إذا خاصم فجر !!! [الأرشيف]

الباحث عن الحق

03-22-2005, 08:56 PM

[SIZE=3][FONT=Times New Roman]بسم الله الرحمن الرحيم
أنا مش عارف أبدأ الحكاية منين لإني بصراحة مكسوف جدا من نفسي ... أنا شاب عندي 21 سنة بدرس في أحسن الكليات الحمدلله - وأنا مش بمدح نفسي - انا علي خلق وتدين كبير وبعرف ربنا ودايما وقاف عند حدودة والحمدلله بعرف امنع نفسى من حاجات حرام كتير وبداوم علي الخير بإستمرار وباخد بإيد صحابى معايا دايما و دة مش كلامي ده كلام كل اللي يعرفني .. ده انا.. الحكاية بتبدأ من عند كلمة ولكن .. وأه من كلمة لكن دة .. الشيطان .. إبليس الملعون في لحظة ضعف وفي غفلة مني عرف الملعون يعمينى ويسيطر علية وخلاني أغلط في أعز أصدقائى غلط كبييير -معلش مش حقدر اقول ايه هو الغلط لأنى مقدرش أقوله- أنا عارف اننى غلطان وندمان أشد الندم من اللى حصل ده المهم صاحبى عرف وبدال ميكلمنى ويعاتبني لوحدى انا وهو راح قال لكل صحابي اللى معايا في الكلية وحلف يمين ان لسانه مايخاطب لسانى ليوم الدين !! طبعا انا مش عارف ارفع وشى في الكلية و مكسوف جدا من اننى اكلم اى حد وكل الناس مش مصدقة انني عملت كدة مع صاحبى ... انا ندماان جدا ولأول مرة من 5 سنين أعيط بحرقة .. انا مش عارف اعمل حاجة في الدراسة .. مش عارف ارفع راسي فى عين أي حد .. والله مش انا اللى عملت كدة دة شيطان مش انا .. من كتر ما انا تعبان و تأنيب الضمير حيموتني رحت لصاحبي في بيته وطلبت منة إنه يسامحني لدرجة إنني بكيت فعلا أمامة وشرحتلة اد ايه انا فعلا تعبان واد ايه فعلا انا ندمان لدرجة انني والله نزلت على ايدة ابوسها عشان يسامحني وبست راسه كمان .. عرفين كان رضه ايه عليا ؟؟ قال لى خلاص قلت كل اللى عندك إتفضل إمشى إطلع بره !!! مع العلم إنة صاحبى من أكتر من 4 سنين وكلين شربين نايمين مع بعض بنذاكر ونعمل مشاريع وأبحاث مع بعض بنخرج ونتفسح ونضحك ونهزر برده مع بعض يعنى عارفني وعارف أخلاقي و عائلتى كويس جدا .. أعز صحابى والله اعز صحابي ... مش قادر أصدق إن قلبه إسود للدرجه دة .. للدرجة دة مش قادر يفتكر لي حسنة واحدة .. حسنة واحدة بس يسامحنى عليها!!!! أعمل ايه .. الندم حيموتني .. مش قادر أنسى الموقف يوم مفضحني امام جميع أصحابى في الكلية ودمر علاقتى بيهم كلهم و بقيت بشعر في نظرتهم ليا بنظرة إستحقار و إشمئزاز منى مكنش يعنى يقدر يستر عليا في الدنيا عشان ربنا يستر عليه في الأخرة .. ولا يوم مابكيت و طردني من بيته .. بجد انا ندمان و تعبان ومخنوق كإن في حجر صوان على صدرى ؟؟ أعمل إية ؟؟ انا على أتم الإستعداد إننى أرحله البيت تانى بس يسامحني ويريحنى ... التفكير والتعب والندم حيموتنى

***** سبحانك آللهم وبحمدك أشهد أن لا إله إلا أنت أستغفرك وأتوب إليك *****

" من يتق الله يجعل له مخرجاً "

emanff

03-23-2005, 01:52 AM

مش عارفة اقولك اية !!!

