حوار خطير مع أمي ( شوفوا عملوا في الولية إية )

[ابو الكباتن]

دار هذا الحوار بين امي وبيني ولكنه مآساه بمعني الكلمة
الحوار
انا __ صباح الخير يا حاجة
أمي - صباح الخير يا ابو الكباتن
شفتي يا حاجه المظاهرات بتاعة المعارضة النهاردة في القاهرة واسكندرية والمنصورة
- لا ومش عايزه أشوف
- لية بس
- هي ناس فاضية ومالهاش شغلانه
- لية بس يا حاجة دي ناس بتدور علي العيشة الحلوة وما نكونش علي الهامش كدة يا اما .
- يا ابني اوعي تتكلم في السياسة
- ليه هو حرام
- لا بس انا مش لاقياك في الشارع
- لية كدة يا حاجة
- البلد دي يا ابني بلد جميلة والناس اللي يها طيبين والرئيس بتاعها راجل كويس كفايه انه ما دخلاناش ولا حرب لغاية الوقت
- يا حاجة حرب اية بس دة احنا لو حاربنا كان يبقي احسن حتي الناس تعمل لنا حساب
- وهي الناس مش عامله لنا حساب
- طبعا لا يا حاجة الناس مش بتفكر حاجة خالص إلا رغيف العيش احنا يا حاجة ما عدش لنا سعر خالص
- طيب كويس انك عارف ان فيه رغيف عيش
- كمان يا حاجة هي ناقصة انه ما يكونش فيه رغيف للعيش كمان
- اسمع يا ابني الكلام المفيد
وهنا المصيبة الكبير .
إليك الفرمانات التالية
1- اوعي تتكلم علي الرئيس بتاعنا اللي بقاله معانا ربع قرن ومش هيمشي إلا بقرار إلهي فقط ( يعني من الآخر مهما عملتم ما هيتشال )
2- بصفتك عندك الوقت 34 سنه ومتجوز وعندك أولاد وانا اللي بصرف عليك وعليهم عشان مرتبك 180 جنيه بس فلو اتكلمت تاني شوف هتاكل انت وولادك منين ( فعلا عندها حق في دي ) أهلنا هم السند الحقيقي لنا
3- امشي يا ابني جنب الحيطة
4- يا ابني انت مش أد الحكومة
5- يا ابني ابعد عن الشر وغني له
6 يا ابني آخر مرة أشوفك بتجيب جرايد زي الأسبوع والغد مفهوم .
7 ورحمة أبوك الغالي يا ابني لو ما عملت كدة هيكون عقابك كبير
فقلت لها
أيوة يا امي
انتي مركز قوي بالفعل
زرعوا فيكي الجبن والخوف يا بنت مصر يا غالية
خلوكي تنسي الدنيا وتفكري في الأكل بس
بس اوعدك يا حاجة
مهما طال الليل فلابد من طلوع الفجر
ومهما طال العمر فلابد من دخول القبر
ومهما علا مبارك فلابد فلن يأكلنا القهر
ابو الكباتن

[dada24]

- اوعي تتكلم علي الرئيس بتاعنا اللي بقاله معانا ربع قرن ومش هيمشي إلا بقرار إلهي فقط ( يعني من الآخر مهما عملتم ما هيتشال )
الحاجه قالتهالكو اهو من الاخر:tu: :tu:
بصفتك عندك الوقت 34 سنه ومتجوز وعندك أولاد وانا اللي بصرف عليك وعليهم عشان مرتبك 180 جنيه بس فلو اتكلمت تاني شوف هتاكل انت وولادك منين ( فعلا عندها حق في دي ) أهلنا هم السند الحقيقي لنا
:chains: :chains: :chains: :chains: المفروض تسكت بقى


يا عم ابو الكباتن انا اتولدت لقيته خلاص بقى هنعمل ايه قدر ومكتوب

والله نفسى اشوف حد غيره بس بلاش يكون من ريحته بردو:brb: :brb:

[ابو الكباتن]

بالمناسبة
الحوار لم ينتهي لسة
لسة فيه مصايب كبــــــــــــــــــــــــــــــــيرة

[شاب مسلم]

- اوعي تتكلم علي الرئيس بتاعنا اللي بقاله معانا ربع قرن ومش هيمشي إلا بقرار إلهي فقط ( يعني من الآخر مهما عملتم ما هيتشال )
3- امشي يا ابني جنب الحيطة
4- يا ابني انت مش أد الحكومة
5- يا ابني ابعد عن الشر وغني له
6 يا ابني آخر مرة أشوفك بتجيب جرايد زي الأسبوع والغد مفهوم .

المشكلة دى مش مشكلتك لوحدك دا تقريباً مشكلة كل الآباء و الأمهات فى مصر كلها......:chr43:

بس أنا معاك
لية بس يا حاجة دي ناس بتدور علي العيشة الحلوة وما نكونش علي الهامش كدة يا اما .احنا لو حاربنا كان يبقي احسن حتي الناس تعمل لنا حساب :tu: :tu: :tu:





بس ليا تعليق بسيط .....:think3:

احنا لو حاربنا كان يبقي احسن حتي الناس تعمل لنا حساب دا لو كسبنا بس إنما لو اتهزمنا كانوا هيعملوا فينا زى ما الأهلاوية عملوا فى الزمالكواية بعد ماتش الـ 6-1 " مع الإعتذار للإخوة الزمالكاوية ":brb: :brb:

وطبعا لو فضلنا على حالنا دا عمرنا ماهنكسب علشان "إن الله لا يغير مابقوم حتى يغيروا ما بأنفسهم"



يا ابني ابعد عن الشر وغني له
إنت ماتعرفش إن الغنا حرام وللا ايه ؟:think3:



ورحمة أبوك الغالي يا ابني لو ما عملت كدة هيكون عقابك كبير
" من حلف فليحلف بالله أو ليصمت ":maaaad:



جزاك الله كل خير أخى الحبيب ورردة ورردة

[كتكوته قوي]

كويس ان انت عندك الشجاعه ان تناقش والدتك في افكارك السياسيه
انا نفسي اعمل استفتاء كم شخص من الكتاكيت يعرف اهله انه غير راض عن اداء الحكومه و يعبر عن ذلك في منتدي عام و كام واحد يعرف اهله انه خارج رايح مظاهره و هكذا
عن نفسي لا اتحدث عن ارائي منعا للقلق و خصوصا ان 3 في الفاميليا جربوا الاعتقال و انا شخصيا لا انصح بالتعرض له :chr58:
فاعذر والدتك علي قلقها و في نفس الوقت اعقلها و توكل

[أحمد عبد التواب]

الاخ الفاضل / ابو الكباتن . موضوعك ممتاز ومعبر بالفعل عن حالة الخوف الكامنة داخل قلوب الشعب المصري .

اذا الشعب يوماً أراد الحياة فلابد أن يستجيب القدر ؟؟؟

نحن نريد الحرية ولكننا لانسعي اليها خوفا ورعبا من السياط الحكومية المسلطة على ظهورنا التي تعودت على الجلد . هلا نسينا هذه الكرابيج قليلا حتى نحصل على حريتنا هذا اذا كنا نستحقها بالفعل ؟؟؟؟؟؟؟

[ابو الكباتن]

أخي أحمد عبد التواب
الأخوة المشاركين جميعا
السلام عليكم
اشكركم علي الرد الجميل ولي تعليق بسيط جدا
( في دراسة تم نشرها قريبا جدا كانت بعنوان لماذا يخاف المصريون ) وجدت أمثله غريبة جدا مثلا راجل من الشعب وخلي باللك من كلمه راجل دي وصلت له رسالة او استدعاء لكي يقول شهادته في المحكمه وبمجرد أن قرأها أصيب بحاله عصبية حاول كل الجيران إخراجه منها ولكن للأسف توقف قلب الرجل عن الحركه من شدة الخوف .
فما هو سبب ذلك
لي أخ يعمل في قسم الشرطة قلت له ذات مره يا أخي العزيز لماذا يخاف الناس من دخول القسم
قال لي
يا أخي هذه البلد ليس بلدنا نحن
بل بلدهم هم ونحن عبيد عندهم
أو هكذا يعتقدون
وتبقي كلمه قالها الراحل الشيخ عبد الحميد كشك
أسوأ احتلال في العالم هو
( احتلال مصر من المصريين )

[بنت مخيم جنين]

هذا ديدن 90% من الامهات والاباء ايضا
ولكن اوجه حديثي للامهات اللواتي يجب ان يرضعن اولادهن التمرد على الواقع المرير مع حليب الرضاعة
وان يربين الاطفال على ان " جهنم بالعز افضل منزل"
لا يجوز باي حال من الاحوال ان نذعن لهكذا وضع مزر مرير وضعنا لغاية الان في قائمة مستجديي الحرية في العالم
ولعل بلاد اصغر من من اصغر قرية عندنا نحن العرب يتمتع اهلها بحرية التعبير عن الرأي؟؟؟؟
اتدركون شيئأ خطيرا جدا ولكنه ملفت للنظر
نحن في فلسطين قد تعدينا هذه الخطوة واصبح الاب يشجع ابنه على الثورة وينبت في روحه اشجارا من عزة النفس والاباء ورفض الذل والخضوع
واصبحت الام تساعد ابنها على لبس حزامه الناسف وتودعه بالزغاريد لانها بموته في سبيل التعبير عن نفسه وعمل الواجب احيته الى الابد.
الى متى نبقى نسير "بجنب الحيطة"
فلتهدم هذه "الحيطة " وتنسف تحت سيول ثورتنا وتمردنا
يا آباء .... يا امهات ...... علموا اولادكم وبناتكم فحوى هذا القول الذي ربما لم احفظه جيدا لكنه يعيش معي يجري بدمي
لا تسقني ماء الحياة بذلة ..... بل فلسقني بالغز طعم الحنضل

والويل لكم ان استمر بكم الحال هكذا ......

[ام الشهيد]

سلام عليكم
عارف احنا نعيش فى البلد دى
لا اسمع
لا ارى
لا اتكلم
كده ممكن نعيش فى البلد دى

[a7medsamir]

انا لله ونا الية راجعون
قرار جمهورى مفهوش راجعة
قررنا اعدام الشعب المصرى عشان ده شعب طلباتة كتير
واكتر مواهم مطالة لقمة هنية
ده شعب بيهرج

[hegazy 82]

يارب انت العلم بالحال فكها من عندك يارب علي مصر والمصريين ولا تسلط علينا من لا يخافك ولا يرحمنا يا ارحم الراحمين

[أمير الاحزان]

الخوف والركض خلف لقمة العيش بسبب الفقر والبطالة وتدني الحالة الاقتصادية والاجماعية ولصحية وعشرات من المصائب التي لا نملك في مواجهتها سوى حسبنا الله ونعم الوكيل وربنا يصبرنا على ما بلانا