حالة نفسية

[Ziphinch]

حالة نفسية




نفسي أمسك فرشة وأرسم ,, شيئ جديد



أرسم مشاعر ,,, إحساس وطالع م الوريد

أرسم نيران آيدة في جليد ,,,

أرسم مراية ,,, !!!





نفسي أمسك قلمي وأكتب بيه حكاية ,,



قصة ورواية ,,,

عن طفل كان عايش وحيد

عاجز يتيم ,, مجروح مريض

ورغم ضيق الدنيا بيه,, لساة بيحلم ,,

ويقوم سعيد ,,,




نفسي أمسك عودي وأعزف من جديد

وأقعد أغني وأعيد وأزيد

لحن لو سمعه الحديد ,,

يلين وينزف ,, دمعه وليد ,,




نفسي أقول ع الشيئ دة لاء ,,

مش كمنه مش مفيد ,,, !!

ومش لأني كائن عنيد ,,, !

لاء ,, ولاء ,, !!!!

نفسي لو يوم قلبي رق ,,

ولقيت ببابي الذنب دق ,,

أصرخ وأقولها ألف لاء ,,

دية النار قالتها "هل من مزيد" ؟!

نفسي أصلي وأبكي ساجد ,,بخشوع شديد ,,

نفسي أكون مخلص لديني ,, وأموت شهيد ,,






نفسي غيري يكون فقصصي

منغير مقول كلمة "أنا" أو حتى "نفسي"

نفسي مرة أنسي نفسي ,,

وأنوي أخلي الكون سعيد ,,







أقولكم حلمي البعيد ,, ؟؟










نفسي أمي تكون معايا ,,

تنزع همومي تسمع بكايا ,,

وتخاف عليا ,, وتحس بيا ,,

تفهم غنايا ,,

ونفسي أمسح دمع أختي ,, وقولها ,,

بالله كفاية ,,

أضحكي ,, عيشي الحياة ,,

دية الجنة غاية













إن كنت سامع ,,, ركز معايا ,,













لو شايفه حلم ,, قولي كفاية ,,



صحيني يلا شد الملايا ,, !!




















ولا أقولك ,,, !!!













.

.

.

.

.



















خليني أحلم للنهاية ,,

[محمد فارس]

ولو حتى حلم ، برضه جميل
انا نفسى يوم قلبى يميل
أحب واعشق فى الحياة
ولو كان زعل لازم اشيل
-
تواجد سريع
مع وعد بالعودة مع هذه الحالة

[calabala]

جميلة :flowers: :flowers:

مبدع :flowers: :flowers:

تحياتى :flowers: :flowers:

و السلام عليكم :flowers: :flowers:

[أمـــAmalـــل]

الموضوع جميل جدا :flowers: :flowers: :flowers: :flowers:

[منار منجد]

عارف.. بقالي فترة شايفة الموضوع
وكل مرة بقول لازم أحضّر رد
ميصحش
الموضوع حلو، لازم نرد عليه

ومش بلاقي رد..

يمكن علشان لامست بكلامك حاجة جوايا
كلان كان نفسي اقوله
مهو ساعات بيبقى جواك إحساس بتبقى عاوز تقوله ومش بتقدر
يجي حد تاني يحكيه، بفكرة جميلة جداً..

عموماً..
ده رد مؤقت
لحد ما اقدر اقول حاجة عليها القيمة
ولو ملقيتش، هرجع برد مؤقت تاني..

مساء الورد على قلبك:flowers:

[frh]

اية الكلام الحلو دة :scenic:
عبر عن مشاعر جواية كتير:budo:
مش عرفة اقول تانى اية:D :D :D :D :D :D

[no0r]

تنشيط للتعقيد ,, :twee:

[نور محمد]

رائعة :flowers:

قلت اللى انا كنت عايزة اقوله
انا عايزة اعيط دلوقت :sniff:

تسلم ايدك يا هيثم:flowers: :flowers:

[..!!..]

قلت اللى انا كنت عايزة اقوله
انا عايزة اعيط دلوقت
عيطتي وانيت ما سمعتيهوش.....
هتتمني تنتحري لما تسمعيه

[*زهرة*]

رائع بجد..
ومؤثره وخارجه من القلب

تقديري :rosy:

[لمن كان له قلب]

أكرر أعجابي وتقديري للأخ haitham أو هيثم

مش هتفرق

ولن أستطيع غير أن أقول


جزاكم الله خيرا

[حنين....]

رائعة
لم اشعر الا واني اقرا
احلامي انا
وامالي انا
واحزاني انا
واهاتي وصرخاتي انا
اشياء اعجز عن التعبير عنها
ولكنك اجدت في التعبير عنها
وامست الدموع اقرب الى العينين
فعندما تشعر بان هناك من يشاطرك كل
هذه الاحاسيس
تدرك بانك لست وحدك
وان الحياة ستكون اهون
الان بوجود هؤلاء حولك

رائعة بكل المقاييس
ادام الله لنا ابداعك
وجزاك الله كل خير
وبامان الله

[Ziphinch]

ياااااااااااااااااااااااااااااة ,,, :واه يابوي
تخيلوا أني مردتش في الموضوع دة من ساعة ما كتبته ,, خالص ,,, !!! :think3:
بجد شكلي وحششششششششششششش ,, أوي :sniff:




أرجو قبول أعتزاري ,,,
ولكني بعد ما كتبت الموضوع ده مباشراً أنقطعت عن القهوة لفترة ,,


ومش عارف دلوقتي ممكن أرد بيه ,, !! :vava:
خصوصاً ,, وأن التواجد أروع من الموضوع نفسه ,,,








يارب ألاقي كلام ينفع ,,,:انجغة:

[snoopywood]

كلامك حلو يا أخ هيثم
وافكارك مترتبة كويس قوي -ماشاء الله-
كان نفسي اسمعك في معرض الكتاب
بس ماليش نصيب المرة دي
يارب دايما الحالة النفسية تمام التمام
دعواتي

[حتشبسوت2006]

بجد جميلة انت فعلا موهوب وفي شئ عاجبني ان الكلام بيدور علي المعاني الايجابية ويحاول يزرعها فينا من غير الحاح ولا اسلوب مباشر ينفر القراء
سعدت والله بالشعر العامي ده كمل يلا احنا مستنيين الجديد
تقبل تحيااااااااااتي

[ajmina]

لو كان ده حلم
اوكان ده علم كمل واحلم لحد ماتوصل للبدايه
اوعاك تخاف من النهايه ..

ليت كل الحالات نفسيه رائعه مثل حالتك النفسيه هذه
ادمنت كلماتك بصدق
دمت طيب القلب .....

[Ziphinch]

ولو حتى حلم ، برضه جميل
انا نفسى يوم قلبى يميل
أحب واعشق فى الحياة
ولو كان زعل لازم اشيل
-
تواجد سريع
مع وعد بالعودة مع هذه الحالة

أستازي الرائع ,,,
وقت ما كتبت الكلام دة كانت فعلاً حالتي النفسية مضطربة ,,,
وكتبت كهروب للكلمات ,,,
علشان كدة مردتش في حينها ,,, وأرجو المعزرة ,,,

أما تواجدك السريع فهو حساس جداً ,,
ومجرد وجود أسمك في موضوع كتبته ,, يخليني في قمة سعادتي ,,
أشكر تواجدك ,,,
وأشكرك أيها الرائع ,,,

[Ziphinch]

جميلة :flowers: :flowers:

مبدع :flowers: :flowers:

تحياتى :flowers: :flowers:

و السلام عليكم :flowers: :flowers:

الرقيقة calabala ,,,
برضة أتأخرت عليكي كتيييييييييييييييييييييير في الرد ,,,
مش عارف هينفع تسامحيني ولا ,,, ؟؟؟

يبدوا من ردك الهدوء والرقة ,,, (ما قل ودل) ,,,
وأشكرك على ذلك ,,, وعلى التواجد


لك تحياتي ,,,

وعليكم السلام ورحة الله وبركاته

[Ziphinch]

الموضوع جميل جدا :flowers: :flowers: :flowers: :flowers:


أنتي الأجمل ,,, :rosy:

[حورس]

الله الله على الجمال والحلاوة والروعة حقيقي عبرت عما بخاطرى بطريقة متمكنة وأفضل بكثير مما كانت سوف اكتبه
اطمئن أحنا شعب مقاطع كل شئ حتى الأكل أصبح مجرد كماليات فى عهد اللي بارك على قلوبنا وليس يبرك كمان ستة سنين

[Ziphinch]

عارف.. بقالي فترة شايفة الموضوع
وكل مرة بقول لازم أحضّر رد
ميصحش
الموضوع حلو، لازم نرد عليه

ومش بلاقي رد..

يمكن علشان لامست بكلامك حاجة جوايا
كلام كان نفسي اقوله
مهو ساعات بيبقى جواك إحساس بتبقى عاوز تقوله ومش بتقدر
يجي حد تاني يحكيه، بفكرة جميلة جداً..

عموماً..
ده رد مؤقت
لحد ما اقدر اقول حاجة عليها القيمة
ولو ملقيتش، هرجع برد مؤقت تاني..

مساء الورد على قلبك:flowers:



منار ,,,
تصدقي أننا كنا لسة في سيرتك أنا وعيسى النهاردة ,,,
بنم ,, ونحسن ,, وننق ,, و ,,, و ,,,




لاء لاء متزعليش ,,, أحنا جبنا سيرك بكل خير والله ,,,





خلينا بقى في الموضوع ,,,

أولاً مش عارف أشكرك على ردك ,,
ولا على أنك فكرتيني بالموضوع بعد ما كدت أنساه ,,,

وبصراحة بقة ,, أنتي بالأخص مبعرفش أشكرك خالص ,,, وأنتي عارفة قد إية ردودك بتحيني ,, وبتشجعني ,,,
وأن أقل كلمة منك ,, بتعني عندي الكثير ,,,




وأرجوا أنك تسامحيني على التأخير في الرد ,,,
وأتمنى أشوفك في كل حاجة بكتبها ,,,
ويارب يديم أخويتنا ,,,



صباح الحب على قلبك ,,,

[Ziphinch]

اية الكلام الحلو دة :scenic:
عبر عن مشاعر جواية كتير:budo:
مش عرفة اقول تانى اية:D :D :D :D :D :D

ربنا يكرمك frh ,,,
ومتشكر يا سيدي على الكلمتين الحلوين دول :rosy:

وأشكرك أكتر أن أول رد ليك في القهوة يكون منور موضوعي ,,,
بس يا ريت نشوف منك ردود ومشاركات أكتر ,,,
أنت أكتفيت كدة ومشيت ,, ولا إية ؟؟؟ :nunu0000:


أوعى يكون في حد زعلك ؟؟؟
أنت قولي بس علية ومالكش دعوة ,,, ؟؟:budo:




تحياتي ,, وتقديري لك ,,,

[pokiii]

مد موووووووووووووووووت

[Ziphinch]

تنشيط للتعقيد ,, :twee:

أنا عارف ,, هي العمايل الجامدة دية متجيش غير من نور ,,, :واه يابوي


ربنا يكرمك يارب ,,, :rosy:

بس تعقيد إية وبتاع إية ,,, ؟؟؟
يا شيخة حرام عليكي ,,,
والله أنتي اللي تعقدي ,,, :hot:




مش عارف أشكرك إذاي ,,,
والله كل الكلمات مش كفاية ,,,


جزاك الله خيراً ,,,,


وأدامك الله أختناً ,,, كريمة B)

[Ziphinch]

رائعة :flowers:

قلت اللى انا كنت عايزة اقوله
انا عايزة اعيط دلوقت :sniff:

تسلم ايدك يا هيثم:flowers: :flowers:



أنتي أروع يا نور ,,,
وواضح أن أحساسك جميل ,,

وربنا ميجبش دموع أبداً ,,,

وأشكرك على المجاملة الرقيقة ,,,

ولك تحياتي ,, :rosy:

[Ziphinch]

عيطتي وانيت ما سمعتيهوش.....
هتتمني تنتحري لما تسمعيه


بنت الماضي في معرض الكتاب ,, بنت الماضي في المصطبة ,,, بنت الماضي في معهد الأورام ,, بنت الماضي عندي هنا ,,,
أفتح بيبسي تلاقي بنت الماضي ,,, :":


أوعي تزعلي ,, والله دية كلمت بلال وأنا غاششها منه ,,, :kap:



بس بجد الواحد بقى بيدور على بنت الماضي في كل حته ,,,
منغيرها تحس أن في حاجة ناقصة ,,, :rosy:


وبعدين بالراحة شوية يا دكتورة ,, لحسن قربت أصدق ,,
وردك دة كان هيخليني أنا اللي أعيط ,,,


ربنا يكرمك يارب ,,
ويارب تفضلي منورة كل حته كدة ,,,


الدنيا ليها طعم أحلي ,, بأخت أسمها إيمان :chr43:

[dr.shadow]

اوعاك من حلمك تقوم
او ترمى نفسك للهموم
اوعاك تقول انك يئست
او انك انت خلاص خلصت
اديك بتحلم ....
امسك الفرشادى وارسم
الف عيد
ارسم الفرح اللى جاى
جاى من بعيد
خليك قوى ... خليك شجاع
خليك شديد
وفيوم جديد
ففجر لساه بين الضلام طالع .. وليد
هتلاقى حضن ..
هتلاقى ايد
شايله معاها الف مطرقه من حديد
تكسر جليد
كان حالف انه يكتفك
يبقيك بعيد
خليك شديد
خليك شديد

********

الرائع زافنش ... لما تكون حالة نفسيه هى اللى طلعت ده ... امال لما تكون فى المود بقى ؟؟؟

هاسأللك سؤال .... انت بتجيب الابداع ده منين ؟؟؟

[hegazy 82]

المعاني حلوه بس السياق الشعري المحطوط في مش حلو جايز لما اقرائها تاني بتمعن تعجبني

[أونسي]

حـــــــــــــــــاله نــــــــــــفسيه
رائعه فعلا .... كلام من اعماق النفس فيه صفاء وروحانيه لأابعد الحدود
تخيلت حالتك........... ابدعت في امكانيه تسطيرها بكلمات فحالتي النفسيه احيانا لا ابوح بها على ورق كما فعلت هنا بوحت بإتقان .... وقلت اماني واحلام تقريبا كل انسان انسان يقولها
ياريت الحاله ده تكون في دوام .............جميله فعلا تسلم على ماكتبت دمت كاتب عن حالاتك النفسيه ..................................تحياتي لك وفائق احترامي لشخصك الكريم
أختك في الله
....


:rosy:

[Ziphinch]

ياخبر أبيض ,,


فكرتني بزماااااااااااان أوي ,,,


جزاكي الله خيراً ,, أونسي ,,















وكل اللي أنا من زمااان أوي مرتدش عليهم ,,,

جزاكم الله خيراً ,,

كونوا ,, بخير ,,
وود ,,

[أونسي]

هههه مأخدتش بالي انه قديم خبر ابيض ان شاء الله انت خضتني بعدين خلتني استعجب بس فهمت السبب بس مش زمان قوي كلهم يمكن سبع شهور .....
فيه حد يعمل موضوع وينساه برده
حلو اني اكون سبب في تفكيرك
بموضوع جميل
........
بارك الله فيك
تحيتي لك
:rosy:

[Ziphinch]

هههه مأخدتش بالي انه قديم خبر ابيض ان شاء الله انت خضتني بعدين خلتني استعجب بس فهمت السبب بس مش زمان قوي كلهم يمكن سبع شهور .....
فيه حد يعمل موضوع وينساه برده
حلو اني اكون سبب في تفكيرك
بموضوع جميل
........
بارك الله فيك
تحيتي لك
:rosy:


قصدك ,, سنتين وسبع أشهر ,,






وبعيد يعني فيها إية لما النهار يكون أبيض ,,,


يارب دايماً ,,












منوره تاني ,, يافندم

[أونسي]

تسلم ياأخ Ziphinch
!!!!فعلا!!؟ ....سنتين ^^,,,,يمكن حسبتها من اخر مشاركه بس... معذرتاً,,,,,(^_#)
ويارب ايامنا كلها تكون,,,
بــيضه
نـــقيه
وصافيه


بوجود صاحب الموضوع فيه ,,,,يا فــــــــندم