القائمة السوداء لضباط الشرطة غير الشرفاء..

[جهـــJeHaDـــاد]

http://www.misr.gov.eg/arabic/images/logos/ministries_logo.jpg

ضابط الامن في اي منظومة دولية هو شخص موكل اليه حفظ النظام والحفاظ علي امن وسلامة البلاد في نطاق صلاحياته والمهام الموكلة اليه من قبل قادته داخل القطاع الذي يعمل به .

قدم ضباط الشرطة الشرفاء علي مدار سنين وسنين مئات وقد يكونو الاف الشهداء سالت دماهم علي تراب هذا الوطن..

شكلو نسيجا قوميا تلاحم في احلك الاوقات واسؤا الظروف مع شعب هذا الوطن ..سالت دماهم في مبني قسم شرطه الاسماعيلية عندما اعتصمو باماكنهم ورفضو اخلاء مقرهم لقوات الاحتلال الانجليزي في منطقة القنال التي رغبت بطردهم لمساندتهم وتغطيتهم لوحدات المقاومة في نطاق القنال ... واستبسلو باسلحه عتيقة وشجاعه متناهية لقوات مدججة بالسلاح واعلي تدريبا وعتادا حتي اجبرو قائد القوات البريطانية في منطقة القنال اللورد مورهاوس علي اداء التحية العسكرية لهم عند فض الاشتباك بل واطلق رجاله 21 طلقة تحية لارواح من استشهد منهم ومالحق الا ماشهدت به الاعادي وليصبح يوم السادس والعشرون من يناير عيدا قوميا للشرطه .

لاتزال اثار دماهم حتي وقت قريب تلطخ جدران مبني مديرية امن اسيوط بعد مواجهات 7 و8 اكتوبر 1981 مع قوي الظلام وتيارات الارهاب.

هم العين الساهرة للحفاظ علي الامن الداخلي للوطن..وماامثلة الشرفاء منهم بقابله للحصر ولا التمثيل..

وماقدمت اجهزة امن سيادية مثل مباحث امن الدولة او قوات مكافحة الارهاب او هيئة الامن القومي ويليها باقي افرع الجهاز الامني المصري من شهداء او مصابين ابطال في سبيل امن ورفعة هذا الوطن الا وظلو جنودا مجهولين ..غير مصرح بالاعلان عن اسمائهم ولاشخصياتهم في الغالب الا حفاظا عليهم من من قد يستهدفهم..

رجال ضحو باستقرارهم الاسري وارتضو ان يعيشو حياه الغرباء وان يحوي مكتب كل منهم سريرا ويكون بيته ماهو الا محطة ترانزيت يغادرها الي بيته الحقيقي (مكتبه) الا في سبيل قسم اقسموه يوما علي كتاب الله للحفاظ علي امن هذا الوطن وصيانته .

وهذا الثوب الابيض النقي تعرض للتدنيس بقسوه علي يد شرذمة منهم ..لطخت اسم وسمعه الباقيين ووصمتهم بما لم يكن يوما فيهم..

وماالافعال الاجرامية لهذه الشرذمة وماتجاواتها لانتهاك ادمية الاخرين في سبيل اغراض شخصية او ارضاء وخدمات متبادله خارج اهداف مهمتهم وعملهم الا وهي تشكل المزيد من البقع التي تشوه هذا النسيج.

في هذا الموضوع سنضع قائمة ثابته وتجدد دوريا لتكون قائمة سوداء لضباط الشرطة الفاسدين الذين خانو القسم ..وماادراكم مالخيانة تحت القسم .

والي جوارهم سنضع اسماء المتواطئين معهم.......سواء كانو عناصر شرطه او مرشدين مرتزقة تسببو في اذية الابرياء..

رجاء ان نلتزم بالتالي:
- اسماء ورتب واماكن عمل وعناوين ان وجدت .

- عدم التطاول اللفظي او استخدام اساليب مهيجة للمشاعر..هذه قائمة سوداء وليست منشور سياسي لاي تيار او هدف او حزب او اتجاه.

- ذكر وقائع (تفصيلية قدر الامكان) والارتكان الي مصادر موثوق بها (اشخاص ثقة - شهود عيان ) يمكن الرجوع اليهم عند الحاجه او عند فتح تحقيق جدي حول واقعة معينة.

- عدم الاعتماد علي مواقع انترنت - جرائد ايا كان اسمها الا اذا كانت مصحوبه بالاسم الكامل لمحرر المقال وعنوانه ورقم وتاريخ العدد (لحظة الجد يبتلع الجميع السنتهم وستفقد قائمتنا المصداقية )فنفس الصحيفة التي اعتمد البعض عليها مصدرا موثوقا عن احداث دمشاو هي التي نسبت الي الشيخ حسن البنا ماليس فيه ورفعت الزعيم الراحل جمال عبد الناصر الي مالم يصل اليه الانبياء المرسلين

- كل مداخلة تضم اسم واحد فقط مع جميع بياناته ..لاداعي لجمع قائمة من 3 او 4 اسماء ونقلها من اي مصدر ووضعها باعتبارها مسلمات ..

- الهدف الرئيس من القائمة هو فضح غير الشرفاء المنتسبين الي جهاز الشرطة وفضح المتعاملين معهم .. ييمكنكم البدء من اول امناء الشرطة المرتشين في جهاز المرور والي اي حد يصل فيه فساد..ستكون انت صوت من لاصوت له وستكون كلمتك هي كلمه حق في وجه من يظن انه سلطان ولكنه جائر.

-هذه قائمة سوداء تضم اسماء ووقائع فقط.. لاداعي للردود المتبادله والحوارات الجانبية ومداخلات من عينه حسبي الله ونعم الوكيل او جزاكم الله خيرا
اي واقعه بحاجه للتعليق يمكن لصاحبها او الراغب بالتعليق فتح موضوع مستقل والحديث عنها بعيدا عن هذه الصفحة.

بامكاني اغلاق الموضوع والاعتماد علي المداخلات عن طريق الرسائل الخاصة ..واعلم ان موضوع من هذا النوع قد يفتح ابوابا كثيرة مغلقة لاداعي لذكر ماورائها..الا ان الله يعلم الغاية والمقصد..وارتكن الي تحضر ورقي ودين واخلاق رواد قسمي الافاضل..ولذلك الموضوع مفتوح لاي مداخلة علما ان اي مداخلة مزيفه او غير حقيقية او غير موثوق من مصدرها سيتم حذفها وتنبيه صاحبها..

ارجو نشر القائمة والرابط والفكره علي اوسع نطاق ممكن علي الانترنت

تذكرو..هذه القائمة هي اختبار حقيقي لمدي ايجابية (او سلبيته ) الشعب المصري ورغبته في الخروج من واقع مرير ورسم غد مشرق .

اسرة قسم قضايا وحوار

[وهبه]

حياكم الله

فعلا

لا ننكر الجميل
فعينان لا تمسهما النار
عين بكت من خشية الله
وعين باتت تحرس فى سبيل الله

ولولا ان فى جهاز الشرطة من يحرسوننا ما نلنا الامن والامن كله بيد الله
الغوغايئة من الممكن ان تحدث لولا السلطان وانه ما يوخذ به ملا يؤخذ بالقرآن .

نعرف ان كثير منهم اسر مثلنا وتعول وربما منصبه يجبره على اشياء لا يتمتع بها مثلى فى ....الانضباط والتقيد بالميرى ...حتى السياحة ...او العمرة ..
الا ان هناك فئة تستغل سلطتها ..... :maaaad:
ويبصب نفسه قاضى وجلاد من قبل ان يُبت فى التهمة ...
ويزيد فى امعانه فى ازلال المتهم ..وقد ينتزع منه اعتراف تحت تهديد

ومنهم من بهم دهاء ....واعتقد ان الدراسة التى تلقونها تجبرهم على التعامل مع الجمهور ....انه مخطىء فى كثير من الاحيان
اى ليس المتهم برىء حتى تثبت ادانته
وهنا
مكمن الخطر ..ومن الذى فوضه فى ذلك ؟
واذا لمت على احد منهم .....قد تفاجىء بانها اوامر عليا


عليا

:think3:

فين

:think3:

مين

يعنى
شفتم مسئولة التعذيب فى سجن ابو غريب قالت...القرار جاى من الكونجرس ووزير الدفاع عنده علم

هنا
ومصريتنا

من الذى يحكم الكونجرس المصرى

نعلم ان هناك قيادة للاركان

وان الامر لا يمكن به ان يستهان

واذا وقعت ضحية

حتما ستجد الكومبارس

اذن اخى جهاد
منظومة
صادر القرار فيها
هو المسئول
دعك من الكومبارس
لذلك
الغاء قانون الطوارىء امر شرعى
لانه يخول سلطات لاشخاص بان يتهموا اناس ابرياء ....وكمالة عدد

وشكرا على من يطالبون به

الخجل عند الشعب المصرى سيمنعه من المواجهة
فاذا انا قلت فلان ....وكان علان شاهد....عند المواجهة سيتغير الامر

صدقنى يوجد جبن ..او خوف...او سمه ما شئت

السؤال الذى يفرض نفسه

هل ايام حرب النكسة او المقاومة الشعبية فى السويس وبورسعيد
ليسوا شرفاء من قاموا بها رغم ان بعض الاهالى كانوا عملاء

هنا
لو غار علينا العدو
من من هؤلاء يستطيع حماية نفسه الا اذا كان الشعب خلفه

اخى فى الله
موظف الدولة لابد ان يتعامل مع باقى افراد الشعب بأدمية
حتى ولو مخطىء

هذا هو مطلبنا

والى ان نرى المظاهرة امام مجلس الشعب .....سيصور اعداؤنا التجاوزات
فما بالك بالصحافة المعارضة

سأوافيكم باى انتهاك ....لاى مواطن ذهب الى مجلس الشعب مسالماً وتمت اهانته او اعتقاله ...وربنا يستر ومحدش يموت
الى الله المشتكى ونفوض الامر الى الله
وشكرا
على مبادرتكم البناءة

حياكم الله

[alsarem alhasem]

أول المتهمين :

السيد اللواء حبيب ابراهيم العادلي...وزير الداخلية

بصفته مسؤولا عن كل تجاوزات ضباطه ...خاصة انه يعرف واحيانا بأوامره شخصيا - وطبعا هو أخذ اوامره من اللي فوقه


بناء على ما سمعته بأدني من ضباط قسم......في انتخابات عام 2000 - ومعظمنا يعرف ما حدث فيها - بأن ما يفعلونه بناء على اوامر وجهت لهم

هذه الانتخابات كدت أن اقتل فيها دفاعا عن امي من البلطجيات اللواتي كن تحت حماية الشرطة وكدن ان يتعرضن لأمي عندما اصرت على الدخول للتصويت ، فتدخلت بالطبع مهما ما كان ليحدث لي ، وكادت ان تنشب معركة بيني وبينهن وفي هذه الحالة كان سيتدخل الضباط بالفعل لكن الله سلم بأن المعركة لم تبدأ ، فقد قام احد الضباط بكبح جماحهم - لا اظن لوجه الله - ولكن لأن امي افي احتدادها عليهم أخبرتهم أنها استاذة جامعية

وحدث امامي قبل هذا بدقائق ان قاموا بالاعتداء بالهروات على شخص اصر على المرور الى منزله في الشارع المغلق وأثناء الاعتداء اصطدموا دون قصد بإحدى الاخوات المسلمات المنتميات لجماعة الاخوان واوقعوها على الارض - صراحة كان دون قصد فعلا - وقاموا بالاعتذار لها ثم اوقفوا لها سيارة اجرة كي تعود بها للمنزل (عرفت انها من الاخوان طبعا فيما بعد فوقتها لم اكن اعرف عنهم الكثير ...بس كانوا حواليا وانا مش واخد بالي :drop: )

خلاصة ما اريد قوله ..على رغم من قذارة البعض منهم لكن مازال هناك في قلوب البعض الآخر بعض الضمير ..ولن يظهر الا اذا تطهرت قياداتهم



وبطبيعة الحال كانت هذه الحادثة نقطة تحول في تفكيري..صحيح ان التحول بدأ قبلها بفترة كبيرة لكن هذه كانت دفعة أخرى



طبعا انسى اني اقدر اثبت الحكاية دي :closeeye: - وعشان كده طبعا لم اذكر شخصيات ، غير اني لا اعرف اساميهم بالطبع لكن الموقف حدث لي شخصيا



مازال هناك عدة قصص لأصدقاء لي تعرضوا للاعتقال في مظاهرات ابريل 2001 وما حدث لهم سواء في عربات الترحيل او داخل مقر امن الدولة نفسه



وايضا انطباع لي في كلمة قلتها امام احد ضباط امن الدولة - دون ان اعرف شخصيته الا بنظرته لي عندما قلتها - صحيح انه لم يتعرض لي لكنها بينت لي كم من الحجارة داخل هذه القلوب


تسمع عن الشهيد محمد السقا اللي مات في مظاهرات نفس العام في جامعة الاسكندرية بيد قوات الأمن ؟



كفاية كدة واللا أكمل.....بعدين ان شاء الله B)



منتظرين باقي الحكايات من الناس

[جهـــJeHaDـــاد]

بناء على ما سمعته بأدني من ضباط قسم......في انتخابات 2004 - ومعظمنا يعرف مما حدث - بأن ما يفعلونه بناء على اوامر وجهت لهم



قسم............

اخي الصارم الحاسم.. ايه هي المنطقة اللي اسمها ......... وفيها قسم اسمو قسم ...........؟

رجعنا للحكايات ..مفيش اسم..مفيش مكان..مفيش حدث..فيه بس تاريخ :sniff:

يتعمل بيه ايه ده بقي؟

ماعلينا ..

ياجماعه المداخلتين اللي فاتو دول عينه للسادة قارئي الموضوع عن المداخلات اللي موش عاوزينها في القائمة السوداء هنا :drop:

دي انطباعات شخصية ...ممكن نفتح موضوع اسمو اكتب رأيك في ضباط الشرطة لكن هنا في قائمتنا عاوزين اسماء-وقائع-تواريخ-رتب- عناوين -احداث...الخ

اوك؟

تاني....الموضوع ده هيكون مقياس لمدي سلبية الشعب المصري..152 مشاهدة و72 ساعه مرت ومفيش اي حاجه من اي حاجه..وعاوزين نغير..نغير ايه موش عارف بس عاوزين نغير..

حسبي الله ونعم الوكيل .. انتو متأكدين ان اللي خرج مع موسي كان اليهود؟مرجعوش تاني طيب:sniff:

[alsarem alhasem]

قرأت دي....


طبعا انسى اني اقدر اثبت الحكاية دي



اما هذا واما لم يعجبك فأترك لك الاختيار في حذف المشاركتين دون اي غضاضة :)


كانت مشاركة مني لاحياء الموضوع لاني حسيت انه سيموت

[وهبه]

استاذ جهاد

انا تعرضت للظلم
وفى نفس الوقت مرت الحكاية وانا مظلوم او وانا لسة ما خدتش حقى
ماذا يفيد انى اعطيك عنوان ظالمى .....وقد يكون تاب الله عليه :chr43: او اتحال على المعاش يوه بقى او مازال يخدم فى موقع أخر
ولكى تقلب قضيته ....ربما لا ننتهى .....
خلينا فى مثال

السيد الظابط محمد عمارة

مثلا

يعنى السيد اللواء حبيب العادلى
ما يعرفش ان اللى معلق دبابير ده ...كأنه حكم مقاطعة له فى مركز او فى نقطة شرطة .....والجهاز حاميه

يعنى
مرة ظابط قالها لى
احنا نموتك ونرميك فى اى خرابة ونطلع نعَين عليك ....وطبعاً
ضد مجهوا
دا لو فيه عدل .....
اما بقى
ممكن يجيب واحد تانى شبهى وفى تيارى ...يعذبه
وينتزع منه اعتراف انه هو اللى موته
:brb: :brb: :brb: :brb: :brb:

استاذى

عفى الله عما سلف
وليستيقظ جهاز الشرطة من ان المخابرات تراقبه وان هناك من يراقب المخابرات نفسها

محدش قال لى تعالى اعمل رأفت الهجان يعنى :واه يابوي

اخى الكريم
ادعو معى
اللهم ادم على مصر الامن والامان

ولنبلوكم بشىء من الخوف والجوع ونقص من الثمرات ....
الابتلاءات كثيرة

الشيح محمد متولى الشعراوى
قال ايه
لما جابوه ليبارك لمبارك سلامة محاولة اغتياله

هو ده

لابد ان تهرب بدبلوماسية :chr58:

ها نروح فين
لا ملجأ من الله الا اليه
اما ان تتهمنا بالخوف

بس انت ابعت قول لى .....الظابط فلان عمل فىّ ايتها حاجة
شوف انا ها اعملك ايه .... :clap:
ها اتظاهر
وشوف بقى

دوامة
الضمير
اين الضمير والذى مات عند البعض
يعنى محمد عمارة
لو السيد حبيب العادلى
جابه ورماه فى وسط القرية ...لاهل نفيسة
ستجد امريكا تدخلت ولامت الوزير
هوا مفيش قانون ولا ايه
والقانون ...ستة شهور مع وقف التنفيذ ..او تنفيذ
وشوف بقى ظابط ها يتحبس عند ظابط زميلة
دا ممكن يخليه يروح ويجى الصبح

الرجاء
الواقعية

سلبيات عديدة يواجها جهاز الشرطة ....ناهيك عن الامن العام ...
ساعة الناس ما بتسمع سيرتهم
استوب

فما بالك
بما هو اعلى

الله اعلى واعلم

شكرا :flowers:

[جهـــJeHaDـــاد]

عفى الله عما سلف
هو ده اللي جايبنا ورا

سيدي الفاضل يوم القيامة ربنا بيتوب علي العبد العاصي لكن بيقتص لمن ظلمهم منه.


وليستيقظ جهاز الشرطة من ان المخابرات تراقبه وان هناك من يراقب المخابرات نفسها



للاسف لا
المخابرات غير مصرح ولامسموح لها بالعمل داخل الحدود الا بتصريح من رئيس الجمهورية وبالتعاون مع هيئة الامن القومي فقط

في مشروع لانشاء جهاز انضباط للشرطة زي الشرطه العسكرية في الجيش كده بس معتقدش انه هيظهر دلوقتي..ممكن نكون احنا ال beta بتاعوB)



اما هذا واما لم يعجبك فأترك لك الاختيار في حذف المشاركتين دون اي غضاضة :)



يالورد ابدا والله..

بص .. انا اول شهر لي مشاركه من تلات سنين في القهوة كان عن موضوع مشابه ..وشخص ما دخل عمل موضوع طويل عربض (ادعي) انه حصل ف الزقازيق..واتحمقت انا قوي وقلت امن ايه ولاد ال*** دول .. وف الاخر نزلت علي فاشوش وطلع 95% من الاحداث مكتوبه بطريقة جورنال النبأ وكان شكلي وحششششششششش..

وكل شوية تلاقي حد يدخل يقولك الامن الظالم..كلاب موش عارف ايه .. وكل ده تشويه لصورة ..سلبيات المفروض نكون ايجابيين ونواجهها..طبعا انت بتقري معايا الموضوع وشايف ال(ايجابية) عمالة تتدلدق من كل حدب وصوب اهي ..فين الناس بقي معرفش

عموما ادينا قاعدين ..هنروح فين؟

[alsarem alhasem]

قمت بتعديل التاريخ في مشاركتي...هي انتخابات عام 2000 بالطبع بتاعة مجلش الشعب وليس 2004

[وهبه]

ومفيش اي حاجه من اي حاجه..وعاوزين نغير..نغير ايه موش عارف بس عاوزين نغير..

حسبي الله ونعم الوكيل .. انتو متأكدين ان اللي خرج مع موسي كان اليهود؟مرجعوش تاني طيب:sniff:

جنود الله فى الارض
وخير جند عندنا ببشارة سيدنا محمد صلى الله عليه وسلم ووصية الناس بذلك
فالقوات المسلحة مازالت فى أوج ريعانها للعمل على تنمية مهاراتها على مر الايام وتنافسها الشرطة المدنية فهى لا تعدوا قسما واحدا من الجيش المصرى ناهيك عن المخابرات العامة والتى تجمع بين الاثنين
وما دمت تكلمت عن جهة الاختصاص فكما الشرطة العسكرية تحاكم افرادها محاكمات عسكرية فان قلنا عن ظابط الشرطة انه موظف لدى اجهزة الامن المصرى
فلابد ان تكون هناك رقابة
وجهاز الرقابة الادارية ينظر فى مثل ذلك من امور ...ده لو المخارات العامة لم تراقب
الداخلية ووزارتها تعنى الامن الداخلى صحيح الا ان الجيش قد يتدخل عند الضرورة ...وهذا والحمد لله امر اخر......فأين الجيش المصرى مما يحدث :think3:
فللرقابة على عمل وزارة الداخلية وتلقى الشكاوى هناك العلاقات العامة .... وتتلقى مثل هذا من شكاوى بقى مسألة الفرقة فكل محافظة بها فرق شمال جنوب
وكل ادارة لها توابع......
وانا كانسان مصرى احتك بسوق العمل دوما ....رأيت بأم عينى مواطنين تعرضوا لتفتيش مساكنهم ومصادرة اشياء لهم ...وهذا معلوم للجميع فمنهم من يتهم الظابط الذى أُوكل اليه هذا العمل وما دامت هناك شكوى فلابد من التحقيق فيها ........
ولا اعلم ان ضمير من يحقق سيغير دفة التحقيق ليبطل الباطل مثلا ٌ...او ان فبركة التحقيق لان شخص المحقق من نفس شخص الذى سيتحقق معه فستوجد حتما علاقة زمالة وان لم تكن هكذا فمعلوم للمحقق ان ما يقوله المواطن من شأنه ان يضر بالمحقق معه .وقد يعزله ويخرب بيته ....وهنا بعاطفيه الظابط لزميله سيتأثر التحيق ولا يُحق حقاٌ.....

ومش عارف الاستاذ جهاد عاوز ايه بالظبت
هو مفيش غيرى ....
:brb:

قل الحق ولو على نفسك

ولو تكلمت ...لأنقلب الموضوع الى مسرحية ...... :brb:

فى ذات مرة ....استحم لواء قائد فرقة بجالون سنتال ابيض لميع
وكلما حاولت ان ازيل اثار البقع تشنج وهاجت عصبيته وانا اضحك ...
وجميع الحضور ..... :أخخخ: شـــــــ ....على روحهم

والله ما اضعف بنى ادم
ومنهم من نحترمهم لادائهم المميز فى حفط الامن والامان

لنبلونكم بشىء من الجوع والخوف ... فعدم الامن خوف وبلاء :maaaad:
اى رتبة موظف دولة
فهل بمقدور مواطن ان يرفد او يعزل او ...وكيل وزارة وما دون الوزير الا بقرار وزارى

ام ان وكيل وزارة الزراعة كان الكومبارس للدكتور يوسف والى ..
ولما تحصر القائمة السوداء فى الظباط فقط
.....انا كان لى موضوع عن ادارج مَن نراهم منافقون فى لائحة الارهاب
والارهاب اللى بتحاربه امريكا ...يتجسد عندها فى محاربة الاسلام
اول واحد
اتهمه

بوش

خوش

مروش

:brb:

[حكاية حزينة]

عزيزي جهاد
انت دئما غاضب مني لاني باقول الحقيقه وباظهر الامور على علاتها المهم في النهاية عندما تخرج من القهوة وتجلس مع نفسك سوف تجد كل كلمه كتبتهااااااااااااااااا هي الحقيقه
المهم يا عزيزي نحن
شعب يملك ملكة التلفيق والكذب بشكل غير عادي وموضوعك ده حيخلي كل اللي كاننفسه يبقي ضابط ومنفعش علشان ابوه كمسري ولا متغاظ من ضابط
حتنشط ملكات التأليف عندهم وحيغنو غنه للصبح
لك تحياتي ورردة

[جهـــJeHaDـــاد]

شعب يملك ملكة التلفيق والكذب بشكل غير عادي وموضوعك ده حيخلي كل اللي كاننفسه يبقي ضابط ومنفعش علشان ابوه كمسري ولا متغاظ من ضابط
حتنشط ملكات التأليف عندهم وحيغنو غنه للصبح
لك تحياتي


عزيزتي حكاية حزينة..
اولا انتي عارفه انا بتضايق من ايه واكيد موش من صراحتك انما من (زيادتها عن الحد لدرجه التوصيف)

ثانيا الحمد لله انا اقدر افرق الجد عن التأليف كويس جدا وعندي من الطرق مايمكنني من هذا .. لكن حتي التأليف انا مشفتوش :brb:

يابنتي كل اللي كانو بيكتبو عن الشرطه و(زبانية) امن الدولة التلات سنين اللي فاتو بكل همة ونشاط اختفو ف ظروف غامضة موش عارف ليه !!!

ماعلينا ... ادي الموضوع متثبت.. وصمة بسلبيه الشعب اللطيف بتاعنا..وربنا تستاهلو اي حاجه تجرالكو :surrender

[ابو الكباتن]

علي النعمة يا جهاد
انت هتوديني في داهية
انا لو كتبت الصراحة هروح في مصيبة
المقصود بالصراحه هنا الأسماء الخاصة بضباط الشرطة
المهم
مرة وانا في العراق أرسل أحد الأفراد من هواه الشعر رساله أو قصيده للرئيس السابق صدام حسين . ولم يكتب اسمه عليها .
وكانت القصيدة عبارة عن ذم وشتم في الرئيس
وطبعا الرساله لم تصل للرئيس العراقي ولكن ......
تمم معرفه المكان الذي ارسلت منه عشان الختم الي علي الرسالة
مش عايز أقول لك اية اللي حصل للبلد دي ولرئيس مكتب البريد
المهم :- في مصر أيضا
وهذه حقيقة كتبها الصحفي الفاضل احمد رجب في جريدة الأخبار
فقد ذهب أحد المواطنين ليرسل تلغراف للسيد رئيس الجمهورية وأخذ الورقة ليكتب التلغراف فكتب كلمه ( لا لمبارك ) وهذا في الاستفتاء الماضي
الراجل بتاع البريد قرأ الكلمه ولم يستطع لسانه ان ينطق لكمة واحدة
فذهب إلي رئيسة في العمل وقال له ما حدث
الراجل هو كمان وصلت الكهرباء في جسمه الي مليون فولت
واتصل بالسيد المحافط الذي بدروه اتصل بمدير الأمن الذي ارسل فرقة من مباحث أمن الدوله لهذا الرجل واقتادته معصوب العينين إلي جهه غير معلومه .
واتضح أن الراجل كان يعاني من مشكله خاصة مع السادة المسئولين ومش لاقي حج يسمع له فأرسل هذاالتلغراف الذي لم يرسل أصلا بل ارسل بصاحبه إلي أمن الدوله .
المهم
الرئيس مبارك عرف الموضوع دة
وهو الذي تدخل شخصيا للافراج عن الرجل
يعني أقصد في النهايه
ان كل تجاوز من رجال الشرطة ليس من الضروري ان يكون بأوامر مباشرة من الرئيس ولكن قد يعتقد البعض انهم بهذا يحموا النظام بالرغم من أنهم يسيئوا له كثيرا . والراجل بتاع حريدة العربي أقرب مثل
والمهندس اللي كتب لا للتوريث أقرب مثال
وسلم لي علي ضباط الشرطه حبايب الشعب
أبو الكباتن

[snbadalex]

اخى العزيز /جهاد
دائما تأتينا بمواضيع غاية فى الاهمية والاثارة
ولكن اسمح لى انك لن تجد فى هذا الموضوع ما يستند على دلائل وبراهين
وان وجد فسيكون غير كامل
ولكن دعنى اسجل اعجابى بمواضيعك وردودك المحايدة

كل تحياتى
سندباد الاسكندرية

[قاهر العولمة]

أخي جهاد أنا ححكيلك واقعة حقيقية حصلت ليا ولمجموعة من اصدقائي سنة 1998 وتاثيرها لو حتصدقني لغاية دلوقتي وهي واقعة بتحصل كل يوم لأي حد من غير سبب ححاول أكون محدد ومختصر وأدخل في صلب الموضوع على طول ..

الضابط المسئول محمد صبري العش
رتبته : رائد
الوظيفة رئيس مباحث قسم النزهة بالقاهرة

المكان قصر ثقافة مصر الجديدة

الزمان كان في شهر يوليو سنة 1998

الحكاية كما يلي :

مجموعة من عشاق فن المسرح كان كل حلمهم تحقيق غاياتهم الفنية من خلال اي قناة تعبر عنهم وتحتويهم وقد كان ففي مبادرة جميلة وافقت إدارة قصر ثقافة مصر الجديدة (ميدان هيليوبلس ) على إنها تخللي الناس تكون فريق عمل مسرحي وبدأنا فعلا في البحث عن نصوص وقمت بإخراج نص وإتنين وأصدقائي كمان .. وعلى قد ما الإمكانيات كانت قليلية لكن كان التحدي أكبر وقدرنا ننشط المكان وننوره من جديد .. المهم في يوم مدير القصر عرفنا بحد إسمة الدكتور رامز طه محمد شمعة وده راجل دكتور في علم النفس وعايز يعمل تجربة في السيكودراما وفضل يتكلم وفي النهاية إقتنعنا بجدية الفكرة ووعدنا إنه يقدملنا النص المسرحي .. غاب كام يوم وقدم عشر ورقات عايز يعملهم مسرحية .. طبعا لقينا الموضوع هايف لكن كان فيه شوية حرج من الراجل بالإضافة لرغبة الإدارة المهم بدأنا نعدل في الورق على المستوى الدرامي وهو طبعا ولا له في موضوع الدراما أبدا ومر شهر وشوية وكمل العرض بعد بروفات وإجتماعات كتير وبدأنا العروض ... مش عايز أقولك كم الوعود إللي وعدها لينا بالتغطية الإعلامية وإمكانية بيع العرض والمستقبل المشرق البسام .. كل ده طلع على مافيش معملش اي حاجة وبقى منتظر يجني نتيجة جهد الفرقة إللي كانت حسبته من البداية إنهم شوية عيال وحستخدمهم لمصلحتي .. بدأت النفوس تشيل على مستوى الشغل لكن كل ده بيحصل في اي شغل في الدنيا .. لغاية يوم الواقعة نفسها ...

في بليل وإحنا في القصر مجتمعين مع الفرقة في وجود الإدارة والموظفين لقينا ضباط قسم النزهة وقتها والمخبرين بتوعهم بيسألوا على البطايق وكأننا في الشارع وألا على قهوة .. طلعنا البطايق فعلا لقيتهم عايزين مننا تلاتة أنا كنت واحد منهم وأنا طالع حسيت بحرج شديد جدا خصوصا موضوع البوكس وقلة الأدب بتاعتهم في التعامل وكأننا مجرمين وألا أعداء البلد .. طبعا كانت زفة يا عم جهاد .. وفي البوكس سمعنا بقة كلمات التهديد والوعيد على كيف كيفك .. طيب يا جماعة ليه وعملنا إيه ... محدش فيهم بيرد ...
وصلنا للقسم (قسم النزهة بمصر الجديدة ) وهناك لقينا حضرة الضابط محمد صبري العش رئيس المباحث وزي الأفلام بالضبط لقينا نفسنا إترمينا في غرفة حجز في وسط الحرامية والمجرمين والنشالين .. طب ليه يا جدعان عملنا إيه محدش رد وفضلنا نضرب أخماس في أسداس كنا تلاتة واحد فيهم مخرج في قناة فضائية والتاني معاه دبلومة مسرح وخريج كلية زراعة والتالت خريج كلية تجارة .. كنا مقضيين الخدمة العسكرية وبنحلم ببكرة .. كان أقصى إنحراف لينا السهر على القهوة لغاية إتنين الصبح ... مكانش ممكن نعمل حاجة أو تيجي خاطرة في بالنا توصلنا إننا نترمي في الحجز .. شوية وبدأوا يطلبونا واحد واحد (إمتحان شفوي) ودخلنا أوضة سيادة الرائد محمد أفندي ولقينا مين ..؟؟ تفتكر مين آخر واحد ممكن نتوقعة وقتها الدكتور رامز إللي كان معانا ساعة القبض علينا لقيناه قاعد ولابس بدلة جديدة وعنية كلها فرحة وشماتة .. أنا أول ما دخلت كنت حجري علية أقولة إلحقنا يا دكتور شوف إيه إللي حصل .. لقيت لك رئيس المباحث بيقوللي فين الفلوس اللي إتسرقت من الدكتور رامز ؟؟؟!!!

فلوس إيه يا أبو فلوس دا إحنا كنا بنعزمة على القهوة .. فلوس مين ده كان فاتح عيادة وعليه إيجار متأخر تلات شهور .. فلوس مين دي السكرتيرة إللي عنده مكانتش بتآخد راتب .. فلوس مين ده مقيح .. وتخيل المبلغ كان كام أرع آلاف ونص شوفت النتانة ..

طبعا كان واضح أوي إن حضرة الضابط محمد صبري بيوجب مع الدكتور وإنهم صحاب وإن الدكتور متضايق مننا بسبب الخلافات الفنية وراح عامل الحكاية على إعتبار إننا ملناش أهل .. وعشان الواجب يكمل كان لازم الليلة تتم .. وإنت فاهم يعني إيه ليلة في حجز في المباحث .. يعني لازم إهانة وشتيمة .. لازم إرهاب نفسي ... وآخر حاجة إعتدوا بالضرب البدني لواحد مننا .. تعرف يا جهاد عملوله إيه ؟ مدوه على رجليه ..

راجل في التلاتينات يتمد على رجليه ..
شاب خريج جامعة وفنان وحاصل على جوائز من الدولة في الإخراج والتأليف المسرحي في الجامعة يتمد على رجلية ..
يا آخي بني آدم ليه يتهـــــان ..؟؟!!!!

المهم إتعرضنا تاني يوم على النيابة لما جبنا وسايط الدنيا عشان نتعتق من إيدين محمد بيه .. وفي النيابة طبعا الموضوع خلص وطلبوا رامز ومحمد للتحقيق معاهم .. وخرجنا بدون ضمان مالي وإتحفظت القضية وفضلت النار إللي جوانا ..

بقى عشان واحد صاحب ضابط يقوم يلفق قضية زور عشان يؤدبهم ..
والضابط عبيط أوي كدة تعالى يا محمد يروح محمد ..؟؟!!

إحنا إتدمرنا بعد الواقعة دي .. طبعا مقدرناش نكمل في قصر الثقافة .. وواحد بقاش قادر يمشي في الشارع من الخوف .. والتاني الدكتور رامز كمل الشو وجاله شغلة في التليفزيون ودمر شكله عند مديرة القناة وتم الإستغناء عنه وفضل يحاول لغاية ماساب البلد كلها بعد مافقد فرصتة الحقيقية فيها ..

والتالت مش عارف حصله إيه .. ربنا يجمعنا بيه على خير ...

حتقوللي طب ليه ما عملتوش حاجة بعدها تآخدوا بيها حقكم حقولك عملت وبعت برقية لوزير الداخلية كان نصها : ((( برجاء مقابلة سيادتكم لأمر يخص كرامة المواطن المصري ))) وكل إللي حصل إنهم طلبوني وحولوني على جهة تختص بالفصل في مثل هذه القضايا بين المواطنين والشرطة وحققوا معانا وسمعوا شكوانا و... ولا حياة لمن تنادي .. ولا حد بلغنا بحاجة ولا عرفنا عملوا إيه فيها ..

دي كانت واقعة حقيقية ممكن تتحقق من كل تفاصيلها أدت لحاجة بسيطة أوي .. كفرنا بحب البلد دي والنظام فيها بسبب ليلة سودا وظلم دمر حياتنا وأحلامنا ...

شكرا يا جهاد إنك سمعتني وشكرا لأي حد قرى الكلام ده ... ويارب يهنيكم كلكم ويبعدكم عن مسوخ الداخلية .

مع خالص إحترامي وتقديري ،،،

[حكاية حزينة]

برافوووووووووووووووووووووووووووووووووووووووووووووو ووووو

[جهـــJeHaDـــاد]

عظيم

العضو رقم 1 في القائمة:

الرائد محمد صبري العش
رئيس مباحث قسم النزهة بالقاهرة




حتقوللي طب ليه ما عملتوش حاجة بعدها تآخدوا بيها حقكم حقولك عملت وبعت برقية لوزير الداخلية كان نصها : ((( برجاء مقابلة سيادتكم لأمر يخص كرامة المواطن المصري ))) وكل إللي حصل إنهم طلبوني وحولوني على جهة تختص بالفصل في مثل هذه القضايا بين المواطنين والشرطة وحققوا معانا وسمعوا شكوانا و... ولا حياة لمن تنادي .. ولا حد بلغنا بحاجة ولا عرفنا عملوا إيه فيها ..


يعني كان في استجابه علي برقية مبهمة انت بعتها لوزير الداخلية ..طيب بعد مااخدو شكواكم ياتري فكرت تتصل او تروح تعرف ايه اللي تم فيها؟

عموما قائمتنا نالت اول اسم..نحاول نعرف البيه فين دلوقتي وايه اتعمل معاه ..

شكرا قاهر العولمة .. شكرا لانك اثبتلي ان لسه في حد ايجابي ورردة

[قاهر العولمة]

أنا إللي بشكرك يا جهاد ..

وعلى فكرة أنا لما بعتت البرقية تم إستدعائي في مقر وزارة الداخلية في عابدين عند رئيس قسم العلاقات العامة وكان إسمة اللواء شريف - على حسب ما أنا فاكر - وبعدين حولوا الموضوع على الجهة إللي حكيتلك عنها إللي بتختص بفض المنازعات بين الشرطة والمواطنين وكان المسئول عن الموضوع عقيد إسمة عاطف أبو العلا والمكان ده كان بجوار قسم عين شمس عند مستشفى مصر الجديدة العسكري أنا فاكر الأيام دي كويس يا جهاد ، وهناك بعد ما تم التحقيق معانا تاني وعدونا إنهم حيحققوا مع الرائد محمد صبري العش ، وأنا فاكر كويس إني سألته ممكن أتابع مع حضرتك بإتصال قاللي ممكن زي ما إنت عايز بس النتيجة إللي حنوصل لها مع الضابط (محمد صبري ) مش حقدر أبلغك بيها ..

ده إللي حصل بالضبط وربنا يشهد على كلامي والله على ما أقول شهيد ،،،

بكرر شكري ليك وشكري لإدارة المنتدى إللي بتسمح بالنوع ده من التنفيس عن الظلم وربنا يحفظكم ... وعمار يا مصر .

[المقاتل]

بالمناسبة يا أخت "حكاية حزينة" ، أنا أبويا الله يرحمه كان صياد(مش كمسري) ، بس كان ممكن إني أبقى ضابط ، بس أنا ما حبتش أكون أي حاجة في الاتجاه ده ، عشان أحافظ على ديني ، يمكن القناعة ده اتغيرت بعد كده ، لما شوفت ناس قدرت تحقق المعادلة ديه ،
يعني معاك إن احنا بقينا شعب بيألف كتير ، بس يعني الحكايات الحقيقية أكتر بكتير مما تتخيلي ، بتحصل كل يوم ، وأكيد لو حضرتك مختلطة مع شرائح مختلفة من الناس هتشوفي كويس الحكايات اللي بقلك عليها

بالمناسبة أنا عندي حكاية جامدة جدا ، وموثقة لأني قدمت بلاغ في النيابة ضد الضابط اللي كان له يد في الموضوع ، بس الحقيقة أنا هفكر في المصلحة من ورا حكيها وبعدين أقرر

بالمناسبة أنا مش خايف ولا بألف لأن الحكاية ممكن تحصل تاني في أي وقت ، كمان موضوع قدرتي على إني كنت أبقى ضابط ده بجد (مش قصر ديل يعني) ، عشان فيه في العيلة شوية وسايط في حتت جامدة (ولا كمان مفيش حاجة اسمها واسطة زي مفيش ضباط وحشين) ، على العموم احنا ناس غلابة وربنا يحشرنا مع المساكين يا ستي

بالمناسبة أنا مش بستهزئ ولا بتريق ولا بحسس على بطحة الصياد ولكن ده رد على كلام حضرتك كنت ممكن تقوليه بطريقة ألطف بكتير من الطريقة اللي قلتيه بيها

حاجة أخيرة ، بعد الموقف اللي حصل لي(اللي هحكيه إن شاء الله :) ) ، أنا مش يائس على الإطلاق ، بل بالعكس أنا شايف إن ده بلدنا واحنا أولى بها ، وإن هؤلاء الشرذمة ما كانوا ليتجبروا هكذا إلا بكثرة ذنوبنا وعدم جديتنا في نصرة الحق

[Activist]

موضوع متميز حقيقى, حبيت أسجل إعجابى لكن مفيش موقف من المواقف دى حصل معايا لكن لما يحصل إن شاء هاجيلكم تانى أما عن المرتشين فى المرور دول فانا إتكعبلت فيهم كتير أوى لما كنت بجيب الرخصة بعد ما تتسحب منى كل مرة عشان السرعة و اللستة طويلة أوىىىىى بعد كدة هبقى أجيب بياناتهم...

وإنتا يا مستر جهاد محصلش معاك و لا موقف طيب ؟

[Activist]

حاجة أخيرة ، بعد الموقف اللي حصل لي(اللي هحكيه إن شاء الله :) ) ، أنا مش يائس على الإطلاق ، بل بالعكس أنا شايف إن ده بلدنا واحنا أولى بها ، وإن هؤلاء الشرذمة ما كانوا ليتجبروا هكذا إلا بكثرة ذنوبنا وعدم جديتنا في نصرة الحق تقديرى و إحترامى ورردة

[LANCER]

والله موضوع جامد متلاقيهوش في اي مكان خوفا من الرقابه :twee:



موضوع متميز حقيقى, حبيت أسجل إعجابى لكن مفيش موقف من المواقف دى حصل معايا لكن لما يحصل إن شاء هاجيلكم تانى أما عن المرتشين فى المرور دول فانا إتكعبلت فيهم كتير أوى لما كنت بجيب الرخصة بعد ما تتسحب منى كل مرة عشان السرعة و اللستة طويلة أوىىىىى بعد كدة هبقى أجيب بياناتهم...

ههههههههههههههههههههههههه
بعد ما تنسحب ؟
طب ايه رايك في اللي كان لسه بيطلعها
وعشان اكمل شروط الموضوع كان اسم الامبراطور بتاع المرور اسامه حامد :viking:
رئيس مرور مدينه نصر لا وايه مكنتش جايبله واسطه والله :sniff:
كنت داخل الاختبار
وقلبي بيرفرف من الي شفته بيعمله في الناس كاننا كنا في معتقل وهو الجلاد
شخط ونطر وزعيق :أخخخ:
ومع ذلك دخلت الاختبار ونجحت فيه ورحت له علشان اكمل بقيت الاجراءات
وعينك ماتشوف الا النور كاني رايح اشحت منه :chr58:
وكله كوم واما تروح تدفع في الخزنه باقي الرسوم كوم تاني :brb:
تلاقي اللي واقف علي الخزنه بيباركلك و والزبد يسيل من شدقيه :devil:
ونظام "فين الاحلاوه بقي يا بيه " :chr15:
و ياما تدفع الاوبيج او المعلوم :nyahaa:
يا اما هتلاقي دفتر الوصلات خلصان او ماكينه التصوير عطلانه او الكومبيوتر بايظ او السد العالي وقع :lemo:
المهم انك هاتدفع يعني هاتدفع ماحدش يحو
والباقي معروف......................
اقعدوا بالعافيه............

[وهبه]

السلام عليكم ورحمة الله

الاحبة فى الله
ما حدث بالامس من تفجير فى شارع جوهر القائد

دل
على ان الشعب هو من يتلقى الضربة الاولى وهو مَن انقذ بعض الضحايا

الرجا الالفاف حول مطالب الشعب
وتفهم ما يريده الشعب
واطلاق سراح سجناء الرأى والمعتقليين فى قضايا سياسية ....

اما الوظائف الادارية لبعض المرتشيين فذلك من شأن الرقابة الادارية .

نريد وقائع وحكايات
من مَن تتكتم عليها العلاقات العامة فى وزارة الداخلية .
وابرهن لك انك حذفت مشاركتين لى لانهما يجرحوا الشعور العام ويخدشوا الحياء :tu:

اخى فى الله

جهاد

صور السادة الضباط الذين يقمعون المواطنين فى اى مظاهرة أليس دليل على اتهامهم ......فمن اصدر لهم القرار :think3:

وشكراً ورردة

[khaled_elghad]

أسبوع حبس لضابط قام بتعذيب مواطن 4/8/2005 5:07:00 AM



<TABLE cellSpacing=0 cellPadding=0 width=180 align=right border=0><TBODY><TR><TD>http://www.masrawy.com/Images/pic7_tcm6-7975.jpg</TD></TR><TR><TD class=phototitle align=middle height=18></TD></TR></TBODY></TABLE>

أصدرت محكمة جنح نقادة المختصة حكمها في القضية رقم 10062 لسنه 2004 حيث قضت بالحبس أسبوع وكفالة قدرها عشرون جنيهًا للضابط نوح طه إبراهيم مقلد رئيس مباحث مركز شرطة "نقادة" لقيامه باستعمال القسوة مع المواطن محمد حلبي محمد.

وتعود الواقعة إلى شهر مارس العام الماضي 2004 حيث أُلقي القبض على المواطن محمد حلبي محمد، وتم اقتياده إلى مركز شرطة نقادة واحتجز دون وجه حق بضعة أيام حتى أخلى سبيله، إلا انه بتاريخ 6/4/2004 بإلقاء القبض عليه مرة أخرى وتم احتجازه طيلة يومين تعرض خلالهما للاعتداء عليه بالضرب من قِبل رئيس مباحث المركز بُغية إجباره على التنازل عن شكواه ضده بشان احتجازه، وتولت النيابة العامة تحقيقاتها حتى قررت إحالته إلى المحاكمة لارتكابه الفعل المؤثم بموجب المادة 129 من قانون العقوبات.

وتبنت المنظمة المصرية لحقوق الإنسان (http://masrawy.com/News/2004/FullCoverage/analyses/wafat.aspx) تلك القضية في إطار حملتها لمناهضة التعذيب، وحيث إن المنظمة تؤكد على أن التضييق من تطبيق نص المادة 126 من قانون العقوبات وذلك من خلال القصور الذي يعتري نص المادة في تعريفه لجريمة التعذيب، ويعد بمثابة صك حماية لمرتكبي جرائم التعذيب

وهذا ما دعا المنظمة للتقدم بمشروع إلى السادة أعضاء مجلس الشعب طالبت فيه بتعديل نصوص المواد 126 من قانون العقوبات للتوفيق بين تعريفها للتعذيب والتعريف الوارد في المادة الأولى من الاتفاقية الدولية لمناهضة التعذيب، 129 ق ع بشأن استعمال القسوة من قِبل المسئولين، 280 بشان الاحتجاز دون وجه حق حتى تصبح العقوبة متناسبة مع جسامة الجرائم وتصنيف تلك الجرائم كجنايات وليس جنح

[محمود الأزهري]

السلام عليكم
هو بصراحة برغم انى فى الايام الاخيرة يعنى اصبحت زبون شبه دائم فى مقر قمل الدولة (انا مسميهم كده محدش يقوللى امن الدولة)
لكن لله الحمد متعرضتش لأى نوع من الاهانة .. باستثناء اهانة انى لازم اروح عندهم لما يستدعونى :brb: ولا اظن انها اهانة يعنى..





الشئ التانى بقى..

استاذ خالد الغد..
معلش انا بس عايز اسألك سؤال مهم جدا..
هو فى محكمة فى نقادة أساسا..؟
نقادة يعتبر مركز قروى تابع لمركز قوص اللى بدوره تابع لمحافظة قنا
مركز قوص نفسه مفيهوش محكمة .. يبقى ازاى المركز القروى فيه محكمة..!!!
مع العلم بانى رغم معيشتى فى مدينة قنا فأنا من مركز قوص ولى أهل كتير فى نقادة.. وحافظ المركزين شبر شبر ..واستغربت من كلامك بصراحة..!!


الشئ التالت
فى الفترة اللى حضرتك قلت انه حصلت فيها الاهانة دى للسيد المواطن.. على يد رئيس المباحث نوح طه ابراهيم مقلد فى اوائل عام 2004 وتحديدا فى شهر ابريل مكانش فى ظابط فى مركز نقادة بالاسم ده نهائى..
وكلامى مؤكد .. لأن رئيس المباحث وقتها كان الظابط عبد الجواد محمدين ..!!
وسر تأكدى من كلامى .. ان الظابط عبد الجواد يبقى ابن خال والدى .. وتربطنا بيه علاقة جيدة .. واكيد حضرتك عارف العلاقات العائلية بين اهل الصعيد..

فمن اللى قلته ده يتضح ان مفيش شئ زى كده حصل..
هو حضرتك جبت الخبر ده منين.؟

[khaled_elghad]

السلام عليكم
هو بصراحة برغم انى فى الايام الاخيرة يعنى اصبحت زبون شبه دائم فى مقر قمل الدولة (انا مسميهم كده محدش يقوللى امن الدولة)
لكن لله الحمد متعرضتش لأى نوع من الاهانة .. باستثناء اهانة انى لازم اروح عندهم لما يستدعونى :brb: ولا اظن انها اهانة يعنى..





الشئ التانى بقى..

استاذ خالد الغد..
معلش انا بس عايز اسألك سؤال مهم جدا..
هو فى محكمة فى نقادة أساسا..؟
نقادة يعتبر مركز قروى تابع لمركز قوص اللى بدوره تابع لمحافظة قنا
مركز قوص نفسه مفيهوش محكمة .. يبقى ازاى المركز القروى فيه محكمة..!!!
مع العلم بانى رغم معيشتى فى مدينة قنا فأنا من مركز قوص ولى أهل كتير فى نقادة.. وحافظ المركزين شبر شبر ..واستغربت من كلامك بصراحة..!!


الشئ التالت
فى الفترة اللى حضرتك قلت انه حصلت فيها الاهانة دى للسيد المواطن.. على يد رئيس المباحث نوح طه ابراهيم مقلد فى اوائل عام 2004 وتحديدا فى شهر ابريل مكانش فى ظابط فى مركز نقادة بالاسم ده نهائى..
وكلامى مؤكد .. لأن رئيس المباحث وقتها كان الظابط عبد الجواد محمدين ..!!
وسر تأكدى من كلامى .. ان الظابط عبد الجواد يبقى ابن خال والدى .. وتربطنا بيه علاقة جيدة .. واكيد حضرتك عارف العلاقات العائلية بين اهل الصعيد..

فمن اللى قلته ده يتضح ان مفيش شئ زى كده حصل..
هو حضرتك جبت الخبر ده منين.؟
لو تلاحظ ياعم الشيخ أنا مش جايب الخبر من عندنا فى البيت الخبر ده كان نازل على أحد المواقع وأتذكر أنه موقع <?xml:namespace prefix = o ns = "urn:schemas-microsoft-com:office:office" /><o:p></o:p>

filbalad.com... والحقيقة أنا أضفته لأنه محدد المكان والزمان ورقم القضية وفيه كل التفاصيل لمن يريد أن يتأكد أذا كان خبر صحيح.<o:p></o:p>

[ناصر52]

الأخ الفاضل جهاد المشرف على المنتدى...<?xml:namespace prefix = o ns = "urn:schemas-microsoft-com:office:office" /><o:p></o:p>

الأخوة الأفاضل زوار هذا المنتدى..<o:p></o:p>

بخصوص المنشور باسم قاهر العولمة في تاريخ 4/4/2005 عن الحكاية الواقعية التي يدعيها المدعو قاهر العولمة..<o:p></o:p>

أحب ان اعرفكم بنفسي فأنا أحد موظفات قصر ثقافة مصر الجديدة الذي حدثت فيه هذه الواقعة وأنا شاهدة عليها من بدايتها الى نهايتها و قد صعقت عندما أبلغني ابني بما قرأه في موقعكم هذا ..و أحب أن اذكركم في البداية بقول الله تعالى "يأيها الذين أمنوا ان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين " صدق الله العظيم ( سورة الحجرات..الايه 6) <o:p></o:p>

ان المنشور في المنتدى تحت هذا العنوان تشهير و سب و كذب و ادعاء و لا اعرف كيف توافقون على نشر حكاية ملفقه كلها سب في أحد ضباط الشرطه المشهود لهم و أستاذ دكتور له مكانة محترمه وساعد الكثير من المرضى خاصة مرضى الادمان ومنهم هذه المجموعة من الشباب الضائع الذي مد يد المساعدة اليهم بالعلاج عن طريق المسرح النفسي الذي أخبرنا ان اسمه في الخارج هو مسرح السيكودراما ..<o:p></o:p>

بدأت الحكاية بعمل اعلان و تجميع الشباب عن طريق اسرهم و اصدقائهم الذين يترددوا على قصر الثقافة و كان كل من يعرف اسرة عندها شاب مدمن خاصة ممن فشل علاجه كانوا يتصلون بهم لإحضاره ولقد اقتنعنا بفكرة الدكتور رامز الذي كان متحمساً عقب عودته من العمل في الخارج فترة طويلة و اراد ان يقدم شئ لمساعدة هؤلاء الشباب , و الفكرة كانت جميلة و صرف عليها الدكتور رامز الكثير وكلنا نشهد على ذلك..فقد اشترى الديكورات بالكامل و اجهزة الاضاءة و الصوت وغيرها بجانب انه كان بيدفع اجور تشجيعيه للشباب.. ورغم ان بعض الشباب كانوا من عائلات طيبة الا ان اغلبهم كانوا اصحاب مشاكل و لهم تقريبا سوابق و كان اغلبهم من خارج منطقة مصر الجديدة منهم ناس من الخانكه والباطنية و شبرا وبولاق و غيرها..ولكننا لم نرفضهم رغم انهم ليسوا اعضاء في القصر او في اى نشاط فيه وقلنا هذه فرصة لهم للتخلص من مشكلة البانجو و الادمان عموماً.وصحيح ان احد الموظفات الزميلات تعاطفت معهم و حذرناها منهم لأنها كانت تقيم بمفردها ،كذلك استطاعوا التأثير على أحد الزملاء لكن الباقي كانوا يشعروا بالخوف و عدم الاطمئنان لهم وبالفعل بدأت تظهر سرقات من داخل القصر فقد سرق كيس نقود من احد الزميلات وكان به راتبها بالكامل وبعدها باسبوع سرق جهاز استيريو من القصر..ثم كانت السرقة الاكبر بعد ان دفع لهم الدكتور رامز المكافأة اللى وعدهم بها و شافوا ان شنطته فيها فلوس تانيه لأنه فتحها امامهم فسرقوها بما فيها من اوراق و ابحاث و اشياء اخرى بخلاف مبلغ قال الدكتور انه 4500 جنيه حسب ما اذكر و ما جاء على لسان المدعو قاهر العولمة..وعندما ابلغ الدكتور مباحث النزهة اتصل بنا الضابط رفعت صبري وسألنا عن السرقات الاخرى و طلب مننا عمل محاضر بها لأننا من سكان هليوبوليس فترددنا لأن كان عدد العيال دول كتير و اغلبهم صايعين و مدمنين و بيسهروا قدام القصر لحد الفجر و اشتكى بعض البوابين من فتح عربيات وسرقة ما فيها لذلك لكتفينا بأننا شرحنا له الموضوع وطلبنا انه يطردهم من القصر بطريقته..وحتى يتأكد الضابط من موضوع سرقة شنطة الدكتور سجل لهم مرتين بدون علمهم مره في القصر ومره خارجه وعرفنا ان في واحد منهم اعترف باسماء اللي سرقوا ولكن هذا الشاب اختفى وخاف من باقي المجموعة.. و الدكتور اراد ان جميع من في القصر يسمعوا اعترفاتهم بأخذ الشنطة و الفلوس و كان الحوار العجيب بين اتنين منهم (وسأذكر اسمائهم بعد ان تأكدت من بعض زملائي كما ذكروا اسم الضابط و الدكتور و لكن بدون سب او شتائم كما فعلوا)قال احمد حسن وهو زعيم هذه العصابة:اللى عملناه ده ميه ميه وخلصت و خليه يلف يدور على الشنطه ويبقى يقابلني , فرد عليه مصطفى عيسى الذي يعمل موظف في الانشطه في جامعة عين شمس و الذي يدعي انه يحمل شهادات وحاصل على جوائز وبالطبع قاهر العولمه هذا واحد منهم وقال مصطفى:نرجعله الشنطه احسن عشان المشاكل شكله مش هيسكت فقال احمد حسن وهو على فكرة تذكرت انه من الزقازيق قال بكل ثقه :الشنطه مش هترجع هيعمل ايه يعني.واحنا استمعنا هذه الشرائط عدة مرات واقارب احمد حسن كما عرفنا بعد ذلك حتى خالته قالت للضابط نعم هذا صوت احمد و انا ح اقنعه يرحع الشنطه و الفلوس مقابل تنازل الدكتور و لكن كل المحاولات لم تنجح و جابوا واسطة عقيد كما ذكروا استطاع انه يخرجهم من القضيه ولكنه تم التحقيق معه وعوقب من وزارة الداخلية..المهم ان هذا الموضوع الهايل اللي كان ممكن يساعد الاف المدمنين و كتبت عنه صحف كتير من مصر وخارج مصر و تحدث عنه الدكتور في الاذاعة والتليفزيون وشاهناه في صباح الخير يا مصر ونحن فخورين بأننا استطعنا مشاركة الدكتور في قصر الثقافة في هذا الموضوع الرائع الذي توقف بسبب هؤلاء الشباب الفاسدين ومن يقرأ كلامهم يفهم من أول لحظه ان كله اكاذيب وكلام هايف و الفاظ مدمنين هل يعقل ان الدكتور يشتكيهم عشان اختلاف على الدراما كان اسهل طردهم وهو الذي احضر لهم من يدربهم على حسابه الخاص وصحيح اتقي شر من احسنت اليه.....<o:p></o:p>

[محمود الأزهري]

الله اكبر..
كده تبقى البينة على المدعى.. واليمين على من أنكر.. :think3:

[mmmla]

اذا كنتم عاوزين تشوفوهم

اقصد اللى من ضمن القائمة السوداء امشوا على طريق الغردقة او شوفوا اللى بيحصل فى الاماكن السياحية المختلفة

هاتلاقوا ان 99% من رجال الشرطة فى مصر من القائمة السوداء

الامضاء
مواطن مصرى

بيحب مصر

[Conflict]

طبعاً السلام عليكم ورحمة الله وبركاته .....
على فكرة أنا مش إخونجي بس دي تحية الإسلام
المهم دي أول مشاركة ليا وأتمنى إن دمي مايكونش تقيل .

كنت فى كلية التجارة جامعة القاهرة عام 2000 وفى نفس الوقت كنت أدرس فى معهد اللغات بتاع القوات المسلحة
( من قواعد المعهد إنك لو غيبت 4 محاضرات تتلغي الدورة )
وكنت فى المستوى التاسع فى اللغة الإنجليزية بعد أن نجحت فى الثامن بتقدير B+ جيد جداً .
المهم البت زينب زميلتي شافت الورقة بتاعة المعهد قالتلي " هييييي (شهقت ..... ) إنتا فى المستوى التاسع "
طبعاً أنا كنت غايب محاضرتين لظروف خاصة ( بصراحة كنت مزوغ ) فكان فاضل 2 كمان وأتفصل .

يوم السبت (ميعاد الكورس ) وأنا خلصت جامعة ولسة هاخرج عشان الكورس كان فى مظاهرات فى الجامعة (طبعاً أنا كأي إنسان سلبي مليش دعوة ) بس حتى الإيجابى المفروض مكانش يبقاله دعوة لأن المظاهرة كان قايم بيها مجموعة من الطلبة بيسموا نفسهم الإشتراكيين وطبعاً لا يمتوا للإشتراكية بصلة إلا فى قلة الأدب والفوضى العارمة اللى عملوها فى الجامعة .
دخل علينا الأمن المركزي فى الجامعة ( يآنس ويشرف )
بس يجري ورايا أنا وأصحابي بالعصيان اللى معاهم دي لآ
للأسف ده اللى حصل ساعتها إكتشفت فعلاً إن الواحد لازم يجري كل يوم 0.5 ساعة علشان الموقف ده

وضاعت المحاضرة بتاعة الدورة ( كدة 3 )

الثلاثاء اللى بعديها وأنا رايح فى محطة منشية الصدر ( وأنا هانزل المحطة الجاية ) المترو داس واحد قضاء وقدر الله يرحمه

نزلت وخدت تاكسي ولحقت المحاضرة وإديت للمدرس (رائد ) 20 جنيه علشان يجيبلي الكتب عشان ماكنتش أقدر آجي الصبح أشتريها

وجاء يوم السبت قلت والله مانا رايح الجامعة وقعدت فى البيت ولبست ونازل المحاضرة لقيت تليفون بيقول إن والدى تعب شوية ونقلوه المستشفى باقول لصاحبة غرفة كام قاللى هاتروح تسأل على الدكتور شفيق بديع لو مالقيتش الدكتور يبقى مع والدك فى العناية المركزة

وفى النهاية باقول إن إجتياح الأمن المركزى للحرم الجامعى كان بسبب زينب مش بسبب الضابط اللى أمرهم دي حاجة مش بإرادته .وحرام عليكي يازينب

أشكركم

[Activist]

أهلا بيك إنت و زينب :brb:

[جهـــJeHaDـــاد]

لو كان للسلبيه معيار من 10 درجات كنا اخدنا فيه 15

الف وتمانمائة مشاهدة وموش عارف كام مشاركه وتمانيه وعشرين الف عضو والمركز ال3000 علي مستوي العالم في ترتيب المواقع
كل ده !!
ومفيش واقعه واحده !!!!!!!!!!

فين الي كنت بقرالهم احس انهم عايشين ف صربيا موش ف مصر؟

خلاص!!!!!!!
الكل بلع لسانه ؟؟؟؟؟

وربنا تستاهلو اي حاجه تجرالكو ...... مين اساسا قال عننا شعب عشان يطالب اصلا بحقوق؟
احداث ملفقة واقوال مرسله واسامي مزيفه وناس بتخلص تارها من بعض وناس بتنقل من جرايد ......

حسبي الله ونعم الوكيل ..

ياريت اي حد بيفكر يبقي ينشر موضوع من الموضوعات اياها يبقي يراجع نفسه 100 مره لان رد فعلي هيكون غير متوقع بالمره ساعتها ..

فعلا ...... صدق سعد باشا
مفيش فايده ياصفية

[محمود الأزهري]

اقبض عليه يا سعادة الباشا..
:brb: :brb: :brb: :brb: :brb:

[وهبه]

لو كان للسلبيه معيار من 10 درجات كنا اخدنا فيه 15

الف وتمانمائة مشاهدة وموش عارف كام مشاركه وتمانيه وعشرين الف عضو والمركز ال3000 علي مستوي العالم في ترتيب المواقع
كل ده !!
ومفيش واقعه واحده !!!!!!!!!!

فين الي كنت بقرالهم احس انهم عايشين ف صربيا موش ف مصر؟

خلاص!!!!!!!
الكل بلع لسانه ؟؟؟؟؟

وربنا تستاهلو اي حاجه تجرالكو ...... مين اساسا قال عننا شعب عشان يطالب اصلا بحقوق؟


فيه فايدة يا استاذ

اول امس
اظن ما فيش مواطن نظر الى الاستعدادات للتظاهرات والمسيرات
هل لم يتعرض احد المشتبه فيهم الى اهانة ؟

ولكن كما ذكرت فى بداية مشاركتى
كل يوم
عفى الله عما سلف
هل لنا ان نبدأ صفحة جديدة مع قوى الامن الشرفاء ؟

وما العمل عندما نرى فرد امن فيه من الحماقة ما يكفى لتعكير جهاز بأكمله

سأتابع عَلّى ارى شكوى حقيقية
ثم اطرح شكواىَ

وشكرا لكم

[وسام عصام]

لو كان للسلبيه معيار من 10 درجات كنا اخدنا فيه 15

الف وتمانمائة مشاهدة وموش عارف كام مشاركه وتمانيه وعشرين الف عضو والمركز ال3000 علي مستوي العالم في ترتيب المواقع
كل ده !!
ومفيش واقعه واحده !!!!!!!!!!

فين الي كنت بقرالهم احس انهم عايشين ف صربيا موش ف مصر؟

خلاص!!!!!!!
الكل بلع لسانه ؟؟؟؟؟

وربنا تستاهلو اي حاجه تجرالكو ...... مين اساسا قال عننا شعب عشان يطالب اصلا بحقوق؟
احداث ملفقة واقوال مرسله واسامي مزيفه وناس بتخلص تارها من بعض وناس بتنقل من جرايد ......

حسبي الله ونعم الوكيل ..

ياريت اي حد بيفكر يبقي ينشر موضوع من الموضوعات اياها يبقي يراجع نفسه 100 مره لان رد فعلي هيكون غير متوقع بالمره ساعتها ..

فعلا ...... صدق سعد باشا
مفيش فايده ياصفية

انا ممكن ارد عليك مشكله اغلبنا ان احنا عايزين المواضيع بتاعتنا تضرب فوق فقلت نلعب على حاجه نفساويه .
تلات تربع البلد كلها بقت ظباط و الباقى هو الشعب غلط الشرطه دول اصلا بنى ادمين والله بس الفرق ان هما شغالين علشان الشعب يعرف يعيش مع بعض دى مشكلتنا بنبص لنص الكبايه الفاضى شوف الناس دى طالع عينها عشان الواحد منا اقل واجب ينام مرتح والا يمشى بعربيته متامن ولا ولا ولا حاجات كتير ياجماعه بلاش غل خلاص اللى بقى ظابط ظابط واللى مبقاش خلاص ميغلش خلى الشعب يعيش انا عارف الرد ده ممكن يزعلك انا مش مستنى رد بس من الاخر بياعين الفول والطعميه زى مافى ناس بتغش فى ناس نظيف والنظيف يكسب مش قصد ان الظباط بياعين فول بس قصدى ان كل شغلانه نفس النظام بس البنى ادم هو كده.
فرحانين بالمظاهرات اللى ماليه البلد اللى سايب شغله عشان معرفش مين وابنه عايزين يورثوا لبعض ولا فلسطين واللى بيحصل فيها طب والحكومه مالها هى امريكا والعراق وافغنستان واخر مظاهره مظاهره الاهلى خاد الدورى كل ده كلام فارغ وانا عمرى ماحترمت حد من اللى واقف فيهم .
من الاخر الداخليه مننا وعلينا واساسى هما اللى شايلين البلد على اكتافها بس نعمل ايه فى النفوس الضعيفه حسبى الله ونعمى الوكيل فيكوا .
نسيت اقولك انى فى تالته شرطه طبعا كلو هيربط بين ده وكلامى لا الكلام ده عليا وان من ثانويه عامه والناس اللى قابلته من الهيئه كلها اخلاق الا تلاته بالظبط عالم واطيه من الاخر والباقى رجاله بسم الله ما شاء الله عايزين البلد تتملى مظاهرات عشان نرتاح غلط كل واحد يراجع نفسه ويفكر لنفسه واهله وولاده .
ارجع سنتين فى عباس العقاد كام واحد ادفن فى الخراب كام واحد اضرب فى ماموريات كام واحد نظيف بنقابله كام واحد نفسنا نتعرف عليه كل سنه وانت طيب واللى فيه الخير يجيبه ربنا .
اخر واحد يقولك واقعه يقول ايه سحبوا الرخصه عشان الحزام ياخى تولع الرخصه على الحزام ماكله عشان سعدك تعييش ولا ايه .
يلا سلام بقى .




with best wishes

wesam esam

[قاهر العولمة]

الأخ الفاضل جهاد المشرف على المنتدى...<?xml:namespace prefix = o ns = "urn:schemas-microsoft-com:office:office" /><o:p></o:p>

الأخوة الأفاضل زوار هذا المنتدى..<o:p></o:p>

بخصوص المنشور باسم قاهر العولمة في تاريخ 4/4/2005 عن الحكاية الواقعية التي يدعيها المدعو قاهر العولمة..<o:p></o:p>

أحب ان اعرفكم بنفسي فأنا أحد موظفات قصر ثقافة مصر الجديدة الذي حدثت فيه هذه الواقعة وأنا شاهدة عليها من بدايتها الى نهايتها و قد صعقت عندما أبلغني ابني بما قرأه في موقعكم هذا ..و أحب أن اذكركم في البداية بقول الله تعالى "يأيها الذين أمنوا ان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين " صدق الله العظيم ( سورة الحجرات..الايه 6) <o:p></o:p>

ان المنشور في المنتدى تحت هذا العنوان تشهير و سب و كذب و ادعاء و لا اعرف كيف توافقون على نشر حكاية ملفقه كلها سب في أحد ضباط الشرطه المشهود لهم و أستاذ دكتور له مكانة محترمه وساعد الكثير من المرضى خاصة مرضى الادمان ومنهم هذه المجموعة من الشباب الضائع الذي مد يد المساعدة اليهم بالعلاج عن طريق المسرح النفسي الذي أخبرنا ان اسمه في الخارج هو مسرح السيكودراما ..<o:p></o:p>

بدأت الحكاية بعمل اعلان و تجميع الشباب عن طريق اسرهم و اصدقائهم الذين يترددوا على قصر الثقافة و كان كل من يعرف اسرة عندها شاب مدمن خاصة ممن فشل علاجه كانوا يتصلون بهم لإحضاره ولقد اقتنعنا بفكرة الدكتور رامز الذي كان متحمساً عقب عودته من العمل في الخارج فترة طويلة و اراد ان يقدم شئ لمساعدة هؤلاء الشباب , و الفكرة كانت جميلة و صرف عليها الدكتور رامز الكثير وكلنا نشهد على ذلك..فقد اشترى الديكورات بالكامل و اجهزة الاضاءة و الصوت وغيرها بجانب انه كان بيدفع اجور تشجيعيه للشباب.. ورغم ان بعض الشباب كانوا من عائلات طيبة الا ان اغلبهم كانوا اصحاب مشاكل و لهم تقريبا سوابق و كان اغلبهم من خارج منطقة مصر الجديدة منهم ناس من الخانكه والباطنية و شبرا وبولاق و غيرها..ولكننا لم نرفضهم رغم انهم ليسوا اعضاء في القصر او في اى نشاط فيه وقلنا هذه فرصة لهم للتخلص من مشكلة البانجو و الادمان عموماً.وصحيح ان احد الموظفات الزميلات تعاطفت معهم و حذرناها منهم لأنها كانت تقيم بمفردها ،كذلك استطاعوا التأثير على أحد الزملاء لكن الباقي كانوا يشعروا بالخوف و عدم الاطمئنان لهم وبالفعل بدأت تظهر سرقات من داخل القصر فقد سرق كيس نقود من احد الزميلات وكان به راتبها بالكامل وبعدها باسبوع سرق جهاز استيريو من القصر..ثم كانت السرقة الاكبر بعد ان دفع لهم الدكتور رامز المكافأة اللى وعدهم بها و شافوا ان شنطته فيها فلوس تانيه لأنه فتحها امامهم فسرقوها بما فيها من اوراق و ابحاث و اشياء اخرى بخلاف مبلغ قال الدكتور انه 4500 جنيه حسب ما اذكر و ما جاء على لسان المدعو قاهر العولمة..وعندما ابلغ الدكتور مباحث النزهة اتصل بنا الضابط رفعت صبري وسألنا عن السرقات الاخرى و طلب مننا عمل محاضر بها لأننا من سكان هليوبوليس فترددنا لأن كان عدد العيال دول كتير و اغلبهم صايعين و مدمنين و بيسهروا قدام القصر لحد الفجر و اشتكى بعض البوابين من فتح عربيات وسرقة ما فيها لذلك لكتفينا بأننا شرحنا له الموضوع وطلبنا انه يطردهم من القصر بطريقته..وحتى يتأكد الضابط من موضوع سرقة شنطة الدكتور سجل لهم مرتين بدون علمهم مره في القصر ومره خارجه وعرفنا ان في واحد منهم اعترف باسماء اللي سرقوا ولكن هذا الشاب اختفى وخاف من باقي المجموعة.. و الدكتور اراد ان جميع من في القصر يسمعوا اعترفاتهم بأخذ الشنطة و الفلوس و كان الحوار العجيب بين اتنين منهم (وسأذكر اسمائهم بعد ان تأكدت من بعض زملائي كما ذكروا اسم الضابط و الدكتور و لكن بدون سب او شتائم كما فعلوا)قال احمد حسن وهو زعيم هذه العصابة:اللى عملناه ده ميه ميه وخلصت و خليه يلف يدور على الشنطه ويبقى يقابلني , فرد عليه مصطفى عيسى الذي يعمل موظف في الانشطه في جامعة عين شمس و الذي يدعي انه يحمل شهادات وحاصل على جوائز وبالطبع قاهر العولمه هذا واحد منهم وقال مصطفى:نرجعله الشنطه احسن عشان المشاكل شكله مش هيسكت فقال احمد حسن وهو على فكرة تذكرت انه من الزقازيق قال بكل ثقه :الشنطه مش هترجع هيعمل ايه يعني.واحنا استمعنا هذه الشرائط عدة مرات واقارب احمد حسن كما عرفنا بعد ذلك حتى خالته قالت للضابط نعم هذا صوت احمد و انا ح اقنعه يرحع الشنطه و الفلوس مقابل تنازل الدكتور و لكن كل المحاولات لم تنجح و جابوا واسطة عقيد كما ذكروا استطاع انه يخرجهم من القضيه ولكنه تم التحقيق معه وعوقب من وزارة الداخلية..المهم ان هذا الموضوع الهايل اللي كان ممكن يساعد الاف المدمنين و كتبت عنه صحف كتير من مصر وخارج مصر و تحدث عنه الدكتور في الاذاعة والتليفزيون وشاهناه في صباح الخير يا مصر ونحن فخورين بأننا استطعنا مشاركة الدكتور في قصر الثقافة في هذا الموضوع الرائع الذي توقف بسبب هؤلاء الشباب الفاسدين ومن يقرأ كلامهم يفهم من أول لحظه ان كله اكاذيب وكلام هايف و الفاظ مدمنين هل يعقل ان الدكتور يشتكيهم عشان اختلاف على الدراما كان اسهل طردهم وهو الذي احضر لهم من يدربهم على حسابه الخاص وصحيح اتقي شر من احسنت اليه.....<o:p></o:p>
الحمد لله إني قابلتك أخيرا يا دكتور ... طبعا إنت دكتور رامز صاحب الرد الجميل ده إللي مش حرد عليه غير في المحاكم لأن بكدة تثبت وتؤكدعليك قضية السب والقذف وحلاحقك المرة دي بالقانون وخللي القضاء يآخد مجراه ... طبعا أنا ذكرت حقائق موثقة من عالم الواقع واسماء وأماكن وتواريخ وكل ده له إثبات وموجود لكن للأسف عقلك مش راضي يصدق .... ولا حول ولاقوة إلا بالله أنا صعب عليا دلوقتي رئيس المباحث لأنه خضع لعقل مريض زيك وحقيقي إنت محتاج دكتور نفسي ايه السيناريو ده ياراجل دي تلفيقاتك ما أقنعتش ابسط الناس ...على العموم القضاء هو الفيصل بيننا وبينك ... وتبقى ترد المرة دي على استدعائات قسم الشرطة مش زي زمان تهرب من المواجهة .

حتقول عرفت منين أنه إنت رامز وحتحاول تكمل كدبك للآخر وتدعي عليا وتتحامل ،الموضوع ده إثباته سهل جدا من أول تاريخ الميلاد إللي في نفس عمرك تقريبا لغاية مشاركتك الوحيدة في المنتدى لغاية اسلوبك طبعا إللي لو أي حد قراه حيفهم إنه إنت ... الله طب مش عايز تقول ليه إنه إنت ؟؟ ومين ناصر ده يا حبيب الناصريين ؟؟

اللهم اعننا على الظلم والظالمين .

[جهـــJeHaDـــاد]

انا طبعا مش هعلق علي خروج الموضوع عن مساره الاساسي ولا عن اليد ناصر 52 ولا عن مشكلته مع قاهر العولمة لسبب بسيط...للاسف كلام قاهر العولمة صحيح تماما في كل حرف..


ارجع سنتين فى عباس العقاد كام واحد ادفن فى الخراب كام واحد اضرب فى ماموريات كام واحد نظيف بنقابله كام واحد نفسنا نتعرف عليه كل سنه وانت طيب واللى فيه الخير يجيبه ربنا .
اخر واحد يقولك واقعه يقول ايه سحبوا الرخصه عشان الحزام ياخى تولع الرخصه على الحزام ماكله عشان سعدك تعييش ولا ايه .


الاخ الفاضل وسام سنتين ويبقي ضابط بدبوره .. انا شايف كلامه وقناعاته صحيحه ومنطقية .. ونفس الكلمة .. في فئئة محدوده بس للاسف افعالها شوهت صورة المجموع ..

مرسال الحبايب اخي الغالي ..

من حقك انك تطلب من ضابط الشرطه اوراقه .. ومن حقك توثق اي خلاف بينك وبينه .. شعبنا بس موش بيعرف يقف في وجه الظالم ..شعبنا كمان سلبي ميعرفش حقوق..

ومفيش فايدة..معيار السلبيه عاااااااالي جدا.

نحن مجتمع من الصامتين ..

لو في راجل بيعرف يتكلم كان كلامه وصل لاعلي مكان هو مستنيه .. بس للاسف محدش بيتكلم

وزير داخليه موجود وهيمشي ووزير داخليه هييجي وبردو موش هنتغير ..


اقتراح رجاء عمل موضع اخر يقتصر على كتابة الاسم والتهمه

فقط دون حوار او نقاش

لانها فكرة جيده جدا جدا<!-- / message --><!-- sig -->
هو انا شفت حاجه؟؟؟؟؟؟

لاسامي ولاتهم ولا وقائع ولا احداث ولا اي حاجه ..حتي التلفيق مشفتهوش..

طب اللي عاوز يبعتللي ع الخاص وموش عاوز يكتب ع العام يبعت ... يتكلم ... انا بجد بدأت اشك ان اللي موجودين دول مصريين ..

[قاهر العولمة]

وليه للأسف يا أخ جهاد ... أنا على العموم معرفش غير لقبك وإنك مشرف على القسم ده ... لكن إنت أول إنسان يديني حقي ويعترف بيه ... جزاك الله كل خير ... وبعتذر عن خروج الموضوع عن مساره بس ده في صميم مضمون وهدف الموضوع ... الفساد والكذب والتلفيق والإهانة المعنوية والمادية خلاص بقوا هما سمة البلد دي والزمن ده للأسف ...

وعلى فكرة يا جهاد ما تعتبش على الناس أوي دي حصيلة عشرات بل مئات السنين من القهر والظلم والتكتيف ... خطوة خطوة يا جهاد والكل حيتعلم ... وربنا حيؤيد خطواتنا أكيد .

[crazy_doctor]

السلام عليكم الاول
انا معاكم ان رجال الشرطه هم الاعين الحارسه لينا......بس ده كان زمان
دلوقتى رجال الشرطه هما اداه القمع اللى بيسلطها الحكام على الشعوب
حد فيكم شاف رجال الامن بيعملوا ايه فى المصريين بمناسبه ومن غير!!!!
دلوقتى ..لااسف..الشرفاء منهم قليلين جدا واللى مش مصدقنى يرجع لتقرير المركز القومى لحقوق الانسان ويشوف المصريين بيتعملوا ازاى فى مراكز الشرطه
انا ضد الارهاب....ومش معنى كده اننا نحارب الارهاب بالارهاب والتعذيب
ذنبه ايه ابن عم بشندى بتاع الازهر علشان يموت من التعذيب فى السجن
وفى الاخر دى وجهه نظرى

والسلام عليك:chr58:

[وهبه]

الاخوة الافاضل

السلام عليكم ورحمة الله

الحمد لله ان هذا الموضوع انصف واثمر عن بيان حق قد هضمه المجتمع
فقاهر العولمة اثبت ان الدنيا ما هى الا قرية صغيرة
وقد تلاقى بخصمه
وكانت الثمرة دليل جديد له
وشكراً لجراءة وجرأة الدكتور رامز

هنا
لى تعقيب
هل المظاهرة والتجمع الذى اسفر عنه استشهاد الاساذ طارق المهدى غانم
يعتبر السيد الضابط اللوزى فى هذه القائمة ام انه كان يؤدى واجبه الوطنى وتفانى فيه ؟

استاذ جهاد
انا قلت لك
عفا الله عما سلف
لان هذا الموضوع شائك ومتشابك

المواطن توفى اثر الاختناق والضابط تأخر فى اسعاف المصاب

وانا لله وانا اليه راجعون

حمداً لله

[Conflict]

السلام عليكم تانى

المرة دي هاحكيلكم قصة تانية حقيقية بس بعيد عن زينب .

طبعاً أنا دخلت الجيش ( عايزله موقع بالكامل ) قابلت دكتور وأصبح صديقي فى المنتجع السياحي اللى كنا فيه مع بعض :chains: إكتشفت أنه ببيحب يسمع Chris de Burgh زيي فبقينا أصحاب
له صديقة مصرية بس معاها الجنسية الأمريكية
كان راكب معاها العربية بتاعتها فى مصر وبعدين وقفهم أمين شرطة قاللها رخصك ..
طبعاً إديته رخصة العربية ورخصة القيادة الأمريكانى
راح الأمين الشاطر رماها فى وشها وقالها " إيه اللى بتديهولى ده أنا قلت الرخصة مش كارنيه بتاع حاجة "
قالتله " مامعاييش إلا دي "
قالها " إركني بقى على جنب "
وخد الرخص وراح للضابط
راح صديقي الطبيب للنقيب يقوله دي رخصة قيادة أمريكانى بس للأسف الضابط كأي ضابط مصري إتنك عليه وماداهوش فرصة يتكلم وكل مايفتح بقه يقوله "أنا مش فاضيلك دلوقتى "

بعد 30 دقيقة سمحله بالكلام وكأنهم فى القسم قاله " والهانم بقى ماشية منغير رخصة ومركباك جنبها ..." حس صديقي أنه هايغلط راح قايله " أنا دكتور وممكن أكون أكبر منك سناً يعني ياريت تحترمنى زي مابحترمك "
رد بصوت عال " يعني هوا كل واحد معلقلي واحدة شايف نفسه علينا طيب ياخويا خليك بقى واقف وأنا هاوديكوا فى داهية إنتوا الإتنين وهاحرمها تمشي مع حد من غير رخصة "

كل ده وصديقي ماقالوش أن الرخصة أمريكانى ....

راح الدكتور عند العربية وقعد شوية وبعدين رجع النقيب قاله " خير مانا أصلي فاضيلك وماوراييش غيرك انهاردة "

رد عليه " هية عايزة تعمل محضر بالواقعة دي فى اقرب قسم "
رد الضابط " محضر !! يابجاحتك يا أخي "
قاله " أصل الرخصة اللى أنتوا خدتوها دي مش منحقكم إنكوا تاخدوها أصلها رخصة قيادة أمريكانى والبنت دي أمريكية ومصممة تكلم السفارة "
رد الضابط فى الحال " خد ياد يا أمين يابن ..... الله يخرب بيوتكم هاتودونا فى داهية ... لامؤاخذة ياباشا أنا آسف تحبوا أجيبلكم حاجة ساقعة على حسابي "
رد الطبيب " يعني لما عرفت أنها أمريكية عملت كدة "
قال"أصلك ماتعرفش حاجة دانا ممكن أتنقل فيها "

ومشيت الهانم الأمريكية .
وعندي سؤال ملح :
إلى متى سنظل مواطنين من الدرجة الثانية فى موطننا وحتى لانتمتع بحق مواطنى الدرجة الثانية ؟

بالمناسبة كان فى واحد مصري أمريكي فى وسط أتوبيس سياحي فيه فوج أمريكي وهوا جي معاهم من أمريكا فحب يتمنظر على الأمريكان أصحابه وطلع البطاقة المصري فى الكمين بدل البسبور الأمريكي ...
الضابط قاله إتفضل معايا راح الراجل على طول طلعله الباسبور الأمريكي راح سايبه .

[Conflict]

أنا حقيقي كل مواقفى مع الشرطة بدون أسماء
صدقنى يا سيد جهاد انا لو عندي اسماء كنت قلتها
بس عندي مواقف كتير

فى يوم مرة مسكت حرامي ومبرشم بيسرق شنطة واحدة زميلتى فى الجامعة .

خدته للضابط إفتكرنى شريكه لولا أن الواد كان مسطول كنت رحت فى داهية .
الحاجة التانية إن سيادة الملازم أول مكانش عارف يكتب محضر بالواقعة ودي كانت الكارسة اللى خلتنا نستني لما يبعتوا يجيبوا رائد من الحرس بتاع الجامعة عشان يجي يعرف يكتب المحضر .

دي بإختصار شديد
ربنا يعينكم بس لو لقيتو ا حد يكتبلكوا إسم ضابط حقيقي ماعرفش إسم أي ضابط من دول خالص والله

[وهبه]

وعندي سؤال ملح :
إلى متى سنظل مواطنين من الدرجة الثانية فى موطننا وحتى لانتمتع بحق مواطنى الدرجة الثانية ؟

بالمناسبة كان فى واحد مصري أمريكي فى وسط أتوبيس سياحي فيه فوج أمريكي وهوا جي معاهم من أمريكا فحب يتمنظر على الأمريكان أصحابه وطلع البطاقة المصري فى الكمين بدل البسبور الأمريكي ...
الضابط قاله إتفضل معايا راح الراجل على طول طلعله الباسبور الأمريكي راح سايبه .

تعقيبا على ذلك وتعليقاً

الى متى ستظل شارات الشرطة ووكلاء النيابة والعاملين فيها تهدد حياتنا اليومية

انت عارف انت بتكلم مين :think3:

اما ان
فاعتبر نفسى مواطن من اسفل القاعدة

اما من يشتغل فى قمىة الهرم فيعتبر مواطن من الدرجة الاولى او فوقها
الى متى الاستعلاء على خلق الله

مَن يرى ظابط منفوخ بالعظمة فليدرجه فى القائمة
وشكراً

[himaa20042005]

الاسؤ من ذلك هو الذى يحدث فى الحربيه من فضائح جنسيه مثل اللواط والتحرش فى مستشفى مصطفى كامل للممرضات برضاهم طبعا و الاعتداء الجنسى على الجنود سواء كانو فاعلين او مفعول بهم:maaaad: يوه بقى :think3:

[د. عماد الدين]

شكرا جهاد على الموضوع الجرئ و ربنا يستر و القهوه ماتتشمعش و أنا و أنت منروحش فى داهيه ( نروح سجن الأحرار طره سابقا :brb: )

أما قصتى فهى كالأتى و لم يتم تأليفها كما قد يظن البعض

المكان ( محافظه كفر الشيخ )

الزمان ( منذ شهرين )

مسرح الأحداث ( مباحث أمن الدوله )

الضابط المسئول ( أكيد صعب معرفه أسماء الناس دى خصوصا للبسطاء الذين تعرضوا لهذه المهانه )

القصه

( ربيع ج. ) رجل بسيط الحال مكافح لم ينل قسط كافى من التعليم على الرغم من أن له العديد من الأخوه منهم الطبيب ومنهم المهندسو وكذلك الأخ الصغير له بمعهد أمناء الشرطه

ربيع حرفى مجتهد تعلم الحياكه و وانتقل من مكان إلى مكان طلبا لتحسين حالته المعيشيه

فى أحدى محطات ترحاله ساقه الحظ للعمل لدى أحد الأخوان المسلمين وهو الأستاذ ( طارق ا. ) الذى يملك مكتبه اسلاميه قويه بالمحافظه وكان ربيع يقوم بحياكه الأزياء النسائيه خصوصا الحجاب

ولكن كالعاده تم القبض على طارق و خرج ربيع من عنده للبحث عن فرصه عمل آخرى حتى أستقر به الحال فى أحد مصانع الملابس الجاهزه و بدأت الحياه تبتسم شيئا فشيئا لربيع ولكن القدر لم يمهله كثيرا

فقد حدث و أن جاءه إستدعاء عاجل ‍‍‍‍‍‍!!!!!

من أين ياللهول ؟ من مباحث أمن الدوله !!

توجس ربيع شرا خصوصا أن له أخ ناشط فى جماعه الأخوان المسلمين كذلك ويكفيه ما سمعه منه من أهوال تحدث داخل هذا المنفى المرعب

ساقتاه قدماه بكل بساطه للذهاب إليهم !!

وحين وصل استقبله المخبرين بالترحيب المعتاد ثم ساقوه إلى سعاده الباشا

الباشا : أنت يا ربيع خياط مش كده

ربيع : تمام يا باشا خير

الباشا : كل خير يا ربيع أطمن مش أنت كنت شغال عند طارق ا .

ربيع : أيوه يابيه بس سبته من زمان لما أنتم قبضتم عليه

الباشا : و أدينا أفرجنا عنه ياسيدى علشان خاطرك

ربيع : ربنا يكرمك يا باشا هو راجل طيب بس علشان خاطرى ازاى

الباشا : شوف يا ربيع أنت هترجع زى زمان و تكلب من طارق أنك تشتغل معاه من جديد إيه رأيك

ربيع : ياريت يا باشا أنا قلتلك أنه فعلا راجل طيب

الباشا : يعنى أنت موافق

ربيع : ( متوجسا شرا ) موافق على ايه يا باشا

الباشا : أنك تشتغل مرشد عندنا و تنقل لنا كل اخبار طارق

ربيع : لا يا باشا حض الله بينى وبين كده الراجل مشفتش منه غير كل خير ليه بس الأذى ده

الباشا : لا زم تفكر كويس يا ربيع علشان أخوك الصغير :twee:

ربيع : ماله أخويا ياباشا

الباشا : الحدق يفهم بقى أنت حر !!!!!!:maaaad:

المشهد الثانى

مصنع الملابس

ربيع : خير يا حاج أحمد ( صاحب مصنع الملابس )

الحاج أحمد : معلش يا ربيع أنت ملكش شغلى معاى تانى

ربيع : ليه بس يا حاج كده أنا عملت شئ ضايقك

الحاج أحمد : لا يا ربيع بس يابنى أنا مش عاوز مشاكل فى مصنعى مش ناقصه مشاكل مع أمن الدوله معلش يابنى حكم القوى منهم لله

:sniff:

المشهد الثالث

تم فصل الأخ الأصغر لربيع من معه أمناء الشرطه ووصل الأمر لحبسه بسبب مخالفته لقوانين المعهد ( طبعا باوامر من أمن الدوله ) ولم يقف المر عند هذا الحد بل فكر الطغاه فى تغريم الشاب 10 ألاف جنيه مصاريف المعهد ولكن ربنا ستر

المشهد الأخير

ربيع فى الشارع و أخيه الأصغر محطم ومحبط نفسيا

و العاقبه عندكم فى المسرات

يا شباب اللى عاوز يعرف مين ربيع ومين أخوه و أنا جبت الكلام ده منين يراسلنى على الخاص أو يضيفنى عنده فى المسنجر

[mtaha]

يقول العقيد محمد الغنام أمام مؤتمر حقوق الإنسان المنعقد فى لندن فى عام 2002:

السلام عليكم ورحمة الله وبركاته


السادة الحضور: تمر شعوبنا العربية ـ سواء في المغرب أو المشرق ـ بمحنة قاسية بعد أن تسلط على معظم بلداننا حكام غلاظ لا يقيمون للإنسان وزناً ولا يعترفون بأي حق ولو أبسط حقوق الإنسان.


وفي مصر بالذات بلغت الأمور مبلغاً خطيراً بعد عشرين عاماً من حكم "مبارك" التعيس أصبح خلالها القمع والقتل والتعذيب سياسة الحكم ومنهاج الحاكم ونهب المال العام شغله الشاغل، ووجدنا عتاة الفاسدين وغلاة المنحرفين وقد اعتلوا مناصب الدولة الرفيعة فعاثوا في الأرض فساداً حتى آلت أحوال بلادنا إلى ما تعرفونه جميعاً!


الجمع الجليل: - كلمتي إلى جمعكم هذا لن تكون إنشائية أو بلاغية ولكنها سوف تنصب على حالات واقعية مصرية تؤكد من خلال الأدلة القاطعة والبراهين الساطعة ما نقول به من أن الاستبداد والفساد هما جناحا سياسة الدكتاتور/ مبارك، وتكشف كذب ادعاءاته من أن ما نشهده من عمليات قتل وتعذيب لأبناء شعب مصر على أيدي بعض رجال الشرطة إنما هو من عند أنفسهم ولا يعدو أن يكون انحرافاً أو أخطاءً شخصية منهم، فالغالبية العظمى من إخوانكم من ضباط ورجال الشرطة ـ الذين شرفت بالعمل بينهم لأكثر من عشرين عاماً ـ يتقون الله حق تقاته ويدركون حرمة النفس البشرية التي كرمها الخالق، وهم من ادعاءات مبارك الزائفة براء.


أما ما نشهده من عمليات قتل وتعذيب يرتكبها بعض رجال الشرطة فهي نتيجة الضغوط القوية والمكثفة التي يمارسها " مبارك" على رجال الشرطة لدفعهم دفعاَ في هذا الاتجاه بقصد إرهاب وتركيع شعب مصر، وفي مواجهة ضغوط مبارك تلك يصمد من يصمد من الضباط الأقوياء الذين يرفضون معصية الخالق وانتهاك أحكام القانون ابتغاء مرضاة الحاكم الفاسد، بينما لا يقوى على الصمود الأقل قوة ومن في نفوسهم مرض فيسقطون في فخ مبارك فيقتلون ويعذبون بني جلدتهم طمعاً في منصب أو بحثاً عن مكافأة مالية.


ويسعى الدكتاتور "مبارك" إلى السيطرة على جهاز الشرطة ودفعه لتنفيذ سياسته الشيطانية القائمة على قمع وإرهاب الشعب ضماناً لاستمراره في الحكم وبقائه في السلطة رغم أنف الجميع من خلال وسائل عديدة ، نذكر منها في هذا المقام وسيلتين: أولاهما، تتمثل في إسناد المناصب القيادية الحساسة في جهاز الشرطة للعناصر المنحرفة التي لا تتورع عن قتل أو نهب، بما يضمن له السيطرة من خلال تلك العناصر على الجهاز بأسره وتوجيهه الوجهة التي تحقق أهدافه الخبيثة، والوسيلة الثانية، تتمثل في حماية من يسقطون في حبائله فيقدمون على قتل وتعذيب إخوانهم ، وإليكم بعض الحالات الواقعية المدعمة بالأدلة القاطعة لبيان استخدام مبارك وإعماله لهاتين الوسيلتين:الوسيلة الأولى: السيطرة على جهاز الشرطة من خلال تشجيع الفساد وإسناد المناصب القيادية للعناصر المنحرفة:


1 – جرت ـ منذ عدة سنوات ـ محاكمة اللواء/ طلعت كامل نصار وإدانته في جريمتي اختلاس وتزوير، وبعدها بسنوات قليلة ـ وتحديداً في عام 1991 ـ تمت مجازاته إدارياً لاستيلائه على أموال مخصصة لجنود الشرطة، وكان الطبيعي أن يتم استبعاد مثل هذا الضابط فوراً، ولكن ما حدث في ظل حكم مبارك كان مختلفاً كل الاختلاف إذ قام المدعو / حسن الألفي (وزير الداخلية السابق) بمد خدمة هذا الضابط في رتبة اللواء بينما أحال زملاءهُ الشرفاء للتقاعد، مما حدا بهم إلى إقامة دعوى قضائية ضد وزير الداخلية أمام محكمة القضاء الإداري التي أدانت الوزير واصفة مسلكه هذا بأنه ينطوي على سوء تقدير وإساءة استعمال السلطة المخولة له (حكم محكمة القضاء الإداري في الدعوى رقم 2117 لسنة 52 ق ـ الدائرة التاسعة ـ في 27 ديسمبر 1999)، ولان من البديهي بعد هذا الحكم أن يتم محاسبة وزير الداخلية واستبعاد هذا الضابط، ولكن ما حدث كان عكس ذلك تماماً إذ قام المدعو " حبيب إبراهيم حبيب العادلي" وزير الداخلية الحالي في 1 أغسطس 2000 بمد خدمة اللواء المذكور لمدة عام آخر ضارباً عرض الحائط بأحكام القضاء (قرار وزير الداخلية رقم 809 لسنة 2000) .


ثم كانت الطامة الكبرى في 25 يناير 2001 حيث قام الدكتاتور/ مبارك في إطار احتفالات أعياد الشرطة بمنح هذا الضابط نوط الامتياز من الطبقة الأولى ( الخبر منشور في جريدة الأهرام الصادرة بتاريخ 26 يناير 2001 صفحة 15) ، فهل هذا معقول؟! وهل يمكن أن يصل تشجيع الفساد وحمايته إلى هذا الحد؟! وهل يمكن أن يحدث هذا من أي حاكم تتوافر فيه أدنى متطلبات "الأمانة" التي هي شرط لازم من شروط صلاحية الحاكم؟!


2 – تكرر نفس الأمر بالنسبة للواء/ محمد محمود شحاته الذي تمت محاكمته وإدانته بعد أن تم ضبطه وهو يقوم بتهريب بضائع من جمرك بورسعيد مستخدماً سيارة مسروقة قام بتغيير لوحاتها المعدنية، ومع ذلك لم يتم إنهاء خدمته وإنما على العكس قام نفس الوزير (المدعو/ حبيب إبراهيم العادلي) بمد خدمته في رتبة اللواء وإحالة زملائه الشرفاء للتقاعد، مما حدا بهم إلى إقامة دعوى قضائية ضده ، وقد أدانت محكمة القضاء الإداري مسلك "حبيب إبراهيم العادلي" واصفة إياه بأنه ينطوي على سوء تقدير وانحراف فاحش بالسلطة (حكم محكمة القضاء الإداري في القضية رقم 428 لسنة 53 ق ـ الدائرة التاسعة).


3 – امتدت خطة النظام الحاكم المصري لإحكام سيطرة قيادات منحرفة على جهاز الشرطة إلى أكاديمية الشرطة في محاولة خبيثة لبث بذور الانحراف بين طلبة كلية الشرطة، فتم تعيين اللواء/ عمر حسن عدس مديراً للأكاديمية رغم ما عرف عنه من سرقة بحث علمي وتقاضي رشاوى والحصول على وحدات سكنية من صغار الضباط لنقلهم وقضاء مصالحهم وقد نشرت جريدة "الشعب" جانباً من وقائع انحرافه، وحتى بعد أن أدانته الجمعية العمومية لقسمي الفتوى والتشريع بمجلس الدولة إذ قررت عدم قانونية عقد المقاولة الذي باشر إجراءاته ووقعه المذكور نيابة عن وزارة الداخلية مع إحدى شركات المقاولات بقيمة ثلاثمائة وخمسين مليون جنيه مصري لبناء أكاديمية الشرطة الجديدة (التي أسماها مبارك باسمه!!) (راجع فتوى الجمعية العمومية لقسمي الفتوى والتشريع ملف رقم 54/ 1 / 344 لسنة 1998)، أقول حتى بعد أن قررت الجمعية العمومية أن اختيار تلك الشركة تم "بمنأى عن كل قواعد القانون وبخروج سافر عليها" وبالمخالفة للقواعد المقررة لحماية المال العام مما يكشف عن وجود تلاعب، فانه لم يتم استبعاد هذا الضابط بل تم الإبقاء عليه في نفس وظيفته لينفث سمومه بين طلبة الكلية، ولم يغير من ذلك ما قام به من تلاعب في الأراضي المخصصة لضباط الأكاديمية والتي قام بتوزيع مساحات واسعة منها ـ بغير حق ـ على معارفه وعلى كبار المسئولين بالدولة ، والأدهى والأعجب من ذلك انه حتى بعد أن بلغ سن التقاعد قام فتحي سرور رئيس مجلس الشعب بتعيينه مستشاراً له!!


وهناك العديد والعديد من الحالات المماثلة، كذلك فإن هناك وبالمقابل العديد من حالات أخرى لضباط شرفاء رفضوا المشاركة في الفساد ونهب المال العام فكان جزاؤهم النقل والتنكيل وإنهاء الخدمة، ولكن سأكتفي - حرصاً على وقتكم الثمين ـ بهذه الحالات الثلاث المدعمة بالأحكام القضائية التي هي عنوان الحقيقة وبفتاوى الجمعية العمومية لقسم الفتوى والتشريع وهي أعلى جهة إفتاء قضائية في مصر.


وغنيٌ عن البيان أن إسناد الوظائف القيادية لأمثال هؤلاء الضباط ممن في نفوسهم مرض وممن لا يتورعون عن فعل أي شيء في سبيل تحقيق مصالحهم يمكن مبارك من تنفيذ سياسته القمعية وإجبار الضباط الآخرين من ذوي الرتب الصغيرة والمتوسطة على التورط في عمليات قتل وتعذيب الأبرياء.الوسيلة الثانية: مبارك يكرم ويحمي من يسقطون في حبائله من الضباط فيقدمون على قتل وتعذيب أبناء الشعب:-


بالنسبة للقلة القليلة من رجال الشرطة ممن أقدموا على قتل وتعذيب أبناء الشعب خضوعاً للضغوط التي مارسها " مبارك" والقيادات المنحرفة التي مكنها من المناصب القيادية في جهاز الشرطة، أقول إن تلك القلة القليلة التي غرر بها مبارك وأعوانه تحظى برعاية وحماية نظام حكم مبارك، إذ لا يقوم النائبُ العام ـ في معظم الحالات ـ بتحريك الدعوى الجنائية ضدهم بل يقوم بحفظ التحقيق أو يكتفي بمطالبة وزير الداخلية بتوقيع جزاء إداري، ولعل مما يثير الضحك ـ وشر البلية ما يضحك ـ أن نعلم أن الجزاء الواقع على بعض رجال الشرطة لقيامهم بتعذيب مواطنين وإحداث إصابات بهم هو الإنذار أو خصم نصف يوم من المرتب، وحتى في الحالات التي يضطر فيها النائب العام إلى إحالة بعض رجال الشرطة من مرتكبي جرائم القتل والتعذيب إلى جهات القضاء نتيجة ضغوط منظمات حقوق الإنسان أو أجهزة الإعلام، فإنه تتم ممارسة ضغوط قوية على القضاة لتبرئة المتهمين أو إصدار أحكام مخففة بحقهم، ويكفينا من مقام التدليل على تدخل الدكتاتور مبارك في أعمال القضاء اعترافه الصريح بذلك في حديثه مع إحدى المجلات الأمريكية أثناء زيارته الأخيرة للولايات المتحدة الأمريكية في مارس 2001، حيث أقر المذكور بأنه أمر النائب العام باستبعاد تهمة التخابر التي كانت موجهة للدكتور/ سعد الدين إبراهيم لأنها "جريمة وحشة وعقوبتها كبيرة"!!! والأدهى والأنكى من كل ما تقدم انه حتى في الحالات الصارمة التي تقوم فيها المحاكم بإصدار أحكام مخففة ضد بعض رجال الشرطة المتهمين بقتل بعض المواطنين وتعذيبهم حتى الموت، فان الدكتاتور مبارك يصدر قرارات عفو لرجال الشرطة بل ويقوم بتكريمهم ومنحهم أنواطاً وأوسمة.


وأذكر في هذا المقام بعض الأمثلة:-


1 – قام كل من الرائد / طارق فؤاد والرائد/ معتصم أحمد والرقيب / عبد الناصر صالح وآخرون ، بتعذيب مواطن كان محبوساً احتياطياً في سجن الفيوم بطريقة وحشية حتى لقي مصرعه من هول التعذيب، وتم تقديمهم للمحاكمة التي عاملتهم بالرأفة فقضت بسجن كل منهم لمدة خمس سنوات رغم أن العقوبة المقررة لجريمتهم هي الأشغال الشاقة المؤبدة، وانقل لكم من حيثيات حكم محكمة جنايات الفيوم نصاً للطريقة التي قتل بها هذا المواطن: " أوثقوه بحبل من القماش وأوسعوه ضرباً بعصاً وسير من الجلد وقاموا بكيه في مواضع مختلفة من جسمه بلفافات تبغ مشتعلة وأسياخ من الحديد المُحَمّى في النار، فأحدثوا به الإصابات الموصوفة بتقرير الصفة التشريحية والتي أودت بحياته، كذلك فان المتهم الأول أيضاً: هتك عرض المجني عليه بالقوة بأن أولج عصا في دبره على النحو الوارد بالتحقيق".


ورغم هذا التعذيب الوحشي وتلك الميتة البشعة، ورغم هذا الحكم المخفف، فقد أصدر الدكتاتور المدعو "محمد حسني مبارك" القرار الجمهوري رقم 32 لسنة 1994 في فبراير 1994 بالعفو عن الضابطين وضابط الصف، وهكذا لم ينفذوا العقوبة المحكوم بها عليهم وعادوا لممارسة عملهم في وزارة الداخلية وكأن شيئاً لم يكن!!


2 – قام المقدم/ حسن إبراهيم السوهاجي بتعذيب مواطن بطريقة بشعة حتى لقي حتفه بين يديه، وأثناء مثوله أمام المحكمة قام الدكتاتور/ مبارك في 25 يناير 1994 بمنحه نوط الامتياز من الطبقة الثانية تكريماً له لتعذيبه أحد أبناء الشعب حتى الموت ، وذلك في إشارة صريحة للمحكمة بان النظام يحميه وقد فهمت المحكمة الإشارة فاكتفت بمعاقبة الضابط بالحبس لمدة سنة، نفذ منها ستة أشهر فقط قضاها معززاً مكرماً في أكاديمية الشرطة ـ وليس في السجن ـ ثم أُخلي سبيله ليعود لممارسة عمله في مباحث القاهرة (تم منح الضابط نوط الامتياز بقرار رئيس الجمهورية رقم 11 الصادر في 20 يناير 1994).


وسأكتفي ـ مرة أخرى حرصاً على وقتكم الثمين ـ بهاتين الحالتين الفاضحتين الصارختين اللتين يبدو فيهما تدخل الدكتاتور مبارك بصورة شخصية وسافرة لتشجيع عمليات قتل وتعذيب أبناء الشعب الذي يفترض أن هذا الدكتاتور يرعى مصالحه ويحافظ على حقوق أبنائهِ ، وأود أن أسترعي انتباهكم إلى أن هذين القرارين المشار إليهما آنفا قد صدرا خلال مدة لا تتجاوز خمسة عشر يوما (من 20 يناير 94 إلى 5 فبراير ) مما يكشف عن معدل إصدار مثل تلك القرارات وعن معدل قتل أبناء الشعب تحت وطأة التعذيب.


وأجدني أتساءل إذا كان هذا هو مسلك مبارك الشخصي فهل يبقى لدى منصف أدنى قدر من الشك في أن التعذيب والقتل هما السياسة الرسمية المعتمدة من نظام الحكم القائم في مصر وان الدكتاتور مبارك يتدخل شخصياً ومباشرة بتنفيذ تلك السياسة وانه مسئول بصفة شخصية عليها؟! وهل يبقى لدى عاقل أدنى قدر من شك في أن مبارك هو ألد أعداء مصر وشعبها، وان بلادنا قد نكبت بحكمه كل نكبة، وان تخليص شعبنا منه ومن نظامه الفاسد هو واجب على كل مصري بل وعلى كل من ينتمي لبني الإنسان ولو لم يكن مصرياً، إن أبسط قواعد العدالة تأبى أن يفلت "مبارك" بجرائمه التي عرضت عليكم جانباً بسيطاً منها ومن أدلة ثبوتها، داعياً كل المهتمين بحقوق الإنسان والمعنيين بقضايا الديمقراطية إلى التضامن معي في مسعاي لتقديم الدكتاتور مبارك للمحاكمة الجنائية أمام القضاء البلجيكي، وأود أنهي إلى علمكم إني قد بدأت بالفعل بعض الاتصالات مع نفر من كبار المحامين في بلجيكا لبحث مدى إمكانية تقديم مبارك للمحاكمة الجنائية لارتكابه جرائم خطيرة ضد شعب مصر تشكل انتهاكاً سافراً لأبسط قواعد حقوق الإنسان، وأتعشم أن يبادر من يملك منكم أدلة يمكن أن تدين المذكور إلى تقديمها إلى الأخوة بالمرصد الإسلامي خاصة ما يتعلق بحالات الاعتقال والتعذيب.


الجمع الكريم: أن مبارك يعلم علم اليقين أن شعب مصر يرفضه ويلفظ نظامه الفاسد، لذلك فهو يعتمد القمع والإرهاب والحيلة والخديعة أدوات للاستمرار في السلطة والبقاء في الحكم، لهذا فلا عجب أن فرض حالة الطوارئ منذ اليوم الأول لحكمه التعيس وعلى مدار عشرين عاماً حتى يومنا هذا، وليس غريباً أن زج بعشرات الآلاف من أبناء الشعب في السجون والمعتقلات لسنوات طويلة دون ذنب أو جريرة ، وليس بمستغرب أن عمد إلى تزوير الانتخابات والتلاعب في نتائجها حتى بلغ الأمر في انتخابات مجلس الشعب الأخيرة حد التعدي بالضرب على الناخبين بل وإطلاق النار عليهم ـ في بعض الحالات ـ لمنعهم من دخول اللجان الانتخابية للإدلاء بأصواتهم ، ولا يمكن أن يقلع مبارك عن سياسته القمعية تلك لأن بقاءه في السلطة مرتبط بها لذلك فسوف تبقى انتهاكات حقوق الإنسان في مصر ما بقي مبارك حاكماً لها، فإزاحة هذا الطاغية عن السلطة هي السبيل الوحيد لإنقاذ شعبنا وضمان أمن أبنائهِ وأود أن أوجه عنايتكم في هذا المقام إلى ما يلي:-


أولاً : إن مبارك يعتمد في حكمه على سياسة "فرق تسد" ،فيسعى إلى إثارة الفرقة بين المسلمين والأقباط والإبقاء على حالة من التوتر والاحتقان في العلاقة بين الطرفين، كما يسعى إلى الإيقاع بين فصائل المعارضة المختلفة وتغذية خلافاتها، مما يوجب على فصائل المعارضة أن تجمع صفوفها وتوحد كلمتها فالقتل والتعذيب ونهب أموال الشعب هو أمر ترفضه جميع الرسالات السماوية وتأباهُ كل الفلسفات والنظم الوضعية، ثم إن ما حاق بمصر من خراب اقتصادي وما لحق أهلها من عوز وفقر في ظل حكم مبارك لم يقتصر على أتباع دين دون آخر أو فريق سياسي دون غيره، وإنما عم الضرر الجميع مسلمين وأقباط يمين ويسار.


ثانياً: أن مبارك يعمد إلى ابتزاز الغرب ودفعه إلى دعم نظامه من خلال إثارة فزع الولايات المتحدة وأوروبا من خطر إسلامي مزعوم، وتسهم بعض فصائل المعارضة المصرية في خدمة أهداف مبارك من خلال بعض دعاوى الغلو والتطرف، مما يستوجب الحرص على التأكيد دائماً على حقيقة أن الإسلام هو دين السلم والأمن، وانه يحرص على التعايش والتعاون مع كل الديانات الأخرى ويكن لها الاحترام.


ثالثاً: يسعى النظام الحاكم المصري إلى استعداء الدول التي تستضيف بعض فصائل المعارضة المصرية في الخارج على تلك الفصائل، في محاولة خبيثة لصرف انتباه المعارضة في الخارج عن قضايا الوطن الحقيقية وجرها لخلافات فرعية مع الدول الديمقراطية التي تستضيفها، مما يتطلب الانتباه لتلك المحاولات الخبيثة.


ختاماً: أتمنى لكل المشاركين في هذا المؤتمر التوفيق والسداد وان يلتئم هذا الجمع الكريم في أقرب فرصة في القاهرة بعد تحريرها.. وإن غداً لناظره قريب.


والسلام عليكم ورحمة الله وبركاته


عقيد . دكتور/ محمد الغنام


مدير إدارة البحوث القانونية بوزارة الداخلية المصرية سابقاً - حالياً : لاجئ سياسي بسويسرا .

منقولة عن موقع : http://aaofu.s5.com/elghannam.html

[ابو فاروق]

اخى العزيز جهاد
اشكرك جدا جدا على موضوعك انا لسة كاتب بس باسلوب ضعيف جدا جدا واحيك على حسك الوطنى واسلوبك الراقى ويارت كل ما عند اى مشكاة او شاف اى فساد ان ينشرها وياريت لو فى حد شريف من الامن او رجال الشرطة ان يتابع من يقع علية ظلم او ماشبة لرفع الظلم من علية
احيك مرة اخرى واحيى كل مايقع علية ظلم ويكتب بدون خوف

[alsarem alhasem]

لو كان للسلبيه معيار من 10 درجات كنا اخدنا فيه 15

الف وتمانمائة مشاهدة وموش عارف كام مشاركه وتمانيه وعشرين الف عضو والمركز ال3000 علي مستوي العالم في ترتيب المواقع
كل ده !!
ومفيش واقعه واحده !!!!!!!!!!

فين الي كنت بقرالهم احس انهم عايشين ف صربيا موش ف مصر؟

خلاص!!!!!!!
الكل بلع لسانه ؟؟؟؟؟

وربنا تستاهلو اي حاجه تجرالكو ...... مين اساسا قال عننا شعب عشان يطالب اصلا بحقوق؟
احداث ملفقة واقوال مرسله واسامي مزيفه وناس بتخلص تارها من بعض وناس بتنقل من جرايد ......

حسبي الله ونعم الوكيل ..

ياريت اي حد بيفكر يبقي ينشر موضوع من الموضوعات اياها يبقي يراجع نفسه 100 مره لان رد فعلي هيكون غير متوقع بالمره ساعتها ..

فعلا ...... صدق سعد باشا
مفيش فايده ياصفية



والاحترامات محفوظه يا عمو جهاد يعني... :)


مش عارف ليه اما قرأت الكلام ده افتكرت ماري انطوانيت اما اقترحت على شعبها أكل الكرواسون اذا لم يجدوا العيش الحاف :closeeye:


الوقائع موجودة وبكثرة لكن توثيقها كما تريد غير متاح في اغلب الاحيان ..






ايه رأيكم يا جماعة مش الشاب الكميل ده اللي في الصورة ينفع يتحط في الموضوع


إضغط هنا (http://img284.echo.cx/img284/1199/estefta200408gk.jpg)

شكله محترم فعلا ولكن الاسطوانة المعتادة ...الأوامر ولازم انفذ الأوامر وده شغلي (طبعا اللي فيه مميزات ما يقدرش يضحي بيها )



"فاستخف قومه فأطاعوه اإنهم كانوا قوما فاسقين "......قرآن كريم يتحدث عن شعب مصر




والموضوع ده كله على بعضه ينفع

http://www.haridy.com/ib/showthread.php?t=46912




......الشاب الكميل ده هو برضه من الفئة اللي مالهاش حق الانتخاب :twee:

[جهـــJeHaDـــاد]

والاحترامات محفوظه يا عمو جهاد يعني... http://haridy.com/ib/images/smilies/smile.gif
انا موش عمو ..:nunu0000:
وعلي فكره ع العام كده .. متضايق منك فوق ماتتخيل ..

مش عارف ليه اما قرأت الكلام ده افتكرت ماري انطوانيت اما اقترحت على شعبها أكل الكرواسون اذا لم يجدوا العيش الحاف http://haridy.com/ib/images/smilies/closedeyes.gif
غير ان الموضوع موش محله عشان اشرحللك ان المقوله دي اكذوبة تاريخية اصلا ..بس ماعلينا

ايه وجه الشبه بيني وبين ماري انطوانيت غير اننا احنا الاتنين مكناش نتحدث الفرنسية؟:closeeye:


الوقائع موجودة وبكثرة لكن توثيقها كما تريد غير متاح في اغلب الاحيان ..
ومن قال انني ابحث عن توثيق..فقط:twee:


شكله محترم فعلا ولكن الاسطوانة المعتادة ...الأوامر ولازم انفذ الأوامر وده شغلي (طبعا اللي فيه مميزات ما يقدرش يضحي بيها )
مميزات؟
فعلا واضحه المميزات .. ماعلينا
عموما دقق في الصورة هتلاحظ انو واحد بيسند واحد موش بيقبض عليه ..
سيبك بقي ان اللي حصل اول امبارح ده يطلق عليه (مسخرة ) بكل المقاييس..ماعلينا ..



......الشاب الكميل ده هو برضه من الفئة اللي مالهاش حق الانتخاب http://haridy.com/ib/images/smilies/whistling.gif

حضرتك بتلمح لحاجه معينة ؟

[alsarem alhasem]

حضرتك بتلمح لحاجه معينة ؟


بألمح الى كلمة قلتها لك منذ فترة : قد تكون الفئة التي تتعامل معها حتى وان كنت مدني فئة محترمة ومخلصة حقا ولكن هذا لا يعني ان الأغلبية او اكثر من النصف حتما ليست هكذا وانزل الشارع وادخل اي قسم شرطة تختاره بصفة عادية جدا وحضرتك تعرف



على الأقل هتشوف التنطيط على خلق الله ...ده غير الأهم واللي في الصورة جزء منه


وبما ان الشاب ده كان بيسند الأخ المتبهدل ....يا ترى اللاسلكي اللي في جنبه بصفة مواطن برضه ...والعساكر برضه كانوا بيسندوه


ويا ترى لماذا لم يوجه العساكر للقبض على من ضربوه وعلى من ضربوا الصحفيات ومزقوا ثيابهن




أقولك على حادثة حصلتلي على السريع ...موقف صغير جدا



في عمارتنا منذ سنوات عديدة كان يسكن فتاتين أجنبيتين..وطبعا عايشين عيشة الأجانب .. ..يعني وقت الفجر كانوا راجعين بشابين مصريين معهم



وطبعا سكان العمارة ( منهم العبد لله ) منذ فترة نبهوا على البواب بعدم دخول اي شباب معهن


البواب رفض دخولهن واستدعوا هم الشرطة ...والعبد لله كان راجع وقتها من صلاة الفجر -كنت لسه طالب في الجامعة وقتها - وطلب البواب مساندتي وبطبيعة الحال وقفت معاه على تردد مني ( لولا ان العبد لله كان لسه عضمه طري قوي قوي ساعتها لكان مسار الحديث بيننا وبينهم في اتجاه آخر ولكن قدر الله وما شاء فعل )



الضباط حاولوا في البداية انهم يلموا الموضوع ويدخلوا الشباب من غير مشاكل ولكن مع اصرار السكان لم يتمكنوا من هذا وطبقوا القانون فعلا



بس مش هأقولك على التناكة وقلة الذوق وسوء الأدب اللي هما مطبوعين عليها سواء الضباط او المخبرين اللي معاهم وبفضل الله وبتوفيقه اولا وأخيرا ثم ولولا ان من سكان العمارة أشخاص في مراكز حساسة سواء ضباط جيش أومستشارين قضائيين أو في مؤسسات الدولة ذاتها لكانوا ضربوا بالقانون عرض الحائط باعتبار ان الناس في حالة اخرى لا تعرف حقها






غير كده ما نكملش هنا ...ده ان احببت نكمل



وأعتذر لك ان كان أسلوب الطرح نفسه قد ضايقك سواء هنا أو في الموضوع الآخر





كلمتك انت بقى هي اللي ضايقتني فوق ما تتخيل


انا موش عمو ..
وعلي فكره ع العام كده .. متضايق منك فوق ماتتخيل ..


بص على الخاص إذا سمحت

[alsarem alhasem]

رسالة من ضابط شرطة سابق



الكلام هنا عام تماما وليس مقصودا به حادثة معينة او شخص معين






رسالة من ضابط شرطة سابق

لواء كمال حافظ






أعرف أنى لا أنادى بواد ولا أشارك أصواتاً أدانتكم لأن نفراً منكم شذ وخرج عن نطاق الصواب فعذب واضطهد واستغل، بل إننى كواحد منكم أدرى بأن لكم ضمائر كالآخرين، قد تكون أكثر لومًا لكم من كل من ظلمكم وحمل عليكم وجمعكم فى سلة واحدة مع شواذ منكم لو كانوا فى هيئة غيركم لمارسوا نفس البغى الذى مارسوه وهم بينكم... من سرير المرض وفى نهاية العمر أرى لزاما على أن أبذل لكم النصيحة خالصة لوجه الله ولوجه وطن أحببناه وكنا على استعداد للشهادة فى سبيله


وقبل النصيحة لابد من إطلاله على تاريخكم لعلكم تعلمون من أنتم ولماذا سار بكم الدرب الى مأزق نعيشه كأننا طائفة من الخوارج أدمنت قهر شعبها والاخلاص لجلاديها ولم نعد فى الكاريكاتير إلا رجالا عابسى الملامح يمسكون هراوة محمله بالبروزات الحديدية ولم نعد فى الدراما إلا جهالا بغير ثقافة وبغير عمق وجدانى أو تعاطف وطنى ولم نعد على صفحات الصحف إلا نموذجا للغطرسة وأعواناً للطغاة وسياطا بيد حاكم يريد للزمن أن يقف حيث هو نعيد مطلبا لكل الناس؟!



فى ثورة سنة 1919 قام مأمورا مركز زفتى وقسم أول أسيوط بإعلان الثورة على الاحتلال الانجليزى ووزعا الأسلحة على الفدائيين ودربوهم على استخدامها وقادا التصدى للغزاة حتى سقطا فى أيديهم وحكم عليهما بالاعدام رميا بالرصاص.. وهما الآن فى ضمير بلدهما شهداء تحنى لهم الهامة. وفى معركة الإسماعيلية قاد الرواد مصطفى رفعت وفؤاد الدالى والملازم صلاح ذو الفقار قوة صغيرة تحمى المحافظة وتصدوا لجيش الامبراطورية التى كانت لا تغيب عنها الشمس وسقط فى المعركة أكثر من خمسين شهيدا رفعوا رأس بلدهم وشرفوه فى كل المحافل وكانوا أحد المبشرين بثورة يوليو المجيدة.
وقفوا مع الثورة فى كل معاركها وقدموا دماءهم رخيصة فداء لبلدهم، وفى معركة سنة 1956 واجهوا فى بورسعيد جنود المظلات لانجلترا وفرنسا وشاركوا فى إحلال الامبراطوريات الكبرى الى المعاش المبكر وقدموا عددا من الشهداء، وقادوا حرب عصابات ضد من دخلوا المدينة أزعجتهم حتى رحلوا.


وفى معركة السويس سنة 1973 قاد الرائد نبيل اسماعيل ومحمد حمودة قوة من رجال الشرطة حاربت جند إسرائيل حتى استشهد الضابطان ومعهما حفنة من .رجالهما.
أما أيام السادات الكئيبة لم يقف رجال الشرطة عاجزين أمام طغيانه وأكاذيبه ومغارمه، وأعرف ان رجالا منهم عملوا مع منظمات سرية للخلاص من حكمه مع أبطال من رجال القوات المسلحة والمدنيين الرجال وتستمر المقاومة حتى يرحل النموذج والمنهج الذى أوصل البلد الى فساد مقيم وانتهازية وقهر وتبعية لم ترها البلاد من أيام إسماعيل صدقى - صحيح انهم لم ينجحوا ولكن الصحيح أيضا ان سلطات الدولة المترهلة - آنئذٍ- ولم تزل تترهل حتى الآن حين تسلل إليها خبرهم لم تستطع أن تجعل واحداً منهم ينطق بكلمة فى حق الآخر واكتفت دولة المحروسة بمصادرة مستقبلهم فذهبوا الى بيوتهم وعلى صدر كل منهم شهادة بأنه قاوم السادات وبطانته قدر الطاقة والاستطاعة.


وفى معارك مكافحة المخدرات سقط أبطال منهم محمد فكرى البندارى وحمزة الدلبشانى وآخرون كثر حماية لبلدهم من هذا الشر المستطير، أما عن موجة الارهاب والتى لايعلم أحد من المسئول عنها، رجال أعماهم الانحراف أم دولة أدمنها الارهاب المعتاد، فقد ذهب رجال منكم الى لقاء ربهم حتى توقفت موجة الارهاب وان ظلت الدولة على ارهابها قائمة لايردعها رادع. أعطوكم قانون الطوارئ ولا يرضى عنه إلا رجل شرطة عاجز او جاهل يريد ان يسجن شعبه كله لان جريمة وقعت هنا أو هناك ودرسوا لكم ما اسموه توسيع دائرة الاشتباه كأنه تحريض على مطاردة شعب فى معايشه فالرجل متهم الى ان يثبت العكس وتزدحم سجون سيناء الى الآن بمسجونين أغلبهم برئ لأن انفجارا حدث فى أحدث الفنادق... آجل أنا آسف فقد كان من بين الضحايا إسرائيليون وهم فى زماننا هذا من ذوى الدم الأزرق.
انتفخت أوداج دولة القهر والطغيان وتسليم الارادات بغير ايصال وهى تراكم جيوشا ترتدون الملابس السوداء وتقيمون حاجزا بين الناس اعيتهم الحيل وبين بغاة أخذوا على عاتقهم احتلال ارادة الناس وتكبيلهم والاستيلاء على كل مصالحهم- تكتنز خدود وتزداد كروش والخزائن تشكو تخمتها بالمال الحرام والكل يدرى عن الكل مباذله ولا احد يسعى لكشف المستور، فالعورات تملأ الرحب من الأفق الى الأفق- لا أمل وانتم على ما انتم عليه، فإما ان تعودوا الى شعبكم أو استعدوا لحمل بطاقات العار حين تحمون نظاما لم يعد هناك من يحتمله.




أما جيلنا.. فكنا طلبة بكلية الشرطة حين حدثت أحداث الاسماعيلية فى اوائل سنة 52، وقمنا يومها باعتقال ضباطنا والاستيلاء على اسلحة الكلية وخرجنا نطلب قطارات تقلنا الى مدينة الاسماعيلية لملاقاة المحتل الجامح الخطى فى حرب شوارع تنتهى فى الغالب باستشهادنا جميعا ومن ثم تحريك المسألة الوطنية التى طال رقادها.
وأعادنا الى الكلية ما رأيناه من حرائق وحوادث نهب مؤسفة جلبت عارا على بلادنا لا تمحوها ذاكرة الأيام.



وجاء النظام.. يريد أن تتحول حياة الشعوب الى بركة صامتة لا يحركها حدث... أدمنوا تزوير كل الانتخابات وصولا الى برلمانات بصورة يشغلها موظفون عموميون لا يملكون من أمرهم شيئا... فقدنا الصبر مللا وهم يرفعون الأيدى موافقة على كل الأمور، جيدها وسيئها وعلى رأسهم من يشير لهم بالموافقة فيوافقون وبالرفض فيرفضون. مهزلة أداروها لسنوات طوال لا تدرى من منهم الصالح ومن منهم الطالح فكلهم طالحون.. ويمتد أجل الوهم بفعل صناديق إنتخابية لا يأتيها الحق من بين يديها ولا من خلفها.



واعتمدوا عليكم.. وآأسفاه- منكم نفر أبت عليهم رجولتهم ووطنيتهم ان يشاركوا فى مهزلة الاختيار الشائن لبطانة سوء ادمنت المال الحرام ووظفته لشهدائها - ذهب رجال شرطة الى حجرات نومهم وقد تصالحوا مع ضمائرهم وأرضوا وطنهم ولم يقبلوا ان يكونوا الأيدى التى تغتال ارادة شعبهم. اعرفهم واستغفر لمحرمات منهم وأحيى من لايزال يدب فى مناكبها.
واستجاب البعض منكم لنداءات حكوماته، كأنها نداءات واجب، والواجب الذى أقسمنا عليه أن نطارد المجرم وان ننصر المجنى عليه - أن نطارد الجريمة فى كل مكانها لا أن نساندنها وندعم مرتكبيها - وكانت مكافأة نهاية الانتخابات هى الرشوة المقنعة لعملية إشتراك فى جريمة لامراء فيها.


لأ أحرضكم على عصيان، فلسنا عصاه، ولكن أحرضكم على الخروج من ظل النظام الشائن - لقد أقسمنا أن نكون فى خدمة اهلنا ولم نقسم ابداً ان نكون فى خدمة طغاة ينكلون بالناس - ولا اطالبكم بوقفه ابطال فليس كل الناس أبطال ولكن أطالبكم فقط برفض الاشتراك فى عملية التزوير الشائنة، يستطيع كل قائد منكم صغر أو كبر أن يسر إلى رجاله قراره بحماية الناخبين والقبض على البلطجية الذين توظفهم الدولة لمطاردة شعبها. لا تقبلوا إخراج الساقطات من حجز المراكز والأقسام لفرش الملاءات لسيدات مثقفات خرجن لأداء حقهن وحق بلادهن وصمموا على أداء واجبكم بكل الاخلاص والرجولة.


لو فعلتم فسيذكر شعبكم لكم وقفتكم الى جواره فى محنته وستحظون باحترام سبقكم اليه رجال القضاء والأبطال، وسنحنى كلنا الرؤوس لرجال صدقوا ما عاهدوا الله والوطن عليه.



لواء كمال حافظ




ملاحظات:


أيام السادات خرجت مظاهرات مدفوعة الأجر تنادى أفرم أفرم ياسادات وفى عهد مبارك خرجت مظاهرات تهتف دوس .. دوس يا مبارك والله احترنا، هل سيفرموننا ام سيدوسوننا. عموما يستوى الفرم تحت وطأة المفرمة والدوس تحت وطأة المداس.


لواء كمال حافظ



* فى ميدان السيدة زينب وعلى مرأى ومسمع من أم العواجز قالت احدى لافتات التأييد الأجنة فى بطون أمهاتها تؤيد محمد حسنى مبارك رئيسا للجمهورية وماله، لقد أيده فى السابق الموتى فى قبورهم. أفتقبل للموتى مالا نقبله على مشاريع احياء؟ بركاتك يا أم العواجز.



* عشرون جنيها ثمن الصوت الانتخابى، ماذا إذا سيكون ثمن الصوت الانتخابى، والله أرضانى ان توزع العشرينات على البسطاء وتذكرت أغنية أنور وجدى ده مبلغ عال ومش بطال على الاقل سيأكل الفقير خمسة طعمية ورغيف طباقى تبع الناس اللى فوق.


ياريس .. سبحان من له الدوام

[وهبه]

السلام عليكم

احييكم من جديد بتحية الاسلام

يوم الاستفتاء على تعديل الدستور
فى صباح هذا اليوم افترست سيارة شرطة ناقلة لجنود الامن المركزى او الترحيلات ...
ارواح آمنين من طالبات كلية الدراسات الاسلامية بالمنصورة وكان حادث أليم

ياترى التحقيق فى هذا الحادث سيجرى كما لو كانت هذه السيارة يمتلكها مواطن عادى
ام ان للشرطة الحق فى تغيير مجرى التحقيق

اعتقد ان من السادة الضباط من سيحاول ان يجعل الشرطة بريئة من ارواح من ماتوا تحت عجلات معداتها

ومع هذا وذاك من اورد هذا الخبر صبيحة الاستفتاء ؟

وبكل سرعة وتحفظ
تم اخلاء موقع الجريمة !

على العموم
التعويض المادى لا يغنى اسر الضحايا

وشكراً

[mostafa1]

ولماذا هذه الصعوبة من باب اولى كان حصر الضباط الشرفاء فهم يتعدون بالمئات

[بخ بقى]

لا بجد برافووووووووو بس انا عندى سؤال كام ضابط من الشرطة شريف وعفيف وابن ناس محترمة وعنده اخلاق :gun: يالهووووى اظن انهم كتير اوووى ال ....وال.......وال...... وال...... الخ واحد من الف بيكون تمامو
بخ بقى ويستمر البخاخان فى فى الهوى
واحنا ال دهنى الهوى دوكو كركركركركر يافندم واضربلى اجدع سلام وانتبة لحضرة الضابط واوعى القطر جاى وبخ من قلبى بقولها على اى حاجة فى الدنيا :55:

[**freedom**]

بسم الله الرحمن الرحيم
اعزائي القراء الصراحة انا لا اقيد ابدا العنف الذي يستخدمة رجال الشرطة لتفري المظاهرات ولكن يجب الا نرى الاحداث التي تحدث من عين واحده أي لا نراها فقط في احد القنوات الاذاعية او من الانترنت كصور .
لا بد ان نبحث أولا ثم نعلم لماذا تتخذ الشرطة هذه الأساليب . من وجهة نظري اعتقد ان الشرطة استخدمت العنف في المسيرة التي نظمت بالقاهرة ان مصر معرضة لخطر رهيييييييب جدا من الخارج وايضا من الداخل اكيد الجميع علم المشكلة التي حدثت بين المسلمين والمسيحين ثم من بعدها القضاة فهذه المشاكل تفتح لأمريكا الأبواب لأن تتدخل في شئون مصر الداخليو والخارجية وخطوة خطوة وتصبح مصر كالعراق وفلسطين ونصبح عبيد لهم فهنا تدخلت القوات الأمنية للمساعدة في توقف هذا التصعيد ولو حته لو باستعمال العنف لان توجد بعض الفئات المدسوسة بين المسيرات تقوم بأعمال شنيعة من قتل وسلب ونهب
ارجو الا اكون تعبتكم في القرائة ولكن اردت فقط ان اظهر وجهة نظري \

الى اللقاء قريبا