هل تعاني من السمنه ام النحافه؟

[sshy]

السلام عليكم
معظم البنات الان اما انها تعاني من السمنه و عاوزة تخس او من النحافه؟
ياتري انتي من انهي؟
و ياتري هل جربتي تعملي رجيم قبل كده و هل نجحتي ام لا؟
و كم واحده مننا راضيه عن شكلها الخارجي؟
و ياتري الرفع احسن و لا التخن في نظركم يا بنات؟
ارجو من الجميع المشاركه بجد و بصدق جدااااااااا
و تحياتي للجميع :wub: :wub: :wub:

[sshy]

محدش عنده حاجه يقولها و لا تصويته يصوتها؟؟!!!!

[engalshaimaa]

عاوزه اخس :sniff:
والرفع بالنسبة ليا احسن من التخن علشان زى ما الناس عارفه محدش عاجبه حاله :closeeye: التخين عاوز يخس والرفيع عاوز يتخن :chains:
الحمد لله على كل حال ورردة

[hanod]

ايه يا بنات ده فين البنات :think3:

انا رفيعه ومبسوطه بنفسي والحمد الله :tu: :tu: :tu:

:knight:

[sshy]

engalshaimaa
ربنا معاكي
و يارب تقدري تخسي ان شاء الله
و انا كمان زيك
hanod
ايوه كده خليكي معاي
فين البنات معرفش؟؟!!
عموما بجد كويس قوي انك رفيعه
و حافظي علي رفعك كويس لان مهما كانت واحده رفيعه ممكن تتخن مع الحمل و الولاده
فخدي بالك من نفسك
و في انتظار المزيد
تحياتي للجميه

[*زهرة*]

انا رفيعه و عاجبني نفسي بس نفسي اتخن بس 2 كيلو ..بس كده

[sshy]

السلام عليكم
اولا شكرا علي مشاركتك يا زهره
بس انتي 2 كيلو
هتلاقي متبرعين لكي كثير هنا
بس يعني اشمعني 2 كيلو
مظنش انهم هيفرقوا كثير خاصه انهم هيكونوا متوزعين علي كل الجسم و مش هتحسي بيهم قوي يعني
عموما ربنا يحقق لك كل امانيكي يارب
و ارجو من كل البنات و السيدات المشاركه في الموضوع
تحياتي

[*زهرة*]

اختي بس اعتقد انهم ممكن يبانوا اصلي انا مش طويله 154 و نفسي وزني يوصل 50 ..نفسي احس ان عليا القيمه كده و اوزن :واه يابوي ..
وشكرا يا جميل على الموضوع

[sshy]

الله يكرمك اختي زهره
بس عموما ياعني 48 انتي كده توزني برضه
و في نموذج بس علشان اللي رفيعين ميقعدوش يقولوا عاوزين نتخن
انا بنت عمي قبل الزواج كانت برضه حواي 45 او 47 و كانت برضه مش طويله قوي و كان نفسها تتخن
بعد الزواج و الولاده وصلت حوالي 75 حسب اخر ما سمعت
و الان نفسها تعمل رجيم و تخس بس خلاص بعد الزواج الامر مبيبقاش سهل قوي زي قبل
صدقوني و الله
يياريت كل واحده و كل واحد كمان
يحافظوا علي صحتهم و رشاقتهم لان دي اكيد نعمه يتمناها كثيرون
تحياتي :wub:

[ROAD_RUNNER....]

مرحبيــــــــــــــــــــــشن ........
بالنسبه لي انا ابغى ازيدلي كم كيلو كذاااااااا :sniff: ......... وميغسو على المازوووع ورردة

[sshy]

ده عربي يا مرسي؟!!! :think3: :think3: :think3:

[*زهرة*]

shy هو انا عاوزة اتخن بس مش لدرجة 75..هو يعني لكد لكده ..عموما بلاهم الاتنين كيلو دول ..يللا يعني جت عليهم :think3:

[sshy]

shy هو انا عاوزة اتخن بس مش لدرجة 75..هو يعني لكد لكده ..عموما بلاهم الاتنين كيلو دول ..يللا يعني جت عليهم :think3:



:brb: :brb: :brb: :brb: :brb: :brb: :brb:



ورردة

[يابوي]

انا كنت زمان اتمنى انا اكون تخينة

انا تمنيت والحمد لله هي الامنية الوحيدة الي تحققت لية

ودلوقتي بتمنى انا اضعف كم كيلو بس مفيش فايدة

[أم أحمد]

و حافظي علي رفعك كويس لان مهما كانت واحده رفيعه ممكن تتخن مع الحمل و الولاده

أنا معرفش ان كان الكيلوين يعتبروا زيادة في الوزن أصلاً

عن نفسي يا أم سارة قبل الجواز و الحمل و الولادة كان وزني 53 .. كنت عايزة اتخن عشان أنا طويلة أًصلاً :drop:

و حصل وتخنت في فترة الحمل وصلت من 63 إلى 65 كيلو :واه يابوي

بعد الولادة بفترة لقيت وزني نزل شوية ووصل إلى 59 كيلو :hot: .. قلت الحمدلله طبعاً

و دلوقتي بعد مرور سنة تقريباً وصل 55 كيلو ومستمر في النزول :sniff: ( أنا شكلي كدا هاختفي ) :chains:

بس تعرفي بيتهيالي نزول وزني ده كله بسبب الحركة المتواصلة.. لو انا كنت قاعدة بالبيت ومش بشتغل كان زمانه وزني زاد أوووووي :think3:

آديني يا ستي حكيت لك حكاية وزني من طقطق للسلام عليكم :chains:

تحياتي :flowers:

[sshy]

عزيزتي باربروسايه
الموضوع كله استعداد للجسم و عوامل مساعده
في ناس بتاكل اكل بشع و لا تتخن
و ناس لو اكت كثير شويه تتخن
و ناس لو زودت في اكله واحده تتخن
يعني كل جسم له طبيعه
و البنت اللي وزنها قليل و عاجبها نفسها او حتي عاوزه تزيد
النقطه اللي عاوزة اوصلها لها
ان من شرط ان فلان رفيع في مرحله ما يبقي رفيع طول عمره
يعني ممكن يبقي طفل او مراهق او شاب او شابه رفيع و يتخن بعدين
و ممكن واحد يبقي تخين رضه في مرحله ما و يخس بعدين و لو ان دي اصعب من الاولي
في نماذج لا تعد و لاتحصي
و الجسم مع الزواج و الحمل و الولاده غالبا و ليس دائما يزيد
و اللي بينزله عوامل كثير
الرضاعه طبعا و الحركه و الرياضه و الرجيم او الاكل الصحي و طبيعه الجسم و نوع الغذاء يعني عوامل كثيره قوي
بس ممكن ميرجعش زي الاول و خصوصا لو كذا ولاده
بس بنلاقي ساعات ستات خلفوا عيال كثير قوووي و هما جلد علي عظم
و ستات خلفوا واحد بس و بقوا تخان قوي
يعني الموضوع نسبي و صعب توقعه
اما بالنسبه للحركه فالمشكله اللي مش قادره افهمها لحد الان
اننا بنعتبر الحركه في الخروجات و الذهاب للزيارات و التسوق و الشغل و شغل البيت ده رياضه
بس نلاقي ان الدكاتره يقولوا ان ده مش رياضه خالص بدليل ان في ستات بيوت كثير قوي و نساء عاملات مصابات بالسمنه المفرطه
و ان الرياضه اللي بتخسس فعلا شئ ملحوظ يعني هي المشي و الايروبكس و ما شابه
مش قادره احدد ده صح و لا خطا بس عموما كويس ان وزنك بقي مظبوط و حافظي عليه بقي
و ياريت اللي كانت تخينه و خست تقولنا عملت ايه بالضبط و بصراحه؟
و ما رأيكم في شفط الدهون و عمليات و ادويه التخسيس؟
و اللي بتقدر تحافظ علي وزنها ياتري ايه اللي بتعمله علشان تفضل رفيعه؟؟؟
شكرا للجميع :wub:
و في انتظار المزيد

[دموع القمر]

انا عن نفسي اعتقد ان الرفع احسن كتير..عالاقل الواحده هتتخن بعد الزواج :lolly:
الحمدلله انا رفيعه(حوالي64كيلو)وعاجبني نفسي جدا(لاني طويله..محدش يقول ان64كتير)..:nunu0000: ..عموما الموضوع لذيذ ويا ريت الكل يشارك..
((واحده رفيعه)):yahoo: :yahoo:

[SAD GIRL]

السلامووو عليكموووو :chr43:

ليه الإحراج بس :blush2:

أنا الصراحة بحس انه جسمي مقبول نوعاً ما ولو إني في رمضان حاسة إني تخنت :close_tem ،،
وأتمنى فعلاً لو إني أقدر أنزل وزني من 3-4 كيلو :budo:

تحياتي :rosy: :rosy:

[رحماك يا رب]

بالنسبالى أنا شايفة نفسى كويسة بس كل اللى يشوفنى يقول عليا رفيعة أوى
أنا طولى 163 سم و وزنى 55 كيلو
يعنى نفسى أتخن اتنين تلاتة كيلو كمان و خلاص

[nonasweetie]

معلش انا مش عارفة ايه الغرض من الموضوع ده

[بنت الماضي]

انا بقى كنت رفيعه اوييييي
وبيتريقو عليا
بعدين تخنت اويي وبرضو بيترقو عليا
ووبعدين خخسيت وبقيت كويسه اوي
لكن اخيرا تخنتلي كام كيلو كده بس مش مدايقني الحمد لله

[WhiteAngelDalia]

أما أنا بأه رفيعه جدا وعملت كل المحاولات الممكنه عشان أتخن
و كنت باكل كتير غصب عنى مع إنى مابحبش الاكل بس مافيش فايده أبدا:blush2:
فقررت أرضى بالامر الواقع و خلاص:dntknw:
و بالنسبه للشكل العام أنا باحاول ألبس هدوم تبيينى أتخن شويه:D

[وحدانية]

:rosy:السلام عليكم،، دي اول مرة اشارك فيها لان الموضوع بصراحة حيوي وتقريبا موضوع الساعة زي مابيقولوا، الكل دلوقتي بيتكلم عن السمنة وأضرارها وكيفية التخلص منها، وبصراحة انا واحدة من اللي بيعانوا من السمنة ونفسي أخس. وعايزة انزل حوالي 30 كيلو (إوعوا تتخضوا)، حاولت كتير وكل مرة أبدأ ريجيم أخس 2 أو 3 كيلو وارجع آكل تاني وازيد اكتر من الاول،،،،،، بصراحة احترت واحتار دليلي لاني لما باانزل السوق علشان اشتري هدوم وساعات مش باالاقي مقاسي في الحاجات اللي نفسي فيها، نفسيتي بتتعب وباأتضايق وساعتها باآكل اكتر.
أنا ماشية على ريجيم بقالي شهر والدكتورة كاتبالي على حبوب لسد النفس Meridia ولحد دلوقتي نزلت حوالي 4 كيلو..
أنا عندي إقتراح،،، أيه رأيكم نعمل (اللي عايزة تخس طبعاً)، نعمل جدول زمني وكل واحدة تقترح نظام غذائي ونغيره كل أسبوعين وكل واحدة تكتب نزلت كام كيلو كل اسبوعين، أظن حاجة زي كدة هاتشجعنا اننا نخس،،،، تحياتي

[نعسه]

انا نفسى احس
ادعولى

[نعسه]

[quote=أنا عندي إقتراح،،، أيه رأيكم نعمل (اللي عايزة تخس طبعاً)، نعمل جدول زمني وكل واحدة تقترح نظام غذائي ونغيره كل أسبوعين وكل واحدة تكتب نزلت كام كيلو كل اسبوعين، أظن حاجة زي كدة هاتشجعنا اننا نخس،،،، تحياتي[/quote]

فكره حلوه جدا:old:

[alanine]

انا طولي 165 سم ووزني 73 وعايزه اخس 10 كيلو
اتصرفوا حد يخليني اخس 10 كيلو دول لان خلاص جالي اكتئاب من نفسي وخصوصا وانا رايحه اشتري لبس لي فجأه وبدون سابق انذار المصريين بقى رفيعيين اوي لدرجه ان اللبس اللى في المحلات كلها بقى مقاسات صغيييييييييييييره
مش قلتلكم انا مكتئبه

[عكننةهانم]

أيوة عايزة أتنيل أخس

[toete]

الصراحه السمنه شئ لاتحسد عليه اي فتاه او شاب انها معاناه حقيقيه:out: وان السمنه تعتبر كذالك علي صحة الانسان:bomb2: قنبله موقوته اما ان توقفيهااو تنفجروتدمر صحتك ونفسيتك:budo:

[مروه حسين]

انا مش رفيعه ومش تخينه بس اللى حواليا سواء اصحابى او أهلى عايزنى اتخن شويه بس انا شايفه ان جسمى كويس مش عارفه أعمل إيه؟ حد يقولى

[yasmeen 88]

السلام عليكم ورحمة الله وبركاته

موضوع حلو ومهم لكل البنات فعلا , بحييكي عليه :rosy: :rosy: :rosy:

هو انا كان عندي مشكلة في الوزن من حوالي سنتين كنت زايدة حوالي 20 كيلو , بس الحمد لله دلوقت خسيت ييجي 15 كيلو منهم وفاضلي 5 ادعولي اخلص منهم بقى :ura1: :ura1:

لكن انا مش مع الرفع زيادة عن اللزوم , يعني الاعتدال في كل شيء كويس لا تخينة اوي ولا رفيعة اوي :looking:

وربنا يحقق لكل الكتاكيت اللي بيتمنوه :wub:

وكل سنة وانتوا طيبين بمناسبة رمضان

[ام سيف الدين]

:dntknw:انا يا ستي طولي 164 ووزني كان 51
ساعات 48 وبعد الجواز ما تخنتش ولا حاجه
غير في فتره الحمل وصلت ل 63 وكنت فرحانه
وقلت خلاص فرجت:ura1: ولكن مسافه ما ولدت
فضلت اخس واخس لحد ما وصلت ل 43 بيقولو الرضاعه :انجغة:هي
السبب ! المهم طبعا نفسي اتخن شويتين بس للاسف ما بحبش
اكل وبكسل اكل يعني بصراحه نفسي حد ياكللي
ادعولي معاكو يا جماعه ويارب التخان يخسو والرفيعين
يتخنو زي ما هما عايزين:old:

[بنت الاحساس]

شكرررررررررا على الموضوع الرائع

[ماهى666]

انا مش تخينة ولا رفيعة
بس نفسى اخس
وارجو المساعدة