د. ابودنيا
06-03-2006, 12:01 AM
يابلدنا يا ضحية
يا بلدنا يا ضحية
ألف خاين باعو فيكى وباعو فيا
واستحينا
واكتفينا بالسكات
وهمهمة خجل البنات
وانتظارنا لاستجابة الدعوات
كل دعوة بميت رزية
الله ياخد كل خاين
كل بايع للقضية
والقضية
جبننا
وخوفنا
وخنوعنا
والى باعنا كان جريء
وقلبوه ميت
وعنده ميت مليون ألف نية
والحكومة مختشية
لبسه توب الخزي عاملة منه جلابية
تستر العيب إلى بيها
والى فيها
وعاملة مش باين عليها
مكسور عنيها
عاملة عامله ومستحيية
ولا أية هيا الحكاية... والقضية..
*** *** ***
يا ضحية الاحتكار
إلى أيد فيكى نار
صبرنا ع الظلم عار
صمتنا عن حق ضايع انتحار
من جبان لاولعبان
كله شغال فى التمام
ميت منافق شدو توبك
شدو من أيدك رغيفك
قوت عيالك
جواعوكى وجواعونا
عروكى وإحنا كمان عرونا
وف اكبر سوق نخاسة بيعرضونا
الى بدرهم
والى ما ساوا حتى درهم
بس مافى حد منا جاب لميه
شدي حيلك يا فتيه
وخالى بالك من ايامنا الى جاية
واوعاكى يوم تستكينى
او تكونى مستحيية
*** *** *** ****
آأة يا ذلك
يالى ولدك ماتو منك
ولاعدش منهم حمال آسية
الى كان جريء ماراح
والى باح ماليان جراح
والى ناح عجبو النواح
والى ضمو ترابها فاح
واستكترو قوتك
واتمعشقو ف موتك
ولملمو خيرك
وهدمو بيوتك
والنخل يبكى للشط الحزين
والنيل ودع الصفا واصبح هزيل
عليل
مسكين
معادش قادر يحمل قطرة الميا العافيه
وانتى جنبوه مستحيية
خايفه منو
ولا منى
ولا م الى مش عارفين له نية
آآة يا قهرك
سرقو مهرك (المهر للعروسة)
ركبو مهرك ( الفرسة – من الخيل)
فجو كل زمام ف ارضك
همى فى عرضك
وافردى طولك
واوعى تسلمى للى ناوى يطولك
يابنت النيل يا بكريه
انا الى بائي لك انا
وانتى الى بائية ليا
لملمي ايديا وخدينى
ضمينى
وناولينى سيف المعزة انزل عركتى تانى
واحمى ضهرى م الجبان
الى خانى وانا مش دارى
مرتين ياغالية باعنى
وانا مش واخد بالى
ناوى اخد طارك
وناوى اخلص طارى
خليكى ضمانى
خليكى حميانى
د. ابودنيا
يا بلدنا يا ضحية
ألف خاين باعو فيكى وباعو فيا
واستحينا
واكتفينا بالسكات
وهمهمة خجل البنات
وانتظارنا لاستجابة الدعوات
كل دعوة بميت رزية
الله ياخد كل خاين
كل بايع للقضية
والقضية
جبننا
وخوفنا
وخنوعنا
والى باعنا كان جريء
وقلبوه ميت
وعنده ميت مليون ألف نية
والحكومة مختشية
لبسه توب الخزي عاملة منه جلابية
تستر العيب إلى بيها
والى فيها
وعاملة مش باين عليها
مكسور عنيها
عاملة عامله ومستحيية
ولا أية هيا الحكاية... والقضية..
*** *** ***
يا ضحية الاحتكار
إلى أيد فيكى نار
صبرنا ع الظلم عار
صمتنا عن حق ضايع انتحار
من جبان لاولعبان
كله شغال فى التمام
ميت منافق شدو توبك
شدو من أيدك رغيفك
قوت عيالك
جواعوكى وجواعونا
عروكى وإحنا كمان عرونا
وف اكبر سوق نخاسة بيعرضونا
الى بدرهم
والى ما ساوا حتى درهم
بس مافى حد منا جاب لميه
شدي حيلك يا فتيه
وخالى بالك من ايامنا الى جاية
واوعاكى يوم تستكينى
او تكونى مستحيية
*** *** *** ****
آأة يا ذلك
يالى ولدك ماتو منك
ولاعدش منهم حمال آسية
الى كان جريء ماراح
والى باح ماليان جراح
والى ناح عجبو النواح
والى ضمو ترابها فاح
واستكترو قوتك
واتمعشقو ف موتك
ولملمو خيرك
وهدمو بيوتك
والنخل يبكى للشط الحزين
والنيل ودع الصفا واصبح هزيل
عليل
مسكين
معادش قادر يحمل قطرة الميا العافيه
وانتى جنبوه مستحيية
خايفه منو
ولا منى
ولا م الى مش عارفين له نية
آآة يا قهرك
سرقو مهرك (المهر للعروسة)
ركبو مهرك ( الفرسة – من الخيل)
فجو كل زمام ف ارضك
همى فى عرضك
وافردى طولك
واوعى تسلمى للى ناوى يطولك
يابنت النيل يا بكريه
انا الى بائي لك انا
وانتى الى بائية ليا
لملمي ايديا وخدينى
ضمينى
وناولينى سيف المعزة انزل عركتى تانى
واحمى ضهرى م الجبان
الى خانى وانا مش دارى
مرتين ياغالية باعنى
وانا مش واخد بالى
ناوى اخد طارك
وناوى اخلص طارى
خليكى ضمانى
خليكى حميانى
د. ابودنيا