اكتب عامى..واحرق دمى [الأرشيف]

شاعر أفندى

02-01-2005, 12:47 PM

اكتب عامى
واحرق دمى
لم عليه أبويا وعمى

يابنى فوق واصحى
لغتنا هيه الفصحى
لغة الشعر بجد
ومن غيرها
ما يقراهوش أى حد

يا والدى الشعر إحساس
كلام بسيط بين الناس
بلغتهم وباللغة العامية
مش بعيب في الفصحى ديه
ولا بأقول دى لغة ثانوية
دى لغتنا ومجدنا
وزى ما بكتب بالعامية
بكتب برضه بلغتنا

والشعر - من رأيي - لو بقيود
أكيد مايبقاش شعر
زى السمكة في قلب البحر
محبوسة طول حياتها جوه الميه
نفسها تخرج تشوف الدنيا
أو حتى تعيش بره شوية

اكتب عامى
وابعد همى
فرح قلبي .. ونشط دمى
يابنى فوق واصحى
العامية دى لغة للشعر
زى ماكانت برضه الفصحى

Ziphinch

02-01-2005, 01:33 PM

سيدي ياسيدي ..
تكتب عمي تكتب فصحي ... ولو تكتب صعيدي ..
كل كلامك رائع ... حروفك جوا وريدي ..
في كلامك أنت وبالذات ... بحس بأجمل لذات ..
بشوف أجمل أحساس ... بسمع أجمل عبرات ..

العامي بسيط وجميل ... وبيعكس لغة النيل ...
قرآنا نزل بالعربي ... والفصحى كلامها أصيل ...
ممكن أقولك رأيي ... ولوني معاك بختلف ..
من حقك تكتب عامي ... وأنا شايفك فيه محترف ...

لكن أنا ضد العامية ... مش في الشعر ولا في القصة ..
أنا ضد وجوده أصلاً ... في محاضرة أو في الحصة ...
خليها لغة أضفية ... وبلاش ندرس عامية ...
سهلنا بيها الشرح ... وبلاها جمع وطرح ...
وبرامج تلفزيون ... من كل شكل ولون ...
أهانوا بيها العربي ... وعملوا البحر زيتون ...
والطفل كفاية عليه ... يتفرج ع الكرتون ...
عملوه بالعامي كمان ... خلوه من غير مضمون ...
طب فين الفصحى يا ناس ... ؟؟ فين لغة القرآن ... ؟؟

قالولنا كفاية تخلف ... بلا عربي بلا تهيس
والطالب يطلع مش فاهم ... معنى القرآن أو حتى حديث...

MY HERO

02-01-2005, 01:50 PM

ياعيني على التشجيع

عقبال ما اعرف اكتب عامي او فصحى :chr43:

محمد فارس

02-01-2005, 02:05 PM

اكتب عامى
واحرق دمى
لم عليه أبويا وعمى

ياراجل خضيتنى لما قريت العنوان وقبل مااقرا التفاصيل
بس حلوة وملعوبة ياعلى باشا
كلماتك بتعالج قضية وبأسلوب مرح وساخر ، لا وايه وزن مع موسيقى مع خفة دم 000بجد 00حاجة روعة
00القصيدة دى بتقول ياما فى الجراب ياحاواى
والحاوى هنا استاذنا على البدرى
--------
تقديرى واحترامى

محمد فارس

02-01-2005, 02:12 PM

سيدي ياسيدي ..
تكتب عمي تكتب فصحي ... ولو تكتب صعيدي ..
كل كلامك رائع ... حروفك جوا وريدي ..
فكلامك أنت وبالذات ... بحس بأجمل لذات ..
بشوف أجمل أحساس ... بسمع أجمل عبرات ..

العامي بسيط وجميل ... وبيعكس لغة النيل ...
قرآنا نزل بالعربي ... والفصحى كلامها أصيل ...
ممكن أقولك رأيي ... ولوني معاك بختلف ..
من حقك تكتب عامي ... وأنا شايفك فيه محترف ...

لكن أنا ضد العامية ... مش في الشعر ولا في القصة ..
أنا ضد وجوده أصلاً ... في محاضرة أو في الحصة ...
خليها لغة أضفية ... وبلاش ندرس عامية ...
سهلنا بيها الشرح ... وبلاها جمع وطرح ...
والطالب يطلع مش عارف ... معنى القرآن غير تفسير ...
هو الشغل لازم يبقى كدا
صدفة خير من 1000 ميعاد
خليكوا شاهدين 00
" لقد تم القاء القبض على Ziphinch بتهمة تعاطى الشعر العامى واجادته"
وصرح مصدر مسئول بأنه لن يتم الافراج عنه الا بعدما يفضفض لينا بمزيد من اشعاره العامية 0
انا بشكر الاخ على البدرى انه خلاك تقع عندنا علشان نقرالك الكلام الجميل ده وفى انتظار مشاركاتك
بجد 00الموهبة لديك ورائعة فلا تحرمنا من القراءة لك ولا تكتم افكارك يا0Ziphinch

تقديرى واحترامى

صفحات العمر

02-01-2005, 07:42 PM

اكتب عامى
واحرق دمى
لم عليه أبويا وعمى

يابنى فوق واصحى
لغتنا هيه الفصحى
لغة الشعر بجد
ومن غيرها
ما يقراهوش أى حد

يا والدى الشعر إحساس
كلام بسيط بين الناس
بلغتهم وباللغة العامية
مش بعيب في الفصحى ديه
ولا بأقول دى لغة ثانوية
دى لغتنا ومجدنا
وزى ما بكتب بالعامية
بكتب برضه بلغتنا

والشعر - من رأيي - لو بقيود
أكيد مايبقاش شعر
زى السمكة في قلب البحر
محبوسة طول حياتها جوه الميه
نفسها تخرج تشوف الدنيا
أو حتى تعيش بره شوية

اكتب عامى
وابعد همى
فرح قلبي .. ونشط دمى
يابنى فوق واصحى
العامية دى لغة للشعر
زى ماكانت برضه الفصحى

السلام عليكم ورحمة الله وبركاته

احسنت يا استاذ على

الشعر مش مقفى او فصيح

الشعر اللى يهز قلبى وقلبك هو دا الشعر بصحيح

موضوع ولا اجمل وتناول منطقى جدا

تقديرى دائما لك

محمد

شاعر أفندى

02-10-2005, 03:23 AM

سيدي ياسيدي ..
تكتب عمي تكتب فصحي ... ولو تكتب صعيدي ..
كل كلامك رائع ... حروفك جوا وريدي ..
في كلامك أنت وبالذات ... بحس بأجمل لذات ..
بشوف أجمل أحساس ... بسمع أجمل عبرات ..

العامي بسيط وجميل ... وبيعكس لغة النيل ...
قرآنا نزل بالعربي ... والفصحى كلامها أصيل ...
ممكن أقولك رأيي ... ولوني معاك بختلف ..
من حقك تكتب عامي ... وأنا شايفك فيه محترف ...

لكن أنا ضد العامية ... مش في الشعر ولا في القصة ..
أنا ضد وجوده أصلاً ... في محاضرة أو في الحصة ...
خليها لغة أضفية ... وبلاش ندرس عامية ...
سهلنا بيها الشرح ... وبلاها جمع وطرح ...
وبرامج تلفزيون ... من كل شكل ولون ...
أهانوا بيها العربي ... وعملوا البحر زيتون ...
والطفل كفاية عليه ... يتفرج ع الكرتون ...
عملوه بالعامي كمان ... خلوه من غير مضمون ...
طب فين الفصحى يا ناس ... ؟؟ فين لغة القرآن ... ؟؟

قالولنا كفاية تخلف ... بلا عربي بلا تهيس
والطالب يطلع مش فاهم ... معنى القرآن أو حتى حديث...Ziphinich نورتنى وشرفتنى وزودتنى هنا وسرور
أنا فاهم رأيك كويس
همه فعلا زودوها شوية في حكاية استعمال اللغة العامية
يعنى العامية ليها مجالاتها وحواراتها والفصحى برضه ليها مجالاتها وحواراتها

أسعدتنى كلماتك
فلا تحرمنى منها

شاعر أفندى

02-10-2005, 03:30 AM

ياراجل خضيتنى لما قريت العنوان وقبل مااقرا التفاصيل
بس حلوة وملعوبة ياعلى باشا
كلماتك بتعالج قضية وبأسلوب مرح وساخر ، لا وايه وزن مع موسيقى مع خفة دم 000بجد 00حاجة روعة
00القصيدة دى بتقول ياما فى الجراب ياحاواى
والحاوى هنا استاذنا على البدرى
--------
تقديرى واحترامىيا باشا دا انتا اللى أستاذنا والله
دا جمبك يادوب شاعر أفندى على قد حالى

أما بالنسبة لبداية القصيدة أنا حبيت أعمل قلق في العنوان شوية
بس تصدق أنا كده يبقى حصلت على لقب تانى غير شاعر أفندى..

الحاوى
اوعى التعبان يا محمد
:brb: :brb: :brb: :brb: :brb: :brb:

نورتنى يا باشا
وربنا يكرمك ويوفقك

شاعر أفندى

02-10-2005, 03:34 AM

السلام عليكم ورحمة الله وبركاته

احسنت يا استاذ على

الشعر مش مقفى او فصيح

الشعر اللى يهز قلبى وقلبك هو دا الشعر بصحيح

موضوع ولا اجمل وتناول منطقى جدا

تقديرى دائما لك

محمدأنا بأحييك على كلمتك اللى قلتها في حق الشعر
وأنا هأقولك كمان
الشعر أولاً وأخيراً إحساس
اكتب وحرر قلمك بس بفن

أسعدتنى مشاركتك أخى العزيز صفحات العمر
ربنا يكرمك ويوفقك،،،

شاعر أفندى

02-10-2005, 03:36 AM

ياعيني على التشجيع

عقبال ما اعرف اكتب عامي او فصحى :chr43:إن شاء الله تعرف
وتخلينا نشوف ابداعاتك
وأهل القهوة يشجعوك
وأنا أقولك
يا عينى على التشجيع

خالص تحياتي،،،

منار منجد

02-10-2005, 01:55 PM

شاعر أفندي
أعتذر.. بعدد الأيام اللي عشتها
على التأخير
وحعتذر علشان مش لاقية اللي يناسب روعة كلامك

يا شاعر يا فنان
لو بعد القصيدة دي
نص الشعراء في القهوة
ما بدأوش يكتبوا عامي
أنا معرفش حاجة

نهارك زي الورد

شاعر أفندى

02-10-2005, 02:38 PM

شاعر أفندي
أعتذر.. بعدد الأيام اللي عشتها
على التأخير
وحعتذر علشان مش لاقية اللي يناسب روعة كلامك

يا شاعر يا فنان
لو بعد القصيدة دي
نص الشعراء في القهوة
ما بدأوش يكتبوا عامي
أنا معرفش حاجة

نهارك زي الوردسيدة الكلمات المستحيلة
ولا يهمك ..مش مهم التأخير
المهم انك شاركتى ونرتى صفحتى بردك الجميل دا

أجمل تحية خاصة خالصة ليكى
خدى دى كمان:flowers: