المحل بتاعي ..
رحت عامل ايه بأه .. عملت شكل حجارة ( اللي بيقولوا عليها حجر فرعوني ) لكن غير منتظمة الشكل .. و في النص عملت شباك خشب قديم متوارب .. كل ده رسم طبعاً بالفرشاة و بإيدي و بالقلم الرصاص .. و الحمد لله الحجارة و الخشب طلعوا بجودة تخدع كل من يراها و يعتقد انها حجارة حقيقية و الخشب حقيقي ..
هحاول ان شاء الله في أقرب وقت أنزل صورة ليها هنا عشان آخد رأيكم ...
لكن المشكلة عندي اني استخدمت خامات رخيصة جداً و بالتالي رديئة جداً .. لكن بإحساسي بيها و بتوفيق ربنا الحمد لله وصلت بيها لنتيجة مرضية للمشاهدين ..
سؤالي هو .. هل من مادة ممكن أدهن بيها الحيطة الخامات التعبانة دي عشان متطلعش لو حد سند عليها بكتفه أو مشى ايده عليها ؟
طبعاً سعادتك أستاذ و مش محتاجني أقوللك انها متنفعش تكون مادة لامعة ( زي الورنيش مثلاً ) لأن مش المفروض الحاجات القديمة يكون فيها لمعة ..
أرجو الإفادة يا أستاذنا ..
على فكرة متقلقش من ان الناس اللي بترد قليلة ..
أنا مثلاً قرأت الموضوع و الردود كلمة كلمة .. و متكيّف أكتر من الشيشة اللي طلبتهالي مشكوراً .. بس بتابع في صمت .. سايبكم تتناقشوا و أنا عمال اتكيف ..
نقاشك انت و كونتاكت و سيمبل خطير .. حتى ردك على mh و على اسكندرانية كان مفيد جداً و تحيف موت ..
انتو تتناقشوا ..
و انا اتكيف ..
انتو تتناقشوا ..
و انا اتكيف ..
و خلاااااص متسلطن عالآخر و مستكنيص جداً م الكلام ده ..
منتظر ردك يا أستاذنا ..
تحياتي ..
و خد دي :rosy:
بصراحه مش عارف اشكرك ازاي يا اصيل علي كلامك الجميل ومتابعتك لينا
ويا سيدي انا لا عايز وسام ولا بتاع كل اللي انا عايزه اني فعلا اكون مفيد لاهل بلدي واني بكون
بساعد باي حاجه اقدر اقدمها وهي الخبره اللي انا اتعلمتها
وبالنسبه للعمل الفني بتاعك واللي اكيد منور مكتبك
ليه انت استخدمت الوان رخيصه بتطلع من الاحتكاك شكلك استخدمت الوان جواش
في الوان مش غاليه وكويسه وبتثبت علي الحيطه وبتكون من البلاستيكات او الزيتيات
المطفيه وتقدر تجيبها من الشركات المعروفه زي يوتن وسكيب رغدان سايبس وتقدر تعمل الوانك بالكمبيوتر او تعملها علي ايدك (تتضرب اللون)
لكن طالما انت خلاص عملت شغلك فخلاص اللي فات مات وخيرها في غيرها
وفعلا زي ما انت قلت الورنيش بيدي لمعه لكن تقدر تطفيها بصنفره ناعمه جدا وبحك خفيف جدا تقدر تشيل اللمعه بتاعته وروح اسال في الشركات ممكن تلاقي حاجه مطفيه تساعدك لان بصراحه احنا هنا بنشتغل بالمطفي علي طول من غير ما نلجاء لطبقه تطفي اللمعه وبنشتغل دايما بالوان من خامات جيده بتستحمل اي حاجه
وعموما انا هبعتلك الصور اللي انت عايزها
وانا تحت امرك بس قولي ايه اللي انت عايزه
وهتلاقيني ولا مجانص اللي كان في فانوس اسماعيل ياسين
وياريت تورينا الرسومات بتاعتك بسرعه
من اهل مصر
08-04-2006, 09:35 AM
يا استاذ ,اقصد يا باشمهندس معلش انا عارفة انى ماليش مكان هنا لكن اعمل ايه بقا انا بحب الديكور جدا و دايما نفسى تيجى الفرصة اللى انفذ بيها بنفسى شقة احلامى و اعمل حاجات اخر جنان لكن عندى شوية اسئلة
ازاى ممكن اتعلم اصول الديكور لوحدى ؟؟:dance:
اوضتى اتخنقت منها :budo: عايزة اعملها نيولوك علما بانها اوضة مساحتها كويسة لانها اوضة 3 بنات و فيها دولاب كبير و مكتب و 3 سراير
لكن باحس انها ملهاش طعم. ياترى ممكن اعمل ايه؟؟
اخر طلب بقا :ممكن ابقى من تلميذاتك ,انا اسفة بس انا مش بادرس هندسة او فنون للاسف .
معلش انا ازعجت حضرتك ع الفاضى لكن تحياتى لك و للكتكوتات المهندسات و انا متبعاكم:rosy:
اولا يا مرحب بيكي وهنبعت جاااااابر يجبلك كابتشينو حالا
ده مكانك طبعا ومكان كل الناس وانتي شرفتينا جدا جدا
وطبعا التلميذت الناجبات بيسعدها وبيسعدني انك توكني معانا
ومفيش ازعاج ابدا انا تحت امرك وامر كل حبايبي المصريين
وبخصوص انك تتعلمي الديكور لوحدك
والله لا اعتقد الا بمساعده حد متخصص
لان موضوع الديكور بيكون خبره قبل ما يكون دراسه لان المهنه في الاصل هي حل مشاكل
وطبعا لازم تكوني بتتعرضي لمشاكل كتير بتعرفي حلها من ناس سبقوكي في المجال ولان كمان لازم تكوني ملمه بالخامات اللي بقت كتيييييييييييير جدا اليومين دول وتبقي عارفه بتتركب ازاي عشان تعرفي تحطي تصميمك من غير ما تلاقي حاجه قضت علي تصميمك لان الخامه متسمحش او تكلفتها عاليه جدا
وبالنسبه لغرفتك تقدري تغيري فيها بتغير اماكن القطع الموجوده
وممكت تغيري من اللون ومن لون السقف
بس ياريت تبعتيلي مساحه الغرفه بتاعتك بالمقاسات ومكان الاباوب والشبابيك وانا هساعدك في الترتيب وابعتلك فكره للجدران والسقف
وفي حاجات جديده وجميله نقدر نعملها في السقف بيخلي منظر الغرفه رهيييييب
وانا مستني منك المقاسات وانا هبعتلك كل اللي انتي عايزاه
ومره تانيه اهلا بيكي في الديكور الطازه
من اهل مصر
08-04-2006, 09:57 AM
اول حاجة طريقتك فى الكلامجميلة وجميلة جدا كمان
بس سيبك بقه من المجاملات الفاضيه دى
واقولك انا عايزة اعرف اعمل ايه فى الموضوع دة
انا ياسيدى شقتى حجرتين وصاله
بس الحجرتين صغيرين جدا
والصاله كبيرة
ناويه ان شاء الله اعمل حجرة نوم وحجرة اطفال والصاله هنجيب الصالون والانتريه
بس وعملت الارضية كلها سيراميك بيج فاتح فى بيج غامق
ولسه بقة عايزاك تقولى الوان ا الشقة اللى اعملها
عايزة احس انى عايشة فى قصر
مش فى حجرتين صغيرين
بس انا قولت اعيش وخلاص اصل الواد على اد حاله كدة يعنى
بس قولت زى مابيقولوا خدوهم فقرة يغنيكم الله تفتكر الكلام دة صح والا دى زتونه كدب
على العموم دة مش موضوعنا
ياريت تختار معايا الوان الشقة
انا هستنى منك الرد
وياريت بسشرعة
لانى بجد والله محتاجة اعرف اعمل ايه قبل ما ابدا ويسالنى على الالوان واعمل واقول زى كل مرة بيسالنى فيها عن حاجة اقوله اللى تشوفه
لحد لما هو زهق وقال انا مش هسالك تانى عن حاجة طالما فى الاخر بعمل اللى انا شايفه يرضيك كدة
برضه خرجنا من الموضوع
خلاص بقه انا طولت عليك جامد
بس بالله عليك قوللى اعمل ايسه
والون ايه
يا جااااابر عندنا زبونه ميه ميه ابعتلي كل المشاريب اللي عندك يا جااااااااابر
والله يا دمعه انا فخور بيكي بجد لانك مثال لابد ان كل البنات تعمل زيك
وتساعد خطيبها مهما كانت ظروفه ومهما كانت شقته غرفتين وصاله
وربنا ان شاء الله بيباركلك فيها ويخليهالك احسن من القصر لانك انسانه طيبه ومحترمه وشكلك بتحبي (الواد بتاعك )وهو ده اجمل حاجه
وياريت البنات تعمل زيك وبلاش طلبات ملهاش لازمه بتطلع عين الشباب الغلابه اللي بيعانوا عشان يتجوزوا
وعلي فكره انا كمان شقتي غرفتين وصاله هنا في السعوديه وتقريبا زي شقتك
لكن ليا بس تعليق واحد
انتي ليه بس سالتي عن الالوان ؟؟؟؟؟
الالوان دي بتكون اخر حاجه ومش اللون هو الديكور الديكور بيكون من اول تعديل الجدران والسباكه والكهرباء واختيار الفرش والوان القماش والاكسسوارات وبعدين يجيي اللون في الاخر علي اساس انه يمشي مع كل الحاجات دي
واقدر اقولك بالنسبه لغرفه النوم بتاعتك في الغلب بيكون مكان السرير ثابت لان الغرفه بتبقي ضيقه ومش بتعرفي تحركي السرير مع الدولاب
فممكن عن طريق السقف تعملي حاجه مميزه فوق مكان السرير وتركبي فيها اسبوتات اضاءه صغيره
وممكن عن طريق كورنيش من الجبس تعملي اطار بين السقف والجدار وياخد لون غامق عن لون الجدار
وممكن تركبي براويز صغيره علي الجدار اللي ورا السرير
واللون ممكن تعمليه بطريقه الاسبونش وبيكون جميل جدا
وتكلفته مش كتير
الصاله بقه ممكن تعملي فيها حاجات كتير وتشوفي الجدران المميزه وتقدري تعمليلها تصميم وتقدري تصنعيه بالجبس
وانا ممكن اساعدك كتير في الموضوع ده وابعتلك تصميمات وادلك كمان علي اللي يقدر ينفذهالك
بس ابعتيلي المقاسات ولو حتي ارسميها علي برنامج الرسام اللي في الويندز
او علي ورقه ودخليها الكمبيوتر عن طريق الاسكانر
بس اهم حاجه مكان الابواب والشبابيك والارتفاع بتاع الجدار
وبالنسبه للالوان انا دايما انصح انك الاول تختاري الاثاث وتشوفي ايه اللي بيعجبك وبعدين نختار اللون من لون القماش لن ده اسهل من انك تختاري اللون وبعدين تفضلي تلفي عشان تلاقي اللي يليق وممكن ميكونش شكله حلو بس اللون هو اللي ماشي
عموما مرحب بيكي وانا في انتظار مقاسات شقتك
[QUOTE]ولكل موديل يوجد له شريط خاص به وفي الغالي بيكون بلون غامق من لون الموديل نفسه
مش فاهمة الحتة دى :huh:
انا هنجت ولا ايه :huh:
ومن الممكن ان يكون باسلوب الطباعه بالدهانات العاديه عن طريق الشبلونه المصنعه من ورق الاستنسل (وذلك في الجدران المطليه بالدهان العادي )
مش عارفة بصراحة
انا بشوف حكاية الطباعة بالاستنسل دى بس فى افلام زمان
اخاف اغامر واعملها وتطلع شكلها وحش :cry2:
يا ريت برضو لو ميهاش غتاتة تورينى صورة مثلا عشان اعرف هى هى الفكرة اللى فى دماغى :kap: ولا هتطلع حاجة اجمل :closeeye:
وقد تكون مرسومه باليد
طيب معلش ممكن صور:closeeye:
عشان شكلها هطئ فى دماغى وارسمها انا بنفسي :budo:
ولكن هناك دهانات غير عاديه مكونه من مجموعات لونيه من اثنين او اكثر
وكما ذكرت في موضوع سابق عنها وطريقه تركيبها وهناك بعض الصور عنها
فين طيب الصور دى :huh:
اتمني ان اكون قد اجبت علي اسئلتك
واتمني المزيد من الاسئله واسئلتك مش رخمه ولا حاجه بس ابعتيلي انتي وملكيش دعوه
دة انا هغرقك اسئلة ان شاء الله B)
بس اصبر عليا :gun:
انت اللى جبته لنفسك بئة :gy0000: :brb:
ونصيحتي ليكي مفيش داعي لورق الحائط في البدايه لكن يفضل في الاماكن الكلاسيكيه التي تتسم بالمساحات الواسعه وعدم وجود اطفال لانهم العدو الاول لورق الجدران (واسالي مجرب )
خلاص بلاها ورق حائط :cry2:
بس معلش عندى سؤال كدة :nose:
انا لو قررت اعمل مثلا طباعة بالاستنسل على الحائط ... ممكن انفذها بنفسي ولا هلاقى نقاش كويس يعرف يعملهالى ومايبوظهاش ؟:cry2:
اصلى انا درست الطباعة بالاستسل وجربتها كتير ... وعملت بيها لوحات كتير
بس مش عارفة ... خايفة على الحيطة اعك الدنيا وتبقى مصيبة
وبرضو خايفة اديها لنقاش يبوظهالى :cry2:
معلش لو مفيهاش غتاتة بئة :nose:
