مصر تشهد حالة طلاق كل 6 دقائق!!!!! [الأرشيف]

ابتهال

02-23-2005, 01:13 AM

السلام عليكم ورحمة الله

كشفت إحصاءات مصرية حديثة
أن هناك 240 متزوجة يتعرضن للطلاق يوميا، :think3:
أي أنه توجد مطلقة كل 6 دقائق، :واه يابوي
وقد ورد في الإحصائية الصادرة مؤخرا
عن الجهاز المركزي للتعبئة والإحصاء في مصر
أن عدد المطلقات 2 مليون و459 ألف مطلقة.:sniff:

وأكدت الدراسة التي أوردت بعض تفاصيلها
صحيفة "الرأي العام" الكويتية
أن 34,5% ينفصلن في السنة الأولى، :huh:
12,5% ينفصلن في السنة الثانية، B)

40% من حالات الطلاق يكون في سن الـ(30). :hot:

طيب ياريت نتناقش بأه فى الأسباب المؤدية
لهذه الظاهرة الخطيررررة :think3:

هما الشباب عارفين يتجوزوا أصلا :hot:
لما تحدث حالة طلاق كل 6 دقايق :think3:

تناقض محير فعلا!!!!:أخخخ:

dada24

02-23-2005, 01:30 AM

انا فعلا سمعت عن الموضوع ده بس مكنتش افتكر ان العدد 240:think3: يوميا

هو حد لاقى جواز اصلا

يمكن ده بيحصل لان الاختيار غلط من الاول يمكن لان اهل الفتاه بيستعجلو جوازها واول واحد يجى ويكون مركزه المادى كويس يوافقو على طول

يمكن لان محدش لسه عنده صبر للتفاهم والانصات للطرف الاخر:maaaad: وتبقى اسهل كلمه انتى طالق خصوصا انك بتقولى ان 34و5 بينفصلوا فى السنه الاولى

ده رأيى واتمنى نسمع اراء اخرى
لكى تحياتى

ابتهال

02-23-2005, 01:51 AM

اهلا بيك أخى أو اختى dada24 :flowers:

ماشاء الله وضعت عدد من النقاط
الهامة فعلا واللى اعتقد انها من اهم أسباب
هذه الظاهرة

1_يمكن ده بيحصل لان الاختيار غلط من الاول
2_ يمكن لان اهل الفتاه بيستعجلو جوازها
واول واحد يجى ويكون مركزه المادى كويس يوافقو على طول

3_يمكن لان محدش لسه عنده صبر للتفاهم
والانصات للطرف الاخر:maaaad:
وتبقى اسهل كلمه انتى طالق خصوصا
انك بتقولى ان 34و5 بينفصلوا فى السنه الاولى

وانا بحب اركز على اخر نقطة
لأنها فعلا ملحوظة جدا ويمكن
ده يرجع لعدم نضوج طرفى العلاقة الزوجية
وأنانيتهم وعدم معرفتهم بمعنى الحياة الزوجية
وعدم استعداد اى طرف لتقديم تنازلات من اجل
ان تسير مركب الحياة الزوجية بنجاح

أشكرك على المشاركة
وفى انتظار آراء اخرى

dada24

02-23-2005, 02:21 AM

:flowers: لا شكر على واجب
:chr43: وانا اختكdada24
تحياتى

صرخة روحهِ

02-23-2005, 02:25 AM

أنا جيت عندكم الركن بالغلط ورا العنوان

ممكن أدخل ؟

وهبه

02-23-2005, 02:26 AM

السلام عليكم ورحمة الله

موضوع مهم جدا ......

قال تعالى
اِن ابغض الحلال عند الله الطلاق .
وقال جل شأنه
امساك بمعروف او تسريح باحسان.

صدق الله العظيم

الطلاق مرتان .....ليه ؟

طيب
العدة ليه ؟

حكم شرعها الله لنا للتريث ....
فابعثوا حكما من اهلها وحكما من اهله ......يعنى ممكن صلح !

صلح
طب
و
الخلع

فى ايامنا هذه ....والحرب المعلنة علينا من بث اعلامى واباحية مفرطة ......
بخلاف انشغال رب الاسرة باعباء الحياة .....ناهيك عن العصبية التى اصابت كلا من الزوجيبن جراء ما يواجهونه من مصاعب....
بخلاف عدم الراحة الاسرية .......وفقد القدرة الجنسية تدريجيا ........
تاركا
الاختيار الموفق جانبا

هنا
المادة دخلت لتعكر العلاقة ....وتقلب الموازين
الحب وحده لا يكفى ......

اعتذر عن عدم تكملة الحوار.....وسوف اتابع من بعيد.....
وساتدخل اذا لزم الامر

ودمتم بود

صرخة روحهِ

02-23-2005, 02:39 AM

احم احم ياساتر :surrender

مافيش حد قال إتفضل يوه بقى ولقيت الباب متوارب

قرأت شويه في علم الإجتماع بيقولوا في العلم ده إيه

لازم يوصل الطرفين لنقطة إلتقاء

الاخوات الذين تربوا تحت سقف واحد تختلف طباعهم عن بعضهم البعض فما بالكم بالعروسين
فلابد أن يتفهم كلا منهما هذا ويتنازل ايضا كلا منهما عن بعض طباعه أو جزءا منها ليصل للطرف الآخر .

هنا يأتي السؤال ما مدي بعد طباع الآخر عن الآخر ؟
أسئلتي دايما كده مش مفهومه

نكمل بعد الفاصل

سارونا

02-23-2005, 10:48 AM

معليش يا صرخة روحة اني باقطعك في الكلام
اصلي شفتك اتخرت ... قلت اتكلم لحد ما تيجي :drop:

برأيي ان اسباب الطلاق هي
1- مفيش الوعي عند الزوجينلقلة خبرتهم في الحياة الزوجية
2- سوء الاختيار من أحد الطرفين للطرف التاني
3- عدم معرفة كل من الزوج أو الزوجة بدوره ومسؤولياته داخل الأسرة وتجاه الطرف التاني
4- الندية في التعامل ... بتلاقي الزوجه تحاول أنها تكون نداً لزوجها
وبالتالي تحدث المشكلات اللي من الممكن انها تصل للطلاق
5- عدم تقدير الزوجين أو أحدهما لقدسية الزواج
6- غياب الصراحة بين الزوجين
7- محاولة كل واحد منهم ( وخصوصاً الزوج ) فرض شخصيته على الطرف التاني
بحيث عاوزها يكون كل حاجه زي ما يحب
8- وفي كمان اسباب تانيه ترجع لشخصية الزوجين

ابتهال

02-23-2005, 04:49 PM

:flowers: لا شكر على واجب
:chr43: وانا اختكdada24
تحياتى

أهلا بيكى دايما عزيزتى
تشرفت بوجودك:wub:

ابتهال

02-23-2005, 04:55 PM

أنا جيت عندكم الركن بالغلط ورا العنوان

ممكن أدخل ؟

يا فندم انت تنورنا
حقيقى سعدت جدا بتواجدك هذا اخى صرخة
فأنت من الاقلام التى اتابعها وبعجبنى تواجدها الجميل
الثرى بما تحمله من أفكار

ابتهال

02-23-2005, 04:59 PM

السلام عليكم ورحمة الله

موضوع مهم جدا ......

قال تعالى
اِن ابغض الحلال عند الله الطلاق .
وقال جل شأنه
امساك بمعروف او تسريح باحسان.

صدق الله العظيم

الطلاق مرتان .....ليه ؟

طيب
العدة ليه ؟

حكم شرعها الله لنا للتريث ....
فابعثوا حكما من اهلها وحكما من اهله ......يعنى ممكن صلح !

صلح
طب
و
الخلع

فى ايامنا هذه ....والحرب المعلنة علينا من بث اعلامى واباحية مفرطة ......
بخلاف انشغال رب الاسرة باعباء الحياة .....ناهيك عن العصبية التى اصابت كلا من الزوجيبن جراء ما يواجهونه من مصاعب....
بخلاف عدم الراحة الاسرية .......وفقد القدرة الجنسية تدريجيا ........
تاركا
الاختيار الموفق جانبا

هنا
المادة دخلت لتعكر العلاقة ....وتقلب الموازين
الحب وحده لا يكفى ......

اعتذر عن عدم تكملة الحوار.....وسوف اتابع من بعيد.....
وساتدخل اذا لزم الامر

ودمتم بود

اولا اشكرك اخى وهبة المتميز
على المداخلة الجميلة

ثانيا ...لا انكر ان للمادة دور كبير
لكن فى رأيى الشخصى
أن السبب الأساسى لهذه الظاهرة
هو الانهياااار الاخلاااقى
وتبدل القيم والمفاهيم وأسس التربية

الأنانية والفردية ونفسى نفسى غلبت
على كل المشاعر الأخرى ....

ajmina

02-23-2005, 06:20 PM

يا ساتر يا رب هى الناس جرى لها ايه يعنى كل 6 دقائق الشيطان بيلاقى اثنين يطلقهم وهم اكيد بيكونوا عندهم قابليه انهم يتخانقوا دى حاجه والله تزعل

الريس متقال

02-23-2005, 06:30 PM

معلش طلب صغير

ممكن نحجب الصورة :flowers:

صرخة روحهِ

02-23-2005, 08:26 PM

معلش يا أخت سارونا الفاصل عندي بيطول شويه وبعدين انتم أهل
الدار هنا واسمحي لي ان اكتب في نطاق ما كتبتيه
شكرا اختي إبتهال وارجو ان أكون عند حسن ظنك فيما اكتبه

لإنها مأساه بين الزوجين يدفع ثمنها الاطفال فسمحت لنفسي ان أكتب
وجزي الله جيع من أفاد خير

ما مدي بعد طباع الآخر عن الآخر ؟ أقصد هنا الثقافات المختلفه والعادات المكتسبه من محيط المجتمع الاصغر لكل منهما ( العائله والاصدقاء و....)

الماديات التي إجتاحت حياتنا الاخيره جعلت من كل العلاقات طابع مادي يكاد يكون بحت
بمعني أهم مميزات العريس هو دخله وما يمتلك وإمكانياته في توفير الرفاهيه بدءا من حفلة الزواج إنتهاء بشراء لاب تب ....
وأهم مميزات العروسه هو جمالها و...صورتها في شريط الفرح حتي المشي بها عالكورنيش ...

يبقي ياعم الحاج ابو العروسه الرسول صلي الله عليه وسلم قالك من ترضي دينه .... فزوجوه أو زوجوهم أو كما قال الحبيب صلي الله عليه وسلم والفاء للسرعه منعا لحدوث مزاد علني عالعروسه .
ويا عم الحاج العريس الرسول صلي الله عليه وسلم قالك فإظفر بذات الدين .. ليه ؟ علشان تفلح .

مال الكلام ده بكلام علم الإجتماع ... ؟

أه ماهو أما يكون أساس الإختيار الإخلاص (وعنصر الإخلاص يوجد بكلام الرسول صلي الله عليه وسلم ) ...حتي وإن كانت العادات والتقاليد والثقافات حتي اللغه مختلفه ومتباعده فعنصر الإخلاص هيقرب المسافات بينهم بتضحية كل منهما لجزء من عاداته و... و .... للوصول للهدف ( ليه بنتجوز؟ عشان نعف نفسنا وإقامه بيت وذريه.... .. الاسره .. و.. )

كم نسبة الطلاق في الزواج العرفي من نسبة الطلاق عموما ؟

نكمل بعد الفاصل

hanod

02-23-2005, 08:44 PM

لا حول ولا قوه الا بلله
انا حاسه ان الموضوع ده سببه الدلع B)

مابقاش في حد بيتحمل المسؤليه :viking:
الراجل عايز يتجوز ويجيب واحده تقوله حاضر وماتناقش صح ده ممكن يحصل بس مش من الاول يا جماعه

انتوا لسه بتعرفوا بعض لسه بيتقفل عليكوا بابا واحد الصبر الصبر
كل واحد لازم يصبر على الطرف الاخر :knight:

details

02-24-2005, 04:06 PM

معلش طلب صغير

ممكن نحجب الصورة :flowers:

فعلا ياريت ورردة وجزاكم الله خيرا على الموضوع

QALB_ELDEEN

02-24-2005, 07:45 PM

240 فى اليوم .. يا سلااااااااااااااااااام ... ده المأذون حيبطل يجوز و حيطلق بس :) .. ماهو يتهيألى اللى بتجوز 2 بس كل 6 ايام و يمكن 60 يوم ...

ماحدش طايق حد يا نااااااااااااااااااااااااااااااااااس

red riding hood

02-27-2005, 01:04 AM

المشكله يا جماعه في ان ما فيش حد بيصحي التاني هشان الفجر

ممكن مش استخارو ربنا

ما فيش حد بيصحي التاني هشان يقوم اليل ويصلي ركعتين

الحاجات ديه مش اتعملت هشان كده ربنا مش وفقهم

شكرا وان شاء الله ربنا يوفق كل مسلم وكلنا في حياته

ابتهال

02-27-2005, 04:14 PM

معليش يا صرخة روحة اني باقطعك في الكلام

اصلي شفتك اتخرت ... قلت اتكلم لحد ما تيجي :drop:

برأيي ان اسباب الطلاق هي
1- مفيش الوعي عند الزوجينلقلة خبرتهم في الحياة الزوجية
طيب والاجداد والجدات زماااان اللى كانوا بيجوزوا البنت وهى
عندها 12 او 13 سنة..هل كان عندها وعى وخبرة؟؟!!!
وطبعا مكنش فيه حاجة اسمها طلاق ايامها!!!!
2- سوء الاختيار من أحد الطرفين للطرف التاني
3- عدم معرفة كل من الزوج أو الزوجة بدوره ومسؤولياته داخل الأسرة وتجاه الطرف التاني
4- الندية في التعامل ... بتلاقي الزوجه تحاول أنها تكون نداً لزوجها
وبالتالي تحدث المشكلات اللي من الممكن انها تصل للطلاق
أعلم انك لا تقصدى ان تكون الزوجة خانعة مثل الست أمينة
لذا لا اعتقد ان الندية هى السبب بل عدم
احترام كل من الزوجين للآخر
والا فى رأيى العلاقة الزوجية ليس فيها سيد ومسود
5- عدم تقدير الزوجين أو أحدهما لقدسية الزواج
شوفى حبيبتى انا فى رأيى انه مفيش حاجة اسمها قدسية الزواج
فيه حاجة اسمها الزواج مودة ورحمة ومسؤلية
عدم قيام كل من الزوجين بسؤلياته تجاه هذا الزواج
هو ما يؤدى الى الطلاق
6- غياب الصراحة بين الزوجين
7- محاولة كل واحد منهم ( وخصوصاً الزوج ) فرض شخصيته على الطرف التاني
بحيث عاوزها يكون كل حاجه زي ما يحب

8- وفي كمان اسباب تانيه ترجع لشخصية الزوجين
كل الشكر عزيزتى سارونا على المداخلة القيمة:wub:

سارونا

03-01-2005, 12:51 PM

1- مفيش الوعي عند الزوجينلقلة خبرتهم في الحياة الزوجية
طيب والاجداد والجدات زماااان اللى كانوا بيجوزوا البنت وهى
عندها 12 او 13 سنة..هل كان عندها وعى وخبرة؟؟!!!
وطبعا مكنش فيه حاجة اسمها طلاق ايامها!!!!

مش شرط الوعي
انها لازم تحضر دورات وغيره
الوعي ممكن امها تعلمهولها ... احياناً كتيرة
البنت او الولد بيتجوزوا ... وهم ما يعرفوش يعني ايه جواز
يعني أيه مسؤليه
بيفضل عايش بعد الزواج كأنه انسان ما زال عازب
وهي كل صغيرة وكبيرة وكل سر وكل حركه على طول عند مامتها
لو كانت مامتها ويهمها ان بنتها تعيش حياه زوجية سعيده معلش
لكن في بعض الأمهات بيتدخلوا في كل صغيرة وكبيرة
لحد ما يزهأوا عيشة الواحد

الوعي
ان البنت والولد من صغرهم يتحملوا مسأولية
سواء مسؤلية بيت أو اخوات أو زوجات
مش عارفه لو كنت عرفت أوصل لك المعلومه ولا لأ :huh:

4- الندية في التعامل ... بتلاقي الزوجه تحاول أنها تكون نداً لزوجها
وبالتالي تحدث المشكلات اللي من الممكن انها تصل للطلاق
أعلم انك لا تقصدى ان تكون الزوجة خانعة مثل الست أمينة
لذا لا اعتقد ان الندية هى السبب بل عدم
احترام كل من الزوجين للآخر
والا فى رأيى العلاقة الزوجية ليس فيها سيد ومسود

اخذت كلامي بمعنى ما قصدتوش بالمرة
شوفي
في بعض الزوجات / الأزواج بيعتبروا الزواج معركه لازم يكونوا هم المنتصرين فيها
دول اللي انا بقصدهم ... علشان كده النوعية دي لا يمكن تستمر مع بعض
الزواج تفاهم ... وحب وعطاء زي ما هو أخذ
وكمان تضحيات من الزوجين

5- عدم تقدير الزوجين أو أحدهما لقدسية الزواج
شوفى حبيبتى انا فى رأيى انه مفيش حاجة اسمها قدسية الزواج
فيه حاجة اسمها الزواج مودة ورحمة ومسؤلية
عدم قيام كل من الزوجين بسؤلياته تجاه هذا الزواج
هو ما يؤدى الى الطلاق
هي الكلمة دايقتك ؟ :huh:
طيب بلاش تزعلي يا ستي
ما كنتش اقصد الا المعنى اللي حضرتك قلتيه
بس باين لغتي مش مفهومه :sniff:

details

03-02-2005, 03:30 AM

http://www.asmilies.com/upload/uploading/17086.jpg

مش عارف الكلا ده يمكن يكون صحيح:hot: