أبو الخيال....داروين

[ماسة]

من منا شاف الصورة دي قبل كدة؟
http://masos80.jeeran.com/darwin.jpg

ياااا كتير اوي

طب ودي؟
http://masos80.jeeran.com/Evolution.jpg

اكتر


لحد فترة مش بعيدة كنت مؤمنة بنظرية داروين تماما و كنت من اكبر مؤيديها و كنت بحاول اخلي كل اللي حوليا يؤمنوا بها زيي. طب لية مش الدين بيقول انها غلط؟ صح بس الواحد كان بيلاقي تلاكيك عشان يفضل يصدقها وفي نفس الوقت قدام نفسة ميبقاش مكدب الدين. احساس عجيب. منتهى التناقد والحيرة.
النظرية دي للاسف حظت بدعم اعلامي رهيب (مثال للدعم دة هو الصورة التانية اللي متهيألي محدش مشفهاش قبل كدة) لدرجة ان كتير, بما فيهم انا, كانوا فاكرين ان المجتمع العلمي مؤمن بالنظرية دي.
اكتشفت مؤخرا ان لسة في ناس كتيرر اوي لسة مؤمنين بها. عشان كدة بعد ما ربنا هداني الحمد لله قررت اني اخيرا اكتب موضوع مطول ومفصل اثبت فية ان النظرية دي من اكبر خدع التاريخ اللي للأسف انطلت على ناس كتير :sniff: .

قبل ما نبدأ في تنوية مهم جدا: الكلام اللي هكتبة هنا مش انا اللي مكتشفاة طبعا :closeeye: معظمة هيكون من موقع الاستاذ هارون يحيى و الباقي من مواقع مختلفة. طب لية هعيد كتابة الموضوع وهو موجود اصلا؟ اولا لأنة موجود باللغة الانجليزية. حاولت اقرا النسخة المعربة في موقع الاستاذ هارون يحيى لقتها أصعب من الانجليزي :drop: و مش مكتوبة بنفس الوضوح من وجهة نظري. بالإضافة لكدة, هحاول اني انقل كلام الاستاذ هارون يحيى و اخرين بطريقة مبسطة و بالعامي.
الموضوع هينزل على حلقات لأنة طويل أو اللي عندة فكرة احسن يقولها :closeeye:

دي كانت مقدمة والباقي جاي في السكة :closeeye:
يا رب الموضوع يحوز على اعجابكم و أقدر من خلالة اني أفيد اي حد :flowers:
( عايزة الاقي امم واقفة عالموضوع دة عشان جوارح ميشمتش فيا :drop: )

[د.بلال]

:tu: :tu: :tu:

شدي حيلك .. عاوزين ابداااع

[ماسة]

نظرية النشوء والارتقاء ( اللي هي ال evolution) نشأت اساسا عند الاغريق لكن ظهرت للمجتمع العلمي في القرن التسعتاشر و كان من اوائل الناس المروجين لها هو جان بابتيست لامارك اللي يمكن تكونوا سمعتوا عنة.
http://masos80.jeeran.com/lamarck.jpg
هو دة لامارك :closeeye:

لامارك كان معتقد ان كل الكائنات الحية عندهم طاقة كامنة تمكنهم من انهم يرتقوا بنفسهم لكائنات معقدة و متطورة. لامارك كان بردة مؤمن بأن اي خاصية يكتسبها أي كائن حي خلال فترة حياتة بتنتقل الى اولادة و اولادهم من بعدهم. المثال المعروف جدا للكلام دة هو مثال الزرافة. لامارك كان مؤمن ان اول ما الزراف ظهر على الارض كانت رقبتة قصيرة :closeeye: . مع الوقت, الاعشاب اللي على الارض بدات تقل و مبأش قدام الزراف اي حاجة ياكلها غير ورق الشجر.

طب ازاي هيوصل لورق الشجر وهو رقبتة قصيرة؟ هممم
ايوا طبعا حل بسيط خالص!: هيه:
الزراف لم بعضة وقعدوا يقولوا يلا نمد و نشد رقبتنا منك ليها لة يا اما هنموت:grr:. و الزراف قعد يشد يشد يشد يشد لحد ما رقابهم (جمع رقبة) اتكسروا وماتوا وريحونا منهم :brb: .
شكلكوا صدقتوا :closeeye:
خلاص ركزوا تاني :viking:

فا الزراف قعد يشد يشد يشد لحد ما رقابهم بقت طويلة زي احنا ما شايفنها النهردة كدة. وتوتة توتة خلصت الحدوتة:lady2:.

http://masos80.jeeran.com/giraffes.gif

طبعا كلام غير مقنع بالمرة لكن كان متصدق اياميهم لأن العلم كان بدائي جدا و علوم زي علم الجينات مثلا مكنش موجود طبعا.
مثال تاني على كلام لامارك: كان مؤمن مثلا ان لو الناس قرروا ان اي حد يتولد هيقطعوا لة دراعانة (معلش مثال مقرفوعععع) بمرور الوقت الجنس البشري مش هيبقى لة دراعات خالص :واه يابوي

طبعا الكلام دة اثبت انة غير صحيح بالمرة مع اكتشاف الجينات و القواعد اللي بتحدد ازاي الخواص بتنتقل من جيل الى اخر, واللي كان مساهم كبير فيها طبعا جريجور ميندل اللي اسس علم الجينات بتجاربة الشهيرة على البسلة :closeeye: .

العالم اللي قال ان مزاعم لامارك خاطئة كان الالماني اوجست ويزمان ودة كان قبل ميندل بكتير.

مع اكتشاف بنية ال DNA او الحمض النووي في منتصف القرن العشرين, اكتشف العلماء ان نواة الخلية تحتوي على معلومات جينية خاصة جدا و معقدة جدا, وبأن المعلومات دي مستحيل تتغير لو اي كائن حي اكتسب خاصية ما.
بمعنى اخر, عشان اي خاصية تنتقل من جيل الى اخر, لازم الخاصية دي تكون في جينات البني ادم. يعني حتى لو في زرافة خيالية قدرت تمد رقبتها وتطولها شوية سنتيمترات, دة مش سبب ابدا ان ولادها الزراف هيتولدوا برقاب طويلة. زي بالزبط ولاد شوازينغر مع انة قوي و ضخم لكن ولادة مش مفتولين العضلات :box:
يعني العلم اثبت ان نظرية لامارك خاطئة مية في المية. نظرية لامارك دي كان اسمها the inheritance of acquired characteristics أو وراثة الخواص المكتسبة.
طيب كدة خلصنا من نظرية لامارك بس هنرجع لها بعدين.
هندخل بعد كدة على نظرية داروين اللي نظريتة كان و مازال لها تاثير كبير.

ها صاحيين ولا نمتوا؟ :viking:

[ماسة]

شدي حيلك .. عاوزين ابداااع
حاااضر استنوا علي بس :closeeye:

[محب الصداقة]

ما شاء الله
موضوع لذيذ و اسلوب رائع
عاوزين الحلقة الجديدة
:tu: :tu: :tu: :tu: :tu: :tu: :tu: :tu: :tu:
ورردة ورردة ورردة ورردة ورردة ورردة ورردة ورردة ورردة ورردة ورردة ورردة ورردة

[مـؤيـد]

أخت ماسة :)
كعادتُكِ دومًا
ملكة المواضيع العلمية :)
أكيد راجع بإذن الله :)



تقبلي تحياتي :flowers:


هات المسمار والشاكوووش يا جااابر :closeeye:

[ماسة]

عاوزين الحلقة الجديدة
جاية في السكة و شكرا على الكلام الجميل :flowers:

جوااارح
هات المسمار والشاكوووش يا جااابر
شكرا على التثبيت والتسجيع المستمر ورردة

[Yahya_Ayash]

http://www.haridy.com/ib/showthread.php?t=22958
:)
http://www.haridy.com/ib/showthread.php?t=32844
:flowers:

[مورسـيس]

انت رحتي فين يا حاجه ماسه :closeeye:

الطابور طويل و رجلينا وجعتنا !!

باين علينا هنطير بقه حسب نظره لامارك :واه يابوي

ربنا يستر !!

على كده الفيل كان سحليه في الاول ؟؟؟

:drop:

احم احم :closeeye:

كملي يا ست الكل

ورردة ورردة ورردة ورردة

[ماسة]

متهيألي داروين دة كان من اذكى الناس في العالم لأنة قدر بفهمة البسيط للعلوم و بخيال واسع جدا انة يقنع ناس كتير بكلام ملوش اي اساس من الصحة :huh: .

طيب تعالوا باءة نبدأ نتكلم عن داروين.

http://masos80.jeeran.com/485368802.jpg

حبتلكوا صورة تانية لداروين اهة عشان متزهقوش :closeeye:

تشارلس داروين أسس نظريتة على مشاهدات و ملاحظات عملها في رحلتة على متن HMS Beagle و الرحلة دي كانت مدتها خمس سنوات و كانت بتلف العالم في المدة دي.

داروين اتاثر جدا بالتنوع اللي لاحظة على طائر الدٌوري ( ال finches) لما زار جزر الجالاباجوس. لأن مناقيرهم كان أشكالها مختلفة عن بعض, داروين افتكر ان التنوع دة سببة ان كل نوع من انواع الطيور دي اضطر انة يتكيف مع البيئة اللي كان عايش فيها. على سبيل المثال, لما شاف فصيلة من الطيور دي عندهم مناقير ضخمة و قوية افتكر ان سبب شكل المنقار هو تكيف النوع دة مع الصبار اللي منتشر في المكان واللي بيمثل أكلهم.

http://masos80.jeeran.com/darwin_finches.jpg

فا زي ما شايفين في الصورة كدة, داروين كان مؤمن بأن كل الفصائل دي مكنتش موجودة من الاساس, لكن كلهم ابتدوا بنوع واحد. النوع دة كل شوية منة راحوا في مكان مختلف وطبعا حسب اختلاف البيئة في كل مكان, شكل المنقار اختلف و الفصيلة باءت فصائل.
هنرجع بردة للجزء دة تاني و نثبت ان الكلام دة كان خطأ.

حاجة كدة على جنب لسا قرياها قريب: داروين كان بيعاني جدا من دوار البحر فعشان كدة كان بيمضي وقت طويل على الشاطئ. الوقت دة اتاح لة فرصة انة يلاحظ تنوع فصائل الحيوانات في جزر الجالاباجوس و اللي خلاة بالتالي يفكر في أصل الطيور دي و إية اللي خلاهم مختلفين كدة :واه يابوي .

بعد ما رجع من رحلتة, داروين بدأ يزور أسواق الحيوانات في انجلترا وعرف ان في ناس بتستولد فصائل جديدة من الحيوانات بأنهم يزاوجوا حيوانات عندها خواص مفضلة. اللي شافوا دة بالاضافة الى أنواع الطيور اللي شافها في جزر الجالاباجوس ساعدت داروين كتير في انة يكون نظريتة. في سنة 1859 داروين وضع كل افكارة في كتابة المعروف
The Origin of Species أو أصل الاجناس. في الكتاب دة, داروين افترض ان كل الاجناس او انواع المخلوقات اللي احنا شايفنها دي كان اساسهم فصيلة واحدة و بالتدريج الفصيلة دي اتغيرت وارتقت بنفسها
ففصيلة جديدة من المخلوقات ظهرت و بعدين الفصيلة الجديدة دي ارتقت بنفسها ففصيلة تانية ظهرت وهكذا.

طيب اية الفرق باءة بين كلام داروين وكلام لامارك؟ :huh:
الفرق ان داروين ركز جدا على ما سماة natural selection أو إختيار الطبيعة. اللي هي اية يعني؟ :closeeye: داروين قال ان في أي مجتمع, بيكون دايما في صراع على موارد الطبيعة و نتيجة الصراع دة ان الطبيعة بتختار الفرد الأقوى و الأصلح انة يعيش و يتكاثر. فقال ان في أي جنس, دايما في أفراد يمتلكوا خواص تخليهم أحسن من غيرهم. يعني مثلا في قطيع غزال, دايما هيكون في غزالة أسرع من غيرها. فالطبيعة هتختارها عشان تعيش بينما الافراد الابطأ هيموتوا.العملية دي هتؤدي الى خلق جيل جديد من الغزلان متكيف أكتر مع البيئة بتاعتة. على المدى الطويل, العملية دي ممكن تؤدي الى ظهور فصيلة جديدة تماما من المخلوقات.


الحلقة القادمة: المصاعب اللي نظرية داروين بتواجهها ورردة

[ماسة]

شكرا يا مسيو يحيى على اللينكات ورردة
انا معجبة جدا بهارون يحيى ربنا يكرمة :closeeye:

مورسيس ورردة
على كده الفيل كان سحليه في الاول ؟؟؟
احتومال :closeeye: بس انا متأكدة إن داروين كان هيتحير في أصل المخلوق الغريب اللي تحت اسمك دة :brb:

[Khalid Banawan]

طبعا الموضوع جميل جدا وشيق على الاخر
بس اتلخبط شويه هى حكايه الfinches دى مش زى نظريه لامارك؟؟يعنى كل طير منقاره اتغير على حسب البيئه الطير اللى عايش فى اراضى طينيه منقاره مدبب عشان يقدر يوصل للديدان فى الارض ؟؟يعنى زى الزرافه رقبتها طولت عشان توصل للشجر ولا ايه؟؟:think3:
لك تحياتى:flowers:

[Amr_not_Amr]

السلام عليكم

الموضوع جميل ومفيد جدا وخصوصا بقى أني فعلا باقابل ناس مقتنعين تمام بالنظرية دي
ومدرسين أحياء مؤمنين بيها
ربنا يهديهم يارب ويرشدهم للحق
يمكن أنا ما قرأتهوش كله
لأني سمعت معظم أفلام هارون يحيى اللي بالعربي وعندي المجموعة كاملة
وقرأت له كتير بالإنجليزي
أنا باقترح حاجة
فيه مقال لهارون يحيى بعنوان 20 سؤال تنقض الدارونية
لو حضرتك زهقتي من الكتابة ممكن تترجمي المقال ده لوحده يكفي

[ماسة]

يا ساااااتر اخيرا الصفحة فتحت :أخخخ:

استاذ خالد :flowers:
بس اتلخبط شويه هى حكايه الfinches دى مش زى نظريه لامارك؟؟يعنى كل طير منقاره اتغير على حسب البيئه الطير اللى عايش فى اراضى طينيه منقاره مدبب عشان يقدر يوصل للديدان فى الارض ؟؟يعنى زى الزرافه رقبتها طولت عشان توصل للشجر ولا ايه؟؟

أيوا فعلا والكلام دة كتبتة اهو
طيب اية الفرق باءة بين كلام داروين وكلام لامارك؟
الفرق ان داروين ركز جدا على ما سماة natural selection أو إختيار الطبيعة. اللي هي اية يعني؟ داروين قال ان في أي مجتمع, بيكون دايما في صراع على موارد الطبيعة و نتيجة الصراع دة ان الطبيعة بتختار الفرد الأقوى و الأصلح انة يعيش و يتكاثر. فقال ان في أي جنس, دايما في أفراد يمتلكوا خواص تخليهم أحسن من غيرهم. يعني مثلا في قطيع غزال, دايما هيكون في غزالة أسرع من غيرها. فالطبيعة هتختارها عشان تعيش بينما الافراد الابطأ هيموتوا.العملية دي هتؤدي الى خلق جيل جديد من الغزلان متكيف أكتر مع البيئة بتاعتة. على المدى الطويل, العملية دي ممكن تؤدي الى ظهور فصيلة جديدة تماما من المخلوقات.
:flowers:

لو حضرتك زهقتي من الكتابة ممكن تترجمي المقال ده لوحده يكفي
لا مزهقتش ولا حاجة بس الصفحة مبتفتحش. شكرا على الاقتراح انا قريت الاسئلة دي بس حاسة انة أحسن لو مشينا واحدة واحدة.

[ابتهال]

هييييييييييييييييييييييه

:clap: :clap: :clap: :clap:

أخيرا الصفحى اتفتحت

:clap: :clap: :clap:

بقالى 3 ايام مش عارفة افتحها :sniff:

طبعا الموضوع مهم جدا

وطريقة طرحه هايلة جدااااا:tu: :tu: :tu:

شكرا يا ماسة على الموضوع ورردة

وشكرا للأخ يحيى عياش على لنكات موقع

الدكتور يحيى هارون ورردة

[ماسة]

داروين أسس نظريتة في وقت العلم فية كان بدائي جداً. باستخدام ميكرسكوبات زي اللي في الصورة دي, الخلايا مثلا مكنش لها أي شكل محدد, شكلها كان زي ما تكون حاجات هلامية الملامح. فبالتالي داروين إعتقد إن تكوين الحياة تكوين بسيط جداً. الغلطة دي تعتبر من أسست نظرية داروين.

http://masos80.jeeran.com/Migrosko1.gif

من البداية خالص, نظرية داروين أثارت جدل كتير و أسئلة كتير, منها مثلاً:
1- إية هي الاختلافات الطبيعية دي اللي داروين قال عليها؟ :huh: صحيح فية غزلان أسرع من غيرها, بس إزاي دة ممكن يشرح التنوع الرهيب في أجناس الحيوانات و النباتات؟
2-داروين أكد إن الكائنات الحية تطورت بالتدريج. بس لو كان دة حقيقي المفروض يكون فية ملايين من المخلوقات الإنتقالية لكن مفيش أي حفريات اكُتشفت لمخلوقات زي كدة مع إن العلماء إكتشفوا ملايين الحفريات. الحكاية دي حيرت داروين جداً فقرر إن حل المشكلة دي هيجي في المستقبل لما العلماء يكتشفوا حفريات أكتر.
3-إزاي ممكن نظرية داروين (الإصطفاء الطبيعي) تشرح وجود أعضاء معقدة زي العين أو الأذن؟ إزاي الاعضاء دي تكون جت بالتدريج مع إن لو جزء واحد من الأعضاء دي مش موجود مش هتشتغل؟ :huh:
4-قبل ك الأسئلة دي في أهم سؤال: إزاي أول مخلوق على وجة الأرض ( اللي حسب كلام داروين كان هو أصل كوووووول المخلوقات اللي على الأرض دلوقت) ظهر اساسا؟هل ممكن الإصطفاء الطبيعي يمد جماد بالروح؟ :chains:

طيب :closeeye: , داروين على الأقل كان مستوعب الأسئلة دي و نشر كل الشكوك دي في جزء من كتابة إسمة "مشاكل النظرية." و لأن داروين مقدرش يلاقي اجوبة مقنعة للأسئلة دي, وضع كل أملة في مستقبل البحث العلمي اللي قال انة هيحل كل الأسئلة دي. لكن اللي داروين معرفهوش إن العلم الحديث زود من الصعوبات اللي بتواجة النظرية دي.

في عصر كان الناس لسا مؤمنين بالتولد التلقائي, نظرية داروين ما أثرتش دهشة أوي.

سنية واحدة: يعني إية تولد تلقائي؟ :drop:
دي كانت نظرية إن الجماد ممكن يؤدي الى ظهور كائنات حية, يعني مثلا الناس كانت مصدقة إن الحشرات بتُخلق من بقايا الطعام و إن الفران بتٌخلق بردة من الهدوم القديمة :brb: .

حاجة على جنب كدة لسا قرياها:
طريقة إعداد النحل:
*إقتل ثور في فصل الشتاء
*إبني كوخ
*دخل الثور في الكوخ و تأكد من وضعة على حشيش أو أغصان شجر
*إرجع في الصيف و هتلاقي إن جسم الثور المتاكل خلَق نحل
:brb:

يلا نكمل: النظرية دي انتهت بتجربة للويس باستر و أخرى لفرانسيسكو ريدي. تجربة ريدي أثبتت أن اليرقات مبتظرهش من اللحمة, لكن من الدبان اللي شايل يرقات غير مرئية للعين المجردة.

نظرية باستر باءة إستخدم فيها انية حط في كل واحد فيهم سائل زي الشوربة. واحد من الانية دي كان لها رقبة مفتوحة والتانية رقبتها ملتوية. باستر لاحظ أن الاناء اللي كانت رقبتة مستقيمة ومفتوحة دخل فية كتيريا بينما الاناء الاخر فضل نظيف لإن العنق الملتوي منع دخول البكتريا.يعني البكتريا مش بتظهر من الشوربة ولا حاجة :واه يابوي

http://masos80.jeeran.com/15.gif
هو دة باستر وماسك الانية بتاعتة( مكشر لية طيب :brb: )

أهمية التجارب دي باءة إنها حطمت الإعتقاد السائد بأن المخلوقات الحية ممكن تظهر من جماد.

مشكلة تانية واجهت نظرية داروين هي الوراثة. في الوقت اللي داروين كتب فية نظريتة, قواعد الوراثة مكنتش موجودة, فكان في إعتقاد سائد بأن وراثة الخواص كانت بتجري عن طريق الدم لأن مكنش في حاجة لسا إسمها جينات.
العتقدات الهلامية دي أدت داروين الى تأسيس نظريتة على قواعد غير سليمة, لأنة لما مقدرش يشرح إزاي الخواص اللي الطبيعة بتفضلها ممكن تنتقل الى الأجيال, إحتضن نظرية لامارك الخاطئة بردة.

طيب دة كان شرح تاريخي بسيط. التقيل جاي :viking:

[ماسة]

بقالى 3 ايام مش عارفة افتحها
نفس المشكلة عندي يا ابتهال :sniff:


شكرا يا ماسة على الموضوع
العفو يا حبيبتي :flowers: شكرا لك على الاهتمام :flowers:

الدكتور يحيى هارون
هارون يحيى :twee:

[ابتهال]

هارون يحيى :twee:


لازم تحرجينى يعنى :drop:

والله انا اخدت بالى بعد ما ارسلت الرد

وحبيت اصلحها عصلج الموضوع تانى

ومرديش يفتح :chr58:

[مـؤيـد]

الموضوع كان تحت الصيانة :closeeye:

ويلكام باك :flowers:

[ماسة]

طيب تعالوا المرة دي نشوف نظرية غبتكرها علماء غير داروين عشان يؤيدوا داروين.

نظرية داروين بتقول إن الحياة بدأت بمجموعة ُصدف وتطورت الى مخلوقات معقدة بردة بمجموعة صدف. من حوالي 3.8 مليون سنة لما مكنش فية أي مخلوق على وجة الأرض, مخلوقات احادية الخلايا (prokaryotes) ظهرت على الأرض . بالتدريج, خلايا معقدة أكتر (eukaryotes)- اللي هي الخلايا اللي لها نواة- ظهرت على الأرض و بسبب ظهور الخلايا دي, المخلوقات المعقدة اللي احنا شايفنها دلوقت ظهرت. بمعنى اخر, نظرية داروين بتقول ان قوى الطبيعة بنِت من جماد بسيط, تصاميم معقدة جدا ومفهاش أي غلطة :واه يابوي .
قبل ما نحكم على الكلام دة, لازم الأول نعرف هل القوى الطبيعية دي موجودة فعلا؟ بعبار أدف, هل فية طرق للطبيعة تمكنها من الإرتقاء بالمخلوقات لدرجة معقدة اكتر زي ما داروين قال؟

قبل ما نرد على الأسئلة دي لازم الأول نتعرف على مجموعة جديدة من الناس سموا نفسهم neo-Darwinists. الناس دي قررت تحيي نظرية داروين من جديد بعد ما اكتشفوا انها بدأت تندثر و إن الدلائل العلمية بتثبت اخطائها العديدة.

العلماء اللي أسسوا النظرية دي كانوا ثيودوسيوس دوبزهانسكي, إيرنست ماير, و جوليان هاكسلي ( لو مش عارفين تقروا اساميهم متخفوش. دة دليل انكم ناس طبيعية :brb: ). نظريتهم هي النظرية الأساسية للنشوء و الإرتقاء النهردة. النظرية دي كلها مبنية على الإصطفاء الطبيعي و تحول الجينات. نظريتهم بتؤكد إن على الإصطفاء الطبيعي و تحول الجيناتهما قوتين مكملين لبعض. أساس التحور اللي بيسبب الإرتقاء هو التحول الجيني. الطبيعة بعد كدة بتختار المخلوقات المتحورة دي عشان تعيش و ترتقي الى مخلوقات معقدة أكتر.
لما هنتعمق أكتر في النظرية دي, هنكتشف ان لا الإصطفاء الطبيعي ولا تحول الجينات قوى موجودة على أرض الواقع ولا يقدروا يغيروا من أي مخلوق :closeeye: .

[mohamed_22_12]

الموضوع كان تحت الصيانة

ويلكام باك
:brb: :brb: :brb:
:chains: :chains: :chains: :chains:

ماســـــــــــــــــــــــــه

انتي :tu:

[ابتهال]

جميل جدا يا ماسة

كملى عزيزتى

احنا متابعين

http://www.3e6r.net/data/media/20/easter9.gif

[ماسة]

محمد جالنا من القمر :brb: شكرا على المتابعة :flowers:
الحلقة الجديدة جاية في السكة اهو يا ابتهال ورردة بس شوفولكوا حل مع انكل جوارح عشان الصفحة بتفتح بطلوع العين :viking:

[ابتهال]

http://www.3e6r.net/data/media/20/dM-fas9el1.gif


بس شوفولكوا حل مع انكل جوارح عشان الصفحة بتفتح بطلوع العين :viking:



هو الموضوع ده مش بإيد اونكل جوارح :closeeye:

بإيد أونكل هريدى B)

[ماسة]

خلينا نركز المرة دي على الاصطفاء الطبيعي. الفكرة معتمدة على الاعتقاد ان في دايما في الطبيعة صراع من أجل البقاء. الصراع دة بيفضل وجود المخلوقات اللي عندهم خواص بتمكنهم من التكيف مع الظروف المحيطة بهم. في نهاية الصراع دة, أقوى المخلوقات هي اللي بتعيش. متهيالي حفظتوا يعني اية اصطفاء الطبيعة من كتر ما قلتها :brb: .
طيب و قلنا قبل كدة بردة ان الاصطفاء الطبيعي مهما اسنمر عمرة ما هيحول حيوان معين الى اخر. يعني عمرة ما هيحول العزالة لفيل مثلا. داروين كان معترف بحقيقة الكلام دة لما قال ان الاصطفاء الطبيعي ميقدرش يعمل اي حاجة الا لما يحصل للفرد تغيرات تكون إيجابية. ال neo-Darwinists اللي تكلمنا عنهم المرة اللي فاتت
http://masos.jeeran.com/18.gif
اللي هما دول
خدوا الكلمتين دول وأسسوا عليهم مبدأ تحور الجينات و أضافوة الى الطرق اللي بتؤدي الى الارتقاء.

هنتكلم على التحور الجيني بعدين بس لازم الأول نشوف الدلائل اللي بتثبت ان حكاية الاصطفاء الطبيعي دي ملهاش أي اساس من الصحة.

طيب قلنا إن الإصطفاء الطبيعي بيعتمد على فكرة ان كل مخلوق بيهتم بنفسة فقط و بيصارع المخلوقات اللي حوالية عشان يقدر يعيش :box: . لما داروين كتب نظريتة, كان متأثر جدا باراء توماس مالثاس, خبير الإقتصاد. مالثاس دة قال ان البشر في حالة دائمة من الصراع من أجل البقاء. مالثاس أثبت كلامة بقولة إن عوامل زي الحروب والمجاعات و الأمراض اللي بتنتشر فجأة بين البشر هما عوامل طبيعية هدفهم الحد من نمو البشرية.
داروين أخد المبدأ دة وطبقة على امخلوقات كووولهاا.

ألابحاث الحديثة باءة أكدت ان المخلوقات مبتتصارعش ولا حاجة عشان تعيش :closeeye: . العالم البريطاني V. C. Wynne-Edwards بعد أبحاث كتيرة على الحيوانات أكد ان الحيوانات بيظبطوا معدل نموهم بطرق مثيرة للإهتمام و ان الطرق دي يتمكنهم من إجتنبا التصارع على موارد الغذاء. الحيوانات لما بتواجهها ظروف متغيرة بيحدوا من النسل. يعني لو مثلا احنا بدأنا نقطع الشجر اللي في منطقة معينة والشجر دة بيعتمد علية مجموعة طيور معينة, الطيور مش هتقتل بعض عشان تعيش. امال هيعملوا اية؟ بكل بساطة, هيبطأوا معدل التناسل. بالطريقة دي, الحيوانات بتقلل من عددها عشان تتجنب انها تحارب بعضها :واه يابوي .

نفس الحاجة بتحصل مع النباتات. العالم A. D. Bradshaw المتخصص في علم النباتات أكد بعد سنين من البحث ان النباتات بتتكاثر حسب كمية النباتات في مكان معين. يعني مثلا لو في مكان معين فية نباتات كتير جدا, هنلاقي ان النباتات معدل تكاثرها بطئ جدا بردة عشان تتجنب الصراع.

الأبحاث كمان كشفت عن ظاهرة غريبة ممكن نلاحظها في أكتر المخلوقات البساطة زي البكتريا. الظاهرة دي هي التضحية. البكتريا اللي معندهاش لا مخ ولا أعصاب ولا القدرة على التفكير بتضحي بنفسها عشان تنقذ البكتريا التانية لو حصل ان فيرس ما هاجم مجموعة بكتريا :واه يابوي .

مع إن في صراع من اجل البقاء في الطبيعة فعلا, الصراع دة مش بالحجم اللي داروين صورة خالص لأن في طرق تانية زي تحديد معدل التكاثر و التضحية بين الحيوانات اللي بتقلل من أهمية الصراع.

[ابتهال]

مع إن في صراع من اجل البقاء في الطبيعة فعلا,
الصراع دة مش بالحجم اللي داروين صورة خالص
لأن في طرق تانية زي تحديد معدل التكاثر و التضحية بين الحيوانات
اللي بتقلل من أهمية الصراع.


اهى دى معلومة جديدة تماما:tu:

سبحان من بث فى تلك المخلوقات

هذه الفطرة للإبقاء على نوعها

ويعتقد الانسان انه الاذكى فى الكون

صحيح ظلوما جهولا

كملى يا ماسة :flowers: وربنا يهدى الموضوع ويفتح بسهولة:sniff:


http://www.3e6r.net/data/media/20/54_2.gif

[مـؤيـد]

بكل بساطة, هيبطأوا معدل التناسل. بالطريقة دي, الحيوانات بتقلل من عددها عشان تتجنب انها تحارب بعضها http://haridy.com/ib/images/smilies/w00t.gif .
:واه يابوي :واه يابوي اتعلمواا يا بشرررر :sniff:

[مورسـيس]

الظاهرة دي هي التضحية. البكتريا اللي معندهاش لا مخ ولا أعصاب ولا القدرة على التفكير بتضحي بنفسها عشان تنقذ البكتريا التانية لو حصل ان فيرس ما هاجم مجموعة بكتريا :واه يابوي




بجد سبحان الله :huh:

ماسه .. ماشاء الله عليكي

و جعلها في ميزان حسناتك

[ماسة]

انا مش مكملة يا جماعة :sniff:

[بنت اليـمن]

ماسة انتي فعلا ماسة :tu:

2-داروين أكد إن الكائنات الحية تطورت بالتدريج. بس لو كان دة حقيقي المفروض يكون فية ملايين من المخلوقات الإنتقالية لكن مفيش أي حفريات اكُتشفت لمخلوقات زي كدة مع إن العلماء إكتشفوا ملايين الحفريات. الحكاية دي حيرت داروين جداً فقرر إن حل المشكلة دي هيجي في المستقبل لما العلماء يكتشفوا حفريات أكتر

مش فخمتو دي بعد اذنك :closeeye: ممكن توضحيها لي

انا مش مكملة يا جماعة

خير يا ماسة فية اية؟
لا بجد مش ممكن حرام عليكي
الموضوع راااائع و استفدت منة فووووق ماتتصوري
الله يكرمك ما تقولي كدا :sniff:

[ابتهال]

انا مش مكملة يا جماعة :sniff:
ليه كده يا عزيزتى خير :think3:

[ماسة]

كدبة إبريييييييييييييل :brb: :brb: :brb:

[ابتهال]

كدبة إبريييييييييييييل :brb: :brb: :brb:



الكذاب بيروح النار

:chr24: :chr24: :chr24: :chr24:

[ماسة]

و جعلها في ميزان حسناتك
امين :pray:

اتعلمواا يا بشرررر
قول لهم :box:

كملى يا ماسة
حاضر :closeeye:

بنت اليمن ورردة
معلش جت فيكي في اول مرة تشرفي الموضوع :flowers:

داروين أكد إن الكائنات الحية تطورت بالتدريج. بس لو كان دة حقيقي المفروض يكون فية ملايين من المخلوقات الإنتقالية لكن مفيش أي حفريات اكُتشفت لمخلوقات زي كدة مع إن العلماء إكتشفوا ملايين الحفريات. الحكاية دي حيرت داروين جداً فقرر إن حل المشكلة دي هيجي في المستقبل لما العلماء يكتشفوا حفريات أكتر

مش فخمتو دي بعد اذنك :closeeye: ممكن توضحيها لي

بصي أقصد يعني إن داروين قال إن الحيوانات إرتقت من بعض يعني الزواحف باءوا عصافير بالتدريج مثلا :واه يابوي بس لو الكلام دة صحيح, كان المفروض العلماء يلاقوا حفريات لثعبان لة أجنحة مثلاً توري انة اكتسب أجنحة فعلا و بعدين حفريات لثعابين لها مناقير و بعد كدة الحفريات تكون لطيور مكتملة التكوين. لكن على أرض الواقع باءة, ما فيش ولا حفرية لكائن انتقالي (يعني بيمثل فترة انتقالية من التعابين للعصافير وهكذا)يا ريت أكون قدرت أوضح :flowers:

ليه كده يا عزيزتى خير
لا مفيش يا عزيزتي كنت بهزر :brb:

[بنت اليـمن]

يسلمووووو على الشرح :flowers:

[ماسة]

طيب :closeeye: خلينا المرة دي نشوف أكبر دليل بيستخدموة المؤمنين بنظرية داروين عشان يدافعوا عن النظرية دي. المثال دة هو مثال الفراشات الإنجليزية اللي موجود في كل كتب النشوء و الإرتقاء وبيعتبروة من أقوى الأدلة اللي بتثبت نظرية داروين.
المثال دة بيقول إية باءة؟ B)

المثال دة بيقول إن قبل ما الثورة الصناعية الشهيرة تبدأ في بريطانيا, كانت جذوع الشجر في مانشيستر ألوانها فاتحة جداً. عشان كدة, الفراشات الغامقة كانت بتتلاحظ بسهولة من قِبل الطيور اللي كانت بتاكل الفراشات فبالتالي الفراشات الغامقة اللي موجودة في مانشستر كان عددها قليل جداً. بعد خمسين سنة من الثورة الصناعية و التلوث اللي سببتة, جذوع الشجر أصبحت غامقة فطبعاً العكس حصل: عدد الفراشات الفاتحة قلل و أعداد الفراشات الغامقة باءت أكتر بكتير من أعداد الفراشات الفاتحة. الناس المؤمنة بنظرية داروين بيعتبروا التحول في العدد دة دليل كبير لنظرية النشوء و متحمسي جداً للي بيسموة إرتقاء الفراشات الفراشات الغامقة من الفاتحة.

http://masos.jeeran.com/moth.jpg
و أدي الفراشات الصورة اللي فوق للفراشات قبل الثورة الصناعية واللي تحتها للفتر اللي بعد الثورة

مع إن اتحور في العدد دة ممن يكون حصل, لكنة مش دليل أبداً للإرتقاء الوهمي لأن بكل بساطة الفراشات الغامقة كانت موجودة بالفعل مع الفاتحة قبل كدة :واه يابوي . مظهروش من الفراشات الفاتحة أبداً. كل اللي حصل هو تغير في أعداد كل مجموعة والتغير دة هو طريقتهم للتكيف مع الأوضاع المستجدة عليهم. الفراشات مكتسبوش عضو جديد مثلاً خلاهم يبقوا طيور بدل فراشات. لسا فراشات زي ما هما :واه يابوي .

جزء تاني باءة من القصة مهم جدا جدا بطلها عالم بيولوجي إسمة جوناثان ويلس.
ويلس في كتابة "Icons of Evolution" أو أيقونات الإرتقاء (أيكونة في الأول يعني علامة مهمة في أي مجال). الكتاب دة بيحكي فية قصة الفراشات دي بكلامة عن تجربة واحد إسمة بيرنارد كيتيلويل حاول فيها يثبت إن حكاية الفراشات دي بتثبت الإرتقاء.ويلس( اللي هو صاحب الكتاب) بيوصف التجربة دي على إنها فضيحة علمية لأسباب منها:

•أول هام, في تجارب كتيرة أجريت على الفراشات بعد تجربة كيتيلويل. التجارب دي أثبتت إن في نوع واحد بس من الفراشات بتتواجد على جذوع الأشجار. باقي الفراشات بيكونوا تحت فروع أشجار صغيرة. علماء كتير زي سيريل كلارك, روري هوليت, مايكل ماجيرس, توني ليبيريت, وبول براكفيلد بعد 25 سنة من الأبحاث, إستنتجوا إن الفراشات اللي في تجربة كيتيلويل كانت محطوطة على جذوع الشجر بعكس طبيعتها. فبركة يعني. عشان كدة, كلام كيتيلويل يستحيل قبولة على انة دليل علمي.

•تاني هام, مع ان من المتوقع ان عدد الفراشات الفاتحة يكون أكبر في البيئات الغير ملوثة, أعاد الفراشات الغامقة كانت اد الفاتحة أربع مرات. دة معنى ان مفيش ترابط بين لن الجذع وعدد الفراشات من الأنواع المختلفة.


•تالت هام باءة وأهم هام هو ان الفراشات اللي كيتيلويل صورها مانوا فراشات ميتة. لزقهم على جذوع الشجر عشان يصورهم ( أنا شايفة ان اللي كيتيلويل عملة بيثبت ان نظرية داروين دي في ناس متحمسين لها مش لسبب علمي لكن لسبب عقائدي لإنهم مش مؤمنين بوجود ربنا. يعني زي واحد بيدافع عن دينة بأي وسيلة وخلاص)

بكدة, يبأة أكبر دليل للمؤمنين بالإرتقاء تحطم تماماً ومش لاقية حاجة أختم بها الجزء دة أجمل من كلمة قالها العالم جيري كوين اللي كان بيدافع عن نظرية داروين لما عرف إن حكاية الفراشات طلعت كدبة فقال:

"رد فعلي لما إكتشفت الكدبة دي كان نفس رد الفعل لما عرفت ان بابا مش بابا نويل هوا اللي كان بيجيب لي الهدايا في الكريسماس." :brb:

[بنت اليـمن]

"رد فعلي لما إكتشفت الكدبة دي كان نفس رد الفعل لما عرفت ان بابا مش بابا نويل هوا اللي كان بيجيب لي الهدايا في الكريسماس."

:brb:
اضحك الله سنك يا ماسة

ورزقك الخير الكثير على هذا الموضوع الرائع ورردة

[ماسة]

نأسف على الانقطاع :closeeye:

طيب, زي ما قلنا قبل كدة إن من أكبر المشاكل اللي بتواجة نظرية النشوء والإرتقاء هي إنها متقدرش تخلق أعضاء جديدة في المخلوقات. العلماء المؤمنين بنظرية داروين دايماً بيحاولوا إنهم يصوروا إن الطبيعة دي قوة ذكية. لكن الكلام دة ملوش أي أساس من الصحة. الطبيعة لا تمتلك أي ذكاء :twee: . مش كيان ذكي يقدر يفكر ويختار و يقرر المخلوقات اللي تعيش والمخلوقات اللي تموت. وقلنا قبل كدة إن وجود أعضاء معقدة للغاية زي العين مثلاً بيشكل مشكلة نظرية داروين مش قادرة تحلها لأن القوة اللي جمعت كل أجزاء العين دي مثلاً مع بعض المفروض انها تبقى شايفة الغرض من ورا تجميع الأجزاء دي سوا. لإن الطبيعة مش كيان بيمتلك ذكاء أبداً, متقدرش تجمع وتفكر وتحلل بالطريقة دي.

داروين كان معترف بالمشكلة العويصة دي وقال في كتابة جملة متهيألي لو الضوء اتسلط عليها, الخلاف في مسألة حقيقة نظرية داروين هتنتهي بكرة :واه يابوي . قال "لو حد أثبت إن في عضو معقد في الجسم كان لا يمكن انة يظهر من خلال إضافات متكررة على مر الزمن, نظريتي هتفقد صلاحيتها"

يعني الراجل عمل اللي علية بصراحة B)

[ماسة]

ربنا يكرمك يا بنت اليمن :wub:
شكل الكل نام هنا :box:

[mohamed_22_12]

يعني الراجل عمل اللي علية بصراحة


لالالالا
عداه العيب و قزح


اكملي ياماسه

[SMOOD]

والنبي كملي :twee:


دة انت روعة B)






























روعة اية انت شعلة ثقافية جامدة جدا :tu: :tu: :tu: :tu: :tu: :tu: :tu: :tu: :tu: :lolly: :lolly: :lolly: :lolly: :lolly: :lolly:




والنبي افيدينا كمان:chr58:

[بنت اليـمن]

والنبي كملي

اسفة اخي

بس قال رسول الله فيما معنا ة من كان منكم حالف فليحلف بالله او ليصمت :closeeye:

[ماسة]

اكملي ياماسه
حاضر :flowers:

والنبي كملي
قول لا الة الا الله طيب B)
هكمل اهو حاضر ورردة

[SMOOD]

لا اله الا الله محمد رسول الله
انا اختك صمود


شكرا للموضوع و جزاك اللة كل خير :closeeye:

[ماسة]

هندخل على موضوع كبير كبير كبير باءة كلة يركز :nyahaa:
:55:
:55:
:55:



تاتاتاتاااااااا :scary:


طيب هنتكلم المرة دي على أهم ما ترتكز علية نظرية داروين- التحور الجيني

طيب يعني اية تحور جيني؟ :huh: التحور الجيني دة هو إضافات أو إزالات في أجزاء من الحمض النووي ( DNA). الاضافات او الازالات دي بيكون سببها عوامل خارجية زي التعرض للإشعاع مثلاً أو بسبب تفاعلات كميائية. طيب, بعد ما عرفنا يعني اية تحور جيني لازم نقول ان كل تحور جيني بيكون حادثة- حاجة غير مقصودة بالمرة وبتعمل حاجة من اتنين- يا اما بتغير اماكن الأجزاء اللي بتكون الحمض النووي (الأماكن دي اسمها nucleotides) يا اما بتدمرهم. في معظم الأوقات, التحور الجيني بيعمل دمار جامد اوي في الخلايا لدرجة ان الخلايا أوقات مبتقدرش تصلح الخلل دة.

المؤيدين لداروين دايما بيستخبوا ورا التحور الجيني عشان يفسروا نظرية النشوء والإرتقاء. التحور دة مش عصا سحرية عشان يقدر يحول مخلوق ما الى مخلوق اخر متقدم أكتر. التحور الجيني مبيسببش غير الأذى :box: . التغيير الوحيد اللي التحور الجيني بيعملة هو التغيير اللي حصل للناس اللي في هيروشيما وناجازاكي وشيرنوبل مثلا-يعني الموت والدمار والتشوة :sniff:
http://masos.jeeran.com/ns.jpg
قدم مشوهة-نتيجة التحور
طب لية؟ :واه يابوي
السبب بسيط- تركيبة الحمض النووي معقدة جدا جدا فعشان كدة أي تغيير عشوائي مش هيعمل حاجة غير الدمار. العالم البيولوجي رانجاناثان بيقول إن أولاً التحورات الجينية اللي بتحصل من نفسها كدة نادرة جدا جدا :closeeye: ثانياً باءة التحورات الجينية بتكون دائما مضرة لأنها عشوائية وبيدي مثال إن لو مثلا زلزال جية حرك مبنى معقد في تركيبتة, الزلزال دة هيسبب تغيير عشوائي في تركيبة المبنى دى و التغيير دة مش هيسبب تحسن في شكل المبنى ولا هيخلية بدل ما كان دورين هيبأة تلاتة!
عشان كدة, لحد دلوقت, مفيش أي تحور جيني مفيد حصل قبل كدة.

علماء كتير عملوا تجارب لعلها تنتج مخلوقات حصل لها تحور جيني يكون مفيد. كانوا بيجربوا في ذبابة الفاكهة لأنهم بيتكاثروا بأعداد كبيرة جداً فهيقدروا يلاحظوا اي تحور جيني مفيد بسرعة. العلماء بقالهم أد اية باءة؟ 60 سنة بحالهم :واه يابوي اتعمل فيهم الاف التجارب مظرهش ولو مرة مخلوق جديد أو حتى بروتين جديد في المخلوقات المحورة دي! كل اللي ظهر مخلوقات مريضة و مشوهة زي اللي في الصورة اللي تحت دي:

http://masos.jeeran.com/28.jpg
الصورة اللي عالشمال لرأس ذبابة فاكهة طبيعية واللي عاليمين لذبابة طلع لها رجول في راسها بسبب التحور الجيني اللي العلماء سببوة :sniff:

طب دة يتماشى مع العقل يعني؟ لو المختبرات بكل تقنياتها الحديثة وكل العلم اللي وصلوا لة العلماء عن عالم الجينات ومش قادرين يعملوا تحور واحد مفيد تقوم الطبيعة التي لا تمتلك أي ذكاء تخلق عااالم كامل فية كووول التنوع دة عن طريق التحور! طب إزاي بس! :blink:

[SMOOD]

كالعادة ماسة:closeeye:









































تتحفينا بعلمك الواسع :closeeye:




















بسم اللة ما شاء اللة :clap:



















في انتظار الباقي ورردة ورردة ورردة ورردة ورردة

[مـؤيـد]

ماشاء الله :flowers:
موضوع تتابعه شريحه طيبة وشاهده عدد كبير من الزوار
ثري جدا ويزداد ثراءا يوما بعد يوم :flowers:
...
بارك الله فيكِ أخت ماسة :flowers: :tu:

[ماسة]

سمود :wub:
شكرا على النتابعة بس دة مش علمي أنا :twee: دة مجرد نقل لكلام الاستاذ هارون يحيى :closeeye:

جوارح ورردة
مبروك على تغيير شكل الك.. :twee: ولا بلاش :closeeye: مبروك على الماتريكس :tu:

[ماسة]

طيب يلا نكمل :closeeye: ,
المرة اللي فاتت قلنا إن التحور ما بينتجش غير التشوة والمرض و الموت وإن العلماء بقالهم أكتر من ستين سنة بيجربوا يعرضوا ذباب الفاكهة إلى ظروف مختلفة من حرارة شديدة مثلا إلى تعريضهم للإشعاع وهكذا في محاولة منهن انهم يبنتجوا فصيلة جديدة من المخلوقات لكن كل محاولتهم فشلت فشل ذريع و ذباب الفاكهة المتحور دة مكنش بيقدر انة يعيش برة المعمل اللي اتبوظ فية! :sniff:

http://masos.jeeran.com/s.jpg أدي دبانة مسكينة جناحاتها مشوهة

http://masos.jeeran.com/k.jpg
وضفادع مشوهة بردة

الكلام دة برضة بينطبق على البشر. أي تحور بيحصل في الجينات عند البني ادمين مبينتجش عنة غير أمراض زي السرطان مثلاً فمنقدرش نقول ان دة تحور إرتقائي لإن المفروض التحور الإرتقائي دة ينتج عنة مخلوقات لها خواص أحسن من غيرها تمكنها من الإرتقاء الى مخلوقات أفضل.

العالم الباثولوجي دافيد ديميك بيقول ان فية حوالي 4500 مرض جيني :واه يابوي يعود سببه الى تحور في الجينات. الأمراض دي ملهاش أثر إيجابي واحد ولو حد من العلماء اللي بيدافعوا عن نظرية داروين اتسألوا انهم يعرفوا أي تحور كان لة اثار إيجابية بيردوا بالصمتِ الرهيبِ بالصمتِ الرهيبِ مش بالهمس بالهمس حتى :brb:

المثال الوحيد اللي العلماء دول بيقدموة هو مرض معروف بإسم sickle cell anemia.

المرض دة بيتميز بإن خلايا الدم الحمراء شكلها بيكون معقوف زي الهلال كدة بدل من الشكل الدائري الطبيعي. فبسبب شكلهم المتحور دة, قدرتهم على حمل الهيموجلوبين بتتأثر جداً. طب لية المرض دة مثال لتحور إيحابي؟ :think3:
قال إية عشان الناس اللي عندهم المرض دة عندهم مناعة جزئية ضد مرض الملاريا و إن دي هدية النشوء لهم :واه يابوي .

يا سلاااااام :أخخخ:
طب ما بنفس المنطق دة ممكن نقول ان الناس اللي بيعانوا من الشلل ميقدروش يسوقوا عربيات فهما كدة عندهم مناعة ضد حوادث العربيات والمناعة دي هي هدية النشوء لهم! :brb:
http://masos.jeeran.com/blood.gif
و ادي صور الخلايا

وباءة بعد كووول السنين دي من البحث وتضييع الوقت يطلعوا بالمثل الخايب دة! :واه يابوي والمثل يكون بمرض كمان!
التحور بيغير في خواص موجودة بس التغيير دة بيكون مدمر مش زي ما داروين قال انه لة هدف!
مافيش أي علاقة بين النظام اللي الكون ماشي بة وبين الفوضى والمرض اللي التحور بيسببة.

[mohamed_22_12]

شكرا على النتابعة بس دة

احيمون احيمون :drop:

احنا كمان بنتابع برضه :twee:


الصور مش ظاهره يافندم :surrender

[mohamed_22_12]

هيييييييييييييييييه
:clap: :clap: :clap: :clap:

الصور ظهرييييييييييييت :tu:

[SMOOD]

ماسة :huh:



















ورردة ورردة ورردة ورردة ورردة

[ماسة]

نأسف على الإنقطاع B) . يلا نكمل باءة :twee:

هنركز انهردة على كلمة جديدة في مصطلح عالم الجينات وهي pleiotropy.
يعني إية باءة؟ :drop:
pleiotropy ببساطة معناها إن الجين الواحد بيأثر على أكتر من خاصية, يعني مثلا ممكن جين واحد يكون لة تأثير مباشر على طول البني ادم وعلى لون عينية في نفس الوقت. ودي طعنة تانية في قلب النشوء :box: .
طب لية؟

تقريبا كل جين درسة العلماء بيأثر على أكتر من خاصية في المخلوقات اللي تركيبتها معقدة زينا كدة :closeeye: .عشان كدة, أي تغيير يحصل في أي جين من الجينات مش هيأثر على عضو واحد بس في الجسم. لا هيأثر على حاجات كتير. فالتحور دة مش هيغير عضو واحد هيغير حاجات تانية فتأثيرة أكيد هيكون ضار لأن مفيش تحور مفاجئ هيجي يغير الجين و كل الخواص اللي الجين دة بيحملها للأحسن بالمخ يعني :brb: . حتى لو إفترضنا إن في تحور في جين ما أدى إلى تغيير واحد إيحابي, هيخرب قدامة حاجات تانية.

طيب عشان نلخص الجزء دة باءة, في 3 أسباب تمنع التحور من إنة يسبب نشوء أو التطور إلى مرحلة أكتر تعقيداً:

1-التأثير المباشر للتحور هو الضرر البالغ لأنة بيحصل بطريقة عشوائية عمرها ما تؤدي إلى خواص أفضل لأنها بتغير في تركيبة مثالية و متكاملة.

2-التحور لا يضيف أي شئ للحمض النووي. كل اللي بيعملة يا إما جزء من الحمض النووي بيتلغي أو بيتشال من مكانة مما يؤدي إلى تغيير مفاجئ في تركيبة الحمض النووي المثالية. التحور مش هيجيب حتة جين من برة يلزقها في الحمض النووي بتاعنا :واه يابوي فبالتالي لا يمكن خواص جديدة متطورة تظهر.

3-عشان التحور ينتقل إلى الأجيال الأخرى, لازم يحصل في الخلايا الجنسية (sex cells) أو (gametes) . أي تحور يحصل في خلاياي الجسم العادية (Somatic cells) لا ينتقل إلى الأجيال التانية. يعني لو شخص تعرض للإشعاع النووي مثلاً ودة أثر على عينية, التأثير دة مش هيبتقل إلى أولادة لأن الخلايا المتحورة موجودة في العين بس وخلايا العين لا تنتقل إلى الأولاد يا شاطرين :brb: .

يلا أشوفكم بعد الفاصل :flowers: .

[ماسة]

احنا كمان بنتابع برضه
برافو :tu:

شكراً على الورد يا سمود :wub:

[ماسة]

أنا اسفة جداً على التأخير يا جماعة
هرجع بحلقة جديدة قريب أوي :closeeye:

[abozeed]

ماسه بجد
:flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers: :flowers:


ربنا يكرمك ويزيدك من علمه

اقري وافهمي كمان ومتعينا معاكي وفهمينا

بجد الف شكر على الموضوع ده

[الصادقة العائدة]

حبيبتي ماسة

مشكورة على الموضوع

أنا كتير مستفيدة

من تعليقاتك أكتر من المادة العلمية

ومجهود مبارك باذن الله

[ماسة]

اسفة على التأخير :blush2:
طيب, خلينا نتكلم عن مصطلح جديد إسمة variation أو التنوع.
طيب إية اللي جاب الفكرة النيرة بتاعة إختيار الطبيعة دي في مخ الأستاذ داروين؟
من أهم الأسباب إن داروين في يوم من الأيام زار مزرعة بقر و شاف إن في أبقار عندها خواص أحسن من غيرها و شاف أصحاب المزارع بيزاوجوا ما بين الأبقار اللي لها صفات مميزة عشان يحصلوا على أبقار بمواصفات كويسة. ففكر إن أكيد نفس الإختيار دة بيحصل في الطبيعة و اللي بيختار الطبيعة الأم.
(شوفوا أمخاخ الناس اللي بتفكر مش كل اللي همة في مزرعة البفر ان الريحة وحشة :brb: )
طيب دي كانت مجرد حكاية لزيزة عالماشي وممكن بعدين أبقا أقولكم على الحاجات اللي خلت داروين يفكر في النظرية دي. موافقون؟ :huh:

طيب نرجع لل :old: variation.
يعني إية variation؟ يعني إمتلاك أفراد الفصيلة الواحدة خواص مختلفة. يعني مثلاً كل أهل الأرض لهم نفس الخواص الأساسية لكن في ناس عينيهم خضرا وناس عنيهم سودا وناس شعرها أحمر و ناس شعرها بني وهكذا. العلماء اللي بيؤيدوا نظرية النشوء بيقولوا إن الإختلافات دي دليل على النشوء عشان المخلوقات خلقت التنوع في نفسها لما إرتقت من الخلية البدائية الأولى.
لكن على العكس باءة, العلم الحيث أثبت ان التنوع أساسة الحمض النووي و التنوع في اللي كامن في تركيبة الحمض النووي نفسة. التنوع دة عمرة ما هيخلق خواص جديدة. كل الخواص هتكون جاية من الحمض النووي و التنوع بيظهر لما تركيبة جديدة من الخواص الكتييييرة الموجودة في الحمض النووي تظهر.
يعني مثلاً لو في أب مصري و أم مصرية عمر ما أولادهم هتطلع عينيهم مسحوبة على فوق زي الصينيين, لكن ممكن يكون واحد من أولادهم طويل و التاني قصير بسبب التركيبات المختلفة اللي بتظهر من خواص موجودة أصلاً.

