ايـن عقلـى ؟؟!!!

[Bosbo]

هى رسالة بعتها احد الاخوة - اللى عارف نفسه كويس - على الايميل ليا ...
و ءأسف اذا كنت نزلتها هنا بس فعلا محتاجة حد يفهمنى -_- ...

=====================================

قصيدة من أجمل ما قرأت
ومع سهولة معاني القصيدة إلا أنني أخشى أن بعض متوسطي الفهم قد يجهلون بعض معانيها القيمة لذلك أرفقت معاني الكلمات

يقول الشاعر :


تدفق في البـطـحـاء بعد تبهطلِ ****** وقعقع في البيداء غير مزركلِ‎

وســار بأركان العقيش مقرنصاً ****** وهام بكل القارطات بشنكــلِ‎

يقول وما بال البـحاط مـقرطماً ****** ويسعى دواماً بين هك وهنكـلِ‎

إذا أقـبـل البعـراط طاح بهمةٍ ****** وإن أقرط المحطوش ناء بكلكلِ‎

يكاد على فرط الحطيـف يبقبـق ****** ويضرب ما بين الهماط وكندلِ‎

فيا أيها البغقوش لسـت بقاعـدٍ ****** ولا أنت في كل البحيص بطنبلِ‎



معانى الكلمــات

تبهطل : أي تكرنف في المشاحط

المزركل : هو كل بعبيط أصابته فطاطة

العقيش : هو البقس المزركب

مقرنطاً : أي كثير التمقمق ليلاً

البحطاط : أي الفكاش المكتئب

مقرطماً : أي مزنفلاً

هك : الهك هو البقيص الصغير

البعراط : هو واحد البعاريط وهو العكوش المضيئة

أقرط : أي قرطف يده من شدة البرد‎

المحطوش : هو المتقارش بغير مهباج

يبقبق : أي يهرتج بشدة

الهماط : هي عكوط تظهر ليلاً وتختفي نهاراً

الكندل : هو العنجف المتمارط

البغوش : هو المعطاط المكتنف

البحيص : هو وادٍ بشمال المريخ

الطنبل : هو البعاق المتفرطش ساعة الغروب‎


وبعد هذا الشرح المفصل للألفاظ والكلمات ، نود أن نذكر أن قائل هذه الأبيات هو

الليث بن فار الغضنفري ، وكان شاعراً فطحلاً ، روى الشعر وهو ابن عشرة أيام

بصراحه ما فيش أروع من كده يا اخواننا وخاصة البيت الأخير كلماته كلها عبر ودروس من الحياة .... وأخيراً سانديموا عالتل..!!


==========================================

لا بجد انا شكيت فى قوايا العقلية <_<

انا عارفه انى غبية بس مش للدرجة دى ;)

يا جماعة اذا حد فهم حاجة يفهمنى :huh: انا خلاص فقدت عقلى :wacko:

و للأخ اللى ارسل لى الكلام ده - سامحك الله :closeeye: -

و كله هيقعد لعيالك و بكرة تقول بوسبـو قالت :angry:

[ناصح]

يا ست بوسبو!!!!!!!
ويعني ايهبوسبو ده ......ولا مؤاخذة انا اللي ما بفهمش في الأسامي
عشان انا ناصح بس كله الا حتة الأسامي
عموما يابو سبو هانم:
انا شايف ان القصيدة جميلة جدا
وتنم عن شاعر جهبز
......................
من الجهابيز الكبالر
زي ابن الحطيف
وابن البنقوش
وابن المحطوش
.................................................

وايضا الشعراء..... أبودومة
وأبو راسين
وأبو رجل مسلوخة!!!!!!!!!!!!! وهي قصيدة حلوة وشكرا للراجل الذوق اللي بعتهالك

ويا ريت يبعت لي انا كمان

وبريدي اهه : gareer@frazdk.com :lolo:

[محمود]

لا بجد يا بوسبو

اين عقلي :wacko:

الادهى ان هو باعت يفسر الكلمات بكلمات عايزة تفسير :blink:

انا برده بأنتظر المترجم الخاص عشان نشوف ابن الغضنفري ده مش يمكن بيشتمنا و احنا مش دارين؟

:blink: :blink:

[شهيدة]

no coment...... :blink: :blink: :blink: :blink: :blink: :blink: :blink:

[إسلامي]

السلام عليكم ورحمة الله وبركاته

يا جماعة دى ولا قصيدة و لا شتيمة ولا غيرها
ولا كلام ناس عاقلة اصلا

هو اصل اللى كتب الكلام دة واحد اكيد شارب حاجة قاعد بيستخف دمه. يا إما كان مخه مهنج وهو بيكتب القصيدة الأصلية فالحروف اتلخبطت على بعضها.

أنا اصلا جت لى برضه على الإيميل ومن اول سطر فهمت انها تهريج قمت مسحتها. ما توجعوش دماغكوا بمحاولة الفهم لأن اللى كتبها أصلا مش فاهم.

يا بوسبو
اطمنى انتى كويسة
ومخك - لحد الآن - مازال بخير إلى أن يستجيب الله دعائك ان شاء الله.

السلام عليكم ورحمة الله وبركاته

[lanoon elzanoon]

يا جماعة انتو تاعبين نفسكوا ليه
كل الموضوع شوية تهريج بس
يعني اصلا القصيدة ملهاش معنى

[نهاية]

معاكوا حق

كلام وقع فى الزحام ولا ممكن كان فى الحمام
ولا شرب حاجة قبل ما ينام ولا جالة فى المنام
المهم انة فى النهاية مجــــــــرد كلام


* **** وبالنسبة للاخ ناصح الى عملى فيها ناصح وبيتناصح علينا
وعملى انة هوة الوحيد الى فاهم الموضوع
باين علية هوة كمان شاعر فحل ومن فطاحل الشعراء
ولا يمكن جاى لنا من العصر الجاهلى
وبنصحة يروح العصر الحجرى هيلاقى الى يفهمة هناك

[محمود]

كلامك يعتبر من حلو الكلام يا نهاية ^_^

عندك موهبة الزجل,كويس جدا :)