انا كنت زمان فرعون + ليه بتقولوا عليا عويل [الأرشيف]

مشاهدة النسخة كاملة : انا كنت زمان فرعون + ليه بتقولوا عليا عويل

اميرالكلام

06-01-2006, 01:49 AM

ELLORD

06-01-2006, 02:39 AM

انا كنت زمان فرعون
فى مجاعة يوسف انا كفيت الكون
يجى الوقت عليا إللى أشحت فيه بإيديا
لقمة وسخة من زبالة بنت الملعون
انا كنت زماااان اكبر فرعون

====================
ليه بتقولوا عليا عويل
دا انا ابن مصر ابن النيل
بدراع واحد ابنى حضارة عريقة
و بدراعى التانى أورى عدوى الويل
طب ليه تقولوا عليا عويل
==================

اخى العزيز ....ممكن تسمحلى بالتداخل معك
وارجو ان يتسع صدرك لى ...لنتناقش سويا بموضوعية

انا كنت زمان فرعون
...هاعتبر معاك انك بترمز لمصر
فى مجاعة يوسف انا كفيت الكون
لا لا ...مش معاك خالص فيه الف فكرة ومعالجة ممكن توصلنا المعنى اللى انت عايزه ...من غير ما نخوض فى هذا الاسقاط الدينى ...والذى لا مجال فيه للفهم باكثر من معنى
وهنا فهم المعنى لا يحلله النوايا الحسنة
يمكن يكون حرية ...بس عارف انا بقول كده ليه ؟؟؟؟؟؟؟؟؟
خليك معايا كده وشوف انت قلت ايه بعد كده

يجى الوقت عليا إللى أشحت فيه بإيديا
لقمة وسخة من زبالة بنت الملعون

اخى العزيز ....لازم تكون المفردات متناسبة مع الجو العام اللى بتتكلم فيه
يعنى انت قولت فرعون ...وقولت عن المجاعة التى حدثت فى عهد سيدنا يوسف عليه السلام كرمز لترسيخ المعنى عن قوة مصر
فلو سلمت معك بهذا الترميز الذى لا احبذه من وجهة نظرى
يبقى ازاى تقول بعديه(لقمة وسخة من زبالة)
ازاى ؟؟؟؟؟؟؟؟؟؟
انا مبتكلمش عن قصدك ومغزاك ...لانه يجوز جدا يكون واضح
لكن عبرت عنه ازاى ...ايه المفردات اللى استخدمتها عشان توصلى الفكرة ...مش مجرد وصول الفكرة بأى شكل

اخى العزيز ...كلنا نبحث عن التجديد والخروج فى بعض الاحيان عن المألوف ...لكن
مش كل الغير مألوف ...مألوف

ارجو ثانية ان يتسع صدرك لى ولوجهة نظرى فكلنا لازلنا نتعلم ....ولا استثنى نفسى
وتطل من بين السطور شاعر لازال لديه الكثيربدون مجاملة

تحياتى اخى ..امير الكلام

اميرالكلام

06-01-2006, 10:01 AM

اولا ألف شكر على كلامك
انا ابدا مزعلش من حد ينتقد اى كلام
انا بس احب أقول إن انا مش بكتب شعر و رباعيات و قصايد و معرفش اكتبهم
انا بس بحب اكتب كلام يمكن يكون موزون دمه خفيف و سهل حفظه يكون مختصر جدا و قريب من الشعب و دى عندى مهمة انا مش بخاطب أبدا فى كلامى مثقفين انا بخاطب ناس ابسط من العاديين و بكتب عن حال بلد
انت اكيد كلامك صح بس انا هوضحلك
بالنسبة
انا كنت زمان فرعون
(دا تشخيص لحالة كانت فيها مصر الفرعونية الشامخة الأبية القوية و الفراعنة الأشداء ودى كانت احسن حالات مصر فى العهود بل حال احسن بلد فى العالم لكن -كنت- هنا دليل على عدم استمرار الحالة)
فى مجاعة يوسف انا كفيت الكون
(هذا رمز لقدرة مصر على توفير غذاء للعالم كله و هذا ما حدث فعلا فى مجاعة فى عهد سيدنا يوسف)
يجى الوقت عليا إللى اشحت فيه بإيديا
لقمة وسخة من زبالة بنت الملعون
دا بقى بيقولوا عليه تدمير تام للصورة العظيمة إللى انا رسمتها خلال شطرين سابقين تدمير تام بأحط الألفاظ
عشان دى الحقيقة بجد
(مصر القوية القادرة على توفير غذاء العالم اصبحت غير قادرة حتى على توفير غذاء نفسها و اصبحت بتشحت اللقمة إللى ترميها امريكا لها من قمح و خلافه ده بقى حلنا بعد الفراعنة شحاتين )
و اعتقد انت فاهم انت اما بتشوف منظر شحات او منظر بيئه جدا بتقول عليه ايه
مش انا وحش او وسخ دليل على السقوط

بيتين عزة و بيتين تدمير للعزة

بس لسه انك عندك حق
هى بجد غير ملائمة بس انا هدور على كلام تانى و شكرا جدا