المساعد الشخصي الرقمي

مشاهدة النسخة كاملة : الرئيس المنتخب

mohmed saied
06-06-2006, 04:26 PM
انت الرئيس المنتخب والشعب فيك واثق
تمشي معاك البلد في هدوء راجل واثق
وتحافظ علي البلد من كل عدو غاشم
وتبعدها عن الحروب وتعيش معاك فاصل
من الحريه والمساواه والعدل متواصل
وحكومه فيها نظيف وايده برضه كده
واشهد لها بالحق شغاله بتواصل
بتحرر الاقتصاد والدعم متواصل
والامن فلل الفل طول ما فيه عدلي
بيحارب الارهاب وفي امن البلد دوغري
معرفش ليه الناس بتشتكي منكم
مع ان انا والله مبسوطين منكم
*******محمدسعيد
ابو فاروق
06-13-2006, 03:14 AM
ايه الاخ من الانتهازين المستفدين من النظام المباركى البوليسى
اسف على كلماتى -كلماتك ربما تكون حلوى لاكن انت مش حاسس بالشعب واللى بيحصل فى البلد ولا ايه
mohmed saied
06-13-2006, 07:55 PM
الي الخ كتكوت وان المفروض ان اكتب بعدها منافق بس خفت
ابو فاروق
06-14-2006, 01:03 AM
شكرا يمكن القراء يردو عليك
ابو فاروق
06-14-2006, 02:09 AM
كنت اتمني ان اكون محمد سعيد الشاعربتاع المنتدي ولكنه تشابه في الاسماء واشكر اهتمامك يا اخت وفاء واهديكي هذه المشاركه وارجو ان تقوليلي رايك

*****
من خلف اسوار السجون بارسلك يا بنتي
بارسل لك رساله من قلب موجوع بالالم
بارسل لك رساله معطره بعمر الزمن
من اب مظلوم في سجنه الي بنت مكلومه في ابيها
يمكن انتي عمرك ما شفتيني الا في صور او ذكريات
اواسم مكتوب في البطاقه اوطيف يعدي ساعات
اما انتي بالنسبالي احلي فرحه مرت في حياتي
يوم ما اتولدتي سعاده الدنيا طاله في البيوت
وناس تهني وبنات تغني وامك فرحانه اكتر مني
وكنت الاعبك وكنت اداعبك وتحضنيني
وكنت هادي وبعيشتي راضي وقاعد في حالي ومبشتكيش
وفيوم لقيت باب البيت عليا بيترزع وبخبط جامد
ويدوب بفتح لقيت عساكر بوليس فيهم ظابط بوش جامد
قدام مراتي وبنتي بهدلوني وقطعوني
قدام مراتي وبنتي مرمطوني بدون حتي مايسالوني
كسروا الشقه فوقها وتحتها
فين ياد السيغه الي انت سرقتها
وانا مش بتاع سرقه وعمري ما شفتها
وجرجروني من ايديه علي السلالم
ورموني في البوكس رميه البهايم
وهناك كان فين يوجعك اصرخ يا واد مين يسمعك
وانهرت منهم واترميت كان نفسي اموت
واتحجرت في عنيه الدموع
وعدش يخرج مني اي صوت
وجابو الي اتهمني بسرقته يتعرف عليه
ذهل وقال مش هوه ده انا مش هكدب عنيه
وابو وش جامد قال لهم خلاص خدووه
وفي اي داهيه بعيد عننا وارموه
وفي وسط صحراء وهيلا بيلا اترميت
وانا شبه ميت بدون حراك والشمس تحرقني بكيت
لكن رحمه ربنا بعتتلي واحد من البدو اطيب منه ما رايت
داواني وطببني واكلني وشربني
وعرف مني الحكايه كلها بطولها وعرضها
وقال يابني لازم تكون ديب مش غنم
ومتسكتش عن الظلم الي جرالك والام
ولو مت هتكون شهيد ولو انسجنت فانت حر مش عبيد
وجابلي سلاح الي وكام خزنه
ورحت رايح للي ضربني بالجزمه
والغل الي في قلبي طلع قوام
معرفش قتلت منهم كام
وقالوا عليه ارهابي من الاخوان
وبحكيلك وانا فرحان ورافع راسي قدامك
وازيل الكدب الي كان مغطي كل احزانك
وتعرفي ان انا مظلوم وخدت حقي بايديه
وعايزك تسامحيني وتنسيني وعيشي حياتك الجايه
وانا من قلبي بدعيلك بزوج صالح وذريه
******
محمد سعيد الاخر