الى أخي موعوود [الأرشيف]

bido**

02-05-2005, 02:44 AM

شوية الكلام اللي انا كاتبه تحت ده كان رد على رائعة المبدع موعووداللي كانت بعنوان "ماترجعشي"
بعد شوية تعديلات قولت انشرها زي ماهو قاللي
وزي مانا كنت واعده : القصيدة دي مهداه ليه

.................................................. ..........................
كتير جدا بكون جاني
والاقي الدنيا رمياني
ف وسط الأه ووسط الجرح
واحس التوهة سجاني
جبال الهم فوق كتفي
باشيل فيها وانا راضي
والاقي القلب يرجعلك
والاقيكي بحنان جاية
ف حضنك أرمي أحزاني
وأقول الآه وانا ف حضنك
.....ومسمعهاش
ومسمعشي
غير اللهفة اللي ف عيونك
ف حضنك ببقى شئ تاني
باحس كياني انساني
وبرجعتاني للدنيا
واتوه فيها وانا عارف
بأن الحضن دة مكاني
وبجني كتير وبرجعلك
والاقيكي بتاخديني
من الدنيا اللي انا فيها
كتير جدا وده حالي
بقول الآه ف موالي
يرج صداها أوصالي
من ساسي .. لفوق راسي
يمين وبربي هارجعلك
ده أنتي وحدك الجنة
ف حضنك ببقة شئ تاني
يا مصر هواكي جنني
ف قربك قلبي بيعاني
ف بعدك آه بتدبحني
واحس الوحدة أكفاني
سنين الغربة هدتني
مافيش عنك بعاد تاني
وتحت ترابك اتمرغ
واقول الكلمة بعيوني
......وحشتيني
....وحشني حضنك الدافي

ها؟ ايه رأيكوا؟؟؟؟؟

محمد فارس

02-05-2005, 04:13 PM

اخى الرائع والشاعر الجميل – بيدو

تحية خالصة لك على هذا العمل الذى يقطر حبا للوطن

وقد احسنت عندما عنونته الى اخونا الشاعر الجميل موعود والذى تستشعر فى كل كتاباته عبق الوطن وعبير رائحته

دون مجاملة، القصيدة هايلة واشعر بسعادة بالغة ان كاتبها شاعر معنا فى هذا المنتدى

تحية لك اخى بيدو على هذا الابداع

وتحية لك على الوفاء بإهدائك لها الى الاخ موعود

ومن خلال صفحتكم اقدم تحية خاصة الى الاخ موعود داعيا الله ان يمن عليه بالشفاء العاجل وان يزيل عنه كَرب المشاكل والمشاغل 0

لكما منى كل التقدير والاحترام

صفحات العمر

02-05-2005, 08:11 PM

السلام عليكم ورحمة الله وبركاته

اخى الجميل بيدو

عندما يكون الكلام عن الغاليه مصر بكل هذه المشاعر والاشواق الصادقه

فلا يسعنى الا ان اقول لك

احسنت التعبير واحسنت الاهداء الى الاخ الرائع موعود:tu: :tu: :tu:

دام لنا ابداعك الراقى ومشاعرك الطيبه

تحياتى وتقديرى

محمد

الغزال الشارد

02-06-2005, 02:24 PM

بيدو............

ما شاء الله تسلم ايديك......

موعوود.........قلوبنا معك........

ونتمني لك الشفاء العاجل..........وان يفرج الله كربك......لتعود إلينا..

والقهوه ترجع تزيد فيها الكهربا.........

ورردة ورردة ورردة ورردة ورردة ورردة

موعوود

02-06-2005, 02:55 PM

شوية الكلام اللي انا كاتبه تحت ده كان رد على رائعة المبدع موعووداللي كانت بعنوان "ماترجعشي"
بعد شوية تعديلات قولت انشرها زي ماهو قاللي
وزي مانا كنت واعده : القصيدة دي مهداه ليه

أخي الرائع والمبدع بحق \بيدو
وكما توقعت قصيدتك فعلا تستحق أن تنشر كعمل مستقل
وإن كنت أعتقد أنه قد آن الأوان أن تتم مناقشة الردود والإهتمام بها أيضا مع الإهتمام بصاحب العمل الأصلي
وكما أقول دائما أنه هناك ردود تستحق أن تكون عمل لحاله ومنها عملك الرائع هذا أخي العزيز
أشكرك جدا جدا علي الإهداء وأتمني لك دائما المزيد من الإبداع
ها؟ ايه رأيكوا؟؟؟؟؟

عاوز رأينا
:tu: :tu: :tu: :tu: :tu: :tu: :tu:

ومن خلال صفحتكم اقدم تحية خاصة الى الاخ موعود داعيا الله ان يمن عليه بالشفاء العاجل وان يزيل عنه كَرب المشاكل والمشاغل 0

أخي العزيز \ محمد فارس
تحيه خاصه الي قلبك النبيل الرائع واطمنك وجميع الأصدقاء أنني بخير والحمد لله
وكل الرجاء هو الإهتمام بالقصيده وصاحبها أولا قبل الإهتمام بي
ومن هنا أشكر كل من يسأل عني
وأرجو من الجميع مسامحتي علي التقصير في المشاركه هذه الأيام
مع وعد إن شاء الله بالعوده سريعا
تحياتي الي الجميع

محمد فارس

02-06-2005, 03:30 PM

اخى موعود
اليك هذه المشاكسة الكيبوردية
فتقبلها على علاتها
---

وبُكره يعود
معاه فَرْحَه بها موعود
يعود لينا شارع سيفو
طارد خوفو
مَعَنــّه فـ0 يوم ماعرف الخوف
مَعَنْ الخوف كتير كالزوف
تسمع صوته يتكلم
ولو كان حتى يتألم
بصوت هادى ويهمس هَمس
يقول غنوة00
فيها بُكره وفيها الامس
ولو كان رأى 00حيقوله فى ضوء الشمس
من غير طَمْس
وموهبته00يسخّرها فى قول الحق
وبيقول لأ 00لو كانت هى الأنفع
ولو كان فيها راح يدفع
نداء منى تعالىَ وعود
ولو كان فيه ألم شادد00
طب قولّه أنا مشدود
وافصحله بيان انك راجل موعود
---
000

-------------
موعود
والله كتبت الكلام ده دون ان اقرأ ردك اعلاه
لأنه تم فى توقيت متقارب
وسبحان الله 000جاء ردك على كلامى قبل ان ينزل كمداخلة
الحمدلله
وربنا يوفقك ويرجعك لينا بالسلامة

روبى 2

02-06-2005, 03:38 PM

بعيد عنك باحس بمهرجان زحمة
سرسوب ضيّ
جايّ هناك من العتمة
رياح فرحة .. تصفر بين حيطان قلبي
ورغم الزحمة .. وحداني

يا نور الصبح بيشقشق .. على الرملة
يا ضي القمرة يا منور في ليل كحلة
يا نني عيون بنات بلدي .. ورا الكُحلة
يا أقرب من خلايا الدم .. وحشاني

على أرضك باحب الدبدبة والجري
وبين زرعك .. يسيل دمي ف مواسم ري
في ليلك جنب شط النيل .. يغني الناي
باحس بكل نغماته .. محاوطاني

م البعد انكوى قلبي من السقعة
وبابعتلك رسايل شوق .. مع أسراب طيور راجعة
من الوحشة .. بتنزف عيني ميت دمعة
لكنك رغم بعدك عني .. سامعاني

ألف سلامة عليك يا موعوود ..

وبيدو باشا

أبدعت يا فندم ورردة ورردة

محمد فارس

02-06-2005, 03:43 PM

بعيد عنك باحس بمهرجان زحمة

سرسوب ضي
جاي هناك من العتمة
رياح فرحة .. تصفر بين حيطان قلبي
ورغم الزحمة .. وحداني

يا نور الصبح بيشقشق .. على الرملة
يا ضي القمرة يا منور في ليل كحلة
يا نني عيون بنات بلدي .. ورا الكُحلة
يا أقرب من خلايا الدم .. وحشاني

على أرضك باحب الدبدبة والجري
وبين زرعك .. يسيل دمي ف مواسم ري
في ليلك جنب شط النيل .. يغني الناي
باحس بكل نغماته .. محاوطاني

م البعد انكوى قلبي من السقعة
وبابعتلك رسايل شوق .. مع أسراب طيور راجعة
من الوحشة .. بتنزف عيني ميت دمعة
لكنك رغم بعدك عني .. سامعاني

معلش ياروبى
ومعلش يابيدو00اصلى انا حشرى شوية
بيدو لما نزل مداخلته فى موضوع لموعود 00طلب منه تكون مشاركة مستقلة لأهميتها وجمالها
وانت ياروبى 00مداخلتك هنا فى قصيدة بيدو اللى كانت مداخلة برضه000بقول مداخلتك رائعة ومن حقها ان تكون عملا مستقلا فيما بعد

---
بيدو 00معلش00مش قلتلك انى حشرى000لكن فى الحالات اللى زى دى بأحب اكون حشرى فعلا

روبى 2

02-06-2005, 03:51 PM

يافندم دانا كفاية عليا الكلمتين دوول

أستاذنا محمد فارس

شكرا جزيلا على تقديرك

وهانشوف الموضوع ده يا باشا ورردة ورردة

معلش بقى ياعم بيدو انت اللي جبتو لنفسك ورردة

بنت الماضي

02-06-2005, 10:31 PM

ايه الروعه دي يا اخ بيدو
جميله جدا والله
واحساسك رائع
وجدو موعود ديما بيشجعنا كلنا
اخ بيدو اكتب اكتر واكتر
وما تحرمناش من كلامك الحلو ده استمر
تحياتي ورردة

bido**

02-08-2005, 02:21 AM

أحبائي الكرام جدا
شكرا على الاهتمام

الأستاذ الكبير : محمد فارس باشا

دون مجاملة، القصيدة هايلة واشعر بسعادة بالغة ان كاتبها شاعر معنا فى هذا المنتدى

انت بتقول بدون مجاملة؟؟؟؟؟

ربنا يكرمك ويخليك ليا
دائما مشجع رائع وأخ عزيز

واللهم أعده الينا سالما يا رب العالمين " أخي موعود "

bido**

02-08-2005, 02:24 AM

السلام عليكم ورحمة الله وبركاته

اخى الجميل بيدو

عندما يكون الكلام عن الغاليه مصر بكل هذه المشاعر والاشواق الصادقه

فلا يسعنى الا ان اقول لك

احسنت التعبير واحسنت الاهداء الى الاخ الرائع موعود:tu: :tu: :tu:

دام لنا ابداعك الراقى ومشاعرك الطيبه

تحياتى وتقديرى

محمد

الأخ الغالي : صفحات العمر
شكرا على المشاركة

وبطلوا بقى المجاملات دي :drop:

bido**

02-08-2005, 02:27 AM

الغزال الشارد
المتألق دائما
شكرا لوجودك معنا في هذه الصفحة

ما شاء الله تسلم ايديك......

أيه يا عم اللي انت كاتبه ده
ربنا يخليك يا باشا

bido**

02-08-2005, 02:43 AM

جه عليك الدور
تعالى بقه ..... انت أيه يا عم موعود
ايه يا عم الي انت عامله فيا ده
الغيبة دي هيبقى ليها حساب تاني
بس دلوقتي المهم .... ربنا يرجعك لينا بالسلامة وماتكونش الظروف اللي عندك قوية قوي

تحياتي أخي لغالي

bido**

02-08-2005, 02:46 AM

بعيد عنك باحس بمهرجان زحمة
سرسوب ضيّ
جايّ هناك من العتمة
رياح فرحة .. تصفر بين حيطان قلبي
ورغم الزحمة .. وحداني

يا نور الصبح بيشقشق .. على الرملة
يا ضي القمرة يا منور في ليل كحلة
يا نني عيون بنات بلدي .. ورا الكُحلة
يا أقرب من خلايا الدم .. وحشاني

على أرضك باحب الدبدبة والجري
وبين زرعك .. يسيل دمي ف مواسم ري
في ليلك جنب شط النيل .. يغني الناي
باحس بكل نغماته .. محاوطاني

م البعد انكوى قلبي من السقعة
وبابعتلك رسايل شوق .. مع أسراب طيور راجعة
من الوحشة .. بتنزف عيني ميت دمعة
لكنك رغم بعدك عني .. سامعاني

ألف سلامة عليك يا موعوود ..

وبيدو باشا

أبدعت يا فندم ورردة ورردة

والله انتي اللي مبدعة جدا وزي ماقال محمد فارس ده لازم ينزل عمل لوحده
تحياتي لك ولقلمك المبدع

bido**

02-08-2005, 02:49 AM

ايه الروعه دي يا اخ بيدو
جميله جدا والله
واحساسك رائع
وجدو موعود ديما بيشجعنا كلنا
اخ بيدو اكتب اكتر واكتر
وما تحرمناش من كلامك الحلو ده استمر
تحياتي ورردة

يوه بقى يوه بقى يوه بقى يوه بقى
الدكتورة الكبيرة هنا
ايه ده؟؟؟؟

بلاش موضوع المجاملات اللي منتشر اليومين دول في القهوة
ياريت الرأي يكون بصراحة

شكرا جدا على المشاركة يا دكتورة

تحياتي ورردة ورردة ورردة

فلسفندي

02-08-2005, 06:04 AM

الأخ العزيز : بيدو

كل الشكر لك على هذا الموضوع الرائع
جميلة هي قصديتك .... جميل هو وفاءك
الرائع دائماً :: موعوود
أدامك الله صديقاَ مخلصاً لنا يا أخي
تأخرت ....
نعم ..:chains:
أقسم أن لي أسبابي
أرجو منك أن تسامحني ...
و لن أكتفي بهذا الإعتذار .............. وعد
أخي الفاضل : بيدو
شكراً لفتحك صفحة الحوار الجميلة تلك لكي نستطيع أن نعبر عن جزء من حبنا لهذا الصديق : موعوود
أدامك الله مخلصاً لمن أحبوك
أخوك
....... فلسفندي ..........

bido**

02-09-2005, 04:31 AM

الأخ العزيز : قلسفندي
من الجميل ان يكون هناك من تهتم بهم وتحس بالعربة ان لم تجدهم
ولله الحمد اني وجدت هؤلاء الأخوة هنا في القهوة

شكرا على المرور الكريم واليك مني التحية:flowers: :flowers:

رشا عبد الرازق

02-09-2005, 06:19 PM

يعني مجموعه من العالم اللي اتعقد واتلموا على بعض :closeeye:

الواحد يسكت احسن :drop:

بس لما يتلموا على عمل لموعود فده طبيعي وممتع جدا جدا :tu:

قصيده رائعه وان لم أشرف بالأصل للأخ موعود وهو يحمل عنوان أحبه بيفكرني بحاجه :twee:

تواصل جميل يجمعنا هنا

خالص تقديري للعمل وللأمبدع أبو حمزه ولكم جميعا :flowers:

شاعر أفندى

02-10-2005, 02:27 AM

بيدو بقالى فترة ما قريتلكش حاجة
بس في القصيدة دى عجبتنى جدا
اهم حاجة فيها الاحساس والكلمات قمة في الروعة
وربنا يخليلنا موعود يارب
والله الراجل دا يستاهل جايزة على اللى بيعمله للقهوة

عملك رائع أخى بيدو
ربنا ما يحرمناش من ابداعاتك

خالص تحياتي،،،،

bido**

02-11-2005, 03:53 AM

يعني مجموعه من العالم اللي اتعقد واتلموا على بعض :closeeye:

الواحد يسكت احسن :drop:

بس لما يتلموا على عمل لموعود فده طبيعي وممتع جدا جدا :tu:

قصيده رائعه وان لم أشرف بالأصل للأخ موعود وهو يحمل عنوان أحبه بيفكرني بحاجه :twee:

تواصل جميل يجمعنا هنا

خالص تقديري للعمل وللأمبدع أبو حمزه ولكم جميعا :flowers:

أولا يا أخت رشا شكرا على المرور الكريم
ثانيا الرجاء النظر لأسم كاتب الموضوع
ثالثا موعوود وبيدو واحــــــــــد ولا يسعني الا ان اقول موافق

bido**

02-11-2005, 03:56 AM

بيدو بقالى فترة ما قريتلكش حاجة
بس في القصيدة دى عجبتنى جدا
اهم حاجة فيها الاحساس والكلمات قمة في الروعة
وربنا يخليلنا موعود يارب
والله الراجل دا يستاهل جايزة على اللى بيعمله للقهوة

عملك رائع أخى بيدو
ربنا ما يحرمناش من ابداعاتك

خالص تحياتي،،،،
أخي شاعر افندي
تحياتي لمشاركتك الكريمة
يا سيدي الاحساس والكلمات اللي قمة في الروعة دي بسبب اخي موعوود ــ بعد ربنا طبعا ــ

تحياتي :flowers: :flowers: :flowers: