كــــــــــــهربــــــــــاااااا....ززززززز..ششششد دددد اللللكككوووببببسسس

[آيات الجارحى1]

:sniff: :sniff: :sniff:
انا بقيت 220 فولت يا ناااس..
اعصابي تعبت خلاص..
كل ما امسك حاجة اتكهرب..
الاول ابتدى الموضوع لما اكوي اى هدوم فيها نايلون اتكهرب جامد جدا..
بطلت اكوي اى حاجة غير الاقطان..
بعد كده كل ما اجى امسك باب العربية اتكهرب جامد..مش معقول اقول اجيب حد يفتحلى باب العربية..
دلوقتى بقيت لما اقوم من على كرسى الكمبيوتر وايديه بلاستيك طبعا فبتكهرب جامد.. لو ماسكة ياسمينا موقفاها فوق الغسالة (ملكوش دعوة موقفاها فوق الغسالة ليه) :viking: .. اقوم انا وهى نتكهرب جامد..
من يومين ماشية فى الشارع لا بيا ولا عليا لقيت كأن نقطة كهربا وقعت عليا.. هتقولولى يعنى ايه نقطة كهربا يعنى كأن الواحد بينزل عليه نقطة مطر.. اهى دى كأنها نقطة مطر بس كانت كهربا وخليتنى اتنفض.. كنت ماشية جنب محول كهربا فى الشارع بس مفيش اسلاك ولا حاجة طالعة منه.
حد يقوللى ايه اللى بيحصل انا بقيت عاملة زى لمبات الافراح ماشية عمالة انور واطفى :lolly:
بجد انا بقيت خايفة امسك اى حاجة وخصوصا ياسمينا كل ما امسكها لازم اتكهرب..
تفتكروا فاضللى اد ايه وابقى كلوب :واه يابوي

[MY HERO]

هههههههههههههههههههههههه


انتي لما بتغسلي بالمايه بيصيرلك حاجه

[أبوحميد]

غالبا يا أختى العزيزة والله أعلم
هذا ما يطلق عليه الكهرباء الإستاتيكية
وغالبا فإن منزلك مفروش بالسجاد والموكيت
والبطاطين أيضا
وبعض أنواع الملابس
كل ذلك ينتج شحنات كهربية تفرغ عندما تلامسين سطح معدنى أو تلامسين المياه أو أى أحد مثل ياسمينا
ولكن الكهرباء التى موجودة فى الغسالة يجب ألا تستهينى بها لأنها قد تكون ماس كهربى فى جسم الغسالة
وأن تجعلى أى أحد يكشف علي وجود أى أجزاء مكشوفة أو أى من مسببات الماس الكهربى فالرجاء ألا تتهاونى فى هذه النقطة بالذات
أما الكهرباء الإستاتيكية فأمرها هين نوعا ما ويمكن تجنبها عن طريق الإبتعاد عن مشببات توالد الشحنات الإستاتيكية
ولك منى خالص التحية

[د.بلال]

والله يابو حميد كلامك لزيز بس لو كده كان كل سكان البيت اشتكو بنفس الشكوى اشمعنى هي يعني :think3:

في واحدة زميلتنا كده برضو بس بشكل اكبر بكتير بتوصل انها ممكن تكهرب اربعة ماسكين في حاجة معدنية لو مسكت فيها هي كمان ... :واه يابوي

حكاية الغسالة فعلا شيء المفروض متستهينشي بيه لانه ممكن يكون خطر عليكم و عالغسالة كمان :closeeye:

هقولك على تجربة جميلة قوي ابقي جربيها بجد هاتي لمبة واحد و نص فولت - من لوازم العائلة ولا حاجة - وامسكيها من الحتة المعدنية اللي فيها وطفي نور الأوضة وامشي وانتي بتزحفي على السجاد .. بجد والله مش هزار وابقي لاحظي اللمبة هتنور ولا لأ
:tu:

منورة يا توتو :brb: :brb:

[حكاية حزينة]

على فكره الموضوع ده بيحصلي كتيررررررررررررررررررررررر بس اقل منك ربنا يستر وما يحسبوناش غلي الكهرباء الزياده

[Nile Hawk]

أنا أى نعم هندسه قسم كهربا بس مقدرش أفتى يا حجة آيات ..

بس لو تعرفى الدكتور إبراهيم كريم كان عامل أبحاث عند مداخل و مخارج الطاقة للجسم و عن كيفية تفريغ الطاقه الزائدة من الجسم .. و على فكرة هو عنده مركز تقريباً فى المعادى هو فى الأصل مهندس كهربا بس يعنى ربنا أداله علم ما شاء الله لا قوة إلا بالله ..

http://www.biogeometry.info

أى خدمة يا فندم

[هريدي يابووووي]

دي الكهرباء الإستاتيكية..
و انا كمان باعاني منها في الرياض خصوصا في الصيف..
لكن المسألة بسيطة.. فيه spray بيتباع بيترش على الهدوم بحيث يمنعها.. كمان يستحسن تتجنبي الملابس اللي فيها ألياف صناعية :)

[د.بلال]

بس يا هريدي اشمعنى مودام ايام لوحدها ؟

يعني ليه ياسمينا او اي حد عايش في نفس المكان مش بيتكهرب ؟

[no0r]

سلامتك يا توتو :huh:

انا الموضوع ده بيحصلى ساعات بس مش بالشكل ده :think3:

بصى حبيبتى انا سئلتلك محمد_ محمد ده زوجى العزيز _ :أخخخ: هو اصله واخد الكهربا دى هواية من زمان

ونقلا عن لسانه قال ....

لو عندك افوميتر تقدرى تقيسى به مقدار الفولت الموجود فى الغسالة لو طلع فرق الجهد بتاعه عالى يعنى يقرا مثلا 15 او 20يبقى الغسالة فيها ماس اصلا ومحتاجة صيانة ...
وعموما المفروض عمل ارضى للغسالة تتوصل ارضى يعنى لكى تصرف اى شحنة كهربائية فيها زائدة وممكن انتى تعمليها بنفسك عن طريق انك تجيبى سلك كهربا نص ملى طول السلك على حسب المسافة بين ظهر الغسالة وحنفية الماء تعرى السلك وتوصليه فى اى مسمار بظهر الغسالة و الطرف الاخر توصليه ب حنفية الميه طبعا الاطراف النحاسية مش تكون متغطية بالبلاستيك .... بالطريقة دى اى شحنة زيادة هتتسرب فى الارضى .. دا بالنسبة للغسالة .. وممكن برضو لو عندك مفك تست معروف ده تحطيه على جسم الغسالة فى جزء يكون معدن وغير مطلى لو المفك نور يبقى الغسالة فيها ماس ولازمها صيانة


بالنسبة لجسمك اللى بيتكهرب كل ما تلمسى حاجة بلاستيك ... المفروض تبتعدى تماما فى ملابسك عن الالياف الصناعية وتتجهى للاقطان وتلبسى باستمرار شبشب وميكونشى مبلول ويحبذ قبقاب خشبى :أخخخ:


طبعا انا مجرد مذيعة اخبار :surrender

الف سلامة عليكى يا توتو ورردة

بجد بجد منورة :واه يابوي


انا زرت موقع البايوجيومترى ده مخصوص عشان موضوعك ولقيت انك ممكن تستفيدى من الصفحتين دول

http://www.biogeometry.info/biog.asp

http://www.biogeometry.info/bios.asp

موقع ممتاز على فكرة اخانا الفاضل Nile Hawk جزاك الله كل خير ورردة

تحياتى وتقديرى ورردة

[شاب مسلم]

أعتقد إن أنا عندى بعض الحلول اللى ممكن تساعدك....:flowers:


*لو كنت بتاكلى حاجات فيها أملاح كتير فحاولى تقللى منها لأن ده ممكن يكون سبب من أسباب الكهرباء بسبب زيادة نسبة الأملاح المتأينة فى جسمك اللى بتخليكى عاملة زى البطارية اللى بتتشحن كل شوية:huh: .

*لو كنت من اللى بيتعاملوا مع الأجهزة الإلكترونية كتير زى الكمبيوتر أو التلفزيون "وخصوصا لو كنت بتستعملى الموبايل كتير" أو الحاجات دى فممكن بعد أما تخلصى إستخدامك للجهاز تنفضى إيديكى وهدومك بإيديكى برده كذا مرة ورا بعض لأن دة بيزيل جزء من الإلكترونات الموجودة على جسمك فياإما يعطل الصدمة أو يخففها على الأقل :think3: .

*ممكن تكونى ساكنة فى منطقة فيها شبكات بث إذاعى أو تليفزيونى وخصوصاً شبكات بث الموبايل فدى بقى ماهاش حل غير انك تعزلى :واه يابوي ............ استنى استنى أعتقد ان فيه حل بس صعب شوية :think3: ............ فيه طريقة مهندسين الكمبيوتر بيستعملوها علشان يتجنبوا الكهرباء الإستاتيكية وهى انك تحطى حلقة من الحديد-غويشة يعنى !!!- فى ايدك والحلقة دى متصلة بسلسلة متوصلة بالأرض ....... وبكدة الشحنات هتتفرغ أول بأول وبدون ماتحسى بيها ......

أرجو انى أكون أفدتك ............ وياريت لما تجربة الطرق دى تقوليلنا على النتيجة............. ولو نفعت ماتنسيناش من صالح دعاؤك.


ورردة ورردة ورردة ورردة ورردة ورردة ورردة ورردة ورردة ورردة ورردة ورردة ورردة

[د.بلال]

انك تحطى حلقة من الحديد-غويشة يعنى !!!- فى ايدك والحلقة دى متصلة بسلسلة متوصلة بالأرض ....... وبكدة الشحنات هتتفرغ أول بأول وبدون ماتحسى بيها ....

:brb: :brb: :brb: :brb: :brb:

[QALB_ELDEEN]

السلام عليكم و رحمة الله

معظم اللى حضرتك قلتى عليه ده بسبب ان الهوا جاف ... و حضرتك بتستخدمى هدوم من الصوف او الالياف الصناعية ... و البيت فيه موكيت او سجاد و حضرتك بتمشى بالشبشب على السجاد و بعدين تمسكى التلاجه أو الكمبيوتر ... اما العربية فالدواسات ممكن تكون من الجلد ...

الحل : متمشيش على السجاد او الموكيت بالشبشب ... و بلاش من دواسات العربية اللى من الجلد ... و اهم حاجة ان جو البيت ميكونش هواه جاف .. يعنى هاتى كام قصرية زرع و رشيهم كل يوم ..
اخيرا متمشيش فى الشمس بهدوم من الالياف الصناعى ....

[مورسـيس]

و بعد كووول الأسباب ده هحط ليا سبب انا كمان !

الحوارات ده بتحصل معايا برضو .. بيقولو ان التكييف بيعمل كده برضو !

يعني اول ما اطلعالشارع بتكهرب .. اول ما بنزل من السيارة بتكهرب!

و كده يعني ..

بس خلاس :closeeye:

[آيات الجارحى1]

السلاااام عليكم ورحمة الله وبركاته..
ايه النور ده كله :closeeye:
اشكركم كلكم على اجاباتكم وتعليقاتكم وفعلا انا قعدت اضحك مدة طويلة لما قرات الردود..
انتي لما بتغسلي بالمايه بيصيرلك حاجه
هيروو..
ايوة باشعر انى بقيت اصغر فى الحجم.. بكش يعنى(بكسر الكاف)..
على فكرة فى مسلسل اسمه ماى هيرو ..ومسلسل يضحك اوى


ابو حميد..
اهلا وسهلا بيك ونورتنى فى الموضوع واشكرك على ردك بس احنا مش فارشين بطاطين وهدوم على الارض
وغالبا فإن منزلك مفروش بالسجاد والموكيت
والبطاطين أيضا
وبعض أنواع الملابس

د. بلال..
اضحك يا خويا اضحك :viking:
هقولك على تجربة جميلة قوي ابقي جربيها بجد هاتي لمبة واحد و نص فولت - من لوازم العائلة ولا حاجة - وامسكيها من الحتة المعدنية اللي فيها وطفي نور الأوضة وامشي وانتي بتزحفي على السجاد .. بجد والله مش هزار وابقي لاحظي اللمبة هتنور ولا لأ


عشان انا اصلي ناقصة هبل اكتر م الهبل اللى انا فيه..
يا سلام تخيل كده يدخلوا عليا الاوضة ويلاقوني عمالة اعمل اللى انت قولت عليه ده.. عشان الكويت كلها تعرف اللى انا عملته..ربنا ميحمك على عيانين ابدا يا دكتور.
حكاية حزينة..
انا جوزى بيقوللى انى كده اوفر له فى الكهربا لو عملت التجربة بتاعت بلال. :viking:

نايل هوك
اذيك عامل ايه..
جزاك الله خيرا على الموقع بس ازاى انت كهربا ومتعرفش سبب الموضوع ده..

البييييج بووووص هنا..
ياللهول..
اذيك يا بيج بوص عامل ايييه..
اسبراى ايه ؟؟ ده حاجة غير الفليت يعني؟؟
نوور حبيبتى..
اشكرى زوجك كتير ربنا يكرمكم يارب بس فى ناس كده قالت ابقى بشبشب وناس قالت ابقى من غير شبشب.. عموما انا مش بحب ابقى بشبشب فى البيت .. وجزاكى الله كل خير يا نور.. سلمى على مودى ومى
شاب مسلم..
جزاك الله كل خير بس ايه موضوع الغويشة ده.. يا سلام ازحف على الارض بلمبة وبعدها البس غويشة بسلك على الارض.. واطول شعرى واطلع اجري ورا عربيات الرش..
انا بهزر طبعا معاك يا شاب مسلم.. بجد جزاك الله خير على معلوماتك القيمة..


قلب الدين حكمت يار
الف شكر على ردك ومعلوماتك..
المشكلة فى الزرع انه غااالى جدا هنا فى الكويت.. تعرف اسلام قريبى لسة كان جاى من اسكندرية من كام يوم لقيناه شايل قصاري زرع وطالع بيها من المطار وحجمهم كبير جدا اشجار صغيرة.. احنا طبعا كنا عايزين نتبرا منه ايه اللى جايب زرع من اسكندرية ده.. طلع الموضوع ان ناس فى مطار اسكندرية شيلوه الزرع ده وقالوله يدوه لناس مستنية فى المطار فى الكويت وكانت هيصة كده يومها .. المهم ان الزرع غالى اوى اوى هنا الصراحة..

مووورسيس..
بس انا لسة مشغلة التكييف البارد من كام يوم بس لكن طول الشتا متكهربة كده على طول.. ربنا يستر بقى ..
الف شكر لكم جميعا على الردود والفوووكاهة..

[QALB_ELDEEN]

نوور حبيبتى..
اشكرى زوجك كتير ربنا يكرمكم يارب بس فى ناس كده قالت ابقى بشبشب وناس قالت ابقى من غير شبشب.. عموما انا مش بحب ابقى بشبشب فى البيت


قلب الدين حكمت يار
الف شكر على ردك ومعلوماتك..
المشكلة فى الزرع انه غااالى جدا هنا فى الكويت.. تعرف اسلام قريبى لسة كان جاى من اسكندرية من كام يوم لقيناه شايل قصاري زرع وطالع بيها من المطار وحجمهم كبير جدا اشجار صغيرة.. احنا طبعا كنا عايزين نتبرا منه ايه اللى جايب زرع من اسكندرية ده.. طلع الموضوع ان ناس فى مطار اسكندرية شيلوه الزرع ده وقالوله يدوه لناس مستنية فى المطار فى الكويت وكانت هيصة كده يومها .. المهم ان الزرع غالى اوى اوى هنا الصراحة..
..
الشكر لله يافندم

لو بيت حضرتك فيه سجاد ماتلبسيش شبشب ...لأن احتكاك الشبشب بالسجاد او الموكيت .. بيكون شحنات ساكنه على الجسم .. الشحنات دى بتتفرغ اول ماتلمسى الكمبيوتر أو اكرة الباب او اى حاجة معدنية ..

اما لو مافيش سجاد و بتتكهربى من ملامسة التلاجة بس أو الغسالة بس ... يبقى تلبسى شبشب أحسن ... و اعكسى اطراف فيشة التلاجه أو الغسالة و حتلاقى المشكلة اتحلت ان شاء الله... سهلة دى؟
:)

[cobra]

بصى انا سيد من اتكهرب فى البلد دى ( مصر )
اولا لانى نحيل ( من الناس اللى بتلف رجلها حوالين بعض ) وطويل :surrender وعندى شوية ملح فى جسمى
يا دوب بقعد فى الاوضة الجافة بتاعت الكمبيوتر واقعد على الكرسى البلاستيك
وابتدى الشحن
اكتشفت الحكاية دى وان صغير لما كنت جايب الكمبيوتر جديد
فى مرة قعدت ربع ساعة كل ما المس حد تسمع صوت فرقعة الكهرباء والشرز( بالجامد ) وكل نفر فينا يتكهرب ويتنطر بعيد عن التانى من شدة الالم
من الاخر اصبحت محول كهربا جامد

فتتلخص الاسباب كالتالى :
الرفع والاملاح
جفاف الهواء والتائين للهوا
لبس المواد الصناعية زى النايلون او البولستر او الصوف واحتكاكها بجسمك او بكرسى مثلا ( لو كرسى بلاستك مع شبشب وتحتيكى سجادة )هاتبقى دينمو
واهم حاجة جسمك يكون ساعتها بارد علشان تطلع الشحنة تمام لان الجسم عندما يكون رطب تقل الشحنات كتير
وطبعا لو جنبيكى محطة تقوية لارسال المحمول يبقى تلغوا اشتراك الكهرباء احسن

دى عموما الاسباب كلها
العلاج
خلى جسمك رطب
اقعدى على كرسى خشب وانتى على الكمبيوتر
من الاخر لو كل الطرق اللى قلتها واللى قالها الزملاء منفعتش ممكن تجيبى سلك التفريغ بتاع الشاشة وتحطية فى ايدك
او فى اسورة مخصوص لتفريغ الشحنات هتلاقيها عند مهندسين الصيانة بتوع الكمبيوتر

[dorbaga]

السلام عليكم ورحمة الله وبركاتة,,,


كان ليا خالة يا توتو في ابو ظبي كل ما تي حدانا تقول المية عندكم متكرهبة ولا لا

مكنتش ساعتها اوعي قلت لابوي اكبلها سلك وخلينا نخلص ونعمل ليلة :tu:

بس بعدين اكتشفت ان في بعض الدول بيتكون المية متكهربة بفعل الجريات في المواسير ولاسباب عدة وبيستفيدو فيها

ان الشخص العادي لو كان متعور او مجروح بيحس بالكهرباء في منطقة الجرح ودا فعلاً موجود

لكن بخصوص

عملية الكهرباء برة الحمام فهي حالة من التفريغ بالغين وليست بالجيم داك اسمه تفريخ بتاع الكتاكيت :أخخخ:

طب لو دا تفريغ اسبابه ايه

الشحن وفي الاغلب مش حلاقي اسباب اكثر من الى قالوة السادة الافاضل والداكترة

اضف الى ان النساء يدخل الحرائر والاصواف في كثير من مبلابسهم حتي القطن بيدخل فية البليستر الصناعي وفي اثناء الاحتكاك الجسم والاصواف والبليستر بيكتسب شحنات

بتستنا اي مجال للتفريغ

زي اكرة باب او مساكة درج او اي معدن موصل

بس يا ستي ادي كل الحكاية

الحل ايه

قبل اي حاجة توصي ابو عبدالله على شغاله 110 ووصليها في 220 وربك عالم ان نيتك بيضة

والبقاء للاصلح يعني لو اشتغلت يبقى بركة لو اتحرقت يبقى جت منك يا جامع

اخوكم الحكواتي :55: