هل تعرف واجباتك نحو الشرطة وما هي حقوقك

[ابو الكباتن]

إخواني الكرام
أرجو ان أساهم بموضوع اعتقد أنه حيوي جدا
وهو
كيف نزيد الوعي القومي للفرد المصري نشرح له واجباته وحقوقه .
اكثر من 90% من الشعب المصري لا يعرف حقوقه أبدا
مثال :-
هل من حق أمين الشرطة أن يوقف شخص ما ويقوم بتفتيشة ذاتيا حتي لو كان خارج أوقات الخدمة ؟
وما هي حقوق المواطن
أرجو من الأخوة المشاركه بجديه
لكي يعرف كل منا حقوقه ويطالب بها
ولنبدأ الموضوع بــــــــ
ما هي آليات العلاقة بين رجل الشارع ورجل الشرطه وكا هي حقوق وواجبات كلا الطرفين
ولو اعتدي ضابط علي انسان فماذا يفعل هذا الشخص لكي يصون كرامته
الرجاء المشاركه بجدية في هذاالموضوع
ابو الكباتن

[حكاية حزينة]

من حق كل مواطن الا يتعرض للأهانه من مخلوق في اي مكان طالما احترم نفسه وعندما تحرص على كرامتك بان لاتتجاوز في سلوكك هنا ليس لبشر حق عليك المهم ان لا تعطي الفرصه لضعفاء النفوس منهم فتهاااان التزم الي ابعد الحدود

[كتكوته قوي]

عن نفسي لا اعرف و اعتقد ان النقاش و المجادله مع هؤلاء ياتي بنتيجه عكسيه هي زيادة الاهانات و حكاية الحقوق دي سيبها للمحامي يتكلم فيها في النيابه و ليس في قسم الشرطه
و من فتره اقترح العديد من الاعضاء انشاء موضوع او مدرسه سياسيه تهتم بالتوعيه بالحقوق و الواجبات و لا ادري لماذا لم يتشجع احد من الكتاكيت و خصوصا خريجي حقوق ليحدثنا عن مواد القانون او الدستور او حتي يشرح الانتخابات و الترشيح لها بدل الجهل الذي يعانيه الكثير و انا منهم مما ادي في يوم ما الي استغلالي في الانتخابات المحليه حيث ذهبت لانتخب احد اساتذتي و فوجئت بقائمتين اختار من هذه 11 و من الاخري 10 و طبعا تبرع احد المتطفلين من الحزب الوطني بتمرير مسطره علي اسماء من يريدني ان انتخبهم و لم استطع الرفض لاني كنت وحدي في المدرسه مقر الانتخاب و حولي العساكر و طبعا كنت عجبه في نظرهم ان انا رايحه انتخب و ياريت ما تفكرنيش بهذا اليوم لاني اعتبره سقطه مخجله ان اتنازل عن حريتي بهذه السهوله و لن تتكرر ان شاء الله فياريت حد يكسب فينا ثواب و يعرفنا حقوقنا و عذرا للاطاله

[الضاحك الباكي]

لما تعرف ابقا قولى

[وهبه]

تحية من عند الله مباركة طيبة

فعلا
موضوع حيوى وملامس لحياتنا اليومية
وشكرا :flowers: انك اثرته ليعرف المواطن ما له وما عليه من حقوق وواجبات
وهناك فرق بين صف الضابط والضابط وعساكر الدرك ....
وغالبا ما يتصرف امين الشرطة حسبما وجهه رئيسه المباشر ..
ومن حق الواطن ان يمتنع عن التفتيش مالم يخرج المفتش امر التفتيش اما اذا كان كمين أوحملة وهذا امر اخر ...
المهم انه ما دام المواطن غير مشتبه فيه ...فالسؤال عن تحقيق الشخصية أو رخصة القيادة ليس امر تعسفياً ...وسيكثر الجدل ولكن فى النهاية ...رجل الشرطة موظف ويخشى على وظيفته الذى لم يحصل عليها امثاله الا بالواسطة او بالرشوة وهذا معروف فى الفترة الاخيرة ....