بس ايه رأيك نفصصها و نطلع بمعادلة ؟؟؟؟؟؟؟؟؟؟؟؟؟ مع انى مفهمش فى الرياضيات :chr58:

بس بحب افهم و افسر الحاجات ببساااطة :drop:

اولا
.. انت غلطت فى صاحبك و شكلك غلطت فية (قوى) مع انك زى ما بتقول ردت الفعل : .. هوة عرف ... و مع انكو (واكلين شاربين طالعين داخلين مع بعض)
هوة قام ناشر الخبر دة امام الجميع
يعنى نقدر نقول انة اخذ بحقة !!!!!!!!!! (بغض النظر عن الطريقة) او بلأحرى انتو اتعادلتو كدة.. انا عادة بحس ان الواحد ياخذ جزاء عمله (المش كويس) فى الدنيا .. و الله ارحم لك من انك تيجى يوم القيامة و تتحاسب علية هناك ..
اهو العقاب ( لو عاوز تفكر فية كدة) جاء .. و خلاص !!
و مادام انت اصلا نادم علية ,, ان شاء الله , ربنا يتقبل

ثانيا
انت عرفت ان اللى عملتو خطأ و دى حاجة كويسه ... و رحت استسمحت منو.......
هوة بقة ,, ما وفقش و حتى انة طردك من البيت ... هل دة صح ؟؟؟؟ كتير مننا اللى حنقول لأ ... بس يمكن انة لسة فعلا واخد على خاطرة و لسة اصلا مهديش .. و عشان كدة اتصرف بالطريقة دى ...
انا (عن نفسى) و معرفش رأى التانيين اية ,, انك تستنى فترة من الزمن ,, و بعدين لو فعلا حابب انك ترجعو اصحاب تانى , كلمو .. ان شاالله و لو بعد سنة ,,, دة يعتمد على انت هل فعلا عاوز تكلمو تانى ,, و لو بعد الفترة دى كلها هوة ما وفقش ,, يبقة خلاص .. الواد مش عاوز يكلمك ...و سبحان الله يمكن هوة بعد سنيييييييييين يجيى و يقولك انة عاوز ترجعو تانى اصحاب ...
و بصراحة الدنيا ما بتوقفش على انتهاء صداقة ...و لا عمرها و قفت على كدة .... و لو اتخلى عنك اول ما (ما دق الكوز بالجرة) يبقى هل دى صداقة يتبكى عليها ؟؟؟؟
حتى لو انت اللى بديت فى الغلط ,, الصداقة حاجة بين اتنين .. غلطة شخص واحد مش هية اللة تقطع حبالها ... لأ .. عارف كان لي صديقة حصلت مشاكل كتيييرة بينا و بطلت اكلمها من اكتر من حوالى سبع او ثمن سنيين . و انا اللى كان استحالة عليا انى اكلمها.. السنة دى اتصلت بيا ,,, و اتفاجئت بنفسى انى الدنيا مش سايعانى من الفرحة بيها !!! مهو مع الايام احنا بنكبر و اهتماماتنا بتكبر معانا , و نبتدى نشوف الحاجات بطريقة مختلفة ,, اللى كان استحالة يبقى عادى ,, و اللى كان عادى , يبقى استحالة ! و هكذا

ثالثا ..
انا مش حقدر ادخل قلبك و اشوف فية اية ,, و لا حد يقدر كدة ,, بس انا حسألك سؤال و انت جاوب علية بأمانة ... هل انت كنت حتندم قوى كدة لو صاحبك ما نشرش الحكاية امام الناس ؟؟؟؟
لو انت ندمان عشان انت غلط فى صاحبك ,,, يا سيدى ,, الله سبحانة و تعالى يغفر الذنوب ... و ما دام انت استسمحت منة , يبقى عملت اللى عليك ,, و انت ما فضلتش مصر على اللى بتعملو ... يبقى هون على نفسك ,, لانك عملت اللى عليك,, يعنى تقدر تقول ان الكرة دلوقتى فى ملعب صاحبك ... الخطوة التالية علية !!!

اما لو انت ندمان لأن الناس عرفت ... يبقى دة لازم يخليك تغير اولوياتك ... و لما تقوم بفعل ما ,, تشوف هل انت (فخور بية) و لا مكسوف منة ,,لأن كل الناس عندها اللى بتتكسف منة , الفرق الوحيد انو ساعات بيطلع للناس ! و ساعات بيبقى مستخبى ! بس مستخبى لحد امتى ؟؟ دة سؤال مهم !!!
اذا .. متختمش بالناس ,, صدقنى حتلاقي كتير خايفين اصلا لحد يشوف اللى جواهم ..
و الناس بتنشغل بحاياتها ,, و لأنك انت حاس بالذنب , فأكيد حتحس ان كل الناس بتحاكمك ,, و ممكن يكون اهتمامهم مش قد كدة ... امشى عادى ارفع راسك فوق ,, و الزمن هوة الحكم , انك تؤكد انك غلط مرة و مش مستعد اصلا تكررها تانى , و اللى يحبك هوة اللى ياخذك ككل ..
ودايما (انا و انت و كلنا) لازم نحط فى بالنا ان الله سبحانة و تعالى هوة اللى شايف اللى جوانا و نوايانا و اعمالنا ..

رابعا
الموقف دة كووووووووولو ... خدو على انة درس تستفيد منة ..
اصل اللى اعرفو ان الدرس اللى يوجع هوة اللى يعلمنا , و اديكو بتقولو الحاجة اللى مبتكسركش ,, بتقويك ..
دة درس , ممكن تعرف منه , ميين اللى تسمية صديق و كيف تختارة !
و انت , اذا كنت عاوز تسمى نفسك صديق , يبقى انت الاول تكون كذلك !
مش الناس همة اللى يخلونا نعمل حاجة صح او ما نعملش حاجة خطأ .. احنا اللى نشوف هل انا مكسوف انى اعمل كدة ,, و لا عادى و مش هاممنى !

و اخيرا ..
( ليس بيننا قديس ,,, و لا توجد لدينا هذة التسمية)
كلنا بنغلط .. انت و انا و صاحبك ...
المهم ,, اننا نعرف لما نغلط ... و نحاول نصلح .. و الباقى على ربنا
هوة اللى بيسامحنا , حتى لو ما سمحناش نفسنا

(انا فعلا , لا اتفلسف ,,, انا بس بتكلم من وجهة نظرى , و من الحاجات :hot: اللى انا نفسى عملتها و اتعلمت منها :drop: )

و ابقى طمنا ورردة

لـــع

03-23-2005, 04:50 PM

كلنا بنغلط .. انت و انا و صاحبك ...
المهم ,, اننا نعرف لما نغلط ... و نحاول نصلح .. و الباقى على ربنا
هوة اللى بيسامحنا , حتى لو ما سمحناش نفسنا

و الســ ختام ــلام

الباحث عن الحق

03-23-2005, 08:18 PM

ثالثا ..
انا مش حقدر ادخل قلبك و اشوف فية اية ,, و لا حد يقدر كدة ,, بس انا حسألك سؤال و انت جاوب علية بأمانة ... هل انت كنت حتندم قوى كدة لو صاحبك ما نشرش الحكاية امام الناس ؟؟؟؟

أشكرك اوىىىى يا إيمان على ردك وكلامك ليا بجد و والله ريحتى قلبى بيه .. بالنسبة لسؤالك ... والله كنت حندم جدا جدا جدا و رد فعلي ماكنش حيختلف ابدا .. لأنى والله بخاف من ربنا ولو انا غلطان ببقى على اتم الأستعداد اننى اقف في ميدان عام واقول اننى غلطان ومبتكسفش ابدا .. ولا بقول كرمتى حتنأح عليا ولا الكلام دة ... انا غلطان ولازم اكفر عن غلطى ده في الدنيا وبأسرع وقت لأنى مش ضامن اننى أبعت الكلام اللى بكتبه ده دلوقتى ولا لأ .. المهم والله انا مكنش حتفرق معايا ان الناس عرفت ولا لأ بس طبعا كل واحد فينا يهمه منظرة .. الحاجة التانية ان صاحبى ده مسافر كمان شهرين ومش عارف ان كنت حشوفوا تلنى ولا لأ ....

اسكندراني aae

03-24-2005, 04:40 AM

أخي العزيز

أولاً جزاك الله خير

بالإضافة لكلام الأخت إيمان جزاها الله خير

بما إنك على استعداد إنك تروحله تاني

خلاص جرب مرة تانية قبل ما يسافر لعل وعسى ربنا يبعد عنه الشيطان ويسامحك

واعرض عليه إنك على استعداد أنك تعلن ذلك أمام كل أصحابك

وأكيد أصحابك حايقدروا موقفك

وإذا لم يسامحك فهون على نفسك إنت عملت اللي عليك

سبحان الله الإنسان يخطأ في حق مالك الملك ويتوب يسامحه رب العزة

والإنسان لا يغفر ولا يسامح :think3:

مرة تانية جزاك الله خير

اسكندراني aae

03-24-2005, 04:55 AM

أخي العزيز

أولاً جزاك الله خير

بالإضافة إلى كلام الأخت إيمان جزاها الله خير

بما إنك على استعداد تروحله تاني

خلاص جرب مرة تانية قبل ما يسافر

لعل وعسى ربنا يفتح عليه ويسامحك واعرض عليه إنك تعمل كده أمام أصحابك

أكيد أصحابك حايقدروا موقفك إذا كانوا أصحاب كويسين

إذا مرضيش فهون على نفسك إنت عملت اللي عليك

وربنا غفور رحيم

سبحان الله

الإنسان يخطأ في حق مالك الملك وبعدين يتوب ويغفر له رب العزة

والإنسان لا يغفر ولا يسامح :think3:

