أول الدقات

[هايو]

مات الحلم جوايا من قبل حتى ماأحلمه
وأنا اللى كنت فاكرة وياك حعيشه وأكمله
كل حاجة حلوة ماتت سابت عذاب ماينتهيش
وليه الذكرى تبقى وليه لازم تعيش
تعيش تعذب فيا وتفكرنى باللى فات
أقول انساها يمكن أعيش مرتاحة ساعات
لكن إزاى انسى ....
معقول فيه حد ينسى
أول ذكرى فى حياته وأول الدقات
فيه ناس عايزنى أكمل وناس عايزنى أعيش
لكن دة بعد حبك أموت خلاص مايهمنيش
أو أعيش وأنا فاكرة نفسى أنا أقوى من العذاب
وإنه مجرد كلمة أشيلها من قاموسى
ومسيرها للغياب ....
لكن أرجع وأفوق لحالى والقانى أنا لسة أنا
مش أقوى كتير من غيرى ......
ومكانى أكيد مش هنا
أو يمكن دة صحيح مكانى حكمل فيه عمرى اللى فات
وأدفن قلبى واعيش على ذكرى.....
كارهاها من قلبى اللى مات
وأحلف بعده مايفتح قبره غير اللى خلقه يوم الممات

[صبي القهوه]

اللي فات بتقولي.. مات
تبقي ليه عايشه الاهات
ليه تاخدنا الذكريات
من بكره والحلم اللي فيه
انتي عارفه ف بكره ايه!!!
بكره يمكن ...فيه ليالي حنينه
فيه عيون حضنها هيضمنا
ليه تاخدنا ذكري...واضح ضعفها
من حياتنا وتبقي اقوي مننا
اللي فات انسيه....دا زمنه
راح وكان ..ومالوش مكان
وكفايه اتعلمتي منه
انه لا امان...للي خان
بس بكره مالهش ذنب
تحرميه من ادفا قلب
قلب يعرف يعني ايه
يعني ايه...كلمة بحب



تقبلي تحياتي

[يحيي النادي]

جميله جدا يا مروه
حاسس فيها برقة مشاعر
بدأتي تضيفي كلام جديد لقاموسك الخاص زي كلمة قاموس
الشطره الاولي رائعه


صبي القهوه انت رائع بجد

[هايو]

اللي فات بتقولي.. مات
تبقي ليه عايشه الاهات
ليه تاخدنا الذكريات
من بكره والحلم اللي فيه
انتي عارفه ف بكره ايه!!!
بكره يمكن ...فيه ليالي حنينه
فيه عيون حضنها هيضمنا
ليه تاخدنا ذكري...واضح ضعفها
من حياتنا وتبقي اقوي مننا
اللي فات انسيه....دا زمنه
راح وكان ..ومالوش مكان
وكفايه اتعلمتي منه
انه لا امان...للي خان
بس بكره مالهش ذنب
تحرميه من ادفا قلب
قلب يعرف يعني ايه
يعني ايه...كلمة بحب



تقبلي تحياتي
الله عليك وعلى كلامك بجد خلاص انا اخدت على مداخلاتك الجميلة دى تسلملى يامعلم القهوة
وبالنسبة لكلامك الجميل دة بعيد عن كونه رائع ومن القلب فأنا واثقة انه احلى نصيحة شكرا عليها

[هايو]

جميله جدا يا مروه
حاسس فيها برقة مشاعر
بدأتي تضيفي كلام جديد لقاموسك الخاص زي كلمة قاموس
الشطره الاولي رائعه


صبي القهوه انت رائع بجد
ابن خالى منورنى والله وميرسى على الكلام الجميل دة واتمنى اسمع قريب انك خلصت الامتحانات علشان انا تعبت من كتر ما بدعيلكوا ويارب يوفقكوا انت وبنت الماضى وسكرورجل بلا عنوان وكل اللى بيمتحنوا

[رجل بلا عنوان]

مات الحلم جوايا من قبل حتى ماأحلمه
وأنا اللى كنت فاكرة وياك حعيشه وأكمله
كل حاجة حلوة ماتت سابت عذاب ماينتهيش
وليه الذكرى تبقى وليه لازم تعيش
تعيش تعذب فيا وتفكرنى باللى فات
أقول انساها يمكن أعيش مرتاحة ساعات




لكن دة بعد حبك أموت خلاص مايهمنيش
أو أعيش وأنا فاكرة نفسى أنا أقوى من العذاب
وإنه مجرد كلمة أشيلها من قاموسى
ومسيرها للغياب ....

لكن أرجع وأفوق لحالى والقانى أنا لسة أنا
مش أقوى كتير من غيرى ......
ومكانى أكيد مش هنا

أو يمكن دة صحيح مكانى حكمل فيه عمرى اللى فات
وأدفن قلبى واعيش على ذكرى.....



مروة اولا انا اسف انى بوضت قصيدتك
بس انا طلعت منها الحاجات اللى لمست قلبي بجد
احساس رائع وفيها صور جديدة
واسلوب انا اول مرة احسة منك
بجد رائعة
واسمحيلي اقول عنك

ياللى فى احلامك مستحيلة
وف مخاوفك مستحيلة
ياللى بالاحلام اصيله
حتى ع القلب الغريب

تحياتي
اخوكى المحب
رجل بلا عنوان

[هايو]

مروة اولا انا اسف انى بوضت قصيدتك
بس انا طلعت منها الحاجات اللى لمست قلبي بجد
احساس رائع وفيها صور جديدة
واسلوب انا اول مرة احسة منك
بجد رائعة
واسمحيلي اقول عنك

ياللى فى احلامك مستحيلة
وف مخاوفك مستحيلة
ياللى بالاحلام اصيله
حتى ع القلب الغريب

تحياتي
اخوكى المحب
رجل بلا عنوان
ميرسى يامحمد على كلامك الرقيق دة اللى انا اكيد مااستحقش نصه وولا يهمك ياسيدى بوظ اللى انت عايزه المهم توصلك باى شكل من الاشكال
بس الكلام كان على مزاكرة يالا كفاية عليك كدة النهاردة:close_tem

[sokkar]

قصيدة جميلة
هيكونلك مستقبل فل باذن الله
و هتقولي سكر قالت

[هايو]

والله ياسكر انا فعلا مستقبلى بينكم وبيكوا ربنا يخليكى وينجحك فى امتحاناتك

[سيد المغربي]

فيه ناس عايزنى أكمل وناس عايزنى أعيش
وانا مع هائولاء

[هايو]

حتصدقنى ياسيد لو قولتلك انى وانا بكتب الجملة دى بالذات كنت عارفة انك حتعلق عليها قلب الام بقى انت عارف بس برضه ماقولتليش رايك مستنياك

[سيد المغربي]

حتصدقنى ياسيد لو قولتلك انى وانا بكتب الجملة دى بالذات كنت عارفة انك حتعلق عليها قلب الام بقى انت عارف بس برضه ماقولتليش رايك مستنياك

علي فكره محدش هايعلق علي الجمله ديه غيري لاني انا بس اللي فاهمها
ثانيا
مش هانقد اعمالك
راي العام
انك بتتحسني
لكن لو حبيتي نقد
روحي صفحة انطلاقه بتاعة الدعمي
هتلاقي فيها اساتذه كتير
هايفيدوكي
وهناك هاقولك نقدي وبصراحه

[صبي القهوه]

الله عليك وعلى كلامك بجد خلاص انا اخدت على مداخلاتك الجميلة دى تسلملى يامعلم القهوة
وبالنسبة لكلامك الجميل دة بعيد عن كونه رائع ومن القلب فأنا واثقة انه احلى نصيحة شكرا عليها


يعني هتعملي بالنصيحه!!

[سيد المغربي]

اللي فات بتقولي.. مات
تبقي ليه عايشه الاهات
ليه تاخدنا الذكريات
من بكره والحلم اللي فيه
انتي عارفه ف بكره ايه!!!
بكره يمكن ...فيه ليالي حنينه
فيه عيون حضنها هيضمنا
ليه تاخدنا ذكري...واضح ضعفها
من حياتنا وتبقي اقوي مننا
اللي فات انسيه....دا زمنه
راح وكان ..ومالوش مكان
وكفايه اتعلمتي منه
انه لا امان...للي خان
بس بكره مالهش ذنب
تحرميه من ادفا قلب
قلب يعرف يعني ايه
يعني ايه...كلمة بحب




يمكن بكره انسي
يمكن بكره افوق
من حلم معاك حلمته
وخدني معاكي فوق
يمكن الاقي غيرك
تعودني اللي فات
وتحي بجمال عينيها
حضني اللي معاكي مات
وقلوب تنده عليا
وتقول وحيات عنيا
تيجي وتسكن بحوري
اشرب منها ودوق
يمكن احن ليكي
او اعيش من غير وجود
يمكن اندم عليكي
او حتي في يوم اعود
يمكن ده كل جايز
لكن في شيء اكيد
ان في حبك حواجز
تلغي كل الحقوق
حقي في اني انسي
حبك مره وافوق
......
أظن ان الجٌرح الاول والحب الول يظل دوما ساكن جوانحنا وان حاولنا ان نزويه في احد جنبات القلب المعتمه نفشل دوما في ذالك
وان استطعنا ذالك
ففي اول اشاره من العالم الخارجي يستيقظ الباطن والمكنون ويطفو علي السطح من جديد بكل الامه البكر دوما العميقة دوما

[sokkar]

موهبتك واضحة من بين الكلمات يا مروةو هتبقي شاعرة زي العسلأتمنى لك النجاح

[هايو]

يمكن بكره انسي
يمكن بكره افوق
من حلم معاك حلمته
وخدني معاكي فوق
يمكن الاقي غيرك
تعودني اللي فات
وتحي بجمال عينيها
حضني اللي معاكي مات
وقلوب تنده عليا
وتقول وحيات عنيا
تيجي وتسكن بحوري
اشرب منها ودوق
يمكن احن ليكي
او اعيش من غير وجود
يمكن اندم عليكي
او حتي في يوم اعود
يمكن ده كل جايز
لكن في شيء اكيد
ان في حبك حواجز
تلغي كل الحقوق
حقي في اني انسي
حبك مره وافوق
......
أظن ان الجٌرح الاول والحب الول يظل دوما ساكن جوانحنا وان حاولنا ان نزويه في احد جنبات القلب المعتمه نفشل دوما في ذالك
وان استطعنا ذالك

ففي اول اشاره من العالم الخارجي يستيقظ الباطن والمكنون ويطفو علي السطح من جديد بكل الامه البكر دوما العميقة دوما



ميرسى ياسيد على الرد ولصبى القهوة كمان
بس سيد عايزاك تشرحلى الجزء دة لانه لو حقيقى يبقى حتشرح حاجات تانية كتير بس نبدا بدة الاول(ان فى حبك حواجز تلغى كل الحقوق حقى فى انى انسى حبك مرة وافوق )