لو بتحــــبي جوزك...(انا وتيته...ونصائح اخر الليل)..!!.. [الأرشيف]

الغزال الشارد

02-04-2005, 01:37 AM

+ شوفي يا غزال

راح اقول لك كلمه ومعانيها

وف حلقة ودنك خليها

واما اوانها ييجي يا سكر

افتكريني وافتكريها

++ قولي يا تيته

واحكي حكايتك زي عوايدك

وانا حأسمعلك زي عوايدي

وحأحاول افهم واستوعب

وانفذ كل اللي بيَدّي

+ شوفي يا غزال

لو بتحبي يا سكر جوزك

ابقي اقريه

وان يزعل منك لو لحظه

قوام صالحيه

وان حسيتي بأنه حيغضب

ابقي راضيه

++ وإن ما طمرش العشره يا تيته؟؟

+إن ما طمرش العشره يا سكر

يبقي انفيه

++ قولي يا تيته

قولي كمان

حلو كلامك احلي كلام

+ شوفي يا غزال

الراجل بيشوف اصناف

م الستات اشكال والوان

اللي جميله واللي بريئه

واللي تقول له كلام احلام

واللي كويسه واللي جريئه

واللي لئيمه ومود افلام

++ طب والحل يا تيته قوليلي

اعمل ايه؟؟

+لازم تبقي يا قمره ف عينه

مهما يبص

كل الستات فيكي يشوفهم

انتي وبس

وتكوني ف قلبه ولو غايبه

وبيكي يحس

البسي له كل الألوان

جددي نفسك طول اليوم

واعزفي ليه احلي الأنغام

واسمعي منه لو حيقول

وافرحي لو لقيته مبسوط

وخديه ف حضنك لو مهموم

حبي جنانه لو يتجنن

واطلبي ان اللحظه تدوم

++ وإن ما طمرش العشره يا تيته

+ إن ما طمرش العشره يا سكر

ابقي انفيه

واعملي بره حياتك سله

وفيها ارميه

++ قولي يا تيته قولي وعيدي

من حكاياتك ليا انا زيدي

اصل اليوم وياكي يا تيته

اجمل فرحه بأدوقها في عيدي

+ شوفي يا غزال

لو لقيته مجروح ليه داوي

وف لياليه خليكي الراوي

واحكي حكايه جديده تملي

فيكي يدوب ويكونلِك غاوي

++وإذا بيحب الباميه يا تيته؟؟

+ اطبخيهاله

++طب والفته؟؟

+اظبطيهاله

بس ابعدي فيها عن التوم

علشان بيتقل في النوم

++طب و الكوسه؟؟

+اعمليهاله

واديه فوقيها كمان كام بوسه

+ بس يا تيته انا مابأحبش

++ لو هو يحب..قوام حبي

لو يكره.. اياكي تحبي

++وإن ماطمرش العشره يا تيته؟؟

+يبقي ارميه

وابقي انسيه

إن ما طمرش العشره يا سكر

يبقي انفيه

gogo1

02-04-2005, 01:46 AM

:brb: :brb: :brb: :brb: :brb: :brb:
:brb: :brb: :brb: :brb: :brb: :brb:
:tu: :tu: :tu: :tu: :tu: :tu: :tu:

غزال رجعلك بس اخلص ضحك

انا بس بحجز مكان

:brb: :brb:

الدكتورة داليا

02-04-2005, 01:58 AM

غزال
يسلمووووووووووو على الموضوع الحلو هادا
بجد بيعقد :tu: :tu: :tu: :tu:

محمد فارس

02-04-2005, 11:27 AM

+ شوفي يا غزال

راح اقول لك كلمه ومعانيها

بس مش دلوقتى00

موعوود

02-04-2005, 05:22 PM

غزاااااال
ورجعت أحلي أغاني ونور العامي من تاني
وياسلام علي الجمال والمتعه
واحلي حوار بين تيته والغزال
واجمل تحيه اليكما

أسامه علي ( محب )

