للمحترفين فقط [الأرشيف]

مشاهدة النسخة كاملة : للمحترفين فقط

ميميسا

11-09-2002, 02:52 AM

[B] يا سادة لو سمحتم ممكن نشتغل بجد ونعمل تصور لتصميم شاشات برنامج يعنى كل واحد شايف نفسة يقدر يقدم حاجة ok يعنى مثلا لو نتصور البرنامج هيكون ازى فا الجرافيك هيكون الاساس بعد كدة يبتدى شغل البرمجة ودى فرصة علشان تدخولوا عالم احتراف وتصميم البرامج :stu:

بستكاني

11-09-2002, 04:24 AM

ان كان عليه فانا ما فهمتش ولا كلمه و الي فهم يترجملي يا اخوانا ..

:D

يمكن نقدر نعمل حاجه ..

السفاح بتاع كرموز

11-09-2002, 04:51 AM

هو ابو الكباتن بيقول ايه ؟؟ :wakooo:
يمكن مثلا العيب مننا يا بستك باشا :stu: :stu: :stu: :stu: :stu: :stu: :stu:
انا شرحة :blush: مش فاهم حاجة
و يجعله فاهم :woot:

بستكاني

11-09-2002, 06:51 AM

طيب نترجمها حته حته ...

يا ساده لو سمحتم ممكن نشتغل بجد :
مش عارف امال احنا بنعمل ايه ؟؟!!

نعمل تصور لتصميم شاشات برنامج :
:lolo:
مش فاهم ولا كلمه
:lolo:

يعني كل واحد شايف نفسه يقدر يقدم حاجه اوك :
برضه
:lolo:
مش فاهم

يعنى مثلا لو نتصور البرنامج هيكون ازى فا الجرافيك هيكون الاساس بعد كدة يبتدى شغل البرمجة ودى فرصة :
خلاص فيه ريحة شياط بتطلع من وداني و انا بحاول افك الشفره بتاعت الكلام ده ..

علشان تدخولوا عالم احتراف وتصميم البرامج :
ما احنا الحمد لله زي الفل و بنصمم و محترفين و بنعمل برامج باي لغه تنقيها ......

بس مال ده و الكلام الي انت قلته ؟؟؟؟؟؟؟؟؟؟؟؟؟؟؟؟؟؟؟؟

الــموهاندس

11-09-2002, 06:59 AM

ياإخوان .أنا زيكم لم أفهم المطلوب .
لكن ناخد فى الإعتبار أن الأخ (أو الأخت) ميميسا له أو لها مشاركتين فقط .
يمكن التعبير عن الرأي جاء بطريفة غير واضحة ......
مدى فهمى أنه (أو أنها) يطلب عمل جماعى لهواة أو محترفى الجرافيك ..........
إذا كان هذا هو القصد .فأنا مع هذا الرأى .....
مع تحياتي .........

بستكاني

11-09-2002, 08:02 AM

طيب يا هندسه هنعمل عمل جماعي في الجرافيك ازاي ؟؟؟!!!!!!

و انت سيد العارفين ان الريشه بترسم لوحدها بايد واحده مش بميت ايد ......

و بعدين حتى لو كان لسه مشارك ..

احنا برضه بنتكلم عربي يا بشمهندس :D

الــموهاندس

11-09-2002, 05:45 PM

<_< <_< <_< <_< <_< <_< <_< <_< <_< <_<

sandee

11-09-2002, 10:35 PM

انا ممكن اشارك بس كيف بضع الصور!!!!!!!

ميميسا

11-10-2002, 02:26 AM

يا خوانى براحة شوية عليا يعنى يا سادة اللى عندة شغل عاملة كويس يفرجنى ونا افرجكوا الشغل بتاعى ونتكلم وبعدين لو السادة اللى بيتكلموا حلوا دول عاملين حاجة حلوة زى كلمهم يفرجونى ونا اللى هلاقية كويس ممكن استعين بية فى تصميم شغل بالاجر واسمة ينزل كمان كمصمم على البرنامج ضمن فريق العمل علشان اوضح اكتر طبيعة الشغل قصدى شغل المحترفين اى برنامج فى العالم لية شاشات خارجية وداخلية وبوتون ( Enterfaic + Butons ) ,;g ,hp) وكل واحد بيكون لية زوق مختلف عن الاخر فى التصميم حاجة زى كدة مثلا

بستكاني

11-10-2002, 03:48 AM

:woot:

انا شامم ريحة فلووووووس :D

طيب ما عندك الناس عامله مواضيع و منزله فيها تصاميم خدلك لفه و نقي الي انت عاوزه :P

و بس :D

ahmedbedour

11-10-2002, 12:11 PM

السلام عليكم

ايه الى بيحصل :o

اخ ميميسا .. بقوللك

انت تقصد الصورة الى بتظهر عقبال ما البرنامج يحمل ... .. اوكى ..

