اتمنى ان الموضوع يكون كويس و يعجبكم

[LoverMan]

:cool: السلام عليكم و رحمة الله و بر كاتة :cool:
الاوة الاعزاء و فريق هريدي دوت كوم بعد التحية طبعا اتمنى ان الموضوع اللى اقترحة يعجبكم و اتمنى ان يتم مناقشتة من خلال المنتدى الجميل دة
الوضوع هو حال الاقتصاد المصرى و اية هى اهم الخطط و المشاريع اللى ممكن تنجح فى الوقت الحالى فى مصر هنا و شكرا

[هريدي يابووووي]

والله الحقيقة يا لافر يا خويا.. الواحد قلبه موجوع من اللى بيحصل فى البلد جدا..
الوضع عمال يزداد من سئ الى اسوأ.. جايز اهل المدن الكبيرة زى القاهرة و اسكندرية مايحسوش بيه .. لكن الوضع باين جدا من زماااان فى مدن زى دمياط و بورسعيد.. لأنها قائمة اساسا على التجارة الحرة.. المدن دى بقى حالها يحزن فعلا.. محلات كتير قفلت.. و ناس كتير فلست..و حاجة مايعلم بيها الا ربنا..
بصراحة..
انا هاقول كلمة الحق.. بس امانة عليكوا يا شباب.. تستنونى بعيش و حلاوة لما ارجع مصر فى المطار :D
الحقيقة المستفيد الوحيد فى الوضع ده هو انا :cool: بتسألوا ازاى طبعا..
اقولكم:).. زمان كان الجنيه = 1 ريال سعودى.. دلوقت.. 1000 ريال سعودى = حوالى1500 جنيه .. و الوضع فى تحسن :) و ربنا يستر
الوضع المتردى فى مصر من فساد القيادات الخ الخ الخ.. لن يصلحه الا ثورة كثورة يوليو.. و الله اعلم..

:cool:كبسولة:
اللهم ان لم يكن بك غضب على فلا ابالى

[seemo]

انا شامم ريحة سياسة في الموضوع ده ...:wako:

[seemo]

بصراحة الحال مايل....رغم كل التاكيدات ان الاقتصاد المصري بيرتفع...والحل انه نمنع نستورد الحاجت الهايفة اللي بتملا البلد...يا لهوي....حد يستورد فوانيس رمضان من بره ....حد يستورد اقلام رصاص...والله حرام....لو الحاجت دي اتمنع استيرادها هتبقى البلد فله...وبعدين نستورد الحاجات المهمة...اللي مش عندنا منها كتير.....

هو اكيد هيكون قرار صعب ....بس لازم ناخد الخطوة دي...

بس السياحة ما شاء الله...مهتميين بيها...ودي الحاجة الوحيدة اللي تفرح في اقتصادنا....:wink:

[هريدي يابووووي]

يا راجل حرام عليك انت كمان.. سياحة ايه.. ماهى هى دى اللى ودتنا فى داهية.. لما يكون اقتصاد البلد قائم على ان الشعب يرفع قرونه للأجنبى اللى جاى هو و الجيرل فريند والا البوي فريند بتاعه!! متوقع ربنا يستر ع البلد؟؟ اقتصاد قائم على الدعارة لايمكن ينصلح حاله ابدا

[شمشون]

يكفى ان نقول لنا الله ...
الكبير كبير والى زينا ؟؟؟؟؟؟؟؟؟؟؟؟؟؟؟؟؟؟ له ربنا احسن من اى حاجة..
:waa:

[الأوسطه عوضين]

[color=orange:f136e4b1d8]سلامو عليكو ..

معلهش يا حاج هريدي, ومعلهش يا حضرات. أنا عندي وجهة نظر يمكن تكون مختلفة حبتين.. بس هيا يعني كده لامو آغزه يعني كده خاصه بيه حبتين.

أنا على ما بسمع بالراديو بتاعي إنو الودع الاقتصادي بيتدهور في العالم كله.. سيبوكو من مصر دي الوأتِ .. لحسن عندي كلام كتير عن سيَدت الريّس .. بس لو جينا كده وشفنا (المسببات) حنلائيها حاجات كده مش بإيدنا ولا بإيد أي واحد قاعد في القهوه بتعتنا (قهوة كتكوت). يعني مسلاً كده لو جينا لتأسير حرب الخليج في الإئتصاد العربي ككل, وتأسير أحداس 11 سبتمبر, والأزمات المتكررة إللي بتمر بيها حبيبتنا مصر .. يعني كده والنبي إنو كل إللي بيحصل مش بإيد حد .. والسوره بـ الحاله ديه مابتنفعش أبداً .. ولا حتى المظهرات (أنا مره إبني توفيق إللي في مصر بيدرس ليسانس آداب إشترك في مظاهره - مبلاش أؤول سببها - فحرمتو مل مصروف يجي ست شهور) .. ولا حتى عياط البنات أقدام الأصر الجمهوري.

أيوه .. أنا كده .. ما بخفش م سياسه, ومحدش لو حاجه عندي .. إبن خالت مرات جوز أمي, إبن عمّت صديؤو بيشتغل في الإسم, وبياخد مهيّه أد الدنيا.

معلش .. لحسن أنا بؤي مش حيتإفل .. خليني أؤوم أحسن. وألف شكر يا حاج هريدي عل شاي.[/color:f136e4b1d8]

[هريدي يابووووي]

يا سيدى شكرا على التعليق.. بس انا احب اقول تشخيصى لحالتك الأول:)
و بدون زعل.. انا ملاحظ ان سياستك "الثغ" فى حروف ض،ق،ث.. و الحقيقة دى حالة نادرة ماشفتهاش قبل كده خالص:) .. ممكن دكتور امراض تخاطب يقدر يساعدك فى الموضوع ده:)
ثانيا بالنسبة لتدهور الحالة الإقتصادية فى العالم فواضح انها لعب على كبير.. خصوصا لما نعرف ان نسبة كبيرة من الحيتان و رؤوس الأموال فى العالم دلوقت من ابناء القردة و الخنازير.. تيمون و بومبا يعنى.. و الحدق يفهم:).. انا ماقلتش حاجة :)

كبسولة:
صديك.. انا مافى معلوم.. مافى مسموع.. مافى مكلوم !!!

[Tweety]

بصراحه الموضوع حلو ومهم :) بس المشكلة انه هيجيب احباط ؛ لأن مهما حاولنا نتكلم هنلاقي ما فيش فايده ؛ يعني ممكن نشخص أسباب الحالة و ممكن كمان نعرف طرق علاجها ؛ بس المحبط جدا جدا جدا:zz: ان العلاج مش بايدينا و لكن بايد أولي الأمر ؛ و طبعا هم مش مستنيين ان احنا نيجي نقولهم ايه اللي المفروض يتعمل و لا مستنيين الحلول بتاعتنا ؛ لأن في ناس كتير أوي اتكلمت في الموضوع ده و كانوا متخصصين و قالوا ايه المفروض انه يتعمل بالضبط بس للأسف ما فيش فايده و مافيش حد عمل حاجه ؛ و تم التعتيم على كل المحاولات الجاده للآصلاح ؛ و يبقى الوضع على ما هو عليه :waa:

[مهند باشا]

والله أنا متفائل ، وكمان 5 شهور والا حاجة اتوقع الوضع هيرجع زي ما كان إن شاء الله ، شوفوا .. من زمان كنا بنقول الحال وحش ومتضايقين ، الوقت يبنتمنى نرجع له ، كل ده حصل عشان مكنش فيه رضا ومفيش شكر لربنا .

