صديقتي البكتريا

[فريد نوعه]

صديقتي البكتريا:واه يابوي
عنوان غريب مش كده؟
ده بصراحه مش كلامي (هو انا بالعبط ده:think3: )
ده كلام واحد عالم في الكائنات الدقيقه microbiologyاسمه دافيد بيرلمان
الراجل ده قال ايه؟
الكائن الدقيق (ده اسم الدلع للبكتريا والفيروسات والفطريات :انجغة: )دائما محق
الكائن الدقيق صديقك المخلص ورفيقك الحساس:wub:
لايوجد كائن دقيق غبى(اشمعنى البني ادميين يا عم؟:maaaad: )
الكائن الدقيق قادر على عمل اي شئ:clap:
الكائن الدقيق اكثر ذكاء وحكمة وطاقه من العالم البيولوجي:tu:
ايه رأيك انت؟
تفتكر عم برلمان ده عنده حق؟
بصراحه انا اؤيده بشده
تعرف البكتريا بتعمل اييه؟
فكر وقولي:think:
وبص شوف البكتريا بتعمل اييه:box:
مستني ردكمB)
سلامي للجميع ورردة

[details]

:think3: :think3: :think3: :think3: :think3:

هبقى متفرج بسسسس

مليش فى الحجات دية:انجغة:

[د.بلال]

البكتيريا بتساعدنا علشان ناكل الزبادي :chr58:

البكتيريا بتخلينا نلبس حزام جلد و و تخليكي تشيلي شنطة جلد :twee:

بكتوتو ( بدلعها :brb: ) بتخلينا نعرف نهضم الاكل جوا كرشنا .. اي نعم في بكتيريا مفيدة داخل كرشك وكرشي وكرش العم جوارح المشرف :drop:

البكتيريا ايه تاني :think3:

اه .. البكتيريا بتجيب امراض للناس الوحشين :tu:

[محب الصداقة]

طريقة حلوة للمناقشة
:tu: :tu: :tu: :tu:


البكتيريا


اعرف ان منها المفيد ومنها الضار

المفيد منها
زى الزبادى

الضار زى الامراض


اعرف انها فعلا ذكية
لما بتكون فى صورة فيراس
وقاومها الجسم او المضاد الحيوى
تطور نفسها لكى لا يغلبها الجسم ويدمرها
واعتقد ان الحرب بين الفيراس والمناعة
هى اللى بتخلى الجسم مكسر لما يكون الواحد بياخد مضاد حيوى مثلا

ده اللى اعرفه
ومستنى اشوف الكلام الصح
طبعا انا مش متأكد من كلامى

[د.بلال]

اعرف انها فعلا ذكية
لما بتكون فى صورة فيراس

الحق شيل دي بسرعة قبل ما حد يجي :viking:

[محب الصداقة]

ليه بس كدة يا دكتور
انا مش عاوز تريقة
ده كله كلام سمعته
والله اعلم

انا معرفش انت بقى ادرى بالحاجات دى

مش عاوزك تتريق علية تانى
احسن



















































:cry::cry::cry::cry::cry::cry::cry::cry::cry::cry: :cry:

[د.بلال]

أبدا والله مش بتريق ولا حاجة يا باشا
دا حتى يبقا عيب يوه بقى

بس اصل البكتيريا كائن والفيروس كائن تاني خالص :drop:

[محب الصداقة]

انا كنت عارف كدة من الأول

بس اقرا انت الكلام ده

الكائن الدقيق (ده اسم الدلع للبكتريا والفيروسات والفطريات )دائما محق

فانا بكدة قصدى الكائن الدقيق (الفيراس)

بس كدة
وخدت بالى ان السؤال عن البكتيريا بس فاعتبر كلامى مسحوب

[details]

معلومات جديدة تفوح فى خاطرى:huh:

كمان كمان اتريق عشان نتعلم:drop:

[محب الصداقة]

:viking: :viking: :viking: :viking: :viking:
:box: :box: :box: :box:

[فريد نوعه]

الأخوه الأعزاء
شكرا والله على اهتمامكم
ملاحظه بسيطه انا مش قصدي البكتريا وبس انا اقصد كل الكائنات الدقيقه وهي البكتريا الفيروسات الفطريات والأوليات الحيوانيه عشان كده حنقول الميكروب...طب صدق او لا تصدق في حاجات اصغر من الفيروس كمان ...المهم نتكلم عنها وقت تاني
المهم حقول لكم بعض الحاجات عن الميكروب اللهلوب :knight: انا بصراحه كان في بالي موضوع بس في اخ هنا جاب سيرة المضاد الحيوي قلت ابدأ بهB)


انظر المداخله القادمه ( احظر خطر العدوى :brb: )
سلامي للجميع ورردة

[فريد نوعه]

عمك فلمنج قاعد يعمل تجارب على البكتريا:واه يابوي والكلام ده سنة 1929 (مكنتش اتولدت ساعتها:closeeye: ) المهم عم فلمنج بيزرع البكتريا عل طبق من اطباق بتري ( وهي الأطباق اللي بنزرع او بنمي البكتريا عليها الي الأن) المهم فلمنج لقى شئ غريب البكتريا طالعه على الطبق زي الفل امال اييه المشكله؟:think3:
ركز بس يا فلمنج معايا : الله دي في حته مفيهاش بكتريا خالص في وسط الطبق ومفيش نمو للبكتريا فيها :55:
...ايه ده؟؟؟!!! قرب من الطبق يا عم فلمنج ...كمان شويه ايوه عليك نور ده في كائن غريب نامي على الطبق في وسط المكان اللي مفهوش بكتريا؟؟؟!!! اما انا خيبه بصحيح معقول كده الطبق اتلوث وباظت التجربه ؟؟؟
لا ياعم فلمنج فكر كده بس لييه البكتريا مطلعتش هنا؟
اهه صحيح لييه انا اظن ان الكائن الغريب ده طلع ماده معينه قتلت البكتريا ؟
ايوه كده تمام يا عم فلمنج:tu:
المهم فلمنج قعد يشوف ميين الكائن الغريب ده لقاه فطر البنسليوم:clap:
يبقي البنسليوم طلع ماده قتلت البكتريا
صح يا فلمنج المهم اييه رأيك نسمي الماده دي اييه؟
نسميها ميمي؟:انجغة:
ميمي مين يا سيدي:maaaad:
لا لا خلاص نسميها بنسليين؟ واشمعنى الأسم ده يا فلمنج؟ عشان الفطر اللي انتجها هو البنسليوم:واه يابوي
لا اصيل يا فلمنج:tu:
المهم متعرفش اييه اللي خلاهم يستنوا ومحدش يدرس البنسلين كويس لحد سنة 1942 هاااوم

الله دي الحرب العالميه شغاله والعالم نازل طحن في بعضه:sword: وانجلترا مدشدشه:chr58: واه لو هتلر :hitler: دري بالبنسلين تبقى مصيبه اصل البنسليين مهم في قتل البكتريا اللي بتلوث الجروح وتسمم الجرحى( اسمها staph aurius للي عايز يعرف:thinky:
طب ميين يدرس البنسليين وينتجه؟
اكيد امريكا:viking:
وعشان ينقلوا الفطر لأمريكا فكروا في فكره ذكيه حبتين
جابو ضابط (مش من القسم والله:hot: ) وملوا بطانة البلطوا بتاعه بالفطر:واه يابوي والبس يابني البلطو واوعى حد يألعهولك:hot: وطيران على امريكا:chr38:
طبعا امريكا خدت البلطو ( اقصدي الفطر لمؤاخذه:أخخخ: ) ودرسته و انتجت البنسليين
وكانت ثوره في عالم العلاج الكيماوي:clap:
بس الأهم من كده انهم عرفوا ان كتير من الفطريات والكائنات الدقيقه عموما ممكن تنتج مضادات حيويه:tu:
وكان اهم مضاد حيوي اكتشف بعد ذلك هو الستربتوميسين
وده هو كمان حكايته حكايه بولييس
لا كفايه كده المره دي
مستني ردكم
سلامي للجميع ورردة

[د.بلال]

:tu: :tu: :tu: :tu: :tu: :tu: :tu: :tu: :tu:

[د.بلال]

شوفو عمو البنيسيلم تحت الميكغوسكوووب
:chr58: :chr58:




http://www.southtexascollege.edu/nilsson/4_GB_Lecture_figs_f/4_GB_21_Fungi_Fig_f/Mader_SacFungi_5_Penicill.gif


http://www.biologie.uni-hamburg.de/b-online/ibc99/millenium/penicill.jpg

[فريد نوعه]

الأمريكان عجبتهم لعبة المضادات الحيويه وبدأوا يدوروا في كائنات جديده تنتج مضادات حيويه
بدأت كتير من المضادات الحيويه تظهر:clap: ولكن ظهرت مشكلتين: اولهم ان كتير من المضادات الحيويه بتقتل البكتريا بس سامه جدا:nyaa: يعني تموت البني ادم قبل ما البكتريا تموت والمشكله التانيه ان في مجموعه كبيره من البكتريا الممرضه اسمها البكتريا سالبة الصبغه جرام:think3: ومش مأثر البنسليين فيها فالكل دلوقتي بيدور على حاجه تاثر على البكتريا دي.....
واكسمان دكتور كبير ماسك قسم الميكرو في جامعة روتجر في امريكا والمان ده نجح في اكتشاف مضادات حيويه كتيره زي الأكتينوميسن والنيوميسين بس لسه المشكله ان سميتهم عاليه
جالوه طالب درسات عليا اسمه روبرت سكاتز,طالب صغير عنده 23 سنه, قالوه يادكتور عايز ادور على مضاد يموت البكتريا سالبة جرام
واكسمان: يا فتاح يا عليم مش حنخلص منهم ايوه يا بني عايز تعمل البحث على انهي بكتريا
سكاتز: بكتريا السل Mycobacterium tuberclosis
:واه يابوي يابني مش ناقصين عدوى:55: دي ملهاش علاج
ماتخفش يا دكتور كله حيكون تمام
بدأ سكتز يدور ويعزل في الأف المركبات ويدور على مضاد ينفع... ملقاش
لإلي ان جاءت سنة 1943 وجد سكاتز ان في ماده بتموت السل
جري على الدكتور واكسمان وقاله :يا دكتووووور يا دكتووووور وجدتها وجدتها:clap:
يا فتاح يا عليم اييه اللي لقيته يا ارشميدس:maaaad:
الماده اللي تموت السل
بجد يا سكاتز؟؟:واه يابوي ايوه يا دكتور
جري واكسمان لقلى كلامه صح
ابتسم واكسمان ابتسامه خبيثه:harhar: وقال برافو يابني حتسميه اييه؟
انا اللي حسميه يا دكتور؟ ايوه يابني وتاخد الدكتوراه كمان
الواد الساذج طار من الفرحه وسمى المضاد ستربتوميسين
دلوقت يابني لازم تكمل ابحاثك عليه وتبعتهالي اول بأول:brb:
تحت امرك يا دكتور
فضل سكاتز في المعمل بيدرس الستربتوميسيين وفي الوقت ده واكسمان عمال يقابل في الصحافه تشييز ويقول لهم انه وجد الماده السحريه اللي تموت بكتريا السل وكتير من البكتريا سالبة الصبغه جرام:tu:
ونسب الأكتشاف لنفسه
الشئ بالشئ يذكر واكسمان ده كان يهو....ولا بلاش ليقولوا اني معادي للبدنجانيه اهه اقصدي الساميه:55:
طبعا واكسمان كان شغال في شركات الأدويه فالفلوس نزلت ترخ عليه ( المحظوظ)وعاش سلطان زمانه وسكاتز مخدشي ملميم واحد:drop: من دول
المهم وكل ده واسكاتز ميعرفش حاجه لحد مقرا في النشرات العلميه عن الأكتشاف المذهل لواكسمان
طبعا الواد كان حيموت مين الغيظ وطلع جري على واكسمان
الراجل بمنتهى الخبث قعد يعتذر وقاله يا بني انا ملياش ذنب ده القسم هو اللي قرر كده ودي الحياه:chr24: و..... المهم اسكاتز منبوش حاجه:أخخخ:
قدم استقالته وساب الجامعه بعد مأخذ الدكتوراه
وفي سنة 1952 خد الدكتور سليمان ابراهام واكسملن جائزة نوبل على اكتشافه!!!!! الستريبتوميسين
وكمان عملوا معهد كبير بأسم واكس مان في امريكا:maaaad:
ومرت الأيام:huh:
والشهور:chains:
والسنيين:drop:
وسكاتز قاعد يندب حظه:shock:
لحد مجات سنة 1994ساعتها بانت الحقيقه
وخد البرت سكاتز- وكان عمره بقى 74 سنه- ميدالية روتجر واعتبروه ابو الستربتوميسين
بس بعد اييه....:cry:
طبعا واكسمان محدش قبض علييه ولا حاجه وكان مات ساعتها


المهم بعد ما كتبنا عن البنسليين والأستربتوميسين نقدر نقول اننا عرفنا ان الكائنات الدقيقه( وخصوصا مجموعه اسمها الأكتينوميسيين) بتنتج المضادات الحيويه اللي نجت بسببها( بمشيئة الله طبعا) كتير من المرضى
برضه المضادات الحيويه لكتير منها اعراض جانبيه
ويوميا بتكتشف مضادات حيويه كتيره
بس عدد قليل هو اللي صالح للأستعمال الأدمي
ده يثبت كلام عم بيرلمان:shifty:
لسه في حاجات كتير
حد يعرف حاجه تانيه عن الكائنات الدقيقه؟
مستني ردكم
سلامي للجميع ورردة