ليلة غياب القمر

[يحيي النادي]

ليله غياب القمر
غبت ليله يا قمر
ووحشتني
من فوق سطوحي باندهك
واعتب عليك
فاتت ليالي
مكانش ليا
فيها غير
نورك ونيس
ليه ما جتشي ف المعاد
ايوه لازم أسألك
لو تفكّر ف اللي بيننا
أوام هتنسى
كل حسابات الفلك
تركب ف حنطور السما
بالحب تطلقله العنان
الاقيك هنا ف نفس المكان
نسهر سوا
نفضل نغني
والنجوم حوالينا تضوي
فوق عيدان الشمعدان
السنابل ف الغيطان
والسواقي والنخيل
والفل والياسمين
وبستان الريحان
وقلب دايب م الشجن
ف العتمه جايين يسألوك
يا قمر
غبت ليه
يا قمر
غبت ليه


يحيي النادي

[ELLORD]

ماشاء الله عليك يا عم يحيى ...ايه الجمال ده كله
بس مش دى النهاية ...لسه ممكن تقول كمان
ولو انها جميلة على كده ...بس عايزين نقول لما نشبع
تسلم

[na7Lh]

فاتت ليالي
مكانش ليا
فيها غير
نورك ونيس
ليه ما جتشي ف المعاد
>>>
.
ايوه لازم أسألك
جميله هالكلمات والاجمل يكمن في معانيها لمن يستشعر عذوبتها.

[marool]

يحيى النادى..موهبتك رقيقة وحساسة..مستنين الجديد

[هايو]

شوفت بقى كان عندى حق ازاى انا من الاول قولت انك بتزاكر على السطوح مش تقولى طاير بس لا والله بجد الله ينور عليك جميلة جدا ولو تسمحلى اقول على جزئين عجبونى جدا

ايوة لازم اسالك
لو تفكر فى اللى بينا قوام
حتنسى كل حسابات الفلك

والنجوم حوالينا تضوى
فوق عيدان الشمعدان

بس دة مايمنعش ان القصيدة كلها عجبتنى تسلم ايدك وربنا يوفقك ياابن خالى

[يحيي النادي]

[quote=ellord]ماشاء الله عليك يا عم يحيى ...ايه الجمال ده كله
بس مش دى النهاية ...لسه ممكن تقول كمان
ولو انها جميلة على كده ...بس عايزين نقول لما نشبع
تسلم[
شكرا يا لورد
على فكره انا حاسس اني قدام ناقد ذو تفكير عالى
اما بالنسبه للقصيده
فهي الصوره اكتملت بمجرد وصولي لهذه النهايه
فقفلتها على كده
يعني زي مابيقولوا كده حسيت اني قلت اللي عاوز اقوله
منور الصفحه يا صاحبي

[يحيي النادي]

[quote=na7Lh]فاتت ليالي
مكانش ليا
فيها غير
نورك ونيس
ليه ما جتشي ف المعاد
>>>
.
ايوه لازم أسألك
جميله هالكلمات والاجمل يكمن في معانيها لمن يستشعر عذوبتها.

أشكرك جدا على ها الكلام الرقيق

[يحيي النادي]

[quote=marool]يحيى النادى..موهبتك رقيقة وحساسة..مستنين الجديد



شكرا يا دوك
باوعدك ان شاء الله باعمال جديده
تكون على نفس المستوى
وأشكرك على كلامك الرقيق


د.يحيي

[يحيي النادي]

[quote=merabaioura]شوفت بقى كان عندى حق ازاى انا من الاول قولت انك بتزاكر على السطوح مش تقولى طاير بس لا والله بجد الله ينور عليك جميلة جدا ولو تسمحلى اقول على جزئين عجبونى جدا

ايوة لازم اسالك
لو تفكر فى اللى بينا قوام
حتنسى كل حسابات الفلك

والنجوم حوالينا تضوى
فوق عيدان الشمعدان

بس دة مايمنعش ان القصيدة كلها عجبتنى تسلم ايدك وربنا يوفقك ياابن خالى

منوره يا بنت عمي
:brb: :brb: :brb: :brb:
انا اكتشفت انك مش بس شاعره
لأ ناقده كمان
انا فعلا بأقعد على سطح العماره
بس مش بذاكر