طيب انت عايزها على شكل مسابقة .. حدد مجال البرنامج .. وهتلاقى الناس شعالة
.. وطلاما انت محترف .. :blush:

ممكن نتكلم على الماسنجر .. ahmedbedour@hotmail.com
وان اء الله ربنا هيقدم الى فيه الخير

واعمل موضوع بمسابقة ... وربنا يسهل

ميميسا

11-13-2002, 03:18 AM

[move]اية يا باش مهندسين مردتوش عليا لية ولا الكلام مش عجيبكوا ولا الموضوع كبير عليكوا ومش مستوعبين اليلة عموما هنقول من الاول علشان الناس الحلوة تفهم يعنى اية تصميم جرافيك مش اى حد لعب على اى برنامج وطلع منة Swf او jpj بقة مصمم واحد هيسألنى يا عنى اية يابو الكباتن هقولة عشان يا باش موهندس تتعلم تصميم الجرافيك نبداء من الاول ازا كنت بتستعمل فوتوشوب لان البرنامج دة هو الموضوع مع كام برنامج مساعد لية المهم نبداء بتصميم ملف جديد 800 فى 600 ونعمل لاايار جديد ونصمم مثلا انتر فيس لبرنامج مثلا جامزهيكون فية من فوق بانر swf متحرك مساحتة 800 فى 40 وتحت هاكدا فى باقى المساحة هيكون فيها على الشمال البوتون باسماء الجامز وباقى المساحة تخيل ممكن تعمل فيها اية مثلا نتخيل ان بمجرد ما تقف على البوتون يظهر شرح للعبة دة فى المساحة الفاضية او حسب التخيل بتاعك ونا لو اعرف ازى ادخل صور على الموضوع دة كنت بعت صور معاة بس للاسف مش عارف طريقة ارسال الصور ازى هنا بيظهر ليا رابط مش عارف اعمل بية اية انا عايز اجيب صورة من على الجهاز عندى وخلاص مفيش داعى لشغل البرمجة اللى فى فزلكة

بستكاني

11-13-2002, 03:47 AM

خلاص يا باشا ..
طالما سعادتك فاهم الشغلانه ......

عاملنا قلق في دماغنا ليييييه ..

ما تعملها انتا يا اخي ..

و يجعله رد ناشف :angry:

ahmedbedour

11-13-2002, 04:36 AM

يا اخوانا
بالراحة على الراجل ;)

هو يقصد ان شغل الكروت الى احنا بنعملو دا كلام فارغ ودا شغل عيال وان في حاجة اكبر من كدة ...

اوكى تمام جدا ..

بما انى بعمل في المجال دا قرب السنة اهو ... وبشتغل في مجال التصميم الاعلانى .. بقوللك .. انى ما جاتليش فرصة علشان احتك بالعالم الى انت بتحكى عنو

هو شوية فوتوشوب على الليستريتور على فرى هاند ... على قشريات اميج ردى .. دا الى انا بعمل بيه كلللللللل شغلى .. سواء تصميم عادى .. او تجارى

اما الكلام الى انت بتقول عليه دا .... كلام بالنسبالنا يعنى :blush: :blush: كبير شوية ...
مع احترامى للجميع هنا

فانا بطلب منك حاجتين

1 - انك تشرح لنا العالم الجديد دا ... (( اذا كان هناك مثلا طرق جديدة في التعامل مع واجهات البرامج ...

2 - انك تتواصل معانا على الماسنجر

3 - انك تقدم مواقع تفيدنا في المجال دا

4 - وبعد دا كوللو تقولنا نغير من حياتنا الجيرافيكية ... ونعمل مسابقة في المجال دة

5 - ودا اهم حاجة عاوز اقولهالك ..
ان تصميم واجهات البرامج دى يعتبر مجال من 1000 مجال في التصميم وان في مجالات كتيرة ... غير انو من ناحية تانية مش مهضوم في عالمنا العربى - التالت - غير كمان انك هتلاقى ناس كتير مستصعبين الامر

ارجو انى اكون وضحت الامور

وخلى بالك ... كتير منا ... ( المصممين ) ..:: بيميلو للبرامج ثنائية الابعاد والثابتة ::..

لان دا الى بيكون له سوق في التعامل التجارى ...

