هل تؤمن بوجود حياة عاقلة خارج كوكب الأرض ؟!

[16 كيـس]

القسم الأول
مقدمة لا بأس منها :-

حياة خارج كوكب الأرض .... فكره ليست جديده كما يعتقد الكثيرون ويتوقعون أنها من صنع أفلام خيال هوليود بل على العكس تماماً فهذه الفكرة موجودة قبل وجود أمريكا أصلاً ولكن هذه الأفلام هي من صنعت الدعاية لهذه الافكار حتى أصبح الكثير يؤمن بها .
هل توجد حياة خارج كوكب الأرض ؟؟
هل توجد حياة ذكية خارج كوكب الأرض ؟؟

ان أول من قال بهذه الفكرة هو الفيلسوف اليوناني أبيقور في عام 300 قبل الميلاد في كتابه " رسالة الى هيرودوتس " قال أن هناك عدداً لا نهائياً من العوالم بعضها مشابه لعالمنا والبعض مغاير , وفي جميع هذه العوالم توجد مخلوقات ونباتات ولكن أفلاطون وأرسطو نفوا هذه الفكرة وانتهت ........

وبعد ذلك جاء الإسلام وجاءت الآية "الله الذي خلق سبع سماوات ومن الأرض مثلهن يتنزل الأمر بينهن لتعلموا أن الله على كل شيء قدير وأن الله قد أحاط بكل شيء علما " (12) سورة الطلاق

قال ابن عباس فيها "الله الذي خلق سبع سموات ومن الأرض مثلهن" قال سبع أرضين في كل أرض نبي كنبيكم وآدم كآدم ونوح كنوح وإبراهيم كإبراهيم وعيسى كعيسى
فأين هي هذه الأراضي السبع؟!

فى اعتقادى الشخصى أنها ليست طبقات الأرض كما قالوا لي في المرحلة الابتدائية , فقد تكون هي كواكب مشابهه لكوكب الأرض من يدري الله أعلم ....



القسم الثاني
كم عدد الكواكب المشابهه لكوكب الأرض :-
كي نحسب عدد الكواكب المشابهه لكوكبنا الأرضي فقط في مجرة درب التبانه
فلابد أن نذكرأول من أوجد هذه الحسابات وهو فلكي أمريكي يدعى " فرانك دريك " وله معادلة شهيرة تسمى " معادلة دريك "


والسؤال الآن : كيف نعرف عدد الكواكب التي تشبه كوكبنا من ناحية الظروف المناخية ؟!


أولاً يجب أن نعرف عدد الشموس التي تشبه شمسنا فشمسنا حمراء داكنة فهي باردة بالمقارنة مع الشموس الزرقاء فنجد أن مجرتنا تتكون من 10 % من مثل هذه الشمس أي ما يقارب 10 ^ 10 نجم فهذه عدد النجوم ، فكم عدد الكواكب التي قد تكون عليها حياة ؟؟
في مجموعتنا الشمسية يوجد كوكبين فقط احتمال أن تنشأ عليهم الحياة وهما الأرض والمريخ وبتحفظ سوف نقول أن نسبة وجود كواكب تشبه كوكبنا قريب من هذه النجوم 10% اذن يوجد 10^9 كوكب يشبه الأرض . ولكن من التجربة يكون احتمال وجود حياة هو واحد من ألف اذن تكون النتيجه هي 10^7 والان نضع خطورة انقراض هذه الحضارة وتعرضها للإبادة من اصطدام وغيره فيكون الاحتمال واحد من عشرة آلاف فيصبح الناتج 1000 كوكب يشبه الكوكب الأرضي واحتمال أن يكون مأهول بالحياة احتمال كبير جداً فما بالك بما تلاحظه من وجود ملياراااااات من المجرات .



القسم الثالث
النتائج العملية :-
الآن أعتقد أن وجودنا لوحدنا احتمال بعيد ولكن العلماء لم يتوقفوا على الجزء النظري فقط بل انتقلوا الى الجزء الأكثر نفعاً وهو البحث عن هذه الكواكب الحية وبدأ البحث في الموجات الراديويه التي تصل إلينا من الفضاء الخارجي ولكن لم يعثروا على شيء وبعدها جاءت فرضية " جايا " وهي تقول أن الحياة بين الكائنات والكوكب حياة تكافلية فإذا وجدت حياة على كوكب فأنها تؤثرعلى الغلاف الجوي له كما يحدث في الأرض وبدل من البحث في الموجات التي تصل الينا يجب دراسة الضوء القادم إلينا من هذه الكواكب ومعرفة مكونات الغلاف الجوي له ولكن للأسف لم يعثروا على شيء .

ولكن عدم وجود الدليل ليس دليل على عدم وجود حياة خارج الأرض .... ومن وجهة نظري أقول بأن الكل سمع وقرأ وشاهد الأطباق الطائرة فهي لم تأتي من فراغ فقد تكون ظاهرة من الغزو الخارجي وهذا الموضوع ليس مجال الأطباق الطائرة ولكن من أراد الزيادة في معرفة الأطباق الطائرة يذهب إلى هذا الرابط
http://www.the9thspace.20m.com/UFOS.htm (http://www.the9thspace.20m.com/UFOS.htm)



القسم الرابع
وجهات النظر :-
لاحظت أن أغلب العلماء يتوقع أن الكائنات الخارجية بشر وكائنات مشابهه لنا نحن البشر ولكن أقول لماذا لا يكون هناك مخلوقات من الألماس أو الحديد أو غيره . البشر من طين الجن من نار الملائكه من نور لماذا لا يكون هناك نوع اخر ؟؟ فليس بمستحيل على الله عز وجل....



1- كما لاحظت أخى , هذا الموضوع له استبيان الرجاء عند الرد وضع ما قمت باختياره من خيارات الاستبيان بأعلى , ولمـاذا ؟

2- ان كانت اجابتك مؤيدة لهذا الوجود , ما تخيلك بخصوص هذا الوجود , هيئتهم , تقدمهم , كيفية وصولهم , موطنهم , لماذا جاءوا ؟

3- هل تؤمن بوجود ما يسمى بالأطباق الطائرة ؟

4- آراء أخرى !!!!


ملحوظة :- أخي الكريم هذا الكون تبلغ مساحته 15 بليون سنة ضوئية وهذا فقط أفق الرصد يعني أكثر شيء نستطيع رؤيته بمراصدنا وأكيد أن هناك أكثر منه ويوجد به ملياراااات من المجرات .............


موضوع ذات أهمية :-
http://haridy.com/ib/showthread.php?t=43582

[وهبه]

الحمد لله رب العالمين

يا معشر الجن والانس ان استطعتم ان تنفذوا من اقطار السماوات والارض فانفذوا لا تنفذون الا بسلطان .

صدق الله العظيم

موضوع شيق
جزاكم الله خير

:flowers:

[هريدي يابووووي]

صحيح أن الله يخلق مالا تعلمون..
و لكن وجود مخلوقات عاقلة في كواكب أخرى ليس له محل من الإعراب في سياق الرسالة التي خلقنا الله لها.. و إن وجدوا فالأصل أن الله خلقهم و سخرهم للإنسان كما سخر الكون كله..

[mohamed_22_12]

قال ابن عباس فيها "الله الذي خلق سبع سموات ومن الأرض مثلهن" قال سبع أرضين في كل أرض نبي كنبيكم وآدم كآدم ونوح كنوح وإبراهيم كإبراهيم وعيسى كعيسى
فأين هي هذه الأراضي السبع؟!


فى اعتقادى الشخصى أنها ليست طبقات الأرض كما قالوا لي في المرحلة الابتدائية , فقد تكون هي كواكب مشابهه لكوكب الأرض من يدري الله أعلم ....

الله يكرمك يا باشا ماتقربش ناحية القرآن

صحيح أن الله يخلق مالا تعلمون..
و لكن وجود مخلوقات عاقلة في كواكب أخرى ليس له محل من الإعراب في سياق الرسالة التي خلقنا الله لها.. و إن وجدوا فالأصل أن الله خلقهم و سخرهم للإنسان كما سخر الكون كله..

:tu: :tu: :tu: :tu: :tu: :tu: :tu:


و الله بالنسبة لرأيي في وجود كاشنات عاقله خارج كوكب الارض فأنا مش مؤيد الكلام ده ابدا
بمعني آخر مفيش كائنات بره الارض و الالو كان فيه كنا شفنا :huh:
مفيش دليل مادي علي الكلام ده

يعني هاتقول مش معقول ربنا خلق الكون ده كله و المجرات الكتير دي و الكواكب علشان خاطر الانسان ..صح ؟
طيب ايه المانع ؟ طالما مفيش اثبات أو دليل يبقي شكرا
مفيــــــــــــــــــــش كائنات أخري

دي نقطة

و التانية الاطباق الطائرة برضه مش مصدقها أوي خصوصا ان الفيلم بتاع كائنات روزويل شكك فيه ناس كتير .. و قالوا مزيف
و اذا كانوا يقدروا ييجوا الأرض كده براحتهم ليه مابيظهروش بشكل علني و ليه الطريقة دي و ليه 90% من الاطباق الطائرة مابتظهرش غير في أمريكا

اعتقد ان معظمها حكاوي مش اكتر


و جزاك الله خيرا

[red riding hood]

انا من زمان وانا حيرانه في الموضوع ده


انا عندي رأي مش معقوله ربنا هيعمل الكون ده كله




بعدين احنا بس الي هنبى فيه



يمكن يكون في ناس تانين زينا زيهم دينهم دينا بس كوكب تاني


اصل زي ما حسبتوها العالم كبير اوي يعني احنا ولا حاجه


وولا حاجه ديه كبيره علينا


شكرا

[Amr_not_Amr]

السلام عليكم
مرة سألوا الدكتور زغلول النجار في محاضرة أنا كنت حاضرها عن كائنات عاقلة خارج الأرض
قال لحد الآن ما فيش دليل
بس قال ما عندناش في الشرع شيء ينفي وقل الآية "وما بث فيها من دابة"

[تركيبه]

السلام عليكم ورحمة الله وبركاته
بادئ ذي بدء وقبل ان أشارك برأيى الخاص فى هذا الموضوع

لقد اردت ان اضيف ان معادلة دريك هي:
N = S*P*E*B*I*F*L
حيث ان
N هو عدد الكواكب التي تتواجد فيها حياة.
S عدد النجوم الملائمة لان تكون شموسا لكواكب سيارة تدور حولها.
P يعبر عن نسبة النجوم التي تدور حولها كواكب سيارة.
E متوسط عدد الكواكب السيارة المشابهة لكوكب الارض والتي تتوفر فيها الظروف لاستقبال حياة.
B احتمال تطور الحياة على الكوكب
I عدد النظم الحياتية التي وصلت الى درجة تمكنها من الاتصال بين الكواكب.
F نسبة النظم الحياتية المعنية بالاتصال بين الكواكب والتي تبذل الجهود من اجل ذلك.
L طول الحياة للنظم الحياتية.

بالطبع فإن جزءا من هذه القيم لا يمكن معرفتها بشكل دقيق لذا فإن
N يتراوح ما بين اعداد قليلة وقد يصل الى مليون في مجرتنا حسب بعض المتفائلين.

[Khalid Banawan]

بالرغم من اختلافى الشديد مع اراء ابيقور الا اننى دائما ما اتشكك فى اقوال ارسطو و لا اؤمن بنظريات افلاطون التى تتشابه كثيرا مع نظريه العوالم النظيره او اراض اخرى مشابه
فافلاطون كان يظن اساسا ان ما نعيشه من حياه ماديه هو وهم اى ان ما تراه عيوننا ليس الا صوره او ظل لشىء فى عالم مواز يفتقر الماديات(كلام غريب لم افهم معناه مطلقا و لكنى اعمل كناقل فقط) اذن فمسأله اراض اخرى هنا فكره بعيده عن حسبان افلاطون

اما عن ارسطو فهو ابو النخع ذاته و معظم نظرياته اثبت العلم الحديث فشلها تماما
مثل كلمه (artery) اى الشريان سماه ارسطو هكذا على اساس ان الهواء ينتقل فيه(air trees) كان اصل الكلمه التى مازال الطب حتى الان يتداولها

اسف خرجت عن الموضوعيوه بقى

هل سمعتم من قبل عن افجارات سايبريا النوويه؟؟
حدثت عام 1908 اى قبل اختراع القنبله الذريه ب 37 سنه
قام عالم شاب بعمل دراسه على اثر انفجار سيبيريا و عجز عن تفسير ما حدث ولكن بعدها ب 37 سنه و عند انفجار القنبله الذريه قارن بين الحادثين و كانت النتائج مذهله ... طبعا توقعتم كيف فسر الانفجار الذرى الذى حدث فى سيبيريا لقد فسره على اساس انفجار سفينه فضائيه تعمل بالطاقه الذريه داخل الكره الارضيه

كذلك مؤخرا اكتشف العلماء نوع من البكتيريا على المريخ كما تنبأ الاديب العالمى مايكل كريشتون من 40 عام مضت


شكرا لحسن المتابعه:flowers: :drop:

[تركيبه]

الآن أعتقد أن وجودنا لوحدنا احتمال بعيد ولكن العلماء لم يتوقفوا على الجزء النظري فقط بل انتقلوا الى الجزء الأكثر نفعاً وهو البحث عن هذه الكواكب الحية وبدأ البحث في الموجات الراديويه التي تصل إلينا من الفضاء الخارجي ولكن لم يعثروا على شيء وبعدها جاءت فرضية " جايا " وهي تقول أن الحياة بين الكائنات والكوكب حياة تكافلية فإذا وجدت حياة على كوكب فأنها تؤثرعلى الغلاف الجوي له كما يحدث في الأرض وبدل من البحث في الموجات التي تصل الينا يجب دراسة الضوء القادم إلينا من هذه الكواكب ومعرفة مكونات الغلاف الجوي له ولكن للأسف لم يعثروا على شيء .

أنا موافقك ياعم 16 كيس
بس المشكلة أن طريقة البحث الشائعة هي الموجات الراديوية، ومتى بدأ تعامل الإنسان مع هذه الموجات وإستخدامه لها ؟؟ 50 سنة ؟ 60 سنة ؟ لنقل 80 سنة ... أي تقريباً بعمر جيل واحد فقط !! ونحن الآن بدأنا بداية قوية في ترك الموجات الراديوية والإتجاه للضوء، إذا: خلال جيل واحد فقط من الكائن البشري تغير الوسيط ! إذا، إفتراض أننا سنتلقى دلائل معينة من كائنات أخرى تدل على وجودها تقل، لأن الكائنات المتوقعة أصحبت محصورة في تلك التي بدأت مع الإنسان .. وبالتالي مرت بنفس فترات التطور، ولكن ماذا إذا كانت تلك الكائنات ذكية ؟؟ إذاً لابد أنها الآن تستخدم نوع آخر من الموجات الله أعلم ما هو نظراً لذكائها وتقدمها !



أنا شاركت فترة في SETI (وهو يعتمد على الراديو) فهذا جعلني أعتقد بعدم فائدة الراديو في مواضيع كهذه ...

لكن هذا لا يعني أني غير مقتنع بالفكرة، فهي ليست مستحيلة .. ولكني غير مقتنع بالآلية التي يتم بها تحديد ما إذا كانت هنالك كائنات أم لا ؟

[تركيبه]

ده رد ع السريع كده

عقبال ما آجى تانى

[الفيلسوف]

علماء الفلك يقولون لنا أن عدد النجوم الموجودة بالكون يفوق عدد ذرات الرمال الموجودة على سطح الأرض , و أن الكون من الإتساع بحيث أنه لو تحرك اى نجم بأى سرعة وفى اى إتجاه لن يصتدم بنجما اخر ,بل هناك بعض النظريات تتبنى رأيا يقول أن هناك أكثر من كون واحد فهل يعقل يا عالم أن يكون كل هذا الكون الفسيح العظيم من أجل هذه الذرة التافهة التى تسمى الإنسان .. ؟

[أبو معاذ]

سلام عليكم

عشان مارغيش زي عوايدي
هادخل في الرد على طول

1 هل تؤمن بوجود كأنات اخرى؟؟

مش عارف ليه السؤال في صيغة تصنيفيه يعني زي "انت معانا ولا مع الناس التانين"

لكن الحقيقة
انا لامعاكم ولا مع الناس التانين لو الدين قال في ناس غيرنا او حتى لمح لكدا ماشي يا سيدي ندور ونبحث على اساسا تبادل الثقافات بين مختلف الحضارات يعني ما يبقاش بحث للبحث

زي العلم للعلم والملوخيه للملوخيه

لو الدين ماقالش (اصل احنا بنتكلم في خلق ياخونا) يبقي مالناش فيه اساسا



بالنسبة لموضوع السبع اراضين بناء على المعادله اللي انتوا قولوها اظن ان العدد هايعدي سبعه باي شكل من الاشكال


ولو اني شايف ان المعادله دي متفبركه

يعني مافيش ريفير عشان ياخد عليه النسب اللي هو حاططها ايا كانت


وبعدين هو حط شروط على مزاجه

يعني مثلا ماحطش نسبة كام كوكب منهم بيدور علينا زي مابندور عليه

واحد هايطلع يقولي ماهو كدا تبقي معادله تانية الغرض منها معرفه كام كوكب بيدور علينا مش كام كوكب يصلح للحياة

اقوله يا سيدي الفاضل ده مثلا

نمرة اتنين

فكرة العوالم الموازية كنت حاببها الحقيقة

لكن بناء على فشل اجزاء مهمة في بناءها فمابقتش مقتنع بيها

مثلا كانت بتقول ان الثقوب السوداء هي بوابات للمرور بين العوالم الموازيه
وطلعت الثقوب السوداء دي اونطه
وعبارة عن شموس متفجرة

موضوع الاطباق الائرة بقي


بصراحه ده مش بالعه اساسا

الاسباب

1 لو كان في اطباق طائرة كنا شفناها زي مابنشوف الطيارات يعني كانت جت كتير ولا العوالم التانية دي مش طايقانا للدرجادي

2 احنا كوكب لسه خصب(بالنسبة لكوكب قدر يعرف مكانا ويعمل طبق طاير يوصلنا) فكان زمانهم جم وقالولنا (نفذت من دارنا النار ) نقوم نقولهم (جئتم تطلبون نارا ام جئتم فاكرنا مغفلا وحمارا اطلعوا من دول انتوا جايين تخلصوا على جردلين البترول اللي حيلتنا)

3 كوكبنا بالنسبة لكوكب يقدر يصولنا بطبق طاير ليه نفس العلاقه بين دول العالم التالت ودول العالم الاول فالمفروض انهم كانوا يعملوا فينا اللي بتعمله دول العالم الاول في دول العالم التالت


4 ليه لازم يكون طبق مش فنجان يعني

5 لو كان كوكب مشابه ومتقدم عننا لدرجه انهم يجولنا بطبق طاير كانوا جم باعولنا شوية اطباق طايرة صيني من عندهم

ولا يعني الصين هناك مالهاش نفس النشاط


اخيرا


سعيد برؤية القسم بهذا النشاط

[sweetytota]

اعتقد ان ممكن يكون فى حياة على الكواكب الاخرى بس مش حياة فيها ناس بشر
ممكن تكون مثلا حيوانات او كائنات متكيفة مع الوضع والجو الخارجى سبحان الله زى ما فى كائنات بحرية وبرية وبرمائية لكن حكاية بشر دى اعتقد انها صعبة حبتين
وكمان موضوع الاطباق الطائرة دة من رايى انة فيلم وانتهى بس فى بعض الناس مصدقاة لان وجود الاطباق الطائرة دة معناة وجود بشر وكمان بشر متقدمين جدا ووصلوا لدرجة من العلم والتكنولوجيا اكثر من الموجودة ف كوكب الارض لان ف الرض لسة محدش وصل لاختراعة حيكون مثلا الكائنات دى اخترعتة؟؟؟


:think3: :think3: :think3: :think3: :think3:

[ندا]

اعتقد ممكن :think3:

[محمودالباشا]

اعتقد انه يوجد حياه عاقله خارجه كوكب الارض
لاننا لانعرف ما هى حدود الكون
قال تعالى " وما اوتيتم من العلم الا قليلا"

[مي المنوفيه]

أنا شخصياًمؤمنه بوجود حياه خارج كوكب الأرض

[yappa]

بص بقي يا سيدي :
1-انا شخصيا أعتقد إن في حياة أخري خارج كوكبنا ( مش لازم يكون كوكب المريخ )
بس مثلا يمكن الكائنات دي مش لازم تتنفس الأكسيجبن و تشرب ماء , ممكن مثلا بيتنفسه النيتروجين او ثاني أكسيد الكربون أو غيره , و يمكن إستخدامهم للماء مش بالصورة إللي إحنا معتقدنها , إستخدام بسيط يعني

و الله أعلم

[رعد]

انا عن نفسى مؤمن جدا ان فى حياه على كواكب تانيه
و بيهيأ ليا انهم زينا بالضبط و فى دلائل على كده بس الذاكره خاينانى دلوقتى

[cool_boy]

انا لا اعتقد ذلك.....................

[مشكاح]

ليه لأ

يمكن

[السندباد البحار]

والله ممكن ليه لا
لكن هل لو وجدناها هل سيكونوا عدوانيين زى احد الافلام الخيالية اللى نزلوا بتوع المريخ علشان يبيدوا الارض
ولا هايبقي حلوين
وهانتفاهم معاهم ازاى
طب سيبك
هل ممكن الفراعنة يكونوا زى ماقالوا انهم ناس جت من الفضاء بنت الحضاؤة دى وطلعت ولا ايه
كل هذا واكثر تجدونه على قناة الخيال

[Muslim Pharaoh]

والله ممكن ليه لا
لكن هل لو وجدناها هل سيكونوا عدوانيين زى احد الافلام الخيالية اللى نزلوا بتوع المريخ علشان يبيدوا الارض
ولا هايبقي حلوين
وهانتفاهم معاهم ازاى
طب سيبك
هل ممكن الفراعنة يكونوا زى ماقالوا انهم ناس جت من الفضاء بنت الحضاؤة دى وطلعت ولا ايه
كل هذا واكثر تجدونه على قناة الخيال

" اهي الافلام الاجنبى دي اللي موديه عقولنا في داهيه " :واه يابوي

بالنسبه للفراعنه هما بشر طبعا
من الفضاء ازاي بس
امال المومياءات دي ايه
وبعدين لو من الفضاء ماكانش حطوا في قبورهم اطباق دهب
كانوا حطوا اطباق طايره


حكاية الاطباق الطائره مفبركه وده واضح جدا جدا جدا

حكاية وجود كائنات خارج الارض... الله أعلم... وبصراحه مش مهتم بيها بتاتا.... لان مش الشيئ اللى يمسنا

اما اكتر حاجه لفتت نظرى في الموضوع
الآيه القرآنية اللى ذكرتها في الموضوع
انا عمرى ماحاولت افكر فى معناها بالطريقه دي
عموما
هحاول اسال عن تفسيرها ان شاء الله ليرتاح بالى

[النمر المقنع]

امممم كلام جميل وردود كتير ياشباب ووجهات نظر تحترم وفى اعتقادى الشخصى اعتقد بوجود حضارات اخرى بس فى فكره طرحها الدكتور احمد خالد توفيق (صاحب سلسله ماوراء الطبيعه وسلاسل اخرى )فى احدى قصصه وهيا ان الانسان بيحاول يدور على اجابه لاسئله احتمال كبير متفدوش ولكن لو وجه جهوده الى اسئله اجاباتها ليها اثر كبير فى التطور وحل مشاكل العالم الارضى يبقى ده الافضل (وبالنسبه لموضوع الفراعنه ده نوع من محاوله التشويش على الافكار وطمس للتاريخ لمجرد ان مجموعه من عديمى التاريخ والقيم الانسانيه يثبتوا ان الانسان المصرى معدوم التاريخ والتفكير )قال يعنى مش كفايه معدوم الحاضر حتى التاريخ عايزين يمحوه ..بس فكره وجود الاخرين مش محتمله وبس دى ليها وقائع حقيقه مسجله فى التاريخ (غير موضوع الاطباق الطائره متقلقوش)
المصدر :من احدى قصص الدكتور نبيل فاروق (مش المعنى انها خرافه دى مثبوته فى اكتر من مرجع علمى )
فى احد ايام اغسطس عام 1887 وعندما كان بعض الفلاحين الاسبان يعملون فى حقولهم فى قريه صغيره تعرف باسم (بانحورس) خرج بغته صبى وفتاه من احد الكهوف المجاوره والخوف يبدوا واضحا عليهم وكان اغرب مافيهما انت بشرتهما خضراء زرعيه وملابسهما من نوع عجيب غير معروف فى هذا الزمن ولم يكن باستطاعتهما نطق كلمه اسبانيه واحده وعندما احتفظ بهما الفلاحون لم يتناولا طعاما قط ثم اقبلا فجاءه على تناول الفول (مش مصرين متقلقوش)الا ان هذا اضعفهما بشده فمات الصبى وبقيت الفتاه لخمس سنوات اخرى ثم لحقت بشقيقها وبقى سر تواجدهما فى ذلك المكان غامضا ولم يحل قط عبر قرن وربع قرن من الزمن
نقلا عن القصه رقم 95 بس الحقيقه دى مسجله ياشباب وببحث بسيط ان شاء الله توصلو لنتيجه ان اردتم
اسف للاطاله ..اخوكم النمر

[be cool :)]

السلام عليكم
طبعا طبعا اكيد فى حياة تانية غيرنا فى الكون الفظيع دا اللى ربنا خلقة :don-t_men
احنا اكيد مش لوحدنا كحياة زكية فى كل المجرات و النجوم دى :":
هو الموضوع بس انننا لسة ما نعرفش فى رائى او زى ما قال العضو انه ممكن يكونو اتعرضو
للانقراض او الابادة:budo:
بص حط ميت الف احتمال :brb: