نقطة مطر

[سيد المغربي]

جاية ليه وقت فرحي ....... تحكي عالشوق والحنين ؟؟
كنتي فين وقت جرحي ...... وقت دمعي والانين ؟؟
ليه الناس تلــوم .. عالعاشق المظلوم ؟؟
اللي يادوب فاضله.. ورقة وحبة صور ؟؟
دالما الاحساس يهون .. في القلب وفي العيون
ازاى نقـدر نــكون .. يا حببتي في يوم بشر ؟

مش انتي اخترتي الوداع .. وقلتي شيء جميل
بتشكى ليه من الضياع .... وبأن ليلك طويـل ؟؟
ياحببتي انا مش هاعود .. ولا اجدد الوعود
دانـتـى شـيء جميل .. في حياتى وانكسر
مشوارك مش معايا .. يمكن كان في البداية
دلوقتي بالنسبة ليا .. حبك اصبح خـطـر

عايزاني امسح دموعك .. وانسي كل اللي راح
طب حتى لو نسـيـت .. مين هاينسي الجراح؟؟
مستحيل ابدا في يوم .. انا وانتي نقدر نكون
عشاق مالناش مثيل .. واسامينا فوق الـقمر
وايـه بايـدنا ايـه .. بس هانقدر عليه ؟؟
هوا المجروح يادنيا .. هايعانـد القـدر ؟؟

جاية ليه بذكرياتك .. راجعه ليه تاني باهاتك
كنتي فيـن لما ناديـتك .. كنتي فين من سنين
يا حببتي انا مش ملاك .. ولا عاشق للهلاك
دانا قلبي شاف مـعاكِ.. اطول رحلـة سفر
وارجعلك تاني ليه ؟.. ومعاكي ليا ايه ؟
دانا حبي كان بحور .. وحبك كان يادوب
يادوب نقطة مطر
يادوب نقطه مطر

اللورد هاذا ما يطلق عليه الاغاني وان علقت علي القصيده
سايوكن لنا عليها وقفه طويله
لنعرف لماذا تلك اغنيه
وما سبقها من اعمالي ليست كذالك

[ELLORD]

ايه ياعم سيد ...انت خدتنى
يادوب نقطة مطر ...اللورد!!!!!!!!
بس تصدق خدة لذيذة اوى
كفاية عليا انك فاكرنى يا صاحبى
وراجعلك يا عمنا ...وخلى بالك هيبقى فيه ضرب نار :bud:
بس اكيد هتعلم حاجة جديدة
سلام يا صاحبى

[سيد المغربي]

والله مستنيك وولعت علش الشاي لو اتاخرت هاشرب انا وصبي القهوه ومروه زمانهم في السكه انتا حر

[هايو]

انا هنا ياسيد الحقنى مش عارفة اجى ارد والحاجات كلها قفلت انا فيه بس حاجة كدة حتعلمها واجى ارد عليك اوك

[marool]

السيد المغربى ..تعبيراتك قد اية معبرة..احساس الحالة وصل فعلا ..ياحبيبتى انا مش ملاك ومش عاشق للهلاك....دة حبى كان بحور وحبك كان يدوب نقطة مطر...بجد احييك على التعبيرات المرهفة الاحساس..

[سيد المغربي]

انا هنا ياسيد الحقنى مش عارفة اجى ارد والحاجات كلها قفلت انا فيه بس حاجة كدة حتعلمها واجى ارد عليك اوك

مستنيكي يا مروه لاني قلقان عليكي سيبك من الرد ابعتي مسج طمنيني علي نفسك اهم

[سيد المغربي]

السيد المغربى ..تعبيراتك قد اية معبرة..احساس الحالة وصل فعلا ..ياحبيبتى انا مش ملاك ومش عاشق للهلاك....دة حبى كان بحور وحبك كان يدوب نقطة مطر...بجد احييك على التعبيرات المرهفة الاحساس..

يا نهار ابيض
ايه الكلام ده كله اللي نازل عليك يا عرب
بجد بجد
كتير عليا
مرسيه مريه علي زوقك ومجاملتك الرقيقه
دومتي بالود

[هايو]

انا هنا ياسيد ماتقلقش وعموما ومع انى مابحبش الشاى بس طالما انت وصبى القهوة يبقى خفيف سكر زيادة والقصيدة برضه لسة مش دلوقتى حتعلم حاجة كدة وجاية

[صبي القهوه]

شكرا علي الشاي يابو الكرم ومعاكو الشاي يبقي شهد
بس بجد كلماتك جميله واحلي من كتيرمن الاغاني اللي بنسمعها
فيها تعبيرات شاعر بحق
بس متهيألي ممكن تكون مركزه عن كده
تحياتي يا شاعرنا الجميل

[يحيي النادي]

انا فعلا حاسس ان القصيده دي تنفع أغنيه
وانا مستطلع اللحن جوايا دلوقتى
ايه رأيك:rosy:

[رجل بلا عنوان]

انا شايف انها قصيدة مش اغنية
وقصيدة جميله جداا
كمان
بس انا عاوزك تعرف حاجة
ان القصيدة كمان ممكن تتغنى
زى حليم مثلا
فى قصيدة حكايه شعب
ومحمد منير فى حدوتة مصرية
مش شرط اننا نقف على تصنيفها
ان كانت اغنية ولا قصيدة
المهم فى الاخر اننا كلنا اتفقنا
انها عمل فنى رائع
انا بحيك عليه يا سيد
بجد ابدعت
بس اوعى تنساني فى الشاى
انتا ومروة وصبي القهوة


تقبل تحياتي
لشخصك الكريم
اخوك المحب
رجل بلا عنوان

[سيد المغربي]

شكرا علي الشاي يابو الكرم ومعاكو الشاي يبقي شهد
بس بجد كلماتك جميله واحلي من كتيرمن الاغاني اللي بنسمعها
فيها تعبيرات شاعر بحق
بس متهيألي ممكن تكون مركزه عن كده
تحياتي يا شاعرنا الجميل

التركيز يعود للملحن
انا كتبت احساسي كامل
ومن حق الملحن ان يقدم بيت او ياخر او يحزف شطر او بيت او كلمه
حسب الضروره الحنيه
انتا تكتب
وهوا يلحن
فهذا دوره

علي فكره
انا سبيت الشاي وبرد واديني هاسخنه تاني ابقا اتاخر بقا

[سيد المغربي]

انا فعلا حاسس ان القصيده دي تنفع أغنيه
وانا مستطلع اللحن جوايا دلوقتى
ايه رأيك:rosy:

هههههههه
مرسيه يا باشا علي مجاملتك ورفع وحي المعنويه
وكان نفسي اشتغل معاك
لكن للاسف
الاغنيه متلحنه بالفعل من تلحين الاستاذ احمد العطيفي
باذن الله نتعامل في شغل تاني يكون افضل من القصيده ديه
مرسيه يا يحي علي مررورك اللي بيسعدني

[سيد المغربي]

انا شايف انها قصيدة مش اغنية
وقصيدة جميله جداا
كمان
بس انا عاوزك تعرف حاجة
ان القصيدة كمان ممكن تتغنى
زى حليم مثلا
فى قصيدة حكايه شعب
ومحمد منير فى حدوتة مصرية
مش شرط اننا نقف على تصنيفها
ان كانت اغنية ولا قصيدة
المهم فى الاخر اننا كلنا اتفقنا
انها عمل فنى رائع
انا بحيك عليه يا سيد
بجد ابدعت
بس اوعى تنساني فى الشاى
انتا ومروة وصبي القهوة


تقبل تحياتي
لشخصك الكريم
اخوك المحب
رجل بلا عنوان

مرسيه علي مرورك
لكن ليا تعليق صغير
تقول كوكب الشرق
كل ما يصلح للغناء فاهوا شعر

[ELLORD]

الاغنيه متلحنه بالفعل من تلحين الاستاذ احمد العطيفي

اه ...انت كده موت الكلام ياعم سيد ...بس فى نفس الوقت شوقتنى اسمعها
امانة عليك تسمعهالى لما تخلص ...حاكم اخوك غاوى يألف حتى فى التلحين

[موعوود]

هههههههه
مرسيه يا باشا علي مجاملتك ورفع وحي المعنويه
وكان نفسي اشتغل معاك
لكن للاسف
الاغنيه متلحنه بالفعل من تلحين الاستاذ احمد العطيفي
باذن الله نتعامل في شغل تاني يكون افضل من القصيده ديه
مرسيه يا يحي علي مررورك اللي بيسعدني
ودخلنا باب الإحتراف ياعم سيد
ألف مبروك
وبالتوفيق
وياريت نسمعها متغنيه
تحياتي

[سيد المغربي]

الاغنيه متلحنه بالفعل من تلحين الاستاذ احمد العطيفي

اه ...انت كده موت الكلام ياعم سيد ...بس فى نفس الوقت شوقتنى اسمعها
امانة عليك تسمعهالى لما تخلص ...حاكم اخوك غاوى يألف حتى فى التلحين

الاغنية هاتسمعها اول واحد يا محمد اوعدك بس لما نلاقي المطرب اللي هايغنيها الاول اوك

[sokkar]

انها فعلا أغنيةو موسيقاها جميلة جداتحياتي

[سيد المغربي]

ودخلنا باب الإحتراف ياعم سيد
ألف مبروك
وبالتوفيق
وياريت نسمعها متغنيه
تحياتي

استاذي الفاضي
من الواجب ان اعترف بالجميل للقهوه
وبعض شرعائها خصيصا نور عبده محمد فارس خالد عبدالقادر
وبالتاكيد المبدع اشرف فايز
فكل هائولاء استاذتي وادين لهم بالفضل والشكر
فمن حروفهم تشربت
ومن نبع صورهم تعلمت
وان كان لا بد من كلمة شكر
فانما تكون بجعلي دوما تلميذكم فهذا هوا الشكر منكم لي
دمت بالود استاذي الفاضل

[سيد المغربي]

انها فعلا أغنيةو موسيقاها جميلة جداتحياتي

مرسيه دكتوره علي مجاملتك الرقيقه اللي بالطبع ما اتسحقش نصها
دمتي لي بالود

[اشرف الشلقانى]

يامغربى .. سامحنى والله ماكنت اعرف انى مجيتش
وبعدين ايه حكاية الاغانى معاك
لأ وكل اغانيك حلوه يعنى ايه ياعم سيد
نبطل احنا ولا إيه
اغنيتك جميله .. تسلم ايديك ياعرب
تحياتى

[سيد المغربي]

يا عم اشرف وانتا دخل ابقا خبط خضتني وانتا بتزق الباب بس تصدق بالله
احلا خضه
ياريتك تخضني في كل موضوع كده وتشرفني