المساعد الشخصي الرقمي

مشاهدة النسخة كاملة : معناها ايه؟؟

بنت الماضي
06-05-2006, 10:46 PM
السلامو عليكم
ازيكم يا قوم؟
بتدعولي ولا لا؟؟:nunu0000:
الامتحانات لسه شغاله وعندي امتحان يوم الخميس :cry2:
بس كتبت حاجه كده وانتو عارفين عمر جحا ماشاف فرحه وما بصدق اكتب حاجه عشان انزلها :chr58:
منتظره رأيكم وخليكوفاكرين ان عندي امتحانات والكلام الوحش هيأثر على نفساوياتي:":
لا بجد منتظره رأيكم لاني حاسه ان فيها حاجات مش راكبه
وخلو بالكم دي اول مره اكتب شعر روقيق كده وعشان كده انا بهديها لزافنش
لاني بعد ما كتبتها افتكرته لما قالي انتي مبتكتبيش حاجه طيبه ابدا
كلها شتيمه شتيمه مفيش ضرب :brb:
منتظره مرورك يا زااافنش:outttt:

معناها ايه..لما رسمك
يبقى صبحي ومساي
معناها ايه...لما اسمك
يبقى سلامي وكلامي
معناها ايه..رغم الألم
بشتاق لهمسك
رغم نسياني
ف وسط الطريق
وانك تلتفت حتى وراك
مكنش القضية
إلا اني لسه ساكته...
لسه ساكنه..
لسه بستنى حلم انك..
تلتفت وتبصلي...
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..
المسلم بي ف حياتي
ورغم الظنون والشك
واللي اتقال ومتعملش
والأماني..واحلام البنات
وقصور الرمال
والبيوت فوق السحاب
لسه انت ...زي ما انت
فارس القصه الاخيرة
وأميري..ف حلمي الجميل
من بدايته...لمنتهاه
معناها ايه؟
معناها..إن قلبك..
لسه عايش جوى مني
وبيرسم كياني
معناها إن حبك...
زاد ف احتلالي
اشرف الشلقانى
06-06-2006, 05:32 AM
السلامو عليكم وعليكم السلام
ازيكم يا قوم؟
بتدعولي ولا لا؟؟
طبعا من جوه قلوبنا بندعيلك
الامتحانات لسه شغاله وعندي امتحان يوم الخميس بالتوفيق يارب
منتظره رأيكم وخليكو فاكرين ان عندي امتحانات والكلام الوحش هيأثر على نفساوياتيوروحك المرحه تروح فين
دا انتى بترسمى البسمه على صفحات عامى كله
معناها ايه رغم الألم بشتاق لهمسكالله الله جميل جدا
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..
المسلم بيه ف حياتيلاحظى الجمال مش فى المعانى بس
لأ والموسيقى كمان جميله
رغم الظنون والشك
والأماني..واحلام البنات
لسه انت ...زي ما انت
فارس القصه الاخيرة
فارس الحلم الجميل
من بدايته...لمنتهاه
معناها ايه؟الله عليكى
بنت الماضى الاخت الرائعه
بإصرارك يوما ستصبحين واحده من اهم شاعرات المنتدى
وبينى وبينك بكره والايام اللى جايه
دعواتى وتمنياتى بالتوفيق
عبدالمجيدعتلم
06-06-2006, 10:41 AM
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..


دي بقى ..قصيده لوحدها ..
د/إيمان ماشيه صح بشكل واضح وأنا مع أشرف..ربنا يسعد قلبك زي مابيسعدنا مرورك في أي عمل
بنت الماضي
06-06-2006, 01:15 PM
استاذ اشرف
ربنا يكرمك يا رب
سعيده جدا ان حضرتك بتدعيلي وسعيده بكلامك الحو شاعره ايه بس دا انا يادوب بقول يا هادي
على فكره انا عدلت فيها كام حاجه كده انا اصلا كنت داخله احذفها لاني نزلتها بسرعه ومكنتش ضبطها كويس ..ياريت تقولي الحجات اللي عايزه تتعدل ونغيرها :)
احتراماتي











استاذ عتلم الجميل
بتسعدني بوجودك ووبتشجيعك
ربنا يكرمك
وزي ما قلت لاستاذ اشرف انا عدلت فيها حجات كده ومنتظره رأيكم اعدل ايه تاني؟
احتراماتي
sokkar
06-06-2006, 01:39 PM
طبعا بدعيلك يا ايمان و لكل اللي بيمتحنوا في هريدي و برة هريدي
بس على رأي الأستاذ أشرف, الامتحانات شكلها وصفة مجربة!!!!!
ده من أجمل و أرق الأعمال اللي قرأتها ليكي
ربنا معاكي يا رب و يوفقك
مقولتليش انتي في سنة كام؟؟
موعوود
06-06-2006, 07:09 PM
السلامو عليكم
ازيكم يا قوم؟
بتدعولي ولا لا؟؟:nunu0000:
الامتحانات لسه شغاله وعندي امتحان يوم الخميس :cry2:
بس كتبت حاجه كده وانتو عارفين عمر جحا ماشاف فرحه وما بصدق اكتب حاجه عشان انزلها
:

واحنا كمان بننتظر نقرالك:scenic:
منتظره رأيكم
جاهز وتحت أمرك
وخليكوفاكرين ان عندي امتحانات والكلام الوحش هيأثر على نفساوياتي:":
لا أبدا هايكون كلام حلو خالص
2 كيلو سكر وبرطمان عسل علشان الحلو:ura1:
لا بجد منتظره رأيكم لاني حاسه ان فيها حاجات مش راكبه
برغم ان المواصلات متوفره وفاضييييييييييييه:dntknw:
وخلو بالكم دي اول مره اكتب شعر روقيق كده وعشان كده انا بهديها لزافنش
لاني بعد ما كتبتها افتكرته لما قالي انتي مبتكتبيش حاجه طيبه ابدا
كلها شتيمه شتيمه مفيش ضرب :brb:
منتظره مرورك يا زااافنش:outttt:
بركاتك يازاااافنش:rosy:

معناها ايه..لما رسمك
يبقى صبحي ومساي

يبقي رسمي زي فنجان حلو قهوه
ولا فنجان حلو شاي:ura1:

معناها ايه...لما اسمك
يبقى سلامي وكلامي

معناه اني إسمي هو
يبقي أجمل الأسامي:ura1:

معناها ايه..إنك انت
رغم بعدك
لسه بتشكل ملامحي

يعني لسه رغم بعدي
برضه علشانك باضحي:heat: :ura1:


معناها ايه..رغم اختلافنا
انك الأمر الوحيد..
المسلم بي ف حياتي


معناه ان الدعوه صادقه
ومستجابه في صلاتي :outttt: :ura1:


معناها ايه؟
معناها..إن قلبك..
لسه عايش جوى مني


غصب عني غصب عني:brb:

وبيرسم كياني
معناها إن حبك...
زاد ف احتلالي
وآه ياخوفي تسمعك
اللي في بالي:nunu0000: :ura1:
:brb: :brb: :brb: :brb: :brb: :brb: :brb:
العزيزه جدا بنت الماضي
تقبلي هذه المشاغبه
وجميل إحساسك بالكلمه
تقبلي دوما تحياتي
اشرف الشلقانى
06-07-2006, 04:24 AM
[quote] استاذ اشرف
ربنا يكرمك يا رب
سعيده جدا ان حضرتك بتدعيلي وسعيده بكلامك الحو شاعره ايه بس دا انا يادوب بقول يا هادي
على فكره انا عدلت فيها كام حاجه كده انا اصلا كنت داخله احذفها لاني نزلتها بسرعه ومكنتش ضبطها كويس ..ياريت تقولي الحجات اللي عايزه تتعدل ونغيرها :)
احتراماتي
استاذ عتلم الجميل
بتسعدني بوجودك ووبتشجيعك
ربنا يكرمك
وزي ما قلت لاستاذ اشرف انا عدلت فيها حجات كده ومنتظره رأيكم اعدل ايه تاني؟
احتراماتيدكتوره ايمان المشكله انى لازلت لاارى الوقت غير مناسب للنقاش
لكن بسرعه وعشان مشغلكيش عن المذاكره
معناها ايه...لما اسمك
يبقى فى سلامي وكلامي
معناها ايه..رغم الألم
بشتاق لهمسك
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..
المسلم بيه ف حياتي
ورغم الظنون والشك
واللي اتقال ........
والأماني..واحلام البنات
وقصور الرمال
والبيوت فوق السحاب
لسه انت ...زي ما انت
فارس الامل الاخير..
من بدايته...لمنتهاه
معناها ايه؟مبدئيا دى مجرد وجهة نظر
اخترت مااراه جميلا
السؤال لماذا اهملت باقى القصيده ؟
لنا عوده .. يابسمة العامى
تحياتى
صبي القهوه
06-07-2006, 07:01 AM
عمل جميل جدا
احساسه عالي
من تقدم الي تقدم باذن الله وبالتوفيق في امتحاناتك وفي حياتك ان شاء الله
تحياتي
marool
06-07-2006, 07:30 AM
بنت الماضى ..بصى بقى انتى مالكيش حل بجد..ماشاءالله عاى موهبتك..وقلوبنا معاكى فالامتحانات..كلامك واسلوبك حتى مشاعرك وقلبك مش روقيق زى ماقلتى..لا فى منتهى الرقة والنقاء..ربنا يوفقك
بنت الماضي
06-07-2006, 06:19 PM
طبعا بدعيلك يا ايمان و لكل اللي بيمتحنوا في هريدي و برة هريدي
بس على رأي الأستاذ أشرف, الامتحانات شكلها وصفة مجربة!!!!!
ده من أجمل و أرق الأعمال اللي قرأتها ليكي
ربنا معاكي يا رب و يوفقك
مقولتليش انتي في سنة كام؟؟

تسلمي يا سكر والله على الدعوه
وانا والله اغلب كتاباتي بتكون في الامتحانات مش علشان حاجه غير ان الامتحانات طول السنه ههههههههههه
لا بجد هي محاوله للهروب وهي بتيجي كده
تسلميي يارب وسعيده بكلماتك
انا في اولى صيدله بعد اعدادي
يعني لسه الطريق طويل :cry2:
تحياتي ودعواتي ليكي انتي كمان في امتحاناتك:rosy:
بنت الماضي
06-07-2006, 06:23 PM
:brb: :brb: :brb: :brb: :brb: :brb: :brb:
العزيزه جدا بنت الماضي
تقبلي هذه المشاغبه
وجميل إحساسك بالكلمه
تقبلي دوما تحياتي

:brb: :brb:
ايه دا يا استاذنا
ايه الرومانسيه دي كلها :)
شكرا لمرورك اللي بنتظره ديما :)
تحياتي:rosy:
بنت الماضي
06-07-2006, 06:29 PM
دكتوره ايمان المشكله انى لازلت لاارى الوقت غير مناسب للنقاش
لكن بسرعه وعشان مشغلكيش عن المذاكره
اصل احنا الامتحانات عندنا على طول فمش هتلاقي وقت مناسب هههههههههههه
لا ان شاء الله قربت اخلص

معناها ايه...لما اسمك
يبقى فى سلامي وكلامي
معناها ايه..رغم الألم
بشتاق لهمسك
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..
المسلم بيه ف حياتي
ورغم الظنون والشك
واللي اتقال ........
والأماني..واحلام البنات
وقصور الرمال
والبيوت فوق السحاب
لسه انت ...زي ما انت
فارس الامل الاخير..
من بدايته...لمنتهاه
معناها ايه؟
افهم بس هي دي القصيده بعد التعديلو لا دا اللي عجبك
دا نزل عليها التخفيض خااالص ههههههههههههههه

اخترت مااراه جميلا
السؤال لماذا اهملت باقى القصيده ؟
لنا عوده .. يابسمة العامى
تحياتى

اها يعني دا اللي عجبك
وفعلا يبقىة السؤال فين باقي الكلام :)

استاذنا انتظر اخلص امتحاناتي بس
سعيده بتواجدك بجد
بنت الماضي
06-07-2006, 06:32 PM
عمل جميل جدا
احساسه عالي
من تقدم الي تقدم باذن الله وبالتوفيق في امتحاناتك وفي حياتك ان شاء الله
تحياتي

صبي القهوة
شكرا جدا للمرور والدعاء
تحياتي واحتراماتي
بنت الماضي
06-07-2006, 06:39 PM
بنت الماضى ..بصى بقى انتى مالكيش حل بجد..ماشاءالله عاى موهبتك..وقلوبنا معاكى فالامتحانات..كلامك واسلوبك حتى مشاعرك وقلبك مش روقيق زى ماقلتى..لا فى منتهى الرقة والنقاء..ربنا يوفقك

مارول يا عسل
ربنا يجبر بخاطرك بجد
كلماتك بترفع من معنوياتي والله
الله يكرمك
سعيده بمرورك وكلماتك
تحياتي ليكي
بنت الماضي
06-13-2006, 09:56 PM
خلاص يا استاذ اشرف اديني فضيت هو امتحان الخميس وبعد كده امتحانين خفاف
عايزه التشريح بقى وتقولي نضبطها ازاي

احتراماتي ومتشكرين لمجهودك
marwakoko
06-14-2006, 06:24 PM
السلامو عليكم
ازيكم يا قوم؟
بتدعولي ولا لا؟؟:nunu0000:
الامتحانات لسه شغاله وعندي امتحان يوم الخميس :cry2:
بس كتبت حاجه كده وانتو عارفين عمر جحا ماشاف فرحه وما بصدق اكتب حاجه عشان انزلها :chr58:
منتظره رأيكم وخليكوفاكرين ان عندي امتحانات والكلام الوحش هيأثر على نفساوياتي:":
لا بجد منتظره رأيكم لاني حاسه ان فيها حاجات مش راكبه
وخلو بالكم دي اول مره اكتب شعر روقيق كده وعشان كده انا بهديها لزافنش
لاني بعد ما كتبتها افتكرته لما قالي انتي مبتكتبيش حاجه طيبه ابدا
كلها شتيمه شتيمه مفيش ضرب :brb:
منتظره مرورك يا زااافنش:outttt:


معناها ايه..لما رسمك
يبقى صبحي ومساي
معناها ايه...لما اسمك
يبقى سلامي وكلامي
معناها ايه..رغم الألم
بشتاق لهمسك
رغم نسياني
ف وسط الطريق
وانك تلتفت حتى وراك
مكنش القضية
إلا اني لسه ساكته...
لسه ساكنه..
لسه بستنى حلم انك..
تلتفت وتبصلي...
معناها ايه..إنك انت
رغم بعدك
لسه بتشكل ملامحي
معناها ايه..رغم اختلافنا
انك الأمر الوحيد..
المسلم بي ف حياتي
ورغم الظنون والشك
واللي اتقال ومتعملش
والأماني..واحلام البنات
وقصور الرمال
والبيوت فوق السحاب
لسه انت ...زي ما انت
فارس القصه الاخيرة
وأميري..ف حلمي الجميل
من بدايته...لمنتهاه
معناها ايه؟
معناها..إن قلبك..
لسه عايش جوى مني
وبيرسم كياني
معناها إن حبك...
زاد ف احتلالي

اختى الغالية / بنت الماضي
ربنا معاكي وبالتوفيق
وان شاء الله تحلى كويس
المهم انتى ذاكرى وركزي
وان شاء الله ناجحة بتقدير

تسلم ايدك والله جميل
هي عايزة شوية تظبيط
انتى شكلك كتباها بسرعة
ونزلتيها .. كتر خيرك واللهى
انتى على كدا هايلة واحنا كلنا عرفين
وانا عارفة انتى لوحدك كل ما تفضي وتقريها
هتعدلى فيها اللى ناقصها
لانك مش محتاجة حد يعدل عليكي
ربنا يوفقك
تحياتي :rosy:
"إنسان"
06-14-2006, 07:26 PM
الجميله بنت الماضى
تقريبا ده اول عمل اقرأة لك ومن الواضح ان انا قدام حس عالى وروح شاعرة وبأكد على كلمة روح لان فيه ناس كتير نظامين يعنى بيرصوا الكلام جنب بعضه اه موزون اه ماشى مع القواعد الاكاديميه بس فين الاحساس ... ما فيش
وانتى بجد كلامك بيوضح انك عندك موهبه عاليه وحس مرهف وعندى امل كبير انى اخيرا اشوف ادب نسائى راقى ومتزن مش اى كلام والسلام
كمان انا ملاحظ ان ودنك موسيقيه فيه عندك اجزاء بتكونى ماشيه فيها على احد البحور الشعريه بتمكن جميل بس فيه اجزاء بتفلت منك
وانا عندى سؤال يا ترى ده انتى قصداه واللا ايه ؟
لو مش قصداه وانتى ما درستيش الاوزان يبقى حرام عليكى موهبتك ولو عارفاه ومش مهتمه بيه زى بعض المدارس الجديده اللى بياخدوا عدم المامهم بالبحور الشعريه حجه انهم نثريين يبقى برضه حرام لانك بتكتبى عاميه يعنى نبض الناس والنبض دايما منتظم
اه ساعات يعلى ساعات يقل بس برضه ماشى دقه دقه
عموما انا شكلى طولت فى الرد بس لانى فعلا شايف انك موهوبه بجد وحسك جميل
ورأيى ده انطباع شخصى لك ان تتقبليه او تلقيه ادراج الرياح
لك خالص تقديرى واحترامى
رجل بلا عنوان
06-15-2006, 05:27 PM
بنت الماضى
بجد انتى مش عارفة معناها اية
معنى حب واحساس لا ينقطع
عن قلب ينبض حب
ويخرج حب
وياكل ويشرب حب
بجد ابدعتى
تقبلي تحياتي
اخوكى المحب
رجل بلا عنوان
بنت الماضي
06-15-2006, 10:29 PM
اختى الغالية / بنت الماضي
ربنا معاكي وبالتوفيق
وان شاء الله تحلى كويس
المهم انتى ذاكرى وركزي
وان شاء الله ناجحة بتقدير

تسلم ايدك والله جميل
هي عايزة شوية تظبيط
انتى شكلك كتباها بسرعة
ونزلتيها .. كتر خيرك واللهى
انتى على كدا هايلة واحنا كلنا عرفين
وانا عارفة انتى لوحدك كل ما تفضي وتقريها
هتعدلى فيها اللى ناقصها
لانك مش محتاجة حد يعدل عليكي
ربنا يوفقك
تحياتي :rosy:


والله يا بنتي مش عارفه اعدل فيها حاجه :cry2:
انا كتبتها كده وحسيتها كده
مش عارفه اغير فيها
كل شويه ببص عليها يعني كام حاجه بساط اوي
بس مستنيه تعديلاتكم بجد
متشكرين يا عسل واكيد هشوفك قريب:ura1:


منوراني
بنت الماضي
06-15-2006, 10:35 PM
الجميله بنت الماضى
تقريبا ده اول عمل اقرأة لك ومن الواضح ان انا قدام حس عالى وروح شاعرة وبأكد على كلمة روح لان فيه ناس كتير نظامين يعنى بيرصوا الكلام جنب بعضه اه موزون اه ماشى مع القواعد الاكاديميه بس فين الاحساس ... ما فيش
وانتى بجد كلامك بيوضح انك عندك موهبه عاليه وحس مرهف وعندى امل كبير انى اخيرا اشوف ادب نسائى راقى ومتزن مش اى كلام والسلام
كمان انا ملاحظ ان ودنك موسيقيه فيه عندك اجزاء بتكونى ماشيه فيها على احد البحور الشعريه بتمكن جميل بس فيه اجزاء بتفلت منك
وانا عندى سؤال يا ترى ده انتى قصداه واللا ايه ؟
لو مش قصداه وانتى ما درستيش الاوزان يبقى حرام عليكى موهبتك ولو عارفاه ومش مهتمه بيه زى بعض المدارس الجديده اللى بياخدوا عدم المامهم بالبحور الشعريه حجه انهم نثريين يبقى برضه حرام لانك بتكتبى عاميه يعنى نبض الناس والنبض دايما منتظم
اه ساعات يعلى ساعات يقل بس برضه ماشى دقه دقه
عموما انا شكلى طولت فى الرد بس لانى فعلا شايف انك موهوبه بجد وحسك جميل
ورأيى ده انطباع شخصى لك ان تتقبليه او تلقيه ادراج الرياح
لك خالص تقديرى واحترامى

استاذنا اول حاجه
منورني ويعدني مرورك ويا رب ميكنش الاخير


ثانيا الاوزان والبحور والحجات دي انا معرفش فيها حاجه خالص خالص بجد ودا تقصير مني اكيد بس اعمل ايه اولا ش لاقيه كتب لكده ثانيا مش بلاقي وقت خالص:cry2:
لا بقصد كده ولا حاجه لاني ببساطه معرفش البحور شكلها ازاي:mosking:


وحضرتك لا طول ت ولاح اجه
انا سعيده جدا بكلامك وتشجيعك
تحياتي لقلمك ورأيك
سعيده بتشريفك
كرر الزياره
بنت الماضي
06-15-2006, 10:36 PM
بنت الماضى
بجد انتى مش عارفة معناها اية
معنى حب واحساس لا ينقطع
عن قلب ينبض حب
ويخرج حب
وياكل ويشرب حب
بجد ابدعتى
تقبلي تحياتي
اخوكى المحب
رجل بلا عنوان



رجل بلا عنوان
تسلم على المجامله الكبيره دي
انا مش قدها بجد
يارب الكلام يكون عجبك
تحياتي لمرورك المجامل
Ziphinch
06-23-2006, 05:21 PM
منغير ضرب ,,,,:vava:

أنا طبعتها دلوقتي ,,,

وراجع أرد إن شاء الله ,,,
بنت الماضي
06-25-2006, 02:12 AM
لا لا ضرب ايه بس لا قدر الله
انا عندي أمل انها قبل السنه الجديده هترد عليا يا استاذنا :)
منتظره
واللي يصبر ينول هههههههه