ورينى صور .. وقولى الخامات والادوات اللى باستخدمها على الحائط ( اصل بتاعت اللوحات اكيد ما تنفعش :closeeye: )
وبرضو ورينى صور رسومات ممكن ارسمها بنفسي على الحائط او حتى زخارف وقولى نوع الالوان :closeeye:
والله انا مكسوفقة جدااااااا من حضرتك وعارفة انى بطلب حجات كتير اوى:chr58: ... بس معلش بئة
كله فى ميزان حسناتك ان شاء الله :nose:
ladyalex
08-04-2006, 02:18 PM
اخيرا لقيت حد يعبرني في موضوع الديكور ده
اصل البيه بتاعي مسافر وسايبني محتاسة لوحدي
انا شقتي صغيرة ففكرت اعمل الحيطان لونها بيج فاتح وعايزة اعمل حيطة كده يكون لونها فاقع كده مصحصح بس مش عارفة تنفع الحكاية دي في المساحات الصغيرة وكمان ايه بديل كويس للباركيه
من اهل مصر
08-04-2006, 02:41 PM
http://www.flashfp.net/uploader/modules/up-pic/pic/uploads/0f63124633.jpg (http://www.flashfp.net/uploader/modules/up-pic/pic/uploads/0f63124633.jpg)
دي بقه صوره بتوضح ازاي تعملي كنار بطريقه الشبلونه بس بالمعجون
http://www.flashfp.net/uploader/modules/up-pic/pic/uploads/099df6b524.jpg (http://www.flashfp.net/uploader/modules/up-pic/pic/uploads/099df6b524.jpg)
دي مجموعه كنارات احتاري بقه اللي انتي عايزاه وارسميه بايدك ما عدا اللي باللون الاحمر لان دي شبلونه مش رسم
http://www.flashfp.net/uploader/modules/up-pic/pic/uploads/27a605eb47.jpg (http://www.flashfp.net/uploader/modules/up-pic/pic/uploads/27a605eb47.jpg)
دي بقه شبلونه بطريقه الطباعه العاديه بس طبعا لازم ايد فنيه عشان يكون الشغل نضيف
http://www.flashfp.net/uploader/modules/up-pic/pic/uploads/84dd3b918c.jpg (http://www.flashfp.net/uploader/modules/up-pic/pic/uploads/84dd3b918c.jpg)
دي بقه صوره بتوضح الدهانات بطريقه الاسبونش (مزج لون طري علي لون ناشف فاتح) عن طريق اسفنج او قماش او قطن
http://www.flashfp.net/uploader/modules/up-pic/pic/uploads/74d3aee5b9.jpg (http://www.flashfp.net/uploader/modules/up-pic/pic/uploads/74d3aee5b9.jpg)
دي بقه مش محتاجه شرح
http://http://www.flashfp.net/uploader/modules/up-pic/pic/uploads/d85c9c36c3.jpg (http://www.flashfp.net/uploader/modules/up-pic/pic/uploads/d85c9c36c3.jpg)
ولا دي كمان(اكيد باين تداخل الالوان ودي بتتعمل بطريقه تانيه ونوع تاني خالص غير الدهانات العاديه وانا شرحتها قبل كده لسيمبل وكونتاكت
http://www.flashfp.net/uploader/modules/up-pic/pic/uploads/8ff05d16b9.jpg (http://www.flashfp.net/uploader/modules/up-pic/pic/uploads/8ff05d16b9.jpg)
وهنا بقه تقدري ترسمي براحتك وبيكون بالوان زيت عاديه انابيب وايضا زيت من بتاعه البويه العاديه بس تكون من النوع النضيف والوانها موجوده في كل حته بس يستحسن تكون مطفيه
وبالنسبه لموضوع شرايط الورق انا بقولك انه في الغالب بيكون لكل موديل شريط خاص بالموديل نفسه يعني فيه نفس الرسمه بس بلون غامق وبيكون فيه مثلا عناصر بتوحي بالموديل زي
مثلا موديل للاطفال فيه نجوم تلاقي الورق لونه ازرق فاتح والكنار ازرق غامق ومليان نجوم وهكذا