جزاك الله كل خير

ورردة

emanff

03-24-2005, 01:35 PM

أشكرك اوىىىى يا إيمان على ردك وكلامك ليا بجد و والله ريحتى قلبى بيه .. بالنسبة لسؤالك ... والله كنت حندم جدا جدا جدا و رد فعلي ماكنش حيختلف ابدا .. لأنى والله بخاف من ربنا ولو انا غلطان ببقى على اتم الأستعداد اننى اقف في ميدان عام واقول اننى غلطان ومبتكسفش ابدا .. ولا بقول كرمتى حتنأح عليا ولا الكلام دة ... انا غلطان ولازم اكفر عن غلطى ده في الدنيا وبأسرع وقت لأنى مش ضامن اننى أبعت الكلام اللى بكتبه ده دلوقتى ولا لأ .. المهم والله انا مكنش حتفرق معايا ان الناس عرفت ولا لأ بس طبعا كل واحد فينا يهمه منظرة .. الحاجة التانية ان صاحبى ده مسافر كمان شهرين ومش عارف ان كنت حشوفوا تلنى ولا لأ ....

انا مبسوطة , انك ارتحت بالكلام ورردة

انا مع اسكندرانى انك تروحلو قبل ما يسافر تسلم علية ,, و حتى لو هوة مرضيش يسلم عليك , ميهمكش ,, انت خلاص عملت كل اللى تقدر علية ,

و على فكرة البعاد عادة (عن المكان و الاشخاص انفسهم) بيخلى الواحد يفكرو يرى بوضوح ,, يعنى ممكن جدددددددا ان صديقك لما يبعد و (تكبرو شوية) و مع التجارب و الخبرات اللى بنمر بيها فى الحياة ,, هوة اللى يتصل بيك و يطلب بعودة المياة الى مجاريها ..

و ما تعتقدش انك خلاص مش حتشوفو ,, الدنيا صغيرة جدا ,, و احنا عايشين فى (الحياة الدنيا) ,, و كمان (جبل على جبل ما بيتلاقوش , انما ابنى ادم و التانى الا و يتلاقوا)

و بالنسبة لاصحابك و الناس الثانية , صحيح ان كل واحد بيهتم بمنظرو اما الناس , بس خلاص اللى حصل حصل ..و زى مقلتك الناس بتهتم بنفسها ,, انت و اخبارك و اللى حصل حتكونو حكاية قديمة ...

انا يتهيألى , انك خلاص ترمى الحكاية ورى ضهرك ,, ,, لو حد سألك و كان عاوز يعرف your side of the story << احكيلو ,, انما انت خلاص تستمر فى حياتك , و تورى الناس , انك الانسان الكويس اللى انت عارف انة جواك ,,, و اللى عاوز يفضل معلق (مهنج) على الحكاية القديمة , و الله ذنبو على جنبو ,, وما تهتمش ,, لأن اللى عاوزك حيفضل عاوزك .. مش بيتخلى عنك بغلطة ! و لا بكلام عن غلطة !

اوكى ..

ورردة ورردة

الباحث عن الحق

03-24-2005, 01:53 PM

والله والله والله انا بشكر كل من كتب رد على موضوعي لأنى بجد كنت تعبان وبجد انا بعد مقرأت الكلام بتاعكوا استريحت لأنى مكنتش عارف احكى الموضوع لأى حد حتى مكنتش قادر احكى لأخويا او بمعنى اصح مفكرتش احكى لحد ... بجد جزاكوا الله كل خير وبختص بالشكر ايمان واسكندرانى :)

محمود الأزهري

03-24-2005, 11:09 PM

السلام عليكم..
انا مع الدكتورة ايمان فى رأيها..
التمس له العذر.. لنه ربما لسه على حالته ومهديش.. فى ناس كده مش بيرجعوا زى الاول بسرعة..
لكن اوعى تقول على صاحبك قلبه اسود.. عشان مقدرش ينسى الاساءة.. فى أنواع من الإساءة لا يمكن تتنسى.. وخاصة لما يكون الموضوع جديد نوعا ما..
اصبر عليه والايام كفيلة ترجع المياه لمجاريها ان شاء الله..

ana ga3an

03-26-2005, 02:20 PM

انتي يا ابني مش حاطط نفس حكايتك في ركن حي ولا عايش :closeeye:

emanff

03-27-2005, 12:04 AM

انتي يا ابني مش حاطط نفس حكايتك في ركن حي ولا عايش :closeeye:

طب اية الحل فى الحالات اللى زى كدة :huh: !!!!!!

دة حتى النقاش فى حتة فى ركن و فى حتة تانية خااااالص فى الركن الثانى !!! :أخخخ:

الباحث عن الحق

03-27-2005, 01:08 AM

اه اصل بصراحة عايز اسمع ردود كتيرة ... معلش