المشروع الاسلامى للدولة

[eldoctor]

عندى تساؤل ...
بالرغم من التيارات الاسلامية الكثيرة ...و النشاط الرائع للمفكرين الاسلاميين فى العالم العربى و الاسلامى ...
لم يقدم احدهم ..فرد او جماعة مشروع متكامل للدولة الاسلامية ..؟
قبل ا الناس تسخن و تبتدى ترد .. اقروا الكلام للاخر ..
عندما تريد تسويق فكر معين .. او طرح بديل لشىء موجود .. يجب ان يكون البديل حاهز بالرد على كل الاسئلة ..
انا لا اناقش الاسلام كدين ..خدوا بالكم .. انا اناقش الطرح نفسه .. بمعنى .. عندما اقول ان القران دستور حياة .. نعم .. فهو يحدد المنهج ..اما التفاصيل فتترك عامة ..و اذا دخلت فى نقاش مع اى علمانى تقوله العودة للاسلام هى الحل ..
اللى انا عايزه ان الكلام يكون محدد ..يعنى مثلا ..التعليم ..يكون كذا سنة .. و يكون المناهج فيها كذا وكذا ..و الفصل بين الجنسين فى الدراسة..
و متعملوش زى الدستور اللى اول كلمة فيه ..الاسلام المصدر الاساسى للشريعة الاسلامية .. و تفلى الدستور .. تلاقى اللى يطبق من الشريعة ..احكام الزواج و احكام المواريث ... بس
و النقطة دى غريبة ان محدش اتعرض لها ..
يعنى لازم الناس اللى لها فكر فى البلد ..لازم يطرحوا االبديل .. مش كفاية ان اقول ان ده غلط و مخالف لازم اقدم البديل جاهز .. و بالردود على كل حاجة..
المحاولات القليلة اللى شفتها .. واحدة كانت للدكتور احمد كمال ابو المجد .. و منشورة فى كتاب .. نحو رؤية اسلامية معاصرة .. لكنها اهتمت بالخطوط العامة ..
من غير ما تدخل فى التفاصيل ..
ده الاحزاب العلمانية بيبقى عندها خطط بديلة لخطط الحكومة..و هى فى المعارضة
و فيه مواضيع كتيرة عايزة تبقى واضحة للناس و لنا اقصد الاجانب كمان .. لانك لازم تحط للاجنبى صورة كاملة عن اللى انت بتقوله عليه ..
برضه ارجع تانى و اقول .. ان الوضع مش زى ايام الرسول و الصحابة .. الوضع اللى احنا فيه معقد .. لكثرة الشبهات و الفتن ..و التشكيك من الكفرة و الملحدين من اى حاجة اسمها اسلام...
انا قريت موقع عربى اسمه الخلافة .. موقع كبير جدا انما باللاغم من كتر الكلام .. لم يطرح البدائل فى صورة ...1 2 3؟؟؟
و لا بنفع ما صنعه طالبان فى افغانستان .. الكلام كان صح .. بس التطبيق فشل ...و ده الواقع ...
عايز اسمع راى الناس .. و قبل الرد السريع .. اقروا و افهموا انا عايز اقول ايه

مش عارفه بس بيتهيالي انه من فتره كانت ظهرت تيارات في مصر


تعتبر تيارات اسلاميه وسط بين التيارات الاخرى


و اكيد الناس دي عارفه الكلام ده و جاهزه اكيد بالخطط البديله اللي تساعد


على بناء مجتمع يناسب العصر و الظروف الراهنه اللي الامه بتمر بيها



والا متاخزنيش يبقوا بيهرجوا لو ده مش في منهجهم و خططهم.......

[afrecanoooo]

بالففعل توجد في مصر تيارات كتيره بس للاسف الحكومه بتاعتنا علمانيه مش اسلاميه عشان كده ننسى اننا نلاقي تيار اسلامى صحيح ميه الميه وسايبينه

[كرمـي]

أنا بعتقد إنو في مرحلة من المراحل.....إذا كان التيار الإسلامي بحاول ينشر آراءه عن كيفية العيش ضمن نظام إسلامي متكامل.....اتهموه إنو بيسعى نحو قلب نظام الحكم في الدولة......و هادا الشي كان أكتر من كافي بالنسبة إلهم إنهم يكتفوا بمحاولة إبراز رأيهم بطريقة تضمن إلهم إنهم يقدروا يحكوا من غير ما يتعرضوا لمضايقات.....بس أنا متأكد إنو المفروض تكون الدعاية الإعلامية للحركات الإسلامية متواجدة في أي مجتمع حتى يقدروا يوصلوا الأفكار تاعتهم بشكل واضح

[new_memo]

رجاء الرجوع للموقع التالى:
http://www.hizb-ut-tahrir.org/arabic/kotobmtb/htm/15dost.htm

[eldoctor]

الموقع اللى الاخ نيو ميمو حطه .. فيه بداية .. صحيح ان حزب التحرير ممنوع فى مصر .. و شكلك حتخلى مباحث امن الدولة تلمنا .. بس برضه المشروع اللى همه حطينه .. (فى رايى مش سليم ) لانه اهمل واقع .. .. و للاسف واقع مر .. بمعنى انت لا يمكنك الاستغناء تماما عن الغرب ... و اعتبار امريكاو انجاترا اعداء .. علنا .. دانت كده بتقولهم .. اضربوا فينا ولا العراق و افغانستان .... انا مش بقول نبقى تبعهم 100% .. بس السياسة هى فن الممكن و المباح...
طبعا انا لى اعتراضات كثيرة على المشروع اللى همه حاطينه .. لانه برضه اهمل نقط كتيرة جدا ..
مش عايز ادخل فى تفاصيل .. و لكن لو حد عايز يناقش .. اهلا و سهلا .. نمسك نقطة نقطة و نناقش....انا جاهز ..
لكن هى بداية كويسة .. بس ابعدوا مباحث امن الدولة من هنا...
اللى انا عايز اقوله كمان ان مش علشان بتقدم مشروع للدولة معناه انك عايز تحكم .. لآ .. انت بتقدم فكرة .. قابلة للمناقشة .. و مع الوقت و البدائل .. تتبلور للاحسن .. و يمكن .. ربنا يهدى بيها مسئول .. و لو فكرة واحدة اتطبقت .. بالصبر .. ممكن الكل يتحقق واحدة واحدة

[eldoctor]

عايز اسمع رأى الناس كلها

[ابو حمزه]

السلام عليكم

موضوع اكثر من رائع ويحتاج مواقع وليس منتدى فقط

لكن من يتابع كتابات التيار الاسلامى يجد ان هذا الموضوع قد بحث بشكل جيد

فقد تم تفصيل الجزء السياسي لعدد من الكتاب منهم عبد الكريم زيدان وتكلم عن نظام الحكم الاسلامى ومجلس الشورى و شروط الخليفة ومالى ذلك من نواحى عديدة كما ناقشها دكتور بكلية الاقتصاد والعلوم السياسية جامعة القاهرة يدعى ****** القويصى مش فاكر الاسم الاول فى رسالة ماجستير عن نظام الحكم بالتفصيل الممل .

بالنسبة للجزء الاقتصادى كان ابرز من كتب فى هذا المجال الدكتور عبد الحميد الغزالي وهو استاذ الاقتصاد الاسلامى ايضا بكلية الاقتصاد والعلوم السياسية وكذلك الدكتور حسين شحاته استاذ المحاسبة بالازهر والعديد والعديد من المختصين فى مجال الاقتصاد الاسلامى .


بالنسبة للجزء التربوي ونظام التربية فقد كتب عنها موسوعة كاملة تسمى موسوعى سفير التربوية لعدد كبير من اساتذة كليات التربية بجامعات مصر بخلاف عدد من الكتب الاخري لا اتذكر اسمائها الان .
ويذكر كمثال لنجاح التيار الاسلامى فى المجال التربوي من الناحية العملية نجاح المدارس التى يشرف عليها بمصر


يتبقى الجزء الاجتماعى ولا يحضرنى الان كتابات معينة

واثناء الانتخابات توزع برامج للتيار الاسلامى توضح بشكل عام ما تشير الية كلمة الاسلام هو الحل و من يريد المزيد علية الرجوع الى الكتابات وهو موجودة فى المكتبات .

[ابو عمر]

يا جماعه و الاخوان المسلمين راحو فين
الاخوان لهم تصور كامل للدوله الاسلاميه فى الاقتصاد و السياسه و حتى الاعلام
و اقروكتب مثل :
1) العداله الاجتماعيه فى الاسلام للشيخ سيد قطب
2)المجتمع المسلم الذى ننشده د . يوسف القرضاوى
و غيرها كثير و لكن لا يحضرنى

[eldoctor]

عندما تعرض موضوع .. يجب ان تكزن كل الخطوات واضحة .. للاسف كل الكتب التى تحدثتم عنها بالرغم من انها رائعة كاطار عام .. الا ان النقاط الصغيرة و التفاصيل غير مدرجة .. و ده المفروض انه يبقى جاهز .. و كل واحد يقول و لو نقطة صغيرة .. ..بحيث اذا طلبت تنفيذ المشروع يبقى التطبيق فورى .. و زى ماقلت لو واحد من المسئولين اخد و لو نقطة .. تبقى بداية و فاتحة خير ...
بالنسبة للتيار الاسلامى فى الانتخابات .. لم يقدم الا خطوط عريضة .. انا اللى اقصده انك لما بتوصل التفاصيل الصغيرة للناس .. بتحاور عقلهم .. و تدخله الى دائرة الاقتناع ..

[sshy]

[color=darkred:7e438456d2]السلام عليكم[/color:7e438456d2] لا تحيدوا عن اثنان فيهما الخير كلة......كتاب اللة و سنة رسولة منهج الكتاب و السنة و هو لا يحتاج لتفكير او تعديل :!big: :!big: :!big:

بسم اللة الرحمن الرحيم اخوتي في اللة اري انة ليس هناك داعي ان يضع احد منهجا او دستورا فأن الكتاب و السنة فيهما الكفاية و اكثر و ايضا اتباع الصحابة و السلف الصالح في كل ما فعلوة و لا اعتقد ان لبيب عاقل يفشل في ان يفهم المنهج الرباني الموضوع لنا و الذي هو باتباع الكتاب و السنة بفهم الصحابة و السلف الصالح و هو مفهوم اهل السنة و الجماعة و هي ليست جماعة طبعا بالمفهوم المتعارف علية في اذهان المصريين و لكن هو اسلوب معروف ليس لة منهج معين او هدف دنيوي الا ان نعيش حياتنا كما قلت بان نرجع في كل امور حياتنا الي الكتاب اي القرأن او لمزيد من التفصيل في بعض الامور في السنة و ان لم نجد تفسير في السنة كافي في نقطة محددة فعندنا فهم الصحابة و السلف الصالح لانهم هم الذين عاصروا الوحي و نزول القرأن فهم ادري منا و حتي من شيوخ اليوم و لا ينكر ذلك احد و كيف ينكر اذ قال اللة تبارك و تعالي فيهم كنتم خير امة اخرجت للناس فهم اذن اول نموذج و قدوة و نبراس لنا جميعا فقد قدموا للاسلام الكثير و عانوا ما لا يحتملة احد منا من اجل الحفاظ علي القرأن و السنة و الحفاظ علي هذا الدين فاللهم اجمعنا معهم في الجنة و جازهم عنا و عن الاسلام خيرا ارجو ان تكونوا قد فهمتم ما اقصد و اكرر للتوضيح ان اهل السنة ليسوا جماعة لها فكر او مخطط او هدف سياسي او اقتصادي او غيرة كالمفهوم المصري الغريب و انما ما يميزهم شي واحد انهم يضعون الصحابة و السلف مثل اعلي لهم و يعنون بفهمهم للقرأن و الاحاديث لانهم خير امة من يوم ادم الي يوم القيامة فهم بلا شك احق بالاتباع من اي من الذين جأوا بعدهم.ارجو ان اسمع تعليقاتكم و لا تنسوا الدعاء لاخواننا المسلمين في فلسطين بأن ينصرهم اللة و يثبتهم و ان يحفظ المسجد الاقصي من نجاسة اليهود المغضوب عليهم كما قال اللة فيهم في الفاتحة.بلرك اللة فيكم و في شباب المسلمين فانتم من خيرة شباب الامة و انا سعيدة بانضمامي معكم كعضوة جديدة هنا و معلش كلامي كلة جد المرة دي بس ان شاء اللة المرة الجاية يبقي حاجة كدة روشة.المهمتحياتي للجميع و السلام عليكم و رحمة اللة و بركاتة.

[زلابيا]

اتفق مع الدكتور فى نقطة ان الاحزاب الاسلاميه و غيرها من الاخزاب عموما فى مصر دائما ما تضع تصورا عاما لما سوف تلتزم به من افكار و مبادئ ولا تعنى ابدا بوضع تصور عملى للحكم بحيث لو انها صحيت من النوم بكره ووجدت انها منحت حكم مصر لن تجد ما تفعله و هتلوص !! سبحان الله اشعر انهم عندما يتكاسلون عن وضع مثل هذا البرنامج المفصل انما لانهم واثقون انهم لن يصلوا للحكم ابدا فيكتفوا بالاحلام الواسعه الفضفاضه

المشكله الاخرى انهم يعملون بمبدا قدم السبت بس المطالب بتقديم السيت هو الشعب .. يعنى ايه؟ يعنى لم اجد لاى حزب اسلامى او غيره نشاط ملموس فى خدمة الوطن و الشعب بما يحفز اى شخص للتعرف على هذا الحزب او تشجيعه .. لسان حالهم يقول نوصل للحكم الاول و بعدين نوريكم كراماتنا بينما العكس هو الذى ينبغى ان يكون صحيحا اى تفعل ما يجعلنى كمواطن اتمسك بك و ارشحك انما لو الكلام كله شعارات و احلام يبقى من يحلم بكلمات براقه اكثر هو الذى يستحق الفوز .. وللاسف لم يفعل اى حزب من الاحزاب اى شئ و كلهم يلهثون خلف الحكم و الحكم فقط .. هل فعلوا اى شئ مثلا لمحو امية ابناء دوائهم الانتخابيه؟ لنظافة الاحياء الفقيره حولهم؟ لا اعتقد :(

[ابو حمزه]

السلام عليكم


لقد تم حذف مشاركتين فى هذا الموضوع

مشاركة رديت فيها على الدكتور بخصوص التفاصيل

والاخري ايد فيها الحاج محمد ما رديت به على الدكتور

فلعل المانع خير ان شاء الله


ارجو فى حالة حذف اي مشاركة التفضل وذكر سبب الحذف فى العام او رساله خاصة

[eldoctor]

انا لم احذف اى ردود من الموضوع .. لانى متهم من كل الناس انى بحذف ردود و مواضيع .. مش معقول احذف ردود من الموضوع بتاعى و انا مستنى ردود الناس ...
ارجو من الناضورجى اللى حذف الردود .. ابلاغى برسالة شخصية

[eldoctor]

اقروا هنا .. وانتوا تعرفوا السببhttp://www.haridy.com/katkoot/showthread.php?s=&threadid=4879

[eldoctor]

حبيت انشط الموضوع ده ...علشان نفسى نطلع من القهوة .. ببرنامج عمل لكل حاجة ... و يبقى مشاركة فعلية ...
يعنى بالنسبة للشق الطبى ... مثلا نفكر فى اننا نعمل مستشفيات منفصلة للرجال عن النساء .. و نزود مدارس التمريض الرجالى .. يعنى الراجل يمرضه ممرض راجل .. العكس صحيح..
ياريت اسمع افكار منكم

[محمود الأزهري]

دكتــــــــــــــــــــتتور..
الموضوع جاء فى وقته..
وتسلم على تنشيطك يا دوك..
ان شاء الله لى عودة

[Yahya_Ayash]

بص يا دكتور..حضرتك دلوقتي مش بتتكلم عن برنامج سياسي..

انتا عايز تتخيل الدولة الاسلامية هايكون شكلها إيه..ببساطة ما سيكون ممكنا وقتها سيتحقق..

بمعنى..أننا لو أخذنا بمثال المستشفيات التي تفصل بين الجنسين..فإن علي أولا أن أخبرك أنني رأيت مثل هذه المستشفيات في السعودية..أعتقد أنه لو لم يكن ثمة عجز في الأطباء أو الطبيبات..وكان كلا منهم كافيا لتغطية مرضى أبناء جنسه..أعتقد أنه ما يجب أن يكون..وأعتقد أن هذا هو حكم الشرع!..

وهذه هي الفكرة..حكم الشرع..يدخل في كل صغيرة وكبيرة..وأي برنامج سيوضع..لن يكون إلا نقلا من الفتاوى الحديثة..أو من كتب الفقه..هذا فيما يتغلق بمثل هذا السؤال الذي أثرته..

[eldoctor]

ولماذ لا نحاول ان نتصور ما يمكن ان يحدث .. نص الوقت بتاعنا بنضيعه .. واحنا بنناقش اللى بيحصل .. والمفروض انه يحصل .. طيب قام زلزال .. ولا اى حاجة .. ايه الخطة البديلة .. ايه البائل ..
اظن ان دى وظيفتنا .. كل واحد فى تخصصه و فى مجاله .. يطرح التصور الصح .. او اللى المفروض يكون ..(وبلاش نقول كلمة البديل لان مفيش بديل للحاجة الصح)
ليه ما نبتديش سلسلة .. فى اللى المفروض يكون .. ونناقش ...
و مع احترامى لوجهة نظرك .. الفتاوى اللى حتبقى مرجعية لنا لازم تييجى من اهل العلم .. يعنى مش حاروح اسأل فقيه فى الدين .. عن المستشفيات تتصمم ازاى .. ونظام العمل ازاى .. و حاجات زى دى . انا اسأله فى حكم الشرع فى مسألة معينة .. انماملا يتخصص فيه متروك لاهل العلم .. طيب اهل العلم دول ايه التصور اللى عندهم .. ده اللى انا اقصده و باحاول اطرحه هنا

[Yahya_Ayash]

ياسيدي نتصور..ونحمّض كمان:D

و مع احترامى لوجهة نظرك .. الفتاوى اللى حتبقى مرجعية لنا لازم تييجى من اهل العلم .. يعنى مش حاروح اسأل فقيه فى الدين .. عن المستشفيات تتصمم ازاى .. ونظام العمل ازاى
لأ مش عاسأل طبعا واحد فقيه في الدين..لكنه لا يعرف شيئا عن مثل هذه الأمور..يجب أن تكون الفتوى من أهلها بالطبع!..وطبعا مش هاخلي طبيب ليس لديه العلم الشرعي الكافي يفتينا في مثل هذه الأمور!

طيب قام زلزال .. ولا اى حاجة .. ايه الخطة البديلة .. ايه البائل ..
الخطة البديلة لإيه؟..هوا عالعموم أنا مش خبير زلازل:فتكوا بعا..تصبح على خير....
:flowers:والسلام عليكم ورحمة الله..

[eldoctor]

يا عمنا .. انت بقيت فى الحكم .. ازاى حتعمل دولة اسلامية ؟؟؟؟؟
ايه المخطط اللى انت عملته لتغيير نظام الحكم ...
:viking::viking::viking::viking::viking:
شكلنا حنبات فى امن الدولة :box2::box2::box2::es3af::es3af:

[Yahya_Ayash]

أول بيان من الحاكم بأمر الله:viking:
بسم الله الرحمن الرحيم..
أولا: يبقى كل شئ على ما هو عليه لحين النظر فيه..
ثانيا:يتم حل المجلس الوزاري وتشكيل مجلس جديد..وأهم حاجه فالمجلس الجديد تغيير وزير الزراعة ووزير الاعلام ووزير الثقافة..
ثالثا:تشكيل لجنة طوارئ من خبراء الاقتصاد لبحث الظروف الاقتصادية الراهنة ومواجهة الأزمة..
رابعا:تشكيل لجنة طوارئ من الخبراء العسكريين لضمان الاستقرار وحماية البلاد..
خامسا: عفو عام عن سجناء الرأي..وإعدام السجناء الذين ثبت تورطهم في التجسس لحساب الأعداء..(يحدد هذا القرار بتاريخ مناسب للتنفيذ..ولا مانع من إرجاؤه)
سادسا:تعيين نائب رئيس الجمهورية..
سابعا:تشكيل لجنة طوارئ من السياسيين لبدء الاصلاح السياسي..
ثامنا:يتم إنفاذ ما تقرر أعلاه..

طيب..وبعدين؟..أعتقد ان اللي كان فوق ده مالوش علاقة بكون الحاكم اسلامي ولا لأ مش كده؟..
أكيد طبعا مش هيبدأ الحكم بتقرير إنفاذ الحدود مثلا!..ولا بإعلان الخلافة!..

لكن المؤكد..انه لما يكون وزير الاعلام رجل يخاف الله..أعتقد دي هاتكون نقلة في حياتنا..
والمؤكد انه لما يكون الجيش تركيبة من الجند الاشداء وروح الجهاد..انه هايختلف...
المؤكد..إنه لما يكون وزير الزراعة قادر على توفير القوت باذن الله..أعتقد انها نقلة مهمة..بعد شوية..لما الشعب يفهم أكتر وتكون القيمة العليا عنده هي الاسلام ومطلبه هو رضى الله..هايكون ممكن إني أبدأ في إنفاذ الحدود مثلا..وهيكون ممكن إني أبدأ في إعلان دولة إسلامية..