وبما انك فنانه تقدري تعملي الشغل ده لوحدك لكن لازم يكون معاكي حد يساعدك (بليه يعني ) لان طبعا الحيطه بتبقي طويله فلازم حد معاكي يساعدك في شد حيط مظبوط ويكون معاكي ميزان ميه او خرطوم ميه عشان تخدي خط علي الجدران الاربعه ويكون مظبوط
وطبعا لو نقاش بس تقعدي علي ايديه عشان الشغل يكون مظبوط
وصدقيني متكسفيش انا تحت امرك وامر كل حبايبي الكتاكيت
من اهل مصر
08-04-2006, 02:56 PM
اخيرا لقيت حد يعبرني في موضوع الديكور ده
اصل البيه بتاعي مسافر وسايبني محتاسة لوحدي
انا شقتي صغيرة ففكرت اعمل الحيطان لونها بيج فاتح وعايزة اعمل حيطة كده يكون لونها فاقع كده مصحصح بس مش عارفة تنفع الحكاية دي في المساحات الصغيرة وكمان ايه بديل كويس للباركيه
يا ستي ولا تحتاسي ولا حاجه انا تحت امرك وامر البيه بتاعك بس متنسيش تسلميلي عليه اصل انا كمان مسافر بس الهانم بتاعتي معايا بقه :outttt:
عموما كل الشقق في مصر صغيره مش انتي لوحدك
واختيارك للبيج جميل وممكن تركبي معاه اللون (النبيتي الغامق) بس اهم حاجه تختاري مكان الحيطه فين يعني تكون مثلا في الصاله في حيطه تكون مواجهه للباب وتكون هي خلفيه طقم الانتريه ويكون عليها لوحه ويا سلام بقه لو في ابليكات منوره جنب الصوره وطبعا حسب ذوقك لو كلاسيكي هيبقي شكلهم قديم وبلون بوستاج
ولو مودرن اختاري تصميم حر ويكون بلون فاتح عشان يظهر مع الحيطه الغامقه
وفي صور كتير انا نزلتها هنا فيها اللون اللي قلتلك عليه
ولو مش واضحه قليلي وانا ابعتهملك علي الايميل
ولو عندك مدخل ممكن تعمليه بلون غامق ومتخفيش من انه يضيق لان اللون الغامق في المداخل بيدي فخامه
وفي ارضيات سيراميك جميله جدا بنفس شكل الباركيه وبتتركب بسهوله وسعرها رخيص بس عيبها طبعا انها مش زي الباركيه الطبيعي
لان الباركيه الطبيعي له دفء الخشب وجمال ملمسه واحساسه
عموما نورتينا وانا تحت امرك في اي حاجه
بس تبعينا وان شاء الله تجدوا ما يسركم
ladyalex
08-04-2006, 03:38 PM
لبيه بتاعي بيسلم عليك وبيقولك متشكرين علي دور القهوة
انا كنت بقول لو الجدران لونها بيج وجينا كده عملنا الاحيطة اللي قدام الباب بلون اورنج فاقع كده وعليها اشكال مش منتظمة ذي النجوم اللي مش ماكسة نفسها باللون الاخضر والاصفر وكده يعني دي يضيق المساحة
وحلوة حكاية الالسيراميك اللي ذي الباركيه لان انا مش عايزة اخرب بيت البيه بتاعي حرام ده متبهدل في الغربة عشان خاطر عيون حضرتي
عامة انا عايزة اعمل الاثاث امريكان ستايل بس خايفة ده يكون اغلي من الستايل العادي وازاي اخلي باقيت الاود لونها مختلف بس برضه في نفس الوقت في حاجة مشتركة بينها وبين الصالة
افيدونا افادكم الله
من اهل مصر
08-04-2006, 04:18 PM
انا كنت بقول لو الجدران لونها بيج وجينا كده عملنا الاحيطة اللي قدام الباب بلون اورنج فاقع كده وعليها اشكال مش منتظمة ذي النجوم اللي مش ماكسة نفسها باللون الاخضر والاصفر وكده يعني دي يضيق المساحة
وحلوة حكاية الالسيراميك اللي ذي الباركيه لان انا مش عايزة اخرب بيت البيه بتاعي حرام ده متبهدل في الغربة عشان خاطر عيون حضرتي
عامة انا عايزة اعمل الاثاث امريكان ستايل بس خايفة ده يكون اغلي من الستايل العادي وازاي اخلي باقيت الاود لونها مختلف بس برضه في نفس الوقت في حاجة مشتركة بينها وبين الصالة
افيدونا افادكم الله
الالوان الغماقه فعلا بتدي احساس بالضيق
لكن نقدر نتحكم فيها عن طريق اختيار جدار وواحد وده مش بيأثر علي الاحساس
بس انتي اختارتي لون الاورنج مع الاخضر واختارتي اشكال النجوم
بس في نقطه مهمه اولا لازم يكون الاشكال عندك ليها علاقه بالالوان
يعني النجوم بيكون ليها الوان تانيه واحنا دايما نربطها باللون الازرق او الكحلي
فلا اعتقد ان اللون الاخضر يمشي مع النجوم
وبالنسبه للونالاورنج مع البيج مش هيديكي الكونتراست اللي انتي عايزاه
لكن الورنج والاخضر بيمشو بس اهم حاجه اختيار الدرجات لان في مئات الدرجات من اللون الواحد ومش كلهم بيليقو علي بعض
وانا شخصيا مش معاكي في موضوع الاورنج مع البيج مع الاخضر
وبالنسبه للاثاث ده طبعا بيرجع للذوق بتاعك وتقريبا السعر واحد
مع اني بفضل انك متشتريش جاهز عشان مياثرش علي مساحه البيت عندك
الاحسن انك تعرفي مقاسات شقتك مظبوط وتروحي للشركه اللي هتشتري منها وتقليلهم دي المقاسات وهما بيحدوها ويصممو علي قد المساحه عشان تتفادي ضيق المساحه والنط فوق الكراسي
وبالنسبه للون الغرف التانيه كالما ليهم باب مقفول فيكون براحتك جدا اعملي الالوان الي انتي عايزاها حتيولو مختلفه
ولو عايزه ربط بين الغرف وبعضها فاختاري درجات من اللون الواحد
وغرف الاطفال اعملي فيها رسومات واشكال مفرحه وغالبا ما يكون الوانها بين الازرقات للاولاد والروز (البمبي) للبنات وطبعا مع عمل اشكال بدرجات الوان ما بين الغامق والفاتح
وانا هحاول ابعتلك صور توضح الفكره
ladyalex
08-04-2006, 04:37 PM
امممممم تصدق بتعرف تفكر انشالله ميرسي
خلاص ممكن بدل البيخ اخليه اصفر فاتح اوي جدا خالص وبدل اشكال النجوم اخليها اشكال مش منتظمة هولامية
لأني كنت عايزة لون الاثاث فات برضه والعب في الوان الخداديات ويبقي السجاد لونه مثلا اورنج
يا رب ميرسي دايما بس يا تري الفكرة دي تنفع مع السيراميك اللي علي شكل الباكيه اصلي عايزة الشكل النهائي يكون بسيط بس دافي في نفس الوقت
ladyalex
08-04-2006, 05:07 PM
تصدق فتحت نفسي لموضوع ده انا كنت حيأس واخليها عادي كده اي الوان وخلاص دوقتي انا عملت واحد شاي مظبوط وجبت طبق البطاطا وحمسك الورقة والقلم
وححاول ادخل الجنان مع البساطة عشان يطلع بجد ذي ما انا عايزة مش تقليدي وفي نفس الوقت مش مهرجان زحمة
دمعة ندم والم
08-04-2006, 05:20 PM
السلام عليكم ورحمة الله وبركاته
انا متشكرة اوى بس انا خلصت كل حاجة فى الشقة ناقص الالوان وكنت عايزة ذوقك معايا على الاقل عايزة الالوان اللى بتليق على كل حاجة
انا متشكرة على اهتمامك
بالموضوع شكرااااااااااااااااااااااااااااا
ladyalex
08-04-2006, 07:22 PM
تقريبا انا لوحدي هنا كله راح يتغدي وينام :maaaad:
من اهل مصر
08-04-2006, 10:22 PM
السلام عليكم ورحمة الله وبركاته
انا متشكرة اوى بس انا خلصت كل حاجة فى الشقة ناقص الالوان وكنت عايزة ذوقك معايا على الاقل عايزة الالوان اللى بتليق على كل حاجة
انا متشكرة على اهتمامك
بالموضوع شكرااااااااااااااااااااااااااااا
تصدقي انا زعلت انك خلصتي بدري كده
كان نفسي اساعدك من اول حاجه تعمليها
وعموما الالوان اللي بتليق علي اغلب الوان الفرش هي عائله البنيات بدرجاتها
يعني البيجات والبنيات الغامقه ودايما انا بشتغل بيها لانه بتمشي مع الاحمرات وخصوصا النبيتي وبتليق علي الازرقات وخصوصا الازرق الكوبلت
وبتليق علي الاخضرات وخصوصا الزيتي مع البني بيدي احساس كلاسيكي رهيب جدا
بس في حاجات مهمه يا جماعه غير الالوان نفسها زي الديكورات الجبسيه
او الخشبيه اللي بنعملها علي الحوائط في الصالات او غرف النوم
وهبعتلكم امثله علي كده ان شاء الله وفي فعلا في ردود سابقه ليه لكتكوته سيمبل
واتمني اني اكون فعلا مفيد
من اهل مصر
08-04-2006, 10:31 PM
تصدق فتحت نفسي لموضوع ده انا كنت حيأس واخليها عادي كده اي الوان وخلاص دوقتي انا عملت واحد شاي مظبوط وجبت طبق البطاطا وحمسك الورقة والقلم
وححاول ادخل الجنان مع البساطة عشان يطلع بجد ذي ما انا عايزة مش تقليدي وفي نفس الوقت مش مهرجان زحمة
الحمد لله جابر جاب نتيجه وعموما الشاي بتاعه مظبووط جدا وبيطلع افكار تحفه
عموما جميل انك تستخدمي قلمك وشخبطي براحتك وورقه واتنين وعشره لحد ما تطلعي حاجه حلوه
عموما معلومه عايز اقولهالك
الباركيه دايما بيكون في الغرف اللي بتتسم بتصميم كلاسيكي وبيكون الجو العام ليها رسمي شويه
لكن لو هتشتغلي بنظام مودرن في انواع جميله جدا في السيراميك وخصوصا الاسباني وبيكن البلاط ( معتق ) وبيكون فيه منه الوان جميله واختاري بقه لون يهدي الالوان بتاعتك الاورنج والاصفر والاخضر لان دي انتي محتاجه لون يوزن التشكيل عندك ومتنسيش الفرش لازم يكون له دور والستاير بالذات حولي تكون من نفس الفكره يعني متكونش تصميم تقيل يعني لو ممكن تكون بماسوره وعلاقات قماش والوانها من نفس الوان الفرش
عموما هحاول ابعتلك فكره او اتنين للجدار اول ما افضي شويه
وانا سعيد جدا بمشاركتك معانا
ladyalex
08-05-2006, 12:07 AM
نم نم نم الموضوع طلع عايز تفكير تاني كده انا حلغي حاجات كتير كنت بفكر فيها وحبتدي من الاول ويعني ايه البلاط معتق ده يت تري ليه شكل مختلف
ويا ريت مش تنسي موضوع صور الجدران
يا جااااااااااااااااااابر واحد شاي تاني وحياتك
[QUOTE]
(http://www.flashfp.net/uploader/modules/up-pic/pic/uploads/0f63124633.jpg)http://www.flashfp.net/uploader/modules/up-pic/pic/uploads/0f63124633.jpg (http://www.flashfp.net/uploader/modules/up-pic/pic/uploads/0f63124633.jpg)
دي بقه صوره بتوضح ازاي تعملي كنار بطريقه الشبلونه بس بالمعجون
(http://www.flashfp.net/uploader/modules/up-pic/pic/uploads/0f63124633.jpg)
لاء معلش مش عارفة بتتعمل ازاى دى :closeeye:
دي بقه صوره بتوضح الدهانات بطريقه الاسبونش (مزج لون طري علي لون ناشف فاتح) عن طريق اسفنج او قماش او قطن
ايوة الحركات دى كنت بعملها احيانا فى لوحات وانا فى الكلية :واه يابوي
بس مش عارفة هعرف اعملها على الحيطة ولا هتتعك منى :closeeye:
http://www.flashfp.net/uploader/modules/up-pic/pic/uploads/74d3aee5b9.jpg (http://www.flashfp.net/uploader/modules/up-pic/pic/uploads/74d3aee5b9.jpg)
دي بقه مش محتاجه شرح
سبحان الله :واه يابوي
تخيل :واه يابوي
دى بالذات محتاجة شرح :واه يابوي
:brb: :brb: :brb:
وهنا بقه تقدري ترسمي براحتك وبيكون بالوان زيت عاديه انابيب وايضا زيت من بتاعه البويه العاديه بس تكون من النوع النضيف والوانها موجوده في كل حته بس يستحسن تكون مطفيه
طيب هو انا عندى سؤال
انا طول عمرى اعرف ان دهنات الحيطة بتبقى زيت والسقف بيبقى بلاستيك ..
لكن سمعت ان فى ناس بتعمل دهانات الحيطة بلاستيك ..
عايزة اعرف انهى افضل وايه عيوب كل واحد منهم وايه مميزاته ..
وكمان اكيد لو الحيطة هتتدهن بلاستيك يبقى المعجون بتاعها معجون بلاستيك ...
هل ممكن بعد كدة يتدهن الحائط زيت ... ولا خلاص اتحكم عليه طول عمره يبقى بلاستيك عشان المعجون :cry2: ؟
وكمان هو ممكن ارسم بالوانت الزيت العادية على الحائط المدهون بلاستيك .. ولا عمرة الافتراضى هيبقى اقل :closeeye: ؟
وصدقيني متكسفيش انا تحت امرك وامر كل حبايبي الكتاكيت
هو الصراحة المفروض اتكسف فعلا ... لانى زودتها اوى وبسال كتييييييييير :chr58:
لكن انا مطنشة خاااااااااااالص :brb: لانى فعلا محتاجة المعلومات دى اليومين دول ضرورى
ربنا يكرمك يا رب والله جيت فى وقتك
ومعلش استحملنى بس اليومين دول :vava:
وربنا يكرمك يا رب
جزاك الله كل خير :rosy:
من اهل مصر
08-05-2006, 09:11 PM
انا طول عمرى اعرف ان دهنات الحيطة بتبقى زيت والسقف بيبقى بلاستيك ..
لكن سمعت ان فى ناس بتعمل دهانات الحيطة بلاستيك ..
عايزة اعرف انهى افضل وايه عيوب كل واحد منهم وايه مميزاته ..
وكمان اكيد لو الحيطة هتتدهن بلاستيك يبقى المعجون بتاعها معجون بلاستيك ...
طول العمر ليكي يا فرحه
خلاص شغل زمان ده راح وراحت ايامه ولياليه
وشغل بتاع زمان والزيت المغلي وشوال الزنك والسبيداج ده انتهي من ايام ما كان التروماي ماكان بيمشي بالجاز
عموما البلاستيك ده ممتاز جدا
اولا نظيف في شغله
ثانيا سريع الجفاف
ثالثا بدون روائح تزهقك من البت ومن المنطقه كلها
رابعا بيدي احاس بالراحه
خامسا الوسيط بتاعه الماء
والزيت بقه طبعا كلنا عارفينه برائحته المليانه تنر وتجيب حساسيه
وعايز يومين عشان ينشف غير انه بيبين عيوب الحيطه لو مش مظبوطه
وبيبهدل الارضيات والابواب ومش سهل تنضفيه لانه بيمسك في الحاجه ومش بيبقي عايز يسيبها ابدا
بس هو مفيد في حاجه واحده
لما تكوني عايزه تعملي شغل بالدهانات زي اللي انا ورتهولك
تداخل الالوان
وفي ماده بنضفها علي الزيوت اسمها ليدي جليز ودي مهمه جدا عشان تدي التاثير الجميل للشكل
ودلوقتي جميع الشغل اللي بنعمله وبتكون الالوان فيه ساده بتكون بالبلاستيكات وفي منها انواع بتتغسل بالليفه والصابون من غير ما تتاثر
وبالنسبه للمعجون تقريبا واحد
في انواع غاليه وانواع رخيصه وانواع وسط
والوسط ده هو الدارج جدا وبيكون ممتاز فعلا وانا جربته وبشتغل بيه كتير
وانصحك اشتغلي بالبلاتيكات احلا كتير
والله مش عارفة اشكر حضرتك ازى على تعبك معانا
جزاك الله كل خير :rosy:
*جرافيكا*
08-08-2006, 03:00 PM
هايل اللى انت بتعمله ده ويا ريت لو ممكن يعنى بس ايميلك على الياهو لكن مع بعض فى قهوة كتكوت برضه
vBulletin® v3.8.6, Copyright ©2000-2013, Jelsoft Enterprises Ltd.