:::::::::::::::::::::::: ونتكلم بصراحة :::::::::::::::::::::::::::
برامج الانيميشن ... يادوبك بنعمل بيها حاجات بيسيطة بنطعم بيها شغلنا

ومستنيين منك الدروس

والنصائح

والسلام ختام :rolleyes:

ramyshubra

11-13-2002, 04:52 AM

الموضوع حلو
بتهيألى قصدك حاجه زى كده
http://www.arab3.com/images6/72805136.jpg

ahmedbedour

11-13-2002, 04:48 PM

اوعه يكون قصدك الانتر فيس .... :o

هيجيلى شلل رباعى لو انت تقصد الانتر فيس

:wacko: :wacko: :wacko: :wacko:

وداااااااااااخل فينا شمال ... علشان الانترفيس ؟؟

:stu:

ميميسا

11-14-2002, 04:05 AM

يا شباب اهلا بيكم هنعمل شغل مع بعض ان شاء اللة على الاقل هنستفاد من بعض حجات جديدة المهم الاخ رامى شبرا اهلا بيك هو الموضوع اللى انت بعتة جميل بس فى حاجة يعنى الموضوع اللى بنتكلم فية ممكن نقرب مثلا لية على سبيل المثال برنامج الميديا بلاير شوفوا التصميم بتاعة عامل ازى حاجة رائعة ممكن نتكلم فى التكنيك بتاعة اتعمل ازى او لما نحب نعمل حاجة زى كدة نعملها ازى لان كل حاجة بتتصمم لوحدها زى البوتون نلاحظ فيها ان البوتون فيها up و move و down يعنى لما تجيب الماوس على البوتن تلاحظ انة لونة اتغير ولما تضغط علية تلاحظ انة اتغير لحاجة تانية الموضوع دة تصميم يعنى بتصمم ال up فى file و moveفى file وهكدا وبعد كدة بياخد التصميم دة البرجرامر يبتدى يدية امر لما يقف على up يجيب الصورة دة وهكدا فى استيعاب لو حد عايزنى اوضح تانى ممكن

بستكاني

11-14-2002, 05:18 AM

يعني كل الدوشه دي على فشوش ....

:angry:

انا من بدايت الكلام و انا متأكد انك من الي بيقولوا الغاز عشان يطلعوا فاهمين ..

يا بابا حكايت الهفر بوتون و الكلام الي انت قلته كله لله الحمد و المنه بنعمله من سنين ..

بس معليش ..

خيرها في غيرها ..

و يجعله كلام فشنك ..

:angry:

ميميسا

11-15-2002, 03:32 AM

طيب يا اخى لما انت فاهم وحلو كدة ماتورينا شغلك اللى عاملة من سنين ولا قولنا على البرامج اللى انتى مصممها وفى السوق عشان نشتريها ونا ممكن اقولك على البرامج اللى مصممها واشتريها بس كدا مصروفك مش هيكفى وتضطر تحوش سنة عشان تعرف تشتريها عموما لو ليكى مزاج تكمل معانا بشياكة كمل لو هتتنطط اتنطط بعيد عننا

ميميسا

11-16-2002, 04:19 AM

http://sunsite.sut.ac.jp/multimed/pics/feline/JoyCats-01.jpg اية انتو فين

بستكاني

11-16-2002, 04:45 AM

هههههه ...

و الله ضحكتني من قلبي بامانه ..
اقولك على انا بستخدمه او مصممه ..

أ ...

ههههه

مش محتاج اقول ...
و مصروفي مش عايز اقولك بيعمل ايه ..
بجيب بيه بستليه و سوداني و شوية عسليه عشان خوخه و نمنم ..

سيبنالكم البرمجه و التصميم يا شياكه ..

و معليش اتنطط زي ما انت بتقول في الحته الي تريحني ..
و بعدين يا عم المبرمج ..

خد كورس لغه عربيه ..
ضروري جدا ..
و ركزززز على الكتابه المفهومه ..

و سلملي على البرمجه ..

:lolo:

السفاح بتاع كرموز

11-16-2002, 05:45 AM

الظاهر ان انا مش مالي عينكم
مش واخدين بالكو مني؟ -_-
انا الحمد لله افضل مبرمج في العماره بتاعتنا
و بعدين انا زعلان منكو جدا
و متتخانقوش تاني
علي فكره يا ميسيا ( بستكاني ده من افضل عشره مصممين علي مستوي البلد اللي هو عايش فيها)
بس هو في قمه التواضع
و بعدين انا اسف لو قلتلك ( عيب لما تقول بيتنطط و مصروف و بتاع )
انت متعرفش سنه اد ايه
مش ممكن يكون ده في سن والدك مثلا و لا ان غلطان؟؟؟؟؟؟
ممكن تبوسو بعض؟؟؟؟؟؟؟؟
اسف علي التطويل بس المرؤه خدتني
و يجعله متأسف و يبوسو بعض :wub: :wub: :lolo: :lolo: :h2:

Abu_Ali

11-16-2002, 06:43 AM

فعلا ياجماعة إحنا خرجنا عن الموضوع خالص أنا كل مرة أخش فيها ويكون فى كتابة جديدة فى الموضوع ده أتوقع إنى ألاقى حاجة جديدة فى الموضوع المهم ده لكنى بلاقى اتنين بيتخانقوا مع بعض.
على أى حال إحنا إتعرفنا ببعض بما فيه الكفاية وحان وقت العمل والميه تكدب الغطاس
والله اللى عنده تطوير للتصميم بجد يدينا أفكارة واللى بيعرف يصمم بجد يورينا شغله، وعلى فكرة إحنا كلنا متشوقين للأفكار الجديدة دى وفى إنتظار مواضيع جديدة.

ramyshubra

11-16-2002, 09:19 AM

ياجماعه
العمليه مش طالبه تريقه ولعب
الراجع عاوزنا نطلع مواهبنا وتفكيرنا فى حاجات اكبر من كده
بس خلى بالك يا أخ ميميسا كويس اوى
الناس هنا معظمها بدئو فى الجرافيك من زمان
يعنى بيعملو شغل والى بيظهر لينا هنا مجرد ...مجرد لوحات
يعنى الواحد منهم مممكن يصمم شغل كويس
بس انا هاقولك على حاجه لوجه الله
استحاله ....استحاله واحد يقعد على الكمبيوتر ويعمل شغل
نهايته فرجه فى هريدى ولا فرجه لاصحابه :wakooo:
لازه نهايته فلوس :ph34r:
انا باتكلم عن مثلاعن شغل كبير و عمل برنامج زى الى فى بالك
والا لو ناوى الواحد هايعمل شغل وفيه كل حاجه شغاله
بس التصميم فى اللمون :wakooo:
يعنى هاتكون فيه حاجه غلط :sniff:
المهم
بالراحه على الناس والناس بالراحه على بعضيها :D :D :D
احنا فى رمضان :)
ولا علشان احنا مش من بنعرف بعض الا من خلال التوقيعات والردود
بس قلوبنا واحده :P :P :P :h2: :h2: :h2: :h2: :h2: :h2:
قلب كتكوت :h2:

بستكاني

11-16-2002, 02:49 PM

طيب يا جدعان ..

انا على استعداد اني ابدأ انزل برامج صغيره مصممه خصوصا لهردي و احط فيها جميع امكانياتي و خبرتي ..
بس ..
الاستاذ ميميسا ينزل نفس البرنامج بنفس الامكانيات و يشترط انه يكون موجه لرواد الموقع او زباين القهوه ...

و خلينا نبدأ بالفتات ..
و نطلع للكبير ..

ايه رايكم ؟؟
;)

ميميسا

11-17-2002, 03:22 AM

انا يا جماعة معنديش مشكلة والموضوع اللى احنا بنتكلم فية للمحترفين يعنى لو ما اتكلمناش فى حاجة مفيدة نستفاد منها كلنا يبقى احنا بنضيع وقت بعدين الاخ بستكاني
مع احترامى لية ولسنة ادا كان كبير او صغير هو اللى داخل فيا شمال من اول ما اتكلمنا وعموما يا جماعة الغرض من الموضوع ان احنا نبتكر شغل جديد ونعمل شغل خارجى ننشرة وعموما انا قابلت اتفاقك ونعمل برامج صغيرة جايز دة ان شاء اللة نخرج منة ببرنامج بمشروع كبير

بستكاني

11-17-2002, 04:19 AM

جميل ...

الف باء البرمجه ..
برنامج صغنون بانترافيس جذابه يكون فيه دليل تيليفونات شخصي يحوي الخانات التاليه :
*id
*اسم الشخص
*رقم تيليفونه
*عنوانه
*ملاحظات ..
و يدرج من ضمن البرنامج شاعر انه موجه لزباين القهوه او رواد هريدي عموما ..
طبعا يكون عربي ..

و يجعله مبررررمج

:wub:

السفاح بتاع كرموز

11-17-2002, 05:15 AM

انا معاكو يا شباب
و اللي عايز اي مساعده في اي برنامج برمجه يسألني و ميتكسفش
و يجله مبرررمج :lolo: :lolo:

ميميسا

11-20-2002, 02:14 AM

عموما انا موافق بس على فكرة انا مصمم جرافيك بس مش برجرامر يعنى ممكن اصمم والاخ السفاح عندة استعداد للمساعدة فى البرمجة ونا ممكن ابعتلة جرافيك البرنامج وهو يعمل البرمجة او لو اى واحد شايف انة يقدر يساعد يبقة شكرا واديك هيكون عمل جيد جدا .