وبعدين اللي حصل مش بإيدينا يا جماعة .. ده حاجة في أمريكا اثرت علينا وعلى كل الدول العربية .. شوفوا الوقتي اليمن !! حصل فيها أكتر مننا هي والأردن .. يعني مش احنا لوحدنا بس

[mito]

:waa: :cool:
كان البلد متنعنشة عالآخر وكان الاحتياطى من الدولار 36 مليار...
دلوقتى احنا مش لاقيين ناكل عشان عندنا وزير اقتصاد حمار ، أو لامؤاخذة وزير تجارة خارجية، مبيفهمش حاجة فى الاتنين...
الأول قالوا ان الانتاج لايليق بالسوق المصرى عشان كده كله بيشترى الأجنبى ،
فراحوا عاملين خطة عشان ينتجوا ويححقوا الاكتفاء الذاتى عشان منستوردش و من غير تصدير ،
فالبلد ما باقاش فيها عملة صعبة،
وبعدين دلوقتى قرروا ان هما لازم يرتفعوا بجودة المنتج المصرى عشان ينافس المستورد وعشان ندخل عملة صعبة ....

مصر طول عمرها هتفضل بخير واحنا اللى فى الآخر مش هنلاقى ناكل وأخرتنا قرض من كام بنك محترم وعلى برة عدل...
والله الموفق..

[مهند باشا]

بلاش تشاؤم يا جماعة
مصر طول عمرها كده وبتقوم تاني
احنا بس فاكرين ان الاقتصاد خلاص مات ومعتدش راجع لأننا ماشفناش الحاجات دي من زمان .
الاقتصاد من ايام جمال عبد الناصر كان في الحضيض .. وخسرنا 67 ، يعني مكنش اوحش من كده .. ورغم كده انتصرنا في 73 وبدأ الاقتصاد يقوم من تاني

اللي قوّم الاقتصاد بعد 73 يقدر يقوّمه الوقتي .. وبفكركم تاني .. مش احنا بس اللي كده ، اليمن والاردن وسوريا .. غير طبعا اللي اقتصادهم تاعبان من زمان زي السودان وليبيا

مصر بخير إن شاء الله دايماً .. ماتخافوش :)

[Tweety]

أهم حاجه يا مهند انك متفائل :) ؛ دي أهم حاجه :rol:
بس المشكله انهم دايما بيقولو بالنسبه للآقصاد في البلد ان الجيل الحالي لازم يتعب و يستحمل عشان الجيل اللي بعده ؛ و الكلام ده من أكتر من 30 سنه و الأجيال كلها تعبانه ؛ و الشباب مش لاقي شغل ؛ لدرجة ان بعضهم بقى يطلب على صفحات الجرايد عروسه و عندها شقة و تقدر تصرف على البيت و هو ممكن يكون زوج مخلص فقط ؛ تصوررر!!!!!!!!
و في ناس تانيين اتكسفت و فاتهم قطر الجواز عشان مش هيقدروا يفتحوا بيت و مش عايزين يعيشوا عالة على زوجاتهم ؛ و بنات كتير عنست ؛ و الانحلال زاد و كل حاجه اتلخبطت ؛ بس انشاءالله كل حاجه هتبقى كويسه :happiii:
خلونا نحلم :zz: عشان نقدر نعيش :happiii:

[مهند باشا]

الكلام اللي بتقوليه ده في كل حتة
الشباب مش لاقيه شغل و الانحطاط كتر والبطالة بتزيد والعنوسة زادت والحال مايل ووووو

وبعدين لو جينا نشوف مين اللي مش بيشتغل .. نلاقي يا إما واحد طالع من الكلية بتقدير مقبول يا إما خريج معهد .. طيب إذا كان هو مقصر في حق نفسه عايز الباقي يقف معاه ازاي !!

