ســاحة صُناع الحياة في القهوة

[تقي الدين]

:flowers: :flowers: :flowers: :flowers:
بسم الله الرحمن الرحيم
السلام عليكم ورحمة الله وبركاته كل أهل القهوة.. أنا أعرض هذا التنبيه الهام.... وهو يتعلق بمشروع صُناع الحياة..
طرح بعض الأصدقاء هنا في القهوة في شهد الكلمات في (مُلتقى صُناع الحياة) فكرة رائعة وهي تأسيس ساحة في القهوة خصيصاً لمشروع صُناع الحياة بجوار الساحات الأخرى، وبعد بداية البرنامج في يوم الثلاثاء الماضي الموافق 22/2/2005 وجدنا أن مثل هذا الموضوع سيكون غاية في الإفادة والإثمار.. خاصة بعد أن أصبح صُناع الحياة أهم برنامج في العالم العربي والإسلامي وأصبح مشاهطيه يزدادوا كل يوم بالملايين..
ويمكن تقسيم هذه الساحة إلى عدة مواضيع يحتوي كل موضوع على مجال من المجالات الـ11 التي يقوم مشروع النهضة عليهم ويتناقش البرنامج فيهم وهم:
1- البطالة
2- الصناعة والعمل الحرفي
3- الزراعة
4- التعليم
5- الصحة والبيئة والرياضة
6- المرأة
7- السكينة الاجتماعية وذووي الاحتياجات الخاصة
8- الفن والثقافة
9- البحث العلمي
10- التكنولوجيا
11- وحدة بلادنا
بالإضافة إلى كتابة أي موضوع آخر يتعلق بصُناع الحياة في هذه الساحة.. ولكن هذه الـ11 مجال ستكون دائمة.. ونقوم بتثبيت المجال الذي نعمل فيه وقتها مع بعضنا البعض في البرنامج لننهض فيه..
هذه إحدى الأفكار المبدئية التي خطرت ببالي، وهناك المزيد والمزيد يمكن طرحه بعد تأسيس مثل تلك الساحة إن شاء الله..
المهم الآن هو البداية في تأسيسها.. كنت سأتقدم للمسئولين هنا في القهوة بالطلب ولكني وجدت أنه لن يكون مقنع عندما يطلبه عضو واحد فقط.. فقررت أن أعرض استبياناً يشارك فيه جميع الأعضاء الموافقين والغير موافقين على الفكرة وهذا الاستبيان موجود في موضوع (مُلتقى صُناع الحياة) الموجود في شهد الكلمات.. على هذا الرابط:
http://www.haridy.com/ib/showthread.php?t=40787 (http://www.haridy.com/ib/showthread.php?t=40787)
أرجو من جميع صُناع الحياة الإيجابية والمشاركة.. فهذه الفكرة ستعود على صُناع الحياة هنا في القهوة بالخير الكبية وستزيد أعضائها.. أرجو السرعة يا شباب حتى نقوم بتقديم الطلب للمسئوليين سريعاً قبل أن تكثر مشاريع صُناع الحياة وتتراكم حلقات البرنامج..
أنا في انتظاركم..
وفي أمان الله..
:flowers: :flowers: :flowers: :flowers:

[Amr_not_Amr]

أنا عن نفسي مش موافق
وده رأئيي
وأنا باقولها من النهاردة
رغم المؤشرات اللي أنت بتقولها
صناع الحياة بدأت طريق الإنهيار من أشهر
بسبب التغافل عن نقاط أساسية لا يمكن أن تغفل
وعموما ليس هذا هو الموضوع
بس أنا حدسي يخبرني ]ان إنهيار صناع الحياة سيكون كبير وفي مستقبل ليس ببعيد
عموما ده رأئيي

[مـؤيـد]

جميل يا تقي :flowers:
انا بأه موافق وبشده شديدة شدا :)

وجزاك الله خير يا تقتق :tu: :tu:
أسلوبك هايل على فكرة :tu:
!
!
!
!
اخ عمرو مش عمرو
ممكن تفهمنا سبب اقتناعك بأن صناع الحياة حيفشل؟ :)
او بدأ في طريق الانهيار-على حد قولك- :)


تحياتي للجميع :flowers:

[Islam Prince]

يـا أخ Amr not Amr مع احترامي لوجهة نظرك.. يـا ريت ما تعضش تقول كلام وخلاص ويا ريت لما تقول حاجة زي دي ((صناع الحياة بدأت طريق الإنهيار من أشهر بسبب التغافل عن نقاط أساسية لا يمكن أن تغفل..)) يا ريت توضحلنا إيه هي النقاط الأساسية اللي تم التغافل عنها يمكن نقدر نستفيد منها أو يمكن نرسلها إلى البرنامج لعلها تفيدهم.. بدلاً من أما تعض تنتقد وخلاص.. أما إذا ماكنش عندك أي نقاط تقدر تقولها فمكانلهاش أي لزمة المشاركة دي.. أنا في انتظار ردك لتوضح لي.. واعذرني إن كانت لهجتي شديدة شوية.. بس أصلي لم أسمع لهجة احباطية بالطريقة دي منذ سنين..

[details]

ضاع التفاؤل ضاع التفكير حتى فى التفاؤل ضاع حتى الكلام فى التفاؤل ضاع حتى معنى التفاؤل ضاع حتى تفاؤل نفسه ولم يبقى إلى ما بقى من فشل وكسرة للعزيمة وحتى تكسير وتعميق وتفليق وتخزيل لك تفاؤل يسير


وحاسرتاه على عقل لم يفكر ولم بنتج أفكاره بل انتج تشتت وانتج الطريق المضاد للنهضة أو حتى شوك صغير ينمو كل فترة مع الزمن فهل يظل ينمو ام تجرفه قوة الإعصار الناتجة عن إعصار امة ونهضتها..

واحسرتاه على نفس لم تتمتع بعمل الجماعة ولم تتمتع بطعم الجماعة فهل لها ان تعيش طويلا ام تدخل شقوها مرة اخرى لتعيد دورتها من جديد التى قد بدأتها من فترة ولكن لن تطول كثير فقد يدخل عليها النور من كل إتجاه ولن تفيق إلا به ووقتها تقول

واحسرتاه على زمن لن يرجع.... لن يرجف لن يرجع

واحسرتاه على تكديس لأفكار فى طبق واحد مما يقرف من يأكله ويقرف من ينظر إليه ولم يستطيع حتى أن يشم رائحته فهل لنا ان ننظم الأفكار حتى نقدر على اكلها او حتى شمها او حتى النظر إليها

واحسرتاه على من تنازل على هدف وتنازل عن حلمه وتنازل عن مكانته فهيه محفوظة له ولن يعوضها غيره ولن يجلس مكانه إلا هو فهل يرجع لكى يكمل ام انه يقف حتى نقطة تماثل وحيدة حتى يجرفه الكلام ويجرفة ما يجرف الزمان ويجرف الولدان ويجرف الفرسان ألا وهو....

سأظل أردد واحسرتاه حتى تدب فى كل امل ويدب فى كل عزيمة ويدب فى كل تفاؤل حتى يجد مكانه فى قلبى ويجد ما حلمت به أمامى وهو اخوان واخوات أراهم يشاركون بناء امة كانه فيلم تصويرى او حلم احلمه وأنا لم انم طول حياتى أو كحصان |أمطتيه لكى يجوب بى اجواء كل قلب امامى وأرى فرحتهم واحسها حتى بعينى هل انا احلم .. البعض يقول ذلك وسيظل يقول ذلك ولكن ما هو على الورق لا يقبل فى هذا الزمان فكيف يكون الحال الأن انظروا وأحكموا هذا هو الحال.. كل شىء مثبوت بالصورة والصوت كل شىء مثبوت بالحقيقة والخيال كل شىء ياتى وكأنه حلمك يسير ليقاربك وياتى ويطمئنك فهو بخير ينتظر عملك ينتظر جديتك ينتظر إبتسامتك ينتظر ذرة من تفاؤل

تحى أمة

لك كل أحترامى اخى عمرو دوت عمرو ولكن حينما يتغلب عليك عقلك يجب أن تفكر به فهو مفتاحك وليس هو ما كل شىء يجوب على العلم(التفكير العلمى) فهو صحيح حينما يتحرك قلبك وعقلك فلا تحكمهما فهما الغريزة الوحيدة نحو نجاحك

اما عن الكلام العلمى فهو علمى بقلبى وعقلى وليس بورقتى ونظرتى الخطأ فقد تكون وقد لا تكون فأنت ادرى أين هية ..

لك منلى كل إحترامى ولك تقديرى اخوك فى الله وليس اختك:wub:





جزاكم الله خيرا اخى تقى الدين ولكن لم أفهم ما هو المطلوب مننا..؟؟

نرجو التوضيح فى نص الموضوع..؟ ورردة

اخوكم فى الله

[Amr_not_Amr]

السلام عليكم
أولا أنا كنت في بداية البرنامج من أكثر المشجعين له
حتى إني كنت باحضر الإجتماعات التأسيسية لجمعية صناع الحياة عندنا
ثانيا هابدأ أقول نقاط الاعتراض أو النقاط اللي شايف أنها هتسبب إنهيار لصناع الحياة في نقاط مختصرة
1- التحدث عن القومية العربية والعروبة بالرغم من أي أي إنتصار لمسلمين لا يمكن أبدا أي يحقق إلا تحت راية الإسلام .. حتى أن المسلمين في الدول الغير عربية اللي أرسلوا مشاركات لهم تم تجاهلهم تدريجيا
2- التنازل عن أسياسيات .. وأبسط مثال لكده الإعلان بتاع صناع الحياة المرحلة التالتة المدرسة اللي فيه لا كانت محجبة ولا حتى حجاب مقنع .. فيه فرق بين أننا نقول خللي الناس دي تشارك معانا وده هيجر رجلهم وإن شاء الله يبقوا كويسين وبين أننا نعرضهم في مكان القدوة .. وأظن أن الشرع لا يوافق أبدا على الكلام ده .. وممكن أديك أمثلة لردود فعل الناس لو تحب
3- إدخل ساحة حوار صناع الحياة واذكر أن فيه إنتقاد ما وجه من شخص ما لصناع الحياة عارف هتلاقي الرد إيه .. "أصل دول حساد" وهتلاقي تعصب لمجرد التعصب يخلو من أي رد علمي ولو عايز أجيب لك لينكات لحاجات في الموقع أجيب لك
4- أن بدأ صناع الحياة يكون زي مدرسة فكرية عن بعض الشباب يعني بيعتقدوا أن صناع الحياة "هي الفهم الصحيح للإسلام" وأن المفروض أننا نتخلى تماما عن أي مواجهة من أي شكل مع الحكومات ونحط إيدنا في إيدهم .. والله العظيم الكلام ده من مسئول ومؤسس أكتر من جمعية صناع حياة في مصر وممكن أذكر لك إسمه وقالهولي أنا شخصيا مش حد تاني ... طبعا هما لو يعرفوا اللي فيها هيعرفوا أن لولا الناس التانية اللي بتواجه وبتتأذى في سبيل الله كانت الحكومات فضت لهم وهاجمتهم هما كمان

ومش هاقولك أن فيه أخطاء علمية شرعا كتير في الاسشتهادات والفتاوى الخفية يعني من غير ما اﻷستاذ عمرو يقول أنه بيفتي بتتقال في وسط الكلام

ونقاط أخرى ليست حاضرة في ذهني اﻵن

وعلى فكرة فيه ناس ممكن تذكر حاجت أشد من اللي أنا باقولها بس أنا مش معاهم

[Amr_not_Amr]

ياريت يكون الرد علمي
وليس على نفس وتيرة "ضاع التفاؤل" "ده حسد" ...
وعلى فكرة رد اﻷخ أو اﻷخت ديتيلز ده نموذج لرد غير علمي هوا اﻷصل عند من يعملون في مسيرة صناع الحياة
والله يعلم الله كم أتمنى أن تصوب هذه اﻷخطاء ﻷكون معهم في المقدمة
ويعلم الله كم دافعت ولازلت أدافع عن اﻷستاذ عمرو خالد ولكن ليس بالحق وبالباطل ما أراه خطئا لا أدافع فيه وما أره صوابا وحقا أدافع عنه

[details]

الأخ عمرو انا عدلت المشاركة بتاعتى ياريت تقرءها
























المرحلة الثالثة من صناع الحياة


الحلقة الأولى



يلا نبدأ المرحلة الثالثة من صناع الحياة لا مش صح...

الصح يلا نبدأ صناع الحياة.