02-04-2005, 09:53 PM

أنا ببصم بصوابعي العَشَرَة

للي قالتو تيته عن العِشْرَة

أيوه إمال

ست كبيره وعاقله وفاهمة

وبنت حلال

مش زيك لساكي كتكوته

صح كلامي يا واد يا غزال

بس شاطره تقولي هنفيه

وتعملي بره

حياتك سله وفيها ترميه

وإن نفتيه ؟؟؟؟؟
يا دي النيله
دا انتي بجد يا شيخه جريئة

هو إحنا لاقيين رجاله

تفتكري هيكون دا الحل

ده مش ظني يا ست الكل

ما أظنش هتكوني مبسوطه

طول الوقت بكا وصداع

ومحزمه راسك بالفوطه

أصل العشرة مش بتهون

وحياتك ترجع ببساطه

أحلا جوازة للبنت الأولى

لو تتكرر تبقى عبيطه

حبة صبر يا بنتي شويه

تبقى العيشه بجد هنيه

لو مليتي حياتك خالص

خليه يختي يكونلك حيطه

تسندي ضهرك

اللي فاضلك أيام عمرك

وإن شالله ربنا يهديه

لما هنصبر

يرجع زي الأول وأكتر

يرجع تاني بقوة يحبك

وإنتي كمان بردو تحبيه

دا الـ أنا بتمناه تقوليه

مش تنفيه
دا يا غزال كل الحدوته

وإسألي إيه كان قصد التيته

يا سيدي ع الحلاوة يا سيدي ع الجمال
والله كبرنا وبقينا أساتذه يا غزال

الغزال الشارد

02-04-2005, 11:33 PM

:brb: :brb: :brb: :brb: :brb: :brb:
:brb: :brb: :brb: :brb: :brb: :brb:
:tu: :tu: :tu: :tu: :tu: :tu: :tu:

غزال رجعلك بس اخلص ضحك

انا بس بحجز مكان

:brb: :brb:

ايه يا عمو جابر......؟؟

انت لسه بتضحك وللا ايه..؟؟

مستنينك يا عمنا.......

:knight: :knight: :knight:

الغزال الشارد

02-04-2005, 11:35 PM

غزال
يسلمووووووووووو على الموضوع الحلو هادا
بجد بيعقد :tu: :tu: :tu: :tu:

تسلمي يا دكتوره.........

وجودك اروع طبعا.........

:wub: :wub: :wub:

الغزال الشارد

02-04-2005, 11:39 PM

بس مش دلوقتى00

امال امتي؟؟

:think3: :think3: :think3: :think3:

محمد فارس

02-05-2005, 01:21 AM

غزالنا الرائع

انت عملتى لينا نقلة حلوة وجميلة وخفيفة الظل وفى نفس الوقت معالجة لأمور واقعية بطريقة جريئة 0

---

انا حبيت ادخل مود الموضوع لكن لقيت نفسى شَتْيت بعيد000بس كان عندى اصرار انكم تقروها00علشان تشتوا معاى00اشمعنى انا

000

شوفى ياتيته 00عُمره الراجل فينا ياسُكر

ييجى فـ0يوم يجحد يتنكر
انا عن نفسى لما بَحب
حُبى يكون اكتر من اكتر
000
قولى ياتيته00
لما مراتى تعمل زيطه
تيجى تحاسب00تيجى تقول
انا غديتك من غير قول
طيب أفضح ولاّ أخبّىِ
إحكىِ وقولها انت ياقلبى
إيه غدوتنا غير كان فول
أمس وبكره 00وبقول00"كووول"
000
قولى ياتيته00تربتيته
آجىِ من شغلى جسمى مكَسّر
آكل لقمة فيها اتعَسّر
أتارى الهانم عملت خلطة
من زيت خروع 00برميل شطة
أسأل إيه ده من غير "أنْسَر"
أقعد أهْرىْ00كمان أتحَسّر
000
قولىِ ياتيته00قولى وصارحى
لما مراتى تِزَوّد جَرحىِ
فكرك يعنى00اسيبها فى حالها
ولاّ جزاها يكون طُحّالها
انا عن نفسى 00حشخط00أنتر
اجيب القطة00أدبحالها
تعرف مين بقى كان أوحالها
----
تيته ياتيته
تربتيته
000

الغزال الشارد

02-05-2005, 03:25 PM

غزاااااال
ورجعت أحلي أغاني ونور العامي من تاني
وياسلام علي الجمال والمتعه
واحلي حوار بين تيته والغزال
واجمل تحيه اليكما

موعوود واحلي كلام.........

نور العامي عمره ما بيضعف ولا بيطفي............

اصل لينا واسطه في محطة الكهربا........

وعندنا دينامو اساسي اسمه موعوود.......

واعمدة القسم كتيييييييييييييير............

وجودك مالي الدنيا نور يافندم......

والكهربا زادت وكهربتنا...........

ورردة ورردة ورردة ورردة

الغزال الشارد

02-05-2005, 03:37 PM

أنا ببصم بصوابعي العَشَرَة

للي قالتو تيته عن العِشْرَة

أيوه إمال

ست كبيره وعاقله وفاهمة

وبنت حلال

ربنا يكرمك يا استاذ محب........

مش زيك لساكي كتكوته

صح كلامي يا واد يا غزال

صح جدا قوي خالص.........

هو انا اقدر افتح بقي..........

:chains: :chains: :chains:

بس شاطره تقولي هنفيه

وتعملي بره

حياتك سله وفيها ترميه

وإن نفتيه ؟؟؟؟؟
يا دي النيله
دا انتي بجد يا شيخه جريئة

هو إحنا لاقيين رجاله

تفتكري هيكون دا الحل

ده مش ظني يا ست الكل

ما أظنش هتكوني مبسوطه

طول الوقت بكا وصداع

ومحزمه راسك بالفوطه

أصل العشرة مش بتهون

وحياتك ترجع ببساطه

أحلا جوازة للبنت الأولى

لو تتكرر تبقى عبيطه

حبة صبر يا بنتي شويه

تبقى العيشه بجد هنيه

لو مليتي حياتك خالص

خليه يختي يكونلك حيطه

تسندي ضهرك

اللي فاضلك أيام عمرك

وإن شالله ربنا يهديه

لما هنصبر

يرجع زي الأول وأكتر

يرجع تاني بقوة يحبك

وإنتي كمان بردو تحبيه

دا الـ أنا بتمناه تقوليه

مش تنفيه
دا يا غزال كل الحدوته

وإسألي إيه كان قصد التيته

يا سيدي ع الحلاوة يا سيدي ع الجمال
والله كبرنا وبقينا أساتذه يا غزال

تيته يا تيته
ايه كان قصدك
لما سألتك انا قولتيلي
إن ماطمرش العشره يا سكر
ابقي انفيه

عمو محب يا تيته معارض
ولدراعاته جاي وفارد
عامل فيها شمشون اسم الله
حلو كلامه سخن وبارد

شوفي يا غزال
عمو محب يا سكر راجل
لازم ييجي بسرعه يدافع
يعمل فيها شمشون او عنتر
في الأول..في الأخر راجل

طب وياتيته
ايه الرد؟؟
عاوزين نتكلم ونرد
ونقول كلمه صادقه بجد

شوفي يا غزال
قولي لعمو خلاص بلا خيبه
لما تبيعوا تبقي مصيبه
لازم احنا نرد عليها
ونقول لك والله دي عيبه

قولي لعمو قلته احسن
بلا نيله بلا جواز بلا غم
ايه نابنا غير وجع القلب
شيلتونا معاكوا الهم

احلي جواز للبنت يا عمو
اللي يدوم
ويكون جوزها راجل عاقل
مش مجنون
يحفظ كده ويصون العشره
مش بيخون
علشان تحلف انها ملكه
مهما يكون

عمو يا عمو.........

تيته بتسلم عليك........

:tu: :tu: :tu: :tu:

صفحات العمر

02-05-2005, 08:00 PM

السلام عليكم ورحمة الله وبركاته

اختى الرائعه الغزال الشارد

تالق جديد يثبت ويؤكد على اصالة موهبتك:tu: :tu: :tu:

لى عوده باذن الله لاتواصل مع هذا النص الراقى جدا

محمد

قلب نابض

02-06-2005, 12:17 PM

روعة ة ة ة ة ة ة ة ة ة ...........بمنتهى الصدق روعة

كلاماتك برشاقة الغزال ..وأسلوبك بخفه حركته

أسامه علي ( محب )

02-06-2005, 06:41 PM

تيته يا تيته

ايه كان قصدك
لما سألتك انا قولتيلي
إن ماطمرش العشره يا سكر
ابقي انفيه

عمو محب يا تيته معارض
ولدراعاته جاي وفارد
عامل فيها شمشون اسم الله
حلو كلامه سخن وبارد

شوفي يا غزال
عمو محب يا سكر راجل
لازم ييجي بسرعه يدافع
يعمل فيها شمشون او عنتر
في الأول..في الأخر راجل

طب وياتيته
ايه الرد؟؟
عاوزين نتكلم ونرد
ونقول كلمه صادقه بجد

شوفي يا غزال
قولي لعمو خلاص بلا خيبه
لما تبيعوا تبقي مصيبه
لازم احنا نرد عليها
ونقول لك والله دي عيبه

قولي لعمو قلته احسن
بلا نيله بلا جواز بلا غم
ايه نابنا غير وجع القلب
شيلتونا معاكوا الهم

احلي جواز للبنت يا عمو
اللي يدوم
ويكون جوزها راجل عاقل
مش مجنون
يحفظ كده ويصون العشره
مش بيخون
علشان تحلف انها ملكه
مهما يكون

عمو يا عمو.........

تيته بتسلم عليك........

:tu: :tu: :tu: :tu:أيوة يا تيته كلامك صح

وأنا وياكي ف كل كلامك

ماقدر أكحُ

وأنا على فكرة بردو يا تيته

طيب خالص

ولا عمر أعرف الف وأدور

ولا حتى ملاوص

مش زي م غزال بتقولك

عمو جاي فارد درعاتو

آل بيخوفنا بعضلاتو

أنا بالعكس بجد يا تيته

جاي وبكل كلامك حاسس

بس يا تيته

وسعي صدرك ليه شوية

أما غزال فسبيها عليه

إيه دا يا أونكل

كل كلامك ليه متعنكل

سامعه يا تيته

بس يا بت جاك قطع لسانك

خليكي قاعده جنب إخوانك

ولما عمو ييجي يتكلم

إكتمي صوتك

فاهمة كلامي

أيوه يا مامي

أول حاجه نسمي يا نينا

ونصلي ونزيد ونسلم

ع اللي هيشفع فيكي وفينا

لما البيت يحصل فى شروخ

تيجي بسرعة وتهديه ؟؟

ردي بسرعة عليه يا تيته!!!

ولا تجيبي ناس تفهم فيه

تفحص كل البيت وتعاين

يمكن تلقى عيب مش باين

وبعد دراسه يقولوا عليه

صح يا تيته وتعالجيه

والنبي يبني صح كلامك

مش سامع سكر بتقولك

يامَ عملت مش طامر فيه

أيوة يا تيته ...تقوم ترميه!!!

صبرك بس عليه يا تيته

الموضوع مش محتاج زيطة

لما نفكر فيها بالعقل

نلقا كل أمورنا بسيطه

دا ياتيته مش جاي بإيجار

ولا باعتو مقاول أنفال

دا يا تيته بسلامتو راجلها

ومهما يكون بردو أبو عيالها

حبة صبر على حبة مر

تلقى الأمر بسرعه يمر

يلا يابنتي على بيت جوزك

إمشي إمال

يلا يا بنتي سماح النوبه

خلاص يا غزال

اوعي تكوني ناويالو على شر

ويبقا المرة الجاية يا خوفي

مش تنفيه

يطلع من بيتك متقطع

وف كام كيس كده وتلفيه

أحلا سلام يا غزال للتيته

مـؤيـد

02-06-2005, 06:54 PM

الغزال الشارد..
يمكن بحس بربكة وانا بكتب الرد ده :huh:
مش عارف!
هوا انا يمكن اول مرة أرد أو حتى أكتب في "اكتب عامي"!
بس عشان هنا.. امتعتينا بجد يعني
مش هعرف اقول ايه :chains:
سلمي لي على تيته وقوليلها جوارح بيقول: خلي بالك من سكر يوه بقى

بس :chains:

بنت الماضي

02-06-2005, 10:40 PM

ايه النصايح المتنقيه دي يا غزال :brb: :brb: :brb: :brb: :brb:

غزال ......
احلى حاجه تتجوزي راجل فول ابشن وبفتحه في السقف :brb: :brb: :brb: :brb: :brb:

الغزال الشارد

02-08-2005, 11:43 PM

غزالنا الرائع

انت عملتى لينا نقلة حلوة وجميلة وخفيفة الظل وفى نفس الوقت معالجة لأمور واقعية بطريقة جريئة 0

---

انا حبيت ادخل مود الموضوع لكن لقيت نفسى شَتْيت بعيد000بس كان عندى اصرار انكم تقروها00علشان تشتوا معاى00اشمعنى انا

000

شوفى ياتيته 00عُمره الراجل فينا ياسُكر

ييجى فـ0يوم يجحد يتنكر
انا عن نفسى لما بَحب
حُبى يكون اكتر من اكتر
000
قولى ياتيته00
لما مراتى تعمل زيطه
تيجى تحاسب00تيجى تقول
انا غديتك من غير قول
طيب أفضح ولاّ أخبّىِ
إحكىِ وقولها انت ياقلبى
إيه غدوتنا غير كان فول
أمس وبكره 00وبقول00"كووول"
000
قولى ياتيته00تربتيته
آجىِ من شغلى جسمى مكَسّر
آكل لقمة فيها اتعَسّر
أتارى الهانم عملت خلطة
من زيت خروع 00برميل شطة
أسأل إيه ده من غير "أنْسَر"
أقعد أهْرىْ00كمان أتحَسّر
000
قولىِ ياتيته00قولى وصارحى
لما مراتى تِزَوّد جَرحىِ
فكرك يعنى00اسيبها فى حالها
ولاّ جزاها يكون طُحّالها
انا عن نفسى 00حشخط00أنتر
اجيب القطة00أدبحالها
تعرف مين بقى كان أوحالها
----
تيته ياتيته
تربتيته

000

سامعه يا تيته
عمو محمد
جاي بيقول لك
ترابتيته

تيته يا تيته
ردي يا تيته
من غير ايوها ترابتيته

++شوف يا سي فارس
قالوا زمان كده في الأمثال
ياجاريه قومي واعملي غدوه
حلوه تمام
يا سيدي كلّف وانا حأطبخلك
محشي حمام

عاوز تاكل اكله هنيه
شخلل جيبك
لما حتكنز قرشك دايما
ايه حيفيدك؟؟

++شوف يا سي فارس
لما مراتك تقسي ياخويا
انت تسامح
وتكون كده اعقل م الازم
ست وعقلها طبعه خفيف
علي ايه تشخط؟؟
علي ايه تنتر؟؟
طب والقطه ذنبها ايه؟؟
دي مجرد كائن وضعيف

استاذ فارس.............

تيته بتسلم عليك....

الغزال الشارد

02-08-2005, 11:46 PM

السلام عليكم ورحمة الله وبركاته

اختى الرائعه الغزال الشارد

تالق جديد يثبت ويؤكد على اصالة موهبتك:tu: :tu: :tu:

لى عوده باذن الله لاتواصل مع هذا النص الراقى جدا

محمد

ادينا مستنين العوده...........

اما نشوف..........

:twee: :twee: :twee:

بس يارب شأبنا ما يطلعش علي نونه

:closeeye: :closeeye: :closeeye:

الغزال الشارد

02-08-2005, 11:47 PM

روعة ة ة ة ة ة ة ة ة ة ...........بمنتهى الصدق روعة

كلاماتك برشاقة الغزال ..وأسلوبك بخفه حركته

اخي الكريم........

اخجلتني بعذب الكلمات.......

جزاك الله خيرا........

ورردة ورردة ورردة ورردة

الغزال الشارد

02-09-2005, 12:02 AM

أيوة يا تيته كلامك صح

وأنا وياكي ف كل كلامك

ماقدر أكحُ

وأنا على فكرة بردو يا تيته

طيب خالص

ولا عمر أعرف الف وأدور

ولا حتى ملاوص

مش زي م غزال بتقولك

عمو جاي فارد درعاتو

آل بيخوفنا بعضلاتو

أنا بالعكس بجد يا تيته

جاي وبكل كلامك حاسس

بس يا تيته

وسعي صدرك ليه شوية

أما غزال فسبيها عليه

إيه دا يا أونكل

كل كلامك ليه متعنكل

سامعه يا تيته

بس يا بت جاك قطع لسانك

خليكي قاعده جنب إخوانك

ولما عمو ييجي يتكلم

إكتمي صوتك

فاهمة كلامي

أيوه يا مامي

أول حاجه نسمي يا نينا

ونصلي ونزيد ونسلم

ع اللي هيشفع فيكي وفينا

لما البيت يحصل فى شروخ

تيجي بسرعة وتهديه ؟؟

ردي بسرعة عليه يا تيته!!!

ولا تجيبي ناس تفهم فيه

تفحص كل البيت وتعاين

يمكن تلقى عيب مش باين

وبعد دراسه يقولوا عليه

صح يا تيته وتعالجيه

والنبي يبني صح كلامك

مش سامع سكر بتقولك

يامَ عملت مش طامر فيه

أيوة يا تيته ...تقوم ترميه!!!

صبرك بس عليه يا تيته

الموضوع مش محتاج زيطة

لما نفكر فيها بالعقل

نلقا كل أمورنا بسيطه

دا ياتيته مش جاي بإيجار

ولا باعتو مقاول أنفال

دا يا تيته بسلامتو راجلها

ومهما يكون بردو أبو عيالها

حبة صبر على حبة مر

تلقى الأمر بسرعه يمر

يلا يابنتي على بيت جوزك

إمشي إمال

يلا يا بنتي سماح النوبه

خلاص يا غزال

اوعي تكوني ناويالو على شر

ويبقا المرة الجاية يا خوفي

مش تنفيه

يطلع من بيتك متقطع

وف كام كيس كده وتلفيه

أحلا سلام يا غزال للتيته

لحظه يا اونكل
بس شويه
صبرك كده
بالراحه عليا

طب نتفاهم
لما مراتك تزعل منك
راح ترميها
وعلي بيت اهلها وتوديها

صح يا تيته؟؟

++ صح يا سكر
قولي يا قمره

يبقي يا اونكل
المفروض انك تصالحها
وتورح ليها هناك وتجيبها
مش تقعد في البيت بهدوئك
وعاوزها تطاطي وتجيلك
والحزن مغرق ملامحها

صح يا تيته
++ ايوم يا نونو صح كلامك
يسلم قلمك ويا لسانك

بص يا اونكل
انا عن نفسي عندي كرامه
لو حيفكر يوم يطردني
كده من بيتي..ويزعلني
عمري ما حأرجع
وان حط ودانه ف منخيره
غير لو جالي بيبكي دموعه
وحلف انه ما راح يجرحني

وان حسيت انا بيه ندمان
داق ف بعادي كتير حرمان
وعذاب ياما اشكال والوان
ممكن ارجع زي زمان

بس ان جه تاني وزعلني
وعلي بيت اهلي قام رحلني
يومها يا اونكل
مش حيكفي اني انفيه
يومها بجد حأولع فيه

وسلامات يا اونكل من تيته........

الغزال الشارد

02-09-2005, 12:04 AM

الغزال الشارد..
يمكن بحس بربكة وانا بكتب الرد ده :huh:
مش عارف!
هوا انا يمكن اول مرة أرد أو حتى أكتب في "اكتب عامي"!
بس عشان هنا.. امتعتينا بجد يعني
مش هعرف اقول ايه :chains:
سلمي لي على تيته وقوليلها جوارح بيقول: خلي بالك من سكر يوه بقى

بس :chains:

ان هذا يجعل من مرورك شئ خاص......

يعتز به كل من هم يخطون حروفهم في اكتب عامي

اخي العزيز

اخجلتم تواضعنا.....

وسعيدة انا ان كلماتي اسعدتك

ورردة ورردة ورردة

الغزال الشارد

02-09-2005, 12:07 AM

ايه النصايح المتنقيه دي يا غزال :brb: :brb: :brb: :brb: :brb:

يللا علشان بس ماتقوليش اني حارماكي من حاجه

:twee: :twee: :twee:

غزال ......
احلى حاجه تتجوزي راجل فول ابشن وبفتحه في السقف :brb: :brb: :brb: :brb: :brb:

لالالالالالالالالالالالالالالالالالالالالا

انا بأقول اجيبه 5 عيون......وفرن وشوايه..........

وياحبذا لو كان تكنو جاز.............

واهم شئ يكون بيشتغل بالغاز الطبيعي..........

:brb: :brb: :brb: :brb:

العنتيل الدامد جوووى

02-09-2005, 11:32 AM

غزال

عشره على عشره :tu:

وسلم لى على تيته... :flowers:

لوعايزة ابعت لك القصيده الجديده... :closeeye:

ابعتى على الخاص الخمسين الجنيه بتاعة القصيدة اللى فاتت :twee:

الغزال الشارد

02-11-2005, 03:58 AM

غزال

عشره على عشره :tu:

وسلم لى على تيته... :flowers:

يوصل يا عنتيل......

وهي كمان بتسلم عليك.....

وبتقول لك فين ال 100 جنيه بتوع اللإستشاره الأخيره في كيف تعكنن علي مراتك...؟؟؟

:twee: :twee: :twee: :twee:

لوعايزة ابعت لك القصيده الجديده... :closeeye:

ابعتى على الخاص الخمسين الجنيه بتاعة القصيدة اللى فاتت :twee:

لما تدفع اللي عليك الاول........

عندنا 3 استشارات الأستشاره ب 100 جنيه....يبقوا 300 جنيه...

:closeeye: :closeeye: :closeeye: :closeeye:

عنتيل باشا........

منور والله.............

ونورك زاد وغطي......علي الكهربا.......

ورردة ورردة ورردة ورردة ورردة

جمال النجار

02-12-2005, 02:55 PM

اختى الفاضلة الغزال الشارد
اسمحى لى اولا ان اقبل يد تيته على حكمتها وعقلها
ثانيا اطالب الحكومة المصرية بكل جدية ان تقوم بدرج هذه القصيدة فى المقررات الدراسية بكل مراحل التعليم
لو حدث ذلك سيعم السلام والامان كل البيوت المصرية
وستنتهى حاجتنا الى محاكم الاسرة
بصراحة انت رائعة
انت لست عبقرية موهوبة فقط بل انت ايضا مثال للحككمة والعقل
دمت لنا جميعا صوتا لحق فى مواجهة الجبروت النسائى
وكل سنة وانت طيبة بمناسبة العام الهجرى الجديد اعاده الله عليك وعلى الاسرة الكريمة بكل الخير
جمال النجار

الغزال الشارد

02-17-2005, 08:39 PM

اختى الفاضلة الغزال الشارد
اسمحى لى اولا ان اقبل يد تيته على حكمتها وعقلها

بارك الله فيك يا والدي.......

واسمح لي انت ان اعتذر عن تأخري في الرد لظروف خارجه عن ارادتي....

ثانيا اطالب الحكومة المصرية بكل جدية ان تقوم بدرج هذه القصيدة فى المقررات الدراسية بكل مراحل التعليم

ما كلنا بنطالب الحكومه........يعني جت عليك انت.......:drop: :drop:

لو حدث ذلك سيعم السلام والامان كل البيوت المصرية
وستنتهى حاجتنا الى محاكم الاسرة

ساعتها محاكم الأسره هي اللي حتتلكك وتحتاجنا......:twee:

بصراحة انت رائعة
انت لست عبقرية موهوبة فقط بل انت ايضا مثال للحككمة والعقل
دمت لنا جميعا صوتا لحق فى مواجهة الجبروت النسائى
وكل سنة وانت طيبة بمناسبة العام الهجرى الجديد اعاده الله عليك وعلى الاسرة الكريمة بكل الخير
جمال النجار

والدي العزيز...اذا سمحت لي ان اناديك بوالدي......