من حق كل مواطن الا يتعرض للأهانه من مخلوق في اي مكان طالما احترم نفسه وعندما تحرص على كرامتك بان لاتتجاوز في سلوكك هنا ليس لبشر حق عليك المهم ان لا تعطي الفرصه لضعفاء النفوس منهم فتهاااان التزم الي ابعد الحدود
سلام وتحية :flowers:

كم احزننى جدا كلمة كمسرى...معرفش يبقى ظابط عشان ابوه كمسرى يوه بقى
وهذ الرد فى موضوع القائمة السوداء للضباط غير الشرفاء .....
بان هناك من يحقد على ضابط الشرطة لان ابوه مش كمسرى دا راجل غنى او ذو سلطان او من الطبقة الراقية ..والتى لا يستطيع الكومسرى ان يدخل ابنه كبلية الشرطة
وبالتالى عندما يتحين فرصة الحديث عن الحظ العاثر والعاسر سينسج من خياله ما يشفى غيظه وغليله
فيتهم شخص برىء ....

واعجبنى ردك فى هذا الموضوع ..لانه يسعى الى ايجابية التعامل ...

وشكرا لكم




فتشنى فتش
:brb: :واه يابوي

معاك بطاقة .... :sniff: لا ..اركب :drop: مش خد :box:

وشكرا ورردة

[ابو الكباتن]

المهم انه ما دام المواطن غير مشتبه فيه ...فالسؤال عن تحقيق الشخصية أو رخصة القيادة ليس امر تعسفياً ...وسيكثر الجدل ولكن فى النهاية ...رجل الشرطة موظف ويخشى على وظيفته الذى لم يحصل عليها امثاله الا بالواسطة او بالرشوة وهذا معروف فى الفترة الاخيرة ....

وشكرا ورردة[/QUOTE]يا أخي
هذا الكلام يقال لو فيه قوانين في البلد بجد
والإنسان تحترم آدميته
وهذا لا يحدث الآن
المهم
مرة وانا في المعتقل ( أيام الانتخابات بتاعة مجلس الشعب اللي فاتت ) والله كنت مروح البيت ولا اعرف أي حاجة
المهم اتقبض عليا انا ومجموعة من الشباب وحاولت أن اشرح للضابط انني لست من أهل هذا الدائرة ولكن لا حياة لمن تنادي
المهم
راجل غلبان ماشي أمامي وانا في البوكس طبعا
قلت له
والنبي يا حاج لو سمحت
قال لي نعم
قلت له :- انت من أهل المنطقة وعارف اللي فيها
انا من هنا يا حاج
فقال الرجل الرجل لضابط الشرطة والجنود
يا باشا لا الولد دة مش هنا انا عمري ماشفته
المهم
الضابط قال له
وانا كنت سألتك يا ابن الــــ ؟؟؟؟؟؟
اركب البوكس يا ابن الـــ؟؟؟؟؟؟؟؟؟؟؟
الراجل ركب البوكس وانهال علي باللعنات والشتائم
قائلا لي :- كان يوم اسود يوم ما مريت من المنطقة وانا اية اللي خلاني اتسحب من لساني واتكلم ما كنت تولع انت والبلد في مصيبة
المهم
خرجنا ولله الحمد بعد 73 يوم بالتمام والكمال من المعتقل
بالرغم من وجود إذن النيابة بالإفراج الفوري عنا
هههههههههههههههههههههههه
بس افراج اية يا باشا
دا تهمتنا اننا ضربنا القطار والنبي معقولة هنضرب قطر
المهم
خرجت من المعتقل وذهبت لقسم الشرطة عشان الإفراج وما إلي ذلك
قلت لهم انا عايز ورقة تثبت ان انا كنت معتقل لأنهم زمانهم رفتوني من الشغل
قالوا
ولا نعرف عنك حاجة
هو حد شافك
احمد ربنا انك خرجت لأبوك سليم
هههههههههههههههههههههههههههههههههه
بس خلاص
آدي الشرطة
حامية المواطن الغلبان
مع تحيات
ابو الكباتن

[وهبه]

:tu:

انت الخط ...... :tu: يا ابو الكباتن
وتقول له انا مش من هنا ....وتاخد الراجل فى رجليك
طب الورقة اللى انت خرجت بها من القسم فين ؟
اصل عضو مجلس الشعب خرج فى نفس يوم الافراج بتاعه
شوفت الفرق
وها يرفع قضية على الحكومة امام حقوق الانسان
لان الحكومة مش موفرة مقاعد فى عربات الترحيل

يا راجل
تلائيك انت اللى ضربت القطر .... :brb:
مش زورت ....
:واه يابوي
عمرك ما زِورت فى الاتنين وسبعين يوم دول ..افتكر وان بتاكل كده
عشان تدخل معارفك كلية الشرطة والحربية وحتى معهد امناء الشرطة
كل واحد بيدفع توبه....
ما زورتش
وانت بتاكل

:think3:

اشجينا ....برحلة اعتقالك
:flowers:

[أحمد عبد التواب]

أنت ما تعرفش أنااااااااااااااااا إبن مييييييييييييييييييييييييين ؟؟؟؟؟؟؟؟؟؟!!!!!!!!!

هي دي مفتاح السر وبيت القصيد .. لما الكل يحترموا الكل نبقي نتكلم ...

[ابو الكباتن]

في المعتقل تقابلت يا وهبه مع بطل من أبطال مصر في الكونغو فو وهو موجود في المعتقل منذ حوالي سنتين ( حاليا لا أعرف هل خرج أم لا )
وتحدثت معه وقلت له ما سبب اعتقاللك
فقال لي
في مباره في الكلية كانت بيني وبين طالب والده لواء كبير
وقد ضربت ابن الواء ضربه شديدة فأصابته بعاهه مستديمة
المهم
قام الراجل اللواء دة قايم من علي الكرسي
وقال لي وحياة امك ما هتروح بيتكم النهاردة
وكان أمر الاعتقال
وقال أيضا لو كان يعرف انه ابن لواء كنت خليته ضربني بالجزمه علي دماغي
عشان نهايتي مش تكون هنا
المهم
في الزيارات تكون الأوامر صارمه
لو سألك حد فيه تعذيب
قول لا وإلا انت عارف
لو سألك حد وقال لك المعامله كويسة في المعتقل يكون ردك هو
( انا أصلا مش عايز أروح البيت من حبي للمعتقل والناس اللي فيه )
كنا 80 فرد في حجرة 3 متر × 5 متر
وكنا بننام كويس والحمد لله علي الأرض
بس الحمد لله كانت المعامله ممتازة
هما قالوا لنا كدة .
نسيت أقول لكم
واحنا رايحين المعتقل كنا في القطر وفي المحطة نزلنا
فوجدنا المحطة بها جيش من القوات الخاصة يحارب اسرائيل لواحدة وكل واحد ماسك رشاش جميل أوي اول مره نشوفه في حياتنا بس دي مش المشكلة
المشكلة في الناس اللي كانت في المحطة ونظرتها لنا
فهناك من قال هؤلاء إرهابيون
والمشكلة مش في كدة وبس
احنا لما رجعنا القسم اللي احنا تابعين له
دخلنا الحجز فيه كنا 13 فرد
والحجز كان فيه عتاه الإجرام في مصر
والله العظيم لما عرفوا ان احنا اللي ضربنا القطر وراجعين من المعتقل كلهم كانوا مرعوبين مننا خالص واتعمل لنا أخلي واجب من الكل
وده فائدة الاعتقال
هههههههههههههههههههههههههههههههه
أيام ربنا لا يعودها
المهم
الإنتخابات في الطريق
ومش مجلس الشعب وبس لا رئاسة الجمهورية كمان
يعني علي الاعتقال علي الاعتقال
وممكن يا احبائي الكتاكيت اتأخر عليكم شويه عشان عندي رحله اعتقال بسيطة
ولما ارجعة هعطيكم خبر واقول لكم أية اللي حصل بالضبط
دة لو رجعت تاني
اصل انا ناوي اهرب للصعيد عشان الضباط بتوع أمن الدوله عارفين اسمائنا
اصلهم مش بينسوا حد أبدا
في النهايه هلي تعرفون أمر الاعتقال كان فيه أية
1- ليس لديه مأوي ثابت
2- ينام تحت الكباري وفي دورات المياه
3- خطر علي الأمن العام
4- يمشي حافي القدمين
========================
وعليا الطلاق بالثلاثة
ولا واحدة من اللي فاتوا تنطبق علي
أبو الكباتن
باااااااااااااااااااااااااي

[وهبه]

ماشى يا ابو الكباتن
بس
باش باى
اصل البابا مات دلوقتى
وبيقولوا انها فى حفظ البابا ..معناها

دلوقتى احنا فى حفظ مين
:think3:

لا اله الا الله محمد رسول الله

ابو الكباتن
انا عندى لك حتا تستخبى فيها
تعيش بينهم ومعاهم وما يدروش بيك
بس اوعى يجرجروك فى سلكهم
ولما الريس الجديد يمسك .او حتى الموجود يجدد
اطلع اقول انا كنت معاكم ....وانا اشهد معاك ...
على فكرة انا كنت من المستقبلين لك وعمالنلكم الحفلة والواجب
لما ادخل عليك .ترده لى
فاكر سومة الاقرع :brb:

انت عارف انت بتكلم مين .. :think3: صاحب ابن صاحب اللواء :brb:

[جهـــJeHaDـــاد]

ادي واحد كمان اهوه....بيوصف حاجه هلامية لااستبعد انها تكون حصلت..لاقال اسم ولا قال مكان ولاتاريخ ولا اي حاجه ...موش بقولكم ..شعب ************************************************** *****:maaaad:

[وهبه]

استاذ جهاد

احنا هنا
عشان نتبحبح
ونخرط على بعض ولا هلامية ولا كلامية ابو الكباتن عجبانى رحلة اعتقاله وداخلة دماغى ....بس اللواء ده اللى مش داخل دماغى

هو
بيقول لنا انه لما يقترب موعد الانتخابات هو عارف طريقه
ولا الصعيد ولا المريخ


عشان يقول اسمه
يبقى انت مش عاوزه قبل الانتخابات ولا بعدها
طب سبيه يحكى الحكاية
وفى الاخر يببقى يقول التاريخ والعنوان :brb: واسمه كمان :chains:

سلومة الاقرع ايده تقيله قوى :box:

[ابو الكباتن]

الأخ العزيز جهاد
الأخ العزيز وهبه
أقسم بالله العظيم ان كل كلمه قلتها صحيحة 100% وهي من داخل المعتقل
ثانيا :- انا بقول لك انا خايف حاليا اعيش في بيتنا
عايزني كمان أكتب واقول اسماء الضباط وقسم الشرطة اللي انا كنت فيه
عشان بعرفوا ان انا اللي كتبت الكلام دة
وانا مش ناقص معتقل تاني
ثانيا :-
ايه اللي انت عايز توصل له يا جهاد
عايزنا نقول أسماء الضباط ولا اية بالضبط وبعدين أية كلمه واحد تاني دي انا اسمي معروف لكل العالم ( أبو الكباتن )
ثالثا :-
انت عارف لو انا قلت أنا منين الية اللي هيحصل
هيجيبوا الدفاتر القديمة
ويعرفوا مين اللي كان معتقل في فترة الانتخابات وخاصة موضوع القطار
هيعرفوا ان احنا من المنص؟؟؟؟؟؟؟؟؟
تبقي نصيبتنا مصيبة
يا عم انا حاليا عني عيال
وزي ما لاحاجة والدتي قالت لي
يا ابني امشي جنب الحيط
يا ابني انت مش أد الحكومة
يا ابني ابعد عن الشر وغني له
=========================
انا بدأت اني احس ان كلامها صح
======================
وموضوع ابن اللواء دة انا قلته لأني سمعته كدة من صاحب المشكلة يعني لم أراها يعني يا جهاد مش بكذب
ولو عايز اسماء اقول لك
================
احنا دخلنا سجن المنصورة العمومي اللي عند الاستاد الرياضي
وكلنا ضرب مش عايز أقول لك
==============علي العموم في الرد القادم لو عايز تعرف كل حاجة هقول لك
--------------------------------------
مش قلت لك شعب ؟؟؟؟؟؟؟؟؟

[وهبه]

مصدقك يا ابو الكباتن
وعارفين السجن كويس..دا حتى من كتر الترفيه سموه سجن الحلل لانك بتأكل اكل طازة وسخن يومى وبتتفرج على متشات الكورة من عنابر تجار المخدرات والحرامية الصغنتطين ...اما الحرامية الكبار فما بيدخلوش السجون دى ...

احنا بنقول الاعتقال ...تنام على ثلاث بلاطات ...طره ابو زعبل القطة وادى قنا ليومانات محترمة كده يعنى
ومصدقين انك ابو الكباتن ...وانك مش خط الصعيد ولا عمرك ما اشتغلت مع عزت ابو حامد
اللى الحكومة ولا الداخلية عرفت تدخل له وقعدوا تلات سنين يفكروا فى كيفية مداهمته .....مواطن يملك مدفع .... :brb:
ويزرع البانجو والخشخاش عينى عينك :brb:

اما جايين عليك ليه يا ابو الكباتن بس

شكرا لك
ويارب ينصرك عليهم
واوعى تمشى جنب الحيط
بيمسكوا اللى بيمشى جنبها دلوقتى ..بتهمة
سرقة المحلات والتخطيط لكسرها :brb:

امشى وسط الشارع يا ابو الكباتن وارفع راسك
دولة الظلم ساعة ودولة الحق الى قيام الساعة

واوعى تقول
حاكم ظالم شعب جبان

احسن يتهموك بالجنان
:flowers: :flowers: :flowers: