عتلم .. طولت الغياب

[اشرف الشلقانى]

ارجع ياعصفور الصباح


وحشتنا اجمل زقزقه


وغنِّى للفجر اللى لاح


دا الدنيا ليك متذوقه


استاذنا ياعبد المجيد


مستنينك بالجديد


علمتنا ازاى نحب


وازاى نفيد ونستفيد


صفحاتنا ليك متشوقه


بتسأل عليك امتى اللقا


عتلم .. وطولت الغياب


وحشتنــــــــــــــــــــــــنا


ارجع بقى

[صبي القهوه]

الله عليك يا استاذ اشرف
ربنا مايحرمناش من جمالك
ولامن جمال العصفور
تحياتي

[عبدالمجيدعتلم]

ارجع ياعصفور الصباح


وحشتنا اجمل زقزقه


وغنِّى للفجر اللى لاح


دا الدنيا ليك متذوقه


استاذنا ياعبد المجيد


مستنينك بالجديد


علمتنا ازاى نحب


وازاى نفيد ونستفيد


صفحاتنا ليك متشوقه


بتسأل عليك امتى اللقا


عتلم .. وطولت الغياب


وحشتنــــــــــــــــــــــــنا


ارجع بقى













وحقولّك إيه وانا حاسّك..
ياشلقاني
دنا زيّك
بقلب ضعيـــف وبيعاني
حاجات ياما ..

ودوامه
تخلي وشوشنا مش هيه
قلوبنا الماس..
بتتخربش
وتتشوش
وتبقى حديده
مرميّه
مصديّه
تشوتها الناس
أو..
تنداس !
بلا رحمه..
بلا ديّه
ولا يبكي علينا حد
ولونصرخ..
يقيموا الحد
ولو نسكت..
منبقاش.. ناس

****
عارف ياأشرف
لما تنزف.. فيك جراحك
لما يعلا صوت نواحك
تبقى صورتك شئ غريب
يبقى كل غناك..نحيب
والعجيب..ياصاحبي
إنك مش كده
عصفور..
ولكن مش سعيد
إزاي يفيد ؟
لوكان غناه بالشكل ده
طب ليه كده؟
انا مش نبي
واكيد كمان أنا مش غبي
محتاجه روحي تنطلق
في الكون تكون ..
كده..مطلقه
ملّيت .. بقى
محتاج ياأشرف قلب
أخرج م القفص
م الشرنقه
حبة هوّا
حبة.. براح
أرتاح..
واعود
لما القلوب ف هريدي تبقى ..
مهيأه !!!.

[ELLORD]

دا ايه الجمال ده ...انتوا بتسألوا على بعض بالشعر ومش اى شعر كمان
تسلم ايديكوا على التلقائية دى

[موعوود]

عصفور الشعر الجميل / عتلم
الصديق الصدوق / أشرف
دمتم شعراء
ودام الحب والإخلاص قانونا للمنتدي
تحياتي لكما

[اشرف الشلقانى]

[QUOTE] الله عليك يا استاذ اشرف
ربنا مايحرمناش من جمالك
ولامن جمال العصفور
تحياتيالحبيب / صبى القهوه
عبد المجيد عتلم مش بس شاعر كبير
دا انسان قلبه كبير وغيابه لازم يفرق كتير
تحياتى

[اشرف الشلقانى]

[QUOTE] وحقولّك إيه وانا حاسّك..
ياشلقاني
دنا زيّك
بقلب ضعيـــف وبيعاني
حاجات ياما ..

ودوامه
تخلي وشوشنا مش هيه
قلوبنا الماس..
بتتخربش
وتتشوش
وتبقى حديده
مرميّه
مصديّه
تشوتها الناس
أو..
تنداس !
بلا رحمه..
بلا ديّه
ولا يبكي علينا حد
ولونصرخ..
يقيموا الحد
ولو نسكت..
منبقاش.. ناس

****
عارف ياأشرف
لما تنزف.. فيك جراحك
لما يعلا صوت نواحك
تبقى صورتك شئ غريب
يبقى كل غناك..نحيب
والعجيب..ياصاحبي
إنك مش كده
عصفور..
ولكن مش سعيد
إزاي يفيد ؟
لوكان غناه بالشكل ده
طب ليه كده؟
انا مش نبي
واكيد كمان أنا مش غبي
محتاجه روحي تنطلق
في الكون تكون ..
كده..مطلقه
ملّيت .. بقى
محتاج ياأشرف قلب
أخرج م القفص
م الشرنقه
حبة هوّا
حبة.. براح
أرتاح..
واعود
لما القلوب ف هريدي تبقى ..
مهيأه !!!.


