المساعد الشخصي الرقمي

مشاهدة النسخة كاملة : ملاحظات على القهوه

ramyshubra
10-18-2002, 07:18 PM
السلام عليكم ورحمه الله وبركاته
ياشباب القهوه
يا اصدقاء المنتدى
ياجماعه البهدله الفظيعه الي بتحصل ديه ماتنفعش
فين الاستاذه NOORالمشرفه
يعنى ايه كل ماواحد يلعب شويه فى اى برنامج ويطلع حاجه حلوه يبعتها للبشريه
ويقولهم ايه رايكم.... :?small:
احنا فى القهوه هنا عدد كبير جدا لدرجه ان فى بعض الاحيان الصفحه الرئيسيه
بتاعه الموقع بتظهر بالعافيه . يعنى لو مثلا 50 واحد صممو وبعتو تصميماتهم
هايبقى معرضGallary
ياجماعه احنا عاوزين المنتدى ده يرجع زى زمان :( :(
فين الاسئله الجامده والمعلومات والبرامج والسحر والشعوذه والكراكات والحاجات
الى بتطلع من تحت الارض يعنى.. B)
مش قصدى اقول ان الناس وحشين بس يحاولو مايبعتوش اى حاجه والسلام :tng:
وبالنسبه لرد الناس على بعضيهم ^_^
انا ساعات بلاقى حاجات غريبه فعلا وتصميمات متخلفه عقليا والاقى واحد
يرد ويقول : فعلا تصميم جبار وجيد ...وانت شوف واحكم :wacko:
انا بتكلم على مستوى ( ورشه الكمبيوتر ) و ( جرافيكا ) وبس
انا واحد من الناس الى مش عاجبه الحال وفي غيرى كتير :ph34r: :ph34r: :ph34r: :ph34r:
ده مجرد رأى وماحدش يفهم كلامى غلط :ohmy:
علشان انا مابحبش حد يزعل منى :blush:
شكرا :closeeye:
ولاء نور
10-18-2002, 07:26 PM
Originally posted by ramyshubra@Oct 18 2002, 06:18 PM
احنا فى القهوه هنا عدد كبير جدا لدرجه ان فى بعض الاحيان الصفحه الرئيسيه
بتاعه الموقع بتظهر بالعافيه . يعنى لو مثلا 50 واحد صممو وبعتو تصميماتهم
هايبقى معرضGallary
ياجماعه احنا عاوزين المنتدى ده يرجع زى زمان :( :(
فين الاسئله الجامده والمعلومات والبرامج والسحر والشعوذه والكراكات والحاجات
الى بتطلع من تحت الارض يعنى.. B)
مش قصدى اقول ان الناس وحشين بس يحاولو مايبعتوش اى حاجه والسلام :tng:


صح صحيح والله :rolleyes:
Simple Girl
10-19-2002, 04:34 AM
الحقيقة يا رامي أنا مش معاك :unsure:
المفروض ان القسم ده بيساعد في تنمية مهارات الفرد
يعني ساعات حد يعمل حاجة فيترد عليه لأ خللي اللون ده غامق، استعمل الفوتوشوب أحسن وكده يعني :unsure:
لازم الواحد ياخد آراء غيره وعلى فكرة أنا حاسة ان ركن جرافيكا ده نام خالص لدرجة ان المواضيع بتفضل هي هي ييجي أسبوع من غير رد واحد :(
وأنا الحقيقة من الناس اللي بتحب تعرض حاجاتها حتى لو وحشة عشان أسمع تعليقات غيري وأعرف ايه مدى تحسني في التصميمات :)
وبدل يا سيدي ما انت معترض ادينا موضوع ملهلب جديد :D
ملحوظة:
الاختلاف في الرأي لا يفسد للود قضية :blush:
ramyshubra
10-19-2002, 06:46 AM
كلامك صح ياسمبل بس مش بالطريقه ديه :D
اقولك على حاجه حلوه :unsure:
زورى اى منتدى تانى وادخلى قسم الجرافيك :ya3:
وهاسمع رأيك :ya3:
او اى رأى أخر :ya3:
Simple Girl
10-19-2002, 11:54 AM
عندك حق أنا عارفة بس نعمل ايه ماحدش بيكتب موضوعات جديدة :(
لازم احنا ننعنش الركن ده شوية :)
على فكرة توقيعك اللي قبل قبل ده حلو اللي قبل الأصفر، هو ده حلو قوي بس مش لايق على الـ nickname بتاعك :)
m-salah72
10-20-2002, 04:19 AM
السلام عليكم
والله يا اخ رامي صراحة كلامك مش لذيذ انت بتعتبر ان فيه تصميمات مش حلوه ....وناس بتقول عليها جباره طيب تفتكر وجهة نظرك دي رؤيه سليمه ....
لا طبعا لان الفن ملهوش مقاييس وانت حكمت عليها من وجهة نظرك انت ووجهات النظر تختلف من شخص لاخر .....
ثانيا القسم اسمه جرافيكا يعني الواحد لو عمل تصميم يعمل ايه يوديه فين علشان يستفيد من اراء الاخرين غير في القسم ده والقسم مش معمول علشان الناس البروفشنال تحط فيها تصميماتها بس لا علشان كل الناس محترفين ومبتدئين حتي تعم الفائدة وانت وريتنا كام تصميم عملتهم قبل كده اول ماجيت القهوه ومفيش حد اعترض واستهزأ بتصميماتك وقال زي انت ما قلت.....


نص كلامك اهه...

وبالنسبه لرد الناس على بعضيهم
انا ساعات بلاقى حاجات غريبه فعلا وتصميمات متخلفه عقليا والاقى واحد يرد ويقول : فعلا تصميم جبار وجيد ...وانت شوف واحكم
وصراحة هذا الكلام يفتقد حدود اللياقة في الحديث.......
ramyshubra
10-20-2002, 04:41 AM
بص يا استاذ m-salah72
انا ماقصدش انى اجرح حد بالكلام
وانا باحترم اى حد يعمل تصميم
بس مش اى حاجه فى اى حاجه ويقول عليها تصميم
ربنا يكرم الناس كلها وويبقوفى يوم من الايام محترفين وعمالقه
بس انا راضى ذمتك
شايف اختلاف شاسع بين ترتيب افكار ركن الجرافيكا فى قهوه كتكوت
وترتيب افكار ركن الجرافيكا فى اى منتدى اخر
ولا صحيح
يمكن الناس فى المنتديات التانيه ليهم افكار تانيه
طيب
المهم ماتزعلش من اسلوبى
وعادى اجنا ممكن نقلبها معرض
فل كده علشان بس الحبايب ماتزعلش مننا
اصل انا بطبيعتى حامى شويه
السفاح بتاع كرموز
11-03-2002, 01:35 PM
يعني ايه حامي يا عم الخضري ؟؟؟؟؟؟؟؟؟؟
:lol: :D :woot: :woot: :woot: :woot: :woot: :woot: :woot: :woot: :woot: :woot: :woot:
ramyshubra
11-03-2002, 04:12 PM
حامى يعنى حمىء يعنى ...
انت بتسأل ليه صحيح
المهم انت عامل ايه دلوقتى؟؟ :wub:
السفاح بتاع كرموز
11-05-2002, 01:38 PM
يا جماعه
اعتذار رسمي لرامي شبرا عشان زعل مني عشان قلت خضري
معرفش ليه بس هوه في زي الخضري دلوقتي ؟؟
طب ده ابو سيد الخضري مليونير الحته و معاه بواكي بواكي بواكي
بس خلاص
كل سنة و انتو طيبين و يجعلو عامر :D
ramyshubra
11-05-2002, 03:30 PM
خلاش ياعم اعتشارك وشل
قشطه يالبش حليب ياكوفطه
:wub: :wub: :wub: :wub: :wub: :wub: :D :D :D :D :P :P :P