لو تعلم مدي سعادتي بوجود انسان رائع مثلك بين كلماتي....

والله لقد عجزت حروفي عن التعبير عن مبلغها....

يوه بقى يوه بقى يوه بقى يوه بقى

محمد فارس

03-03-2005, 12:49 PM

جيت بس اقرا النصايح تانى

hamlet

03-06-2005, 11:21 PM

احبائى جدا جدا
منكم لله 00 فتحتوا نفسى للكتابه العامى من كتر روعه مناظراتكم 00صحيح انا لسه مبتدىء فى المجال ده 00 بس كبرت معايا ان يبقالى مكان وسطكم
بجد بجد انتوا اكثر من رائعين 00 احساس ايه 00 و جمال ايه 00 و جمل راقيه ايه 00 ربنا يحميكوا 00 و تثروا حياتنا و تملوها بروائعكم
و ياريت تقبلوا منى المداخله دى
دمتم لى جميعا
وسع وسعى انتى و هوه

عامله حكيمه ؟؟؟ عامل لى فتوة ؟؟

نازلين دش و كتر كلام

كله لتيته يدق سلام

تيته عماله تدى نصايح

و تحط ف بارفان و روايح

علشان ما كلامها يكون سكر

بس خسارة 00جه متأخر

قاعده مربعه ع السجادة

و بتعمل فنجانها الساده

كل شوية تقول بقين

وترجع تنعس زى العادة

تيته يا حلوة يا ست الكل

ياللى كلامك زى الفل

كل كلامك ده على راسى

بس زماننا ده زمن قاسى

وانت ياتيته مانتيش حاسه

أن الدنيا حالها اتشقلب

قاعده بتدنى انتى فى مالطه

مع ناس احاسيسها بقت مقلب

تيته يا ست الكل يا قيمة

قولك ده بقى موضه قديمه

دى الستات بقوا حاجة فظيعه

و الرجالة ؟؟ ياختى قطيعه

اياكشى تكونى فاكرة يا تيته

أن غزال زيك فى زمانك

ولا اسامه افندى ( محب )

زى الرجاله اللى ف بالك

ولا سى هاملت ولا سى فارس

اصحى يا تيته 00دى هاصت خالص

انتوا يا تيته كنتوا زمان

بتحبوا 00وتصونوا العشرة

و بتزرعوا افكار و مبادىء

و تربوا عشرة على عشرة

كنتى يا تيته كل آمالك

ازاى تزرعى فينا حنانك

و الفجر تقومى تصليه

وكل همومك 00 نطبخ ايه ؟

وازاى جدو يرجع يلقى

بيته بيربق زى الفل

كنتى يا تيته شجرة و ضله

بتحاوطى علينا و ع الكل

جدو كمان

جدو كمان كان راجل قيمه

كل حياته انتى و عياله

دنيته هاديه 00مش متلخبط

بكره مكانشى شاغل باله

بنته كبرت ؟؟ حلو 00 وماله

حيجهزها احلى جهاز

حيجيبلها فساتين و صوانى

طقم الاوبيسون و البوتجاز

و الواد احمد دخل الجامعه

شقه فخيمه للاستاذ

وكنتوا تلموا عيالكوا ليلاتى

تحكوا حكاوى أمل وزهور

ومكونتوش شايلين الهم

ضحككوا واصل رابع دور

بس الدنيا ياتيته 00ياحسرة

اتبدلت وبقت حاجه تانيه

كتر الهم حنالى كتافى

و اليوم بقى بيمر ف ثانيه

الستات بقى حالهم مايل

والرجاله بقم ( فساكونيا )

طب ايه قولك 00لسه امبارح

داخل بيتى و عامل عنتر

شارى فرخه من الجمعيه

و عيش م الفرن و كام كيلو سكر

قلت اهى اكله تبر شويه

معدتى نشفت م الطعميه

القى الهانم قاعده تسح

ضاربه لى بوز يفرش فدان

آل ايه فاطمه جابت الدش

طب و اشمعنى 00ماحنا كمان

وكمان جوز اختها زغلول

كل يومين بياخدهم مول

دش و مول ياوليه يا طقه؟؟

داحنا يدوب بنجيب الطقه

هوب و قامت فارشه لسانها

أنا مسكتش

رحت رازعها

عارفه يا تيته أنا بكتب منين؟؟؟؟؟؟؟

عنبر 6

سرايه المجانين:lolly:

د.نبيل السيد

03-08-2005, 05:20 PM

ابنتى العزيزة الغزال الشارد
حدثونى كثيرا انك فعلا غزال شارد فى بحار الكلمات
وقالوا انك تمتلكين ناصية الكلمة
وانك تكتبين كلماتك بخفة الدم المصرية
وارى انهم ما خدعونى
فانت تمتلكين ناصية الكلمة بكل مهارة
وتكتبين بكل اقتدار وتعالجين اصعب المواضيع بمنتهى خفة الدم وهو ما يدل على اصالة موهبتك وقوتها
نبيل السيد

الغزال الشارد

03-09-2005, 01:21 AM

جيت بس اقرا النصايح تانى

شرف لينا يا استاذنا الكبير..........

هو احنا نطول..........

البيت بيتك طبعا.............

ورردة ورردة ورردة ورردة

الغزال الشارد

03-09-2005, 01:27 AM

عارفه يا تيته أنا بكتب منين؟؟؟؟؟؟؟

عنبر 6

سرايه المجانين:lolly:

اهي دي اخرة اللي ما يسمعش نصايح تيته........

وعلشان تعرف بقي...........

احنا اللي عملنا فيك كده...........

كان مالك ببتوع عامي...........

ما انت كنت عاقل.............

لازم تسمع لغزال يعني...........؟؟

ما انت كنت عاقل وفي حالك...........

استاذ هاملت...........

رائع ما كتبت...........وكان لي كل الفخر ان تنشر احدي روائعك كتداخل مع احدي قصائدي.........

ورردة ورردة ورردة ورردة ورردة

hanod

03-09-2005, 01:28 AM

وندرفل :55:

بجد ماشاء الله اكبر مش عارفه اقولكوا ايه :sniff:

انا ماكنتش بحب الحاجات دى وعجبتنى على ايديكوا :wub:

ماشاء الله عليكى يا غزال منتهى الرشاقه في الكلمات والتعبير :knight:

استاذ (محب) منتهى حب الكلمات وانت بتسطرها :wub:

الموهبه اللى اتشجعت hamlet ماشاء الله عليك رووووعه فعلا مبهر :واه يابوي

بجد انا مدهوشه من اللى قريته من روعه واسلوب وطريقه محاوره ربنا يثرى عقولكوا

والموضوع فى الصميم :twee:

الغزال الشارد

03-09-2005, 01:34 AM

ابنتى العزيزة الغزال الشارد
حدثونى كثيرا انك فعلا غزال شارد فى بحار الكلمات
وقالوا انك تمتلكين ناصية الكلمة
وانك تكتبين كلماتك بخفة الدم المصرية
وارى انهم ما خدعونى
فانت تمتلكين ناصية الكلمة بكل مهارة
وتكتبين بكل اقتدار وتعالجين اصعب المواضيع بمنتهى خفة الدم وهو ما يدل على اصالة موهبتك وقوتها
نبيل السيد

د. نبيل............

جزاك الله خيرا علي رقيق كلماتك..........

واتمني ان اكون عند حسن ظنك..........وان استحقها.........

بس سؤال برئ..........

مين اللي حدثوك.............؟؟

:think3: :think3: :think3:

الغزال الشارد

03-09-2005, 01:40 AM

وندرفل :55:

بجد ماشاء الله اكبر مش عارفه اقولكوا ايه :sniff:

انا ماكنتش بحب الحاجات دى وعجبتنى على ايديكوا :wub:

ماشاء الله عليكى يا غزال منتهى الرشاقه في الكلمات والتعبير :knight:

استاذ (محب) منتهى حب الكلمات وانت بتسطرها :wub:

الموهبه اللى اتشجعت hamlet ماشاء الله عليك رووووعه فعلا مبهر :واه يابوي

بجد انا مدهوشه من اللى قريته من روعه واسلوب وطريقه محاوره ربنا يثرى عقولكوا

والموضوع فى الصميم :twee:

والله يا هنود انتي اللي وندرفل..........

ومتشكرين يافندم علي الكلام الجامد ده...........

يا وندرفل انتي.........

ورردة ورردة ورردة ورردة

nawras56

03-19-2005, 01:26 PM

عنوانى هو حكمتى كيف الحال استاذ نبيل اسلوبك الرائع هو حياتنا اليوميه سبحان الله هذا ما فكرت فيه من اول قراءة لحضرتك ارجو لك التوفيق وارجو ان اقرأ الكثير

sabina

01-01-2007, 04:44 PM

:rosy: جميلة هذه النصائح ولكن يجب ان نصبر ولاننفيه وليكن على قدر صبرنا ثوابنا http://haridy.com/ib/images/icons2/icon12.gif