المساعد الشخصي الرقمي

مشاهدة النسخة كاملة : الحارة المصرية ...

بيبرس
06-06-2006, 09:42 AM
الناحية ديه ..
غية حمام .. فوق سطوح مبنية ..
وقلة في المشربية .. مندية ..
والناحية ديه ..
بيوت م الظلم .. محنية ..
ودروب م الهموم مطوية ..
والناحية ديه ..
وشوش ساكتة .. جوه البيوت .. مدارية ..
وصبية قاعدة بعيد .. منسية ..
والناحية ديه ..
قلوب م الاهه مكوية ..
وهموم .. جوه العيون مقرية ..
والناحية ديه ..
نفوس بالاحزان مكسية ..
وجراح بالدم .. متحنية ..
والناحية ديه ..
نفوس صابرة .. ابية ..
واهة أب .. تسمعها م الفجرية ..
والناحية دية ..
أم قاعدة .. علي الباب مستنية ..
وعيال بتجري.. جوه هدوم .. مهرية ..
والناحية دية ..
ضحكة بنت صغيرة .. ندية ..
وقفت وقالت .. هي ديه ..
هي ديه .. الحارة المصرية ....
denver
06-06-2006, 10:09 AM
حلوووه اوي الفكره والكلام :wink3: القصيدة دي ممكن تغنيها نانسي عجرم عشان يدوها الجنسية المصرية :satan:
افتكر اني اووول واحده كتبتلك :looking:
محمد فارس
06-06-2006, 10:11 AM
والناحية دية ..
ضحكة بنت صغيرة .. ندية ..
وقفت وقالت .. هي ديه ..
هي ديه .. الحارة المصرية ....






أخى بيبرس
أهلا بك فى اكتب عامى
القصيدة رائعة وأروع مافيها المشهد الأخير ومايحمله من رمزية الأمل فى ضحكة البنوتة الصغيرة
-
تقديرى
الحصن الأخير
06-06-2006, 11:51 AM
عود أحمد يا ( ركن الدين ) .. شغلك الجديد " لذيذ " فعلا .. ماتغيبش تانى كده عشان بتوحشنا .. :vava:
رهيب
06-06-2006, 02:27 PM
حلوة
عيشتني لحظة في حارة مصرية
عيشتني بروحي وروحها حواليا
بيبرس
06-07-2006, 12:24 AM
جزاكم الله خيرا علي هذا الاهتمام والتفاعل
بني أدم
03-11-2007, 02:25 PM
ايه الحلاوة دي

بجد بجد رائعه يا بيبرس

تسلم ايدك