أصل المرحلة الثالثة بصراحة هي البداية الحقيقة لصناع الحياة أو قل هي بداية مشروع نهضة بلادنا

22/2/2005 لا تنسوا هذا التاريخ ..ده تاريخ النهاردة هو البداية الحقيقة الفعلية لصناع الحياة ومشروع النهضة.



أمال اللي فات كان آيه؟

إثبات جدية ، تعاهد بالعمل في المشروع ، عربون الصدق ، دليل الإصرار والنهاردة البدء الفعلي لمشروع نهضة في 20 سنة... فات منهم سنة ماضية مرحلة التعهد بالبدء واثبات الجدية والباقي من عمر المشروع 19 سنة تبدأ اليوم 22/2/2005

ياه!!! سنة إثبات جدية وتعاهد ..أيوه..



وكل المشروعات السابقة في المرحلة الأولي والثانية اللي عملناها كانت إثبات جدية!! ايوه!!

الـ الآلاف بل الملايين اللي شاركوا كل ده لم يكن مشروع النهضة طبعا لا.. كان ايه ؟؟؟؟ إثبات رجولة وجدية



كنا بنوقع راية مين يعاهدنا على مشروع النهضة وما كنتش عارف الشباب جاد ولا لا ؟ ولأن اللي عايز يعمل نهضة لا يصح ينخدع بالحماسة المؤقتة كان لازم سنة كاملة تجربة للجدية .

زي مثل اللي ضربناه بنركب طائرة ونقلع إلي النهضة واحنا على الرن واي بنبص نلاقي نفسنا لوحدنا في الطائرة والطيارة فاضية ، لذلك كانت سنة كاملة مشروعات اتعملت وفرق صناع الحياة وشباب وبنات كل ده كان عربون إثبات الجدية وعلشان كده كل شوية وطول رمضان عمالين نركز معاكم على الصبر والتضحية لأنهم عربون الجدية.



عارفين الرجل المتحمس اللي راح النبي يبابيعه ، فالنبي وجده متحمس فقال له يا بشر سيراق دمك ويعقر جوادك يعني صبر وتضحية .... فقبض يديه فقال له النبي لا صدقة ولا جهاد فبما تدخل الجنة.




كل اللي فات والشباب اللي اشتغل لم يحقق شيء للنهضة؟؟ لم يكن له قيمة في إحداث النهضة؟

كان مجرد إثبات جدية



لا إحنا نجحنا في المرحلة الأولى والثانية بشدة ..التعاقد أصبح وثيق وطلع الشباب

اللي بيتهمه ناس كتير بالضحالة والسلبية

لا أول لما وجدوا كلام بجد طلعوا رجالة واشتغلوا ودفعوا عربون الجدية

عارفين..زي أيه النبي والأنصار .. ......قصة بيعة العقبة الأولى والثانية والثالثة ، كلما يقول لهم روحوا وارجعوا السنة القادمة ويطلب منهم أشياء بسيطة لينظر الجدية والعزيمة والإصرار فلما نجحوا وتأكد من جديتهم.. يوم هجرته واتفاقه معهم كان بداية النهضة

واحنا نجحنا السنة الماضيٍة والنهاردة 22/2/2005 مش بنعاهد واحد منا... لا بنعاهد ربنا ونبينا .هو كما عاهده الأنصار ونحط ايدنا في ايده ..هــاه جاهز حط ايدك النهاردة بقه إثبات الجدية، السنة اللي فاتت كانت بداية مشوار النهضة ، البداية الحقيقة لمشروع النهضة طب والناس اللي شايفانا الآن ولم تعمل معانا في المرحلة الأولى والثانية ، لعل كل واحد منهم الآن يمد يده هو كمان ويقول معاكم في طريق النهضة ويسبقنا.



((ليت العبرة بمن سبق ...أنها العبرة بمن صدق))



مد ايدك ..ياللي أنت جديد معانا وعاهد ربنا ونبيه .نعمل نهضة وإن فات منك سنة .. يلا كمل معانا ال 19 سنة اللي جايه وتقابل ربنا ترفع ايدك تلاقي العهد منور ايدك



(( يوم ترى المؤمنين والمؤمنات يسعى نورهم))



طب .. إحنا ايه اللي حققناه حتى الآن في صناع الحياة ، علشان نقول أن إحنا نجحنا في إثبات الجدية وصرنا مؤهلين للبدء الفعلي في النهضة.






حجم المشاركة في مشاريع صناع الحياة

مشروع لا للتدخين

700،000

محاربة المخدرات

20،000

جمع الملابس

1،000،000

إرسال أحلام النهضة

700،000

التصويت على أحلام النهضة

1،000،000




يا جماعة خلينا واقعيين ... النتائج ديه كانت عظيمة لإثبات الجدية لكن لا يمكن تعمل نهضة وأحنا كنا فرحانين بيها أوي لأنها كانت إثبات يؤكد جدية الشباب والبنات وأن الروح لسه بتدب في جسمنا وأن الأمل موجود وأن احنا ما متناش



كنا عملين زي اللي حاطط ودنه على قلب واحد افتكره مات فلقى القلب بينبض ..ففرحان... قلبه بيدق ما ماتش ما ماتش لا وكمان قام وحرك أيده ورجليه ووقف وأتحرك وابتسم ...لكن نهضة....لا لسه بدري ..هي ديه السنة اللي فاتت..



فاكرين 10/2/ 2004 ؟؟؟ أول بداية لصناع الحياة وحكاية الشاب اللي في حجرة مظلمة مقيد بعشر قيود .. أهو فك قيوده كان شغلنا السنة اللي فاتت .



تعالوا نشوف الفيلم تاني + جزء من فيلم الطائرة



هذا الفيلم شوفناه قبل كده وفرحنا بيه ، ولكن تعالوا نعيد النظر له من زواية أخرى .

ده شاب في مستهل حياته ، أكيد ليس عنده خبرة يمكن لا زال يدرس أو لسه متخرج أو عنده خبرة لكن يأس من النهضة ولو عنده حلم أو أمل ولو عنده خبرة وأمل لا يملك المال.

هو ما كانش عايز يعمل حاجة.

الآن متحمس وعنده أمل ..رجل جاد وهي جدعة جادة

حماسة وأمل صحيح ..بدونهم لا نهضة

لكن وحدهما مش كفاية

فما كان يمكن أن يصنع في ذلك الوقت .. جمع الملابس ، ملصقات .شيء رائع في هذه المرحلة لكن هل يمكن أن يصنع نهضة ..طبعا لا


البدائل

§ هل ننتظر لما يكبر ويكون عنده خبرة.

§ هل نستمر في الأعمال البسيطة النافعة الجميلة مثل جمع الملابس وشنطة رمضان وملصقات لا تؤذنا بدخناك ؟

§ هل هذا ينفع ؟؟؟؟

لا ...

نريد الوصول بعد 19 سنة ... فات سنة يا شباب



النهضة محتاجة خبرة + فلوس + حكومات توافق

المرحلة الثالثة وبداية النهضة محتاجة حماسة وأمل الشباب ده معانا من السنة اللي فاتت + خبرات في كل المجالات + فلوس لتنفيذ المشروعات الكبرى + حكومات تدعم الشباب وتساعدهم وتوافق على أفكارهم .



كل كده كنا مخبينه عليكم ... كنا عارفينه لكن لم نقوله لكم

لأن لو قلت لكم في المرحلة الأولى من الأول ما كان سيخرج من الحجرة الضلمة لأن اليأس كان سيدب فينا ..لكن الآن بعد ما خرج لازم نقول لكم وهي ديه المرحلة الثالثة

الآن محتاجين للنهضة حاجات كثيرة ..



حكومات تحط ايدها في أيدينا والناس الكبار.. خبرتهم ، وخبرات الناس التانية والدول التانية

إذن المرحلة القادمة لكي ننجح ونعمل نهضة ليس بينا لوحدنا

المطلوب : هو البحث عن شركاء من أجل تحقيق النهضة وعلي كل المستويات يمكن عقد هذه الشراكات



في البيت: ما الذي يمكن أن يقدمه أبوك اللي مش فاضي يسمع البرنامج ..من أجل صناعة الحياة لازم يشارك.



في الجامعة: هل يمكن أن نطمع أن يكون للأستاذ دور إضافي فوق أعباء التعليم والأبحاث التي يقوم بها أن يشترك معاك في مشروع النهضة ؟؟

لازم علشان ننجح في المرحلة الثالثة مشاركة الخبراء وأهل الخبرة .



في المسجد: عمي وعمك من أصحاب الخبرات الكبيرة اللي وصلوا لسن التقاعد ومعاهم كنز من الخبرة ممكن نعد معاه من المغرب إلي العشاء في المسجد أو في أي مكان علشان نفكر ازاي نحقق الحلم

أنت حماسي زيادة وخبرة أقل .... هو خبرة أزيد وحماس أقل

أنت تقول عليه دقة قديمة

هو يقول عليك شباب فاضي لا يعمل شيء



فكرة التواصل بين الأجيال سنحققها من خلال هذه الشراكة



الجمعيات الخيرية والأهلية

رجال الأعمال

الوزراء المخلصين في بلادنا

علمائنا وخبرائنا المغتربين في أوربا وأمريكا والصين واليابان...



عاوزين جهات من كل مكان تساعدنا علشان نبني بلادنا.

لن تقوم النهضة على أكتاف مشاهدين برنامج تليفزيوني وحدهم

ولكن ... هؤلاء يمكن أن يفعلوا العالم كله من أجل تحقيق الحلم



لقطة دبي



هذا نموذج لطريقة تفكيرنا في المرحلة القادمة.

ممكن يتعمل أكبر منه وممكن يتعمل أصغر منه ، شباب مع مدير المدرسة الثانوي ، موظف مع رجل أعمال كبير



اللي فات كان قليل جدا

القادم هو الصعب وبداية النهضة.

قيمة الماضي ... نحن قادرون

أصبح عندنا سهم نضعه مع أطراف أخرى لازم ندخل معاهم في مشروع النهضة ..لا ليس سهم فقط ..ده احنا 51% ال 207 بتاعنا في السنة اللي فاتت .. مشروعات البداية

أنتم شركاء الآن باسهم اسمها حماسة الشباب وأمله ، مهمتنا سنة شغل وقوة السهم بعهدنا مع ربنا ونبينا

الشركاء دول مسئوليتنا كلنا (زي ما دورنا جاء الأمم المتحدة)، كل واحد فينا لازم يدور على هؤلاء الشركاء ، لان إحنا وحدنا مشاهدي صناع الحياة لن نستطيع الوصول لهم وحدنا .

محتاجين اللي ما يشاهدوا وعندهم خبرة وسنصل إليهم عن طريق مشاهدي صناع الحياة ، أيوه ..إحنا قمنا وتحمسنا لكن التحدي إضافة خبرات أستاذك في الجامعة والوزير فلان وهم مستعدون... لكن لم يشاهدوا ..هذا دوركم البحث عن شركاء الخبرة والمال



تعالوا نلخص كلامنا اللي فات

1. كل ما مضى كان إثبات جدية ... النتيجة نجاح بتفوق الحمد لله

2. لكن اللي فات لا يصنع نهضة ... نحتاج مشاركة أهل الخبرة والمال والحكومات

3. من المرحلة الثالثة تضافر جهود الشباب والبنات والنساء 51% مع جهات أخرى كثيرة عربية وعالمية

4. إيجاد هذه الشركات مسئوليتنا جميعا من أصغر شاب أو طفل إلي أكبر مشاهد لصناع الحياة ، لبحث عمن يساعدنا وشغله معاك أو ابعت أسمه أو فكرته على الفاكس

[Amr_not_Amr]

لا تعليق
أنا مش معترض على الكلام سيدي الفاضل
ومش معترض على فكرة صناع الحياة
أنا قلت أن فيه أخطاء لا يمكن أن تغتفل وتمر مر الكرام
وطول ما الأخطاء دي موجودة أنا هافضل أقول لا
ويوم ما تتصلح إن شاء الله أكون من الأوائل

[مـؤيـد]

جزاكم الله خير أخ عمرو :flowers:

ربنا يهدينا ويهديهم :) :flowers:

[Islam Prince]

السلام عليكم ورحمة الله..
أخي Amr ذكرت لك في البداية أني أحترم وجهة نظرك وأنه لا مانع أبداً في أن تنتقد..ولكن أنعلم أين هي المشكلة بيننا ؟؟ هي أنك تعترض على بعض النقاط في صُناع الحياة لعله يوجد من يشاركك الرأي ولعله يوجد من يخالفك فيها، ثم لا تذهب بتلك النقاط وتحاول حلها.. ولكن تذهب بعيداً وتتركنا وتقول هم يعملون بطريقة خطأ هم فعلوا كذا وكذا وكذا.. ولكنك لا تأتي لتنصحنا أي أنه بدلاً من أن تصلح ما هو معيوب في مشروع نهضتنا كلنا.. لأ انت بعدت وبــس. معنى كده إن كل واحد فينا تواجهه حاجة مش شايف أنها صح يقوم ماشي وسايبنا.. لأ بكده عمر ما هتقوم نهضة.. لازم نشارك بعض الآراء والنتقادات وكل حاجة.. مافيش طريق تاني لينا يا أخي Amr، مافيش حل تاني جميع الأبواب غلقت ولم يبق لنا إلا هذا الدرب المفتوح ولكن يحتاج مننا تضحية.. مش معقةل في أول عقبة أو خلاف نتفرق ونبعد..


أما بالنسبة للنقاط اللي أنت ذكرتها.. فأنا اتفق معك في النقطة الأولى بإن نهضة زي دي لازم تكون تحت راية الإسلام.. ومع إن مافيش حلقة بتفوت إلا ما يتم الاستشهاد فيها من الأستاذ عمرو خالد يا بآيات قرآنية أو بقصص من السيرة النبوية.. ولكن برده أنا معاك في النقطة دي لازم يتم اشراك جميع المسلمين من جميع أنحاء العالم بكل جنسياتهم وألا تقتصر النهضة على الوطن العربي، لكن يمكن ظروف البرنامج من مكان تصويره ومشاهدينه ومقدمه يجعله موجه للعرب أكثر.


أما بالنسبة للنقطة التانية واللي انت بتقول فيها إنه تم التخلي عن أبسط النقاط الأساسية، فأنا مش معاك فيها إنت بتتكلم عن الحجاب اللي لم يظهر في ال‘لان هتلاقي في المشهد اللي وراه على طول امرأة تمارس الجري وهي ملتزمة بكامل الزي.. الموضوع مايستاهلش كل ده.. لو شاهدت مقدمة المرحلة الثالثة هتلاقي أد إيه الأستاذ عمرو خالد اكلم كتير على إن نهضتنا دي إن شاء الله هيكون ليها طعم تاني وهي إنها {إسلامية} خالصة وستكون من أجل ابتغاء مرضاة الله وليس من أجل دنيا وأنها ستكون مختلفة عن نهضة أوروبا حيث ستكون مادية وروحانية.. لكن برده إذا كانت مضايقاك النقطة ممكن تتسائل عنها بين الشباب.


وبالنسبة للنقطة الثالثة أنا زي ما قولتلك إن احنا كلنا في دائرة واحدة من أجل هدف واحد.. هي مش حرب انت تقدر تقدم انتقاداتك لعمرو خالد ولأسرة البرنامج.. انت مش تقدر.. ده انت لازم.. تقدمها وتعرضها في المنتيات المخصصة لصُناع الحياة ولو حبيت لعمرو خالد نفسه.. ولكن تقدم انتقاد يا أخي في شكل نصيحة وساعتها كل الناس هتسمعك وتحترم رأيك وتاخد بيه.. أما لو هتقدم اقتراحاتك في الهيئة اللي انت كتبتها هنا دي في الموضوع لازم يتقال عليك حاسد و.. و.. و.. لأن يا أخي دي مش طريقة أبداً.. أنا نفسي اضايقت منها، عارف لما يكون عندك هدف وقررت انك تعيش عليه.. مثلاً عاوز تجيب كنز من مكان معين وعرفت كل حاجة عن مكان الكنز واتأكدت وقررت أنك تسخر حياتك من أجل الحصول عليه وابتديت تجهز كل حاجة في حياتك ليه وضحيت وصبرت وتعبت ولما خلاص ابتديت تسلك الطريق اللي هيأدي للكنز.. لقيت واحد طلعلك يقولك لأ يا عم ده مافيش كنز ولا حاجة..:surrender إيه هيكون شعورك.. واحنا خلاص والحمدلله كلنا على يقين إن الكنز (النهضة) موجودة لكن الخلافات بينا هي ازاي نوصله؟؟


بالنسبة للنقطة الرابعة واللي انت بتتهم فيها الناس اللي عاوزه تشارك الحكومات والجهات الرسمية في النهضة.. فأنا هقولك حاجة.. أنا معاك يا أخي وكل صُناع الحياة معاك في إن الحكومات الموجودة دلوقتي في بلادنا عمرها ما هيكون عندها نية لأي نهضة ويمكن هيجيلهم الأوامر بأنهم يدمروا أي محاولات شعبية للنهضة.. يبقى ازاي هنشاركهم؟؟ أنا معاك.. لكن يجب أن تعرف أنه لا سبيل لنهضة دون أن يشترك فيها جميع الأطراف.. يعني لازم الشعب ولازم الحكومة.. مش معنى كلامي ده ان احنا معندناش حل غير التعاقد معاهم.. أبداً.. أنا أؤيد أن يكون هناك شراكة مع الجهات الرسمية ولكن لا أؤيد مثلاً الشراكة مع الحكومات العربية الحالية !!.. إذاً فما الحل؟؟ هكذا نبدأ نفكر ونتحد من أجل الهدف الأوحد.. مش نجري ونبعد يا صاحبي.. وماتنساش إن مازال في الناس الأغنياء ذوو الخبرة والوساطة اللي مازال عندهم أمل وعايزين يعملو حاجة لدينهم وبلادهم واللي هما كانوا شباب زينا من 10 سنين مثلاً.. وده دورنا أننا نوصلهم فكرتنا ومشروعنا علشان يشاركونا.. بس برده أنا من معاك وبنتقد الأستاذ عمرو خالد في جزئية إنه لا يذكر أبداً ولا حتى يعطي حساباً للاستعمار الذي يحتل بلادنا عن طريق معظم الحكومات الخونة وهذا ما يجب أن نوصله إلي ونتسائل فيه.. مش نبعد ونكلم من بعيد..

وفي النهاية أدعو لي ولك بالهداية.. وللأمة الإسلامية بالعزة والنهضة إن شاء الله.. والسلام عليكم ورحمة الله..

[details]

أقولك حاجة جميلة أوى اخى عمرو طيب متصلح الموضوع ابعت وحاول واجتهد ولا احنا نتكلم وبس والله مش بهزر اعمل جهدك فيه وابعت فاكس واتنين وتلاثتة وعشرين حتى وبتهيقلى انت عارف شخصية عمرو خالد مش من النوع إلى بيطنش.. إيه رأيك أقتراح حلو.. ياريت يعجبك بجد

:wub:

[Amr_not_Amr]

أوكي
أنا موافق على ساحة صناع الحياة في القهوة
والكلام يتم تحت ممارسة أي ضغوطات
وإن شاء الله أنا جبت نمرة تليفون الأستاذ عمرو وهحاول اتصل بيه في أقرب فرصة
وإن شاء الله هانزل الموضوع هناك في ساحة الحوار وأحط لكم اللينك هنا عشان تشاركونا فيه
وشكرا على النصيحة ورردة

[Islam Prince]

بارك الله لنا جهودنا وأعزنا..

ورردة ورردة ورردة

[Amr_not_Amr]

السلام عليكم
تم عمل موضوع في منتدى عمرو خالد
أركو منكم المشاركة فيه وإن كان برأي مخالف
http://forum.amrkhaled.net/showthread.php?t=61353
الموضوع في قسم
موضوعات عامة (http://forum.amrkhaled.net/forumdisplay.php?f=24) http://forum.amrkhaled.net/images/misc/navbits_finallink.gif (http://forum.amrkhaled.net/showthread.php?t=61353) يا صناع الحياة ! هل لنا أن نقف لنفكر قبل نقدم فننهار

أنا باكتب هناك تحت اسم محرر الأقصى فاتح روما

[Islam Prince]

أنا سعيد بيك يا أخي Amr.. أيوه كده هي دي الطريقة اللي نتعامل بيها مع مشروعنا ونهضتنا وأنا على فكرة شاركت في تساؤلاتك في موضوعك في منتدى الأستاذ عمرو خالد http://forum.amrkhaled.net/showthread.php?p=1107777#post1107777
جزاك الله ألف خير.. عسى الله أن تحل مشاكلنا..

[details]

http://hmlaa.siteatnet.com/foreign/hmlaa/sa2.jpg




مستناكم:wub:

[Islam Prince]

Poster جميل.. أرجو أن تعرضيه في هذا الموضوع..

http://www.haridy.com/ib/showthread.php?p=470141#post470141