المشكلة اللي لازم نظرية النشوء تتخطاها هي إزاي ممكن خواص جديدة تظهر من العدم تمكن الزواحف من إنهم يطيروا مثلاً؟
مش ممكن! لية؟ لإن التنوع لة حدود. إية حدودة؟ حدودة هو ال gene pool.
إية دة كمان؟ :dntknw: ال gene pool هو كووووول الخواص اللي موجودة في الأشخاص المنتميين لفصيلة واحدة, يعني كووول الجينات الطول والقصر والعيون البني والخضرا و الزرقا وكووول دة. عشان كدة ممكن في الفصيلة الواحدة يكون في الطوال والقصيرين لإن الخواص دي موجودة أصلاً في ال gene pool مظهروش من العدم. عشان كدة عمرنا ما هنشوف إنسان عندة جناحات لأن خاصية الطيران مش موجودة في ال gene pool بتاع البني ادمين. عشان البني ادمين يطيروا, لازم تحصل إضافة لل gene pool ودة عمرة ما هيحصل من التنوع.

داروين باءة مكنش عارف الكلام دة وكان فاكر إن التنوع ملوش حدود, لدرجة إنة كتب في كتابة إن الناس الي بيمتلكوا مزارع البقر اللي قلنا عليهم في الأول هيؤدوا إلى ولادة فصيلة جديدة تماماً من المخلوقات عشان بيزاوجوا ما بين الأبقار اللي لهم خواص مميزة. الجملة الجاية دي اللي كتبها في كتابة بتبين فعلاً إنة كان فاكر ان التنوع ملوش حدود و إنة فعلاً مكنش يعرف أي حاجة عن علم الجينات. كتب باءة:
"أنا مش شايف أي صعوبة إن فصيلو من الدببة يتغيروا بسب إختيار الطبيعة و عاداتهم تتغير إلى عادات مائية أكتر و بالتدريج دة هينتج عن الحيتان"
( :brb: :brb: :brb: )
في القرن العشرين باءة, العلماء قدموا نظرية الثبوت الجيني بمعنى إن الجينات بتاعة الفصيلة الواحدة لا يمكن تتغير و تكون زي جينات فصيلة تانية. يعني في حواجز ما بين جينات الفصائل المختلفة.
كدة طولت عليكم أوي. نكمل المرة الجاية :flowers:

[SMOOD]

مستنينك :scenic:

متشكريين يا قمر :flowers:

[ماسة]

ربنا يكرمك ويزيدك من علمه

اقري وافهمي كمان ومتعينا معاكي وفهمينا

بجد الف شكر على الموضوع ده
العفو شكرا جزيلا على الدعاء الجميل :flowers:

أنا كتير مستفيدة
:yahoo:
من تعليقاتك أكتر من المادة العلمية
يعني المادة العلمية مش مفهومة؟ :huh:
مستنينك

متشكريين يا قمر
اديني جيت اهو انتي رحتي فين باءة؟ :closeeye:

[ماسة]

الكل نام ولا اية :nunu0000:
يلا اصحوا الحلقة الجديدة في الطريق :gun:

[مـؤيـد]

لذيذه جدا ىخر حلقة يافندم :flowers:

فهمينا كمان :yahoo:

الله يزيدك كمان وكمان :flowers:















:shv:

[ماسة]

ماشي طالما لسا نايمين ننزل كمان حلقة يمكن تصحوا :beee:
زي ما قلنا المرة اللي فاتت ال variations أو التنوع لايؤدي أبداًإلى التطور. عشان كدة, العلماء المؤيدين لنظرية داروين كان لازم يطلعوا بمصطلحين يفرقوا ما بين التنوع و ظهور فصيلة جديدة من المخلوقات. سموا التنوع بين الفصيلة الواحدة microevolution و سموا فكرة نشوء مخلوقات جديدة macroevolution . المصطلحين دول بيظهروا في كتب البيولوجي كتير أوي. لكن في الحقيقة, في خداع بيحصل هنا

:viking:
:viking:


تاتاتاتاااااااااا :gun:


إحنا انضحك علينا يا ردالة :box:

لية؟ :dntknw:
واخدين بالكوا انهم لسا مصممين يربطوا ما بين التنوع و النشوء لما سموة microevolution؟ مع إن العلم الحديث أثبت إن مفيش علاقة بين الاتنين؟ قلنا قبل كدة إن نظرية النشوء بتعتمد إعتماد كلي على إكتساب خواص جديدة تماماً من خلال التحور الجيني أو إختيار الطبيعة, لكن التنوع بين أبناء الفصيلة الواحدة بيعتمد على ال gene pool (فاكرين ولا لأ؟ :viking: ) وثبتنا إن التنوع لا يمكن يؤدي إلى التحور.
يبأة الحل الوحيد هو إن نظرية النشوء دي أيدولوجية مش نظرية, بيحاولوا يدافعوا عنها بإستماتة بخلاف النظريات العلمية العادية.

تسميتهم للتنوع microevolution كان ذكاء شديد لأنهم عملوا إنطباع بين الناس إن التنوع ممكن يؤدي للنشوء وإنة مع مرور الوقت هيتقلب و يبأة macroevolution.
بيدوا مثال باءة إن الجنس البشري إزداد طولاً مع مرور الوقت فممكن كمان مع مرور الوقت يختلف بطرق تانية. لكن دة مثال خاطئ جداً لإن زي ما قلنا إن خاصية الطول دي موجودة في ال gene pool أصلاً فعادي جداً إنها تظهر بمعدلات مختلفة :أخخخ: , شوية هتظهر وشوية لأ. دة عمرة ما هيؤدي لظهور خواص جديدة أبداً تاتا أبداً تاتا :dance:

إحم :closeeye:

طيب عشان نلخص كل اللي تقال فوق دة باءة :closeeye: , التنوع اللي داروين شافة من مئات السنيين دليل على النشوء ملوش أي علاقة بأصل الفصائل(مصطلح أصل الفصائل مستخرج من عنوان كتاب داروين (The Origin Of Species By Means of Natural Selection أو أصل الفصائل عن طريق إختيار الطبيعة)
يعني ممكن الناس اللي بتملك مزارع البقر اللي داروين شافهم دول يقعدوا يزاوجوا بين البقر لألاف السنين وهيفضل بقر عمرهم ما هيطلعوا غزلان مثلا أو قطط من التزاوج دة. هيطلعوا أبقار لهم صفات مميزة لكن ما زالوا منتميين لنفس الفصيلة بردة.

لو تفتكروا بردة طائر ال finches اللي داروين شافهم في جزر الجالاباجوس اللي قلناهم في الأول خالص وقلنا إن داروين أفتك إن أشكال مناقيرهم المتنوعة دي ناتجة عن التحور و إن كل مجموعة أصبحت فصيلة جديدة. لكن العلم الحديث أثبت باءة إن الأشكال المختلفة دي سببها التنوع مش النشوء. المصيبة باءة إن لحد النهردة كل كتب البيولوجي تقريباً بيستخدموا حكاية مناقير ال finches كمثال على النشوء والتطور في حين إنها مثال على التنوع اللي بيسبب أشكال مختلفة و خواص مختلفة.

نكمل المرة الجاية :flowers:

[ماسة]

إية النوم اللي انتوا فية دة :nunu0000:
إصحوا يلا داروين هيزعل منكم :sniff:
هستحملكوا كمان شوية واكمل.... :beee:


المؤمنين بنظرية داروين بيقولوا ان كل المخلوقات تطوروا من مخلوق واحد. عشان كدة, لو بصينا على الحفريات هنلاقي تدرُج من بسيط لمعقد. هما مؤمنين إن في كائنات وسطية بتمثل الإنتقال من المخلوقات البسيطة لأخرى معقدة. لكن في الحقيقة, الحفريات مفهاش أبداً اثار لمخلوقات غنتقالية. بالعكس, كل المخلوقات في الحفريات بتبان فجأة و بتبان بتكوين كامل.
يعني مفيش مثلا ثديات بريش وبعد كدة طيور :huh: . الطيور بتبان فجأة و بتكوين كامل. مفيش مثلاً طيور من غير جناحات وبعدين بنص جناح وبعدين جناح كامل وبعدين جناحين. كلهم بيبانوا فجأة وبجناحين :closeeye: .
لو نظرية داروين سليمة, المفروض يكون في مئات إن لم يكن ملايين من المخلوقات الإنتقالية الخيالية دي. المفروض يكون عددهم أكتر من عدد المخلوقات الكاملة التكوين أصلا و المفروض بقاياهم تكون موجودة في كل العالم.
داروين كمان كان معترف بالشرط دة وقال في كتابة:
"لو نظريتي صحيحة مخلوقات إنتقالية لا عدد لها المفروض تكون عاشت على الأرض. بالتالي, لازم الحفريات تزخر ( متخدوش بالكم من تزخر دي يتعملها موضوع لوحدها :brb: ) ببقاياهم.

بالرغم من تفاؤل داروين, هو كمان كان عارف إن المخلوقات دي مش موجودة و كتب في كتابة:
"لو المخلوقات تطورت من مخلوق بسيط, احنا لية مش شايفين مخلوقات انتقالية في كل مكان حولنا؟ لية الطبيعة مش ملخبطة بدل الدقة اللي شايفنها في كل ما حولنا؟ ما زالت هذة الأسئلة تؤرقني إلى الان"
(مش أنفع مترجمة قصص رعب بزمتكم :brb: )

الحل المقنع الوحيد اللي داروين توصل الية هو إن العلماء لسا ملقوش كل الحفريات, و أكَد إن لو تمت عملية فرز و دراسة دقيقة للحفريات, العلماء أكيد هيلاقوا أثار لمخلوقات إنتقالية.

نكمل المرة الجاية تكونوا صحيتوا :gun:

[SAD GIRL]

مــــــــــــــاسة :واه يابوي

موضوعك أقل مايقال عنه انه راااااائع B)
كان مستخبي مني فين :واه يابوي

بجد موضوع مفيد جداً ،، وأنا مستمتعة وانا باقرأه ،، واللي ساعدني أكثر على الفهم انه احنا السنة دي أخذنا في الأحياء عن الأحماض النووية والجينات وتجارب مندل والتطور والحاجات دي ،، يعني عندي خلفية مكنتني من إني أتابع بفهم ووعي :friends:


مستنيينك :flowers:
وجزاكي الله كل خير :flowers:

[ماسة]

ساد :wub:
نورتي الموضوع و خليكي متابعانا متناميش زي الناس هنا :sniff:

[SAD GIRL]

وايمتى يختي ناوية تنزلي الحلقة الجديدة إن شاء الله ؟؟ :viking: :gun:

[mohamed_22_12]

مــــــــــــــاسه

صباح الفل:old:

كملي كملي :nunu0000: :nunu0000:

[ماسة]

وايمتى يختي ناوية تنزلي الحلقة الجديدة إن شاء الله ؟؟
اية دة بتزعقيلي :sniff:
حاضر اهو :closeeye:

كملي كملي
اخيرا حد صحي :واه يابوي
ما بدري :nunu0000:
الحلقة الجديدة جيا :flowers:

[الصادقة العائدة]

شكرا يا ماسة يبدو انك جوهرة حقا:999:

[ماسة]

طيب يلا نكمل بس قبل ما نكمل يا ريت نقرا الفاتحة على روح أخونا اسكندراني الله يرحمة......




من أهم أفرُع العلوم المهمة جداً لنظرية النشوء هو علم ال paleontology أوعِلم الاثار.

لية باءة؟ :huh:
لأن بالتنقيب عن الاثار, تكمن احتمالية العثور على بقايا الكائنات الإنتقالية اللي داروين قال عليها. قلنا قبل كدة إن العلماء وجدوا إن المخلوقات كلها بتظهر فجأة و بأعضاء كاملة متكاملة. كل الأعضاء المعقدة زي الأجنحة مثلاً بتظهر بقاياها فجأة. مفيش أي تدرج واضح في اثار ملايين المخلوقات اللي عاشوا على الأرض.

و مع إن البحث عن أثار مخلوقات انتقالية بدأ من منتصف القرن التسعتاشر, لحد النهردة مفيش بقايا لمخلوقات انتقالية تم العثور عليها. ولا واحدة!

و على عكس امال وتوقعات داروين, الاثار اللي العلماء بيلاقوها كل شوية شبيهة جداً بالمخلوقات اللي عايشة معانا على الأرض دلوقتي. يعني طيور زمان هي طيور دلوقت, حشرات زمان هي حشرات دلوقت, وهكذا.مفيش أي تدرج في الاثار من بسيط لمعقد أبداً زي ما داروين كان بيتمنى :closeeye: .

عشان نخلص الجزئية دي خالص باءة, هقول لكم اخر حاجة عن المخلوقات الانتقالية. المخلوقات الإنتقالية هم مخلوقات يقعوا ما بين فصيلتين مختلفتين. لاهما بينتموا للفصيلة الاولانية ولا للتانية و عندهم أعضاء غير مكتملة بعد تشبة أعضاء الفصيلتين المختلفتين. لكن ساعات مبدأ المخلوقات الانتقالية دة بيتفهم غلط.

ازاي يعني؟ :dntknw:
يعني مثلا
لو في مخلوق ما بيملك خواص يمتلكها مخلوق من فصيلة أخرى, دة مش معناة إن المخلوق الأولاني دة مخلوق انتقالي.
يعني اية بردة؟ :أخخخ:

اديكوا مثال :closeeye: : في حيوان إسمة ال platypus. اللي هو دة:

http://masos80.jeeran.com/platypus.jpg

الحيوان دة بينتمي إلى الثديات لكن بيبيض زي الزواحف و في نفس الوقت عندهم مناقير زي اللي عند البط. الحيوانات اللي زي ال platypus العلماء بيسموهم mosaic creatures- بمعنى انهم لا يمتلكوا خصائص منفصلة. المخلوقات دي متعتبرش مخلوقات انتقالية والعلماء المؤمنين بالنشوء زي ستيفين جولد و نايلس ايلدردج اللي قلنا عليهم زمان معترفين إنهم ميعتبروش أمثلة لمخلوقات انتقالية.

[ماسة]

أهلا يا صادقة ربنا يخليكي :wub:
تابعي معانا باءة الحلقة الجديدة جاية أهو :bud:

[ماسة]

برغم النوم الشديد اللي هنا :nunu0000:



هكمل :beee:

من حوالي 140 سنة داروين إفترض إن مع مرور الوقت العلماء هيقدروا يلاقوا اثار لمخلوقات انتقالية. طيب, السؤال باءة دلوقت هل المفروض إحنا كمان نصدق داروين ونستنا لفترة كمان ولا نؤمن إن مفيش حاجة إسمها مخلوقات إنتقالية؟

اللي هيجاوب على السؤال دة هو ثراء الأثار اللي العلماء وجدوها لحد دلوقت.
العلماء وجداوا بلايين الأثار من مختلف أنحاء العالم قدروا من خلالها إنهم يتعرفوا على 250 ألف فصيلة من المخلوقات. الفصائل اللي وجدوا أثارها تشبة إلى حد كبير المليون ونص فصيلة اللي موجودين على الأرض دلوقتي.

(كنتوا تعرفوا إن الأرض عايش عليها مليون ونص فصيلة من المخلوقات المختلفة لا وإية كمان مليون منهم حشرات)

من كوووول المخلوقات اللي لاقوا أثرها ملقوش ولا مخلوق إنتقالي واحد يبقا بالمخ باءة إحتمالية وجود مخلوقات انتقالية بعد كل السنيين دي معدومة.

بروفيسور الأثار نيفيل جورج إعترف بكدة وقال إن لما نيجي نشوف سَجل الأثار, هنلاحظ إنة بيتميز بفجوات كتيرة زي ما قلنا قبل كدة, لكن الفجوات مش سببها قلة الأثار, الفجوات دي بتورينا أحداث في تاريخ البشرية و بتحمل معاني عميقة.

طيب تعالوا نشوف صور لمخلوقات العلماء وجدوا لها أثار. هتلاحظوا في الصور إن المخلوقات دي تشبة جدا اللي بنشوفهم على الأرض دلوقتي. دة بيثبت إن على الرغم من إن ملايين السنيين عدَت, المخلوقات لا شكلها إتغير ولا حاجة :dntknw: . لسا زي ما هما:shifty:

http://masos80.jeeran.com/47b.jpg الستار فيش أو نجم البر
لسا زي ما هي :closeeye:

http://masos80.jeeran.com/47c.jpg
المحار. ملاحظين حاجة غريبة؟ :واه يابوي


صح! لسا زي ما هما :closeeye:

http://masos80.jeeran.com/47d.jpg
صورة لمخلوقات اسمها Ammonites. إنقرضوا من 65 مليون سنة لكن فضلوا 350 مليون سنة على الأرض بنفس الشكل دة

http://masos80.jeeran.com/47e.jpg
البكتريا طبعاً :closeeye: .
البكتريا اللي في الصورة دي عمرها 190 مليون سنة لكن هي هي البكتريا الموجودة حالياً

http://masos80.jeeran.com/47f.jpg
العقارب.
الفصيلة دي إسمها Pulmonoscorpius kirktoniensis (مش لازم تقروا الإسم :closeeye: ) الفصيلة دي عمرها 320 مليون سنة لكن اللي شاف عقارب هيعرف إن شكلها زي عقارب دلوقتي.

http://masos80.jeeran.com/47g.jpg
دي صورة لأثار حشرة كانت موجودة من 170 سنة لكن شكلها قريب جداً للحشرات الموجودين حالياً


http://masos80.jeeran.com/47i.jpg
صورة لأغلس مخلوقات الأرض- الدبان أو الذباب :nug:
الذباب اللي في الصورة عمرة 35 مليون سنة و يمتلك نفس الأعضاء اللي بيمتلكها الذباب الموجود حالياً ربنا يخلية


طيب, بكدة نكون شفنا صور لمخلوقات قكانت موجودة من زمن بعيد جداً لكن لا شكلهم إتغير ولا أي حاجة. مكنوش بيمتلوكوا أي أعضاء أو خواص تفرقهم عن المخلوقات الموجودة حالياً.

عجبكم الجاليري بتاعي؟ B)

[SAD GIRL]

Pulmonoscorpius kirktoniensis
:brb: :brb: :brb: ماسة قوليها 10 مرات وبسرعة :brb: :brb: :brb:
آسفة على التأخر في المتابعة :blush2:









وأخيراً :























كمـــــــــــــ :viking: ــــــــــــــــلي

[ماسة]

الحمد لله أخيراً فضيت شوية عشان أنزل الحلقة دي :yahoo:

ركزوا باءة :viking:

طيب, قلنا المرة اللي فاتت إن سَجل الأثار بيبين إن الفكرة اللي كانت عند داروين إن المخلوقات مع مرور الاف السنين بتتغير وتتحور من مخلوقات بسيطة إلى أخرى معقدة كانت فكرة خاطئة تماماً لأن المخلوقات بتفضل محتفظة بتكوينها زي ما هو مع مرور السنين زي ما شفنا في الصور الحلقة اللي فاتت.

طب إية السبب إن معظم الناس معتقدين إن سجل الأثار بيؤيد نظرية داروين؟ :huh:
ممكن نقول انة وهم كبير كبر مع مرور السنين و ممكن برضة نقول إن في ناس بتتمنى إن نظرية داروين تكون صحيحة و بينشروا أحلامهم وخيالاتهم دي في كُتب :old: . عشان كدة, في كتب كتير مليانة أوهام.

عارفين قصة الملك اللي جاب خياطاين قعدوا يخيطوا في الهواء ويوهموة انهم بيخطوا لبس جميل و مستغربين ازاي هو مش شايفة؟ ومع ان الناس كلها مكنتش شايفة اللي بيخيطوة, تظاهروا بانهم شايفين الملابس اللي بتتخيط فعلا :واه يابوي .
أهو نفس الحاجة بتحصل هنا. ناس يطلعوا يقولوا لنا في اثار وهو مفيش حاجة :twee: . و محدش شاف دليل على الأثار دي قبل كدة بس الكل بيتظاهر انها موجودة بدون سبب منطقي :dntknw: .

طيب هو سجل الأثار فية اية بالضبط؟ و بيورينا إية؟
تعالوا نكتشف الحاجات دي المرة الجاية......... :flowers:

[ماسة]

كمـــــــــــــ :viking: ــــــــــــــــلي
بكمل اهو يا ساد بس :closeeye: مشغولة شوية في موضوع السيرة انا اسفة يوه بقى

[SAD GIRL]

عذرك معاكي ياماستي سههم

[ماسة]

رجعت بالسلامة لداروين تاني :closeeye:
هنبدأ جزء مهم أوي باءة وعايز تركيز :bud:

زي ما قلنا المرة اللي فاتت هنبدأ نتكلم عن الحقيقة اللي بيكشف عنها السجل الاثار :dance:

العلماء المختصين بالبيولوجي بيقسموا المخلوقات الحية إلى أقسام إسمها Classes. اللي ابتكر فكرة التقسيم دي العالم Carl Von Linné :euro:

وهو كمان اللي ابتكر طريقة تسمية المخلوقات و الطريقة دي إسمها Binomial Nomenclature :closeeye: والطريقة دي بتعتمد على اسم ال Genus يتبعها إسم ال Species اللي المخلوق بينتمي إليهم. بعد شوية هنتكلم عن ال Genus و ال Species. والطريقة دي استبدلت الطريقة القديمة اللي كان إسم المخلوق فيها بيتعدى ال 13 حرف :واه يابوي ومن كتر تحمس Carl لطريقة التسمية الجديدة دي غير إسمة شخصياً ل Carolus Linnaeus
ومعرفش قلتلكم المعلومة الظريفة دي لية بس أهي معلومات عامة :lady2:

نرجع تاني ل Carolus . طريقة التقسيم اللي هو ابتكرها دي ما زالت مستخدمة إلى الان وهي طريقة مسلسلة.

يعني اية؟ :huh:

يعني في الأول المخلوقات بتتقسم ل Kingdoms أو مملكات زي مملكة النباتات و مملكة الحيوان وهكذا بعد كدة ال Kingdoms بيتفرعوا ل Phyla و ال Phyla ل Classes
نحطهم باءة كلهم تحت بعض منعاً لللخبطة :vava: :

Kingdom
Phylum
Class
Order
Family
Genus
Species

انهردة باءة معظم العلماء معترفين بوجود خمس أو ستة مملكات مختلفة منهم مملكة النبات والحيوان والبروتيستا اللي بالعربي إسمها الفرطيس :واه يابوي وبتشمل المخلوقات الاحدية الخلايا زي الأميبة ومملكة المونيرا اللي بتشمل البكتيريا.

ومن كتر ما البكتريا فيها أنواع مختلفة تشريحياً عن بعضها جداً ساعات كمان البكتريا بتتقسم ل eubacteria و “eu” معناها "الحقيقة" وبتشير إلى البكتريا اللي العلماء بيعتقدوا إنها من أوائل البكتريا اللي عشات على وجة الأرض لأنها بتتميز بقدرتها على الحياة في أوضاع صعبة جداً زي البكتريا اللي بتسكن الحِمم البركانية مثلاً :واه يابوي
القسم التاني من البكتريا هي ال Archaebacteria اللي هي البكتريا العادية الموجودة حالياً.

طبعاً من أهم المملكات مملكة الحيوان لأنها متفرعة جداً وبتشمل عدد هائل من المخلوقات اللي كل مجموعة بتشكل Phylum لوحدها لأنهم مختلفين تشريحياً عن بعض جداً. على سبيل المثال، مملكة الحيوان بتشمل:

•ال Arthropoda اللي هي الحشرات :chr48:
•ال Chordata وهي المخلوقات اللي لها حبل ظهري
•ال Molluska اللي هي الرخويات يعنيا للي المخلوقات اللي لها أجسام لينة زي الأخطبوط أو الحلزون

ومخلوقات أخرى كتيرة أوي و كل ما نتعمق أكتر في المخلوقات دي وفي خصائصهم المختلفة جداً بنحِس أكتر، أو على الأقل أنا حسيت أكتر :closeeye: ، إن لا يمكن الإختلافات دي كلها لا يمكن تكونب سسبب تطورات تراكمية :nea:

كدة نكون إتعرفنا على طريقة تقسيم المخلوقات بصورة مبسطة جداً تمكننا من فِهم الكلام الجاي :bud:

[ماسة]

عذرك معاكي ياماستي سههم
ربنا يكرمك يا ساد اديني رجعت اهو :flowers:

[ماسة]

يلا نكمل :bud:

طبقاً لنظرية داروين وزي ما قلنا مية مليون مرة، الحياة نشأت من مصدر واحد ومن هذا المصدر تفرعت كل أنواع المخلوقات الحية.

فعشان كدة، نظرية داروين لتطور الحياة على سطح الأرض بتمثلها شجرة متفرعة
في قاعدة الشجرة المخلوقات البدائية البسيطة تشريحياً
وكل ما الشجرة تتفرع، كل ما المخلوقات تكون أكثر تعقيداً
الشجرة دي معروفة جداً واسمها ال phylogenetic tree
وللأسف موجودة في كل كتب البيولوجي وبتدرس في المدارس إلى الان
ولها أشكال كتير زي دة مثلاً:

http://www.harunyahya.com/images_books/images_refuted/52.jpg

لكن هل دة التفسير الصحيح فعلاً؟
لا طبعاً
والدليل على دة مصطلح ال Cambrian Explosion
المصطلح دة أُطلق على العصر ال Cambrian اللي استمر 65 مليون سنة
وفي العصر دة الكائنات المعقدة ظهرت كلها مرة واحدة من غير تطور كائن كان بسيط وفجأة باءة معقد ومتطور
والصورة دي رُسمت عشان تبين الكلام دة:

http://www.harunyahya.com/images_books/images_refuted/55.jpg

من الكائنات اللي وجدوا حفريات تعود للعصر ال Cambrian المحار و القواقع مثلاً
يعني كائنات معقدة اهو :twee:

زي ما شايفين في الصورة لحفريات كائن الHallucigenia اللي بتعود للعصر ال Camberian
http://www.harunyahya.com/images_books/images_refuted/57.jpg

الكائن دة كان لة عمود فقري :واه يابوي
يعني عضو معقد جدا جدا
موجود اهو من زمن بعيد جدا جدا :twee:
وحسب نظرية داروين، الأعضاء بتاعتنا دي ظهرت إلى الوجود بسبب حاجتنا لهم
طب اية حاجة الكائن دة لعضو معقد زي دة في الوقت البدائي دة :huh:

يكفي القول ان في العصر ال Cambrian ظهر من 60 ل 100 phyla (اللي قلناها المرة اللي فاتت) مختلفة ظهروا على الأرض فجأة.
إزاي المخلوقات دي فجأة ظهرت وملأت الأرض؟
دة سؤال كل المؤمنين بنظرية داروين ميعرفوش يردوا علية... :hot:

[SAD GIRL]

Kingdom
Phylum
Class
Order
Family
Genus
Species

فكرتيني بأيام اول ثانوي :hot:

طيب هما المؤمنين بنظرية داروين ميعرفوش الكلام ده كله اللي ذكرتيه؟؟ :think3: :huh:
ولاهما عندهم رد على كل جزئية ياترى ؟؟؟ :chains:

معاكي :rosy:

[ماسة]

طيب هما المؤمنين بنظرية داروين ميعرفوش الكلام ده كله اللي ذكرتيه؟؟
ولاهما عندهم رد على كل جزئية ياترى ؟؟؟

المشكلة انهم طبعا عارفين يا ساد بس بيحاولوا يجدوا مبررات للكلام اللي فوق
وهنسرد كلامهم ونفندة ان شاء الله
طب لية الدفاع المستميت دة؟
بردة هنقول

منورة يا ساد :rosy:

[SAD GIRL]

ده نورك ياماسة :rosy:

مستنيين التكملة B)

[ماسة]

قبل ما نكمل عايزة احكي لكم على برنامج كان شغال انهردة بيناقشوا فية جدوى نظرية داروين وهل تصلح انها تُدرس على انها حقيقة علمية أم لا...

اللي يفرح ان أعداد كبيرة من علماء الغرب أصبحوا مؤمنين بإن نظرية داروين هي تفسير غير حقيقي لبدء الحياة على الأرض وللتنوع الفريد في أشكال ووظائف المخلوقات من حولنا...

و ناس كتير هناك بردة مؤمنين بإن العالم من حولنا أكثر تعقيداً بكتير من إنة يكون بدء صدفة ، وبإن مش ممكن كل التعقيد دة نشأ من تغيرات بسيطة عبر الزمن.
وتفسيرهم الجديد إن الأرض تم خلقها بواسطة اللي بيسموة
Intelligent Design
أو التصميم الذكي

يعني في علماء بيعترفوا إن في كيان ما بيتمتع بذكاء وحكمة شديدين صَمم أو خلق كل ما حولنا :closeeye:

يعني ربنا :)

وبيناقشوا في أمريكا حالياً إمكانية ذِكر ال Intelligent Design بتاعهم في كُتُب العلوم
ولو منفعش لأن العلم حسب كلامهم مينفعش يكون فية غيبيات زي ربنا اللي خلق مثلاً :أخخخ:
هيذكروا على الأقل العيوب والمشكلات اللي بتواجهها نظرية داروين

ومن وجهة نظري المتواضعة، دة في حد ذاتة إنجاز كبير وخطوة في طريق تدمير أسطورة النشوء والإرتقاء :gun:

[Meeeera]

موضوع اكثر من رائع
:rosy: :rosy: :rosy: :rosy: :rosy: :rosy: :rosy: :rosy: :rosy: :rosy:
:rosy: :rosy: :rosy: :rosy: :rosy: :rosy: :rosy: :rosy: :rosy:
:rosy: :rosy: :rosy: :rosy: :rosy: :rosy: :rosy: :rosy:
:rosy: :rosy: :rosy: :rosy: :rosy: :rosy: :rosy:
:rosy: :rosy: :rosy: :rosy: :rosy: :rosy:
:rosy: :rosy: :rosy: :rosy: :rosy:
:rosy: :rosy: :rosy: :rosy:
:rosy: :rosy: :rosy:
:rosy: :rosy:
:rosy:


تقبلى تحياتى :D

والحمد لله انى اكتشفته:flowers:

[SAD GIRL]

ولو منفعش لأن العلم حسب كلامهم مينفعش يكون فية غيبيات زي ربنا اللي خلق مثلاً
:budo: :budo: :budo:
:maaaad: :maaaad: :maaaad:





كملي :blush2:

[*زهرة*]

ماسه ..ربنا يكرمك ويجعل الموضوع ده في ميزان حسناتك ,موضوع في منتهى الاهميه.
ممكن بس لو سمحتي انقله لمنتديات تانيه من باب الإفاده؟
:flowers:

[المعلم برعي]

شكرا جزيلا اختي أو اخي ماسه على الموضوع الرائع

[ماسة]

ممكن بس لو سمحتي انقله لمنتديات تانيه من باب الإفاده؟
اكيد يا زهرة
بس يا ريت لينك للموضوع بعد نقلة :flowers:

اهلا بيك يا برعي :flowers:
اختك ماسة :flowers:

[*زهرة*]

ماسه شكرا ربنا يكرمك

بس انا كان عندي سؤال لو سمحت واحده سألتهوني وهو

انا بس عايزه اسال سوال
ازاى تحول الجينات حاجه مش موجوده على ارض الواقع؟؟؟؟؟؟
في حاجه اسمها طفره..والطفره دي معناها ان الجينات الل في جسم الانسان يحصلها تغير وده مش لوحدها
دي ناتجه عن تدخل عوامل تانيه ..زي مثلا اشمعهxوهي الاشعه اللي بنتعرضلها لما بنعمل اشعه عن الدكتور
وكمان التعرض الكتير للشمس (طبعا اكتر من اللازم ..علشان محدش يقول ما انا بتعرض للشمس ومحصليش حاجه)
ده بيخلي الجين (وهو اللي مسئول عن انتقال الصفه للابناء يعنى هو المسؤل عن وراثه الصفات بتاعت الابوين) يتغير في تركيبه وبالتالي فالصفه اللي هتظهر في الابناء صفه مختلفه عن الاباء
وده طبعا مش ينفع اساس لنظريه ظهور كائنات جديده..لانه مش بيحصل كتير


اما بقى عن حكايه الزرافه:فانا طول عمري مقتنعه ان الزرافه كان منها فصيلتين ....فصيله رقبتها قصيره وفصيله رقبتها طويله
ولما اختفت النباتات الارضيه لسبب ما مش عرفت الزرافه اللي رقبتها قصيره تتغذى بينما الزرافه اللي رقبتها طويله تابعت التغذيه بتاعتها لان النباتات العاليه كانت لسه موجوده
وبالتالي ابتدت الزرافه اللي رقبتها قصيره تموت وبقيت الزرافه بتاعت الرقبه الطويله
بس كل الكلام ده اللي انا طول عمري كنت مقتنعه بيه ..بتقولي انه غلط
فلو سمحتى انا عايزه افهم ازاي الزرافه تطورت وبقيت االزرافه اللي رقبتها طويله مع العلم ان الزرافه اللي رقبتها قصيره كانت موجوده قبل كده

[ماسة]

شوفي يا زهرة
هي اسالتك متجاوب عليها في الموضوع بس هجاوبك تاني باختصار :flowers:
انا قلت ان تحور الجينات موجود بالفعل ولو تفتكري في صور في الموضوع لكائنات تعرضت لتحور في جيناتها بسبب تعرض للاشعاع زي ما بتقولي او بسبب تجارب العلماء المختلفة فيهم
فاذن تحور الجينات موجود
لكنة لا يمكن يؤدي لتطور المخلوقات من بسيطة لمعقدة
لان التحور نتيجتة الوحيدة التدمير
لية؟
لأن أجاسامنا على قدر عالي جدا من التعقيد
خلقة رباني لا تشوبها شائبه :pray:
مش محتاجة تصحيح او تعديل في جينتها
فأي تغير ولو بسيط في البناء المعقد دة هتؤدي للدمار

نيجي باءة للزراف :closeeye:
انا عن نفسي مسمعتش ابدا عن وجود زراف طويل واخر قصير
انت اقتنعتي بالحكاية دي على اساس اية؟
لامارك قال ان الزراف رقابتهم كانت قصيرة وطولت مع المد المستمر
لكن النظرية دي اثبتت فشلها زي ما قلنا قبل كدة
فالزرافة متطورتش اصلا
الزرافة من يوم ما وجدت على الأرض وهي بالشكل دة
مفيش حاجة اسمها رقبتهم طولت مع المد
الموضوع دة اتناقش اكتر في الصفحة الاولى على ما افتكر فممكن ترجعيلها لتوضيح مفصل اكتر :rosy:

[ماسة]

نأسف على الإنقطاع :flowers:

تعالوا نكمل كلام على المخلوقات المعقدة جداً اللي ظهرت في ال Cambrian age
ونبدأ بمخلوقات كان اسمها ال Trilobites
دي صورة للمخلوقات دي

http://scd.mm-b1.yimg.com/image/953876705

بجانب تكوين أجسامهم المعقد، ال Trilobites كانوا بيمتلكوا عيون معقدة جداً :واه يابوي
مكونة من مئات الأجزاء الصغيرة وكل جزء مغطى بعدستين

http://www.harunyahya.com/images_books/images_refuted/63.jpg

ومع كدة، المؤمنين بنظرية داروين مصممين ان التركيبة المعقدة دي جت بالتدريج
طب ازاي :واه يابوي
داروين نفسة قال ان لو العلم من بعدة أثبت إن لو جزء صغير من أي عضو مش موجود العضو دة هيتعطل، نظريتة كلها هتنتهي

بمعنى :closeeye:
لو العلم أثبت مثلاًَ ان بدون القرنية لن تعمل عيوننا بكفائة، نظرية داروين هتفقد مصداقيتها
لانها معتمدة على فكرة ان كل عضو من أعضائنا جاء بالتدريج..
يعني في الاول القرنية وبعدين بعد 100 سنة القزحية تكونت لحد ما وصلنا لشكل العين الحالي
بس العين بدون قرنية ملهاش فايدة
فإذن زي ما نظرية داروين بتقول، المفروض ان العين تندثر لأنها هتكون عضو ملوش فايدة
يا ريت تكون الفكرة دي وصلت

طب داروين قال اية على المخلوقات المعقدة اللي ظهرت في العصر الكامبري؟
بكل بساطة، مقدرش يقول غير إن كان فية مخلوقات موجودة قبل العصر الكامبري وان المخلوقات المعقدة التي تتنتمي للعصر الكامبري نتيجة تطور مخلوقات ما قبل الكامبري :closeeye:

طب لية مفيش حفريات لمخلوقات العصر الماقبل الكامبري؟
طبعا الإجابة النموذجية تاني: لإننا لسا مكتشفناش كل الحفريات
طب الكلام دة كان ممكن يكون منطقي في عصر داروين
بس دلوقتي
مش ممكن
مش ممكن مفيش ولا حفرية واحدة حتى لمخلوق كان عايش قبل العصر الكامبري :واه يابوي

حاجة كمان،
تكوين عين ال Trilobites اللي بيعود حوالي 530 سنة هو نفسة تقريبا تكوين عين النحل
طب ازاي؟
مش المفروض المخلوقات بتتطور من بسيط لمعقد؟
متطورتش لية؟ :واه يابوي
530 سنة مش كفاية؟ :واه يابوي

نكمل بعد الفاصل :flowers:

[*زهرة*]

ماسه جزاكي الله خيرا على الاجابه وعامة انا اديت لصحبتي اللينك وقلتلها لو حبيتي تسألي في حاجه عندك العالم الكبير بتاعنا ماسه

معلش يا ماسه بنتعبك معانا:rosy:

[7ala]

الى السيدة ماسة أنا حلا غانم عمري 15 سنة أشكرك كثيرا على هذا الموضوع الذي أفادني فأنا غدا لدي تقديم عن نظريات التطور وشرح الدرس أمام زملائي فقرأت شرحك وان شاء الله سأطبعه من ثم أصوره واوزعوه على اولاد صفي أشكرك جزيلا وأريد أن أعلق أن في المنهاج لدينا أن النقطة التي تتحدث عن الزرافات ورقابهم تعتبر لنظرية داروين الانتخاب الطبيعي أو theory of natural selection فاستغربت معللين ذلك بتكيف الزرافات للعيش في بيئتها أما لامارك و وايزمان في الفئران التي قطعوا ذيلها وتزاوجت منتجة فأر ذا ذيل.
أتمنى أن تردي على تساؤلاتي على بريدي الالكتروني halaghanem@yahoo.comوشكرا مرة أخرى

[ماسة]

نظرية التصميم الذكي أو Intelligent Design اللي كنا اتكلمنا عنها باختصار قبل كدة ابتدت تنتشر جامد جدا :bud:

فحبيت المرة دي نتكلم اكتر عن النظرية دي زي ما بنتكلم على نظرية النشوء...

النظرية دي مش فكرة جديدة، لكن كانت موجودة من سنة 1802 يعني من قبل ما نظرية داروين تظهر :واه يابوي واللي قدم النظرية دي ويليام بالي، اللي كان معروف بتدينة الشديد.

النظرية دي بتقول ان في خواص أفضل تفسير لوجودها انها اتخلقت بشكل وتصيم ذكي، وإن التفسير دة منطقي أكتر من تفسير ان الحياة بدأت صدفة-زي ما نظرية النشوء بتفترض

نظرية بالي طبعا اترفضت لما نظرية داروين ظهرت لأن على عكس نظرية بالي، نظرية داروين اتقدم معاها دلائل علمية

لكن دة باءة كان من 100 سنة :box:

العلماء المؤيدين لنظرية التصميم الذكي دلوقتي بيقدموا دلائل علمية على صحة النظرية دي وبيحاولوا يقنعوا الناس ان النظرية دي تُدَرس في المناهج الدراسية زي نظرية النشوء

لكن هما كمان مش مؤمنين ان كل المخلوقات اللي حولنا اتصممت أو خُلقت، لكن بعضها اتصمم وبعضها اتغير عبر الزمن للشكل اللي احنا شايفينة حالياً

النظرية طبعاً بتواجة اعتراض شديد من قَبل العلماء اللي شايفين ان بقبول نظرية التصميم الذكي بيسمحوا بدخول الغيبيات في العلم ودي طبعاً خطوة عواقبها غير معلومة فبلاش منها أحسن :chains:

لكن في نفس الوقت، العلماء المؤيدين لنظرية التصميم الذكي بيطرحوا اسئلة مستحيل الاجابة عليها باستخدام نظرية داروين- زي مثلاً: ازاي الطيور المغردة تقدر تغرد مئات الألحان بمخ حجمة واحد على ألفين من مخ البشر :واه يابوي مين اللي علم النمل يبني مستعمرات معقدة وعلم النحل يصمم خلايا بالغة التعقيد؟

كل دي أسئلة بتقوي نظرية التصميم الذكي وتضع عبارة "it's all due to chance" أو "كل شئ يرجع إلى الصدفة" في موقف حرج :surrender

بعد هذا الموجز القصير نعود لنظرية داروين وان شاء الله نفضل متابعين تطورات نظرية التصميم الذكي في أروقة العلم...

[ماسة]

يلا نكمل :hot:

في طبقة من المخلوقات اسمها ال Tetrapoda أو الحيوانات اللي لها عمود فقري وبيعيشوا على اليابسة او الأرض يعني :D
نظرية النشوء بتقول ان الحيوانات دي هما تطور السمك :واه يابوي مع ان الاعتقاد دة تشريحيا وعضوياً مستحيل ومفيش أي حفريات بتثبت الاعتقاد دة.

السبب ببساطة ان عشان السمكة تقدر تعيش على الأرض لازم تمر بتغييرات جذرية في كل أجهزة جسمها تقريبا، يعني مثلا الخياشيم هتتحول لرئة، الزعانف لازم تكتسب خواص الأقدام عشان تقدر تشيل وزن السمكة وهي ماشية عالأرض، والجلد لازم يكتسب خواص تمنعة من فقدان الماء. لو كل التغيرات دي مكنتش موجودة في نفس الوقت، السمكة مش هتعيش أكتر من دقايق على الأرض. المشكلة كمان ان كل التغيرات دي لازم تحصل في حياة سمكة واحدة :واه يابوي

المؤمنين بنظرية داروين بيفسروا ظهور الأقدام ازاي؟ تفسير سطحي جداً وفية لمحات من نظرية لامارك اللي أثبتت فشلها-أثناء زحف السمك على الأرض، ظهرت لة الأقدام :واه يابوي

http://www.harunyahya.com/images_books/images_refuted/69.jpg

ولأن فكرة ان كل التغيرات دي تحصل في فترة حياة سمكة واحدة فكرة غير منطقية بالمرة، "الداروينيون" اخترعوا حل تاني- السمك كان عندة الاستعداد انة يكون أقدام ورئة وجلد مختلف وهو لسا في البحر من قبل ما يدرك انة هيحتاج التغيرات دي بعدين وسموا الفكرة دي "preadaptation"

لكن الفكرة دي بتختلف جداً مع فكرة النشوء الاساسية اللي بتقول ان المخلوقات بيكونوا أعضاء جديدة لما يحتاجوهم. في حالة السمك، لية هيحتاجوا أقدام وهما في البحر لو الأقدام دي مش هتفيدهم أبدا؟

بسبب كل التناقضات جي، "الدارونيون" بيعتبروا انتقال السمك من الماء لليابسة معجزة من معجزات الطبيعة اللي عيب نناقشها ونختلف معاها :D

المثال اللي كل "الداروينيون" بيتشدقوا بة هو حفرية لسمكة بتعود للعصر الدوفياني وجدت في كندا لأن الخياشيم بتاعة السمكة دي تكوينها لحمي أكتر من السمك اللي موجود حالياً :واه يابوي
بس كدة. يعني ولا السمكة دي من الكائنات الانتقالية للبرمائيات ولا أي حاجة:dntknw:

http://www.harunyahya.com/images_books/images_refuted/71.jpg

نكمل المرة الجاية :flowers:

[بلوومي]

السلام عليكم/
انا عضوة جديدة في المنتدى و قرأت هدا الموضوع و مرة عجبني قصتي اني أعرف ملحد يؤمن بنظرية دارون و الاصطفاء الطبيعي و كنت بدور على شيء علمي يساعدني في الرد عليه فجزاكم الله خير على هذه الافادة
و اتمنى انو تستمروا في الشرح

[ماسة]

أهلا بلومي
الشرح هيكمل ان شاء الله :flowers:

[بلوومي]

شكرا يا ماسة و ان شاء الله ينكتب في ميزان حسناتك و كمان اشكرك لكتابة الموضوع بطريقة فكاهية مشوقة ساعدتني اكمل و اكتب نوتة بالكلام اللي هقولو للولد دا بطريقة ما تزعلوا او تنفروا

[بلوومي]

عفوا انا عارفة انو سؤال مو في مكانه بسس انا دوبي اتطلع على الموضوع من اوله و عندي سؤال في الجزئيات الاولى
السؤال هو: دارون اعتمد على الطيور بس و لا انت كتبت الطيور كمثال؟
معليش سؤال تاني:
قلتي انو دارون اعتقد ان كل الاجناس كانت عبارة عن فصيلة وحدة يعني كل الطيور كانت فصيلة وحدة مثلا كلهم طاووس و اترقو و صار في طاووس و حمام و كدة و لا الحمام كان نوع واحد و سار نوعين و الطاووس كان نوع واحد و سار نوعين؟
اعذريني على السؤال البايخ بس ما استبعد بساطة تفكير الرجل دا
شكرا

[بلوومي]

سؤال تاني الله يعينك علية هي هي
ايش الفرق بين نظرية الاصطفاء الطبيعي و التهجين المبدأ العام واحد مع وجود شوية اخطاء صح؟ يعني يمكن هو الشي الوحيد انو ما كان علم الجينات مجود بس هادا ما يؤدي انو النظرية غلط بالكامل و لا انها صح بالكامل يعني انا في رأيي تصحيحها يكون بانو نقول عنها انها فرضية صلح فيها و اثبتها مندل فصارت تهجين

ايش رايكم؟

[ماسة]

السؤال هو: دارون اعتمد على الطيور بس و لا انت كتبت الطيور كمثال؟
داروين أسس نظريتة بدراستة لطيور ال finches، يعني اعتمد عليها في المقام الأول
معليش سؤال تاني:
قلتي انو دارون اعتقد ان كل الاجناس كانت عبارة عن فصيلة وحدة يعني كل الطيور كانت فصيلة وحدة مثلا كلهم طاووس و اترقو و صار في طاووس و حمام و كدة و لا الحمام كان نوع واحد و سار نوعين و الطاووس كان نوع واحد و سار نوعين؟
لا داروين اعتبر ان كل الاجناس تطوروا وارتقوا من كائن واحد اللي هو المخلوقات الاحادية الخلايا أو اللي لها خلية واحدة.
:flowers:

[ماسة]

سؤال تاني الله يعينك علية هي هي
ايش الفرق بين نظرية الاصطفاء الطبيعي و التهجين المبدأ العام واحد مع وجود شوية اخطاء صح؟ يعني يمكن هو الشي الوحيد انو ما كان علم الجينات مجود بس هادا ما يؤدي انو النظرية غلط بالكامل و لا انها صح بالكامل يعني انا في رأيي تصحيحها يكون بانو نقول عنها انها فرضية صلح فيها و اثبتها مندل فصارت تهجين

ايش رايكم؟

التهجين هو وسيلة لتحسين القطعان في جميع الأنواع الحيوانية المستأنسة أو selective breeding.
حسب نظرية الاصطفاء الطبيعي، الطبيعة بتختار الأفراد الأقوى والأسرع الخ عشان يعيشوا. التهجين باءة المزارع أو اللي مسؤل عن الحيوانات بيزاوج ما بين سلالات اللي لها خواص أحسن بتميزها عن غيرها
لكن ازاي حضرتك بتقول ان مندل صلح في نظرية الاصطفاء الطبيعي فبات التهجين؟

[بلوومي]

اشكرك على الرد
انا قصدي انو الاصطفاء الطبيعي المقصود منه انو بدون تدخل من الانسان و الطبيعة تختار من عندها بس مبداها انتاج سلالة جديدة لها مميزات و صفات افضل من اللي قبلها و التهجيين له نفس المبدا دا يعني على سبيل المثال علما انو افتراضي هادا المثال نقول الحصان العربي قوي سريع ...الخ و الحصان الفلاني فيه مميزات تانية كويسة قاموا زاوجو الاتنين فسار في سلالة جديدة افضل من دي و دي فاخدوا هدي السلالة الجديدة و زاوجوها مع حصان عربي اصيل فسار افضل من اللي قبله و هكذا يشبه لحد بعيد الاصطفاء الطبيعي غير انو في شوية مبادئ خاطئة في الاصطفاء الطبيعي وضحها لنا مندل مو كدة ولا انا فاهمة غلط؟
السؤال الجديد ايش وجهة التناقض مع الدين في الاصطفاء الطبيعي؟

بعدين كاجابة لواحد من تساؤلات مندل عن المشكلات اللي اعترضت طريقه
اللي هية كيف الاصطفاء الطبيعي يشرح تطور اجزاء معقدة كالعين و الاذن الحل لها انو الجينات الخاصة بالعين تحسنت بتزاوج النوعية الكويسة من الحيوانات او انا سمعت معلومة مو واثقة من صحتها انو الصينيين اعصاب عينهم اكتر من الناس التانين
كما انو في اختلافات في الشكل اللون الخ...
بالنسبة لي الاصطفاء الطبيعي من اصعب النظريات اللي عدت عليا انشاء الله ما اكون لخبطت معلوماتكم
و اخيرن الحمدلله على نعمة الاسلام و اللهم اني اعوذبك ان اشرك بك و انا اعلم و استغفرك لما لا اعلم

جزاك الله خير

[ماسة]

الاصطفاء الطبيعي لا يؤدي للتطور لسبب بسيط- الاصطفاء الطبيعي بيختار الاقوى عشان يعيش ودة ممكن يخلي قطيع الغزلان مثلا اللي يعيش منهم هو الاسرع لكن دة لا يمكن يخلي الغزلان يرتقوا لسلالة اخرى. مينفعش يرتقوا لنسور مثلا.

بعدين كاجابة لواحد من تساؤلات مندل عن المشكلات اللي اعترضت طريقه
اللي هية كيف الاصطفاء الطبيعي يشرح تطور اجزاء معقدة كالعين و الاذن الحل لها انو الجينات الخاصة بالعين تحسنت بتزاوج النوعية الكويسة من الحيوانات او انا سمعت معلومة مو واثقة من صحتها انو الصينيين اعصاب عينهم اكتر من الناس التانين
الجينات مبتتحسنش يعني لو غزالة سريعة تزاوجت بغزالة سربعة زيها وانتجوا غزلان سريعة تانية والحكاية دي استمرت ازاي العين هتتطور؟ الغزلان ممكن يتغيروا لغزلان أسرع وأقوى بس عمرهم ما هيتطوروا لمخلوقات تانية مهما حصل.
مثال تاني-فرضاً اتنين جيناتهم اللي بتحدد قوة النظر جينات مثالية فنظرهم قوي جداً. هل بمرور الزمن عيون احفادهم هتتطور لعيون زي عيون النحل؟ لا يمكن لأن الجينات عمرها ما هتتغير التغيير الجذري اللي يخلي للبني ادميين عيون النحلة او عيون الصقر.
:flowers:

[مـؤيـد]

ماشاء الله ..
جزاكِ الله كل خير يا ماسة
كل ماشوف الموضوع ده .. استفيد حاجه جديده ..
ربنا يكرمك :)

تحياتي

[ماسة]

جزاكِ الله كل خير يا ماسة
:flowers:

الحلقة الجديدة قريبا :bud:

[ماسة]

نظرية النشوء بتفترض ان السمك أجداد المخلوقات اللي بتسكن الأرض :واه يابوي
بغض النظر عن ان الكلام دة غير منطقي، لو تأملنا الاختلافات التشريحية الجوهرية اللي بتفصل المخلوقات اللي بتسكن الماء عن اللي على الأرض، هنشوف ان لا يمكن الاختلافات دي تكون ظهرت بسبب تغيرات بسيطة عبر ملايين السنيين.

من أهم الاختلافات التشريحية:
:fish2: السبب الأول حِمل الوزن: المخلوقات اللي بتسكن الماء معندهمش أي مشكلة في حَمل أوزانهم وأجسامهم متقدرش تسندهم أو تدعمهم خارج الماء. لكن لو نشوف المخلوقات اللي على الأرض، هنلاقي انهم بيستهلكوا 40% من طاقتهم عشان يقدروا يسندوا أجسامهم. يبقى عشان اي مخلوق بيسكن الماء يعيش بنجاح على الأرض، لازم يكتسب جهاز عضمي وعضلي جديد تماماً ودة لا يمكن يحصل من خلال التحور

:fish2: السبب الثاني ان السمك بيتخلص من فضلاتة في البحر على طول، لكن المخلوقات اللي بتسكن الارض بتتخلص من فضلاتها عن طريق الكلى. فعشان السمك يسكن الأرض، لازم يكتسب كلى كمان. والكلى تشريحيا عضو معقد ومكركب جدا في الجسم ولا يمكن برضة يظهر مع التحور

http://www.physioweb.org/IMAGES/kidney.jpg
كللل دة ممكن "يُكتسب"؟

:fish2: سبب تالت كمان هو ان على الأرض، الج&#