مش هسألك ايه زعلك
او ايه اللى خلا غناك نحيب
مش هسألك ليه كل ده
وبعدت ليه بالشكل دا
ورضيت تغيب
لكن ياعصفورنا الحبيب
صدقنى جرحك له طبيب
فى قلوب ملاها حب عتلم
جوه منّها الف بلسم
مهما كان جرحك غريب
***************
دا القلوب تقدر تداوى
بالمحبه اى جرح
لا الطبيب ولا المداوى
يخلِّى حزنك يبقى فرح
اما احنا
لو فِرحنا
نِفرحك
ولو هنحزن
نبعد احسن حزننا
يوم يجرحك
{حبة هوا .. حبة براح
ارتاح واعود
لما القلوب فى هريدى تبقى مهيأه }
واحنا سوا
هنقول سماح
ننسى اللى راح
ونعود لأجمل زقزقه
ارجع بقى
دا قلوب هريدى مهيأه

[اشرف الشلقانى]

دا ايه الجمال ده ...انتوا بتسألوا على بعض بالشعر ومش اى شعر كمان
تسلم ايديكوا على التلقائية دىوتسلم يالورد على مشاعرك النبيله
ولا أنسى ابدا سؤالك عنى حين غبت
والحمد لله بيننا فى القهوه روح جميله
روح جميله واللهِ ياعم عتلم..
تحياتى

[اشرف الشلقانى]

عصفور الشعر الجميل / عتلم
الصديق الصدوق / أشرف
دمتم شعراء
ودام الحب والإخلاص قانونا للمنتدي
تحياتي لكماودمت اخا لنا جميعا
احببناك ياموعوود وانت تستحق
تحياتى

[Saifeddin]

فعلا الكبار لما يتكلموا ..الباقيين لازم يسكتوا ويتعلموا ..ياجماعه حوار زي ده وعلاقات صحيه زي دي المفروض تتوثق بأي طريقه ..
وإقتراح محدد لمشرفي المنتدى الكرام :
من المؤلم حقا أن نرى اعمال كبيره قلما نقرأ مثلها في اي منتدى آخر ونتركها تختفي مع الأيام ..لماذا لا تطبع دوريه أو كتاب يجمع هذه الروائع من فتره لأخرى تحت مسمى مطبوعات هريدي أو كتكوت أو كتاكيت..الخ وذلك للتأريخ وحفظ هذه الأعمال الهامه جدا وليكون لهذا المنتدى الجميل هدف ممتد وليس مؤقت ويكون قد شارك بشكل إيجابي في إثراء الحركه الثقافيه والأدبيه وكذلك في تقديم شعراء وكتاب بمستوى فني عالي للساحه وهذا الإقتراح يمكن تطبيقه على كل الأعمال في المنتدى وليس فقط عامي ..ومن حيث التمويل لا أعتقد ستكون هناك عقبه بحيث نشترك جميعا كأعضاء في هذا التخليد أو على الأقل من ستنشر لهم أعمال.

[sokkar]

أشجع اقتراح سيف الدين
لازم الحاجات دي تنطبع
بأسامي أصحابها الحقيقية
و غلاف عليه اسم قهوتنا الحبيبة



شعركم جميل جدا يا أساتذتي عبد المجيد عتلم و أشرف الشلقاني


بس عايزة أسأل العصفور
ليه القلوب في هريدي مش مهيأة؟
الناس بتستنى أعمالك!

[رايه بيضا]

هوّا فيه إيه ...استاذ عتلم مالك.. فيه ناس كتيييييير بتحبك وبتستنى منك مش بس قصيده ..حتى تعقيب ..وحياة اغلى حاجه عندك بلاش الغياب كتير

وأضم صوتي لسيف وسكر ..لازم المجهود ده لكل الأعضاء يتحفظ للتاريخ ويتقدم بشكل لائق بقهوتنا العظيمه.

[عبدالمجيدعتلم]

مش هسألك ايه زعلك
او ايه اللى خلا غناك نحيب
مش هسألك ليه كل ده
وبعدت ليه بالشكل دا
ورضيت تغيب
لكن ياعصفورنا الحبيب
صدقنى جرحك له طبيب
فى قلوب ملاها حب عتلم
جوه منّها الف بلسم
مهما كان جرحك غريب
***************
دا القلوب تقدر تداوى
بالمحبه اى جرح
لا الطبيب ولا المداوى
يخلِّى حزنك يبقى فرح
اما احنا
لو فِرحنا
نِفرحك
ولو هنحزن
نبعد احسن حزننا
يوم يجرحك
{حبة هوا .. حبة براح
ارتاح واعود
لما القلوب فى هريدى تبقى مهيأه }
واحنا سوا
هنقول سماح
ننسى اللى راح
ونعود لأجمل زقزقه
ارجع بقى
دا قلوب هريدى مهيأه

أشرف الشلقاني
وهل تستطيع الكلمات أن تقول وتصف كيف أراك ؟..فقدرك أخي لاتعادله كلمات وأنت عن حق نعم الصديق وكونك مشرفا لعامي يدل على حسن إختيار القائمين على المنتدى .
عزيزي المشرف: لم يكن غيابي عنكم نوعا من "التبرم" أو الحزن بقدر ما كان وقفة تأمل نحتاجها جميعا من وقت لآخر وأعترف انها صادفت شيئا من القلق على شكل العلاقات و الحوار بين الأعضاء والذي لم يكن بالمستوى المأمول على الإطلاق في بعض الأحيان وكذلك تصدي من لا يملك لما لايقدر من النقد مما يحد كثيرا من المسانده المنتظره لمن يحتاج. ولكن تبقى حقيقة اننا جميعا نشترك في خلق هذا الجمال وهي متعه لانقدر على تجاهل احتياجنا لها.
أشكرك أشرف على كل شئ..دمت لنا أخا وصديقا وشاعرا بحق وخالص تقديري واحترامي للقائمين على هذا الموقع الجميل
وأؤيد إقتراح الأخ سيف الدين بشده ويشرفني أن أكون في مقدمة الداعمين بكل ما أستطيع.

شكر وتحيه وامتنان لأشرف فايز ، صبي القهوه ،محمد صادق (اللورد)، سيف الدين ، سكر ،رايه وكل أعضاء عامي مع حفظ جميع الألقاب.

[اشرف الشلقانى]

فعلا الكبار لما يتكلموا ..الباقيين لازم يسكتوا ويتعلموا ..ياجماعه حوار زي ده وعلاقات صحيه زي دي المفروض تتوثق بأي طريقه ..
وإقتراح محدد لمشرفي المنتدى الكرام :
من المؤلم حقا أن نرى اعمال كبيره قلما نقرأ مثلها في اي منتدى آخر ونتركها تختفي مع الأيام ..لماذا لا تطبع دوريه أو كتاب يجمع هذه الروائع من فتره لأخرى تحت مسمى مطبوعات هريدي أو كتكوت أو كتاكيت..الخ وذلك للتأريخ وحفظ هذه الأعمال الهامه جدا وليكون لهذا المنتدى الجميل هدف ممتد وليس مؤقت ويكون قد شارك بشكل إيجابي في إثراء الحركه الثقافيه والأدبيه وكذلك في تقديم شعراء وكتاب بمستوى فني عالي للساحه وهذا الإقتراح يمكن تطبيقه على كل الأعمال في المنتدى وليس فقط عامي ..ومن حيث التمويل لا أعتقد ستكون هناك عقبه بحيث نشترك جميعا كأعضاء في هذا التخليد أو على الأقل من ستنشر لهم أعمال.استاذنا / سيف الدين
اشكرك ان زينت صفحتى بمرورك العطر
واقتراحك اخى فى منتهى الرقى
واتمنى تحقيقه
تحياتى

[اشرف الشلقانى]

أشجع اقتراح سيف الدين
لازم الحاجات دي تنطبع
بأسامي أصحابها الحقيقية
و غلاف عليه اسم قهوتنا الحبيبة



شعركم جميل جدا يا أساتذتي عبد المجيد عتلم و أشرف الشلقاني


بس عايزة أسأل العصفور
ليه القلوب في هريدي مش مهيأة؟
الناس بتستنى أعمالك!الشكر ليكى يادكتوره
فقد كنت من الاسباب التى بينت للقهوه
مدى روعة استاذنا / عبد المجيد عتلم
فلا انسى رائعته حلم سكر
وتفاعله الجميل مع معظم رواد القهوه
دعواتى لحضرتك .. واشكرك
تحياتى

[اشرف الشلقانى]

[QUOTE] أشرف الشلقاني
وهل تستطيع الكلمات أن تقول وتصف كيف أراك ؟..فقدرك أخي لاتعادله كلمات وأنت عن حق نعم الصديق وكونك مشرفا لعامي يدل على حسن إختيار القائمين على المنتدى .
عزيزي المشرف: لم يكن غيابي عنكم نوعا من "التبرم" أو الحزن بقدر ما كان وقفة تأمل نحتاجها جميعا من وقت لآخر وأعترف انها صادفت شيئا من القلق على شكل العلاقات و الحوار بين الأعضاء والذي لم يكن بالمستوى المأمول على الإطلاق في بعض الأحيان وكذلك تصدي من لا يملك لما لايقدر من النقد مما يحد كثيرا من المسانده المنتظره لمن يحتاج. ولكن تبقى حقيقة اننا جميعا نشترك في خلق هذا الجمال وهي متعه لانقدر على تجاهل احتياجنا لها.
أشكرك أشرف على كل شئ..دمت لنا أخا وصديقا وشاعرا بحق وخالص تقديري واحترامي للقائمين على هذا الموقع الجميل
وأؤيد إقتراح الأخ سيف الدين بشده ويشرفني أن أكون في مقدمة الداعمين بكل ما أستطيع.
شكر وتحيه وامتنان لأشرف فايز ، صبي القهوه ،محمد صادق (اللورد)، سيف الدين ، سكر ،رايه وكل أعضاء عامي مع حفظ جميع الألقاب. عتلم .. الاستاذ والانسان
بالطبع لا استطيع مجاراتك لا نثرا ولا شعرا
لكنى استطيع مجاراتك حبا بحب وقلبا بقلب
انا اعلم يقينا انى وكل اهل كتكوت ـ ربما الا واحدا ـ
نحبك فى الله .. شعرك .. ردودك .. استاذيتك وخفة ظلك
ولا عدل فى ان تعاقب من احبوك بابتعادك عنهم
فى انتظارك ياعمنا
تحياتى

[موعوود]

عتلم ..
انا اعلم يقينا انى وكل اهل كتكوت ـ ربما الا واحدا ـ
نحبك فى الله ..
تحياتى
:think3: :think3: :think3: :think3: :think3:
:banned: :banned: :banned: :banned:

[عبدالمجيدعتلم]

عتلم .. الاستاذ والانسان
انا اعلم يقينا انى وكل اهل كتكوت ـ ربما الا واحدا ـ
نحبك فى الله .. شعرك .. ردودك .. استاذيتك وخفة ظلك
تحياتى

ياباشا تم القبض ع المذكور..بس مطلعش مجنون ..
أوامرك ياباشا؟

[Saifeddin]

ياترى على أي شجره دلوقت ياعصفور ؟؟؟؟؟
القهوه مالهاش طعم من غيرك مع إحترامي لكل الزملاء لكن حتى ردودك ..تضفي بريق على أي عمل ومشاركاتك للزملاء اتضمن كثافة القراءه لأي عمل
عل المانع خيرا.

[اشرف الشلقانى]

ياترى على أي شجره دلوقت ياعصفور ؟؟؟؟؟
القهوه مالهاش طعم من غيرك مع إحترامي لكل الزملاء لكن حتى ردودك ..تضفي بريق على أي عمل ومشاركاتك للزملاء اتضمن كثافة القراءه لأي عمل
عل المانع خيرا.ياسلام يا استاذ سيف
الله ينور عليك انت قلت اللى فى قلبى
فينك ياعصفور وحشتنا
تحياتى

[طاقية الإخفاء]

ياترى الكاتب والمكتوب إليه فين ؟؟؟؟
حد يطمنا