[Tweety]

نحن هنا احم احم احم :maaad: :!small: :!big:
مالهم بقى اللي طالعين بتقدير مقبووووول :?big:
دول أحسن ناس :twink: و ولاد ناس بردو و عايزين يلاقوا شغل و بمرتب كبييييييييييير جدا جدا جدا و يكون مريييييييح جدا جدا جدا
طبعا انت عرفتهم يا مهند الناس دول هم مين :inv:
و طبعا انت شايف زييي انهم يستحقوا الشغل اللي بالمواصفات دي
:) و لا انت عندك رأي تاني ؟؟؟؟؟؟؟؟؟؟؟

[مهند باشا]

لأ فعلا لازم يشتغلوا .. مش معقول عشان جابوا مقبول يبقى انتهوا خلاص ، والأرزاق محدش عارفها ويمكن يبقى احسن من اللي جاب امتياز

وعلى فكرة .. أنا زيك برضه بس لسه متخرجتش (ناقصلي سنة) :)

لكن احنا مش أمريكا .. يعني مش اللي هايتخرج هيلاقي شغل ، لكن هيلاقي ضروري لأن القطاع الخاص كتر ، وكمان ممكن الواحد يطوّر نفسه ويشتغل في مجال غير مجال دراسته خالص ، انا عارف واحد خريج زراعة واخد دورات كمبيوتر والوقتي بيشتغل في شركة (مبرمج) وبـ 3000 جنيه !
مش بقولك ارزاق
:f:

[غــفــران]

الموضوع ده يا جماعة اتطرح شهر فبراير اللي فات... يا ترى الوضع ايه دلوقتي بعد سنة تقريبا؟

انا شايفة انه من سيئ لأسوأ... حد له رأي تاني؟ :ph34r:

[فارس الأقصى]

دايمل كده يا غفران تدعبسى و تجيبلنا حاجات مستخبية، و انا ولا خدت بالى من التاريخ و قلت البوس بيرد من الأول دى حاجة غريبة جدا...!!!

المهم، انا هحكيلكم حدوتة صغيرة...

قاعد انا فى امان الله باتكلم مع مامتى و التلفزيون شغال، و فجأة....... :woot:

ترا ترا ترا.............

و المذيعة تظهر و تقول ملخص عن حصاد 2002

"استمرت فى عام 2002 مسيرة الإصلاح السياسى و حققت بجاحا كبيرا لتلحق بمسيرة الإصلاح الإقتصادى و الإجتماعى"

و انا سمعت الكلمتين دول و العفاريت ركبتنى و قعدت اسأل هما عايزين يضحكوا على مين :argue: :argue:

و بعد كدة كبرت دماغى :woot:

:huh: :huh: :huh:

[abobakr]

انتوا قلقانين من ايه يا جماعة الكساد الاقتصادي كان سببه ان الحكومة مش عارفة سببه راحت عاملة لجنة للدراسة قالت ان السبب الجماعة اللي هربوا بحوالي 6(مريار) بره مصر طلع عاطف عبيد و قال ان المبلغ بسيط :blink: و مش هوة ده السبب رجعوا تاني قالوا الاستيراد بر ضه قالوا مش معقول (دا يادوب شوية خمرة بستة مليون متهربين عند الحاج حسام و يدفع جماركهم و ما يبقاش عليه اثم) المهم , بعد البحث و التمحيص واستيراد الخبراء الامريكان هما اللي جابوا التايهة و طلعوا علينا ان المصريين بيصرفوا على الحج و العمرة لوحدهم حوالي ملياااااااااار جنيه كل سنة :mellow: وان اللي تحتاجه الحكومة يحرم على الجامع و ان العمرة و الحج اكتر من مرة بدعة!!! و الافضل انه يتبرع بالفلوس بتاعة العمرة للبلد اللي ربته (علشان كمان يروح الجنة :holy: )و الحكومة ما كدبتش خبر قالت نخلي العمرة كل خمس سنين زي الحج و نلم الزكاةنديها للامريكان B) B) B) B) و صندوق النقد اللي حللنا مشكلة الاقتصاد lolly lolly .